|
حركات ليس لها داعي
اكيد معظم المتزوجات مرت عليهم بعض الحركات التافهة من على قولة د .فوزية دريع بنات ابليس اقصد بهذي الحركات - لما الزوجة تتمشى مع زوجها بأي مكان لازم البنات يعطونكم نظرة للزوجة ونظرة للزوج بالتناوب التمعن بالزوج والنظر للزوجة بطرف عين .. مرة صارلي موقف كنا بالسيارة وجانبنا بالإشارة وحده راكبة مع السايق تقريبا عمرها بال 18 سنة ظلت تنظر الى زوجي وبعدين قامت ترقص له حواجبها انا مت من القهر وزوجي حقرها .. - والحركة التافهة الثانية ومو بس انا اكرهها كثير اعرفهم نفس الشي لما الزوجة تنشغل بمشاهده الملابس مثلا وبنتي بالعربة وزوجي يدزها لازم تأتي امرأة سواء بالعشرينات او الثلاثينات وتقابل بنتي بعربتها وتقعد تضحك وتتدلع معاها .. يعني لا يوجد أدب ولا احترام للزوج الواقف .. منتهى الوقاحة .. يعني بذمتكم لو الزوجة اللي قاعده تدز العربة هل تتوقف هالبنت وقامت تلعب مع الطفل ؟؟؟؟ اصلا جان ما عبرته ولا التفتت عليه .. شو مواقفكم بخصوص هذا الموضوع وشلون تتصرفون فيه سواء كنتي الزوجة او الزوج |
كثير تحصل
يكون قصد الفتيات منها التسلية وتشويش الزوجين هداهم الله |
اختى
هذه حركات مفقوسة للجميع ومن تفعلها تحر من شأنها وكل ما علينا قولة هو حسبنا الله ونعم الوكيل |
أنا على طول أعطي في الويه ما أسكت!!
مره كنت أنا وزوجي في محل النظارات وكانا ننتقل من زاويه للثانيه علشان نختار إللي يناسبنا ولحظت وحده عمرها تقريباً 15 أو 17 وكانت تلحقنا وتخز زوجي...فقلت له شوف هذي إللي تلحقنا وتحاول تلفت إنتباهك فقالي طنشيها....فقربت منا بالتدرج فحرجت عليها...........وختفت :) |
فاغر وبرنسس اشكر تفاعلكم :) بس بصراحة صج حركات تقهر وايد مو شوي يعني منتهى قلة الأدب . . والله ان مرة كنا قاعدين بمطعم وحده تولت زوجي بالخز واذا انا شفتها تشوفني بطرف عين واستهزاء . . يعني شنو هالحقد المشكلة احيانا من كثر ما اتنرفز تتنكد الطلعة وتنقلب هوشة لان اعصابي تشد وايد ومرة قلت لزوجي تبي تطلع اطلع بروحك انا ماني طالعة معاك مرة ثانية بخلي طلعاتي مع خواتي اريح لي بس تعوذت عقبها من ابليس لان الزوج اذا ما طلع مع زوجته مع منو بيطلع :( مرة زوجي واقف وماسك عربانة بنتي ويت وحده تلاعبها طبعا الاخت حانية ظهرها عشان تلعب مع بنتي وصدرها مثل ما قال زوجي كله طالع من طريقة وقفتها يالي قام يسب ويلعن فيها جذي اشكال وصخة !!! شنو هالشر اللي بس هدفهم يخربون بين الزوج وزوجته ويمشون !! |
اللقى شنو يعني حرجتي عليها ؟؟؟ :25: |
اختي
اول شي صبحكم الله بالخير والنور ثاني شي نعم قلة ادب وحيه وشي يغهر مو بس جذيه صدقيني يشوفون واحد في يده بس دبله يستجنوون عشان مادري ليش هل عشان تزعل زوجته عليه وتتهاوش وياه وربي في قمة الوقاحه هالناس الي ما تستحي اوقات تلقينها في يدها ولد اخوها وله بنت اخوها الصغير وتكتب رقم وتطرشه على الرجال بذمتج مو قلة حيه اله شي يبط الجبد وربي على العموم خليهم يولون لو انا سوة وحده جيه جدامي وربي لا اخلي زوجتي تطقها ههههههههههه ما عندي زوجه امزح ادعي لي ربي يوفقني يارب على العموم هالناس الي جيه بصراحه قلة حيه..... ولا تتعبين روحج اختي على قولة يدي ذهب زمان كنااااا نلعب بهي **** واتى زمانن بينا يلعبووو ههههههههههههه سلاام اخوج مايهزك |
أخوي ما يهزك
صبحك الله بالنور :17: انا من تقرير مرة قاريته في احدى المجلات ان البنات مصابين بداء البحلقة للرجل المتزوج لأنهم ينظرون له أنه صاحب خبرة عاطفية وجنسية ونفس الشي بالنسبة للشباب لما يبحلقون بالمتزوجة انها صاحبة خبرة ما اقول الا الله يستر على بناتنا :11: |
\\
\ القاعدة عندي تقول 00 عندما تتحرش البنت بالرجل فإن هدفها هو المادة 00 والرجل عندما يتحرش يكون هدفه المتعة 00 \\ \ الاغلب انها حدثت معي بالحرم المكي 00 وانا اجزم ان الهدف هو المادة 00 احترامي |
انا اكثر المرات اللي اطلع فيها مع زوجي يصير لي هالموقف وما انتبه بالعكس هو اللي بنبهني لهالشي وانا اخذ الموضوع بضحك يعني اقول مسكينه خليها تناظر خلها تنبسط عاااادي وطبعاً تكون هي تسمعني واذا هي تناظزر من بعيد ابتسم في وجهها
ليه اقهر نفسي لا هو بيوصلها ولا هي بتوصله تحياتي ....... اساميس |
اخوي كاره كلامه مليوون بالمئه صح بس وش تسوي هالدنيه صايره غلط مو الدنيا الناس تمشي غلط وربي
|
هذا اللي ناقصناا بعد تغازل :16: :16: :19: :19: :29: :29: زوجي وقدامي .. صدق يعني ما بقدر امسك نفسي رايح اعصب عليها واخليهااااااااااااا تكره روحها من الفشلة:14: :14: :14: :14:
|
بصراحة تصير كثير:d بس مدري ليه ما تحصل معي:( مو عشان شي بس عشان اضحك على فغورتي وهي معصبه:11: |
اقتباس:
يعني رحت وكلمتها و هزأتها وقلتلها براحه على عيونك لا يطيحون. |
أنا اليوم رايحه مراجعه مع زوجي بالطبيب وطحت على بنت تخز روجي من وراء النقاب يعني بس عيونها تتلاقط:11: جنها تقوله شوفني ترى أنا أبيك أنا بصراحه أحتريت بس تذكرت كلام د.فوزيه وتعوذت من الشيطان جان أمسك أيده وأبتسمله وألصق فيه أنفقعه مرارتهااااااااااااااااااااااااا:17: يا بنات لما تشوفون زوج وزوجتا حلوين وستايل وصغار وحبون بعض لا تتغبطون... قولو ألله يسعدهم وتتمم عليهم ويرزقنا بالزوج الصالح عشان ألله فعلا يرزقكم وبسكم هدام بيووووت:29: |
أنا ما صارت معي ولو صاااارت أوريهااااا شغل الله عدل ...:16:
والله بنات قليلات حياااا ...:29: بس تدرين ذا صارت لك مرة ثانية تقربي أكثر من زوجك وحتى لو تقدرين تمسكين بيده قدامها وتدلعي عليه وعطيها ذيك النظرة !!! ولا تعطين أي بنت زي هالبنات ولا فرصة تنكد عليك وتأكدي زوجك ماله أي ذنب .. والله يوفقك ويسعدك ويخليكم انتي وزوجك لبعض ...;) |
ياعزيزتي متزوجة ولكن......
ولا يهون الباقين هالحركات تقهرني وانا لحالي وما اقدر اسوي شي لاني لحالي والبنت قليلة الادب اللي يخليها تسوي كذا معناها تقدر تشرشحني قدام الناس لكن اذا زوجي او احد اخواني معي استئسد ارد عليها او اقول لها تبين شي او احرجها قدام الناس بملاحظة او اي كلمة عشان تنحرج وتروح لو كلنا سوينا كذا كان خافت هي واشكالها وحسبو للعوائل الف حساب |
اقتباس:
أخوي ما يهزك التوقيع عجبني مع الأنشودة : ) و الله منكم نستفيد : ) و أنا شكلي بأقلبها نكد لو صارت لا سمح الله |
تصير معايا
أخلي الموقف يمر عادي في السوق لكن بس أرجع البيت أقلبه على زوجي فوق تحت لأنه هو المفروض أللي يتصرف ولو رد على الموقف بكل رجوله كان أستحت البنت وراحت لكن سكوته علامة الرضا والإنبساط ! تحياتي |
الله يستر على بنات المسلمين الله المستعان |
ياربى لاتبلانا
|
والله انا انقهر وانفجلالالالالالالا بعد
بس المصيبه انهم يكنون بعيدات ما يمديني اهزء |
والله أنا أموت قهر من هالحركات..
مره كنت منشغله بمحل وأطالع جهت الإكسسوارات وزوجي بنفس المحل ويطالع المفارش قامت وحده بنت ابليس افتشت اللثام وتبتسم له حتى هو إخترع ماتوقع إتسوي كذا وهي شايفتنا داخلين مع بعض.. والله بغيت اصفقها بس تعوذت من الشيطان وخذيت السلفه مع زوجي بضحك بس لازم مانحسسهم بالإنهزام النفسي لأنها معركه نفسيه بالعكس أقهرهم..لأنهم ينظرون لك بأنك ماتستحقين هالرجال كان المفروض إنها مكانك..وأغلب البنات ألحين-حسبي الله عليهم-يدورون ع المتزوجين ليه؟ لأنهم أكيد بيكونون أكثر جديه من الشباب لأن الشباب مب حق مسؤليه يبي يتسلى وخلاص..بس المتزوج هو ماتزوج غلا إنه قد المسؤليه..(هذا تفكيرهم طبعا) بس نحن لهم بالمرصاد الله يكافينا شرهم يارب |
*
* الاخت العزيزة .. متزوجة ولكن فعلا هناك الكثير من المواقف التي لا معنى لها وأوافقك على الاول اما الثاني :24: فصراحة انت لفتّي انتباهي عليه .. فانا احيانا وبشكل قليل أفعل هذه الحركة ولكن لا انتبه من الواقف على العربة الزوج او الزوجة .. وطبعا اكون بعيدة عن الطفل ولا يكون فعلي ملفت لمن يقف بجانبه او يحمله .. واحيانا أفعل الحركة عندما انتبه إلى طفل مثلا أخرج لسانه او يفعل حركات مضحكة ألفَتَتْ انتباهي .. لكن ولا مرة خطر في بالي أن أقوم بمثل تلك الحركات لإثارة تشويش او مشكلة بين زوجين .. :d على كل جيد نبهتني كيف يفهم الأخرين هذه الحركة المحبة ذكريات الطفولة |
أشكر الكل دون استثناء على هذه الردود اللي تشرح القلب :(واكتشفت ان بالفعل الكل يتضايق منها يعني مو انا مكبره الموضوع واللي يقهر ان لو الزوجة اللي تدز عربانه الياهل جان ما التفتوا على البيبي اصلا المشكلة مهما الزوجة حاولت تمسك اعصابها بس من داخل تتضايق وتتنرفز يعني انا مثلا وايد استغرب من وقاحتهم يالله شنووووووووووووو هالتربية اللي وحده تتعمد تتحرش بالزوج وأشكره جدام زوجته والله ساعات احس ان الأزواج مظلومين يعني بس اسمع ان واحد تزوج على زوجته ما اتوقع يكون الغلط منه في بعض الأحيان ولكن اقول شوفوا الزوجة الثانية شلون فرت راسه وخذته يقولون نسبة الإناث قاعده تزيد بالمقارنة مع الذكور يعني هل ان من المحتمل ان يخلصون الشباب الصالحين للزواج ؟؟ لوووووووول حزتها البنات بينهبلون ويقعدون |
اطنش واحرق اعصابها او ممكن اذا كنت معصبه اخلي راسها من غير شعر حسب الحاله النفسيه
في امان الله |
اقتباس:
:15: :15: |
ذكرتوني
بابن عمي مالوش سنة متزوج ولفت عليه بنت حسبنا الله ونعم الوكيل |
اووووه ياكثر المواقف اللي صارت لي اولها كنت بعدي متزوجه ورايحه أتنقى إكسسوارات حق بيتي المهم دخلوا 3 بنات وحده منهم رفعت غطا وجهها وابتسمت لزوجي (حسبي الله عليها) من القهر اللي صابني قلت صج قلة أدب و في لحظه اختفت والله إن كان ودي أرفع غطوتي وأوريها إني قمر هههه حركات طفوليه بس ماقصر زوجي عاتبني على ردي وقال لي (مره ثانيه لاتردين لاتصير مشاكل) هذا غيض من فيض يالله رحمتك وسترك |
كلام صحيح و قصص تحصل
لكن حبيت انبه انها (((أحيانا))) بتكون مجرد توهمات من الزوجة.. يعني مجرد حساية من الغيرة الشديدة.. أحياااااااااانا |
ما نقول إلا الله يرفع عنهم ولا يبتلينا |
زي ماذكر احد الاخوه احيانا تكون وساوس او تخيلات
وفبعض الحالات تكون جد وحقيقيه اقابلها بالتطنيش واذا زادت عن حدها تتشهد على عمرها المحروسه :14: |
والله انا فى بلد كلها دمار وعنا البنات اخلاقهم زفت
صارت اخوى وهو رايح الجامعة بوحدة وقعت حالها قدامه وصارت تحكى رجلى بتوجعنى ولما قرب منها قامت وصارت تحكى معه وعطته رقم جوالها وهو راجل طول بعرض ما معه جوال والله وهو بحكى عنها وهو مستحقرها وبحكيلى قلة ادب عمرى ما شفت بكل مكان صارت هاى الحكاية بس لو صارت الى وانا جوزى اطخها واريح البشرية منها |
اقتباس:
وعلى قولة المثل طنش تعش تنتعش...... لشو تنكدي على حالك وعلى زوجك الطلعة..ماانتو طالعين تنبسطو...فخلي اعصابك كتير رايقة وشو ماصار ولا على بالك....http://www.asmilies.com/smiliespic/girlsonly/022.gif |
انا والله من اسبوع بس صار لي موقف
كنت اشتري ملابس انا وخطيبي .. وجينا عند المحاسبه .. والمحاسبه صايره كلها حريم .. اعطاني خطيبي الفلوس وقال لي انتي حاسبي ... وهو كان واقف جنبي ... الي قدامي كانت اخر وحده وانا بعدها ... البنت قبل ماتحاسب كانت بيدها 400 ريال ... طلعت بوكها وطلعت 400 ريال ثانيه .. ورفعتها عند وجهها مدري ليه ؟؟...صارت عندها 800 .. المهم خلصت محاسبه .. وضلت عندها حوالي 300 .. وهاالحركه الي قهرتني .. رجعت وفتحت بوكها وطلعت الفلوس الي ببوكها كلها يمكن حوالي 3000 .. وجالسه تلتفت على زوجي ... انا مقهوره بس ساكته ... بس هي واقفه ماتحركت .. مسكت شنطتها وطلعت جوالها .. وبدون مقدمات .. جات وحده تحاسب .. جلست تقول لها ترى رقمي كذا وكذا ... المرهـ مستغربه منها مايعرفون بعض وتقول لها رقمها ... بس والله اعجبتني هالمرهـ قالت لها الله يهدييك ومشت عنها ولا كلمتها ... تدرين ياختي انه كل هاذا خطيبي كان مطنشها ويسولف معاي عالسعر والاغراض .. بس بعد ماشافته مطنشها لمت كل الي طلعته من بوكها وشنطتها ومشت ... الله يهدي هالبنات .. اذا تحرشو فيهم قالو الشباب مايستحون ...واذا محد اعطاهم وجه من الشباب يتلزقون الله المستعان اختي هموووم |
انا ارى ان كل فتاه او سيده المفروض يغضن من ابصارهن واقول لكى يا اختى حدث معى ها الاشياء كثير مره وانا مع زوجىكنت راكبه المترو وكنت مشغوله بطفل جالس جنبى وادركت ان فتاه تنظر الى زوجى وتبتسم وتشغله فنظرت اليها نظره احتقار وقلت فى عقلى كيف تنظر هذه الفتاه لزوجى وانا معه وهكذا تتكرر معى لدرجه انى شكت فى زوجى وفكرت انه ممكن هو الذى يبداوحتى الان نفسى:( اتاكد انه مظلوم اوغير مظلوم ياريت حد يرد عليه:21:
|
معليش هذي حركات ناس مريضة
الله يهديهم |
الحقران يقطع المصران ولا كأنها موجودة (طناش)
|
تصير ياحبيبتي تصير كثير واكثر من مرة لدرجة ان زوجي انتبة لهالحركات وفعلا تعطيني نظرة وتناظر في زوجي اكثر بس انا اطنش لاني لو تكلمت او سويت شي بتزيد والله صرت الغي بعض الخرجات عشان هالمواقف لا وازيدكم بتصير حتى من بعض قريباتي وصحباتي وهم متزوجات!!!!!!!!!!!شفتوا لحد وين الوقاحة بقولكم ان زوجي ماشاء الله وسيم والصراحة اكثر من وسييييييم !!!!!!!!!!!!!
وهو احيانا بيطلع في مقابلات في التليفزيون حسب طبيعة عملة بعدها الاقي مين تكلمني وتمدح ومين ودها تطيح بصوتة في البداية كنت افرح وانبسط من كلامهم فرحانة بزوجي بعدين حسيت ان المسالة زادت عن حدها وبينت لة ان صحباتي يستحون اذا رد على التليفون فصدق وصار لما يشوف الرقم عالكاشف مايرد او يخلي اولادي يردون وينادوني انا اول مرة ابوح بهالشي صراحة لاني ماحبيت اجيب المشاكل ولا احد يقولي اني اغير او حساسة لا انا افهم في حركات الحريم زييييييييييييييييييييييين بس اطنش بمزاجي!!!! |
| الساعة الآن 07:14 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©