|
والله مقهور اشمعنى انا
السلام عليكم
هذا ثاني موضوع اتكلم فيه والله اني اكتب ودموع القهر في عيوني طلبت من أهلي انهم يخطبولي وامي اقترحت لي وحده تقربلي وابوي نفس الكلام فوافقت على اني اشوفها. أمي جابتلي صور البنت شفتها الصور ومانكر انها اعجبتني والبنت لونها ابيض في الصور وفيها سمار خفيف جداً المشكله اني لما سألت الوالده وشو لونها قالت لي حنطي, ياناس انا اول مره اسمع بلون اسمه حنطي قالتلي بتعجبك المشكله انه الصور قديمه هذا الي قاهرني زياده بعد ماتمت الخطبه بعدها ب 12 شهر رجعت من امريكا لاني ادرس بالخارج وامي واعدتني بأني املك على البنت وكنت فرحان وانا راجع للبلاد بس يوم وصلت امي جاتني بالخبر الي يقهر انه اهل البنت ما يبون الملكه الا قبل الزواج بسبوع قلت حق الوالده مب مشكله جيبيلي اصور جديده لها قالت لي صعبه قلت طيب اشوفها قبل الزواج او الملكه قالت لي اهلها مايرضون انزين انا ايش ذنبي يعني اتزوج وماشوفها الا بليلة العرس قلت حق الوالده خلاص عيل زوجوني بالصيف قالت الله يسهل اليوم اتصلت لي بما اني بامريكا وقالت لي مافي قاعات حق عرس الحريم الا في الصيف الي بعد يعني صيف 2008 ياناس بذمتكم مب شي يقهر يعني انا خطبت البنت شهر 12 2006 وازوج شهر 6 2008 يعني ليش ماشوفها انا طالب خدامه اشوف اصورها ولا زوجه يعني مايعرفون انه الشوفه الشرعيه واجبه قبل الزواج ولا شاطرين لما نسمع اغاني يقولون لنا حرام يعني وين المشكله اذا ملكت عليها واكلمها على الاقل على الشات او اي شي بس احس انه في شي تغير في حياتي والله اني فكرت اني افصخ الخطبه من البنت والسبه اني ماشفت منهم شي يفرحني بس دايم اتعوذ من الشيطان أه يالقهر |
عسى الله يعينك أخوي....ورأيي مادام انك ارتحت للبنت انك تصبر والله يكون في عونك ونصيحتي لك انك تحاول تشغل نفسك بدراستك وأيضا في أن تثقف نفسك في أمور الحياة الزوجية....
صدقني مقدر موقفك وحاس بالشعور اللي أنت فيه ...لكن دام أنك ارتحت للبنت فما لك الا الصبر ومأجور عليه ان شاء الله ... نصيحتي الثانية اذا ممكن تقنعون والدها بموضوع الرؤية الشرعية عن طريق أحد أفراد العائلة أو ربما امام المسجد ؟؟ لان هذا حق لك ولها أيضا كما جاء في حديث الرسول عليه الصلاة والسلام |
المشكله هذي الامور تفقدني الشهيه في الدراسه
|
اخوي احمد ربك انك شفت صور لها فيه ناس يخطبون ولا يشوفون ولا الصوره قديمه كانت او جديده مايشوفها الا ليلة العرس
وبعدين الملكه قبل الزواج باسبوع حلوه وترى فترة الملكه مو حلو انها تطول لانها تملل الواحد وبعدين اذا عالقاعه انت اقنعهم انكم تحطون زواجي عائلي يعني مختصر مو شرط يكون حفل كبير حطوه في استراحات خاصه للحفلات اللي مثل هذي واشكالها مثل القاعات |
الله يعينك
يمكن البنت فيها عيوب وما يبونك تشوفها .............أخوي اتصل على ابوها مباشرة وقل له انك تبي تشوفها الشوفة الشرعية على الأقل والا دور لك على وحده غيرها واستخير الله في أمرك الله يطمن قلبك ويسعدك . |
الله يعينك يا خوي أنت جيب لهم بطريقة حلوة أو حاول اتكلم أخوها اذا كان في مجال ..
وشد حيلك ترى أهم شئ الشهادة ... |
اقتباس:
|
يا أخانا Gtt إذا أنت فحل مجنون و في راسك اسكون !
و تريد الانتقام ، فاسمع : قل لوالديك : لا أريد أن أتزوجها و خلاص غيرت رأيي ..و يحصل اللي يحصل !!!! بالطبع ستقوم القيامة عليك و سيسخط عليك الجميع ..فأنت تبغي بهم الفضيحة ! فالدنيا ضايعة ضايعة لأنك بكل بساطة إنسان ضعيف الشخصية و مع سنك المتقدم ما زال أهلك يعاملونك معاملة الصغير الذي لا رأي له ولا شور !!! ما رأيك ؟؟! عليك بلحظة من التأمل و من جانب آخر ستجد أن هذه النصيحة متطرفة جداً و يمكنك أن توسع صدرك و تفطن إلى رغبتهم في تزويجك بعد عودتك من الدراسة أو في أقل وقت من الغربة بالنسبة للبنت !! فالمسألة و القضية أكبر منك و من حاجاتك . لأن فيها مراعاة لوضع البنت و حالها و نفسيتها . فأنت -باختصار شديد- لم توفّق في مشروعك ، و لست مظلوما كما يخيّل لك فارض بقدر الله و اصبر و احتسب هذه السنة .. فأنا أعرف غيرك انتظر رغماً عنه سنين طويلة ذوات عدد ، حتى شمَّ رائحة الزواج أقول شم فقط ..ما تزوج و الصابرون يوفّون أجورهم يا أخي المغترب بغير حساب |
انت اطلب من ابوها انك تشوفها واذكر له احاديث نبويه عن النظره الشرعيه واذا ما رضى افسخ الخطبه وما اعتقد ان البنت فيها شي بس فيه ناس كذا عادتهم ما يسمحوا للولد يشوف البنت الا ليلة الدخله وهذا اكبر غلط
الله يعينك واذا ما وافق على طلبك افسخ الخطبه دامكم ع البر وخلي اهلك يشوفوا لك بنت غيرها بس تشرط عليهم من البدايه انك تشوفها قبل الملكه والله يوفقك في دارستك وفي حياتك .. |
أنت اشرح لأبوها الوضع الصحيح و ليه تبغى تشوفها .. يمكن هو رايح عن باله هالشي ..
وقول له إنك ماتبي تظلمها معاك غذا ماكانت بالمواصفات اللي أنت تبغاها .. وإذا تسكرت في وجهك مرة مرة .. اتفق انت وأختك وهي وأختها أو اخوها على نظرة شرعية لإن الشباب غير عن الآباء ويتفهمون الأمر أكثر منهم .. |
اقتباس:
|
لازم تجوفها
والله حــــــــــــــــــرام تملج عليها قبل ما تشوفها أخوي GTTالنظره للانسان أخذ انطباع عنه ، مثل الراحة ، الاعجاب , النفور .......الخ:11: وهذا من حقك شرعا ياخي انت بتزوج شي مو بسيط وتبا رايي انته لازم تجوفها ، والا أعطيهم كلمة وحدة انا بكنسل الخطوبة ، واغلب الاهالي متفاهمين من هالناحية وانت مو مجبور تاخذ وحدة مو جايفنها ... هذا راااااااااي ،،،،،،و الله يسهل عليك ويخلونك تجوفها . |
اقتباس:
اختي الأخ اعترض على الانتظار لأنه مو مقتنع بالبنت اصلاً فأختلف معك على انه يصبر ويحتسب فالصبر والاحتساب ينفع في حالة يكون حاب البنت ومقتنع فيها لكن مو مقتنع ومانعينه من حقه الشرعي في (الشوفه الشرعية) من رايي يا تشوف يا تبطل في المشروع من اصله وتشوف لك ناس متفهمين وتختار لك بنت مقتنع فيها والله يوفقك |
أخوي ليش ما تيمع لك جم حديث عن الرسول ص - وتخلي هالأحاديث حجة لك بالرؤية الشرعية وقول لهم انا مو ماخذ خدامة اشوفها بالصورة وبس ؟؟ وقول لأهلك فرضا بليلة العرس ما اعجبتني ترضون بالطلاق ؟؟؟ الصورة مو مقياس أبدا |
اقتباس:
انا مقتنع بالبنت من ناحيت الصوره بس مثل ماقال البعض الصوره مب مقياس ومن خلال شوفتي الشرعيه اقدر اعرف اذا برتاح لها ولا لاء |
اصحك تعتمد على صورة ترا الصور تغير كثير في الشكل وبالذات القديمه صوري قبل ثلاث سنين ما تصدق انها انا غير الاضائة والمكياج ونوع التصوير يغير 180 درجة انا متأكده انك اذا شفتها مارح تعرفها..
لا تكمل الخطبة الا بالرؤية الشرعية.. |
الصراحه مالهم حق يمنعوك من النظره الشرعيه..
ايش رايك لو تكلم واحد من أخوانها وتقوله انك لازم تشوفها بأي طريقه.. يعني إذا مثلاً عندها واحد من أخوانها متزوج يسير كلمه وهو ينسق مع أخته وتشوفها في بيته هو.. ولا تعتمد على الصور ترى الصور تغيّر مره مره.. الله ييسر لك امرك ان شاء الله.. |
اقتباس:
بس هي اكبر اخوانها واخوها الاصغر يدرس معاي في امريكا |
صباح الخير
اول شي ياعزيزي قل الحمد الله انك شفت صوره لها
انا اكلمك على تجربه شخصيه ما شفتها الا بعد الملكه يعني خلاص حتى لو تطلع مو زينه ماعاد اقدر اسوي شي وبعد شفتها بالقوه ابوها حلف اذا درى ان امها خلتني البسها الشبكه يطلق امها يعني ناس متحجرين والحين انا خلاص اعتبر زوجها رفضو اكلمها بالجوال بالقوه اخذت الرقم وياليت ماخذت الرقم انواع المشاكل كل هذا واقول يمكن البنت تسعدني بحياتي المهم ياخوي ان البنت تطلع كويسه لانك بتعيش معاها ماعليك من اهلها والله يوفقك تحياتي لك |
اقتباس:
|
انا مدري ليه كذا؟
عادي ياناس لازم شوفه شرعيه وشلون يابنات تتزوجون احد ماشفتوه الحمدلله ياربي ان اهلي غير ___ ياخوي كلم ابوها مباشره وقول ابغى ازوركم واشوفها الشوفه الشرعيه زي الله وخلقه وان ارتحت لها واستخرت قل له ولا ياثر عليك احد او اهلك ..قول رايك الملكه عالاقل قبل الزواج بشهرين او 3 .. وبالنسبه لتاخير الزواج ..ماتدري وش ضروف البنت او اهلها ..اسئلهم مباشره بس خلك حليم شوي اذا كلمتهم احسك معصب والله يوفقك |
ههههههههههههه
اساسا رضيت ولا ما رضيت قد هي وزت:d الحمدالله على كل شي |
السلام عليكم:
يأخي يمكن هذي الصورة لبنت الجيران وبدهم يجوزوك قرده شو هذا المنطق انا بحياتي ما سمعت وحد بده يتزوج ما بشوف زوجته المستقبل أم ولاده وين هذا في اي بلد ايام الرسوم صلي الله عليه وسلم ما كان هذا الشئ. لا حول ولا قوة الإ بالله |
اقتباس:
|
[QUOTE=نونو انا]انا مدري ليه كذا؟
عادي ياناس لازم شوفه شرعيه وشلون يابنات تتزوجون احد ماشفتوه الحمدلله ياربي ان اهلي غير ___ ياخوي كلم ابوها مباشره وقول ابغى ازوركم واشوفها الشوفه الشرعيه زي الله وخلقه وان ارتحت لها واستخرت قل له ولا ياثر عليك احد او اهلك ..قول رايك الملكه عالاقل قبل الزواج بشهرين او 3 نونو انا : رأيك كذا:22: :22: :22: :22: :22: والله يااخي هذي حياتك وانت ابخس بها . يعني تخيل نفسك تزوجت ولا شفت العروس ومن اول شوفة بعد الزواااج طبعاا . وكلش ماا عجبتك وطلعت مو اللي في الصورة وتراك وش راح تسوي تنجن والله تطلق البنت :( :( :( :( اخي هذا زواج مو لعبة لازم تتأكد وتشوف بنفسك واذا منعوك قولهم انا ما اقدر اكمل [move=up]والله يوفقك[/move] |
اصبر و احتسب
و لا تعقد إلا بعد الرؤية سواء عليها أو غيرها و اهتم بدراستك حتى لا تتأخر في الرجوع و لو أخذت من الفصول الصيفية أحسن لتتخرج بسرعة هذه كلها خيارات أخرى و حلول للتغلب على الوضع فوسّع الأفق |
طيب قول لهم أنا أبغ أشوف البنت
من حقي أو أفصخ الخطبة وخليهم يختارو ! |
لا تعتمد على صورة ممكن أن تكون أجمل من الصورة أو أسوء لكن القبول من الله فأحيانا بمجرد النظر اليها بغض النظر عن شكلها ينتابك شعور بعدم الراحة أو العكس لهذا لابد من النظرة
|
نصيحة لاتسوي الملكة الا لما تشوفها وهذا قول الشرع مو بقولي والأبعدين بتكون الامور وخيمة خصوصاً وأنك بأمريكا تشوف النساء العجب شلون بعد مأتتزوج وحدة مو بمقتنع في شكلها أكيد بتظلمة معك حرااام
|
دام ان اخوها معاك ....................استلمه بالأحاديث التي تحث على النظر للمرأة بما يدعي الرجل لتزوجها
اقنع اخوها وخله يساعدك في هالأمر .............وقول له هذي حياة وعشرت عمر اما سعادة او تعاسة لك وللبنت قول له انت ما ترضى انها تاخذني وما تعرف شكلي وانا ما عرف شكلها افرض انها مو عاجبتني صدق باتزوجها بس هل تعتقد باكون سعيد معها او هي بتكون سعيدة معاي وانا كارها هذا شرع الله يجيز الرؤية للخاطب ويحث عليه . |
اقتباس:
مقتنع من صور شكلها قديمه:25: |
امس كلمت الوالده بخصوص الموضوع وحسيت اني صدمتها واحرجنها كثر
قلت لها انا ابي اشوف البنت قبل لا املك عليها قالتلي بس انت صار لك اكثر من سنه خاطب أيش اقول حق اهل البنت خصوصاً انا كنا نرتب ونعد المعازيم للعرس بعدين قالت لي انها منحرجه منهم وانا حطيتها في موقف صعب خصوصاً انها في الواجه في هذا الموضوع وكل ساعه تتصل فيني تقولي انزين ايش تتوقع اهل البنت ردهم او تفكيرهم يمكن بيكون تفكيرهم انك تلعب وا انك متردد خصوصاً انهم بدوا يتجهزون حق العرس واني ادخلت الفرحه في بيتهم وخصوصاً بيت جدتي لما عرفت انا الي بياخذها واحد قريب منها الي هو انا انتوا ايش رايكم انا وايد منحرج من الولده في الموقف الي حطيتها فيه وعلى فكره خليتها امس تقره الموضوع هذا عشان تقتنع |
قل لها : أن تقول لهم :
الولد يقول : الذي لا يطبق السنة ..الله لا يبارك له في زواجه !! و ولدنا يريد أن يُبارك له في زواجه و أنه يتوفق فيه فيحتاج يشوف ( مرة ثانية ) لاحظ هذا التعبير (مرة ثانية)!! لأن المرة الأولى ( وهي الصورة ) ما تكفي !! ثم قل لأمك الكريمة : يا أمي أهم شيء في الدنيا سعادتي و راحة بالي و هذا الطلب حق من حقوقي في شرع الله الأحسن إني (ولو قدّر الله ) أترك البنت من الآن و في فترة الخطوبة و نحن على البر أم الأحسن أني أطلقها في أثناء شهر العسل لأني كاره شكلها ؟؟ اتركها توازن بين الإحراجين ، لا شك أن ما تطلبه أنت الآن أخف إحراجاً و كلامك مع أمك خطوة في الاتجاه الصحيح و لكن إذا تيسرت لك الرؤية ، و وجدت أن البنت مقبولة الشكل ، إياك أن ترفضها فلن تجد في بلدك ملكات الجمال في بلاد الغرب موفق |
من حقك ان تشوفها ماحد يقدر ينكر هالشي
بس انت ليش خابف وتوكل على الله ولو هي من نصيبك بتشوفها قمر |
أخي الكريم
حاول بكل ماتستطيع ان تنظر إليها مو صورة لا 0000اذهب الى بيتهم وانظر اليها النظرة الشرعية 00 افضل من الندم بعدييييييييين 00 بالتوفيق00 |
أنظر إلى مشكلات غيرك
لتعلم أي أهمية للنظر قبل الزواج . . ثم أن هذا شرع الله . . . وبالآخر هذه حياتك ولن يقررها سواك ... وفقك الله وأعانك |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©