|
خطيبتي قرويه !!!!!!!!!
اكتشفت ان خطيبتي قرويه : :23:
1- لا تمتلك جهاز جوال !!! 2- لاتعرف من الكمبيوتر سوى شكله 3- كلمتها عن الانترنت قالت جبلي كيلوين منه بجربه :d 4- لاتعرف من الموضه سوى اسمها 5- لا تعرف اي شي عن المجتمع الخارجي حيث انها لم تختلط في فتيات الجامعات لان تعليمها ثانوي فقط 6 - لاتشاهد القنوات الفضائيه بتاتا حيث انها من عائله متشدده دينيا هاه وش رايكم الحين :29: :29: :29: فيه توافق ولا لا علما ان تعليمي فوق الجامعي !!! |
يا سلام
احلى شي يا شيخ تبدى انت وياها من الصفر يا سعدك يا فرحتك الله يهنيكم لبعض وصدقني مثل هالصفات نادرة هالزمن |
شلون احلى ياخي انا عندي بعثه برا والبنت ماقد طلعت من الرياض
اخاف تستخف برا واتوهق فيها |
السلام عليكم أخوي:
مبروك أولا وعسى ربي يوفقكم ويبارك لكم في زواجكم.. الظاهر انه مهمتك في تعليمها راح تاخذ منك وقت شوي.. واكيد اختلاطها مع خواتك وزوجات اخوانك (اذا افترضنا وجودهم) راح يؤثر عليها كثير وبشكل ايجابي ان شاء الله... وبما أن الدين والأخلاق موجودين في البنية فلا تحاتي. والسلام عليكم |
اخوي
بنت جيرانا ساكنة بقصر وخدم وحشم وماعندها جوال! اهلها يقولون بنت وعندها جوال ليه؟ نجي للنقطة الثانية سالفة الكمبيوتر اممممممم غريبة شوي بس اذا شهادة ثانوية وعاطلة اعتقد شي عادي ماتفهم بالكمبيوتر النقطة الثالثة 95% من البنات مايقولون لما ينخطبون اننا نعرف النت وانا على راسهم لأني اعرف عقلية بعض الرجال عندنا:30: يعني موشرط كلامها صح النقطة الرابعة بعض البنات يخافون لما يقولون ايه اهتم بالموضة والبس واكشخ واسوي انها تضيق صدر الررجال انها راعية مصاريف ومظهرجية.. يمكن هي سوت نفسها بسيطة مثلا النقطة الخامسة القنوات الفضائية مالها علاقة انها قروية ولالا؟ والتشدد الديني ماله علاقة ياأخوي بعد والله اني اشوف بنات ماشاءالله ماعندهم الا المجد ودك تناظرهم نجي لآخر سطر.. من وجهة نظري الشخصية ان الشاب اذا كان تعليمه فوق الجامعي يفترض ياخذ مثله او جامعية لكن اقل احس مافي توافق الشي الثاني احتمال نقاطك تكون صحيحة واحتمال لا.. تبي نصيحتي خل احد يساعدك! عمة خالة مثلا والله ياأخوي وودي أساعدك بس شلون صعبة؟ الله يفرج همك |
اقتباس:
أبداً ماحصل وحطيت وجه تعبيري لأي موضوع بهالمنتدى بس والله خاطري أحط لك وجه ينقز من الضحك . . . هذا الغرور ومايسوي . . . ياحليلك كيلوين من النت ماااعليناا . . . غيرك شرب يالله جرب بس نصيحة إن ودك أو طنش .... شي مايريحك لاتحط نفسك فيه وصدقني كل شيء يتغير إلا طبايع الإنسان . . . . بس لو عندها قابليه ومرنه يمكن إنت تغيرها بس حط في بالك التأثير والتأثر . . . خوفي بعد سنه تكتب خطيبتك إلحقوني زوجي قروي . . . ومبروك تغيير الصوره هذي بدايتها ألوان كئيبه !!! مبروك ياعريس |
(هن لباس لكم وأنتم لباس لهن)
وفي الغالب ما بكون اللباس على مقاس الجسم يعني الجسم الطويل يصلح له لباس طويل ، والجسم القصير يصلح له لباس قصير (والحر تكفيه الإشارة) |
اخوي قزم ان لك عورات وللناس اللسنُ لا تتعير بأحد كل انسان فيه عيوبه وجايز عيوبها اقل بكثير من عيوبك خل عنك الغرور وسوا معك ثانوية ولا دكتوراه طريقة تفكيرك هي الي تحكم تمنياتي لك بالتوفيق |
جرناس : اول مؤيد انت صف على اليمين :d
شوبارد : ماقصرتي والله وكثر الله خيرك بس اللي بعرفه هل هي قابله للتغير ولا لا واكيد التشدد الديني ماله دخل بالتحضر بس انا ذكرت المعلومه كمعلومه وانا سعيد انها من بيت دين تمنيت ان لي اخت بعمرها عشان تفحصها صح بس للاسف مافيه ودي صراحه ادخلها اختبار قدرات حق الثانويه t3b : صدقيني ليس تعالي وكبر بل بالعكس واكبر دليل اني خطبت البنت هذي بس انا يجيني شعور الغرور احيانا وذا فكرت بعمق اجد اني محق زوج في المستقبل : الظاهر ماتعرف قصتي صح ,, انا لقيت جامعيات ولقيت حتى اعلى بس للاسف كل شي يطلع شي ثاني يخربه والواحد موب قاعد يطاول هالدنيا |
اخي قزم بس عصبي خليك هادييييييي ولا دخلن بدوامة وياك ونعيد قصتك من جديد يالة خطبت وقلن الحمد لله قزم ما راح يرجع لنا الا بموضوع في عالم المتزوجين شكلك تدوور مشاكل
|
أنا فهمت ماتقول
. . . لكن قصدت ليس كل مايتمناه المرء يدركه فإذاً لو كانت مرنه فكر هل ستكون إن هي غيرت نظرتها وإستوعبت كل مايحيط بها هل ستكون موافقه لمزاجك ذلك هو المهم .. أم ستبقى أسيرة إنطباعك الأول !!! ... ولاتنسى كلام شوبارد صحيح ... وفقك الله ومبروك ياعريس |
عندي كلام طويل ودي أقولك إياه بس متعيجز أكتبه . والله نعساااااااان بكرة وراي جامعة
بس أوعدك ....لي تعقيب على هالموضوع (وعندي لك فكرة ) يلله تصبح على خير |
إذا كثير قروية بتعب وتتعبك بالخارج
كله ع حسب صبرك وقابليتها أم وليد |
قزم بس عصبي
1- لا تمتلك جهاز جوال !!! كثير بنات مايملكون جوال وعمر الجوال احسن لك وتقدر انت تجيب لها الجوال في الزواج او في الملكه 2- لاتعرف من الكمبيوتر سوى شكله انا ماكملت المرحله المتوسطه حتى ولا أخذت دورات والحمد الله تعلمت وساعدني كثير خطيبي يعني ماتحتاج منك كل هذا القلق واذا انت مره مو فاضي دخلها دورات 3- كلمتها عن الانترنت قالت جبلي كيلوين منه بجربه :d يمكن هي تمزح او حتى اذا كانت صادقه فهي انسانه لاتعرف التمثيل وواضحه معك 4- لاتعرف من الموضه سوى اسمها يمكن ماتعرف الموضه بس يمكن عندها ذوق بس ماحد معطيها مجال في بيت أهلها.. 5- لا تعرف اي شي عن المجتمع الخارجي حيث انها لم تختلط في فتيات الجامعات لان تعليمها ثانوي فقط احسسسسسسسسسسسسسسسسن لك 6 - لاتشاهد القنوات الفضائيه بتاتا حيث انها من عائله متشدده دينيا كويس انك قلتها يعني أهلها الي فارضين عليها هاذي القيود بينما معك راح تخرج وتختلط وتتعلم وتشوف وهذا راي تحياتي ،، |
اقتباس:
زوج في المستقبل وشي الفكره :11: :11: لاحق على النوم قل الفكره الحين تكفا لاتصير زول في المستقبل :18: |
اخوي انت متقدم و داخل البيت من بابه و من حقك تطلب شوفه شرعيه و تقعد مع البنت و تكلمها و تشوف إذا تفكيرها يناسب تفكيرك أو على الأقل حابه تتقرب و تتعلم منك.. و الحمد لله انت توفقك في أهم شي هو الدين و الأخلاق و الباقي سهل.. في بنات من قرى ما عمرهم حتى زاروا الرياض ولما تزوجوا وعاشوا في مدينه تعلموا و انفتحوا على العالم.. و انت حالة خطيبتك أهون.. والباقي عليك انت الحين انت علمها ايش تحب وايش تكره.. علمها اللبس اللي على ذوقك.. جيب لها مجلات موضه.. علمها اسماء محلات لبسهم حلوو.. شوي شوي اصبر عليها.. و علمها الكلام الزين.. وان شاء الله إذا تزوجتوا اشتري لها لاب توب و انت بنفسك علمها عليه.. علمها كيف تدخل النت وتقرأ في كل المجالات و تتثقف.. علمها إذا كان عندها سؤال او شي مو فاهمته تدخل منتدى وتسأل.. صدقني الحياة أسهل من ما انت متصور واذا حبيتها بتحبها بزلاتها.. الله يوفقك.. |
لازم تعرف نفسيتها ...... هل عندها استعداد تتغير ولا لا ..!!
|
اخوي ماجد
والله ماادري ايش اقول ضحكتني وانا مالي نفس اضحك واختي (أم عمر ) ضحكتني اكثر يارب يسعدكم ويريح قلوبكم اخوي ماجد تروى شوي وشويتين الجوال ...بسيطه كلنا كنا جاهلين بالجوالات اشتري لها جوال شهر وتهبل فيك بالجوال وتقول ياليتني مااشتريت لها الجوال اخوي انا جوالي جديد لكن مافيه اي تقنيات مثل البلوتوث والكاميرا<<<<كل مايقابلني احد يقولي ياقرويه لابلوتوث ولاكاميرا ولانغمات ولارسائل مالك داعي ياام سعود<<<<تصدق ولاهمني لأني على قناعه اشتري لها الجهاز وبتتعلم عليه الكمبيوتر.....ابسط وابسط اكسب فيها اجر ودخلها دورة 3 اشهر لتعلم الكمبيوتر وتطلع احسن مني:d الموضه بسيطه ...انت شفتها صح؟ كيف لبسها مرتب متناسق مناسب لجسمها وبشرتها؟ اذا جوابك نعم خلاص اخوي انا مااعرف في الموضه واخر الصراعات والله مااعرف بس اعرف البس والبس اللي يناسبني ....وكثير بنات مثلي القنوات الفضائيه ....احسن هذي قبل يدك وجه وقفى واحمد الله ايش استفدنا يعني من القنوات غير قلة الحياء وبالنسبه للدين .....اسجد سجده لوجه الله حمد وشكر على انه سخر لك الزوجه الصالحه اخوي ماجد بأسلك لما جلست معاها وحكيت ،،،،كيف طريقة كلامها اسلوبها ؟هل هي رزينه وعاقله ؟ولا ماتدري وين ربي حاطها؟ افتح معاها مواضيع عامه وناقشها فيه يكون يهمها او تعتقد انت انها على درايه فيه ولااقولك افتح معاها موضوع مشكلة واحد من الشباب اللي تعرفهم واطلب منها تساعدك في حلها وشوف طريقة تفكيرها وطريقة حل المشكلات وكل مره اعطيها مشكله حتى لو من خيالك اسألها كيف تقضي حياتها اليوميه ؟كيف تقضي وقت فراغها ؟لو عندك 4 ساعات فراغ كيف ممكن تقضيها؟ وشوف ردها ومن ردها بتعرف اهتماماتها اذا كانت عاقله ودينه ورزينه ومرنه فبسهوله الأمور الثانيه وبالنسبه للبعثه اذا كانت خارج المملكه اكيد تحتاج لغه....صح دور لها معهد ممتاز وقولها ابغا يوم اخذك تروحي تسجلي في المعهد اللغه عشان لما نسافر ماتتعبي والله انها بتطير فرح وبتتعلم بكل حب ورغبه وبعدين اشتري لها هديه (لاب توب) وعلمها الأساسيات البسيطه وشوي شوي تتعلم واذا احتاجت تاخذ شهر دوره للكمبيوتر وتطلع لك شي خطير فكر اخوي واوزنها اعقلها وتوكل كلنا كنا جهله ومازلنا جهله في اشياء معينه ومااوصيك بصلاة الأستخاره وربي يسعدك ويفرج همك وينولك مرادك ويريح بالك ويسخرلك ويفرج همك ويرزقك الزوجه الصالحه الرزينه المصون الحنون وحصنتك بلا اله الا الله |
المسأله مو مسألة جوال وانترنت..
أنت واضح أنك مو مقتنع بمؤهلاتها.. لذلك حاول أو اطلب منها تكمل تعليمها مستقبلاً وشجعها على ذلك وتأكد من الآن إذا كان لديها الرغبة بذلك أم لا,,, |
ام سعود
اشكرك على الطرح الجميل واشكر جميع الاخوه والاخوات المشاركين بخصوص التحدث مع الفتاه حاولت ان اتحدث اليها اثناء النظره الشرعيه ولاكنها لا تجيب بتاتا فطلبتها هاتفيا وكانت كلماتها مقتضبه واغلبها نعم ولا |
كل الغلا ك اوكي غير مقتنع بمؤهلاتها ولكن ماذا افعل ؟؟؟؟؟؟؟؟؟
جتنا المؤهلات وطلع شي ثاني خرب يعني مافيه شي كامل اببببببببببببببببببببببببببد مالقيت |
وحده من ثنتين ... اما إنهـا جاهله بالكــثير .. أو انها " داهيـه " وتبي تـاخذ كورسات على ايدك :d بالحــالتين لا تضيق نفسك ولا تنشـغل .. سـايسها :30: .. ذكرتني ببنت خالـتي - في الواقع تزوج ولد خالتـي - وبرغم التقارب البيئي .. لكن كان فيه فرق شاسع : بطريقة التفكير والاسلوب والأناقة والتمدن ! ومع الوقت تعلمت واليوم صارت محط الانظار :) الله يوفقكـ |
صعبة تتزوج وحدة من الحين انت مش مقتنع فيها.........
اخاف بعد كم سنة تقول بتزوج ثانية....زوجتي هذي من يوم تزوجتها وانا مش مالية عيني... او ....تظلمها معك..... استخر ربي ..والله يكتب لك الي فيه الخير |
تدري اشلون انصحك تسيبها لانها بتتعب معاك مو انت الي بتتعب معاها
هههههههههههههههه |
يعني لو كان عندها جوال ونت وتلبس ماركات ولكن لادين ولااخلاق كان قبلت بها وارضت غرورك
الحين الشباب يقولون مانبغا البنت الي تعرف كمبيوتر يمكن عندها صداقات والجوال يمكن مليان ارقام شباب وانت تقو هي ماتعرف شي ياعم احمد ربك وبوس اليد الي ربتها على الادب والاخلاق واعطوك بنتهم صفحه بيضااااااء محد شوها وخرب افكارها وانت تقول قروووووويه انت تعلمت النت والجوال وعمرك سنه ام سنتين على شان تشوف نفسك عليها المراء لايولد عالما وانت علمها حبه حبه وبتجي على كيفك مو تحرمها وتقول قرويه |
أهم شي تعجبك أمور ثانية منها
وتحس ناحيتها بالقبول والحب ماهي مشاعرك تجاهها اتذكر هذه الأبيات واذكرك بها وعين الرضى عن كل عيب كليلة ...........وعين السخط تبدي المساوي اذا كنت راضي عنها بشكلها وعقلها أهم شيء اما الجوال والكمبيوتر والموضة كلها أشياء بتتعلمها منك ان شاء الله ويمكن تصير أحسن منك أهم شيء تتأكد من ذكائها فطنتها تفكيرها .............. وشكلها اذا عاجبك بعد خير وبركة ........... واستعن بالله . |
أخوي قزم بس عصبي أولاً: وقبل كل شي إستخير وإستخير وإستخير علشان ماتنظلم أو تظلم البنت معالك.. ثانياً: بالنسبة للأشياء اللي طرحتها.. الجوال: كثييييييييييير بنات أهلهم مش مقتنعين بالجوال:30: فعااااااااادي.. الكمبيوتر: مازال فيه كثير ناس من بنات وأولاد مايعرفون للكمبيوتر:rolleyes: ..لكن مب أزمه كبيره تقدر تجيبلها جهاز وتتعلم عليه أو تدخل دورات..(والله ما كثر الدورات عندنا:cool: ).. والنت: من البديهي لوكانت ماتعرف للكمبيوتر ماراح تعرف للنت..بس هذي بعد مش مصيبه في ناس يعرفون للكمبيوتر شوي..ومايعرفون للنت..وإذا تعلمت على واحد الثاني سهل الموضه: والله هذي مسأله ترجع للشخص نفسه..أنا أشوف بنات ودي من كثر إنهم مايعرفون يلبسون أروح وأتقضالهم وأعلمهم وفي بنات ماشاء الله هم بالفطره أنيقات وفي بنات يتعلمون مع الوقت لمايشوفون اللي حولهم(بالتقليد يعني) ووالله إني أعرف ناس أغنياء الله يبارك لهم وهم في جهه والموضه في جهه..وخطيبتك يمكن بحكم أهلها ماتعلمت.. والقنوات: في ناس كثير كذا وتقدر المره تتحكم ببيتها بعدين..تشوف وتتعلم..بس والله هذا ماراح يزيد من ثقافت الشخص الشي الكثير.. والتحضر: هذا شي يتعلمه الشخص ويكتسبه..وهمتك..يمكن إذا إطلعت وشافتك بس إنت اللي معاها بتتعلم منك(أو العكس:d ).. والدين: تــــــــــــــــــــاج الفضيله..ومتأكده إنك ماتقصد إلا كل خير بس للتوضيح.. وبالنسبه لمستواها التعليمي..تقدر تقنعها بأنها تكمل.. (مع إني أأيد إن المستوى التعليمي يصير متقارب)بس مب دليل في بنات ماكملو المتوسط وكلامها أحسن من الجامعيات ومافوقه هو على ثقافة الإنسان وكيف يكسبها ماينقاسون بالشهادات.. وحاول تكلمها علشان تعرف نمطها وهي من أي نوع.. وإذا إنت حاس إنك مره ماراح تقدر تكمل معاها ولاتتحملها.. دورلك غيرها من ألحين..علشان ماتعصب عليها بعدين:19: .. عذراً ع الإطاله وإن شاء الله أكون فدتك ولو بالقيل.. |
1- لا تمتلك جهاز جوال !!!
أحمد ربك ترى صار الجوال بهالزمن مصايب 2- لاتعرف من الكمبيوتر سوى شكله أحمد ربك عشان ماتشوف بعدين مشاركتك اللي تشتكي منها وأنت لسى مااخذتها؟؟؟؟؟!!!!!!! 3- كلمتها عن الانترنت قالت جبلي كيلوين منه بجربه ؟؟؟؟؟؟؟؟؟؟؟؟؟؟؟؟؟مااتوقع قالته بس أنت مكبر السالفه شوي 4- لاتعرف من الموضه سوى اسمها مو شرط تكون تافهه تنقاد ورى الموضات أهم شي الذوق......صدقني 5- لا تعرف اي شي عن المجتمع الخارجي حيث انها لم تختلط في فتيات الجامعات لان تعليمها ثانوي فقط أهم شي أنها تقرأ قرأن وتعرف بعدين تتدرس عيالها.... 6 - لاتشاهد القنوات الفضائيه بتاتا حيث انها من عائله متشدده دينيا أحمد ربك ليل ونهار والله كل هالقنوات دمار وبإذن الله ماتدخل بيتي والذي نفسي بيده أن البنت القرويه اللي مي عاجبتك تسوى بنظري بنات المدينه ولاتزعل من ردي بس هذي وجهة نظر وفقك الله |
تدري أخوي ماأدري ليش حاسة إن قاعد تمزح .. ماادري ليه احساس ..
قرأت كل الردود قلت يمكن فيه احد حاس بنفس احساسي لكن شفت إن الجميع كلهم يتكلموا بجد . بس لسه ماني مقتنعة أحسك تمزح .. |
اقتباس:
ما أشوف هاذي الأسباب تمنع من أنك تتزوجها، بل بالعكس شئ جميل أنك تعلم زوجتك وتشجعها على التعليم وهذا ترا يزيد العشرة والمحبة بينكم.. أما سالفة الجوال والموضة فما هي ذاك الأهمية فلا تهتم، وعدم إختلاطها برضه أنا أشوف شئ إيجابي انها ماتختلط مع البنات لأنها ممكن تتعلم وتأخذ منهن أفكار غير سوية.. أحسن شئ فيها انها ماتشاهد القنوات الفضائية وأنا أستغرب ليش ماقلت عائلة محافظة بدل كلمة ( متشددة ).. وعلى فكرة قرأت بعض المواضيع في الصحف تتكلم عن أن بنات القرى أنجح في الزواج من بنات المدن بس والله ماتذكر الأسباب وإن كنت أذكر من بين الأسباب قلة طلباتهن وشروطهن ونظرتهن الواقعية للزواج بعكس بنت المدينة.. وأنا مثلك عايش في مدينة وتعليمي جامعي بس والله ودّي أخذ بنت عايشة في بلدة صغيرة أو قرية شئ جميل أنك تأخذها معك للمدينة وتمشيها وتوريها معالم مدينتك وإن كانت أقل منك في التعليم تحثها وتشجعها على التعليم.. إن شاء الله يجي ذاك اليوم على خير أخوي قزم والله ماشوف بالبنت عيب وأعذر لها طريقة كلامها في الشوفة الشرعية وفي التلفون لأنها عايشة في مجتمع محافظ.. صل الإستخارة وإن شاءالله ربي يرزقك |
تبي الصراحه /
لو أني أعلم عنها قبلك لسبقتك الحمد لله ما هي جاهل يعني متعلمه وثانوي أتوقع كافي لأنه تعرف كل شيء ومافيه أحد جاهل اليوم لا يغرك .. ومسألة انها متشدده قصدك عائله محافظه ومستقيمه على شرع الله ونعم العائله والله لا تفرط فيها نصيحه لك ولك مسلم مثل هاؤلاء النسوه لا تفرط فيهن عض عليها .. وأنت بطريقتك بعدين تقدر تثقفها في أي شيء تبيه يعني صيرها قد ما تبي من خير تجي معك .. يعني أنت تستلمها خام من أهلها وتبداء أنت تزرع وتصنع فيها .. الله يوفقك ويسعدك ويجمع بينكم إن كانت لك فيها خير في دينك ودنياك .. |
\\
\ نصيحة اخوي 00 لا تتزوج الا وحدة مقتنع فيها 100% لا تظلم نفسك وتظلمها 00 \\ \ الف تحية |
اقتباس:
. * * اين ذهب قول الله سبحانه (قل للمؤمنين يغضوا من ابصارهم ويحفظوا فروجهم ذلك ازكى لهم ان الله خبير بما يصنعون ) وقال تعالى (وقل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها وليضربن بخمرهن على جيوبهن ولا يبدين زينتهن الا لبعولتهن او ابائهن او اباء بعولتهن او ابنائهن او ابناء بعولتهن او اخوانهن او بني اخوانهن او بني اخواتهن او نسائهن او ما ملكت ايمانهن او التابعين غير اولي الاربة من الرجال او الطفل الذين لم يظهروا على عورات النساء ولا يضربن بارجلهن ليعلم ما يخفين من زينتهن وتوبوا الى الله جميعا ايها المؤمنون لعلكم تفلحون ). * * انا لا اعارض بأن تكون الفتاة فاهمه في امور الموضه وحركات البنات ولكن الذي يحزنني بأنك تريدها ان تشاهد الفضائيات علشان تكون متطوره مثلك. * * لا بارك الله في تطور يقود صاحبه الى غضب الله. |
يمكن البعض يفكر بأن هذه الأمور كماليات الحياة ،،
ولكن لو فكرنا فيها من منطلق الانفتاح على العالم الخارجي ،، فإن خطبيتك بالتأكيد ليست من هذا النوع ،، وأهم ما في الحياة الزوجية هو التوافق العقلي والمستوى الاجتماعي ،، أنت جامعي وعندك بعثه للخارج ،، تريد من تعاونك على الغربة وتشيل نفسها بنفسها ،، ولكن الفتاة التي تتكلم عنها ليست من هذا النوع ،، لست ضد القرويات ،، ولكن كما يقال الطيور على أشكالها تقع ،، يجب أن تقع على من تماثلك في التفكير حتى تكون هناك طرق للمحاوره فيما بينكما ،، وإلا ستكون الحياة الزوجية ممله ،، |
:d << هاذا وجهي لمن شفت كلامك
نتيجه الغرور اللهم لاتبلانا .. لا تزعل ترى امزح :d <<< راح تتسطر شكلها نرجع لموضوعك قرويه مو عيب ... ماتعرف نت ,, برضو مو عيب .. ويمكن قالت لك كذا علشان ماتغير وجه نظرك فيها وان كان عالقنوات .. مو معاناه انها متخلفه .. هي محافظه ... وإن كان عاللبس والموضه .. تبيها تقولك وش تلبس وش تسوي عاقل انت .. البنت حياويه افهمها دامها مو اجتماعيه .. البركه بأهلك .. ياخذوها يطلعوها معاهم ... ترى الامور تنحل ببساطه والجوال .. يمكن ماعندها رغبه انها تمتلك جوال .. وانت تراك بيدك كل شي وش تتمنى يجيك بعد ... بنت مؤدبه وخلوقه ومتواضعه وأرضى خلاص كفاك غرور :29: الله يسعدك يارب هموووم |
ياقزم .. يكفي تنقي بين بنات الناس وتطلع عيوبهم ...
الله لا يهينك المره الجايه اذا جيت تخطب قبل ما تدخل بيوت الناس وتتفرج على الكتالوج .. وتكلم بناتهم .. اطلب من اختك او وحده من قرايبك .. تخالط البنت وتسأل عنها .. وتشرح لك كل تفاصيلها الشكليه والأخلاقيه والعلميه .. ومايمنع يا اخ قزم ان تطبع ورقتين من اسئلة مختلفه .. كل الأسئله الي في بالك وتطلب منها تجاوبها .. لان ياخوي عذاريبك في البنات مالها داعي .. والمشكله انك ما تعرف وش تبي .. |
اقتباس:
جزاك الله خيراً اختى الفاضله أم سعود قلت اغلب ما وددت قوله ولى اضافه حول مسألة الغرور اخى الفاضل اذا علت نفسك فأنظر لعيوبك انا لا اعرفك شخصياً بالطبع ولكن أنت ادرى الناس بعيوبك....... وكلنا ذوو خطأ اذا فكرت فى عيوبها فتذكر عيوبك انت انت تقول قرويه وبنظرك ربما هذا عيب هل نظرت للامر من جهتها هى ؟؟؟ انت غير قروي !!!!! ربما يكون عيب بنظرها .... اليس كذلك؟ لا تعرف من الانترنت سوى انه بالكيلو ... طبعا ً هذه مزحة منك ولكن ماذا عنها هى؟ انت ( راعى ) انترنت .... اكيد سمعت بمصائب الانترنت وربما تظن فيك السؤ بسبب هذا وتتوجس خيفة ان تكون سيء الخلق.... اقول ربما فقط عن الموضه وباقى الكلام.... علمها انت ما تحب ان تتعلمه واحمد الله على ما رزقك وفقك الله |
أخواني احسكم بس تشوفون موضوع لقزم بس عصبي
تدخلون وانتوا مشمرين وشادين اعصابكم عليه لاتزعل عاد اخوي ماجد تراهم من خوفهم عليك وبعدين في نقطه احب اوضحها الأخ قزم بس عصبي................أسمه (ماجد) ولااقول اخوي ماجد اكيد انتوا الشباب عندكم (كنيه) اعطينا كنيتك الله يخليك وحطها بتوقيعك وريحنا:) |
اومااااااااااااااااا جب لي كيلوين منه بجربه
من جد وين عايشه هاذي ما اصدق بصرااحه والله حتى بنات القرى والهجر يعرفون النت ياحليلك يا قزم هذي اخرة الشروط سبحان الله على قولة وحده اسمها ليلى بالمنتدى ماحد ياخذ اللي في باله وعلى شرووطه اهم شيء انت مرتاااااااااااااح ومقتنع فيهااااااااااا وكل شيء يتصلح وتتعلم لانها من منبت صالح وعائلة محافظه وهذا فخرررررررر بعدين مافي احد الحين مايلبس وويكشخ غريبه ! المهم الله يوفقك كثر استخاااااره واذاا شفت نفسك قادر على البداية معها وتثقيفهاااااااا ومستعد انك تطورها للافضل فاستمررررر والا دور لك وحده جامعية وترى يجتمع الاخلاق والدين والتعليم مع الجمال ايضااااااااااااااااااااااااااااااااااا لاتقولون مافيه بس لاحد يدور مواصفات مهوله في الجمال اهم شيء تسره اذا نظر |
احمد ربك ياشييييييييييييييييييييييييييييييييييييييييييييييي يييخ
|
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©