|
أتزوج عليها ولا ؟؟؟
تزوجتها وعمرها 15 سنة وعمري 20 حبينا بعض الى حد الثمالة عرفت كيف ترضيني وحفظتني عن ظهر قلب وتفننت في رسم الفرحة على وجهي ، في الشهر الثالث من زواجنا ومن فضل الله حصل أول حمل ، أيامها كانت إجازة نصف السنة وطبعا مايخفى عليكم هالأيام ماتتفوت للكشتات والطلعات وطبعا طلعنا للبر وتعرفون انتم وش معنى طلعة شيل وحط وطبخ ونفخ وبنت الحلال ضغطت على نفسها في وقت هي في اشد الحاجة للراحة وماكتب الله نصيب وبعد مارجعنا من البر سقط الجنين بشهره الثالث عسى الله لايحرمنا فضله وشفاعته ، ومن هنا بدأت قصة جديدة رحلة العلاج ومن مستشفى الى مستشفى ومن ام فلان إلى ام علان وتخبرون انتم علاجات العجايز لكن سبحان الله مرت حوالي ثلاث سنين ونص ومافيه شي خلال هالفترة جاني الوالد الله يطول لي بعمره وقال ياولدي اللي تزوجو معك عيالهم يركضون يعني بالعربي الرجال يبي يزوجني ، بصراحة ماأخفيكم عرضه كان مغري خصوصا أنه تكفل بالمصاريف لكن يشهد الله اني خفت عليها تنجلط وبنفس الوقت ماحبيت انكر جميلها معاي وشدة رعايتها لأمي وأبي ، طبعا رفضت الزواج ومن فضل الله ثم فضل واحد من الشباب قال لي عليك بقول (( ربي لاتذرني فردا وأنت خير الوارثين )) ومن وقتها وأنا ولله الحمد أردده بكل حركاتي وسكناتي وفي كل سجده وماكملنا ثلاث شهور إلا وهيألنا الله سبب دخلت هي مستشفى الملك فهد بالرياض وسوت عملية وبعدها بشهر وتحمل وتجيني بنية عمرها الآن ثمان سنوات ومن زود الحرمان اشتغلنا وكل سنة مولود وأبشركم عندنا الحين ثلاث عيال وبنوتتين ، ومن هنا بدأت رحلتي الجديدة تدرون كيف ؟؟ باختصرلكم مشكلتي بكلمات وكل شخص متزوج راح يفهم وش قصدي مع احترامي لإخواننا وأخواتنا العزاب المشكلة ياناس الحرمة تحولت من زوجة دنياها كلها أنا إلى أم دنياها كلها عيالها يعني عيالي سرقوها مني وثقوا بالله إني ماني جايكم من بلاد الواق واق ولاني قاعد أحكيلكم قصة من قصص ألف ليلة وليلة أنا من عيال هالبلد ومن نجد واقسم لكم بأني ماخليت عليها شي من النصح والتوجيه وشرحتلها كيف تقدر توازن وتسدد وتقارب وتقسم وقتها وترتب اولوياتها ((ترى أخوكم ذهين وعنده شوي في تطوير الذات )) لكن لاااااااحياة لمن تنادي ...
الحين أتمنى بكل صدق منكم تعطوني وجهة نظركم وتردون على سؤالي أتزوج عليها ولا ؟؟؟؟ |
ومن زود الحرمان اشتغلنا وكل سنة مولود <<< هاذا كان بختيارك وبارادتك ما فرضته هي عليك .. وبدل لا تجاهد في أقناع نفسك بانك لازم تتزوج عليها علشان تلقى راحتك الشخصيه جاهد معاها ولا تكون أناني وتريح نفسك على حساب تحطيم مشاعرها وهز كيان أسرتها .. |
لا تتزوج عليها وإنما القليل من الصبر
يا أخي كل سنه تنجبون يعني مافي راحه للمرأة بدل ما تحاول تساعدها في المسؤليات تقوم تفكر في الزواج ؟؟ لا تفكر إنك بترتاح بالزواج الثاني ترى إنت بتزيد الطين بله ؟؟ وحذاري يا أخي من الزواج بأخرى، |
حاول اكثر وساعدها على تهيئات الاجوء
واقنع نفسك بالاوقات الممكنه حسب الممكن يعني لا تتشرط وقت محدد او وضع معين يعني ارضى بالحلول حسب ضروفها واجعله هي التي تجد الاجواء المناسبة انا انصحك وانا شعوري مو بعيد عنك لان زوجتي قريبه من سلوك زوجتك لاكني انصح نفسي وانصحك الزواج ليس الحل الا اذا كان هناك امور اخرى غير ما ذكرت لان في الزمن الحالي الذي يستطيع ان لا يلجاء للزواج الثاني هو الكسبان مع اقراري ان التعدد حث عليه الاسلام لاكثار النسل وزيادة الامة الاسلامية ولاكن اجلس مع نفسك وفكر بوضعك بعد الزواج الثاني كيف بيكون وضعك وانا انصح عموما ان الذي يفكر بالزواج الثاني بسبب ملاحضات على زوجته في نطاق الفراش فانه غالبا يمكن ان ينصحها ويعدل وضعها بهدوء كما انه عليه ان يتنازل قليلا هذا الا اذا كان وضعها في الفراش قد يعرضه للجوء للحرام لاقدر الله فعند هذه الحاله قالزواج الثاني هو الحل واعيد ان الرجل لا بد ان يكون تفكيره بهذا الموضوع بواقعيه وعقلانية وانكار لذات واسأل الله لنا ولك التوفيق وان يغنينا بحلاله عن حرامه |
مع اني خائف من الهجوووم الكاااااااسح من طرف خواتنا العضوات ... لكني بــ اقول لك إذا كنت مقتدر وتضمن انك ما تظلمها (( يعني تكون عادل) توكل على الله واتزوج :22: ... ولا تنسى تعطينا أخبارك أولاً بأول .. ((عشان نسوي مثلك)) :11: .. وبالتوفيق .
|
يعني ما راح تحل الموضوع إلا بالزواج
بالعكس الزوجه الثانيه يعني مزيد من المسؤولية ومزيد من المسؤولية تعني مزيد من الأولاد والأطفال يعني راح تتعقد الأمور أكثر وأكثر وهذا رأيي الشخصي إنك تجلس معاها وتحاول أكثر تقسيم الوقت معاها تحياتي |
اقتباس:
ما وجدت غير هالحل أخي سبحان رب العالمين ما بيتفقو العرب ع شئ سوى ع التعدد |
قول لها على بلاطه..
يابنت الحلال أنتي بتتسنعين ولا أدور على وحده ثانية وأنتي تتفرغين لعيالك؟؟ |
إش فيكم الكل بدوا ينضرب ع قلبه ويتزوج
هذول العيال كانت جابتهم معها من بيت عيلتها مهم عيالك سبحان الله يا أخي راعي مشاعر زوجتك ولا تكن إنت وزمن عليها ثلاث ولاد مو سهلة أخي الله يهديك ويديمك تاج فوق راسها ويخلي لك إياها أم وليد |
يعني كل الميزات اللي ذكرتها ماشفعت لها عندك إنك تجاهد في تطوير شخصيتها هي .... يعني أنت أخذتها وعمرها 15 سنة يعني صغيرة جدا على المسؤلية ومع ذلك وبشهادتك قامت بمسؤليتها خير قيام ..... الآن بدل ماتساعدها في الحمل الثقيل اللي على ظهرها من تربية الأطفال تقوم تفكر تدمر نفسيتها وتهدم كل تضحياتها وصبرها السنوات اللي فاتت .......
الله يهديك .... موضوعك يرفع الضغط صراحة .... أشعرتني فعلا بندرة الوفاء بين الرجال |
اقتباس:
ياربي لاتبلينا بكيذا رجال .. http://www.66n.com/forums/images/icons/icon40.gif |
نقل الي مكانه المناسب ليجد التفاعل المنشود
|
اقتباس:
|
يا اخي
في البدايه قلت بعد ان سقطت زوجتك ضليتون ثلاث سنوات ونص مافي شي وخلال هذه الفتره جاك الوالد الله يطول عمره وقال لك ياولدي اللي تزوجوا معاك اعيالهم يركضون وكان يبي يزوجك وقلت ان عرض والدك كان مغري يعني فكرت انك تتزوج عليها واكيد رغبت والدك ورغبتك علشان الذريه ولكن بسبب خوفك عليها تراجعت الحمدلله والحين يوم جابت لك عيال وفرحت والدك وفرحتك بتتزوج عليها؟ ونت قلت من زود الحرمان اشتغلنا وكل سنه مولود يعني هذا منك وبارادتك والله انتون الرجال ماينعرف ليكم الله يكفينه شركم اختك لوجينا ادعوا لي بذريه الصالحه لا يتزوجون عليي بعد |
عفوا أخي..
لكن الخطأ ليس منها! فكان من الأولى تنظيم عدد الأطفال و الفترات التي تفصل بينهم ليتسنى لها الاهتمام بك وبأطفالها! لكن قدر الله وماشاء فعل! بالنسبة لموضوع زوجتك لا أدري هل هناك خادمة؟! إذا لم يكن هناك خادمة فوفر لها خادمة لتخفف عنها بعض العناء وإن كان هناك ولكن رغم ذلك موجود ضغط فانظر أكثر الأمور التي تشغل وقتها وحاول توفير بديل.. مثلا لتكن الملابس تغسل في الخارج ... تخفيف المناسبات .. وهكذا.. الحلول كثيرة واعذرني سبب انشغالها بالأطفال ليس مبرر.. فهؤلاء أطفالك أنجبتهم منك وليس من الشارع!! ومن الواضح أنك تعز زوجتك وتقدرها وارتباطك بأخرى هو تجرية جديدة لا تدري ما نهايتها وما مسيرتها ربما ترتبط بنكدية تملا حياتك بالمشاكل! ربما بتافهة لا تفكر إلا في السفر والرحلات وآخر الموضات ربما بمريضة أو عصبية أو أو وادخل في دوامة جديدة من المعارك أنت في غنى عنها! والزواج طعنة لزوجتك! وثق قليلا ما تستمر المرأة في عطاءها بعد زواج زوجها بأخرى! وحتى لو طلق زوجته الجديدة في الغالب تبقى الطعنة في القلب! وانشغالها بأولادها أمر محمود على العموم لا ادري ما مدة صبرك عليها.. لكن أتصور أنك تحتاج لفترة أطول من المناقشة.. ربما الجهد البدني له أثر.. أو كثرة المشاغل.. مثلا هل تتغير في حال السفر؟! ربما التغيير يعطيها دفعة للعطاء أكثر.. هل تخرجون في سهرات رومانسية خاصة بكما أيضا هذه لها أثر.. مثلا مارس معها بعض التصرفات التي تثير مشاعرها كأن تمسك بيدها وأنت في السيارة في أي مكان خارج المنزل وخارج غرفة النوم!! تكتب فيها أبيات شعر لطيفة.. هدية رقيقة...أقصد وفر لها مجال لتحريك العلاقةالعاطفية ربما يساعد ذلك في التخفيف عنها! بالتوفيق |
يعني يوم ماولدت تبي تعرس ويوم ولدت تبي تعرس ممكن تشرح لنا وشلون
انت اكيد من النوع الي اذا حط الشي بباله لازم يسويه وانت اساسا حاط هالشي براسك ادع ربك ان يزيله الله يسامح ابوك يحول ياها لعيال امهم تبي تلهي عنهم شكلك عطيتهم عين اذكر الله ولاترفس النعمة |
يماه منكم يالرجال
والله مالكم امان تقول حبينا بعض لحد الثمالة والحين ودي اتزوج!! مثل ماهي تغيرت تشوي عليك حتى انت اكيد متغير عليها ياليت فيه كائنات حية غيركم نقدر نتزوجها:21: |
اولا..أنا احترمت زوجتك من كلامك عنها
مافيه وحده في سنها راح تصبر... ماحملت وقلت تبغى تتزوج ولما حملت تبغى تتزوج ايش في راسك؟!!!!!!!!!!!!!!!!!!! وحده وقفت معاك وساعدتك و و و و إلخ كدا تجازيها مافي بعض الرجال جميله الله يحنن قلبك عليها ياخي والله مو هجوم عليك بس حرام ساعدها أو ودي عيالك عند اهلك وسافر معاها لماليزيا لأسبانيا باريس.اي شيء حتى لو الطائف.. الله يححن قلبك وآآآآآآآآآآآآآآسفه لو ازعجتك بالرد بس زي زوجتك نادر اقترااااااح لابو سلطااااان..ايش رايك تدخل زوجك المنتدى معااااك؟فكره صح هههههه |
اعرف واحد تزوج الثانيه عشان نفس السبب وتحسف
وتزوج الثالثه وتحسف اكثر والحين هو اكبر معارض لتعدد الزوجات |
ياخي بدل الشغالة ..جيب لها شغالتين .. وتشوف كيف تفضى لك ؟؟؟
|
يعني ما ادري من وين ابدأ كلامي لا حول ولا قوة الا بالله انتو يالرجال انانيين ولو انك مو اناني ما كنت سويتكذا انت قاعد تتحجج وتتبرر لنفسك الزواج لا نك تبغى تتزوج وعينك مهي مليانه بس الاصل تراعي زوجتك الا ما جابت كل سنه الا عشان ترضي حضرتك واهلك كلمها وقول لها انك محتاجها للك :(
|
لالالالالالالالالا والف لالالالالالالالالالالالا
عقب هالجمايل اللى سوتها لك بتتزوج عليها يا رجال اتقي الله هالحين نبهتها مرة والا مرتين ولا عشرة ويأست الله يكون بعونها واذا خلاص ما عاد تقدر قلها بالعربي الفصيح اني بتزوج عليك ... وشف وش ردت فعلها ان وافقت فانت محظوظ وان قالت لا... الله يلوم اللى يلومها الله لا يكثر من امثالك يابوسلطان اما شو بارد ضحكتيني اي والله ياليت فيه مخلوقات ثانيه بيطلعون اوفى من الرجال |
ماقلتلكم الرجال ماعندهم صبر .....بغيتو تاكلوني!!!!
ان جبنا عيال مو عاجبين وان ما جبنا عيال برضو مو عاجبين!!!!!! والله حررررررررررررررررررررررررررررررررررررررررررررررررر رررررررررررررررررررررررررررررررررررررررررررررررررر رررررررررررررررررام!!!! والي طلع معاك على طول (اتزوج عليها) ونسيت رحلة العلاج والعذاب والويل اللي شافتة عشان خاطر عيونك!! بعض الرجال (ان ماكان كلهم) يبون ثنتين !!وحدة حقت التفريخ!!و وحدة حقت الليالي الملاح!!!!!! والله العظيم لو اخوي قال هالكلام لقولة نفس الشي!!!!!!معليش بس والله من جد شي يرفع الضغط والسكر والله انا يالحريم ندهر بعمرنا ونسوي البلاوي اللي ماتدرون عنها وبعد مو عاجبيييييييييييييييييين!!! لية؟؟؟؟؟ لان فكرة الثانية معشعشة في الراااااااااس!!!!!!!!!!!!!!!!!!!!!!!!!!!!!!!!!!!!! !!!!!!!! |
يعني أنت بتتزوج وحده ثانيه حتى تتفرغ لك ok بعد كم سنه بيجيها أولاد ولا تضمن يمكن تصير مثل الأولى وبتقول نفس الحكايه وبتتزوج الثالثه ونفس الموال أخي والرابعه وبعدين وش بتسوي ماتقدر تأخذ أكثر من كذا إلا أنك تطلق منهم وتتزوج أخي الكريم الله يرزقك رضاه وجنته أنت تقول تحبهــــــــــــــــــــــــــــــــــــــــــــــ ـــــــــــــــا والله اللي يحب يتحمل مثل ماسوت معك اعيد التفكير بالموضوع واقتراح الأعضاء بانك تجيب شغاله مره حلو كذا تكون متفرغه من الأعمال الكثيره |
تــزوج ولا تبــالي ولا تسمــع كلام الأعــادي
لا تسمــع من الحريــم الاسطوانـة المشروخة التي هلـكونـا فيهـا مثل مشاعر الزوجة الرقيـقة وكرامتها المرهفـة وكأن مشاعرها مصنوعة من ذهب خالص لا يمـس ولا يخـدش .. لا تسمـع من الحريم الكذبة الكبيرة التي كذبـوها وصدقـوها بأنفسهم وهي أن هناك نساء غير مقصرات أبدا في حق ازوجهــن . كلها اسبوع واحد بعد زواجـك بتحزن فيه زوجتـك لكن بعدها بترضى بالأمـر الواقــع وكأنه واقـع من زمــان وبتعيش بهناء وصفاء مع الأولى و الثانية كل ثانية . تزوج وأنـضـم الينــا كعضو فخـري في نــادي الرجـال الشجعــان .. نادي المعددين . |
بدونلف ودوران اخوياضرب النساء با النساء وقصدي هنا ليس الزواج وانما جيب لها سالفة الزواج يا عن صد يق او قريب ولمح اكثر واذا لم تست جيب فهددها وباالنسبه للي ينصح باالزواج فبقول ايش بيضمنك ما يصير نفس الشىء الثانيه تجيب اعيال وتبلش معاهم وانت كا نك يا ابو زيد ما غزيت:)
|
حاول معها وناقشها في الموضوع
وضح لها نقاط الخلل والقصور وامنحها الفرصه مره ومرتين وثلاث الزوجه ماهي اله او ماكينه اطفال تحت بعض يحتاجون جهد مضاعف خاصه لو ماعندها خادمه ساعدها في التربيه وتنظيم الوقت اخي الكريم الزواج الثاني مسؤوليه وقلق هل تضمن ان تعدل بينهم ؟؟ الزوجه الثانيه بتصير نفس الشئ اطفال ومسؤوليات هل سوف تبحث عن اخرى؟؟؟؟؟ لاتفتح عليك باب مغلق واصلح ماعندك واحتسب الاجر مو لازم نحصل على كل شئ في الدنيا الكمال في الجنه ان شالله فما عند الله خير وابقى |
ياخي ليش تبي تتزوج فاتحها في الموضوع مرة ثانية ولمح لها انك بتزوج عليها شوف شنو بيكون ردها ؟؟؟؟؟
|
اقتباس:
أعوذ بالله من هالإسلوب يا أخي اتقي الله وقل كلمه إذا كتبت عليك ماتندم عليها وخلك مثل إسمك |
اخى الكريم زدت على المواجع يعنى ماتحب الا مصلحتك هى بعد فتره سوف تحتاج للعطف بس ماعليك الاتهتم فيهاااا وتعبره بشويه هداياااااااا وكلمات تعبر عن الشوق والحنين والله ان اهى بتذوب وبتحس انه مقصره معاك دلعه حط عبرات فى اوراق تحت المخده على باب الغرافه هى بتحس من نفسها الله يخليك لا تصير مثل الى عندى و قال انا عشرين سنه واشتغل لكم ابى ارتاح من نظرى اناااااا فى امس الحاجه للكلام والعبرات والشوق والحنين لكنه بس فكر فى مصالحته اخوى فى الله عبرهااااااا دللهااااااااا كلام دلع تغزل فيهاااااا لابد ان تشعر ومهماااااااااااكانت هى امراءه محتاجه دلال ودلع والله لايفرقكم واتق الله فيهاااااااااااااا
|
اقتباس:
لاوالله رجل شرير جدا !!!!!!!!!!!!عكس اسمك!!!!!!! ويافرحتك:14: بعضوية النادي اللي انت فية هذا بدل ماتحل مشكلتة تشجعه (رب كلمه قالت لصاحبها دعني)!!!!!!!!!!!!!!!!!!!!!!!!!!!!!!!!!!! |
اقتباس:
ولا انت غرضك الزواج و التغيير فقط فعلالالالالالالالالالالا الرجااااااااااااااال ما لهم امان يا مؤامن للرجال يا مؤامن للمية في الغربال الله لا يبلانا كرهتوني في صنف الرجالة تاخدونا لحم وترمونا عظم خدنا ايه منكم غير حلاقة الذقن :29: |
بنات انا ما كان عندي النية اني اعقب ...لانكم كفيتوا ووفيتوا
لكن لما شفت تعقيب الاخ((رجل طيب جدا )) صراحه ضحكت وحبيت اعقب علية تدرون ليش هو يشجع الاخ انه يتزوج ...مو عشان يزيد عدد اعضاء نادي المعددين الا من القهر اللي هو فيه يبغي يزيد نادي المتعوسين المتورطين بالزواج الثاني .....ههههه الله يهون عليكم اخواني المعددين .... والله انكم تاخذون بنات الناس تبهذلونهم معكم الا من رحم ربي يعرف معنى العدل اما بالنسبة لصاحب المشكلة تحمل كم سنه ..لحد ما يكبرون الاولاد وتتفرغ لك امهم كلنا كذا ...يعني كل واحد يجيب خمس او ست اطفال ورا بعض يروح يتزوج على زوجته ..صارت مصيبة اصبر وتحمل مثل ما هي متحملة المشقة في التربية او جيب لها بدل الشغالة ثنتين ...هي قيمة الزواج اللي راح تتزوجة زوجتك احق بما سوف تصرفة على زواجك اللي اكيد راح يزيدك تعب وهم على ما انت فيه الله يهديكم يا رجال ...اسهل حل عندم الزواج وما تدرون وش وراة |
هذا كلام كل رجال ههههههههههه
ياخي جبلهاا شغاله تعاونهاا بالبيت وراح تلقى وقت تتفرغ لك فيه بدال مااتجيب لهاا زوجه نسيت ان الي بتجيبهاا هي بعد بتجيب عيال ولا كلماا انشغلت وحده جبت لهاا وحده ثانيه ههههههه الشغاله يمكن تحل الازمه لااتتهور وتندم بعدين |
يعني الموضوع بينحل بالزواج ،،افرض انك تزوجت طبعا الزوجه تبي عيال ومثل الشي بعيد الشريط نفسه شنو بتسوي راح تتزوج الثالثه..........حاول انك تقعد معها وتكلمها بهدوء وتقولها انك انت بعد محتاجها
|
الله يعظم اجر زوجتك00خمسة اطفال في خلال ثمانية سنوات000 !!! الله يكون بعونها00حمل وولاده ورضاعه وسهر بالليل00 وهم كببر000 لا يعلمه إلا الله 000ثمانية اطفال اكبرهم لسه داخل المدرسه000كلهم يحتاجون لرعايه واهتمام00واصعب من ذلك التربيه00وتبغى تكون تاسعهم !!! والله ثم والله هي من تحتاج00 ثم تحتاج لراعيتك واهتمامك00وعطفك00تحتاج لزوج يحسسها بكيانها كأم وزوجه 00ويقدرمجهودها00ويلتمس لها العذر000
لن اقول لك تزوج00او لا تتزوج0000اقول لك كلمه واحده 00انصفها ولا تظلمها |
جيبلها خدامة علشان تقدر تساعدها في امور البيت وتتفرغلك
|
اخي ان تزوجت
لابد وان تنجب الاخرى وتنشغل عنك نصيحتي احضر خادمه وستجد زوجتك متفرغه لك تماما بالتوفيق |
اذا جبت خدامة او عشر هل تأمن على عيالك من كيد الخدامات وهل تـثـق في تربيتهم ؟
اذا تزوجت سيخف الضغط عن زوجتـك لأن وقتـك سيتوزع بين الاثنتيـن بدلا من التركيز على واحدة وقـد تساعد الزوجه الثانية زوجتك الاولى اذا كانت صالحة في تربية اولادك فهي ستكون كأختها . لقد كنت اعاني مثلك والآن انا مرتاح . |
اقتباس:
حرام عليك يا أخي... يعني البنت اتحبه وهو يحبها ليش يتزوج عليها اخوي صاحب الموضوع... حاول اتساعد زوجتك واتعاونوا وبتنحل المشكله ان شاء الله... أحس العبىء كله عليها |
| الساعة الآن 01:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©