|
لو خطيبك تأخر او اختفى!!!!!!
لو خطيبك تقدم وشافك وانبسط منك
وقال ابغى هالبنت واعطيتوه الجواب انكم موافقين عليه وقعد ثلاث شهور لاحس ولا خبر (يعني ماجا كتب العقد)والبنت محجوزه له ولما يتم الاتصال فيه يقول العمل والدورات اشغلته وانه عند كلمته بس محتاج يفضى!!! هل يصرف اهل البنت نظر عن هذا الرجل او لا؟ اش التصرف المفروض يتسوى وقتها؟؟ وهل هو متلاعب؟ او غير جاد؟:( |
أختي خلي أبوك يقوله الفترة طويلة والبنت يجي لها خطاب
اذا عندك رغبة تقدم رسمي موفقة اختي |
مشكوره غاليتي شوبارد وبردتي قلبي بردك
لأني بصراحه كرهته من كثر ماطول |
الظاهر متردد بين حياة العزوبية والحياة الزوجية
أو كما يقول عنده ظروف في عمله أو غيره لكن المفروض منه يحسم الموضوع ولازم يكون لأبوج الرد الحاسم على مماطلته إذا يبا لازم يتم الموضوع رسمي وإذا متردد فالله غفور رحيم |
خلك معاي معاك حق والوالد كلمه مرتين وذبحنا بشغله!!!!
واخاف انه يكذب-او هون لأن اخوه فوق راسه زي الشيطان واخته صاحبتي وماصارحتني بشي |
اقتباس:
احتمال إنه أقدم ع الخطبة للتخلص من الضغوط اللي عليه بالبيت (تزوج تزوج تزوج) وهو داخليا مب مقتنع بفكرة الزواج حاليا أو مب مخطط له فيحاول يرضي اللي بالبيت |
والله احترت في الجنان الي انا فيه
نفسي بس اتأكد واطنشهم وانساهم |
ما حاولت مع أخته؟!!
|
حاولت وسألت تقول العمل وعنده دورات
طيب اش معنى الحين مع العلم انه مو في نفس المدينه الي انا فيها وهو كان يجي هنا في نفس المدينه كثير بس من بعد الموضوع ماجا ماعندهم الا حجة العمل لهم 3شهور حجج حتى سار الجو بيني انا واخته زفت وسارت تحاول ماتزورني هذي الفتره |
همممم .. إختي ليش محتارة ؟!! ما أدري لو كنت مكانج ( بظروفي أنا ) كنت احتمال أطلب منهم بعد هالمرتين ما يسألون عنه خلاص !! مرتين تكفي الثالثة عليه .. عمر الشغل ما كان سبب لأن يقتطع من وقته لي ... >> ليش الأخ مستوي رئيس دولة و مب فاضي لخطيبته اللي ممكن راح تصير زوجته باجر !! :d الصخرة النارية : أنا لا أريد أن أغضبك اتجاهه و اعذريني إذا شديت .. لكن أرجع و أقول أنا تكلمت عني أنا إن كنت في مكانج !! _ بس بظروفي الشخصية _ . . شيء أخير وددت إضافته : إذا إخت خطيبك صديقتك حاولي تاخذين منها شي ، إشارة ، كلمة رد فعل .. حاولي تلمحين فقط و جوفي شو راح تقولج ..!! تمام ؟؟ الله يوفقج يــــــــا رب ، و تتحسن أمورج . :22: تحياتي لج ، إختج : خلك إيجـــــــــابي ! |
الموضوع يحتاج لتدخل الرجال لحسمه
الله يكون بعونج ويريح بالج |
مشكوره خلك ايجابي وخذ راحتك عادي الي يبغى يشاور لازم يقبل كل الاراء
ومشكوره خلك معي وانا دايما اقول اش هو رئيس دوله!!!!!!!! |
حبيبتي ليش تكوني محجوزة له...لما حد مناسب يجي لا تنتظري و تحكي محجوزة. اؤيد تدخل الرجال في الموضوع يعني والدك يكلم والده او اخ كبير ويطلب البت في الموضوع بعدين (ممكن تكون كذبة مابعرف) تقولي لاخته انو في عريس تاني و تجسي النبض والي جاب هالعريس بيجيب 100 غيره مع انه الي بيجي ممكن مابكون رئيس دولة :d . الله معك اختك |
لحل وبكل بساطه عند والدك.. خليه يحسم الامر بينك وبين خطيبك والاشغال ما اشوفها عذر ما يمر عليك.. كلمي والدك يكلمه شخصيا.. والله ييسر امرك.. اخوكِ ظلم الناس |
مرحبا اختي
هالاشي مابصير اهل البنت لازم يحكو الو انو يا اما يجي يخطبك رسمي وخلص يااما ينسى الموضوع ويكون الكلام بشكل جدي جداااااااا والا تصرف نظر عن الموضوع تحياتي |
مشكورين سلام عليكم و ظلم الناس وملك شادي
وارائكم نفس الشي الي كان جوايا والله يعين ادعوا لي |
السلام عليكم ورحمة الله وبركاته
يعطيك العافيه اختي انا اشوف التمسي له العذر لالالالالالالا الأعذار والله حسب طبيعة عمله ممكن اعرف ايش عمله؟؟؟؟ عشان نكون في الصوره نقطه ثانيه في بينكم مكالمات ولامن عقد القرآن ماتكلمتوا؟؟ نقطه ثالثه اسألي متى تنتهي الدوره؟ مافي دوره تبدأ الا ومعروف متى تنتهي اسألي وشوفي وارجع واقولك اعذريه ولاتنسي صلاة الأستخاره والدعاء والأستغفار وربي يسعدك ويفرج همك وينولك مرادك ويسخرلك ويحنن قلب خطيبك عليك ويألف بين قلوبكم |
تسلمين اختي
شوفي هو بصراحه خريج ثانويه يعني مابيكون وزير وباقي ماكتبنا العقد بس خطوبه وشبكه واخته بعد ماكلمتها تقول اعذريه هذا شغله (بس الدورات ماتاخذ هذا الوقت كله) هذا الي حيرني |
السلام عليكم ورحمة الله وبركاته
حبيبتي عليك بالاستخاره الله يخترلك اللي فيه الخير |
إن تقدّم لك خاطبٌ غيره فلا تردوه ، وهو يتحمل مسئولية تأخره ،أمّاإذا لم يتقدم لك أحد فعسى أن يأتي وحينئذٍ لم تخسري شيئًا 0
|
اقتباس:
^ ^ وانا برضو اشوف كذا احسن الله يسعدك يارب هموووم |
مشكورين الماسه المدينه
و ابوعلي المالكي وهموووم ورأيك على عيني وراسي |
دام الموضوع فيه شبكة وذهب وتقدم الرجال بخطوة أكيد أن الرجال ميزانيته تأثرت وحاط أخته وبين لها
ماتشرح ظروفه لك علشان يظهر بالصورة الحلوة قدامك صدقيني لو ماكان يبيك ماكانت أخته معك تجس النبض والموضوع ومافيه أعذريه وعلى الأقل هذا تصوري والله يوفقك |
ليكن حديث رجال وان تقدم لك اخر لا تصدين الخاطب الجديد
|
مشكور الفتى الوسيم ومنى وكلامكم على عيني وعلى راسي والله يوفق الجميع
|
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©