|
مشكلتي مع بنت خالتي ؟؟!
السلااام عليكم
ما لقيت غير هذا المنتدى عشان اطرح فيه مشكلتي .. انا ما اعتبرها مشكلة بحد ذاتها بس احس ان تصرف بنت خالتي يضايقني .. من تصرفات بنت خالتي اللي تصايقني .. انها تتدخل في خصوصياتي وما تقبل احد انه يتدخل في خصوصياتها .. مثل :: قبل كانت تاخذ تلفوني وتشوف الرسايل والمكالمات والصور ومن غير استأذان وهي لما صار عندها تلفون ترفض ان اي احد يفتحه وحاطه عليه رقم سري بعد .. ثانيا .. تاخذ حقيبتي الصغيرة وتفتش شنو فيها وهي ما تسمح لاحد وتعتبر ان هذا الشي قلة ادب ان احد يفتح شنطتها ويشوف شنو فيها .. تتدخل في خصوصياتي كثير مثل شنو قال لك خطيبك وين رحتوا وش سويتي وكم جبتي درجة في المادة وش رايك في فلانه .. وطبعا هي ترفض ان احد يسالها هالاسالة ؟؟ ايضاا .. تستهزأ كثير فيني مثل لما نكون مع جماعة بنات تسالهم مين احلى انا والا هي وتقول اكيد انا احلى وان انا مو حلوة ( مع اني اكبر منها ) .. وان هي شاطرة وانا كسلانه وهي تلبس ع الموضة وانا لا .. وتقول لي الفاظ انا ما اقبلها مثل .. الحمارة والخايسة ( عذرا على الالفاظ) .. وتضحك عشان تبين لي انها تمزح .. انا كثير اسكت عنها واحاول اني اغير الموضوع او اضحك مو عشان شي لانها بنت خالتي ولا ابي اسوي مشاكل ولاني من النوع اللي يسوي مشاكل اصلا .. مدري هو ضعف شخصية ؟؟ انا ما اكره بنت خالتي واحبها بس تصرفاتها تضايقني حتى صرت اتجنبها ؟؟:11: |
طيب اختي ليش ماتجلسين معاها جلسه مصارحه وتقولي لها الي بقلبك ؟؟
الله يهديها اختك:الحائــــرة... |
مفيش احسن من المصارحة وايضاح مايضايقك من تصرفاتها_ ووضحى لها ذلك بدون خجل ولا كسوف
|
والله إني أمر بنفس ظروف خطيبك, أحس فيه, صراحة الله يعينه
|
أهلا بك في منتدانا الطيب
شوفي لو مكانك بكل بساطة أكون أكثر حزما معها ، تجنبها لا يحل المشكلة ستحنين لها وترجعي لنفس الموال. الحل: إذا فتشت حقيبتك أمامك اسحبي الحقيبة من يدها وقولي لو سمحتي ما لا أرضى أن تعبثي بحقيبتي ، هل ترضين ذلك لنفسك ؟! وإذا قالت عادي ما يهم بعد فترة إمسكي حقيبتها وإذا ثارت قولي لها " ها مو مو قلتي عادي ؟!! ". إذا سبتك أنظري في عينها لخمس ثواني وأظهر إستيائك وغضبك فسترتبك وتقول " إيش في " قولي ما أرضى تسبيني نمزح ونتكلم بحدود الأدب وعادي بعدها تكلمي وإضحكي كأن شيئاً لم يكن. ستتهمك بأنك تغيرتي عليها تجاهلي عتابها واستمري على وضع الحدود. إذا سألتك أسئلة خاصة قولي في وجهها " لا تسألوا عن أشياء إن تبد لكم تسؤكم " أو تجاهلي الإجابة واصمتي لعدة ثواني وغيري الموضوع. بنت خالتك شخصيتها مهزوزة وتغار منكِ كثيراً تنقص من قيمتك حتى تزعزع ثقتك بنفسك.. هدوئك وشعورك بالسلام الداخلي يغيضها.. تجاهلي كلامها فأنت واثقة من نفسك بالفطرة تحتاجين لإكتشافها فقط. |
مكرر
|
مس هاواي كلامها صحيح لازم تكونين حازمة معها وماتكونين ضعيفة الشخصية امامها..
|
اهلين اختي .. انا مع كلام اختي مس هاواي بكل اللي قالته والله يهدي بنت خالتك |
أختي الكريمة ...أعتقد أن تقارب العمر بينكما اذافة الى كثرة المقارنات التي قد يجريها أهلكم بينكما لها دور في الموضوع....هل كلامي صحيح؟؟
|
أرسليلها رسالة على الجوال وصارحيها بحبك لها وملاحظاتك عليها .
|
كوني حازمه معها وإذا قالت شي يضايقك بيني لها انك متضايقه حتى ماتكرر كلامها..
|
اضافة لما قالوه الاعضاء
اعتقد انها تغار منك اما لانها ترى انك افضل منها او لوجود من يقارنها بك كوني اكتر شدة معها ولكن لا تقاطعيها |
عطيها كف خلي راسها يدور
|
نفس الي تسويه معاك سويه معاها ...
تاخذ شطنتك اسحبيها منها واذا تكلمت .. قولي لي لها ا... تخليني افتش شنطتك؟؟؟ ونفس الشي في الجوال .. اما عن الكلام الي تقوله .. لاتقوليه لها .. انتي قولي لها انك ماتحبين هالكلام وكوني صريحه معاها لانك اذا ماوقفتيها عند حدها راح تزيد ...بس اذا شافتك ترديها راح تحسب الف حساب قبل كل شي تسويه وتقوله هموووم |
بكل هدوء قولي لها
الي ما ترضينه لنفسك لا ترضينه لغيرك و الواضح اصلا من تصرفاتها انها غيررررررررررررررررررررررانه منك و مو واثقه من نفسها ولا هي ايش دخلها بالي يقوله لك خطيبك ولا ليش تقعد تقارن بين جمالك و جمالها قدام الناس |
مافيها شي قولي لها احترمي نفسك عشان ماارد رد يزعلك
|
اذا سكتي بتهاون فيك اكثر واكثر
لاتسكتييييييييييييين نصيحه مني ردي عليها كل شي بوقته انا مريت بموقف مشابه لموقفك مره كنت انا وبنت خالتي نكتب في نفس المنتدى وكانت تستهزأ بمواضيعي وترد عليها وتضحك وماسكت لها ابدا ابدا رديت لها الصاع صاعين كتبت لها انا ما اشوف شي يضحك بالموضوع بس عقلك السخيف يشوف والله من بعد هالمره ماعادت تسوي معي اي شي يضايقني المفروض يوم قالت للبنات انا احلى منها ماسكتي كان قلتي انتي حلوه في نظر نفسك ونترك الحكم للباقين يحكمون من احلى جربي توقفينها عند حدها واكتبي لنا النتايج |
بنت خالتك مع احترامي لك فقط وللأعضاء(((((((((( ما تستحي )))))))))))) واللي تسويه وقاحه خصوصا انها ما احترمت خصوصياتك ولا احترمتك قدام الناس وانا فعلا حمقت من سكوتك عليها ولو انا منك بمجرد ماهي تفتش جوالي اسحب جوالها وافتش فيه وقدام الكل وخليها تتكلم بقول ( وانتي ايش اللي في يدك ؟ ) وخليها تمسك الشنطه حقتي مباشره امسك شنطتها وخليها تفتح فمها بحرف كمان حقول لها ( وانتي ايش اللي بيدك...صدق شين وقوي عين...والا اعور ويناقر ) بعض الناس لازم تدينه على دماغه علشان يستعدل واذا علقت وقالت انها احلى منك...قولي ادري انك غيرانه مني بس مافيه داعي تحرجين نفسك قدام الناس ترى انا ما ارضى عليك...وماعليك يابنت خالتي اهم شي جمال الروح...جملي روحك مادام ان وجهك ميؤس منه...على الاقل بعضه ولا كله... وعن خطيبك....ادي لها نظره كلها استغراب واسأليها اشرايك تجين معانا احسن؟ ولا تكملين... وان قالت يا حماره واللذي منه قدام الناس والله لاقول ( وصارت معاي اش كثر بس ما يقولون يا حماره لي يقولون يا الهبلا ) بأقول لها ( بعض مما عندكم ...انا نقطه في بحرك....من ذوقك...كلا يرى الناس بعين طبعه ) اختاري اي وحده تناسبك....وكمان قوليها وانتي تضحكين مثل ماهي تضحك... واذااحتاج الموضوع لزيادة حزم مني....بأقول لها....عطيناك وجه عاد احترمي نفسك بلا قلة ادب...ما أسكت عليك الا اقول يمكن تحسين بس طلعتي بدون اي احساس ولازم افهم فيك....والا بالناقص علاقتي وقرابتي معاك حلوه هذي تشرشح فيني واسكت لها لأنها بنت خالتي ...وخير يا طير ...ماهي نبيه لازم اتبعها ....ادي لها على وجهها خليها تفوق من سخافتها ( اعتذر عن الصرامه في الكلام واذا ناسبك فعليك به واذا ما ناسبك بلاه كله وكأني ما كتبت شي...بس ما احب الحال المايل) |
| الساعة الآن 01:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©