|
خافوا الله أنتوا بتخطبوا البنت ولا وظيفتها
بسم الله الرحمن الرحيم
الحكاية ومافيها أني كنت قبل فتره موظفه بوظيفه غير رسمية وبمجرد ماخلص عقدي معاهم تركتها ومابغيت أرتبط معاهم بشي ثاني لأني ناويه أكمل دراسات عليا السنه الجايه ان شاء الله وماهمتني الوظيفه قد ماهمتني الدراسه بس المشكله فين !! أنه قبل أسبوع تقريبا دقت علي وحده كانت طالبة منتسبه و كنت معطتها رقمي لغرض معين والظاهر هي محتفظه فيه للحين و مجمل كلامها أنها تبي تخطب لأخوها وبعد مدح فيني وفي أخلاقي وبصراحه قطعتني مدح و و و و و نفاق واضح ولا تقول لنا الشرف تكونين زوجة أخوي << كذا قدامي والله ألي ماتستحي المهم لما قالت عطينا الرقم نكلم الماما اعطيتها بس أستغربت هي اني ساكنه بالرياض والوظيفه مو بالرياض وحبيت أوضح لها أني تركت الوظيفه وقبل لا أكمل كلامي طاحت علي أسئله ليه !! وكيف !! ومتى !! وأنا تلخبطت وحاولت أوضح لها باللي قدرت أجمعه من كلام باين من كلامها أنها مصدومه أني تركت الوظيفه وكأنهم جايين بيخطبون وظيفتي مو انا وبعد فتره أنتبهت لنفسها وحست بارتباكي وقالت مو مشكله << قهرتني بكلمتها هذي كأنها تبي تتصدق علي بأخوها وإلى الآن لا دقوا ولا هم يحزنون بصراحه فكرت بكلام أبوي كثير وأنه صدق بكل كلمه قالها هو و أمي كان يقولي أستني لما تتوظفين رسمي والكل راح يخطبك وأفضل الناس بعد معقوله أقبل بناس مايبوني أنا يبون وظيفتي والله شي يقهررررررر أمي تحاول تقنعني أن مافيها شي ان الناس تدور الموظفه بس أنا ماعجبني كلامها ألا قلة رجوله فيه بس ألي قاهرني لهالدرجه صارت الوظيفه مهمه في إختيار الزوجه ؟؟ وش يبون من وظيفتها ؟؟ عشان تصرف على نفسها وتريحهم ؟ وين قوامة الرجل على المرأة ؟ تنصحوني أكمل دراسات عليا ألي أتمنى أني أكون دكتوره عبير ولا أتوظف عشان عمري مايضيع علي؟ لأني سمعت ان ألي تكمل دراسات عليا ماحد يبيها لأنه يخاف تكون أعلى منه ومغروره بنفسها وتهمله أعذروني على النفكير لأن تفكيري مادري كيف جاي هالأيام << محتاااااااس |
كملي دراستك والله يوفقك ............
احسن من تجلسي في وظيفتك وهي مو شي وبعد 10 سنوات (لا قدر الله مكروه ) تصيرين لا زوج ولا وظيفه .......... اختي حرام تحرمين نفسك من المستقبل المشرق اللي تتمنين تشوفين نفسك فيه وكمان تنحرمين من الزواج .......... ايهما افضل عانس دكتوره ولا عانس على قدها ههههههههههههههههه بس انصحك نصيحه انت ادرسي ماستر وبعده خذي راحه فتره طويله لحد مايجيك عريس(هذا لو ماكانتي متزوجه وان شاء الله ربي يوفقك ويرزقك قبل ماتخلصين من الماستر))))))))) لانه فعلا اذا فكر احد يخطب وقالو له دكتوره يحسبها عجوز كبر جدتي اما اذا قالو معاها ماستر شوي مهضومه ............. توكلي على ربك .......... وربك كريم يرسلك عريس ............. الله يرزقنا واخواتنا ازواج صالحين وذريه صالحه ..............عاجلا غير آآآآآآآآآآجل |
يا قلبي يا عبير حاسه والله فيك لأني ماره بنفس وضعك يوم كنت بأول السنه هذي ماجدد عقدي واتصلوا علينا ناس بيخطبون ويوم اعرفوا اني قاعده بالبيت ولا جدد عقدي انسحبوا واختفوا كأنه فيني عله أو اعاقه واتذكر كتبت هنا بالمنتدى عن قصتي بس الحمد لله يا عبير على كل حال الله يرزقهم ويرزقنا ويعوض صبرنا خير مادري وش فيهم الناس اذا جوا يخطبون كأنهم مانين على أهل البنت بولدهم حتى لو كان الولد فيه عيوب بس البنت لو فيها عيب بسيط صار وش كبره بعيونهم وصارت البنت ماتنفع الله يرحم الحال مادري وش فيني انطلقت بالكلام يمكن علشاني مجروووحه من هالموضوع لين قلت بس وخصوصا إني الحين أمر فيه وضع ما يعلم فيه إلا رب العالمين وبالنسبه لدراستك شوفي حبيبتي حققي طموحك و كملي تعليمك واللي تبينه سويه لأن الدراسات العليا بهذا الوقت مهمه مثل ماتشوفين بكالوريس هالأيام ماينفع أمني مستقبلك بعد الله بالدراسات العليا أفضل من ناحية المستقبل الوظيفي والله يوفقك ويرزقك بالزوج الصالح اللي يسعدك وتسعدينه |
طيب اذا انا موظفه هل يفكر الزوج ان بعطيه ريال ولا بسدد غواتير ولا اجار بيت ولا حتى بصرف فلوسي على نفسي؟؟؟
استغرب يتزوجون يقولها بفلوسك اشتري لنفسك اي شي لما تطلب منه ريال ياويلها يعني انا زوجه فقط لفرش مصاريفي على نفسي انا ادفعه حتى لو مرضت وتقطعت من المرض هو ماله خص وش الوظايف الي عندنا انا من تقولي وحده انا موظفه على طول اعرف انها معلمه |
صراحه صادقه
اغلب الشباب صار تفكيرهم مادي وخاصه من ابو الفين مايبي الا موظفه بس سبحان الله دايم اللي يشترط هالشي يكون فيه خلل |
كملي دراستك والله يوفقك ............
|
اقتباس:
والله انا عندي عانس على قدها اهون من عانس دكتورة على الاقل عانس على قدها متحسرة على الزواج بس اما الدكتورة لأنها دكتوة تحس انها تستاهل الافضل وعانس بعد طبعا في النهاية كلها تحرق القلب اقول عبير عندي اقتراح حلو.. شرايك تتوظفين بأهلية يجونك خطاطيب بالهبل:d مع ان الراتب مايسوى هههههههههههههه مثلي بس انا سبحان الله يطيرون... شوفي يالغلا اتذكر اخواني كلهم بالرغم ان ماديتهم مرة كويسة ماشاءالله كانو يقولون نبي موظفة( ماهو شرط بس يفضلونها) عشان تساعد نفسها لأن صرفية البنت الحين مرة عالية.... واغلبهم تزوجو عاطلات.. يعني الشغلة مو استغلال زي ماهو تفكير بالمستقبل.. بس فعلا فيه بعضهم تحسينه شرط اساسي عندهم ع فكرة انا مرة دقت وحدة تخطبني قالت لامي هي مدرسة صح؟ قالت امي ايه في اهلية قالت امه يوووووه الولد يبي موظفة زي الناس <<< يعني انا مو زي الناس زين اجل الله يوفق بنيتكم ويوفق ولدنا وسكرت! والله العظيم ياعبير اني فرحت تدرين ليه؟ هذا شكله طفران مامعه شي كيف بيعيشني دام اهم شرط عنده موظفة حكومي! وش ابغى فيه اتزوجه الله يخليك؟ بتصير حياتي عذاب ماحس اني عندي رجال يصرف علي حتى اقول بنفسي اشوى الحمدالله ماجو وطلعت عليهم وحالة يعني احمدي ربك خيرة من رب العالمين ان شاءالله ربي يعوضك ياكريم |
والله مافيه فرق بين اللي خطبوني وانا مو موظفة واللي خطبوني بعد الوظيفة ..
وغالبا اللي يبون وحده موظفة يكون الخاطب راتبه قليل .. او فيهم صفة البخل .. ولازم تحطين في بالك اذا جتك وظيفة رسمية وبعدها انخطبتي لازم الشرط الاساسي الراتب لك .. والله يوفقك ويرزقك الزوج الصالح .. |
شكله بيجيني إنفصام أنا من كثر ماأقرأ وأسمع كلام يضــــــاد بعضه !!
بالأخير ياعبير إنت ِ شوفي نفسك وش تميل له ؟ تبين تكملين كمــــــــلي دراستك وربي يوفقك ماعليك من أحد إن كان فيه من بيتزوجك علشان وظيفتك بيجي غيره مايبي متوظفة وإنت لاتصيرين تابعة لرغبة أي أحد ألزم ماعليك نفسك ورغبتها مدامك ماشية صح واللي تقولك وش أفضل عانس دكتورة ولا عانس على قد قدها !!!!!!!! وش هالمنطق الله يرحم والديك ِ يعني حكمتي إنه الوحدة معنسة معنسة <<< ياكرهي لهالكلمة شوفي ياعبير أنا تفكيري أكيد يختلف عن تفكيرك لذلك ماأبي أقولك رأيي في الموضوع وممكن يصير مش على رغبتك لذلك أترك لك الحرية في الإختيار بين الدراسة والوظيفة لأنه كلها معقولة وماعليها كلام لأهم ماتجلسين كذا بدون شيء فهمتيني ؟! ورزقك اللي ربي كاتبه بيجيك حتى لو كنتي جالسة بدون دراسة أو معك دكتوراة الله يوفقك وييسر أمرك وأمرنا . |
أجل انا أعرف واحد من الشباب جلس تقريبا خمس سنوات يدور على زوجة تصلح له وخلال هذي الفترة تقدم لأكثر من عشر عوائل ، منها شاف ثلاث بنات ....لكن كان يقابل بالرفض التاااااام
علما أنه رجال مستقيم خلوق وموضف وضيفة زينة لكن تدرون وش السبب في رفض العوائل له ؟؟؟ كان من شروطه : أنه يشترط على البنت إنها ما تتوضف ، وهو مستعد يقوم بطلباتها والحين الرجال متزوج والحمد لله لكن لو لا أنه صديقي وانا أعرف كان قلت الرجال يبالغ بكلامه . حتى إني حلفته بالله فحلف لي ( معقولة .... خمس سنوات يدور بنت ما يبيها تتوضف علشان ما يتعبها .....وما يلقى ) غرييييييييييييبة |
السلام عليكم ورحمة الله وبركاته
صدقتي والله أموت من القهر ويطيح من عيني الريال الي يخطب عشان الوظيفة فقط ولا يسأل لا عن دين ولا عن خلق ذكرتيني بصديقتي يحليلها توظفت وتتصل فيني فرحاااااااانة مو عشان الوظيفة تقول الحين بيخطوني أكيد والله كسرت خاااطري حيل لكن صدق رسول الله تنكح المرأه لمالها ولدينها و لجمالها نسبها ومثل ما قالت شوبارد في ناس مو تفكيرهم بحت للمال إنما للمستقبل يعني موشرط أساسي إنما يقدم الدين والخلق ثم المال أسأل ربي أن يرزقكِ وإيانا الأزواج الصالحون بالقريب العاجل إنه ولي ذلك ومولاه والقادر عليه |
لو مبدأ الرجال انها تكون موظفة عشان تكون راقية في تصرفاتها ( اكيد القاعدة مو عامة)
او عشان تساعده في مصرافيها الخاصة ترا الحياة سارت صعبة والله لا الالف ولا الخمس الاف سارت تكفي عادي اذا الواحد فضلها مشتغلة لكن انتي كملي دراستك ماحد يعرف وين الخير ومتى بيكون نصيبك , وممكن تدرسي وتشتغلي في نفس الوقت كثير يسوا هالحركة وموفقة اختي ونسمع عنك اخبار حلوة قريب |
د.مشاعل خوفتيني
أن شاء الله أم و دكتوره << ما على الله عسير شكرا لك على الرد همة عالية يا قلبي أنتِ بإذن الله بيجي ألي ياخذنا عشان أنفسنا مو فلوسنا والله مادري ألاقيها من أهلي ولا منهم الله يصلح الحال يالغاليه وشكرا على ردك هلا أم مزنه الله يجزاك خير وأبشرك الوظايف النسائيه بدت تتوسع أكثر ولو أن التعليم له النصيب الأكبر قزم بس عصبي تبي الصدق مرات الأم هي ألي تكون مقنعه الولد بالموظفه << حانته ماتبيه يصرف على بنت الناس!! برايك وشو الخلل في مثل هالرجاجيل ؟ مشروع تخرج شكرا هلا شوبارد والله الأهليات ماحبها وألي اعرفه ألي يخطبون موظفات يبونهم بوظيفه رسميه<<زي الناس على قولتك : ) وأحس ألحين أني هديت وبديت أفكر بشكل أفضل لو منزله الموضوع أول مادقوا كان علوم لأني مقهوووره من اسلوبهم وكان ودي أرجع أدق عليها أأدبها بس على قولتك ان شاء الله خيره وشكرا لمرورك هلا Dew Drops لا توصين إذا توظفت رسمي رااااااااح أوري الرجاجيل سنعهم لأتشرط شروط وأهبل فيهم مثل ما هبلوا فينا مو راح أكون موظفه ومن حقي << أعذروها من القهر بسم الله عليك يالـغاليه خليك قويه ماشفتي شيء منهم ومايستاهلون يجيك شي عشان أفكارهم المتضاربه بعض الرجال كائنات غريبه إذا تأملتي في تفكيرهم يجيك الجنون وبخصوص دراستي الظاهر بكمل ولو أني خايفه على حياتي المستقبليه بس بإذن الله ربي مو مضيعني أشكرك على المرور الحلو زوج في المستقبل والله مشكله خمس سنوات مالقى حرمه تجلس بالبيت يا شيخ العاطلات مافيه أكثر منهم في كل بيت تحصلهم كيف صاحبك ماحصل ؟ ولعلمك يا كثر ألي يبون يجلسون بالبيت مرتاحات بس يجيهم ضغط من الأهل أو الزوج عشان تشتغل على العموم شكرا لردك وقل لصاحبك الزوجه الثانيه يدورها زين ويراجع شروطه لأني أشك ان الخلل من عنده يا مرحبا بـعذبة المنتدى الله يكون في عون صديقتك ، بس تدري أن تفكيري حاليا مثلها الله يكون في العون ويارب يرزقنا وجميع بنات المنتدى |
اقتباس:
صحيح كلهم عوانس بس اقل شي الدكتوره حققت شي لذاتها .......... بس حبيت اوضح وجهة نظري ............. |
يااااااااااااااااااااااااااااااااااااااااااااااااا اااااااااه
عبوره هونيها صدقيني تصير كثير الله يعوضنا خير يارب |
هلا الحب والحبيب
والله مدري أنتِ عندك عادي إذا فضلها مشتغله بس أنا مو عادي إذا كان الغرض تصرف على عمرها وهو رجال مقتدر لا وفوق هذا بعد ما أدري بالموضوع ينسحبوا وكأن فيني شيء << والله حقاره تبط الكبد والله كان تفكيري مثلك الحياة تعاون بس بعد ألي صار معي كرهت نفسي هالشيء شكرا لردك |
اقتباس:
يا حليلك والله كلامك صح بس دعواتك لنا مانبي نصير دكتوراة عوانس << خافت |
حبيبتي عبير انتي انسانه طموحه
و لذا حققي حلمك و روحي كملي دراستك و احسن انك ما خذتي هذا الي يبيك عشان الوظيفه يعني باجر لو لا سمح الله طردوك من الوظيفه بيطلقك يعني و الي يتقدم لك لازم يكون عشانك انتي مو عشان شي ثاني و الله يوفقك حبيبتي لما فيه الخير |
كلامك صح .. شي يقهر لما الرجل يكون من اهم شروطة انها تكون موظفة !! لان هذا الحال يوحي بانه طمعان في مالها .. وهذا شي مقرف حقيقةً .. بل ممرض كمان :)
عموما ليه مانقول شي تاني .. الزمن هذا اصبح يصيب الحليم فيه بالحيرة ... فلا البنت راضيه بشخص فقير .. ولا الرجل قادر على حكم الزوجة بما لديه من قدرات ماديه ... المشكلة في الجميع بلا استثناء ... عندما تصبح المرأة عبئ على الزوج .. وتصبح طلباتها الثانوية والكمالية .. شي اساسي في حياتها .. واذا لم يوفرها الزوج يصبح غثيث وعلة :) وليتها لم تتزوجه ... اقول هنا .. يصبح مثل هذا الشرط مطلب اساسي للرجل .. على الاقل :) يقول خلها تشيل قرفها بنفسها :) <<< احترم نفسك يا اخينا :) من جد اعتذر عن كلامي .. ولكن صدقيني المشكله من الجميع ... جرت العادة ان طلبات النسوان عبء ومع ذلك يجب تحقيقها .. منذ اول يوم خطبة ... مهر وفرح وذهب ومعازيم وملكه وعربيه وخرابيط .. والقائمة تطول :) ... صدقيني مايحدث اليوم هي جريمة بحق الازواج جميعهم .. والمجرم الاساسي هو ( العادات والتقاليد ) مع الاسف ... قد لايكون كلامي هذا ينطبق على الجميع .. اكيد بدون شك .. فالدنيا بخير .. ولكن الاغلبيه .. والحكم دائما على الغالب والاكثريه .. اصلح الله الاحوال ... ورزقك بمن تقر به عينك .. دنيا ودين ! انه على ذلك قدير .. تحياتي ... . |
ام و زوجة حنونة
الله يجزاك خير مشاركتك نورة الصفحه وتبين الصدق حلمي الأول أني أكون أم لكن بسوي ألي أقدر عليه وهي الدراسه أما الحلم الأول بخليه متى ماجاء يجي << يارب مايطول هلا مجرد يوزر مادري ليه أحس أني عاجزه أبلع الموضوع ألي صار وأنساهـ الله يعوضنا خير وشكرا لردك الحلو ولو أني مابي أحد يدور لهم أعذار |
عبير رأيك نتوظف وظيفة رسمية عشان نتزوج
الله يعين بس استخيري الله في امر اكمال الدراسه واذاكان عندك طموح لاتقتلينه فيه شباب يفضلون المتعلمة بس اهم شيء عدم الغرور وشوفة النفس |
اي والله يا غلا
ودنا نتوظف عشان نتزوج << منهبله البنت بعد الموضوع بس بصراحه خايفه بعد ماتوظف يقول أبوي هذي يبي لها وزير ولا سفير ويتعقد موضوعي زياده الله يكتب لنا ألي فيه الخير ، ربي اذا كاتب لنا نتزوج نبي نزوج رغم كل الظروف |
السلام عليكم ورحمة الله وبركاته
الله يسهل لك يا قلبي وتتزوجي وتكلمي دراستك ولا تزعلي إحنا إن شاء الله نقول لك دكتورة عبير والنصيب حبيبتي عند الله مو بالوظيفة ولا عند الرجال الله المستعان |
هلا الحلوه انتِ << مو أنا
الله يسمع منك ويرزقني ربي الأثنين كل شيء بيده سبحانه ومو معجزه شي أشكرك جدا على المرور |
عزيزتي عبير الرياض.. أولا هل أنت من النوع الذي يهمك المستوى التعليمي للمتقدم لك.. أم تهمك الشخصية فقط.. و هل لو إرتبطتي بشخص مستواه التعليمي أقل منك سيحسسك بأنك أعلى منه .. أسئلة مهمة عليك إجابتها بينك و بين نفسك.. ثانيا تأثير الدراسة على شخصياتنا .. و نظرة الناس بعدها فكم من فتاة أكملت الماجستير و لم يتقدم لها عرسان بشهادات جامعية أو ثانوية بحجة أنها ربما لن تقبل أكيد تطمح لإنسان يحمل شهادة الماجستير.. و كم من فتاة تغيرت بعد حصولها على شهادة الماجستير أو الدكتوراة .. فقبل أن أجيبك تمعني بما قلت.. دمت بحفظ الله خيتي |
طبيعي جدا ان يبحث الشاب عن الموظفه لأن أغلب الوظائف من حيث النوع والكم اصحبت للنسـاء
والحياة اصبحت صعبــة والمشاركة بين الزوجين اضحـت شبه ضرورية هذه الايام |
والله موضوع شيق وصراحه ودي اشارك مره ثانيه :d
تصدقون اعرف اصدقاء لي متزوجين مدرسات واحد مطلع سياره ب 100 الف على زوجته والثاني مقصد قرض على راتبها والمسكينات يكرفون كل يوم وهذولا لاقينها بارده مبرده والله قمة الاذلال لا والزوجه مصدقه انه يحبها ماتدري انه يحب فلوسها وانه بكرا يجمع فلوس ويتزوج عليها |
اقتباس:
الرجل الي زوجتـه ما تشتغل صعب انه يتزوج لأنه صعب يوفر مال في ظل غلاء المعيشة لكن الي زوجته تشتغل يقدر يوفر ولو جزئيـا ويتزوج . ولا عـزاء للموظفــات .. |
اقتباس:
بمعنى أصح الزوجة اللي تعطي زوجها وتسبغ عليه بالمال بنظره ساذجه ومغفله؟!! قرأت ذلك مره وأريد التأكد؟؟ |
اقتباس:
هناك طبعـا رجال يحبون زوجاتهم فعلا ولاينظرون للمرأة التي تساعدهم على متطلبات الحياة بأنها ساذجة أومغلفـة بل ينظرون اليها بكل احترام وتقدير وتزداد محبتها في قلوبهم . |
هلا أختي "DimGray" يعني تنصحيني أدور لي وظيفه أحسن << شكل مستقبلها أفضل من الدراسة يوم افكر بالأستاذات عندنا بالجامعه الأغلب عيالهم توهم صغار على أنها كبيره ولو سألتي من زوجها لقيتيه دكتور بنفس الجامعه وكبير مرهـ وهي يا تكون الثانيه ولا الثالثه أو الرابعه بصراحه أمر مقلق ماترددت فيه كثر ترددي ألحين !!! |
أخ رحل طيب
كيف أغلبها أصبحت للنساء ؟ ألا الأكثر رجاليه حتى في التعليم والدليل التعيين الأخير للمعلمين والمعلمات قارن بين الأعداد وتعال والنساء وظائفهم أكثرها تعليميه وغلبتوهم فيه وش بقى للنساء عشان تقول أغلبها نسائيه ؟ يا أخي إذا يبي موظفه ياليت مايخلي هاذا أهم شرط عنده بحيث يكون هو المرجح بين القبول وعدمه وين معيار الدين ألي حث عليه النبي صلى الله عليه وسلم وقدمه على المال والحسب والجمال وبعدين الأفضل للمرأة القرار بالبيت وأنتوا تبون تطلعونها منه وبالأخير تصايحون ماخذينا حقوقنا !!! ثم يكون بعلمك حتى لو كانت موظفه فمن الواجب على الرجل الصرف عليها وهي ماتصرف على نفسها ولا ريال لكن ألي يصير العكس والدليل قصص الإستغلال لراتب الموظفه حتى أنها هي ألي صارت تصرف على البيت الله المستعان |
مرحبا قزم بس عصبي أنت والأخ سيد الرجال
والله قصصكم تخوف _مسوي يحبها عشان يستغلها_ << يا كرهي للرجال لكن بقول لكم قصه قهرتني وجننتني فيه واحد وزوجته أشتركوا ببيت وشروه ثم سكنها تحت وتزوج فوق << تبط الكبد وفيه قصه موظفة أعرفها كانت مساعده زوجها في بناء بيت له وكان بسمه من زود الثقه وسكن معها أهله المهم يوم أغتنى الرجال راح أستاجر شقه بنفس الحي وتزوج فيها ثانيه << نذاله والله إذا الحرمه بوظيفتها وقادرهـ تصرف على نفسها وش تبي بالرجال عشان تصرف عليه وعلى بيته قال تعاون قال |
هلا أختي كل الغلا
ما قلتي رايك أتوظف ولا أدرس << مصممه على السؤال والله يا وخيتي الرجاجيل ماينعرف لهم بس الظاهر لي مايحبون ألا أنفسهم مانبي منهم حب بس نبي إحترام وتقدير يعاملونا بعدل وحق وكثر الله خيرهم أخ حارس الأزواج << وش معنى أسمك أتمنى كلامك صح ولو بنسبة 1% من الرجال |
اقتباس:
في الحالة الاولى المرأة غير ملزومه بشيء ابدا .. لكن في حالة المرأة الموظفه يكون الرجل قد تنازل عن حق من حقوقه وهو بقاء المرأة في البيت مقابل عملها ولذلك افتى القرضاوي أن تساهم بحوالي ثلـث الراتب لزوجهـا . اذا ما عندك علم في الأمـر لا تشتغلين مفتيــه . انا عندي زوجتين والزوجتين موظفــات ويساهمون بكل طيبة خاطر بنفقات البيت بدون أن اطلب منهم أي شي .. المسألة مسألة تـفاهم وحب اذا كان التفاهم والحب موجود كل المشاكل تنحل . |
اقتباس:
حارس : مـن الحراسـة أو يحــرس . الازواج : الذكر والانثى المتزوجون يسمون أزواج ( او كلمة جمـع المتزوجين ). طبعا الاسم مجازي بمعنى حارس وحامي المتزوجين من شرور المشاكل من خلال تقديم الارشادات التي قـد تساعدهم وتحميهم وتحرسهم من شر المشاكل :) انـتِ متشائمـه كثير من الرجال .. مع اني اشوفهم أفضل نسبيا من نظرتك ورؤيـتك عنهم ( يمكن انـا احكم على الأمـر من خلال البيئه او مجتمعي الصغير اللي عايش فيـه ولذلك ممكن تكون نظرتي بها بعض القصور ) وبكل الاحوال .. تفائلوا بالخير تجدوه إن شاء الله .. اتمنى لك كل التوفيـق .. |
... مسائك وردي .. أختي عبير .. قرأت سطورك .. لكن لم أنظر لردود الاخوه والاخوات سأقول لك رأيي عن تجربه أعتبريها نصيحه أخويه .. وأتمنى أني سمعتها قبل وقوعي .. شووفي .. كل وحده فينا تطمح تصير في مركز قيادي .. سوء دكتوره او أستاذه .. او خلافه .. لكن قبل ماتتورطين في حكايه الماستر أنصحك توظفي بعدين كملي دراستك .. تتدرين ليه الدراسه ملحوقه واذا كنتي مرتاحه نفسياً ومادياً تقدرين تعطين الماستر بشكل أفضل .. لانه الماستر ماهو سنه وخلاص ..!! بتوصلين مرحله تتمني انك فيها موظفه عشان ماتقولين لاي أحد " أبي فلوس " وانتي كبيره وقاده على أعالت ذاتك ..! نصيحه ياعبير رزقك بيجيك سوء وانتي دكتوره ولا غيره بتتزوجين أن شاءالله .. صح كثير يقولوون يووووه معها ماستر اكيد كبيره .. وصارت لي كثير .. بس الشكوى لله .. ماتتدرين الدنيا ارزاق .. وان شاءالله ربي يرزقنا ازواج لذاتنا مو لمالنا ووظيفتنا .. هذا اذا توظفنا طبعاً .. الله كريم ..,, واذا انتي تقولين بتاخذين الماستر عشان وظيفه افضل أقولك صارت الحين كلها متساويه أغلب صديقاتي نفس حالتي بماستر وبدون وظيفه .. يعني الشهاده ماسوت لنا شي .. حتى المدارس الاهليه ترفض توظيف حاملات الماستر لانهم يجبرون على دف راتب اكثر . هنا تجي دور الواسطات .. الله يرحمنا برحمته .. فكل الي اقدر اقوله لك توظفي رسمي بعدين ادرسي ماستر ودكتوراه على راحتك وانتي مرتاحه ومو محتاجه لاحد رغم انهم اكيد الاهل مايقصرون بس نظرتك لنفسك بتكون غير .. ربي يوفقك .. نشووفك دكتوره عبير .. ( التعبير بالعاميه أسهل واسرع فعذراً ) تحياتي لكِ أختكِ عانس بزمن عابس |
أخ رجل طيب
أنا ماقلت من عندي ياليت تبحث في المسألة زين والله يخليلك زوجاتك فإذا المسألة برضاهم فمافيه مشكله وشيء جميل التعاون عن طيب نفس بس المشكله ان كان من غير رضاهم حارس الأزواج ألحين فهمت معنى أسمك الدقيق ... شكرا وبالنسبه للرجال ماخلاني كذا ألا من كثر ماسمعنا عنهم الله يصلح الحال |
هلا أختي الغاليه
والله أني أفكر مثل كلامك الآن مالي متخرجه ألا سنه وعانيت أني أطلب من أبوي فلوس فكيف في الماستر ألي يستلزم صرف أكثر .. الله يسهلها علينا .. وبالنسبه كوني أتوظف رسمي قبل أدرس فأتمنى هذا لكن مو بيدي حاليا لأن الوظيفه ماعتقد تجي ألحين يمكن بعد ثلاث سنين أو أربعه فقلت أستغلها دراسه ألين تتيسر صح أني أحب الدراسة كثييييير بس لو حصلت وظيفه رسميه ماقدمت الدراسة عليها لأن الوظيفه بوقتنا مستقبلها أفضل والأهليات ماحبها أبد أبد أبد الله يكون بالعون وشكرا لك على مرورك الحلو |
انا اوافق اختي ((عانس بزمن عابس)) بالراي
اختي عبير تبين تضحكين؟؟ خطبني شخص سامع اني معلمه ولما تمت النظره الشرعيه سألني انتي معلمه؟ قلت له لاء انا موظفه ولست معلمه... عارفه شنو كانت رد الفعل؟؟؟:eek: :rolleyes: انصدم صدمه قويه امه ترد علي تقولي:14: احسن المعلمه شغلها متعب وما تقدر توفق بين البيت والتدريس وتحاول ترقع الموضوع:d بس هو منصدم صدمة عمره انا شفت انه ما يستاهل ... حبيت اغثه لانه غثني على الحركه هذي .. بذمتكم مو عيب عليه ؟؟؟ كأنه ياي يخطب وظيفة المعلمه؟؟؟ ولا احترم امه طبعا اختك خلته ينغاض ورديت عليه قلت له :: انا صراحه كنت معلمة واستقلت من الوظيفه ... ما عجبتني ولا يهمني راتبها المهم راحتي:23: زاد اندهاش الرجال وبدا يلمح بتعابير وجهه لامه انه رافض. طيب انا موظفه وراتبي مثل راتب المعلمه بس اهو ما يدري و تركت التعليم لظروف |
| الساعة الآن 11:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©