|
الفراش والعلاقه الخاصه بين الازواج
السلام عليكم .....
ودي اكلمكم في موضوع لا اذكر انه حد قبلي فكر في عرضه .... وهو فراش السرير وعلاقته بعلاقتك الزوجيه . طبعا الحين بتتساءلون شو علاقته بالعلاقه الخاصه بين الازواج ..... بتقولون كفايه انه يكون نظيف ومرتب وبناسب لون الغرفه . ولكن ودي اقولكم ومن تجربتي الخاصه انه له علاقه كبيره ..... سأتحدث عن نفسي ليكون الحديث اكثر وقعا في النفس .... بالنسبه لفراش السرير لدي ابدله في الاسبوع 4 مرات .... معدل ليلتين لكل فراش ومره اخليه ليله وحده .... اخاف يروح بالكم بعيد تفكرون عدنا مشكله مرضيه نظطر نبدل الفرش كل يومين :) يمكن حد يقول انا بعد ابدله بنفس المعدل .... وحد الله يستر عليه يتم فراشه على السرير شهر ما يغيره . ودكم تعرفون السبب ؟؟؟ بتقولون فضاوه .... كثرة الخدم ..... الماي بلاش عشان هذا ربشه كل يوم والا يومين غيرت لبس سريرها ورمته غسيل :) لكن لو لمستم النتائج ستدركون ما ادركه ..... وعلى ما يقولون متى عرف السبب بطل العجب . السبب الاول : اغلاق جميع الابواب في وجه الروتين الممل والقاتل والتجديد . السبب الثاني : اي خلاف يحدث على السرير او زعل اظطر في تغيير الفراش ولو كان ما مر عليه الا ليله وحده عشان تنتهي المشكله والليله الي بعدها الفراش الجديد ما بيذكرنا بالمشكله. السبب الثالث : تغيير الوان الغطا ء .... وعدم الاعتماد على لون محدد او شكل محدد .... ( ورود . خطوط . حيوانات . . اسماك .جاكار . قلوب . رسمات طفوليه ) ... هذا يبعث في النفس راحه داخليه مما يزيد الشهوه للجماع. ودي انصح اخواتي المتزوجات نصيحه : لا يطوفكم تشترون غطا سرير الوان بناتيه ..... مثلا تخلين الشرشف وردي فوشي .... والغطا كله ورود .... وتسويين سريرك كأنه سرير بنت ... وتعطرينه بروائح عطور بناتيه.....هذا يعطي نتيجه تجنن بتعرفونها . اخواتي .... انتبهوا لملمس الغطاء .... اختاري الملمس الناعم لأنه يزيد الانسجام بينك وبين زوجك وتنامون وانتوا مرتاحين . ونصيحه لكم لا تتبخلون على انفسكم في اي غطى يعجبكم وتحسون انه له مفعول خاص ... خذيه ولا تفكرين الا في النتايج الطيبه الي بتلقينها من وراه . وحاولي اختي انه يكون عندك مجموعه من وسائد الزينه بألوان مختلفه .... خذي الالوان الرئيسيه ( الاحمر . الاخضر . الذهبي . الازرق .الوردي )..... خلاص ما بخسرك زياده ..... حطي مع كل غطا على السرير المخدات الي تناسبه وانتثريهن كل مره بطريقه مختلفه و لا تنسين تعطرينهن زين :) خلاص خلصت .... سوري على الازعاج. اتمنى وصلتكم الفكره . |
فكرة تهبل مشكورة اخت ربشة
لك تحياتي |
مشكور اخ حمد بن جام على الرد ....
بالنسبه لك اي غطا سرير يعجبك اشتره .... وافرشه في الغرفه قبل ما اتي المدام ... طبعا لازم تغسله وتعطره .. وحاول انه يكون مميز ....خلها مفاجأة العيد وشوف النتيجه . |
الاخت ربشه المرتبشه
فكرتك راااااائعه واشكرك على النصيحه |
وأهم شي البطانيه في الأجواء البارده
|
كلاااااااااااااااااااام سلييييييييييييييييييييييييييم 100%... جميل جدا التغيير...;) وأجمل منه التعاون بين الزوجين حتى يتم التغيير بما يناسب ذوق الإثنين..:rolleyes: :p ومافي أحلى من النظافة والريحة الحلوة لتتويج أجمل علاقة..كما وأن للألوان وإختلافها أكبر الأثر في النفسية..فإذا صعب عليكِ تلوين الجدران لوني الأثاث طبعا بإستخدام قطع القماش ;) .. بارك الله فيكِ..نصيحة ممتازة ومشاركة حلوة.. |
تسلمين على الافكار .. جذبني الموضوع ....
واسمعيني.... انا مب متزوجة ... سنقل.... بس لو تشوفين غرفتي تقولين غرفة معاريس ... انا كل اسبوع اغير غرفتي ..الشرشف .. والديكور .. والبخور .. والعطور ... تقدرين تقولين هواية كنت امارسها من كنت صغيرة .. وعلى فكرة احس ان هذا الشي راح يساعدني كثير لما اتزوج .. ولا ايش رايج؟؟؟؟ ودمتي ملاحك قطر |
الاخت ربشه المرتبشه
أفكار رائعة والتغيير سمة بارزة ومفضلة في الحياة الزوجية .. وفق الله |
الغالية ربشه ،،
اولاً النظافة من الايمان وان الله جميل يحب الجمال وحلو ان الوحدة تهتم بزوجها وتبرز انوثتها من خلال لمساتها في بيتها او مملكتها الخاصة . وانا اعرف وحدة والله انها بالشهور تبقى على فراش واحد ولا تغيرة !!!! على العموم جزاك الله الف خير على هذا الموضوع الحلوووووووووووو. اختك الهنوف.. |
مشكوره اختي الغاليه ربشه المرتبشه هالموضوع
لكن السؤال وش يسوي الي ماعنده سرير؟؟؟ :( .............عاشق الذوق |
تسلمي ربشه على هذه اللفته الحلوه
فعلا كلامك راح يجيب تاثير مختلف في الحياة وبعدين ترى زمان عنك وين ايامك ....لا تقطعينا مرة تانيه .... سلامي ..... |
الاخت ايلاف ....
مشكوره على الرد الجميل ... الله يسعدج و يوفقج . حبيبتي سابرينا ... شكرا لك ... ما احلى البطانيه وهيه نظيفه ومعطره والجو بارد والواحد يتدثر فيها .... صدق راحه . اختي العزيزه mema كلامك صحيح .... الواحد ما يقدر يصبغ الجدران بسهوله ... لكن ممكن يستخدم الاقمشه والوانها المختلفه في تغيير الديكور ... وبلمسات بسيطه من شموع و اكسسورات ..... تصير الغرفه ولا في الاحلام .... شكرا حبيبتي . |
ملاك قطر
حبيبتي طبعا هذا الطبع بيفيدج يوم تتزوجين .... وبيزيد عندج الدافع لتزيين الغرفه والاهتمام بها لأن شريك الحياه بيكون فيها معاج الله يسعدج . وبالنسبه لتغيير الديكورات .... شي جميل مدام انتي الي تقومين فيه ولا تضطرين لاحضار عمال دائما .... بالنسبه لي مثل ما قلت احط الوان الاقمشه تتناس مع الوان الاكسسوارات .... وفي كل مره احط throw .... الي هيه قطعه من القماش عليها شغل او تكون من المخمل او غيره .... وارميها على الصوفا في الغرفه ..... طبعا هذا له تأثير كبير على الزوج .....والله لو الناس يقتنعون انه الديكورات لها تأثير كبير على النفس والحياه الزوجيه... جان ما استخسروا فيها . |
hant
مشكور على الرد ..... وقم بالمبادره واشتري غطاء للسرير قبل العيد وفاجئ زوجتك بأجواء جديده . alhanoof مشكوره الغاليه ... طبعا البيت مملكة المرأه ...بالنسبه لي احب التجديد كثيرا واحاول قدر المستطاع اني ما اقتصد في الجوانب الي ارى ممكن الاقتاد فيها... لأنه وبكل صراحه ارى نتائجه تنعكس على حياتي الزوجيه .... ( بس مرات زوجي يقولي بس عاد مصختيها ) ..... لكن يوم يعرف ردة فعل الناس وكلامهم يوم يدخلون مملكتي يفرح ويحمد ربه انه زوجته ذوقها يعجب الناس . عاشق الذوق .... لا تقول انه ما عندك سرير ؟؟؟؟ وتنام على الارض ... :( يا اخي .... السرير مكان للراحه .... فلا زم تحاول انك تشتري سرير .... ممكن اخي اذا كنت من دول الخليج هناك محل اسمه هوم سنتر .... بتلقى عنده اسره حلوه واسعارها جدا مناسبه . |
بنت الموج مشكوره حبيبتي ...
فرحت انك حسيتي بغيبتي .... كنت اتغلى عليكم . |
فكره رائعه جداا الله يوفقك اختى ..ودئما اتحفينا بالمواضيع الرائعه
كثر الله من امثالك عزيزتى..... |
مشكوووووووووووووووورة اختى فعلا التغير مهم فى الحياة الزوجية
|
فكرة :):) روووووووووووووووووعة
مشكورة اختي ... وابصراحة فكرتج تهبل ... عاده لا تبخلين عليها بهالافكار .. وبطبق الفكرة ... وبشوف النتايج ... تسلمين |
لقد تم الإتفاق بين الإداريين على أن هذا الموضوع يعتبر من المواضيع المفيده، وسيتم وضع رابط له في الموضوع الدائم المثبت في قسم المتزوجين بعنوان شاكرين لك ، وفي إنتظار كل مميز وجديد من الجميع ...... |
| الساعة الآن 04:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©