|
الغيره والشك دمروا حياتي,,,,
بسم الله الرحمن الرحيم السلام عليكم ورحمه الله وبركاته انا عضوة جديده في المنتدى وارجو ان تعطوني حل انا متزوجه من ثلاث سنوات وعندي بنتين من اول ماتزوجت وزوجي كان يتركني يومين ويروح لاصدقاءه من دون علمي طبعا من منطقه لمنطقه وانا غريبه عن البلد يعني كنت اعديها وقلت لسا متعود على حياه العزوبيه حملت في بنتي الاولى ولما ولدت وبعد شهرين من ولادتي اكتشفت انه عنده جوال ثاني ونزلت اخذته من السياره وشفت ارقام بنات ومسجات وكل مسج فيه كلمه حبيبتي انصدمت صراحه كنت واثقه منه كثير بس ثقتي ماكانت في مكانها ولما قلت له اعترفلي انه يكلم بعد جدال طويل قررت اني اروح لاهلي حجزلي لحالي وفي الصباح تفاجئت انه حجز عشان يروح معي المهم وصلني وتهاوشت انا وياه عند اهلي وطلبت الطلاق تركني مده شهرين عند اهلي ولا سال عني ولا عن بنته اجا بعد الشهرين يعتذر ويترجاني اني ارجع رجعت بس الشك والغيره يقتلوني وانا الي ماكنت اغار عليه ابدا بعدها بفتره اكتشفته على النت يكلم وصار يغيب عني ومره غاب ثلاث شهور بس طبعا ماسافر كله نت لما رجع ماكلمته ولا عاتبته ولاشي بعد فتره عرفت من صاحبه ان عنده شريحه ورجع يكلم بنات وهالشريحه من زمان عنده والحين بعد ماصارحته قال لي انه كان عنده شريحه ويكلم وكان طول الوقت عالنت والان اعيش وحياتي ما اقدر اوصفها دائما اذكره بخيانته واذا طلعنا لسوق ولا اي مكان اموت اذا اطلع على وحده ونتزاعل ونرجع للبيت وانا مقهورة اعيش حاله صعبه ونفسيتي تعبت من الغيره والشك وطول ماهو موجود في البيت اذكره واقوله ليش خنتني ومافي ساعه تمرعلينا بدون زعل والحين رجع يتركني ويروح لاصدقاءه ويظل يومين ما اشوفه مع اني انا حلوة كثير وجسمي حلو والبس كل يوم شكل بس ما ادري ليه الخيانه منه والبرود مع انه دائما يقولي احبك وما ممكن اتخلى عنك بس الشك والغيره دمروا حياتي وما ادري ايش الحل ممكن تساعدوني ارجوكم انصحوني شسوي كي اتصرف بليـــــــــــــــــــــــــــــــــز ولكم جزيل الشكر |
اسال الله العظيم ان يهديه وان يصبرك
وتحملي علشان بناتك وادعيله دائما في صلاتك وان شاء الله ربي يهديه وصدقيني كنت اعاني مثلك بس دعوت الله في كل صلاه بان يبعد الغيره من قلبي وان يهديه والان الحمد لله رب العالمين ارتحت وريحت |
للاسف الشديد ليس زوجك وحده ولكن أكثر الازواج على هذا الطريق أدعيله في الهدايه وان شاء الله يهديه ربي
|
الله يعينك
و يهدي زوجك ادعيله في صلاتك و ان شاء الله ,الله بيصلح احواله الله يوفقك |
حسبنا الله ونعم الوكيل
طيب دامه كذا ليه يتزوج |
حسبي الله ونعم الوكيل
الاخت / كاملة الاوصاف والكمال لله وحدة لاشريك له أسأل الله أن يهدية وهذا بسب ضعف الوازع الديني فلو كان مراقبا" لله ويخشاه ويعلم أنهو يمهل ولايهمل لما كان حصل منهو كل هذا فيجب أن يحمد الله على الزوجة الودود الولود الي رزقة ياها وأسأل الله أن يفرج همك ويقضي حاجتك |
زوجك مراهق بتلك التصرفات حاولي أن تتصلي بشخص ثقة يقبل منه ويؤثر فيه أعانك الله وفرج كربتك
|
مشكورين حبايبي عالمرور والله يهدي الجميع ان شاء الله
ايو صادق انا من هالناحيه خايفه على بناتي وبيقولوا الدنيا دواره يعني هذا الي افكر فيه وخايفه من المستقبل ودائما اذكره وقول انك ما تخاف على بناتك بس يكبروا ما بيتكلم ويرجع يخون صبا نجد انا اهلي كلهم دخلتهم بالقصه وما فاد ويتكلموا معاه وينصحوه بس للاسف زوجي عنيد وما يهتم لكلام احد بايع الدنيا كلها |
الله يهديه ..
ويعطيك الصبر .. |
أأأأأأأأأأأأأأأأأأأأأأأأأأأأأأأأأأأه ........... كلنا كذا نفس الحاله الله يصبرنا
|
صراحه يا اختي العزيزه يحمد ربه ونتي صابره عليه:( والغيره والشك من حقيقك وكمان حاب اقولك الرجل ما يبغى الجمال بس كمان يبغى الاحساس بالحنان والحب والعطف الرجول يعتبر نفسه الطفل:15: فئذا عاملتيه بجفى يسعى الى اكتساب العطف من شخص اخر فحاولي تعوضي زوجك عما ينقصه حاولي ان تعرفي ماذا يحب ويكره حتى في الفراش ابعدي الحياء عنكي فهو زوجك ملك لكي. لكي الحق بالاستمتاع به وامتاعه فعندما يقول لكي حبيبتي خاطبيه بالمثل:) لا تذكريه عما بدر منه من خيانه حاول ان تكلميه برقه وحنان عبري له عن حبك له بالكلمات العذبه مشكلة البنات لا يعبرو عن حبهم لزوجهم باعذب الكلمات والحياء في كل شي فعلاً زوجكي اخطى خطى كبير لاكن حاولي ان تسامحيه وتبني لكي حياه جديه مليئه بالرومنسيه والجرائه ولاكن ليس الجرائه المفرطه والحنان ووفقكي الله يا اختي الكريمه وهدى زوجك ان شاء الله اخوكي عزوز |
شكرا على النصيحه اخ عزوز
|
اختي مو شرط انج حلوه او جسمج حلو اهم شى تعطينه اللى يبه و تراضينه
الله يسهل عليج |
الله يصبرك
|
| الساعة الآن 08:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©