|
اخواتي يستهزؤ بخطيبي المتيــن
السلام عليكم
سيق واني كتبت مشكلتي في المنتدى وبحت لكم اني ما اني مقتنعه بشكل خطيبي لانه متين بس الحمدلله تقبلت الموضوع على امل انه يضعف .. بس الحين اخواني يلقبونه بابو كرش وانا بروحي متحسسه من هالموضوع هذا ؟؟ انا تقبلته لانه كثير طيب واهم شي الطيب .. بس ماحب حد يذكرني انه متين :( الإشراف: تم تعديل العنون ليناسب النص |
مشكلتك صايره معي
اخت زوجتي زوجها متين وانا نحيف هم يسمونه الدب وانا يسموني ابو العصاقيل وكل يوم طق ومطاقق علشان ذا السالفه حرمتي تقول اسمن واختها تقول لزوجها اضعف وانا ويا عديلي ضايعين بينهم :) وانتم يالحريم مايعجبكم العجب ولا الصوم في رجب |
سمين وطيب ولا ضعيف وخبيث
وما تهتمين بكلامهم يمكن يقولون كذا لان نصيبهم ماجا يدورون على عيب في الرجال وما تهتمي بكلامهك في امان الله |
هل لهذه الدرجة سقطت معايير التقييم والقيم لدينا فأصبح العيب في شكل الرجل وليس في أخلاقه
والأدهى والأمر أن يعبأ بمن يلمزنا بها وكأنهم ينطقوا الحق , وليس سوى الحسد . لكن لن تعرفي قيمة الرجل الا اذا جربتي غيره , او لسعتك نار العنوسة |
قوليلهم في الويه المتين هذا عاجبني موتوا حره... وقوليلهم أكثر شي عاجبج فيه وزنه! وانج ما اتحبين الريال الضعيف وسكتيهم
|
الله يعينك
سوي تمارين رياضية يمكن ينحف هو ............ اذا كنتي تقابلينه او تكلمينه حاولي تناقشينه في الموضوع لا تقولي ان جسمه مو عاجبك , لا قولي انك تتمنين تشوفين جسمه مشدود ومتناسق وهو راح يفهم واذا كان رجل عنده عزيمه واصرار ويحبك راح يخفف من وزنه على شانك تحياتي |
اهلين اختي
انتي شكلك مو مقتنعه بجسمة بالرغم من انك مرتاحة له كثير وانا اعرف اللي يحب احد ويتقبله ما همه كلام الناس لو قالوا عنه ايش ماقالوا بس انتي تكابرين وتغالطين نفسك اذا كان هالشي مضايقك ومنتي متقبلته كذا لا تورطين نفسك وترتبطين فيه وانتي بين ابيه بس هو متين لان اللي يبي احد يشوف الشي الحلو فيه وماهمه راي الناس وتعليقاتهم البلا مو منهم منك انتي راجعي نفسك وقرري يعني بعد كم سنه لا قدر الله وعايرك احد بسمنته راح تصير بينكم مشاكل وراح تجرحينه وانتي ما تضمنين بعد يمكن يتغير جسمك بعد الزواج وتصيرين اسمن منك بس هو مادامه متقبلك ماراح يتغير شي لو تغير جسمك انا كل من شاف زوجي قال يوه شكله اكبر منك انتي احلا منه كيف وافقتي عليه من قبل الملكه بس ما أثر فيني كلامهم ولا حرك فيني شعره لاني تقبلته بكل شي فيه بزينه وشينه وما فكرت في كلام الناس لاني انا اللي بأعيش معه مو هم يعني الفكره براسك انتي ولقيتي احد يدعمها وتعذرتي بهم معليش اختي اذا كنت قسيت عليك شوي بس والله رحمت الرجال كل شوي سمين سمين كان ما وافقتي من اول ولا تعيشين في هالحيره والتردد لمصلحتك ولحياتك في المستقبل ان شاء الله |
أختي عادي ولا تهتمين وش فيه السمن أهم شيء أنه رجال وطيوب بعد وش تبين وعلى قولت اخونا aabbb
|
أختي طنشي ولاكأنك تسمعين شي
أهم شي انك تحبينه وهويحبك ماعليك من احد وفقكم الله |
الرجال بأخلاقه مو بشكله ..
وبعدين أعتقد أخواتك يمزحوا معاك مافيها شي ولا تاخذي الموضوع بحساسيه زايده الله يوفقكم إن شاء الله |
هلا فيك اختي
انا خطيبي دبدوب .... اخواني وخواتي كانو يقولون لي انه متين .. انا ماتضايقت تدرين وش سويت :d صرت اناديه دبدوبي:d .. حتى اهله الحين يقولون له دبدوبها .. واذا اهلي بيسئلوني عنه يقولون وين دبدوبك:d .. ومشت الاامور على طبيعتها .. وبعدين انا عاجبني .. ومحد له شغل ولا افكر في هالشي ابد ولا تضايقت انتي بعد .. دامه طيب معاك عيشي حياتك .. ولا تاخذي بهالامور الصغيره ... ويمكن اخوانك يمزحون!! الله يوفقك ويسعدك يارب هموووم |
ولا يهمك.. خليهم يحكون و يقولون.. اهم شي انتي لا تبينين انك متحسسه من هالشي.. و إذا قالوا شي ما عجبك ردي عليهم (الشجرة المثمرة تقذف بالحجارة) :22: احمدي ربك اخوانك ما لقوا عيب فيه غير جسمه.. و مافي احد كامل لا انا و لا انتي و لا حتى اخوانك.. استانسي و لا تحطي في بالك :d |
لا تبيني لهم انك قهرانة من كلامهم
بعدين يزيدواااا في التريقة اديهم طنااااااش وبعدين اذا كان متين فين المشكلة؟؟؟ |
حبيبتي أهم شئ أخلاق الرجل وطيبته مو شكله
وإذا أنت تحبين خطيبك بجد لا تسمحين لاحد يتكلم فيه لا صغير ولا كبير دافعي عنه وبيني لهم حبك له صدقيني من بعدها ماراح يقولون عنه شئ الله يوفقك وإن شاء الله مع الايام بيكون ملك جمال بنظرك يااااااااارب |
أنا لو منك بدلع قدامهم ليختشوا
قوليلهم إنه ع قلبك زي العسل وهو دبدوب وبيني لهم فرحتك فيه |
لايهمونك
أهم شي مرتاحة لأخلاقه وش يفيدك لو كان نجس معك وشكله ياسلام؟ |
قوليلهم حرام عليكم تعايبون عليه لانه الله سبحانه راح يبتليكم اما بنفسكم او الله يرزقكم بزوج سمين او زوجه سمينه والله يهديهم .
|
على فكرة ماأحد يسلم من المسخرة لا السمين ولا النحيف ولا الطويل ولا القصير
أنا زوجة النخلة عند أخواني عادي أخذها ضحك ولا على بالك......... |
اقتباس:
صدقتي اختي بارك الله فيك وانا مع هالراي معنى الحب اعظم من الذي ذكرتيه هو حب كل شي فيه حب الروح بالروح فالشكل يتغير مع الزمن ولكن شكل الروح لا تغيره عوامل الحياة.. ^^ ظلم الناس |
يا أختي الغالية ترا الكرش مو عيب
أنا زوجي وزنه فوق المئه وأنا وزني عند الستين شوفي الفرق ومع هذا انا احبة مممممموت وتاكدي يا اختي ترا صاحب الكرش رجل طيب وقلبه كبير وما عليكي من كلام اخواتك صدقيني اذا تزوجتي عليك بنظام غذائي صحي وفي ايدك انت تنزلي من كرش زوجك وتره مو عيب اهم شي الرجل والله يهنيك |
اسفه على التعليق لكن اعتقد انها سطحيه في التفكير انه يوصل تقييم الانسان بالحجم ؟؟؟؟!!!!!!!!
|
انا كنت اتمنى واحد سمييييييييين
وربي رزقني واحد ضعيييف حيل بالاول كنت ابيه يسمن بس الان ولا افكر بالموضوع اهم شي صحته |
لا تهتمي بكلامهم ..اهم شي تكوني انتي مقتنعه وراضيه فيه
بعدين السمن مش مشلكه ...في مشاكل اكبر بكتير بالتوفيق يا عروس:23: |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©