|
امي خوفتني تقول منتي طبيعيه
بعد تجربه الخطوبه الفاشله اللي مريت بها
احس ان رغبتي بالزواج قلت او بمعنى اصح وادق انعدمت لهفتي على العرس والاطفال اختفت واحلامي بالفستان الابيض تبخرت وصار الموضوع عادي عندي ولايهمني عكس اهلي احسهم متأزمين من وضعي مرررررره وشايلين هم متى اتزوج؟؟ وكاسره خاطرهم بزياده وانا والله ولاجبت خبر كنت اعتبر ان حالتي صعبه لاني ماتزوجت للحين واهلي عادي عندهم ولاحاسين بشئ لكن يوم صار جد واهلي حسوا اني ممكن اعنس صار عادي عندي حتى ان وحده من خواتي لمحت لي اني ماراح اتزوج الا من معدد او يمكن مااتزوج خير شر وانا عادي ماتضايقت ولازعلت من كلامها هل فعلا الوضع خطير وانا مو مستوعبه :24: ولا وش السالفه؟؟ كنت قبل افكر بالمستقبل واحاتي لو ماتزوجت كيف بتكون حياتي الحين اقصى مدى افكر فيه نهاية الاسبوع الخوف من العنوسه والمستقبل تلاشى مستغربه من نفسي بصراحه حتى الدعاء الله لايعاقبني مالي خلق ادعي بالزوج الصالح ولاسمعت دعوه لي من هنا ولاهناك مااتحمس لها مثل قبل ليش؟؟؟؟؟؟؟؟؟؟؟؟ طبيعي اللي اعيشه؟؟ فيه وحده منكم مرت بهالشئ؟؟؟؟؟ كان الزواج من اهم اهم اهتماماتي والحين مااعتبره مهم ابدااا مدري هو تفاؤل بزياده ولايأس وتشاؤم؟؟ مدري وش جاني ؟ صار مافي شئ يفرحني وبالمقابل الحمدلله مافي شئ يزعلني حتى المدح لاسمعته عادي مو مثل قبل اطير من الوناسه لاشفت نظرات الحب والتقدير من طالباتي ماافرح عادي عندي اليوم مثل امس مثل بكرا رحت السوق وصرفت كل راتبي على ملابس ومكياج ومجوهرات شئ احتاجه وكثير مااحتاجه اسألكم بالله وضعي طبيعي ولا فيني شئ لاسمح الله؟؟ امي مره متنرفزه من برودي لاطرت الزواج لانها متعوده دايما يفز قلبي لسيرته وحسستني اني صرت غير عن البنات وربي غصب عني فقدت الرغبه بشئ اسمه زواج قبل كم يوم حضرنا زواج ولاول مره ماتمنيت اني اكون العروسه بعد ماكنت احس بالحسره والالم واتحسف على شبابي صار الموضوع عندي عادي كأي بنت صغيره اخر تفكيرها العرس يااخوان وااخوات هل انا صرت معقده؟؟؟؟؟؟؟؟؟؟؟؟؟ |
كل شى من عند الله احنا البشر مالنا يد و احسن خلج جي
|
اختي الغاليه انا مررت بنفس احساسك ياريت تشوفي موضوعي ولاتحاتين
ان شاءالله تستفيدين http://www.66n.com/forums/showthread.php?t=98404 اختك:الحائــــرة |
من سمعك
نفس الي احس بيه استغفر الله العظيم على قولك حتى الدعاء ماسرت ادعي احس اني مرفوضة بالعكس سرت اقنع نفسي واحاول اوجد بدائل للزواج واخطط 10 سنوات قادمة من الوحده |
اعتقدان دى حاله احباط اوبدايه اكتئاب ان ميبئاش فىشئ يفرح ولاشئ يحزن وان يبقى الهدف اللى بتسعى له لايسوى شئ وملكيش رغبه فى شئ ياريت تحاولى تغيرى فى اسلوب حياتك شويه وكمان اياك والياس من الدعاء استمرى ادعىوربنايستجيب منك ومنا جميعا
|
الله يكتب لك الي فيه الخير
في امان الله |
لا أختي انتي طبيعية يمكن هذي نتيجة تجربة كانت فاشلة
انتبهي أختي إن التجربة هي الفاشلة وليس شخصك هو الفاشل .. هل انتبهتي .. انتبهي مجدداً التجربة هي الفاشلة وليست أنتي ... هذه فترة و بتعود حياتكِ طبيعية .. ولاحظي لو إن هذا الزواج هو اللي مكتوب لك لكنتي تزوجتي لكن زواجكِ سيكون مع شخص آخر بإذن الله .. استغفري ربكِ وادعي ربك يرزقك اللي تتمنيه .. والله يرزقك ويرزق الجميع إن شاء الله .. وفيه بنات كثير انخطبوا وفسخوا العقد ومن جديد تزوجوا وعايشين حياتهم طبيعية .. لا تعقدوا الأمور .. وماعليكِ من كلام النااس .. كلام النااس حتى لو كانوا قريبين منك ماراح يخلص وحتى لو شافوكِ سعيدة من ناحية راح يدوروا ناحية ثانية ينتقدوكِ قيها .. والله يوفق الجميع .. |
صدقيني طبيعيــــــة ومافيك إلا العافيـة
شيء طبيعي إنك بعد ماوصلت ِ للي إنت تبينه وفجأه كل شيء ينتهي إنك تبردين وتحسين كل شيء عادي وأنا أشوف إنه حالتك أفضل من غيرك اللي لو فشلت تقلب الدنيا كلها عليها وتحس نفسها خلاص إنتهت من الحياة وتصير مكتئبة كثييير وتكره كل الناس ووو تدرين ياريماني أنا ومن بعد كم تجربة فاشلة مش وحدة :( تجيني مثل حالتك وأحس إني متبلدة بشكل ماكنت أتوقعه لكني لما أجلس مع نفسي وأفكر بحالي أحس إنه هذا من رب العالمين رحمة علي لأني طول وقتي أيام ماكنت أدعي إنه ربي يتمم لي على خير كنت أقول يـــــــارب ترزقني الرضى والقناعة بما كتبته لي وأكررها كثيــــــر وسبحان الله بعد كل تجربة فاشلة أحس إني صحيح بأني أتبلد ومشاعري تصير صفر لكن جواتي مازال فيه أمل ورجـــــاء وأكيد ماأخذه مني ربي إلا إنه فيه خيـــــر لي إحمدي ربك ياريماني والله إنت ِ في نعمة عن غيرك وأقصد فيها الناس اللي تتسخط على قدرها وتقلب الدنيا كلها ، إنت ِ مشاعرك معتدلة وبإذن الله بس بكره تعدي هالمشاعر راح ترجعين مثل أول وتدعين ربك مثل ماكنت ِ وأكثر وربي مايخيب رجاء عبده حتى لو طال الإنتظــــــار على فكرة ياريماني صدقيني أكتب هالكلام لك ِ ولي لأني أنا محتاجة كثيييير لمثل هذا الكلام أسأل الله الكريم لك ِ ولنا بأن يكتب لنا الخير ويرزقنا من غير مانحتسب . |
أخيتي في الله...الأمر عادي أنا أقول بعد مثل الأخوات...
(بعد الخطوبه اللي ماتمت...)قولي ..اللهم اخلفنا خيرا منه واتركي الأمر لله... حالة المرأه النفسيه متقلبه دائما....ولا تشيلي هم...والله يعوضك باللي أحسن منه..... والصرف اللي صار والمشتريات..ما هي الا تنفيس .. |
اشكي لك عن حالي لنا الله
|
عادي كيف لو صار فيكي مثل أختي ياكثر ماأنخطبت وشافت عرسان ولما توافق يروح مايرجع وظلت 22 سنة لحد ماأكتشفنا أنو سحر وفكيناه عند شيخ ولا تأثرت ولا تغيرت نفسيتها ودحين تزوجت من واحد متزوج بس مختلف مع زوجته بالمناسبة عمر أختي 34 سنة
|
maynoona
ونعم بالله .. جزيتي خيرا الحائــــرة اختي الغاليه وضعك يختلف عن وضعي انا مو رافضه الزواج لكنه صار شئ عادي حصل كان بها ماحصل مو لازم فقدت الحماس لشئ اسمه زواج اشكر مرورك الحب والحبيب الله يفرج همك وهم كل مهموم لؤلؤه حزينه فعلا اختي الكريمه هالاعراض كلها عندي للاسف مع اني للحين الحمدلله اجتماعيه واختلط بالناس بس فقدت اي احساس بالفرح او الحزن كل شئ صار عندي عادي وماله طعم هل هو فعلا اكتئاب؟؟ فوفو الله يجزاك خير على المرور والدعاء وجع آخر معاناتي وربي احاول ادعي لكن جد مالي خلق مااهتم مثل قبل واحاتي وادعي لا الوضع عادي جدا تزوجت ماتزوجت ماصارت تفرق الله يجزاك الجنه على النصيحه والكلام الدرر غـاليــة الغاليه غاليه اسأل الله ان يطمن قلبك مثل ماطمنتيني انا اعتبر وضعي عادي لكن امي مو عاجبها الوضع ابد صار فيني برووود استغربه مني والله مدري استسلام ولا احباط ولاتفاؤل ؟؟ الحمدلله على كل حال فوح البساتين الحمدلله ماشلت هم اهلي هم اللي ذابحهم الهم تسلمين على الدعوات مطر السماء الله يفرج همك وهم كل مهموم |
السلام عليكم
اختي انت طبيعية جداااااااااااا باللذات انك ذكرت ان تجربة خطوبتك كانت فاشلة ..... انا اشبة حالتك مثل اللي تطلع جبل و كل ما قربت قالت يلة هانت ما بقى شي عالقمة ( انتظارك و تلهفك للزواج ) و لما وصلت القمة ( انخطبتي ) صادفتك حجرة صفيرة تعترت و طحتي ( فشل خطوبتك ) و بما اتك تعبتي من هالتسلق ( الانتظار ) ما صار فيك حيل تتسلقين مره ثانية و ترجعين للتعبب باللذات انك جربتية مرة و فقدتي اهتمامك فية .................. بس الحياة تستمر و انت تحت تأثير صدمة الفشل بكرة ترجعين تدعين ربي باللزوج الصالح ...... الله يرزقك و ينولك اللي ببالك ..... اختي حاولي تطمنين امك و تهدين بالها ترا الامهات كلهم كذا ما يرتاحون الا اذا زوجو بناتهم كلهم ...... ارجو اني افدتك و ان الصورة مفهومة لك .... |
ارمي همومك على الله ..........................ولكن انا احس ان الموضوع عادي صدقيني عيشي حياتك كما هي يمكن تكون لك خيرة
|
ردة فعل طبيعيه ناتجه من عقلك وتفكيرك الباطن ومع الوقت راح تتلاشى
والانسان يحمد الله على كل حال لعلها اخير له ونحن لانعلم ونسال الله ان يوفقك لما يحب ويرضى وكما ذكر احد الاعضاء ان التجربه هي التي فشلت وليس انتي تحياتي لك ولشخصك |
طبيعي اختي
أنا احياناً تجيني مثل هذي الحالات بس ما تطول و انتكس .. بالعكس انا اتمنى اصير كذا زيك و الله اريح بااااااااال الله يسعدك و يهنيك ياارب و يرزقك الي تتمنينه |
طبيعي جدا
تصدقين اني كنت اتمنى اوصل لمثل حالتك طبعا انا مو موقف واحد فاشل ..... مواقف فاشلة وكل موقف اتحطم أكثر .. عادي فترة وبتمر.. صدقيني أحسن لك عشان ماتفكرين كثير الله يكتب لك الخير ويعوضك يارب |
و الله حتى أنا ... صرت الحين آخر شي أفكر فيه .. الزواج
الحمد لله على كل حال... أحيانا أقول ليش الهم و الغم ..دامني كذا مرتاحة .. ليش اتزوج .. استغفر الله أختي .. لا تفكرين بالزواج ... و اللي كتبه ربنا بيصير..... وخلي كل شي لوقته .. أحسن |
مساء الخير أختي remany .. مثل ما أسبقت كل الأخوات شعورك طبيعي بس لاتستسلمي لشعورك تأكدي إذا كان شعورك هذا هو حقا ما تتمنيه ام لا . انا عندي نفس شعورك عدم مبالات بهذا الموضوع حتى لو تقدم لي ما اتعب حالي واقول أي كلمة ،، وكتبت موضوع بعنوان انا مخطوبة انا مظلومة لأنو في يوم في شهر في سنة سواء انا على إستعداد لبداية حياة جديدة ام لا هناك من يطرق بابي ليغير حياتي .. فكوني على أستعداد اذا اردتي ذالك حقيقة .. اسعد الله اوقاتك .. |
اختي ريماني بصراحه حالتي نفس حالتك لاني سبق ومريت بتجربة خطبه فاشله وعشت فترة إكتئاب وكنت اتمنى اتزوج وبعدها حسيت بفتور وصرت مااهتم بموضوع الزواج لكن في قرارة نفسي اتمنى اني اتزوج واعيش حياه سعيده ولكن بنفس الوقت عندي شعور بالخوف لما احد يلمح لي بالزواج يمكن هذه حالة طبيعيه من بعد التجربه القاسيه التي مرينا بها وسأل الله العظيم ان يفرج عنا كل هم ويرزقنا الزوج الصالح ويرزق كل المسلمات الزوج الصالح ويسعدنا دنيا واخره .
|
السلام عليكم ورحمة الله و بركاته
اختي الغالية الشيء الطبيعي هو ما تستطيعي تقييمه بنفسك .. اذا لم يضايقك هذا الوضع و ان كنت سعيدة به - و هذا ما اتصوره من كلامك - فالأمر طبيعي طبيعي جدا فقد تأتي للمراة أحيانا بعض الأوقات التي تشعر فيها بعدم الرغبة في بعض الاشياء التي كانت تحبها و قد تأتي أوقات تتمنى فيها اشياء اخرى فمزاج الانسان ليس موحدا .. نراه يصعد احيانا و يهبط أحيانا أخرى و لو نظرت بدقة لحياتك اختاه لرأيتها مزيج بين الصعود و الهبوط في هذه الأمزجة أسأل الله تعالى ان يوفقك و يسعدك في الدنيا و الاخرة |
نورة الفرفورة
الحمدلله على كل حال ميني ماوس مشكوره على تقريب الصوره لي لانها ساعدتني على تفهم ماامر فيه تفسيرك منطقي الله يجزاك الجنه يارب Alnawal76 ونعم بالله جزيتي خيرا Mohammed S الحمدلله الذي لايحمد على مكروه سواه شاكره مرورك كلي تفاؤل الله يجزاك خير على الدعوات ولك مثلها ان شالله شوبارد مدري هو احباط ولاتفاؤل بزياده تبلد احاسيس تقدرين تقولين مشكوره الله ينولك اللي في بالك يارب al ameer ونعم بالله هو ادرى بحالنا منا كل شئ له حكمه قد نغفلها نحن البشر الله يرزقك بزوج صالح قريبا تانيـــــــا الله يرحم حالي وحالك ويرزقك من حيث لاتحتسبين جزاك الله خير عالية الإحساس ربي يفرج همي وهمك وهم كل مهموم الله يعوضك بمن تقر به عينك الوفية لوالديها انا اعتبره طبيعي وطبيعي جدا لكن امي متحسسه من وضعي مره جزيتي خيرا على المرور |
| الساعة الآن 09:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©