تخلين زوجك يسافر مع اصدقائه؟
 

مرحبا
سؤال للمتزوجات ترضين زوجك يسافر مع اصدقائه برى لاسبوع او اكثر:21: ؟؟؟؟؟؟ اذا ايه او لا وش هي الاسباب؟؟؟؟ وانتوا يالازواج ايش رايكم:11:

لا ما اتوقع اخليه يسافر مع ربعه الشباب مايتجمعون على خير وانا لي الحق اني اسافر معه مو ربعه مفروض بيحترم رباط الزواج والاسره .... واذا سافر تقعدين تستنينه لين يجي ؟؟انا انصح اي وحده تخبي جواز سفر زوجهااا اريح لهااا او اذا بيسافر ويستانس يطلعني سفره نفسها بالضبط واذا رجعنا يروح لحاله بسلامته بس بعد ما اخليه عالحديده

اكيد لاء


ما فى سبب :d بس اذا اهوا سئلني باقوله ما اقدر على فرقك لو يوم واحد بعد

انا الحمد لله زوجي بيتوتي ويحب العائله
ولكن لو قالي في يوم انه يبي يروح مع اصحابه مستحييييييييييل اخليه يروح ليش ماياخذنا انا وعياله عشان نتمشى ونغير جو ولا حلال عليه وحرام علينا ؟؟؟؟ وكمان خرجات الشباب انا بصراحه ماشوفها بريئه يعني فيها مصايب الله يستر علينا .

اختك ام مجيد

أكيد أخليه ، لا أخنقه ، ما دام بيخرجني أنا وأولادي ، ليه لا ما يسافر، أنا مقتنعة أن الرجل يجب أن ينطلق ولكن بعد ما أكون واثقة في نفسي وعارفة انه هايعود لعشه

2. بصراحة كفاية خنقة ، خليه يسافر ويريحني شوي، كام يوم من غير مسؤولياته خليني آخد نفسي

لا ماخليه .. لازم اعرف اسباب السفر ووين بالضبط ولازم اعرف الشباب منهم .. واولاد مين .. حتى اتاكد

انه هالسفره مافيها خراب .. وذا تاكدت .. هذيك الساعه اخليه يسافر

هموووم

والله أعتقد أن الزوجة ليس بيدها كلمة ( أخليه ولاَّ ما أخليه) الرجل إن بغى شيء / السفر مثلاً فإنه يستطيع فعلها برضاك أو من غيره أو من وراك ..

وللتخلص من هذه المشكلة لا تتوجهي لرأس المشكلة بالذات وتقومي بحلول كالزعل والرفض والصياح والخصام فإن ردَّه هذا لـ مرة إلى أن المرة الثانية سيتعود على ردة فعلك ولن تنفع معه..

(الحل)
دائماً وأبداً وهو حلَّ لجميع المشاكل .. علقي فكره بالله .. كوني وراءه في المحافظة على صلاته .. اجعليه يراك وأنت تصلين الليل وتقرأين القرآن قبل النوم .. ذكريه في كل وقت وحين واذكري القصص أمامه والعبر ..
نعم .. الحل يحتاج لوقت.. وربما في تلك الفترة سيسافر مرات اتركي رسالة له في شنطته وقرآن صغير ..أكثري من الدلع والكلام الجميل .. وحاولي أن لا تقصري وإن استطعتي زيدي من الزيادة ..اطلبي منه بكل أدب وحنان ومقابل كل سفر أن يأخذك لآداء عمرة ..ولكن ليس بأمر .. وبإذن الرحمن سيأتيك اليوم الذي يقول فيه :- أصدقائي مسافرين ولا أريد الذهاب معهم .. هيا نذهب لآداء عمرة ..

اذا انتي واثقة من زوجك واخلاقه واذا كان زوجك ما يقصر عليكي بالمشاوير والطلعات والسفرات
فخليه يسافر
ليه لأ
الرجل ما يحب يحس حاله مسجون في قفص الزوجية
لان السجن دائما يولد رغبة في الانطلاق واللاعودة
لذلك من فترة للثانية حرريه شوي
خليه يروح عن نفسه
هذا رأيي الشخصي

انا واثقه بحب زوجي لي بس الشيــــــطان شاطر وش اللي راح يضمن لي انه الشيطان مايلعب براسه وبصراحه اذا وثقت فيه مااثق باللي معاه او باللي راح يشفونه هناك..... تخيلوا مره كنت بدبي مع زوجي وكنت بالسيار وهو برى السيار يسئل واحد عن الفندق المهم جات وحده من بنات الليل من شرق آسيا تقوله تعال اسويلك مساج...هي ماكانت تدري اني بالسياره............. امانه لاتلوموني انا اغار واحاتي....مع انه مايقصر معاي وربي يوديني ويمشيني بس ماني مرتاحه لو يسافر مع شباب...........تـــــكـفوون ابي رايـــــــــكم....؟؟؟؟؟؟؟؟؟؟؟؟

انا متزوجة من 8 شهوور وزوجي يتكلم عن زملاءه ويقول انهم يسافرون برا لحالهم ولما وضحتله اني مستغربه من هالشي قالي عادي انا بعدين بصير اسافر مع زملائي لحالي:30: ....

والله يابنات ساعتها تمنيت انه ماتكلم ولا فتح هالموضوع بدت الوساوس توديني وتجيبني وقلتله اذا سافرت انا بسافر مع صديقاتي( علشان أغيظه ) ..
طبعا ضحك لأنه عارف اني لا يمكن اسافر لحالي :( ..

آآآآآه بس قولولي وش الحل وش اسوي لو جاء هاليوم الي يقرر فيه السفر لحاله ؟؟ انا واثقة فيه لكن ماني واثقة في الشيطان ولا في زملائه واكيد بجلس على اعصابي من يوم يروح الى مايرجع واخاف من كثر الشك ابتدي اكرهه ...

لى متزوجة 5 سنوات ولا عمر زوجى سافر مع اصدقائه والسبب لانى ذبحت راس القط من اول ليلة هههههههههههههههههههه
الحمد لله بعمره ما سافر مع اصدقائه وكل ما بغى يسافر اخبيء جواز السفر واتدلع له ويعنى شوية حركات وبعدين يبطل يسافر

انا مو متزوجه بس حبيت اشارك بالموضوع
اولا يعتمد على حسب الدوله اللي بيسافر لها مثلا اذا بيسافر عمره ما اقدر امنعه من هالشي
وما اعتقد ان فيها شي لو سافر مع اصحابه بس مو اكثر من اسبوع طبعا
واما اذا سافر لدوله مشبوهه بسوي المستحيل عشان امنعه بس ما اعتقد انها توصل لدرجة اني اخش الجواز عنه لانه بكذا بيعاند وبيصر على السفره وهالشي مو في مصلحتي .
اما اذا كان من النوع اللي براسه يسويه ما اعتقد اني بقدر امنعه من السفره ..

عادي خليه يروح
عشان ناخد اجازه من بعض ويجدد نفسيته ولمن يرجع اكيد بيعوضني بسفره رايقه

بس اهم شي ماينساني من الهدايا على عدد ايام الا غابها عشان اضمن انه تذكرني بكل ليله

انا ماراح أخلية بس هو بيسمع كلامي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ الشاطرة الي تقدر ع زوجها .......

انا بصراحه ما احب اسافر مع زملائي لا قبل الزواج ولا بعده ولا عمري سافرت الا يا مع اهلي او زوجتي فقط

حتى اذا عندي دوره في العمل ولازم لها سفره اخذ زوجتي معي


وجهة نظري الخاصه

نايف: نتمنى كل الشباب يكونوا مثلك :d الله يخليكم لبعض و يديم المحبه

انا عن نفسي ولا مرة خليتة يسافر سواء داخل السعودية او برا السعودية
للاسباب عدة اولا ودي اكون معاة في كل سفرة عشان ننبسط مع بعض
ثانيا يمكن اصحابة يحبون الصياعة ويأثرون علية

بالعكس أشجع زوجي يخرج مع أصحابه (إلي همه أقربائي) وواثقة فيه ولله الحمد، يطلع يغير جو بدل الروتين اليومي