|
احتاج مساعدتكم بسرعة....
بصراحه ما ادري من وين ابدأ او شلون بدأ مشكلتي ....ترددت كثيرا وانا اكتب ......
انا متزوجه من 14 سنه وعندي 4 اطفال الحمدلله وعايشه مرتاحه مع زوجي وعيالي بفضل من الله انا وزوجي علاقتنا,,,,مره وحده بالاسبوع (الجمعه الصبح) ونادرا مرتين بالاسبوع , وغالبا انا ابدا واحاول اني استثيره بالمداعبات اللي ماتخفى عليكم, طبعا انا ما اذكر اني وصلت للرعشه الا مره وحده, المهم اللي صار انه هالاسبوع انه قام من النوم وقام من السرير فناديته عشان.......فعمل أنه غير فاهم وهو رايح الحمام وناديته مره ثانيه فقال لا انا بطلع ضروري ومايمدي (مافي وقت) وحاولت فقال أنه متأخر... يعني بعدين. المهم انا زعلت على نفسي حسيت اني انجرحت وهنت نفسي المهم وانا حساسه كثيرا بس ماذا أفعل غصب علي :( وزعلت شوي وطلعنا مع اهله اخوانه وخواته في نفس اليوم فذهب بي بالليل نتمشى. المهم حاولت انسى الموضوع واشيل الفكره(,,,,) من بالي عشان ارتاح ولبسي تغير كله بجامات, اكلمه واطلع معاه بس يمكن حاس اني مو على العادة استمر على هذا الحال الى يوم الاحد بالليل حيث ذهبت وأتى خلفي فحاول وحاول بس انا ابدا كنت اقرا الجريده الى ان نام ,ما تتصورون شلون كنت خايفه انه يطلبني وارده خوفا من الله, بس الحمدلله الله ستر والحين خفت من الصبح انه يحاول مره ثانيه ,بس قلت اذا طلبني بعطيه حقه بدون ما اتفاعل معاه. خصوصا انه بيسافر وبيرجع غدا(ان شاء الله)لكن لما أحسست أنه جلس قمت من السرير واروح الحمام (تكرمون) فسمعت صوته الا وهو قام و ويستعد للخروج,,,, والله ياخواتي ما تدرون شلون تعبت نفسيا هاليومين اللي طافوا وخوف من الله الحين خواتي لا تبخلون علي احتاج مساعدتكم ومشورتكم وهل اللي سوسيته صح والا لأ...؟ لانه صعب علي اتكلم مع احد في هذا الموضوع فلا تبخلوا علي وانا بانتظار ارائكم؟؟؟ اتمنى اني ماطولت عليكم؟؟ |
أختاري الوقت المناسب لطلب المعاشره ومن رأيي أنك أخطأتي في ردة فعلك المفروض يوم تمشى معك بالليل وجاء وراك للغرفه عطيتيه الي يبغاه وتفاعلتي معه عشان مايحس ان الي يسويه واجب,,بمعنى أبدئي سياسة أنك ماتطلبينه بس أول مايطلب منك أفرحي وتفاعلي ووسعي صدره صدقيني من تجربه الرجال أسوء شي انك تصدينه لما يجي لك نصيحتي لك لما يرجع من السفر ولا كأن شي صار وألبسي وتعطري بس لاتلمحين له ولاشي جهزي العشاء أواي شي يحبه وخلي عيالك ينتظرونه وخليكي على طبيعتك مرررررررررره بيحس انك ماتلزمينه بش,,الرجال بطبيعتهم مايعتذرو مباشر يحسسك بأي طريقه انه ندمان على ردة فعله والزوجه الذكيه تفهمها وهي طايره الافي المشاكل الكبيره يتأسفو,, اتمنى اني أفدتك:14:
|
أولا"ياأخت
إتقي الله في زوجك وخافي من لعنت الملائكة ويجب عليكي الجلوس مع زوجيك والتفاهم معة على كل شي وأنا أعتقد أن المراءة لاتكتفي بيوم واحد والمعاشرة هي السبب الرئيسي بإذن الله في طول العشرة بينكم وممكن عندي لكي إقتراح غيري شكل غرفت النوم غيري ملابسكي القديمة التي يراكي فيها دوما" تزيني له وكأنكي ذاهبه الى عرس إخرجي معه لوحدكم لاتشغلي نفسكي عنه وهو موجود رحبي بهي عند دخوله للبيت إلبسي أشيأء"تثيرة وأسأل الله لكي التوفيق ولاتكرري ذلك الموقف مرتا"أخرى |
أختي الكريمة
14 سنة ماهي قليلة من حياتكم الزوجية لماذا تتعاملون في هذه الأمور بحساسية مافيها شئ إذا كان أحد الطرفين ماله مزاج أو عنده ظرف ولماذا تعتبر المرأة عدم تلبية رغبتها من قبل زوجها إهانه لها فلنقل .. ربما تتأثرين قليل ولكن ليس بمعنى إهانه . . أختي الكريمة أعفي نفسك وأعفي زوجك وأحتسبي الأجر والنية الصالحة من الله حتى وإن لم تكوني ترغبي في زوجك حين دعاك . . أنا متأكد أختي إن زوجك لو جاك وضمك مع كلمة حب لختلف مزاجك ولنسيتي زعلك وأنتهى الأمر بسلام إذاً أختي خذي الأمر ببساطة حتى تسهل حياتكم . . كذلك من الجميل عدم تحديد يوم معين حتى لا يصبح الأمر مجرد روتين يؤدى وخلاص |
الله يعينك
ولهن مثل الذي عليهن ............... انتي لك حق عليه والمفروض لما يحس انك تبينه يتجاوب معاك ويشبع رغبتك اللي سويتيه ما تنلامين عليه والظاهر هو حس واستوعب الدرس لذلك خلاص اذا عاد من سفره تزيني وتجملي حتى يراك اجمل نساء الأرض واحتسبي ذلك عند الله ولا تتوقعين منه شيء يتعلق بالجنس خليك رومنسية وجذابة فقط .........حتى تجدين منه هو المبادرة عندها يمكن لك ان تتفاعلي معه والا اجعلي جل اهتمامك بنفسك ...........بدلعك وغنجك ورمنسيتك ورقتك وانتي بعد هذا كله اذا لم يتحسن الله بيعوضك ويكفيك بحلاله عن حرامه ويغنيك من فضله عمن سواه . |
لم افهم اين المشكلة ، هل انك ترغبين وهو لا ؟ ام انه يرغب وانتِ لا ؟
يرجى التوضيح اكثر ليتم اعطاء النصح . |
لا اعتقد من حقك الزعل لان هو مارفض .... الا لانه مشغول ؟؟؟؟
|
شكر كل من تفاعل معاي :
حبيبتي منوووووله انا مو بكيفي اللي اختار الوقت المناسب للمعاشره وهذا مو اول مره اللي يسويها ويردني وكثير كان يحز بخاطري لانه الموضوع مو سهل مثل ماانتي تتصورين لاني متأكده لو ماكنت انا اللي ابادر عنده استعداد يقعد اسبوعين وثلاثه بدون بس انا ما اقدر وعندي يقين انه انا الطبيعيه واهو اللي مو طبيعي...بس مستحييييل اقوله وبالنسبه لردة فعلي هذا فيض السنين مو مني لانه انا كل مره لما يردني اطوف(بغصه)و انسى السالفه وارد عااادي واوسع صدري بس هالمره لا ماقدرت شكرا لك اخي ابو صادق والله كلامك كله صح وانا اللي متعبني نفسيا لما حاول امس بالليل وخفت انه يحاول بعد اليوم الصبح خوفي من الله بس مسأله اني اناقشه بالموضوع مسستحيييل استحي اشكرك كثيرا اخي ابو فارس الله انا المرات اللي طافوا كنت اتأثر شوي وبعدين اطوف لكن هالمره لالاما قدرت حسسيت اني ذلييت نفسي وايد لانه المفروض اهو اللي يبادر مو انا وبالنسبه حق المزاج انا اعرف مرت علينا ظروف والدته ووالده تعبوا وكانت نفسيته تعبانه فماكنت افكر لنه مزاج مشغول معاهم وانا بعد معاه بس هالمره مافي شي ولو كنت اتوقع انه بيعوضني بيوم ثاني لبدا ما اهتميت لكن مقرر بهاليوم فقط ونااادرا في ايام ثانيه فقمت احس شي روتين وان شاء الله الله يستجيب لدعاءك وبالنسبه للضمه وغيرها فعلا صارت بس امس يعني بعد يومين يمكن لانه بيسافر بس بصراحه مااااااقدرت اتفاعل معاه حسيت انه كرامتي ماااسمحتلي ولا هانت علي نفسي ملاحظه : انا مع مبدأ ما في كرامه ولا كبرياء بين الزوجه وزوجها لانه كرامتها وكرامته واحد والكبرياء واحد...بس امس لالالالا مثل ماقلت مو مني من فيض السنين . حبيبتي نوووور شكرا على تفاعلج معاي اكثر بس مثل ما قلتي ما راح احط في بالي شي يتعلق بالمعاشره بس مو معناته اني راح اهمل بنفسي ابدا ان شاء الله عشان ما اخلي عليه حجه علي والله انا رومانسيه لدرجه ما تتصورينها بالتغيير والديكور والشموع والروائح بس شسوي ... بس تدرين انه هالاشياء تونسه بس ما تغريه ممكن اكون متجهزه ......... بس ما في...... واحيانا اكون لبسي عادي وبدون مكياج يعني مو مستعده ويشتهي....ويضيق خلقي ليش العكس |
حبيبتي البتول المشكله باختصار اني طلبت منه المعاشره وهو رفض... وهذه مو اول مره طبعا لاني كنت اتأثر بعدين اطوف وغااالبا انا اللي بادر بالمداعبه.... فحسيت نفسي رخيصه وجني قااطه نفسي عليه.....وهذه كل المشكله ؟؟؟
|
حبيبتي خلود :اولا : لما المسأله تتكرر شلون مو من حقي ازعل .
ثانيا: الموضوع مو سهل على الزوجه بطبيعة حالها انها تطلب..... من الزوج يعني في شوية احرااج لكن مع زوجي لا الحال غير.. الادوار عندنا عكس الناس. ثالثا: الشغل اللي عنده ممكن يتأجل ربع او نص ساعه مو شي ضروري عموما اشكرج على تفاعلج معاي في مشكلتي |
اولآبين الزوجين مافي حياء ابدآ اجلسي مع زوجك وتكلمي معه لاتضغطين على نفسك اكثر من كذا 14سنه موقليله يمكن زوجك فيه شي,,,صدقيني مافي زوج طبيعي يجلس بالأسبوع والأسبوعين ماينام مع زوجته بس خلي كلامك كلام وحده متفهمه موعتاب او مطالبه أنا حاسه فيك لاتفهمي من كلامي اني مستهينه بموضوعك لاياقلبي بس أنا أحاول أخفف عليكي الموضوع بس مافي احلى وأحسن وأريح من الصراحه لاتترددين أبدآ قوليله أني أخاف اني مقصره بحقك اوشي عشان يتكلم,, وطمنينا عنك
|
حبيبتي منووووله اشكرج واايد على مشاركتج لي بس من جد ماااا اقدر افتح معاه الموضوع والله عندي اضغط على نفسي ولاا اناقشه لانه مو بسهوله اني اقعد معاه واقوله ليش وشلون ولانه احنا مو متعودين انه احنا نتكلم في هالمواضيع
|
مو متعودين تتكلمو في هاذي المواضيع مو مشكلة لمحي وهو أكيد بيفهم لأنو بصراحة موضوعك صعب بس لازم تحاولي وماتتواني عن المحاولة لأنها 14 سنة موسهلة
|
السلام عليكم
ارى اختي ان ما يحدث بينك و بين زوجك امور طبيعية , فقد لا يرغب هو في هذا الامر و ترغبين انتي و قد يفعل او لا يفعل فيعتمد ذلك على وقته و على صحته و استعداده النفسي وهو لم يكن مستعد وقتها وانتي مثله لم تكوني مستعده نفسياً و هذة مسألة طبيعية جدا و عادية و تحدث في كل البيوت و لا تستدعي لا التفكير و لا القلق و لا الضيق و لا التحدث فيها من الاصل .. تحياتي لك .. |
اقتباس:
|
غريبه بعض الحريم تحسب إن الراجل مكينه أو أله في مصنع يجب أن تكون شغالة في أي وقت الرجل هناك عوامل كثيرة لها تأثير على الجماع والرغبة عنده سواء نفسيه أو ضغوط العمل ومره في الأسبوع طبيعي جد1 بل هناك طبيعي أكثر من هذا الغريب إن الرجل تمر عليه أيام يريد حقه من زوجته ولكن هناك عندها دوره ونفاس وتعب حمل وتعب عمل وكسل ومرض وغير ذلك والزوج المسكين يتحمل ويتحمل وبعض الحريم يكفرن العشير ويشتكين حتى في المنتديات عجبي عجبي بعد 14 سنه كم مر عليك من تعب خلالها ومرض ودور ونفاس وتمنع وغير ذلك وهو يتحمل وأنت لاتتحمل وانجرحت كرامتك عجبي
|
اشكر جميع من شارك في ابداْ رايه
[/B] حبيبتي البتول انا لو كنت شايفه مبادره منه جان ماااا فكرت اني اسوي هذا الشي(المبادره) واكبر دليل انه لليوم ما صار شي(متعود انا ابادر) طبعا مسستحيل راح اسويها لووو شنو ...... اخوي الواثق M انا ادري انه مو مكينه, وانه ممكن تكون في ضغوط في العمل , ومره وحده بالاسبوع رضينا فيها لكن انه يتهرب منها هذا اللي مو طبيعي وبالنسبه للضغوط انا ادري انه كلشي طبعي والحمدلله ,لانه لما تكون نفسيته تعبانه اقدر هالشي, ولكن الله كريم.... |
| الساعة الآن 08:15 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©