|
ما الحل مع خطيبتي
السلام عليكم
انا بطرح عليكم موضوعي مع خطبيتي ماكان ودي لكن الظروف تحكم احيان المهم انا متملك من حوالي ثمان شهور من ناس من اقاربنا بس من بعيد ناس متشددين مو بالدين لكن اللاسف بالعادات والتقاليد البايخه بعد الملكه طلبت اكلم خطيبتي خلاص صارت بحكم زوجتي رفضو قطعيا بعد محاولات وجهدا اخذت الرقم وياليت ما اخذته اول شهر اتصل وارسل انا برضوه ثانيا شهر عادي البنت توها ماتعودت بعد خمس شهور البنت هي هي ماتغيرت ولافي امل ارسل بالقوة ترد تقولون يمكن تستحي من اهلها اهلها بديره وهي بديره بحكم شغلها يعني ماعندها شي طبعا مابينا الا رسايل لاني كل ما اكلمها تقول مشغوله جالسه مع اختي وخذ من هاالكلام يعني ما اكلمها الاكل عشرة ايام عشرين يوم واذا كلمت قامت تثاوب يجيها النوم لا كلمتها وهي ماتدق ابدا سالتها ليه ماتدقين تقول مابينا شي انت تتصل واو انا عادي بالقوة ترد على الرسايل بعد ما ازعل منها مره سالتها قلت حتى الرسايل ليه بالقوه تردين وش ردت تقول اطفش وانا اكتب الحين لا اتصال تتصل والرسايل تطفش وش الحل طبعا مره من المرات ماقدرت اتحمل الوضع فقلت كلام زعلها غصب عني وماصدقت قلت الكلمه هذي ارسلت لي لاعاد ترسل لي ولا تكلمني بعد جهد واتصالات لين رضت تقول انها رضت ماعاد صرت ارسل لها ولا اكلمها طبعا هذا بناء على طلبها وطلب اهلها اللي راحت تقول لهم قلت خيره يمكن قبل حوالي شهر او اقل ارسلت لي لا سلام ولا كيفك ولاشي مع اني كنت مسوي عمليه تقول ماقدر اخذا اجازه الا عشرين يوم سالتها والحل قالت اجل الزواج هذا شي صعب لاني قد دفعت حق القاعه وكل شي قلت الكلام هذا لها اساسا خلاص كل الناس عرفت بيوم الزواج وفوق هذا كله مقدر قالت اعطيك فلوس القاعه حتى الرد ماتعرف ترد قلتها معليش نمشي حالنا قامت تنفخ علي وتقول انت تبي تمشي كلامك قلت لها طيب وش تبين غير التاجيل ماعاد ردت علي وبعد عشرين رساله ردت رد لاتعليق صراحه تقول احسن ان مانرسل لبعض طيب يوم هذا كلامك ليه تاخذين راي وتقولين بعدين كذا المهم بلعت الموضوع كل هذا اقول يمكن يطلع فيها خير بعد الزواج مع انه لو في شمس كان بانت من امس ماعاد قدرت اتحمل وقلت بنهي الموضوع دقو اهلها وقالوا خلاص مانبي الناس تشمت فينا والكلام الفاضي قلت اوكيه نتحمل قبل حوالي اسبوع شفت شقه اعجبتني وقال لي صااحب الشقه اختار الوان الغرف اللي تبيه جلست افكر صراحه ماعندي ذوق بالالوان قلت خلني ارسلها الطف الجو واخليها تختار الوان الغرف وتصمم الشقه على كيفها ارسلت لها رساله طبعا اتصال اكلمها مافي امل ترد ارسلت لها ردت علي قالت تونا بدري ليه مستعجل يمديك الزواج باقي عليه ثلاث اشهر وهي تقول بدري بالله هذا رد رديت عليه عارف انه بدري بس اعجبتني الشقه وابي اخذا رايك جلست يومين لين ردت بعد ماارسلت لها لين قلت بس وش ردت قالت اجل الزواج قلت لها طيب ابشري بحاول لكن ما اضمن حاولت صراحه صعبه ماقدرت ارسلت لها من يومين قلت لها ماقدرت وقلت بعد وين تبينا نسافر طبعا الي يومك ماردت تقولون يمكن عندها شي مشغوله ابدا ماعندها شي سدت نفسي عن الشقه وعن التصاميم والالوان اللي ما اختارتها الي الحين ماعاد لي نفس اسوي شي قولوا لي بالله وش اسوي صراحه افكر في الطلاق لان البنت صراحه ماتستاهل واحد مثلي ابدا طبعا فيه اشياء كثيره خلف الكواليس ماحبيت اذكرها مثل المهر اللي يكسر الظهر واشياء كثيره ابي راي الجميع فيه بنت زي كذا تجيب الاحباط في النهايه الحمدالله على كل شي اسف على الاطاله تحياتي لكم:d الاشراف/تم تعديل العنوان ليتناسب مع الموضوع |
يا اخي خطيبتك جابت لي الضغط والله اني متنرفزة منها في خطيبة هيك اين الشوق و التطلع للمستقبل المشترك.. لا وكل شوي اجل العرس..اجل العرس... والله يااخي خطيبتك سلبييييييية و صعبة و ثقيلة انت متأكد انو ممكن تكمل معها ... اسأل الله لك الافضل اختك |
أجل الزواج سنة كاملة ولاتكلمها لمدة شهرين ************ هذا أفضل حل
|
يمكن هيه اصلاً مغصوبه عليك وما تبيك..؟؟؟
الصراحه تصرفاتها غررررررررريبه جداً..فيه اسباب كثيره لتصرفاتها.. لاازم اتعرف ليش تتصرف جيه معاك.. والله يعينك.. |
السلام عليكم
اخوي ارسللها كم رساله حلوه واذا ماردت عليك اتصل عليها واذا ماردت ارجع اتصل الين ترد وقولها باسلوب حلو انك غاليه وعزيزه علي والا ليش انا اسوي هالاشياء الا عشان ارضيك اذا ردت عليك بدفاشه اسالها اذا هي موافقه عليك عن اقتناع والا مجرد تحصيل حاصل انها تبغى تتزوج وبس يعني اعرف منها التفاصيل وقوللها اذا وجودي مثقل عليك في حياتك وعدم وجودي بيريحك قوللي وانا انفذ اللي تقوليه لانه صراحه انا عمري ما سمعت عن وحده تكلم خطيبها بالطريقه هذي ,,, اخوي انته تكلم معاها وفهمها بكل هدوء وعقلانيه عن وجهة نظرك اذا والله مالقيت منها اي استجابه فالاهتمام والحب من طرف واحد ما ينفع واللي حسيته من كلامك انك انسان حنون وعاطفي وراح تتعب لو تزوجت وحده فيها جمود مشاعر ولا تعرف تتصرف ,,, ما ادري هذي وجهة نظري عشان ما تظلم نفسك ولا تظلم بنت الناس معك ,,, الله يهديها ويسهل امرك وامرها ,,, |
مرحبا
اشكر جميع اللي ردو والله يعطيكم العافيه
اخوي الفتى لو اجله هذا هو مبتغاها اختي ضايعه فالدنيا انا سبق وسالتها ماردت علي ابدا وخليت الولده تكلم امها وقالوا موافقه ورفضت اخذ بكلام اهلها وقلت للولده تكلمها هي بس هم رفضو وقالوا مايحتاج هي موصغيره عشان نجبرها اختي رنيم مافي اسلوب ولا رساله حلوه بها الدنيا الا ارسلتها لها وقلت لها بافضل الكلام والدلع كراتين حنان فتحتها عندها بس ماردت الحين لو ادق عليها ماراح ترد والواحد مايبي يذل نفسه اكثر من كذا لكن بحاول مع اني واثق انها ما راح ترد الي يومك وانا ارسل لها بس سبحان الله الاحساس معدوم فيه مره من المرات قالت لي اني راح احبها بعد الزواج تحياتي لكم |
اخويا العزيز
اتركها لحالها وابق لحالك انا مريت بنفس الظرف واكتشفت في الاخر انها مو تحبني بعد سنه ارتباط اتأذيت كتير بس ربنا كرمني بالاحسن اتركها بدون شك وربنا معك هايجيبلك الافضل |
اهلين
والله صعبه لو مو عشانها عشان اهلها احراج هم اقرب لنا
وبعدين هي لو بتركها وش بيصير لها |
يجب عليك تركها لانه واضح ان ليس هناك اي تفاهم بينك و بينها .....اذا كيف تعيش معها طول عمرك !!!
صارحها بهذا ....وان لم تتغير اتركها ...... |
شكل زوجتك قوييييييييه قبل الزواج وتسويبك كذا اجل بعدين وش تبي تصلح 000 الله يعينك بصراحه زوجتك ترفع الضغط 00 المفروض فترة الخطوبه كله رومانسيه مهب عناد وهواش [COLOR="Red"]وبعدين ياخوي انت تقول انت منحرج من اهلها انك تتركه 00 اقولك الزواج قسمة ونصيب000 تتركه الحين احسن من بعد الزواج هذي صراحه ما تصلحلك 00 فكر يا خوي هذا زواج مو لعبه[/COLOR] |
عليك بالاستخارة قبل اى شيء..........ولزوم الاستغفار..........
|
اقتباس:
فعلاااااا برأي ان تستخير في مسألة تمام زواجكما .... فتصرفاتها غريبة ولو قلت انها تخجل لبان عليها هذا الشي :( وليس التجاهل المستمر ... استخر وادعى الله كثيرا بأن ييسر مافيه الخير لكما سواء بالزواج أو بغيره ... وان كنت تخاف الانفصال بعواقبه على أهلها فهذا افضل من العيش بمشاكل فيما بعد :25: اتخذ القرار السليم ولكن بروية ولاتتعجل ...وانصحك بأن تقطعها في خلال اتخاذك القرار واعلمها بأنك فعلا تنوي وضع قرار بالنسبة لزواجكما لأن الوضع صعب ..... ربما يجعلها هذا تفكر فيما تفعله :) كن حازما اخي .... فاللين لم يعد ينفع معها .. وفقك الله لما فيه الخير |
إذا لسا على بر .................. افضلك ................ طلق ......... صراحه وضع لايطاق
|
غريبة تصرفاتها00
الله يكتب أللي فيه خير لكما000 |
اذا تقدر طنشها ولا ترسل لها رسايل ولا تشاورها
سوي اللي تبيه ولا تنتظر رايها ............الصراحة وحدة مثلها ماتنعطى وجه انت اشلون بعد للحين تتصل وتطرش مسجات صدقني دام انها ما ترد عليك وما تحسن من اسلوبها طنشها واذا ماتعدلت بعد الزواج هي الخسرانة ولا تتنازل عن حقوقك لأنها الصراحة ما تستاهل تتنازل وتأخر الزواج لو كانت حبوبة وطيبة وتحترمك وتحبك كان ماعليه تراعيها لكن من اسلوبها بالعكس تمسك بالموعد وعجل الزواج خاصة اذا ماهناك شي مهم يستاهل التأخير الله يوفقك ويسعدك وهذا نصيبك عليك بالصبر لين ماتاخذ حقك بيدك . |
الرد على الموضوع
الله يعينك؟ذكرتني بالدفش خطيبي(زوجي)نسخة طبق الاصل منها. ما يتصل ابدا الا اذا انا اتصل فالشهر مرة ,سالته مرة قال انا كذا تعودي علي ,وجاف جدا ولا مرة قالي كلمة زينة رومنسية تفرحني, وكله انا اطرش رسايل اهو ابد ما يتذكرني وكاني انا الرجل.
|
دفشه بجد آسفة بس هذي الحقيقة اتركها واحقرها خلها هي اللي تركض وراك صدقني جرب تحقرها شهر ولا رساله ولا مكالمة وخلها تطق
واستخير واذا على الشقة خل وحدة من خواتك تاثثها على ذوقها وبعدين اذا قالتلك ماعجبني قولها ولا كلمة انتي آخر وحدة تتكلمي عن جد قهرتني انا اموت فرحة اذا خطيبي رسلي رسالة وما اقصر عنه بشي وقولها بعد ماتحسم امورك لا مو لها لاهلها لابوها الزواج ماراح يتاجل واذا مو موافقين الزواج قسمة ونصيب واحسم موقفك مي حالة ذي لاعبه فيك لو انت اخوي رحت لها وهزئتها وخليتها تعرف كيف تتعامل مع الاوادم ولا تقول قريبتي ما قريبتي اذا القريب سوا كذا وماراعى قريبه وش حال الغريب وخليك جاد بس اللي لفتني كلمتها بعد الزواج بتحبني هي عندها خوات متزوجين اذا عندها يمكن معبينها من تجاربهم واهلها متشددين يمكن حبت بهالكلمة تبين لك ان حياتنا بتكون مختلفة بعدين بس اهم شي استخير وطمنا على اللي يصير معك |
اخوي استخير وارسلها مسج قللها اذا ماتبيني انا مستعد اطلق واذا تبيني لازم تعدلين اسلوبك معي هذي مو حياة ...
اذا تعاملك كذا قبل الزواج أجل كيف بعد الزواج !!! والله واضح انها ماتبيك ... الله يوفقك اخوي ويكتبلك الي فيه خير |
اخوي استخير وارسلها مسج قللها اذا ماتبيني انا مستعد اطلق واذا تبيني لازم تعدلين اسلوبك معي هذي مو حياة ...
هذا هو الكلام الصح اخي لازم تعرف جيدا شعورها نحوك و تتاكد منه مادام ما ترد عليك على التلفون ابعث لها مسج بهذا الكلام و قلها ارجو ان تجاوبيني و ما طنشينيش زي كل مرة و ربنا يكتب لكما الخير |
والله قهر كل هذا ,وصابر
وش الذل هذا ادري كلامي قاسي بس وش اسوي الصراحه قويه تحياتي |
مساء الخير
الله يعطيكم العافيه جميعا على ردودكم
انا اشوف طاري دفشوالله يوفق الجميع صراحه ماقصرتو انا سبق وارسلت لها ماتبيني ماردت تبين الطلاق ماردت برضوه اهلها يقولون موافقين وهي موافقه مب صغيره عشان نضغط عليها انا الحين استخير والله يكتب اللي فيه الخير صراحه كان عندي انواع المشاريع براسي الحين ولا شي بعدين انا والله صابر عشان هي ماتطلع بعدين بدور البرئيه عند اهلها كان ماعندها علم بالموضوع هذا من ضمن الاسباب اللي مصبرتني ذا غير اهلها وامها واشياء كثيره انا راح اسوي اللي براسي و لاعاد ابي اخذ رايها بشي ه تكرر كثير ذكرتوني بشي مره من المرات اتصلت امها تقول للولده ولدك دفش ليه مايقول لها كلام زين سبحان الله انا اللي الحين ما اقول كلام زين مع اني قلت لها مهما صار بينا لاتقولي لاهلك الله يعطيكم العافيه ويوفقكم تحياتي لكم:d |
وأنا عم أقر موضوك حسيت ضغطي إرتفع
والله تستاهل جائزة نوبل في الصبر هذه مو خطيبة روح لأبوها وتكلم معه وقوله إذا البنية ما تريد الزواج الله يسهل عليها وخليني نشوف حالي كل مرة نبي نأجل أجل ع طول وهي الخسر انة هذا ولله ثقل هذه غباوة ع شو شايفة حالها أخي زوجتك متكبرة أم وليد |
الله يصبرك عليها ... أعرف الحقيقه قبل كل شي .. خلي والدتك او اختك تكلمها وتعرف ليش تعاملها وياك كذا.. كنت بقولك اتركها وتوكل على الله الزواج قسمه ونصيب انت ما بتتزوجها لاهلها وراكم عشره وعيال ما في دخل للاهل ابدا بقرارك لان الزواج قسمه ونصيب.. الله يوفقك اخوي ويصبرك على الي انت فيه وعقبالنا الزواج :d عشقي للجنه |
انصحك ماتستعجل ,, يمكن ماعندها اسلوب يمكن هي البنت الوحيدة بين اولاد كثير,,
يمكن فعلا مغصوبة ,, بس هالشيء لازم تتأكد منه مو تطلق على طول انصحك بالاستخارة كثير ,, والله يوفقكم ويسخركم لبعض ,,, |
الله يعينك انا عصبت وانا اقرا
بس معليش السبب منك انت كلمتها وحاولت انك تتقرب وسويت اللى عليك المفروض انك تتجاهلها بعد كلامها وردها اللي يفشل ونصيحتى انك تستخير والله يوفقك |
احتمال بعد يبغالك تصير ثقيل
يمكن هي شايفتك مدلوق عليها مرة قامت استغلت النقطة هذه ويمكن تفاخر بها عند خواتها اثقل واقطع اتصالاتك ولا ترسل فترة طويلة وإذا أرسلت لا ترسل مرة ثانية غير لما ترد عليك يمكن عاجبها إنك تترجاها ترد عليك يمكن تستمتع بإذلالك !! تحسب كذا تكون هي الأقوى أنا مدري هذه من أي كوكب جاية !! استغفر الله من حقها ليتها تقرا ذا الموضوع وتشوف ردود الأعضاء خصوصا إلي قالوا طلق !!!! أو يمكن كل هذا مجرد تحفظ وتشدد وبعد الزواج تكون شي ثاني تأكد وفكر أكثر من مرة قبل تقدم على أي شي سواء إتمام الزواج منها أو الانفصال ولا تفكر بأحد نهائي فكر بنفسك فكر بحياتك !! ولا تفكر فيها هي كيف بتكون مطلقة ومن بياخذها بعدين هذا مو ذنبك الزواج قسمة ونصيب وإذا لها نصيب بيجي لين عندها لو هي ويي وعلى أي حال تكون وإذا كنت تقول أفكر بأمها وأهلها فكر كيف بيكون الأمر لو استمر كذا بعد الزواج يمكن توصل للطلاق فتكون فسخ ملكة الحين ولا يكون طلاق بعدين !!! هذه أهون من تلك !! شكلك تحبها وإلا هذه من يتحملها !!! بس الحب مو كل شي بالزواج |
والله يخوك الفرس من خيالها , والرجل اذا ماله شخصية , يتحمل اللي يجيه ..
|
غريبه شكلها ما تبيك بس لا زم توريها العين الحمراء بعض الحريم قويه وتحب الي شديد بعد كذا رح يبان اذا تبغى تتزواج الافضل انك تاجل الزواج حتى تتتضح الرؤيا
|
ياحبيبي الهــــــون أبرك مايكــــــون تبي رأيي اتركها فترة لاتتصل ولاترسل ولاشي إلى ماتهدى الأمووووور وصدقني راح تجيييييييييك هي اللي تدورك صدقني مو عن تجربة !!! بس كذا سمعت من أخوياي المتزوجين
والله يوفقنا وياك ياخوي ويوفق الجميع يارب . |
صراحة انا ارتفع ضغطي منها وانا ما اتعامل معها مجرد قارئة لما كتبت .. صراحة انت انسان رائع ونموذج مثالي في المتحلي بالصبر .
واظن ان الاخوة والاخوات كفوا ووفوا ولكن اقول للفائدة : اول مرحلة للعلاج طنشها بالمرة فترة طويلة لا رسائل ولا اتصالات ، وصبر نفسك ان لك كرامتك وانك اذا استمريت على وضعك هذا انت الخسران اقصد اذا استمريت بمراسلتها وهي ولا معبرة . المرحلة الثانية : اذا ما جاء اتصال منها اتصل فيها وقل لها انا خلاص بطلقك والله ييسر لك خير مني وييسر لي خير منك . والسلام عليكم ، وقفل .. ورح لاهلها بعد اخبار اهلك وقلهم عن الموضوع انك عازم على الطلاق لأن هالبنت فعلااا ما تنطاق .. والله لو تشوف كيف اتعامل مع خطيبي قمة الرومانسية .. والاتصال اما هو او انا وانا اللي ارسل له . |
اخوي هذي بالعربي ماتبغاك والله مغصوبه عليك وهي ماتستاهلك
|
أخي العزيز أحسن شي
هو أنك تستخير ثم تقابلها وجهن لوجه وتصارحه وتقول كل ما في نفسك وتطلب منها أن تعاملك معامله جيده وأمهلها كم يوم وإذا ما تغيرة كلامها مرة أخر وتكون وجهن لوجه وقل لها الان ليس بيني وبينكي شيء والله يبدلني بأبرك منكي لأن أسلوبها هذا يدل على أنها مغروره وفي نفسها شيء من الكبر و أيضا شكلها من النوع المتسلط الذي يريد أن يفرض كل ما يريد |
ماأعتقد يوجد حل الا الانفصال والله يرزقك خير منها
|
اقتباس:
|
الله يعطيكم العافيه جميعا
راح اخذ برايكم ان شاء الله خلاص العلاقه بينا وصلت الي النهايه وراح تحسم باليومين هذي ان شاء الله والله يكتب اللي فيه الخير والله يوفق الجميع ويسر امورهم تبون الصراحه انا استخرت احس اني مرتاح لكن برجع استخير ثاني تحياتي لكم والله يعطيكم العافيه |
الله يكتب لك اللي فيه الخير ولاتنسى تبشرنا بالاخبار الحلوه على فكره فيه بنات من الحيا مايعرفون يتكلمون يعني بالعربي دباااااااشه
|
مرحبا
فيه فرق بين الدباشه والخسه
تحياتي لك |
حرااااااااااااام عليكم ..خربتم على الرجال
بدل ما تعذروا بنت الناس .. ترى مو كل الناس زينا.....فيه ناس عندهم كل شي ممنوع... وفيه ناس طريقتهم في التعامل كذا .. الله يهدي الجميع |
صباح الخير
اهلين اختي جوري
بالعكس الجماعه ماقالوا الا الصحيح وش ذا الناس اللي عندهم كل شي ممنوع والحين دخلنا مشكله ثانيه اهلها كلهم يبون التاجيل غيرو رايهم بسهوله الله يعين تحياتي لك |
ماقول غير الله يعيييييييييييييييييينك!!!
|
| الساعة الآن 03:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©