|
ماهو ذنبي؟؟
السلام عليكم ورحمه الله وبركاته..
معليش تعبتكم معاي بس محتاره ومالي غيركم... سبق وقلت لكم ان ولد خالتي خطبني وانا رفضت واهو خطب من 3شهور الله يوفقه وخلال الثلاث شهور اسمع من امي عن قساوته في تصرفه مع امه وانا كنت اقول الله يهديه بس اليوم كلمتني اختي تقولي الكل حاط اللوم عليكي لانك رفضتيه علشان كذا صار قاسي على امه كثير انا وش ذنبي ؟؟؟؟هذي شي والشي الثاني صار لي 3ايام جوالي يرن برقم غريب وانا من عادتي ماارد على ارقام غريبه.. واليوم نفس الرقم رن في تليفون بيتنا ولما جاوبت كان اهو ولد خالتي قالي ممكن اكلمك قلت له لا اسفه بعد اذنك مااكلم احد غريب وقلت مع السلامه ...... شنو رأيكم؟؟؟ اختكم:الحائــــرة.. |
حيوره والله زين ما عملتي بس هو شو يبي اذا خطب
يعني لسى يبيكي استخيري حبيبتي ما تعرفي لعله خير ... انا وصلت قبل ام وليد:d |
فوفو يالغاليه اهو خلاص خطب وعقد قرانه...
اهو تقدم لي بس صارت ظروف ورفضته اهو الحين قاسي على امه وحطو خالاتي اللوم علي انا.... وهذا رابط الموضوع القديم الصفحه رقم 3 http://www.66n.com/forums/showthread.php?t=98404&page=3 |
حبيبتي حيوره والله اول مره اعرف القصه بصراحه موقف ابوكي كان مو بزياده انا لو مكان ابوكي والله يمكن اقطعه واقول له اطلع
هذا بصراحه مو بشر والحمد لله انك تخلصتي منه الله يعين زوجته يارب المهم حبيبتي الي اتصل ابن خالتك ماله دخل بالموضوع واذا من الحين يعامل امه كذا علشان رفضتيه بكرى اذا تزوجتو وسارت مشكله بتهيئلي يعمل مشكله اكبر من كذا والله حيرتيني يا حيوره ما ادري وش اقولك يعني انا بصراحه بس خطبت زوجي كان مدللني ومع هذا كنت شايفه نفسي عليه والله ماالومك على عزوفك عن الزواج لكن استخيري بالنسبه لابن خالتك وانا بصراحه ما اشجع انك تأخذي من الاقارب مثل ما يقولن(القرايب عقارب) والرسول قال (غربو النكاح) يعني اصبري وان شاء الله ربنا بعوضك احسن منه واستخيييييييييييري كثير بأبن خالتك الله يوفقك ويكتب لك الخير في أمان الله |
اه على الي صار فيني كأنه امس....واهو صار له3سنوات ...الحمدلله على كل شي
الغاليه فوفو انا بصراحه مااعرف وش يبقى ولد خالتي ولاابقى اعرف خلاص اهو عقد قرانه وزواجه قريب وانتي شفتي ليش انا رفضت كلهم معارضين اخواته وامه...وانا ريحت نفسي منهم.. |
بصراحه ما انصحك توافقين بكرى تتزوجين احسن من وانت مو ناقصك شي ابدا
ماشاء الله تفوق وادب واخلاق ورشاقه:22: ليش تعذبين روحك مع مشاكل انت بغنى عنها ترى انا بعد كنت مخطوبه قبل زوجي هذا بس ما حصل نصيب بس ما كان في ضرب :25: مثل ما قلت لك استخيري وابعدلك اسعد لك وربنا يكتب لك الي فيه خير الله يوفقك حبيبتي |
اقتباس:
الله يسعدك... |
سبحان الله ........صدق امر غريب ليه يتصل بك ؟
أظن هو مو مرتاح مع خطيبته وللحين يفكر فيك ........ومثل ما قالوا خواته انه كان يحبك بس زين سويتي انك ما رديتي عليه .......اتركيه هو اللي يقرر حياته من غير اي تدخل منك واش له اصلا تتعبين نفسك معاه وتشيلين همه وذنبه وذنب اللي بيتزوجها اكيد هو يتصل يبي يعرف مشاعرك تجاهه ربما يريد ان يطلق اللي بذمته وهالشيء ما يصير تساعدينه عليه ..........لذلك زين سويتي يوم ما رديتي عليه حتى لا تتحملين ذنب احد ولا يأنبك ضميرك ما شاء الله عليك يـ الحايرة كل يوم يزداد احترامي وحبي لك لله .......عاقلة ومتزنة الله يحفظك ويرزقك بكل خير . |
زين انك مارديتي عليه .. واذا دق على بيتكم خلي الوالده هي الي ترد .. لانه لو رديتي يمكن يسبب لك
مشاكل .. يمكن هو متعلق فيك ويبيك لكن النصيب نصيب .. المهم اختي خليك على مانتي ولا تردي على الجوال او خلي احد من اخوانك يرد ... الله يوفقك ويسعدك يارب هموووم |
بيرفكت
خليكي على موقفك:22: :22: واذا تقدرين تغسلين شراعه لا تقصريني
الا هذا تصرفه مع امه المسكينه اللي شالت وريت وكبرت فكيف بيكون مع الناس :29: هذا مافيه خير طنشييه تاليته يمل ويطفش من حاله ويحل عنك:( الله يوفقك بأحسن منه :) تحياتي دمتم بخير وعلى خير |
الحائرة حبيبتي أنا أنصحك خلي أمك تتفاهم معهم عشان الآتصالات اللي مالها معنى على جوالك ولا تعطيه أي مجال يكلمك الحين في وقتنا هذا قبل لا تزوج البنت مو بس تسأل عن الرجل فقط لا بعد أهلة وأنتي خلاص اتخذتي قرار وأنا ما أيد زواج الأقارب بالمرة ما فية الا عوار الراس وحبيبتي الله يوفقك دنيا وآخرة وأنتي مالك ذنب يشئ واللي ما فية خير لأهلة تأكدي أنه ما فية خير لناس موفقة أختك أم مبارك |
لن أزيد على باقي الأعضاء
لكني أود أن أحي فيك هذه الخصلة التي تغيب عن الكثير ( لما يكون رقم غريب أنا ماأرد ) قطعت الطريق من البداية نقطة تختصر الكثير من المشاكل التي تحصل من معاكسات وغيرها أحي فيك هذا الحرص على نفسك وعلى هذا التفكير الواعي والناضج بالنسبة لما حصل أختي لقد كنتي صغيرة عندما تعرضتي إلى تلك التجربة العنيفة لذلك أثرت عليك بشكل كبير أتمنى منك أن تتروي قبل اتخاذ أي قرارا بعدم الزواج وطبعا لازم تكون هذه التجربة غيرت فيك الكثير من الأشياء ولكن الحمد لله كلها اشياء جيدة باستثناء موضوع عدم الزواج بإذن الله عندما يتقدم الرجل الصالح لا تنسي الرؤية الشرعية والاستخارة والله يختار الخير وابن خالتك الأفضل أن تبلغي أمك أو أخاك إذا كان متفهما حتى يستلموا الموضوع عنك الله يحفظك ويحميك من كل شر دمتي بحفظ الرحمن تحياتي |
يا قلبي يا حيورة
والله لساتك صغيرة ع الهم طبعا أي رجال ما بتهون عليه نفسه لما ينرفض ما لك ذنب ومو ذنبك إنك رفضتيها وأساسا ما له نصيب معك ثاني شئ ولا يهمك من كلامهم وتجريحهم بعرفك بنت مرباية فخلي العيب منم أحسن خالتك بمقام والدتك معليش مشان عين تكرم مرج عيون ثالث شئ إدعي الله إنه يعوضك خير إن شاء الله نفرح فيك الله يسعدكـ حيورة ويوفقك في دراستك ويرزقك الزوج الصالح والرومانسي بعد أم وليد |
اقتباس:
|
اقتباس:
|
اقتباس:
والله انا بعد مستغربه من اتصاله ومستحيل اساعده على تخريب حياته واصلا انا رفضته رفض نهائي الله يسعدك مشكورة نورتي.... |
اقتباس:
انا مااحب هالاسلوب الي عمله ابدا لاتربيتي ولاديني يسمح لي اكلمه مشكورة اختي نورتي... |
اقتباس:
امه مسكينه والله عايشه بعذاب منه الله يعينها... الله يسعدك شكرا |
اقتباس:
بالنسبه لزواج الاقارب صعبه انا ماابقاها ابدا خلني بعيده احسن مشكورة يالغاليه نورتي... |
اقتباس:
انا استفدت وايد وتغيرت فيني اشياء كثيره مشكورة نورتي |
اقتباس:
الهم مايعرف الصغير من الكبير يالغاليه انا خالاتي بعضهم وافقوني لاني رفضت لان يعرفونه بس البعض او الاغلبيه لاموني بس انا مرتاحه كذا اني بعيد الحمدلله على كل شي الله يسعدك يالغاليه.. مشكورة نورتي.. |
اقتباس:
والله انا مااعرف عن حياته اي شي ولاابقى اعرف وانا من المعارضين على زواج الاقارب.. مشكورة نورتي... |
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©