|
ياهل المنتدى ...الحقوني زوجي يريد ان يبيع ابني
السلام عليكم
انا حابه اعرض مشكلتي وطالبه رايكم فيها انا متزوجه لي 4 سنوات ولدي ابن واحد مشكلتي هي ان زوجي رضي جدا جدا في اهله وهذا لايضاقني بالطبع فمن اضى امه وابوه بعد الله وفقه الله في عيشته ولكن المشكله تكمن ان اهل زوجي متعلقون جدا جدا بابني لدرجه انهم عرضو كل شي لاخذه واخر شي ان والده عرض عليه ان يدفع لزوجي كل ديونه مقابل ان ياخذو ولدي وزوجي دائما يزن علي بالموضوع وانا اطنش واقوله(( في احد يحرم ام من ولدها انا ماخلفته عشان ارميه)) والمشكله انني اصبحت كل مااشتكي من تصرف من ابني ((معاناة اي ام مع ابنائها)) او اطلب ان اسافر او اطلب ان اتوظف يقولي مقولته الدائمه ((بشرط نودي الولد عند اهلي)) لدرجه ان الموضوع صار ينرفزني وهم جديين في الموضوع المشكله اهل زوجي يبعدون عني بعشر ساعات فانا اسكن بعيده عنهم جدا ولاتوجد اي خلافات معهم ابدا فهم يحترموني ويقدروني وانا احبهم مثل امي وابي وهم طيبون جدا معي ولكن طلبهم بالنسبه لي مستحيل علما ان لديهم ما شاء الله سبعه من الاولاد غير زوجي وامهم((حماتي)) متعلقه بهم جدا اوقات اقول لزوجي(( بكره يكبر ولدي ولمن اقوله انا امك يقولي ليه رميتيني)) يقولي ((قولي له عشان ابوك يبغى ينال الرضا)) طيب انا ايش ذنبي؟؟ امهات المنتدى هل تقبلن؟؟ رجال المنتدى هل تفعلو مع امهاتكم هكذا؟؟ مشرفين المنتدى هل هذا واجب ؟؟ هل علي ان اهب ولدي لجدته ليزيد رضاهم بزوجي((مع انه ماهو مقص معاهم بشي)) وانا احرم من فلذه كبدي؟؟ انتظر مشورتكم واسفه للاطاله |
:eek: :eek: :eek: انتي من جد تتكلمي.. اروح اعطي ولدي لاهل زوجي ليش... وين عايشين نحن ؟؟!!!! الصراحه زوجك راضي لهاالدرجه..!!! غريبه والله.. حتى لو يحبون ولدي مووووووووووووت اوديه كل يوم لعندهم ولا اعطيهم يعيش عندهم.. مستحيل لو شو يصير..بكره ايش اقول لولدي يوم يسألني.. اقوله جدتك وجدك يحبونك موت عشان كذا اخذوك.. ..بيقولي اكييد انتي ما حبيتيني اصلاً.. شوفي حبيبتي اقول هالكلام وانا لسه ما اتزوجت :d .. بس اذا اتزوجت ان شاء الله ما راح اسمح بهالشي.. |
انا بعيده عنهم انا في الشرق وهم في الغرب مااقدر اوديه كل يوم
المشكله انه زوجي الحين زعلان مايكلمني لانه لمن امس قالي مقولته المعتاده ((نوديه عند اهلي)) اتناقشت معاه بكل احترام قلت له لمن يكبر ايش اقوله؟؟ انتو من جد مصرين ؟؟ انا ايش ذنبي؟؟ قالي خلي عندك انتي جيعانه بولدك اشبعيبه!!! لحد دحين مايكلمني تخيلو |
حقيقة الموضوع غريب ولم يمر في المنتدى حسب علمي قصة من هذا النوع .
المهم اختي افهمي زوجك ان الموضوع غير قابل للنقاش ولا لمحاولة الاقناع ، يعني ما تدخلي معه في نقاش لايضاح وجهة نظرك ، وافهميه بشكل حازم ان القطة لا تتخلى عن صغارها فكيف بنا نحن البشر ؟! |
و عليكم السلام ورحمة الله
لو كنت مكانك ولو طلب مني أهلي امي و أبي و هم نور عيني بأن أعطيهم ابني لما رضيت مهما حدث .. فهو من حقي و حقه ان اربيه و اعتني به ليحصل على حنان الام و عطفها فمهما كان حنان الاجداد و بقية الاقارب لن يصل لدرجة الأم فليس من حق اي شخص ان يأخذ منك ابنك خاصة و هم يبعدون تقريبا 1000 كيلو يعني مسافة دول و ما كان من المفروض او اللائق طلبهم هذا الطلب فهم قد ربوا و شعروا بنعمة الابوة و الامومة فلماذا يحرمون الناس منها ؟؟؟؟؟ لاحول ولا قوة إلا بالله و شيء اخر ... عيب ان يتم اغراء زوجك بدفع ديونه و اخذ ابنه ؟ هل هذا نظام الاقطاع ام ماذا ؟؟؟ |
!!!!!!!!!!!!!!!!!!!!!!!!!!!!!!!!!!!!!
والله قصة غريبة !!!! عزيزتي مالك الا حل واحد وهو انك تتصلي بوالد زوجك وتتكلمي معاه بكل هدوء وتوضحيله ان زوجك جالس يضغط عليكي بهالموضوع وقوليله حط نفسك مكاني ترضى أحد ياخذ منك أحد من اولادك؟؟ واطلبي منه ان هالمكالمة تكون بينك وبينه وانه مايخبر زوجك ... وان شاء الله يتفهم الموضوع .. |
زوجك يتعلم ما كانه هذا ولده كأنه لعبه راح يهديها لاهله !!!! وهذا بعد انتو بشرق وهم بغرب كيف راح تتحملي مش في نفس البلد ..!!! لو انا مكــانك اقول لزوجي ما عاد اتكلمني ف هالموضوع ارجوك.. لانه المسأله صعبه ولا تدخل عقل اي أم ف هالدنيا.. |
اختي البتول
اذا قلت له كذا يعصب ويقولي لاتحسبيه ولدك نازل من السما اشبعي به اختي الوفيه لوالديها هم ماطلبو طلب صريح لكن هم دايما يلمحو او يقولو بس اعطونا هو <<<<بطريقه المزح لكن الموضوع مفهوم حتى لمن ابوه عرض عليه عرض بالمزح لكن المشكله مو فيهم لانهم دايما بعد مايقولو كذا يقولو ((لا لا حرام نحرمه من امه)) المشكله في زوجي هو الا يبي يحقق لهم الامنيه الا مكسوفين يطلبوها صريح اختي قطره مطر2 زي ماقلت اهله يطلبو بالمزح وبعدها يقولو لا حرام يبعد عن امه المشكله زوووووووووووووجي من زود رضاه يبى يحقق لهم الامنيه دايما اقوله انا ربنا اعطاني واحد ويمكن مايعطيني غيره ماماتك ربنا رزقها بسبع الله يخليهم ماهي محتاجه ولدي والله لو احد طلب ولدها ايش بتقول يجاوبني ((طبعا بترفض))!!!!!!!!!!! طيب وانا؟؟ يقولي يجيلك غيره بس هذا نعطيهم هو رضااااااااااااااااااااااااااااااااااا:( |
قصة لاتصدق
|
أتوقع أن أبو الولد يمزح
مستحيل أب يتخلى عن ولده |
لا مايمزح اي شي يسعد به امه وابوه ويرضيهم مايمزح فيه
هو طبعا مايسوي شي غصبا عني بس هو الموضوع في باله ورابطه باي طلب اطلبه مثل الوظيفه على طول يقولي نرسله عند اهلي عشان تتفرغي للوظيفه اقصد انه بيدور سبب او مدخل يدخلي بيه عشان يرضيني فيه مقابل اهب الولد لاهله واذا ناقشته يعصب ويقولي (((اشبعيييييييييييييييبه))) |
ايش هالزوج الغريب :(
|
موضوع غريب..
كلمي اهله انتي وقوليلهم يمكن يمزحون وزوجج فهم غلط ... اذا مزح .. خليهم يكلمون زوجج ويفهمونه لان هالشي مايصيييييييييييييييييييييييييييييير |
اقتباس:
هم كذا.... زوجي هو الا يبى يسوي فيها الرضي ((الفذ)) وانا المتورطه يعني اهله لو قلتلهم طبعا راح يقولو بنمزح لانهم مايقدرو يبعدوه عني لكن الطلب تشوفيه في عينهم نفسهم ارضى وزوجي اه من زوجي هو المشكله ماني عارفه كيف اشيل الفكره من باله جربت كل الطرق بس الرضى من دا النوع هل هو وااااااااااااااااااااااجب؟؟؟؟؟؟ |
لا حول ولا قوة إلا بالله
اسمعي يا اختي اتصلي فابو زوجك وقوليله يا عمي انتوا دايما اترددون هذا الكلام وادري انكم تممزحون بس زوجي الل هو ولدك ماخذ الموضوع جد وقوليله كل السالفه انه كل موضوع تفتحينه يدخل سالفة الولد فيه... وقوليله انا ام وما ارضى احد ياخذ ولدي مني ولا شو رايك يا عمي؟ انته شخصيا ترضاها لنفسك أكيد بيقولك لأ بعدين قوليله يا عمي طالبتنك طلبه انك اتكلم ولدك واتقوله ترا الكلام كله مزح مو جد اذا تبي راحتنا طمنيني عليج |
والله الموضوع غريب فعلا
صارحيه وكلميه بل وكلمي اهلك بالموضوع صحيح ينرفز عن جد كيف اتخلى عن ولدي ؟؟؟ مستحيل يصير |
كم عمره الولد؟
اذا هوكبير شوي ويعتمد على نفسه حطيه عندهم اسبوع وبعدين اخذيه مافيها شي تراهم اهله وحتى تفتكين من ازعاج زوجك0 |
اقتباس:
|
أولا اختي من هو صاحب الأثير الأكبر عمك ام حماتك؟؟
عند وجودك معهم تقومي بفتح الموضوع وليس على الهاتف,إن كانو جادين بهذا الامر يمكنهم الانتقال الى بلدكم أو انتقالكم الى بلدهم لتكونوا قريبين من بعضكم, ويمكنك خلال فترة عملك ان يبقى عندهم . وانقلي لهم انك لا يمكنك التخلي عنه وأن هذا الأمر يؤثر سلبا على حياتكم الزوجية بسبب اصرار ابنهم على هذا الامر وعليك ان تقولي لهم انك تقدرين محبتهم لولدك وتفتخرين بها كما تفتخرين بان عمك وحماتك (طيبين ......وأكثري من الكلام الذي يخجلهم),ولا تظهري اي امر سلبي تجاههم. اقول لك من جانب آخر أن المحبة من الله فمحبتهم لإبنك فخر لك ومحبة زوجك لهم واستعداده للتخلى عن فلزة كبده فخر لك ايضا وكل هذا رضى. أنا لا اقول ان تتخلي عنه ولا تحاربي بعداوة ولكن الموضوع يريد المسايرة والمسايسة . ادعو الله بأن يسدد طريقكم للخير وبما يرضي الله ويرضيكم |
الهم....
حبيبتي اشكرك كثير وعلى رأيك بس مشكلتي انا مرره خجوله ومااتكلم مع ابوه ولا امه كثير كلامي محدود يعني يمكن الا يخليهم يخجلو من طلب ها الشي لانهم يحبوني بس زوجي هو الا يفتح الموضوع دايما الحب المستحيل اشكر لكي رده فعلك كانك حسيتي بي انا اتعودت محد يتدخل بحياتي سواء من اهلي او من اهله فصعب اقول لاهلي ترف.. حبيبتي ولدي عمره سنتين وانا دايما اوديه عندهم لمن اكون بنفس البلد لدرجه اني اضغط على اهلي لمن يقولو وين الولد ليش ماجبتيه اقولهم حرام ينبسطو به هناك هو اول حفيد اما انتو((عند اهلي)) عندكم احفاد غيره بس اني اتركه عندهم وارجع بلدي صعب لاني بعيده جدا قطره مطر2.... فعلا حبيبتي اهله مايعرفو انه زعلان ومتنرفز من دا الموضوع بس زي ماذكرت انا مررره خجوله وكلامي معاهم محدود وماتعودت اشتكي لهم عن حياتنا السوري.... اخوي هم يفتحونه بطريقه المزح لايمكن ان اقلبه جد اما عن نقلنا فهذا صعب جدا ولكن بكل اجازه بيروح لهم وزي ماسبق وذكرت احرم اهلي من شوفته عشان اسعدهم واخليه يجلس اطول فتره ممكنه عندهم بالنسبه لكلامك ا((قول لك من جانب آخر أن المحبة من الله فمحبتهم لإبنك فخر لك ومحبة زوجك لهم واستعداده للتخلى عن فلزة كبده فخر لك ايضا وكل هذا رضى. أنا لا اقول ان تتخلي عنه ولا تحاربي بعداوة ولكن الموضوع يريد المسايرة والمسايسة . ادعو الله بأن يسدد طريقكم للخير وبما يرضي الله ويرضيكم)) هذا الا مصبرني ومسكتني وانا هذا الموضوع اعاني منه منذ ولاده ابني لدرجه اني لم استطع اتمام رضاعته اكثر من 4 شهور بسبب انهم ياخذوه كثيرا عندهم واذا جاع اعطوه الرضاعه وتعرفو الطفل اذا اتعود على الرضاعه انسي انه يرضع من امه فالمشكله مع زوجي الذي يحاول ان يكسب رضاهم وانا انحرم منه!!!!! اسفه للاطاله بس الصراحه انا تعبت من فتح الموضوع معه اريد حلاااااااا الان هو مايكلمني لاني قلت له كيف تشيل ولد من عيلته قال هم كمان عيلته!!!!! ماذا افعل:( |
و الله قصة عجيبة
و لكن تمسكى برأيك لا يصح ان يتربى طفل بعيد عن حضن امه و حاولى ان تبتعدى ن و زوجك عن فتح هذا الموضوع حت لا تنقلب حياتك و تجاهلوه و اذا حدثوكى عنه تكلمى كأنه مزح و ان حدوثه مستحيل فكل ام تريد ان تربى ابنها بطريقتها و هذا حقك و الله يهدى زوجك |
أنا مع رأي مراقبتنا البتول وخليه يعصب وينطق له مية عرق ياعيوني يعصب والا تموتين إنت بحرقة ولدك والطفل ياعالم ماتفكرون فيه أمامك خيارين 1-قوليلهم موافقه بشرط أخذ ولدكم منكم ولاتشوفونه شوفي يرضون تحرمينهم من ولدهم وزوجك يرضى تحرمينه من أهله 2- تفاهمي مع طفلك قوليله تروح عند جدو وجده وفهميه القصه طبعاً راح يرفض ويكون هوالحجه القويه قوليلهم ولدي مايبي يتركني لاحولا ولاقوة الا بالله الله يفرج همك وإستخيري الله والله لايحرمك من ضناك |
بصراحه طلب غريب...لكن اختي لازم ماتتكلمي مع زوجك بكل جديه وخذي موقف حاسم ولا عاد تسمحيله يفتح هالموضوع ابدا.
وكمان لازم ماتحكي مع اهل زوجك مايصلح تنحرجي منهم..انتي زي ماحكيتي هم والحمدلله طيبين. حاولي تحكي معهم..والله يوفقك ويهدي لك زوجك. |
علا العاصي...
الصراحه انا كذا باخد الموضوع دايما بمزح وبتجاهلو بقدر الامكان بس تخيلي كل ماطلبت اتوظف قال طيب ارسلي الولد عشان ترتاحي وغيره وغيره ليتني اسلى الصراحه حلك جيد الخيار الاول عرضته على زوجي وقلت له حاقوله لاهلك بس مو اني احرمهم من ولدهم((لانه طبعا كبير وماراح يسمع كلامي)) انهم معد يزنو علي اني اجيب له اخوه يعني خدوه واشبعو به بس لاتقولو جيبو اخ له لاني الصراحه مو مستعده اتعب واخلف تاني وياخدوه مني اما رايك الاخر فهو صعب((((((((ايش رايكم بالحل))))))) ولدي سنتين مايفهم كثير ويحبهم مرررررره يعني لمن يكون عندهم ينساني بالمره ندى الصباح اشكرك على رأيك بس زوجي يعصب اذا ابديت زعلي من دا الموضوع اما بالنسبه اني احرج هادي طبيعتي صعب تتغير |
اقتباس:
الهدف تفتحين حوار معه راح يقولك كيف تحرميني من أهلي (أمي وأبوي ) ردي عليه قوليله كيف تحرمون طفل من امه وأم من طفلها لاتكونين سلبيه طفلك أمانه الله أمنك عليه وستسألين عن هذه الامانه |
عزيزتي واضح ان زوجك مايبغاكي تتوظفي وهو عارف انك ماتقدري تستغني عن ابنك علشان كذا لما تفتحي موضوع الوظيفة يفتحلك هو موضوع اهله....
احسن حل انسي الوظيفة.... علشان تعيشي مرتاحة. |
ليتني اسلى حبيبتي......
سبق وقلت يقولي لاطبعا مايصير ولمن اقوله وانا يقولي عشان اخد رضاهم ربنا يعطيكي غيره اقوله لو اعطاني غيره ماراح ياخد مكانه يعني تحسيه يهمه بس رضا اهله بطريقه تعلني اعلم ان رضا اهله بالدنيا ولكن هل الرضا الى هذا الحد؟؟؟ قطره مطر2 مو مسأله وظيفه انا بعطي فقط مثال انا احس انه يدور اي شي ابغاه ويعطيني هو بس لازم يساومني بروحه ولدي هناك ودايما يقولي متى نجيب تاني عشان نرسل دا عند اهلي ولا يقولي ايش رايك نعطيهم بس هذا واسويلك كل الا تبغي((مو للتعجيز))يقوم به لاغرائي حتى اوافق |
السلام عليكم اختى فى الله
لا و الف لا أنك تتخلى عن ولدك نصحتى ليكى انك تبلغى أهلك ,كذالك استشاره أحد رجال الدين و جعله يتفاهم مع زوجك لأن ما يطلبه غير طبيعى و اذا هو يريد التنازل عن أبوته لا يجبرك أنت التنازل عن أمومتك انا لا افهم كيف !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!! حقيقى انا مصدومه :( الله يعينك يا أختى دعواتى لك |
والله يزعل وآخرته بيرضى
ولا اني اهيت ولدي!!! واااااااي على قلب زوجج |
أختي إن شاء الله حلي يعجبك
أنا أبغاكي تكوني على طبيعتك كأم فقط هذا ما أريده ..أبغاكي تتصرفي بفطرتك أنتي ودك زوجك ياخذ رضا أمه وأبوه صح .وهذا واجب زي ما أنتي أتفضلتي وقلتي وفي نفس الوقت ما ودك أن ولدك يبعد عنك طيب أنتي ودك ترضيهم .....بس طلبهم مستحيل خلاص قولي لزوجك أنا صراحة أشوف أنهم أهلك ورضاهم واجب وأنا موافقة أن ولدي يروح عندهم وطبعا زوجك راح يطير من الفرح .......ويودي الولد ترجعي إنتي لبيتك وثاني يوم أكيد بتفتقدي ولدك وفلذة كبدك أكيد من كثر شوقك له راح تبكي لأنك ودك تشوفيه ساعتها قولي لزوجك أنا مشتاقة لإبني وما قدرت على فراقة وأبغ أروح أشوفه وخليه يقطع لك تذكرة وحجز عشان تشوفي ولدك أنا أبغ زوجك يشوف شوقك لولدك وكيف إنك ما تقدري تفارقيه بالرغم من إنك حاولتي عشان ترضي أهلة لكن الأمومة خانتك أتوقع بعد كذا ما يقوللك زوجك خلي الولد عند أهلي لأنه عارف إنك ثاني يوم راح تقولي له أبغ أشوف ولدي وماراح يتعب إلا هو وكمان أهله ماراح يرضو بهذاالحال ما أدري فهمتي علي أختي ولا لأ بارك الله فيكي |
انا نصيحتيلك تكلمين أم زوجك
انتي قلتي انها حنونة وتحب عيالها فأكيد باتحس فيك اكثر وحدة قولي لها تدرين ياعمتي انه فلان للي هو زوجك كل ما اطلب منه طلب يقول باسوي لك اذا عطينا ولدنا اهلي تصدقين انا بانجن لو يبعد عني ولدي فديت عمره خليها تحس بمدى حبك لأبنك وقولي لها عمتي ترى فلان صدق انكم تبون تاخذونه عندكم الله يهداه هالأيام كله يساومني تكفين عمتي قولي له انكم تمزحون .......... وبكذا راح تحس فيك وتستحي وتكلم ولدها اختي لا تستحين من عمتك اعتبريها مثل والدتك ودائما سولفي معاها وافتحي مواضيع وجامليها ترى هالأسلوب في مصلحتك أما الخجل اللي ماله داعي صدقيني مو في صالحك الله يهدي زوجك ويحفظ لك ولدك . |
والله سمو الأميرة فكرتها حلوووووووة...
|
أختي الكريمة
جميع الأعضاء استغربوا هذا الأمر ...إلا أنا ... اتعلمين لماذا ؟؟؟؟؟ لأن قريبة لي مرت بمثل ما تمرين به .. لكن هي أخذ ابنها رغما عنها ولم يأخذوا رأيها في الأمر فقد كانت في زيارة لهم وقت الإجازة وحينما همت بالعودة لدارها منعوا ابنها من الذهاب معها فقد قررت والدة زوجها وابنها (زوج قريبتي ) أن يبقى الطفل الصغير الذي لم يتجاوز الثلاث سنوات عند جدته بكت ورفضت ولم يكن بيدها حيلة فقد كانت قلوب من حولها من حجر لدرجة أنها تضع أبنها في السيارة ويعيده والده وهي تبكي والصغير يبكي واخوته واخواته يبكون ولا حياة لمن تنادي عادت لمنزلها مجروحة مكلومة فاقدة لأبنها .. بقي الصغير عند جدته سنوات وحتى حينما تأتي لنفس المدينة التي فيها قريبتي ترفض أن ينام الصغير عند أمه كانت تراه لحظات ويذهب مع جدته إلى أن بلغ حوالي الثالثة عشرة من عمره وهو بعيدا عن والدته ولا يمكن وصف حال الأم طوال هذه السنوات ثم اعادته لها بحجة أنها كبرت في السن ولا تستطيع متابعته وحينما عاد بقي لفترة طويلة كأنه غريب عن أمه لا يشعر تجاهها بأي مشاعر إلى أن احتوته واشعرته بأمومتها .. اقر الله عينها به وبأخوته .. اختي الكريمة .. مهما يكن تمسكي بأبنك فلن يتضرر سواك إياه .. وحقك علينا أن ندعو لزوجك واهله بالهداية .. وفقك الله ورعاك .. |
لا حول ولا قوة الا بالله
لكن انا رافضه انك تبعتبه عند اهله على سبيل التجربه وبعد كدا تبكي لزوجك لانه طالما حقق مبتغاه خلاص ولا هيمه هيسيبك تبكي ويقول بكره تتعود والاخوه طرحوا اراء كتير منها انك تتكلمي مع الجده زي رأي نووور والمهم تقولي لزوجك الامر دا مرفوض بتاتا ولا تكلمني فيه تاني وقوليله انا اهلي عايزينه ليه مش هما اللي ياخدوه وشوفي ايه رايه الله يهديه حسسني انها سلعه تباع وترد |
لا حول ولا قوة إلا بالله
في ناس قلوبهم بالقسوة هادي الله يعينك أختي أنا نصيحتي أنك تستخيري ربك وهو سبحانه وتعالى حييسر بعد شبح الموضوع هذا ويزيل تعكر حياتك ووفقك الله |
حبيبتي هابي 2007
حقيقي اشكرك تفاعلك معاي 3thooooooob هذا زوجي وش بدي اعمل بس عجبتني منك وااي على قلب زوجك سمو الاميره فكره مره حلوه بس اخاف اذا وديته يقولي انت الا قلتي وديه محد ضربك على ايدك قطره مطر اشكر لكي مرورك ملاك الغربه كلامك يخوفني الله لايحرم ام من ابنائها الاميره الحالمه انا بعد خايفه انه يقولي انت الا قلتي نحن بس اقترحنا وانت الا رضيتي محد كان حيعمل شي من غير رضاكي حبيبتي نوره الفرفوره زوجي مو قاسي ابد بس يفكر في رضا اهله بزياده اشكر كل من تفاعل معي في موضوعي والصراحه اسفه اذا كنت تعبتكم انا لحد الان لم اكلم زوجي ولكن سافكر في اقتراحاتكم واستخير واخبركم بالجديد دعواتكم لي |
اختي نوور
انا سبق ووصلت المعلومه لام زوجي بس الاحظ انها على طول تغير الموضوع والمشكله حاولت اكثر من مره ودايما تغير الموضوع بسرعه |
اقتباس:
وانا عن نفسي مستحيييييييل ليه انا حملت وتعبت عشان ياخذوانه هم لا والف لا ماارضى ابد |
طيبون جداً
ويحترمونك وتحترمينهم تحبينهم ويحبونك ومع ذلك لا اجد سبب مقنع في أخذ ابنك !! |
انا مع كلام مشرفتنا ملاك الغربه!
اتقولين تستحين منهم! اولا يا اختي ليش تستحين! انا ما قلتلج روحي صرخي وقوليلهم ما راح تاخذون ولدي مني! بالعكس خليج سياسيه و وصلي اللي تبين اتقولينه باسلوب غير مباشر مثل ما هم يسوون! ترا هم يقولون اللي يبون يقولونه بس عن طريق المزح! وانتي بعد خليج ذكيه وسياسيه..... ومثل ما قلتلج كلمي ابو ريلج! لأنه اذا دخلتي حرمه فالموضوع السالفة بتكبر! وخذي موقف حازم جدا جدا جدا مع زوجك وكوني صارمه في كلامج وفهمي انه لا يفتح الموضوع هذا معاج مره ثانيه ومحمد يقدر ياخذ ولدج منج وطمنينا عليج ترا الموضوع ما يبيله هالكثر.... كل اللي لازم يصير انج تاخذين موقف واتبلغين اهل زوجك بقرارج ورغبتج.... مثل ما قلتلج باسلوب ما يزعل... |
| الساعة الآن 10:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©