|
أريد معلومات عن ماركات الاقلام
السلام عليكم
أنا راح اشتري ان شاءالله هدية.. وماأدري عن أذواق الرجال حطيت في بالي قلم ولفيت كم محل بس ماشتريت شي:d لكن حفظت الموديلات والأشكال والأسعار في بالي 3 ماركات: مونت بلانك - دنهل - كريستيان ديور شفت مونت بلانك ودنهل بس كريستيان ديور لسى ماشفتها سؤالي لكم الآن.. أكثر ماركة مفضلة عند الرجال ؟ عارفة ان كل رجل وذوقه.. لكن أكيد فيه ماركة صايرة التوب من بين الماركات سمعت انها مونت بلانك صح؟ <<<<<< من جد أعجبتني كثير وأعجبني أكثر عندهم خصم الآن:17: اي معلومة عن اي ماركة او الأقلام لاتبخلون علي فيها أرجوووووكم لأني محتاجة وبكرة ان شاءالله رايحة اشتري علما بأني ماراح اشتري بسعر أكثر من 1500 ريال وانتم اخواتي اذا عندكم فكرة عن موضوعي قولوها لي وشااااااااكرة لكم مقدما جزاكم الله خير |
1500 بعني كم دولار
اذا كان 250 دولار ارى انه غالي جدا قلم بهذا السعر لماذا لا تشتري عطر رجالي ارخص |
250 دولار اعتقد 1000 ريال
و375 دولار = 1500 ريال انا عالعموم ابغاه اقل من هذا السعر لكن ماراح يتعدى ال1500 يعني اعتبره حد اقصى وفي بالي حاجة فخمة شوي والعطر مجرد مايستخدم وينتهي خلاص بينما القلم يبقى ذكرى:22: شاكرة لك اختي ليلى |
أختي شو بارد / ليس عندي خلفيه
لكن وجهة نظر خاصه العطر أفضل . |
والله يا شوبارد حسب هالشخص شو بيقرب لك ?
|
القلم رهيب وكل مايستخدمه في الكتابة يتذكرك وعلى طول في جيب الثوب
بس أنتبهي لايعطيه لأي أحد وينصرق عليه خصوصا لو كان ب 1500 ونصيحة تاخذي القلم إللي يكون شكله حلو ترى مهي بالماركات |
اخوي السيف المسلول
جزاك الله خير سلامات ياقلبي الشخص قريب لي ولا ماكان احترت هالحيرة ساعديني ياحلوة الله لايهينك |
أختي العطر كثير خاص فما بنصحك فيه
هو أساسا ينهدى للزوج أو شخص كثير قريب القلم مو مهم الماركة بقدر الشكل الحلو والذوق في الاختيار ساعة راقية بس تعدى 350دولار Pocket organizer with card holder من Dior إذا الرجال بيحب السفر في شنطة صغيرة من Dior كثير حبابة إذا الرجال إله مركز وشغل محترم فيك تشتري شئ لمكتبه بالشغل من الكريستال والله هذا الشئ الي فكرت فيه |
شوبارد
القلم مرات يضيع عالرجال مايهتمون كثير واحسن ماركة مونت بلانك لو تشترين له مسباح ............ او ساعة ............... او ميدالية مفاتيح راقية وفيها شي للذكرى . |
من رأي تشترين كرستيان ديور00 مره اشكاله حلوه على ما اعتقد يجي ثلاث موديلات
وسعره بحدود اللي ذكرتي00 وانصحك تشترينه من الدهام لأنه مسوي عليه خصم انا اشتريته لزوجي 00 |
و عليكم السلام ورحمة الله وبركاته
القلم هدية رائعه ولكن نصيحه لا تهتمين بالماركه اكثر من الشكل لأن فيه اشكال حلوه وليست ماركات تحياتي |
اما انا من رائي انك تشترين له نظارات شمسيه من الماركات الحلوه مثل (كريرا ) انا شخصيا شاريته بـ 500 ريال سعودي .
|
اهلين اختي شوبارد انا عن نفسي جربت أس تي ديبون وكريستيان ديور بصراحة مرررة روعة وعندك بعد كارتييه تراها حلوة الله يعينك ويوفقك اخوك هلال العالم |
* كريستيان ديور
|
ما فكرتي بمحفظة ، أشوفها عملية أكثر و ممكن تبقى لوقت أطول
القلم ممكن يضيع أما المحفظة تبقى قيمتها لفترة أطول قبل فترة اشتريت لأخوي محفظة من S T Dupont http://www.raffaello-network.com/ite...pacc95006p.jpg |
ماركو مونت بلانك رووووعة ..
|
مازن محمد
طيب فيه اشكال كثيرة وبأسعار متفاوتة وكلها حلوة وبما اني دافعة اخذ ماركة افضل مشكور سلامات ياقلبي فكرت بساعة ولقيت الموديلات الحلوة غالية علي شوي وماأدري... حبيت تكون هديتي قلم انا تهمني الماركة بصراحة والسبب اني اخذ موديل حلو بسعر مرتفع وماركة عادية! حرام ادفع فيه وماهو مبين اني دافعة! شاكرة لك نور مونت بلانك فيها مداليات ماشفتها!! والساعة غالية علي بشوف الميداليات اليوم عجبتني الفكرة شااااااااااكرة لك ديمو الله يجزاك الجنة قولي امين بروح اليوم اشوف ديور ان شاءالله |
هذا الرابط فيه مجموعة من المحفظات الرجالية بس ما أدري وش ماركتهم ..
http://www.66n.com/forums/showthread.php?t=116149 |
صاحب رأي سديد
معك حق بس اذا شكله حلو وسعره غالي وماهو معروف مثلا قهر ادفع فيه! مثلا شفت قلم مرة حلو وسألته عن اسم الماركة وماعرفتها قلت له هل الماركة معروفة عند الرجال قال اللي يفهم بالماركات ايه لكن اجتماعيا ماهي معروفة كثير قلت لاخلاص رجعها اخاف اشتريها ومايحس صاحبها بقيمتها مشكور أخوي mlsas بس النظارات اعتقد لازم يشوفها ويجربها على نفسه لأنه احيانا ماتناسب شكل الوجه ..... شاكرة لك هلال العالم واسعارهم كيف؟ والله كارتير غابت عن بالي بس المشكلة ماعرف مكانها وين في الرياض عالعموم جزاك الله خير افدتني والله العابد لله مشكور أخوي ريمونا فكرة حلوة تعرفين ليه ودي بقلم ودي بشي رسمي شوي ولما اغلفه يطلع شكله راقي لكن المحفظة شلون؟ دخلتيها براسي بعد:d الله يعيني على اهلي لي 3 ايام ادور وماشريت وشكلي اليوم بعد بدور مشكورة اختي افدتيني كثير الله يجزاك خير بحرينية ولكن مشكورة اختيييي |
انا مع الاخت التي قالت ميدالية
الميدالية تدوم اطول بس شكلك مصممة على القلم |
شفت الان رد ريمونا
انا ايضا مع المحفظة الصغيرة او الميدالية الازلتي مصممة على القلم |
زوجتي وانا
مشكور اخوي فاتحة الرابط الآن واتفرج ليلى الهدية شوي رسمية واحس يلبق عليها القلم أكثر انت شرايك؟ وبعدين لي 3 ايام وانا اروح اتفرج على الاقلام واخذ فكرة عن موديلاتها واسعارها لذلك اصريت عليه:26: ومع ذلك دخلت مزاجي الميدالية والمحفظة اللي عنده فكرة يفيدني الله يجزاكم خير |
معاك حق في القلم ، لكن تعرفين وش مشكلة القلم
ممكن يضيع في اي مكان ، ينساه ، يعطيه لأحد يوقع فيه و ما يرجع المحفظة ما في مجال تضيع لأن استخدامها اساسي و يومي |
افضل اختي لو تأخذين له ساعه او عطر
ام القلم مايجلس مع الرجال يضيع على طول بالذات لو انه من بتوع البالوت ماراح يجلس يوم |
خلص انا اقتنعت بالقلم !!
اخاف ترجعي تقتنعي بالمحفظة والميدالية احلى ما في موضوعك أنني رأيت الاخت ريمونا تشارك !! اول مرة اشوفها تنزل الساحة دائما تتفرج من بعيد ..!! تحياتي لك ولها |
حبيبتي إذخلي لموقع ديور وإعملي شوبينغ أون لين
وإتفرجي ع كل شئ وبعدين قرري وإنت أدرى الناس بهالشخص أكيد بس تشوفي إشئ وتفتكري هالشخص إعرفي أنه هاي هديته الله يوفقك |
اممممممم كل الماركات اللي ذكريتها اقلامهم حلوه
بس انا بالنسبه لي مونت بلانك احلى شي.... في بعض محلات مونت بلانك يصير تطلبين منهم يحفرون اسم الشخص اللي بتشترين له الهديه على القلم.... أحس بيكون حلو ومميز بس صح كلام الاخوات ترا الرياييل يضيعون الأقلام وايد!!! |
مثل ما قالت الاخت سلامات يا قلبي ادخلي على مواقع الماركات و شوفي اللي يعجبج و الاسعار ........ فيه الماركات و اسعارها و اذا بتاخذين قلم جربي كارتييه و مون بلانك لان قلامتهم عجييييييبه :22: و الرياييل يحبون هالماركتين زوجي حاليا يستخدم مون بلانك و خليج على فكرة القلم لانه احلى و ارقى و اختاري ماركه معروفه عشان يعرف قيمة الهديه و اذا تبين هديه محترمه غير القلم ممكن تاخذين ازره cufflinks :22: و ممكن محفظه او ميداليه بس العطر ما يناسب احسه هديه عاديه جدا يمنع إضافة إي رابط خارجي |
الرجال مايفرقون بين الماركات
يعني اي شيء حلو راح يعجبهم لو كان بخمسين ريال والله ان اكثرهم اجاويد الله يصلحهم جميعآ واحنا معاهم آمـــــين |
اقتباس:
لا اختي مب الكل جي انا كل اللي اعرفهم (ابوي، اخواني، زوجي) يعرفون الماركات و ما يحبون يستخدمون اي شي الا اذا كان ماركه خاصة الاقلام و المحافظ و حركات الكشخه |
اسمعي القلم اذا كان شكله حلو وماركه تمام اذا بيناسب لا تترددي فيه
|
تريدين رأيي ياغالية
أرى ان تعملي مجموعة من الهدايا في صندوق..بدلا من صرف مبلغ كبير في هدية واحدة فممكن ان تشتري صندوقا خشبيا فخما بسعر زهيد وثم تملأيه بالورد الطبيعي او الورد المجفف ذو الرائحة العطرة وتضعي فيه عطر رجالي ماركة مثل عطر كرستديور الجديد لااعلم مااسمه لكن على شكل سداسي رائع جدا وتشتري قلما عاديا ذو شكل جميل وتحفري عليه اسمه مع محفظة ايضا يحفر عليها اسمه وميدالية مفاتيح حتى يستخدمها لمفاتيح السيارة وكلها يحفر عليها الإسم, ايضا تضيفي للمجموعة قميص او تيشرت او حزام ماركة.. بذلك تكوني جمعتي بين الماركات وبين العادي بالسعر الذي حددتيه وفي اكثر من هدية حتى يتذكرك في كل شيء.. فالتيشرت كلما لبسه سيتذكرك او القميص وايضا الميدالية والمحفظة والقلم لان انتي التي حفرتي اسمه وايضا العطر اذا كان مميز كالذي ارشدتك اليه يتذكرك دوما به.. ولاتنسي ان تضيفي لمسة من الإيمان على هديتك بشريط كاسيت من القران الكريم وصدقيني ان اجدتي الاختيار لن تبلغ الهدية 1000 إن شاء الله تعجبك فكرتي أختك حائزة الأمل |
حائزة الامل
فكرة رائعة واقتصادية وجديدة |
مشكورين ماقصرتو الله يسعدكم دنيا وآخرة
حايزة هلا وغلا فيك.. فكرتك حلوة بس صدقيني مكلفة وبعدين الحزام كنها صعبة شوي.. سعودي وحزام شرايك؟:d <<< ياويلها هههههههههههههه اقصد موكثير يلبسونها << بتغطي شوي وهديتك تنفع لواحد امون عليه هذا لا ماامون عليه ....استحي منه فهمتيني اختي؟ هديتي رسمية جدا بس فكرتك عجبتني مرة بسويها المرة الثانية بس على فكرة تراها مكلفة السوق غالي الحين يسلمووووووووو يالغالية والله افدتوني كثير جزاكم الله خير |
شو بارد أختي شاكره لك سؤالك ...
احنا استفدنا كثير لما قرينا الردود ..... صار عندي فكره عن الهديه المناسبه للرجل |
اشتريت:17:
من فتيحي قلم مونت بلانك...:22: شاكرة لكم وجزاكم الله خير اختي تلميذة.... شي طيب استفدتي مثلي |
اذا كان 1500 ممكن تشتري احلى هدية خذي طقم عطر و قلم و محفظة و زي كذا اهم شي الشكل و في العطر الرائحة
|
لويس فيتون مررررررررررره حلوه اقلامه حلوه شريت لزوجي واحد يليها الماركه ديور
|
ليه ماتكون الهدية ساعة؟؟؟؟؟؟؟؟؟؟؟
مجرد اقتراح |
فاتنا الموضوع
كنا نبي ندلوا بدلونا بس شكلك تسألينا وانتِ نفسك في قلم مونت بلانك عموما ماركة مونت بلانك تستاهل وان كانت بدت تنتهي موضتها مع اقتراحات من قال اشتري عدة اشياء خسارة 1500 في قلم ممكن يؤخذ منه في اليوم الثاني مع الاخت حائزة امل واقتراحها وعموماً الف مبروك عليك ............ وعليه الهدية : ) تمنياتي لكما بالتوفيق والسعادة |
| الساعة الآن 01:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©