|
صديقتي ومشكلتها مع ولد زوجها ..مصيبه!
السلام عليكم
عندي صديقة طلبت مني اطرح مشكلتها عندكم لعل وعسى تلقون لها حل صديقتي زوجه ثانيه لرجل متزوج قبلها ولديه من زوجته الاولى اولاد وبعدها طلقها وتركتهم له وتزوج صديقتي ربتهم مثل عيالها ولا فرقت بالمعامله وينادونها يمه ....واحد فيهم عمره الحين 16 سنه امس قالها يمه ابي اكلمك بشي قالت له قول حبيبي وش عندك ؟ قال يمه ابي اصارحك اني احب وحده اكبر مني ومتزوجه واموت فيها وكل ليله احلم اني اجامعها واني متخيل اني اتزوج غيرها وانتظر بس زوجها يطلقها واخذها !!!! البنت انهبلت...قالت وش تقول انت وش هالخرابيط توك صغير على هالكلام وعلى هالمشاعر ووين عرفتها ووين شفتها ؟ قال انتي تعرفينها وقرييييبه لك وكل يوم اشوفها قدامي ...قالت منو هي ؟ تتوقعون وش قال ؟ قال انتي ؟؟؟؟؟؟؟؟؟؟؟؟؟؟؟؟؟ تقول وربي تقل معطيني كف على وجهي ومدري وش ارد عليه واتصرف ؟؟؟؟؟ تقول حاولت افهمه اني من المحرمات عليه ومايجوز هاالي يقوله وكلمة يمه اللي تقولها انا ربيتك من عمرك 6 سنوات ومثل ولدي شلون تفكر فيني بهذا الشكل ؟؟؟ والمسكينه تكلمني وهي منهاره ماتدري كيف تتصرف معاه ..تكلم ابوه ؟؟ ابوه عصبي ومايتفاهم الله يجزاكم خير ...شنو تنصحونها هي في حيره صارت ببيبتها ماتاخذ راحتها بالحركه واللبس تخاف منه ؟؟ |
قصه غريبه نوعا ما
كيف يفكر هاتفكير ويفتح معها الموضوع بكلمة (يمه ) |
يبي له علاج نفسي فوري لاني اعتقد الولد منلم على رفقة سوووووء علمووه هذي الاشياء وهو ماشافا الا مرة ابوه قدامه
|
يمكن شايل عليها ويبغى ينتقم منها بهالكلام...
|
اذا يزور امه يمكن اهي تقوله!!! او الصبي مريض!!
|
يمكن يبغ يسويلها سالفه مو زينه لها
ويمكن يكون جاد فأحسن شيء تسأل أحد المتخصصين عشان تعالج الوضع |
شكرا على تفاعلكم خواتي .. وفعلا قصه غريبه حتى اني سألتها اكثر من مره
هو يتكلم جد ؟ متأكده انتي ؟؟ والله ياسما يمكن كلامك صحيح !! ومااظن شايل عليها .. لان امه رمته وهو صغير وراحت وخلتهم ومحد رباه غير صديقتي حتى ابوهم مايدري عنهم يتركهم بالايام عند هالمسكينه تراعيهم هم وعيالها ... وعلى كلامها انها طيبه معاه ولا اذته بشي ويقولها يمه ! لا ياام انفال امه ماشافها من عمره 6 سنوات راحت ديرتها وخلتهم ومايدرون عنها شي ولايذكرون شكلها اصلا ... |
اقتباس:
ووين تلقى المتخصصين وتسألهم هي ماتعرف احد ولا تروح ولاتجي |
الله يهديه ويعين صاحبتك..
طيب ممكن تكلم ابوه بس تطلب منه عدم العصبيه لان العصبيه ماراح تنفع.. |
مالك تقطعين الشك باليقين
وتوكلين على الله |
الله يعين والله غريبه وكمان وشلون جاته الجرائه انه يعلمها هي الحين لزم تنتبه على نفسه وعلى اعيالها منه لاتقولين ليه اضن انكم عرفتو ليه وكمان تعلمه ان هذا اشي خطاء
وتعطيه معلموات انا اشي اليي يفكر فيه حررررررررام |
السلام عليكم
اولا الولد فى سن مراهقة , وعفوا ممكن يكون شافك فى شكل معين كأى امراءة وهو يعتبرك مش امة الحقيقية , حاولى معاة بالصلاة ودائما تظهرى امامة بشكل محتشم بحيث الصورة دائما تكون غير مثيرة. |
شي غريب والله مستغربه مدري شقول بالضبط ... لكن خليها تتحاشاهـ ... هو الحين في سن المراهقه
هموووم |
يااختي خليها تنتبه على نفسها واولادها من هذا الولد وتحاول تكلم ابوه بس يتعهد يلتزم الهدوء لان المساله موسهله وهي لوحدها ماتقدر تسوي شي وتقعد معاه وتفهمه دينه لانه شكله بعيد عن ربه والله يوفقها وبلغينا ايش يصير معاها0
|
يمكن الولد احد من اصحابه قايل له عن جنس المحارم ...
وهوه حطها في باله .. او قرى عنها .. وترى الولد مراهق وبتمر علينا حالات زي كدا ... اهم شي خليها تتحشم عنه .. وتخفي مفاتنها .. الله يصلحه ويربط على قلبه ..ويهديه ... |
أولاً :
ثانياً :
|
اختي الفاضله من وجة نظري المتواضعه اقول وبالله المعين : سن الــ 16 هي مرحله عمريه حساسه جدا خصوصا وهي مرحله انتقاليه مابين الطفوله ومراهقة الشباب اعتقد ان مشاعره صادقه والامر يعود لاسباب كثيره اهمها نفسية واجتماعية وربما الشاب منغلق على نفسه فليس امامه سواك عموما اقترح التالي : 1 - لاتصارحي والده بالتفاصيل منعا لفقد الثقه بين الاب وابنه خصوصا والمشكله في اعتقادي انها وقتيه 2 - غيري من طريقة تعاملك معه في الايام القادمه .. كوني حازمه .. رسميه .. اشعريه ان ماتفوه به لايغتفر 3 - اوجدي بطريقه غير مباشره فرص ان يحتك كثيرا باصدقائه وابناء عمه ليكون بعيدا عنك اكبر وقت ممكن 4 - استخدمي وسائل التذكير الدينيه لرفع الوازع الديني لديه مع اهمية الاختيار كي لانصنع شاب متطرف من حيث لاندرك فنتجاوز المشكله لما هو اعظم 5 - من المهم ان نتعرف على اهتماماته وعلاقاته وكيفية قضاء وقت فراغه ومستوى دراسته وغيرها من المعلومات الاضافيه لبناء تصور كامل عن شخصيته وبالتالي ايجاد مزيد من الحلول ارجو ان اكون قد وفقت في تقديم حلول ايجابيه بالتوفيق اختي وعسى الله لايحرمك اجر تربيتهم فشعور هذا الشاب ناتج عن حسن تعاملك معهم |
لازم تكلمه على انها امه وتخوفه من عقوبه رب العالمين00 وتنصحه يهتم في دروسه عشان ينجح ويتوظف وتقولهاذا شفتك مهتم في دراستك رح اكلم ابوك عشان نزوجك00وتقوله انا امك كيف تقولي الكلام هذا رح اسوي نفسي ما سمعت منك هذا الكلام 00000000لازم تتستر في لبسها وتتنتبه للبنات منه و وتكون رسميه معاه شوي عشان يخجل من الي سواه 0000000000 الله يسترعليها وعليه ويحميه من شر الشيطان
|
اقتباس:
|
حبيبتي عشق المحارم من اشد واخطر انواع العشق الذي انتشر كثيرا وبتنا نسمعه في بيوت كثيره
بالنسبه لتعقيبي على الموضوع اقول يا غاليه الولد مراهق وهي اكيد جزاها الله خير يتنظر له على انه ولدها فتلبس قدامه عادي اشياء قد تراها هي عادي ولكن في نظره تثير غريزته وقد تضمه او تلاعبه كمحبه ام لولدها وهو اعتبرها او ثارت غريزته لها من هذه الاشياء العلاج في نظري اولا عليها ان تحتاط في لبسها وجلوسها وتعاملها معه وتتعامل كوجود مراهق لابد عليها من تفادي اثارته ابداا ثانيا عليها ان تقوي الوازع الديني فيه كيف؟ بتعمد تشغيل اشرطه محاضرات عن نفس الموضوع التي تشعر به ثالثا والاهم لابد للاب ان يطلع على الموضوع بطريقه غير مباشره والسبب ان الولد مراهق وقد لا قدر الله يتهحم عليها او ينوي لها امرا لم يكن في الحسبان ويفهم الموضوع خطا من قبل زوجها على انه بينهم علاقه فلازم والده يعرف بطريقه غير مباشره كان الولد كبر ومن هالكلام اختي الموضوع خطير جدا وفيه مفاسد كثيره فعليها ان تحتاط اولا واخيرا وعليها الاتصال باطباء نفسيين ليعطوها خطوات لتتبعها في علاج نفسيه او شذوذ هذا الولد لترده الي فطرته الاساسيه والله يستر عليهاا |
اقتباس:
شوفي ياختي ترا حتى لو يناديها يمه فالنهايه هاذي مو امه وهو مو محرم عليها لو ربته من يوم عمره شهر! وبعدين اتقولين ما تاخذ راحتها باللبس والحركه! يمكن الولد شافها وهي لابسه شي مو محتشم وهذا ما يجوز حتى لو هي اللي امربتنه! اقترح اتودي عند دكتور نفسي.... الولد يمر في سن المرهقه وبعدين امه رمته وهو عمره 6 سنين والابو عصبي ودايما مو موجود يمكن هاذي الأشياء كلها اتراكمت وولدت مثل حاله نفسيه عند الولد طمنينا عليها |
هذي من بلاوي الدشوش والمواقع الإباحية بالإنترنت وعدم الاهتمام من الأبوين وهذي مصيبة الطلاق الضحية دائما هم الأطفال انتبهو لعيالكم ياناس اتقو الله في عيالكم لايكن الطلاق هو اول الحلول للمشاكل فكرو في عقباة ذلك
لاحول ولا قوة الا بالله العلي العظيم شي يقهر والله |
حياكم الله اخواني
الف شكر على نصايحكم والله يجزاكم كل خير .... بحاول اطبع لها اللي كتبتوه عشان تقراه وان شاء الله ينصلح حالها مع هالولد .... اليوم قالت لي انها مو قادره تتكلم معاه صارت تتحاشاه وتشوفه غريب بعد ذاك الموقف ...وكتبت له رساله فيها كل اللي ودها تقوله... قريتها انا صراحه كلام يقطع القلب تتكلم كلام الام لولدها انها كيف بعد تربيتها وتعبها عليه وتتمناه انه فعلا يصير ولدها الحقيقي يجازيها بهذا الشكل ! وكلام كثير فيه مشاعر حزينه ومجروحه ... وبالنهايه كتبت انه لايكلمها خلاص واللي بينهم تلبية طلباته وبس ويااخوان ابوه بعيييييييييييد عنهم ولا يدري بحالهم مايجي من وين لوين والمسئوليه كلها عليها ولمن قلت لها كلمي ابوه تقول ان موقفها حساس وان الابو مايصدقها بشي ولايثق بكلامها لان صار لها كذا موقف مع اولاده وصار يعصب عليها ابوهم وصارت تسكت من هالموقف انها نصحت بنته تتغطى لانهاكبرت تقول من باب خوفي عليها ........البنت اشتكت لابوها وكلام كثير وصارت هي الغلطانه والبنت راحت بيت جدتها .... وهذي صديقتي ملتزمه الحمد لله وبيتها مافيه قنوات غير العفاسي والمجد وغيره مافيييييييه ... ولمن سالتها اذا يمشي مع اصحاب اخلاقهم سيه قالت اعتقد لان اكثر من مره القاه مندمج مدري وش يطالع بجواله واجي اخذه منه واعصب عليه ويقوم يصيح ويقولها مالك شغل فيني ....وتقول مره من اشهر جاء قالي يمه احس ان شهوتي زايده وش اسوي !! تقول صرخت عليه وش هالخرابيط انت ماتستحي وووو تقول بعدها قام يبكي ويتسامح مني ... تقول مااعرف كيف اتصرف معاه ؟؟؟؟ واخر شي قالت راح تكلم عماته لانهم الوحيدين اللي علاقتهم زينه معها ..... الله يعينها وينولها اخر صبرها خير ومشكوورين على تفاعلكم |
أنا انصدمت من كلمك كيف بيقول حق امه الى ربته
مثل هذا الكلام هذي مصيبة وخصوص اذا ادر ابوة كيف بيكون حالات هذا الزوجة المسكينه حاولي تجلسي معها وتقولي انك مثل امة وانت ولدي ما يصير هذا الكلام ما يجوز ياولدي الله معاك |
مافي غير انها تروح عند إنسانة واعية
مثلاً دكتورة داعية المهم وحدة تفهم كيف تتصرف مع الحالة هذة والله ما ادري ويش انصحك؟؟؟؟؟؟؟؟ |
شكلها حنونه والولد تعلق فيها لانه عايش معها ويشوف تعاملها الطيب معه اتوقع شئ طبيعي بمرحله المراهقه وخاصه بالنسبه لظروفه وعدم تربيته ببيت طبيعي فيه ام واب لان كثير من الاطفال يقول انا راح اتزوج امي لمى اكبر لكن هذا مراهق مهو طفل يمكن مرحله وتعدي الله يكون بعونها ويكفيها كل شر
|
انا اذكر ان هناك شخص سئل احد المشائخ مفسرين الاحلام
وقال في سؤاله....... انا احتلمت انني اجامع اختي ؟ فكان رد الشيخ انت تحب اختك حباً اكثر من نفسك وتحترمها وتقدرها وتخشى عليها من كل سوء وانت راضي عنها وهي راضيتٍِ عنك وفقكم الله |
الله المستعان
مسكين يمكن من كثر ما يحبها قالها كذا بس لازم تجلس معاه وتفهمه هالموضوع |
الله يكون في عونها
فعلا الموقف صعب جدا انا اشوف انها تحل الموضوع شوي شوي على مراحل مو تلجأ لعماته مباشرة لان صدقيني اذا توسعت الدائرة راح ينكشف الموضوع واذا وصل الموضوع للوالد لازم واحد منهم راح يترك البيت الرساله اسلوب حلو جدا وممكن يأثر بس لو تسجل في نهاية الرساله انها مستعدة للتحاور معاه افضل من مقاطعته احس ان المقاطعه ممكن تسوء الموضوع اكثر |
اقتباس:
عندي احساس انه ما يعرف ما يقول...يعني يقول هذا الكلام في وجهها و يقول انه شهوته عالية شو اسوي.. شكله بسمع كلام من اصحابه بيتكلموا بين بعض و بيجي يحكي لها و كانه واحدة من اصحابه... طبعا انا لا اعني السكوت على الموضوع ولكن و قد يكون جاهل و لا يعرف ماذا يقول ... والله اعلم |
تنتبه لملابسها جدا
يعني احنا عيالنا الى حملنا فيهم وربيناهم خلاص ولدي الحين عمره 8 سنوات صحيح صغير بس زوجي قال لا عاد تلبسين ملابس متكشفه قدامه رغم ان ملابسي ما متكشفه كثيررر بس فعلا انتبهت لهذه النقطه العلم الحين غير والمغريات في كل مكان .... ارجوكم الحين ولد 10 سنيين كنه ولد 15 كل شي عارفه وفاهمه .... لازم نغير انفسنا بالاول .. علشان اعيالنا يتغيرون !!! هو توه شاب وفي بدايه مراهقته وثوره الشباب ليش ما تلتزم بلبسها قدامه .. يعني شنو تاخذ راحتها باللبس اختى ما يصير تحط البنزين قدام النار وبعدين تقول وش سبب الحريق؟؟؟؟؟؟ |
الولد في عمر التخبط فمن المفروظ ان ياخذ الموضوع بالعقلانية في حله
ويمكنها تستشير ذوي الاختصاص في المجال الديني والنفسي |
اقتباس:
|
السلام عليكم ورحمة الله وبركاته
أختي في الله يبدو من القصة أن الولد متعلق جدا بزوجة ابيه خصوصا مع غياب الوالدين من حياته ان هذا الشاب يمر الان بمرحلة حرجة و بدا يكتشف شهوته و عموما في هذا السن تكون العواطف و المشاعر متلخبطة و قد يسئ الشاب فهمها فيربط حبه البرئ بشهوته من الواضح أنه يثق بها كثيرا و لولا ذلك لم يصارحها بازدياد شهوته و طلب النصح منها و كان عليها في مثل هذا الموقف أن تحتويه و تفهمه و تدعو له و تنصحه بالصيام قدوة برسولنا صلى الله عليه و سلم عندما جاءه شاب يستأذنه في الزنى فأفهمه الرسول صلى الله عليه و سلم أن الناس لا ترضاه لأهلهم و دعا له الله أن يطهر قلبه فكان عليها أن تعلمه بحجم هذه الخطيئة و توعده أنها ستبحث له عن زوجة جميلة تناسبه و يستمتع بما أحل الله له يجب على صديقتك أن تحتشم أمامه و أن لا تقطع علاقتها به لأنه قد ينجرف الى الحرام و لتستغل ثقته بها لتعديل سلوكه بقلب الأم المحب لاأعتقد أن الولد سيعتدي عليها فهو يحبها و لن يؤذيها ولا أعتقد ان الاب يجب ان بعلم لأنها فترة بسيطة و ستنتهي بإذن الله و لكن الاب اذا علم فستكون مشكلة كبيرة اجعليها توقظه لقيام الليل و صيام النوافل و حتى لا يشعر بالحرج فليصوم البيت كله معه و هكذا هذا و الله أعلم |
الولد هذا ممكن لو يكبر يسوي مصيبه ... لانه واضح ان بدايته منحرفه و العياذ بالله ...
المهم لازم تاخذ حذرها معه و تحاول تفهمه انه اللي يقوله غلط .... لكن اذا تمادى بالموضوع تخبر ابوه ضروري ... |
اقتباس:
|
اختي الكريمه اول شي لازم يعرف ابوه بالسالفه لاني اخشى اذا سكتت يتطور الموضوع عند الولد ثانيا في مثل هذه الاحوال تكون المرأه تاخذ راحتها في بيتها من ناحية اللبس وخلافه بإعتبار الابناء مثل عيالها والصبي في سن المراهقه وهذا لايجوز ويطمع فيها كونها صغيره وهو في سن المراااهقه فتنتبه لهالنقطه ايظا واسأل الله له الهدايه ولها حسن التصرف
|
حياكم الله اخواني واخواتي...
اولا الف شكر على تفاعلكم مع مشكلة صديقتي واعذروني على تأخري عن قراءة الردود.. حابه اقولكم باللي حصل معاها بعد اخر مره قلت لكم انها كتبت له رساله قالت فيها كل اللي تبييه من يومها الولد صار مايحط عينه بعينها واعتزل نهائيا عنهم بغرفته من المدرسه للغرفه اكله لحاله وينام ويصحى من غير ماتتواجه معاه صديقتي ماعجبها حاله راحت لعمته وقالت لها عن اللي حصل وعمته مرأه كبيره وفاهمه ونادت الولد بحضور صديقتي وكلمته بشده وعاتبته عن اللي حصل وقام يبكي وصار مثل الاطفال وباس راس زوجة ابوه وتأسف منها وقال ان اللي حصل غصبن عنه ومايقصده بس اللي يبي يقوله انه هي امه ومستحيل يعيش من دونها ابد ولايصبر عنها واحلامه تجي من حالها بدون مايفكر فيها وكلامها من زود تعلقه فيها ولايقصد شي شين ....تقول صديقتي كان موقف جدا صعب وحزين بس هي تماسكت ومابينت له انها راضيه ميه بالميه بس قالت له خلني ارضى من حالي وعقب اقولك تراني راضيه عليك والعمه حاولت تصلح بينهم بس الى الان الامور هادئه ونصحتها انها تقوله اذا فعلا يبي رضاها يلتزم بالصلاة ويترك اصدقاء السو وينجح في دراسته ودايم تقول قدامه ان شاء الله اشوفك عريس مع العروس اللي انا اختارها لك وتخليه يحس انه احد مهتم فيه من اهله .. وانتهت تقريبا المشكله الى هذا الحد والله يهديه ويجازيها على صبرها تدرون يااخواني وانا اسمع كلامها عنه والله انه يكسر قلبي تراه ضحيه امه تركته صغير وابوه مو داري عنه ولا عمام يسالون عنه ولا خوال يعرفونه !! وزوجة ابوه مهما حنت عليه ماتعوضه حضن امه وحنان ابوه مهما فعل هو مسكين الظروف ماساعدته يعيش في جو اسري فيه حب وود... مشتت بين يد هذا وذاك يااخواني ودي تكون قصة هالولد عضه لكل من يفكر بالطلاق وكل ام تفكر تترك عيالها وتتزوج او ترميهم لاابوهم انا مااقول لاتعيشون حياتكم عيشوها بس قبل كل شي فكروا بهالمساكين وش ذنبهم ربي وهبهم لنا نعمه نحافظ عليها وناس كثير محرومين منهم ويتمنون لو طفل واحد وناس ترميهم للغرب .. حافظو على اطفالكم ربي يحفظكم من كل سو تراهم امانه امااااااااااااااانه والله يجزاكم كل خير |
من وجهة نظري اختي الفاضله
لازم تبحث عن الاسباب اللي ادت الى وقوع هذه الكارثه او تذهب لزوجها اللي هو والدهـ وتشرح له الموضوع لان السكوت عن هذا الامر مصيبه تحياتي |
الحل الأمثل والصحيح بتزويجه وتنمية الوازع الديني عنده
لاحول ولاقوة إلا بالله |
| الساعة الآن 04:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©