|
أرى خطيبتي للمره الاولى لا أعرف ماذا أتكلم معها
ياشباب ويا بنات ابقولكم سالفتي بإختصار واتمنى انكم تنصحوني فيها قصتي بإختصار هو اني ان شاءالله بكره او بعد بكره راح اشوف خطيبتي للمره الاولى (النظرة الشرعية) _______>ابتنفكك صواميلي:o وش اقول للبنت اذا جلست قدامي ؟؟ اكيد طبعا راح اسألها شلونك ؟؟ وش اخبارك ؟؟ هذا معروف طبعا لكن بودي اقول كلمه حلوه ( تتأثر البنت منها) يعني بالعربي تخق علي:23: وش تنصحوني فيه ؟؟ الاشراف /تم تعديل العنوان تنبيه: يرجى الكتابه باللغة العربية الفصحى والابتعاد عن اللهجات العامية المحلية |
الله يوفقك يارب
ويكتب لك اللي فيه الخير بس الكلام الحلو مايجي في النظره الشرعيه لانك لازلت غريب عنها الكلام الحلو يجي بعد العقد (الملكه) لما تكون زوجتك ,,,في هذا الوقت يحل لك تقولها اللي تبي بالتوفيق اذا عقدت تعال نعلمك الكلام الزين :) |
خلك على طبيعتك :15:
ما فيه احلى من البساطه |
حلوه منك روز احرجتيه
اخوي بحر الحب ماشاء الله عليك داخل بقوه هذي وهي النظره الشرعيه وتبي تتغزل في بنت الناس الله يعينها عليك بعدين |
اخوي اعقل ترى هذي نظرة شرعية يعني البنت لسه ماتحل لك وبعدين يمكن ابوها واخوانها يكونون موجودين معك يعني لاتأمل كثيييييير انكم تجلسون لحالكم.. :21:
الله يوفقك وبانتظار اخبارك:14: |
خلك ثقيل هاذى نظره شرعيه
بعد الملكه تغزل وامدح وقول الى تبي |
...............نصيحه لا تتفلسف كثير ترى البنات مايحبون الي يقولون كلام حلو بسرعه....
يعرفون ان عندهم خرابيط قبل كذا .....فهمت |
اقتباس:
افرض مثلا ماأعجبتك؟ أو افرض انت ماأعجبتها مثلا!! فشيلة لما تقول كلمة حلوة بس انا فاهمة قصدك.. قصدك كلمة تجذبها ماهو كلام غزل بفيدك بتجربة سابقة لي.. اثناء الرؤية الشرعية والخاطب موجود ووالدي اول مادخلت وجلست سلم علي وسألني عن وظيفتي قال أبوي الإضاءة خافتة بولع الاضاءة الثانية وقام ابوي قال الخاطب لالا يكفي النور الموجود قدامي<<<< ضاعت علومي انا بس للأسف بعد ماتطور الموضوع لخطبة رسمية ومهر فجأة اعتذر.......والحمدالله خيرة ان شاءالله تبي نصيحتي لاتقول شي.. لأنه بعد ماقالي هذي الكلمة مع اني فرحت اني اعجبته لكن استحيت وانحرجت مررررة والدليل انه سألني سؤال ومارديت عليه وكنت ابغى اطلع ماقدرت من الاحراج حتى حسيت ملامح وجهي تغيرت موفق اخوي والله يكتب لك الخير |
مافي احلى من الطبعيه
ولاتكثر هرج عشان ماتقول البنت ذا والله عنده سوايق والله يوفقك ومبروك مقدما |
أثناء الشوفة الشرعية المفروض ما يكون فيه كلام واجد.. خلك ثقيل.
ابدأ بالسلام، واسألها عن حالها بابتسامة لطيفة، وصدقني ملامح وجه الرجل اذا كانت مريحة ومبين عليه انه طيوب وحبوب راح تخليها تخق أكثر من الكلام المعسول! وبعد الملكة خذ راحتك وقول اللي تبيه... بس انتبه من المبالغة في كلام الحب والغزل عشان ما تاخذ عنك فكرة انك مغازلجي محترف!! وبعد لأن الشي اذا زاد عن حده قلب ضده.... المرأة تكره اللي يبالغ في كثير من الأمور. |
خلكـ طبيعي يالغالي لاتدخل عرض من البدايه
خلك ثقيل واثق واسألها عن علومها وعن دراستها او وظيفتها طبعاا اول ماتدخل قول ماشاء الله وش هالزين والله يوفقكمـ يارب |
الف مبروك والله يتمم لك ع خير
سلم واذا عجبتك تقدر تقول ماشاء الله وهي رايحه قول الله يحفظك صدقني بتتطلع وهي مهبوله فيك تحياتي |
لكل اللي ردو لكم مني الف شكر ويعطيكم العافيه على نصايحكم والله يجزاكم خير بس عندي سؤال بسيط ابوها بعد مارتاح لي قالي تعال عندنا بعد يومين ثلاث ويصير خير سؤالي هنا هل اقدر اجيب معي هدية للبنت ؟؟ واذا كان الوضع اللي انا فيه مسموح اجيب فيه هدايا وش نوع الهديه اللي اجيبها ؟؟ انا بصراحه سألت هالسؤال وشفت منكم الخير فاتمنى انكم تفيدوني واكون شاكر لكم |
انت تعرف البنت؟ او سبق وشفتها مثلا؟
صعبة تجيب لها هدية واحتمال انك ماتعجبها او ماتعجبك وغير كذا انت بالنسبة لها رجل أجنبي مايجوز بينكم الهدايا اذا الله كتب بينكم نصيب اول ماتشوفها غرقها بالهدايا والكلام الحلو موفق اخوي |
[quote=العقل الموزون]الف مبروك والله يتمم لك ع خير
سلم واذا عجبتك تقدر تقول ماشاء الله وهي رايحه قول الله يحفظك صدقني بتتطلع وهي مهبوله فيك تحياتي[/quoteينا ههههههههههه ضحكتني عارفين هالحريم يابعد قلبي بالكلمه الحلوه على طول تذوب |
ياناس احب اوضحلكم شغله بسيطه يمكن انتم مافهمتوني فيها انا ولله الحمد امس شفت البنت وكانت ترتجف من الخوف تخيلو وصلت فيها انها تتمسك بيد اخوها علشان تقتدر تمشي وانا عاد الله اعلم بحالي وش صار لي الحمد الله البنت ارتاحت كثيييييير لي وانا نفس شي وهذا من فضل ربي ولله الحمد مثل ماقتلكم ابوها ارتاح لي كثير وقالي بعد يومين تعال علشان نتفاهم على باقي الامور اناعندي سؤال بسيط هل اقدر اجيب معي هدية للبنت اذا رحت لهم مره ثانيه ؟؟ واذا كان الوضع اللي انا فيه مسموح اجيب فيه هدايا وش نوع الهديه اللي اجيبها ؟؟ ومشكور وقفتكم معي |
ايه تقدر تاخد معاك هديه للبنت
والف مبروك عليك |
اخوي ماأعتقد انه مناسب انك تاخذ لها هدية قبل الملكة خلك ثقيل شوي لاحق على الهدايا ..
والف مبروك مقدما.. |
هل اقدر اجيب معي هدية للبنت اذا رحت لهم مره ثانيه ؟؟ واذا كان الوضع اللي انا فيه مسموح اجيب فيه هدايا وش نوع الهديه اللي اجيبها ؟؟
السلام عليكم مبارك عليك ياعريس والله يألف بين قلوبكم ويخترلكم الطيب اخي انا بأجاوب على سؤالك اذا والله تمت الموافقه وقالوا لك تفضل حلوه منك تدخل بيدك حاجه حلوه مثلا تجيب صحن شوكليت فخم من محلات الشوكليت المعروفه فخم فخم على اصوله ومعاه اسواره بسيطه ناعمه صدقني بتفرح فيها بنت الناس وبتتذكرها احنا عندنا عادات لما اخوي يشوف العروس وتعجبه امي تلبس العروس الأسواره دليل لقبولنا فيكم ورغبتنا بكم لاحظ اخويا مالبسها امي اللي تلبسها وبما انهم لما راح يردوا عليك ان شاء الله بالموافقه حلو صحن الشوكليت للعائله يفرحوا فيه والأسوره لها غلفها بتغليفه حلوه واهديها وهي لما تفتحها بتعرف انها لها وبتلاقيها لابستها الله يألف بين قلوبكم او اذا مو حابب اسواره ممكن تجيب بوكيه ورد مع صحن الشوكليت كمان حركه حلوه ولطيفه حصنتكم بلا اله الا الله |
| الساعة الآن 10:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©