|
اخت زوجي العانس؟؟ مالحل؟؟
السلام عليكم
اخواني حبيتكم اتساعدوني في مشكلة بس مو مشكلتي شخصيا واهي مشكلة اخت زوجي اللي قربت تدخل الثلاثين ومحد محــــــــــــــــــــد ابدا اتقدملها مو انه ترفض لا ,,,, عمرها ماخطبها احد الا اذا اتذككر واحد وكان متزوج وحالتة عدم مع انه لي متزوجة اخوها 7 سنوات وساكنة معهم البنت وايد طيبة بس عيبها شينة شوي ومهملة نفسها وايد مع انها بيضا وبشرتها صافيه بس لاحظت فيها انها تتعامل زي امها العجوز لانها بكر امها فماخذه كل اسلوب وطبع امها ,,,,,,,,, اتصدقون اخواتها اللي اصغر منها اتزوجوا وخلفوا وعيالهم بالمدرسة!!؟؟ واهيا احس فيها شايلة بخاطرها وساكته واتحب اعيالي واتعاملهم زي الام مشكلتها متينة وفيها عيوب كثيره بالوجه والاسنان مع ان خواتها حلووين انا مادري شنو اسوي؟؟ هل اتدخل وانصحها حاولت المحلها كذا مره بس ماتقبلت او مافهمت وسكت انا اتصدقون بالعيد والناس كاشخة باجمل الملابس اهي لابسه جلابية كنها عجوز مو بنت!!! ولما قلت ليه يافلانه انتي كذا ليه ماتكشخين قالت يووووه ماحب كذا اريحلي .. كنت ابي اقولها لييييييييييييييييييييييييييييييييييه اتسوين بعمرك كذا؟؟ وتزيدين نفسك قبح؟؟؟ هذا غير عن طريقة كلامها ولبسها كله واسلوبها مع انها جامعيه ,,,,,,, اتخيلوا متخرجة ودايما قاعده قبال التلفزيون قلت لها دشي دورة كمبيوتر او خياطه او تجيل اوو غيرها قالت لاااااا لالالا انا ماصدقت افارق الكليه ياناس احس حياتها ملللللللللل لا زوج ولا عيال ولا وظيفه ولا دراسه!! مادري ليش اتسوي كذا............ وياليتها شرانية كان اقول تستاهل المشكله انها طيبه وخدومه لدرجة كبيره واللي مضايقني زوجي احسه متأثر منها بس مايقول اللي بصدره . اللي انا مستغربتة انه خواتها ماينصحونها ..؟؟ موزي البنات ابد لاتروح زواجات ولا اسواق !!! وانا قلت لامي الموضوع قالتلي يابنتي سكتي ومالج دخل امها وخواتها احرص منج عليها واهم ساكتين مالج دخل؟؟ امي برايها انه اتخاف انهم يفهموني غلط ويقولون هذي او اهي تقول هذي تبي الفكه مني!!! وانا يعلم الله مو هذا قصدي حتى لو اختي مثلها والله لاطقها هوشه معها عشان تتزوج وتفارق مافييييييييييييييييييييييييييه زي الزوج والعيال ومملكتها على بيتها يا خواتي وخواني ساعدوني اشلون انصحها؟؟ اتدخل والا مالي شغل؟؟ |
عطر اسكادا
يفضل انج تتدخلين... قد تكونين سببا في تغيير هالفتاة فتاخذين الاجر..حاولي مرة و ثنتين و ثلاث معاها لين ما تتغير.. تحياااااااااااتي لج و الله يعينج |
انتي اشتري لها لبس حلو يناسب عمرها وخليها تلبسه اذا جوا اخواتها وطبعا لاتقصرون بالمدح لها
واذا كنتي تتفرجين على التلفزيون معها وشفتوا ممثله او مذيعه امدحي لبسها ومره من المرات انتي سوي لها الميك اب وقولي لها انتي حلوة بس ليه حاقره نفسك ولاتقولين لها سوي كذا عشان تتزوجين لان اكيد هالكلمه راح تجرحها واذا الزمت تفاهمي مع وحده من اخواتها تقنعها يمكن تاخذ في راي اختها وعلى شوي شوي خذيها معك للسوق واطلعي معها لمطعم او اي شي عشان تشوف اللي في عمرها ايش يسوون وكيف عايشين |
انا اقولج لا تتدخلين... الزواج قسمه ونصيب واذا لها نصيب بتتزوج
ما تدرين يمكن تتدخلين واتستوي مشاكل بينج وبين زوجك بس ادعيلها الله يوفقها ويرزقها الزوج الصالح واذا تبين تقدرين تدخلين بس بطريقه غير مباشره... مثل ما قال الاخت حالتي صعبه... يعني تشتريلها لبس يناسب سنها... اتودينها معاج السوق.... خليها عاده انكم بين فتره وفتره اتروحون الصالون اتسوون شعركم واظافركم انتي تستفيدين وهي تستفيد.... اذا عندج صديقات في نفس سنها عرفيهم عليها وطلعيها من جو البيت والملل اللي هي فيه.... يعني لا اتقوليلها اشتركي في دورة كمبيوتر ولا سوي جذي ولا سوي جذي.... لا بالعكس حاولي انتي تشتركين معاها في كل شي,,, عشان البنت ما اتحس انها شينه ولا فيها عيب وانتي تبين اتغيرينها اتمنى أكون افدتج بشي والله يجزيكي خير على حرصج واهتمامج فيها جعله الله في ميزان حسناتج بإذن الله ورزق اخت زوجك الزوج الصالح ان شاء الله هي وكل بنات الملسمين ان شاء الله |
والله ماعندي حل بس الله يارزقه بولد الحلا
|
ااخواتي
ميرة الكادي,,,, الهم,,,, حالتي صعبة ,,,,, مطلقة ولكن اشكركم على ردودكم المفيده بس ماتتفقون معاي انه اخواتها فيهم انانيه؟؟ يعني انا مادري الله اعلم بالظروف بس ماشوف لهم حق يتزوجون قبلها؟؟ يمكن سبب اهمالها لنفسها بسبب التحطططططططيم النفسي وبعدين ماشوف لهم دور في نصحها؟؟ |
اذا بغيتي تروحين السوق قولي لها وش رايك نروح السوق؟
واذا شفتي قطع حلوة شجعيها تشتري00 وروحي طبيب اسنان قولي لها تروح معاك لاتقولين اخاف اجرحها صدقيني بعدين بتدعي لك00 الله يرزقها الزوج الصالح000 |
السلام عليكم ورحمة الله وبركاته
يا أختي هي راضية بحالها كدة
وبعدين هي مبتحبش تتزين عشان تنسي اللي هي فيه بعد متتزوج حتتزين ان شاء الله دورك انك تقولي لزوجك يبحث لها عن زوج شاب فقير حتي هو ممكن يساعده من غير محد يعرف لكن تستني حد يتقدم محدش حيتقدم للأسف البنات الحلوين قاعدين من غير جواز امال الأقل يعملوا أيه ربنا يتولاها ويتولانا برحمته |
والله فيج الخير ..
تدرين شجعيها تقدم على وظيفة..وفي هالفترة لما يجيها التوظيف ..قولي لها اشرايج قبل ما يجيج التوظيف تسوين رجيم وتصلحين من نفسج شوي ..وبعدين براتبج تشترين لج أحلى الملابس ..ووووووو .. وماتدرين يمكن يجيها الزواج مع الوظيفة .. باين عليج طيبة ..وفيج الخير ..الله يسعدج ياااااااااااااارب |
الله يسعدك يارب ويرزقك على نيتـك
مافيه بنت بالدنيا ماتحب الزين والإهتمام بنفسها وأخت زوجك جامعية يعني فاهمة وتعرف لكني أتوقعها من التحطيم اللي جاها صارت تستخسر على نفسها إنها تتزين وتغير من حياتها ، صدقيني حاسه إنه جواتهــــــا شي ثاني غير اللي واضح لكم خاصة مثل ماتقولين عنها إنها خدومة وطيبة إذا تبين رأيي لو تعرفين أحد مناسب لعمرها اذكريهـا عندهم بشكل غير مباشر يمكن تكونين سبب إنه ربي يسهل أمرها على يدك والله ِ أعرف وحده في مثل موقفك من كثر ماتحمست لإخت زوجها كلمت أبوها بينها وبينه وقالت له كل شي عن البنت حتى زوجها اللي هو أخو البنت مايدري والرجال يعرفون عن الرجال خطبها واحد عن طريق أبوها وماشاءالله الحين تزوجت وعندها ولد وبعدها إن شاءالله أتوقع البنت بتتغير كثير عن أول لما تحس بشعور البنت المخطوبة وهي اللي راح تدور على الزين وتغير من نفسها الله يوفقك |
والله فيك الخير واهنيك على قلبك الطيب
انا اقول الوحيد الي تمونين عليه هو زوجك لأنك ماتدرين ايش ممكن تكون ردة فعلها إذا حاولتي مباشره معها واهم شي توصلين لزوجك محبتك لأخته والسعي لها بالخير من وضيفه او طلعات اوطبيب ولا تحبطين اذا مالقيتي تجاوب واحتسبي الأجر بارك الله فيك |
اختي انت سوي الي يرضي ضميرك
جربي خذيها للسوق ،،، اشتريلها ملابس اكسسوارات وديها للكوافير معاك و اختاري لها لوك جديد،،، كلميها بهدوء و عقلانيه و حنيه ووجهيها جيبيلها عريس و دلي الناس عليها ما رضيت انت سويتي الي عليك و محد يلومك و اولا و اخيرا الزواج قسمه ونصيب اتحدث عن تجربه هو بصفه لن تجدي قبول ،،، ولكن طلبا للاجر من الله ثم صله رحم ولان عندي بنات و اخاف عليهم و اخيرا ابريت ذمتي و محد عنده شي عندي و الله يوفقك |
اقتباس:
اذا بنت وحدة وشبه عانس وكاسرة خاطرك .. تبين الباقي بعد يعنسون ؟؟؟؟ :25: اسمحيلي عندهم كل الحق في الزواج قبلها |
السلام عليكم ..
ماشاء الله عليج .. يزاج الله خير.. والله يهنيج على قلبج الطيب النظيف... سمعيني نفس ماقالوا الخوات .. انتي اكيد كل بين فترة وفترة تروحين الصالون تسوين اظافرج ولا اتغيرين شوي بشكلج .. خذيها وياج .. لما اتروحين السوق اقنعيها اتيي وياج .. ونفس ماقالت "الهم" اذا عندج صديقات بعمرها خليها تتعرف عليهم .. وان شاء الله هي تتغير واتشوف الدنيا بنظرة ثانية .. ممكن تنسى فكرة الزواج لفترة .. واتعيش حياتها وتطلع وتكشخ وتحصل وظيفه ... وان شاء الله بعدين ربي يرزقها بالزوج الصالح والذريه الصالحة .. جل تقديري.. |
تكفييييييييييييييييييييييييييييييييييييييين لا تتركينها وكلنا بنساعدك .. وراح نقترح عليك اقتراحات كثيره
لا تتركينها ابدااااااااااااااااااااااااااااا والله لو انها عندي كان اخليها شغلي الشاغل .. ترى ما فيه احسن شي في الدنيا من انك تساعد شخص وتفتح عيونه على الطريق الصح اول شي .. تاكدي ممكن تكون في حالة اكتآب وتتجاهل واقعها لان بعض حالات الأكتاب القويه تجعل الواحد يتجاهل واقعه ولا يبغى يواجهه .. ويحاول قد ما يقدر ما يناقشه او يلتفت له هي عارفه انه شكلها سبب كثير من كآبتها عشان كذا متجاهله شكلها ولا تعطيه اي اهميه .. راح افكر معك بخطوات .. وراح ابحث واستشيررررررررر ... ولي رجعه معاااااااااااااااااااااك تحمسسسسسسسسسسسسسسسسست |
عزيزتي اهنئك على طيبة قلبك والله يجزاك خير ويكثر من امثالك..
اولا : احذرك من مصارحة اخت زوجك ونصحها بشكل مباشر لأنك ماتعرفين كيف بتكون ردة فعلها وممكن تجرحينها.. ثانيا: وش عرفك ان اخواتها ماينصحونها يمكن هم ينصحونها بس مو قدامك.. ثالثا: زي ماقالولك الأخوات ممكن تهدينها علبة مكياج أو ملابس تناسب عمرها لكن لا تتدخلين بدراستها ووظيفتها لأنها لو تبغى تتوظف كان توظفت ماراح تنتظرك تقولينلها وبعدين ممكن تتضايق لأنك تتدخلين بخصوصياتها.. |
السلام عليكم ورحمة الله وبركاته
هلا بالغالية نورتي القسم بوجودك وأحيك على حرصك وروحك الطيبة عزيزتي أكيد هي حازة في نفسها وتفكر كثير وعكس هذا على نفسيتها وعدم أهتمامها في نفسها أختي أبدأي معها بالتدرج أولا أبدأي قولي لها قصص عن بنات في نفس حالتها وبعد ما حاولوا يغيرون ويهتمون بنفسهم ويطلعون ربي رزقهم الزوج وأنصحك كل النصح تطبعين لها مقالات أخي الكبير وستجدينها في أعلى القسم وخليها تقرأه وأهديها هدايا يعني في البداية تقربي منها أكثر ودخلي الفكرة في راسها وبعدها حاول تجلسين معها وقولي لها أنا مثل أختك وفاهمتك وأبي لك الخير افتحي لي قلبك وخليها تفضفض لج وبعدها أبدأي بالعمل يعني قولي لها لازم الإنسان يغر من نفسه لازم الإنسان يسعى ويبذل والتوفيق من رب العالمين و قولي لها شرايك نروح الصالون و ابدأي في تعديل العيوب ثم عند طبيب الإسنان ثم السوق واشتري لها ملابس حلوة وخذيها معاج للعزايم حاولي تقنعيها إنها تشترك في دورات مفيدة وبالتدريج والكلمة الطيبة كل شي راح يكون بس لا تتركينها يا الغالية لو إنك بتتعبين وشيطان بيوسوس لك شو دخلك فيها وليه تجبين لنفسك وجع الراس لا تتركينها أبدا وحاولي معاها أهم شي أنك تجعلين نيتك خالصة لله وتدعين لها وربي يجعل كل شي تسوينه في موازين حسناتك ياااارب ربي يسعدك ومستعدين نمشي معك بكل خطواتك وفقكِ ربي لمرضاته ورزقكِ الذرية الصالحة وألف وآلف بين قلبكِ وقلب زوجكِ |
طيب ماهي اهتماماتها ؟؟؟ ماهي هوايتها
معقولة لا شئ لا يا اختي لا تتركيها هكذا واحدة كهذه سيهضم حتى حقها عندما تتزوج يجب ان تطور نفسها احكي لها قصص في تطوير الذات وليتها تكون عن ناس كانو مثلها وتطورت حياتهم للأسوأ وماهي غلطاتهم.. ستجدين منها الكثير .. كيف تغيرين حياتك للأفضل خاصة للأناث ومن ثم حاولي ان تعطيها ورقة واحدة ومن بعد فترة اخرى.. اجذبيها يجب ان تستفيق العمر يمضي سريعا مشكورة على اهتمامك الرائع بالناس اختي |
اختي ابحثي لها عن زوج وادعي لها
ترىحتى لو تنهدمت ما احد يخطبها وصيها تقرى سورة البقرة ادعي لها ابحثي لها عن زوج والهندام بالتدريج |
تحركي لها والله يكثر من امثالج
|
ماله علاقه الجمال والرشاقه بالزواج ابدااااااااا ابداااا
اقتنعت بهالكلام مليون بالميه الله المستعان بس انتي حاولي تغيرنها مو عشان تتزوج لا عشان حرام تضيع عمرها بدون اهتمام حلو البنت تحرص على اللبس والاناقه والجسم والثقافه وطبعا مايمنع لو احد سألك عن عروسه تدلينهم عليها حاولي تهدينها لبس ناعم او تنافسي معها على رجيم معين ممكن تتكلمين بشكل عام عن اهمية الوقت والقراءه وتقولين فيه كتاب حلو وممتع وتعطينها تقراه او تتابعين معها برنامج مفيد غريبه والله بنت وماتهتم يمكن مسكينه عندها احباط ومحتاجه تشجيع ارفعي معنوياتها قولي والله يافلانه بشرتك تجنن وشرايك احطلك مكياج ناعم او قولي احس لو سويت بشعرك هالحركه بيطلع خيال يعني خليها تتحمس تهتم وتتزين اشتركي معها بدوره تعزيز الذات او اساليب النجاح يعني دوره زينه قولي لها عن فوائد سورة البقره وحاولي تتفقون على جزئيه معينه تحفظونها سوا ماانصحك تكلمينها بطريق مباشر يمكن تتحسس او تقول ليش تتدخل بخصوصياتي لكن خلك من بعيد لبعيد واحتسبي الاجر يعني ساعديها لنفسها مو لزواج وبس بالتوفيق يالغاليه |
نصيحتي : مااااااالك شغل.
|
يا االله ما اجمل قلبك الطاهر ..
غاليتي تدخلي بالموضوع حاولي بكل الطرق اجعلي هدفك الخير واسعي له انصحيها بدون ما تجرحينها قدمي لها كتب هدايا ملابس مكياج ............... خليها تخرج بالغصب يعني مع الوقت راح تتغير كمان خلي زوجك يدخل بيكون افضل وربنا يكتب لك الخير ويوفقك |
عجبني موضوعك جدا حسسني ان الدنيا لسه بخيييييييييير الله يعطيك على قد نيتك ويجعله في موازيين حسناتك.........
شوفي ياعزيزتي انتي بذكائك تدخلي بس بطريقه غير مباشر ه تجنبا للإحراج بالنسبه لها... وتجنبا للفهم الخاطئ لمقصدك الشريف... مثلا قولي لها ايش رايك نبتدي مع بعض ريجيم ....وايش رايك بروح اقص واصبغ شعري تروحين معاي ...وايش رايك نشترك فنادي شامل للجسم والبشره وابغاك معاي اطفش لحالي.... وسبحاااااااااااااان الله يعوووود الامر اختي العزيزه للنصييييييييييييييييييييييب فقططططط يعني كل اللي اتجوزوا حلواااااااات او على قدر من النظافه والاهتمام مو يقولون حظ ؟؟؟؟؟؟ قايم وحظ الهوانم نايم |
السلام عليكم
اسفه على التأخير لكن حسب ظروفي .........واحب اشكر كل وحده فيكم ماشالله من كثركم ماقدر اعددكم واقول الله يجزيكم الف خير سوا عطيتوني رد ايجابي او سلبي البنات الي قالوا مالك شغل .......اتفهمهم واتفهم حرصهم علي والله يعافيهم((يذكروني بنصيحة الوالده)) واللي نصحوني اتدخل بقولكم انشا الله راح افكر بجدية في كلامكم واسوي الشيء الي يرضي ضميري وانشاء الله اكتب لكم بشاير واخبار حلوه في القريب والسلام عليكم |
اقتباس:
نستنى الأخبار منك تحياتي |
| الساعة الآن 08:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©