|
صراحتي في ردة فعلي اصبحت مشكلة
السلام عليكم
اخواني اخواتي ارجوكم وبدون مجاملة او مثالية تكونون صريحين معاي قبل مااقول الموضوع انا الحمدالله جميع علاقاتي الاجتماعية ممتازة وأسلوبي مهذب مع الغير يارب لك الحمد وأتغاضى عن الخطأ أحيانا وأحيانا ماأتحمل.. اليوم كنت مجتمعة مع مجموعة من النساء.. جالسة وجنبي أختي وزوجة اخوي على يميني ...يساري قريبة لي.. المهم ولد أخوي عمره 4 سنوات ملفت للنظر الله يحفظه مؤدب واسلوبه راقي في التعامل ماكأنه طفل ابد يستأذن قبل مايسوي أي شي.. يشكر لما أحد يخدمه.. ويحب يخدم.. حساس جدا.. يفهم بسرعة..يراقب الأطفال بتصرفاتهم ويصححها لهم...لكن فيه عيب:30: انه نعووووووم مرة وبزيادة طول الجمعة وقريبتي بس تناظره وتضحك وتتريق.. مر قال عمتي ابغى شوكلاته قلت تعال..... وهو يدخل بين الحريم يناظرهم مستحي وكل شوي يوقف يقول ممكن؟(يقصد ابغى طريق أمشي )قالت قريبتي ياحليل المايعين يبغون يمرون <<<<:30: سوييت نفسي ماسمعتها واعطيته شوكلاته ...قالت له: يله يا..... ( كلمة تقال للشاب المايع { وتعتبر سبه } ) باي<< تقوله وهي تضحك مسوية انها تمزح من وين جايبين ولد اخوك هذا ليه ماطلع على ابوه اتذكره خشن ورجال قلت هذا طبعه بسم الله عليه المهم مر مرة ثانية وهو يدخل بين الحريم قالت بعد لابسة قبعة لا انت لازم يغيرونك لاسم بنت طنشناااااااااااااااها وانا واختي وزوجة اخوي صرنا كذا:19: :19: قالت لي زوجة اخوي بصوت واطي ودي اصب الشاهي على وجهها:d <<< عصبت مسكينة واللي قهرني ان ولد اخوي يناظرها من بعيد حاس فيها !! لدرجة قال لأمه بالسيارة اللي لابسة اسود ماحبها موحلوة تصورو!! بعد ربع ساعة... قالت اقول ......قلت نعم؟ قالت بضحكة خفيفة: الحمار ولد اخوك وينه فيه؟ قلت انا (وانا اضحك مثلها ) تلاقينه مع الحمير عيالك!! أختي وزوجة أخوي ضحكو بصوت عالي وبقوة ..وقريبتي انكتمت... وأمي اعطتني نظرات عرفت اني بتهزأ في البيت!! ووقت العشا قالت لي زوجة اخوي الله يخليك لنا ياعمتنا تاج على روسنا ان شاءالله يجي اليوم اللي احط عيالك فوق راسي <<<< صرت كذا انا:23: واول ماركبت السيارة امي بس تأنبني على اللي صار؟ ياجماعة انا مابغى اغلط عليها.. واحترمها واقدرها بس زودتها تستقوي علينا يوم شافتنا ساكتين؟ وش تحسبنا مالنا لسان ولاخايفين منها ولا شو بالضبط؟ سكتنا بما فيه الكفاية وماتأدبت خلاص لازم تجيها علقة ساخنة عشان المرة الثانية تعدل لسانها امي زعلانة مني قلت لها بروح احط الموضوع اللي صار بمنتدى وبقرا عليك رأيهم طلبتكم بعيدا عن المثالية انا صح ولالا؟ ادري بتقولون فيه اساليب افضل ليه ماسويتيها؟ انا ماقدر لأني لو بسوي اي حركة بتقول انا كنت امزح شفيك زعلتي! لذلك جبت كلمتي كنها مزحة مثل كلمتها وعلى فكرة بعد مرور نصف ساعة سولفت معاها عادي جدا |
أضحك الله سنك يا شوشو
دموعي نازلة من الضحك أنا لو مكانك كنت عملت مثلك:( و كذلك والدتي كانت ستعمل مثل والدتك:29: لكن صراحة هي قليلة أدب و الغيرة تنهشها, أنا لما قريت كلمة حمار, صدقيني شهقت الله يخليك لأهلك, دائما رافعة رؤوسهم:25: سلمي لي على الوالدة و قولي لها يسلم هذا البطن اللي حمل شوشو:22: |
هلا وغلا حبيبتي00 زمان اول ممكن اقولك اللي سوتيه غلط00 لكن بها الوقت ماينفع بالناس الا العين الحمرا
ولا تنداس مهابتك 00 اذا شافوك ساكته00 ولاهذا قول تقوله ياسبحان الله حتى من الاطفال يغارون!! ولا وش له دخل هالمملوح:d ---- وحده كأنها شايفته تستاهل ماجاها هي الباديه00 والبادي اظلم الله يخليلكم الصغنون:15: |
بالنسبة لردي الشخصي
لوكنت مكانك اكيد امي راح تناظرني نفس النظرة وفي السيارة او البيت بتقول عيب البنت ترد على المراة وبتقول لو هي قليلة ادب ما تكوني مثلها عشان ما يصيرون يقولون البنت الفلانية لسانها طويل وترد عالحريم ويكفي انها في نظر الكل غلطانة ليه تنزلي لمستواها اللي بلا دوق عيب عليها بس فيه ناس ما ينكتمون الا بالرد الحازم انا كنت سويت مثلك لكن كنت لقيت نفس التوبيخ واكثر وياااااااااااااااااااما صارلنا امثال هالموقف مواااااااااااقف ومن بعدها ما عاد رديت على اي حرمة وما تتصورين ايش قد كبرت في عيون الحريم ويقولون فلانة محترمة فلانة ما ترد عالعيب بعيب اكبري في نظرهم بالرد على الجاهل بالسكوت لانه افضل رد لانه مو حلو البنت اللي ترد على حرمة هده المرة عدت على خير بس ماعاد تعيدينها واسمعي كلام امك ربي يحفظهالك حبيبتى |
^
^ لا هي مو حرمة كبيرة بيني وبينها تقريبا 5 الى 8 سنوات وع فكرة هي تقرب لي كثير لكن نادر ماتشوف عيال اخواني يعني بينا ميانة والاجتماع كان فيه بس حريم اخوالي وخالاتي مافيه احد غريب ومحد سمع بالسالفة غيرنا لأننا كنا جنب بعض بس بعد الضحك القوي قالو شسالفة؟ صرفنا الموضوع:25: اصلا لو كان فيه حريم كبار او بيني وبينهم قرابة من جهة بعيدة استحالة اسوي كذا |
صراحه برافو عليكي
|
عالعموم حبيبتي الايام هده كما قالت الاخت في ناس ما تسكت الا لما تبلع كلمة او كلمتين وهده المراة الله يصلحها ويهديها ويهدينا جميعا
وانتي الله يحرسك ويحميك |
بصراحة وبدون مجاملات
معك الحق وما اشوف موقفك فيه غلط لانها من البداية ما احترمتك ولا احترمت ام الولد نفسه يعني قاعده تعيب ع الولد بوجه امه اصلا زوجة اخوك من كتر ما هي على خلق ترفعت عن اخطاءها على ولدها والا لو وحده تانية كان مسحت فيها بلاط الارض اما تغلط ع ولدي واسكت انت كدا حطيتي لها حد...يعني لو في مرات جايه ماتقدر تتكلم ع الولد ربي يوفقك ويعلّي شأنك ويرزقك كل خير ويوفقك دنيا وآخرة |
اقتباس:
الله يسلم عمرك من الشر يااحلى العرايس وامي تسلم عليك تقول لاتشجعينها هههههههههههههه |
وانا كمان شهقت من كلمتها حمار ولكن ضحكت من تعليقك ولو اني انا ام الولد والله لابوسك قدامها واقول يسلم فمك ....لا غبار عليك شوبارد سيري ونحن من ورائك
|
انا اقول ماله داعي المشاكل
وكل واحد يصلح سيارته شوبارد خلاص بنحط تحت اسمك (فتوه المنتدى) |
^
انا ماقلت فيه مشكلة؟ ونبي نتصالح اقرا الموضوع مرة ثانية أخوي!!! وش فتوة المنتدى وش تقصد!! |
انا اشوف انك سويتي الصح و لا زودتيها معها.. يعني هي راضيه تقول على ولدكم حمار و إذا قلتي على عيالها حمير غلط.. انتي ما زودتيها بالشتم و لا طولتي لسانك.. قلتي نفس الكلمه اللي انقالت على هالمسكين.. بصراحه انا لو منك من اول ما بدت سكتها مو بخناق لا.. بس اقولها ان الكلام اللي تقوله على الولد ماله سنع.. لأنه يأثر في نفسيته و ممكن ما يبين لكم انه فاهم.. لكن مثل ما شفتي لما طلعتوا قالكم هذي ما احبها لأنه فهم و ماعرف يرد.. شوبارد انتي صح.. :14: |
قولى لامك عندنا مثل شعبى فى مصر يقول ( أعز الولد ولد الولد ) ولازم هى الاخرى تخاف لان هذة التعليقات ممكن تصير لازمة للولد ينادية بها كل الناس ( الساكت عن الحق شيطان أخرس) اللة يوفقك الى مافية خير الدنيا والاخرة
|
تعلمين ياشوبارد صحيح انك قوية وتعجبيني
لكن ممكن كنتي تستطعي الرد عليها بدون غلط..فلسنا نحن من نخطأ على الأخرين حتى وإن استفزونا.. كان ممكن تقولي لها بدلا من( يلعب مع الحمير عيالك) تقولي لها (الله كرمنا الحمدلله عن الحمير وهو يلعب مع عيالك)..بذلك تحرجيها بأدب..ولاتخطأي ولاتزعلي الوالدة اللي يحفظها الله يسعدك ان شاء الله أختك حائزة الأمل |
^
لو اقولها كذا بتقولي انت ماتمشين مع المزح وش فيك جدية وثقيلة دم انا امزح معك وتحطها سالفة هي سوت نفسها تمزح وانا سويت نفسي امزح والدليل انها ماحاسبتني وشكلها انحرجت في البداية بس بعدين عادي صارت تسولف معي واسولف معها لي عودة لباقي الردود .. تصبحون على خير |
ياشوبارد لاتحملين نفسك فوق طاقتها هي قالتها بمزح وأنتي رديتي بمزح..
خلاص ليه تأنيب الضمير؟؟ |
اقول يسلم لسانك..والله انك بردتي قلبي بالرد
وقولي لامك انه غدو تقولك تسلم ام ربتك.. لانك ماغلطي ابدآ وكلامك ردا على كلامها لانه لو السكوت بيجيب نتيجه كان رجعلها عقلها من اول مره غلطت على الولد لكن هي اصرت على تكرار الغلط وماسكتها الا الكلمه اللي خلتها تصحصح وتتذكر انها ماترضى الغلط لعيالها |
ش
اقتباس:
اقتباس:
|
ردة فعل في مكانها 100% وزي ما يقولون الجزاء من جنس العمل .. أنتي رديتي عليها بكلمة هي قايلتها أصلاً .!!
|
هههههههههههههههه وربي ردك اضحكني رغم اني اعترض عليك يا حبيبتي يا شوبارد دايم وانا اختك خلي في بالك يا غاليه لا تردين على الناس بنفس طريقتهم بالعكس كل ما كنتي احسن كل ما اهنتيهاا وخليتيها استحت من نفسهاا عموما ما الومك رده فعل بس اجبرتك بس يا قلبي ما عليك
|
برافو عليكي قال ان لم تكن ذئبا اكلتك الذئاب
|
ضحكتيني والله يالغاليه
معك الحق وما اشوف موقفك فيه غلط تستاهل اهي الي جابته لنفسها |
ما توقعت بتردين عليها بهذا الرد
برافوا عليك .. زين سويتي فيها في ناس ما ينفع معهم الا المعاملة بالمثل |
اتوقع امك تمنعك من انك تردي على البنت وهي من الداخل ودها انك تبردي خاطرها
بعض الناس فيهم وقاحة لدرجة انه اذا سكتي عن اخطائم احترام لهم ومراعاة لخواطرهم يفسرونها ضعف ويزيدون في الاهانات عشان كذا من اول مرة يبغالها احد يرد عليها عشان تتوب وماتعيدها |
اقتباس:
احس الموقف عادي بيصير كثيييير للأسف وردة فعلك عادية يعني اخذت حقك بدون زيادة الله يوفقك يا رب بس حاولي بعد هذا الموقف تنسين الموضوع حتى ما يصيرشيء في النفس وفي ناس عامليهم بلطف وسطحيه .. حتى ما ياخذون عليك .. انسي الموضوع ولا كأنه صار حبيبتي .. تحياتي لك غاليتي |
احسن خليها تستاهل هذا كللللللله من الغيره اكيد عيالها مومؤدبين
|
السلام عليكم حبيبتي و الله انا أحس فيك وأحس بالقهر لأن هذا الموقف صار مع احد احباب قلبي الأطفال لكنني وددت لو قلت لها ( كالتوبيخ و بجدية و ليس مزح) يا ريت تحترمي كلماتك هذا ابن اخوي و ما اسمح تتكلمين عنه بهذا الشكل حتى تشعر بالخطأ الفادح الذي ارتكبته و لكي تعرف أن الأطفال يجب التعامل معهم باحترام و عطف و حنان و ليس بهذه العدوانية .. أنا لا أرضى لأي كبير ان يهين الصغير أو ان يصغر من شأنه لأنها تنعكس عليهم عندما يكبرون و اذا قالت لي ليش دمك ثقيل .. راح اقول لها دمي مو ثقيل .. انت تحبي احد يقول عن اولادك نفس الكلمة ؟؟ انا صار معي موقف مصغر .. فاكتفيت بالكلام مع المراة بعد الحدث(و انا في غاية اللطف) ... لكن عينك ما تشوف إلا النور .. صارت ثورات و انفجارات .. و وقتها تعلمت ان اكظم غيضي حفظك الله يا رب و رزقك الزوج الصالح |
هههههههههههههههه
نكته :) لا والله تصرف صائب وردك جاء بالوقت المناسب في البعض من النوعيه يستاهلون الرد الي يجيهم مثل كذا علشان ما يتمادون من علمك يا فرعون تتفرعن قال ما لقيت احد يردني ههههههههه بس اقراءو على الولد لا تجيه عين او حسد الله يحفظه |
بصــــرآآآحـه اللي سويته آنتي آنسب حل ؛؛ تــدرين آن فيه ناس مثل وضع قريبتك اللي تسب ولد آخوك وما ينفع معهـآ إلأ هالاسلوب ...وكحاايه الوآلده ما عليك صدقيني بكره تنسى وتسولف طبعي
وهذيك اللي تسب ولد أخوك صدقيني كل ما تشوفك رآح تسكت . بتوفيق لك آختي |
السلام عليكم ورحمة الله وبركاته
أختي في الله شو بارد حبيبتي أنتي طلبت الصراحة ( وأنا بقولك رأي بكل صراحة وشفافية ) وهذا طلبك عيب ياأخيتي إن تردي على المرأة بنفس أسلوبها !!!! لأن أسلوبها أصلا خاطئ ...وإذ أنت رديتي عليها فأنت أخطأت مثلها تماما ...والضحك بصوت عالي لامعنى له في مجلس ياحبيبتي الله جل شأنه علمنا عندما نصادف هذه المواقف قال الله تعالى : (وَإِذَا خَاطَبَهُمُ الْجَاهِلُونَ قَالُوا سَلَامًا (63) الفرقان نطقها بهذا الأسلوب هي جاهلة وإذا جاوبتها بنفس أسلوبها فأنت ....جاهلة أيضا ياحبيبتي !!!!!! ياغاليتي ...أن كظم الغيظ له أجر عظيم من الله كما قال الله تعالى :- (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ (134) آل عمران إذا كظمت غيظك محسبته لله أصبحتِ من المحسنين الذين يحبهم الله .. أتعلمين ياعزيزتي كلمة الطيبة تنقذك من النار كما قال صلى الله عليه وسلم :- ( اتقوا النار ولو بشق تمرة ، فمن لم يجد فبكلمة طيبة ) متفق عليه .. لوكنت ياأخيتي عندما نطقت بتلك الكلمة للصبي ...ووضحت على وجوهن الإمتاعظ والإستغراب ...وقلتي بإسلوب لين ..لقد أخطات في حق الصغير ..هذه الكلمة غير مناسبة جدا !!!! فالمرأة ستحس وستشعر بالخزي في نفسها ...وستنتبه لخطأها .. اللهم دبرنا فأننا لانحسن التدبير .. تقبلي مرور أختكِ في الله ....صائمة لله ..... |
شكوتي لله
ديمو رئبال عسل طبيعي cute_baby مشكلتي أصدق( لك فقدة والله) سوسو الصيفي كل الغلا غدو كاتم الآهات ابو سلطان أمل الحياة حورية الحائرة fafi لوتس الوفاء متغربة فتى نجد تت مشكورين يعطيكم العافية بردتو خاطري عند أمي الوفية لوالديها صائمة لله جزاكم الله خير واحرجتوني بكلامكم خصوصا اختي صائمة لكن انا من النوع اذا عصبت ياأنا انفجر واخرب الدعوة او اسوي مثل ماسويت بموقفي هذا وهذا طبعي خارج عن ارادتي ..لذلك ماحبيت تظهر ضيقتي وعصبيتي قدامهم وانا فعلا تغاضيت كم مرة.. جا بالاخير وماقدرت اتحمل بس كلامكم على عيني وراسي وجزاكم الله خير |
كلمتها قويه وردك بقدر الكلمه
لكن كان الأولى أم الولد هي ألي ترد لأنه ولدها على العموم الناس الي مثل كذا ماينفع معهم ألا التطنيش الله يخليلك أمك ويفرحها فيك قريب ياااااارب |
يا هلا بشوبارد وبخالتي أم شوبارد
شوفي يا خالة أن لو مكان شوبارد بعمل أكثر منها وبسمع للكل لتستحي وهاي شوبارد حبابة وما يطلع منها العيبة بنوب فما تلوميها وبا لاخير هي ردت إعتبار إبن إبنك الي هو إبنك وأعز والله برافو عليك يا شوشو :22: ناس ما تيجي الا بالعين الحمرا الله يخلي لك الوالدة ويطول لك بعمرها لتفرح فيك وفي أولادك أم وليد |
حياتي عليكي يا شوشو الله يوفقك ويسعدك
ماشاء الله عليكي |
هههههههههههههه
حلوة منك الشر بالشر و البادئ أظلم |
السلام عليكم ورحمة الله وبركاته
* * ردك جدا اضحكني الله يسامح الحرمه هاذي ويهديها. * * رزقك الله الزوج الصالح. |
هههههههههههههههههه
الله يسعدك ضحكتيني بجد تستاهل وتستاهل وميت الف تستاهل لانها مابتعرف حدودها لوين اصلا الله يعينكو مش عارفة كيف تحملتو من اول كلمة حكتها كيف تعيب علولد هيك امه مرت اخوكي صابرة مرابطة انها ما ردت عليها الله يخليكي الهم بس شو كان ردة فعل الست قريبتك؟؟؟شو حكت شو عملت :D |
ايه هذي شوبارد ,,,
على فكره تقريبآ انا مثل شخصيتك .. اصبر اصبر لكن توصل لقلة الادب والله انفجر بوجهها ... فعلا اللي اختشوا ماتوا وحبيلي راس اميمتك ونعم الخلفه :) |
على قول المثل من دق الباب يسمع الجواب
الله يهديها مااحترمت نفسها الا لمن سمعت كلمه مو زينه |
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©