|
في احد مر بنفس هالتجربه ؟؟؟ هالسالفه تخليهم احسن مني بشي؟؟
السلام عليكم ورحمة الله وبركاته عندي موضوع اكثر من انه مشكله بس بصراحه مضايقني شوي خصوصا في الفترة الاخيره انا فتاة عمري 20 سنة .. ادرس بالجامعة في اخر سنة الحمد لله على قدر من الجمال بشهادة الجميع عمري عشرين سنة ولي حد الحين ما تقدم لي احد مع اني مو متلهفه على الزواج لكن الموضوع يحز في نفسي بنات خالاتي وعماتي وحتى صديقاتي اشوف انه يتقدم لهم اكثر من شاب في فتره بسيطه احس انهم مرغوبات اسال نفسي انه شنو قاصرني عنهم؟؟ تكلم عني شاب من فتره طويله راح لخالي وقال له عني .. بس حتى ما تقدم رسمي سالتني امي عن رايي بمعلومات شفويه يقول اذا راغبه في الزواج بتقدم وجذي انه ماعجبتني طريقته قلت لهم اذا من اولها ما يعرف الاصول مابيه ولا قلنا لاحد عن الموضوع غير خالي اللي يعرفه حتى في المناسبات اشوف عيون الحريم تتلاقط على البنات وحتى علي انه لكن بالاخير ما اسمع الا انه ام فلان خاطرها في فلانه لولدها وانه اطلع من المولد بلا حمص على قولة اخواننا المصريين اللي عور قلبي اكثر انه خلال هالاسبوع اللي راح بنت خالتي _اكبر مني ب3 سنوات_ تقدم لها شابين انه ما احسدها ولكن تضايقت من نفسي قلت يمكن فيني شي قاصر عنهم او حتى عيب انه ما اشوفه في نفسي شي ثاني حز في نفسي من فتره - تقريبا 6 شهور- في جمعتنا يوم الجمعه ولد خالتي يكبرني بسنتين طرح هالموضوع على سبيل المزاح اني محد تقدم لي وكل بنات خالاتي يوم كانوا كبري تقدموا لهم الا انه انه تكدرت وتضايقت من قلب قلت له: اي انه كريهه ولا احد يبيني ان شاء الله استانست الحين ومشيت وانه ابي اصيح من القهر في احد مثل حالتي هذي؟؟ ردوا علي محتاجه احد اسولف وياه :( |
لا عادي حبيبتي
انت لسه توك صغيرة امي تقول ***** من صبر ظفر ***** يعني ان شاء الله ربي يرزقك باحسن من ازواجهم |
السلام عليكم
عزيزتي كنت اعرف وحده اذا جا عريس لبنتها ترفض تقولها تقول عشان ماتتعلق او يسير تفكيرها في الزواج وحده ثانيه حتى والله ماتدعي لها قدامها بالزواج من باب الادب يمكن اهلك من هذا النوع يجيك بس مايقولو ومن عندهم يمشوه لانه مومناسب و يقولوا مو لازم تعرف طبعا انا بصراحه اشوفها طريقه غلط لازم تفرح شويه بعمرها وتحس انها مرغوبه حتى لو انه مو مناسب مو لازم يقولو مين وولد مين0000 بس مدامك حلوه ومتعلمه ومافيك عيب اطمني ان شالله يجيك نصيبك الحلو الله يوفقك يارب |
عزيزتي اتفهم معاناتك... لكن ترى هذا شي طبيعي انتي لسه صغيرة ... والدنيا حظوظ
اذا وصل عمرك 24 سنة ولسه ماانخطبتي هذاك الوقت ممكن تقلقي .. الله يوفقك يارب ويرزقك بالزوج الصالح عاجلا غير ااااجل وجميع بنات المسلمين |
أهلين حبيبتي ....... لا تستعجلين على نصيبك تراك توك صغيره والعمر قدامك وعلى قولت الأخت سويت يمكن يجيك بس غير مناسبين .............. وأخيرا من صبر ظفر.............. وتقبلي مرور أختك . |
لا ياحبيبتى ماينقصكيش عنهم ولا حاجه
دى مسأله نصيب يعنى هم نصيبهم جالهم وانتى لا والجواز مش بالجمال اكيد ربنا شايللك نصيبك اللى هيقر عينك بيه باذن الله والله انا بشوف بنات بيتقدملهم عرسان كتير وبنات لا وشايفه ان دى مسأله حظوظ مش معناها ان البنت اللى بيتقدملها احسن من اللى مش بيتقدملها |
احياناً تكون البنت ماشاءالله حلوه بس ما تكون ملفته للنضر
يعني يكون ذوقها في لبسها مو مناسب لها او ينقصها الغنج والدلال او جديه زياده عن الزوم او جامده او او او والله يعين اذا كنت سعوديه لانه ما يخطب عندنا الا الحريم ونضرة المراه تختلف عن نضرة الرجل المراه تنضر للمراه بالتفصيل من ملامحها وجسمها وشعرها ونضراتها وغيرها من التفصيلات اما الرجل ينضر للمراه بشكل مجمل اذكر وحده من صديقاتي اختها حلوه وكانو الخطاب على ودنوه مره اتقدم لها في شهر واحد 10 خطاب وصديقتي في عمرها ماتقدم لها الا زوجها وصارت اسعد حال من اختها |
اختي الغالية..كثير منا في خمرك لم يتقدم لنا احد بعد..وأنا منهن...فلا تقلقي..ما زلتي صغيرة..وبنت خالتك التي جاء لها عرسان تذكري انها اكبر منك ب3 سنيني يعني في سنها اكيد يأتي لك اكثر وانت جاء لك واحد كما قلتي...قلا تحزني يالغالية..فنصيبك سيأتي ان شاء الله
|
انا مشكلتي نفس مشكلتك ....وامي تقول يكمن مسوين لج سحر او شي ...وانا من اسبوع بديت اقرا قران على الماي وايات السحر واتسبح فيه واشياء ...انا ستمر اقراه لمدة اسبوع وبعدها بخبرج شو بصيرلي
|
اقتباس:
يعني 24 عوانس والله حرام حتى اصغر من 25 عوانس |
اختي
انا عندج مثال الله عطاني حلاه وثقافه وخلق(سابقا) لأن اعتبر روحي الحينما استحق هالكلمه المهم ولا احد تقدم لي تخيلي انا تميت انا اعرف السبب السحر ان اانصحج تقرين سورة البقرة يوميا وادعي الله كل يوم لروحج ووخلي امج تدعي لج |
نفس الحاله ودي احس اني مرغوبــه.. خليها عالله فديتج وربي يرزقنا الزوج الصالح .. |
**البرنسيسة**
مو مشكله والله ادري اني صغيرة وبتييني فرصي بس قعدت اقارن باللي في مثل عمري الله يصبرني ان شاء الله اشكرج حبيبتي على ردج :) sweet2244 اممممممم تصدقين هالاحتمال وارد بس مستبعدته نهائيا الله يوفق الجميع ونستيني بمشاركتج :) قطرة مطر2 اللهم امين ماقصرتي فديتج على هالدعوه الحلوه mm200 حسستوني انه الموضوع اصغر من اللي في بالي وخففتوا عني وايد تسلمين حبيبتي على ردج اللي اسعدني رغودة84 صدقتي والله بس يوم ذكرت سالفة الجمال كنت اوضح لكم انه مو ناقصني اياه لكن الدنيا حظوظ والزواج بالذات نصيب اشكرج على ردج حبيبتي ماقصرتي ام الجووود الله يسعدج يا خويتي والله اني حبيت ردج صدقتي والله انا كنت ايام الثانوي هاديه شوي .. اسولف واضحك لكن ما اخذ على الناس بسرعه ووحده من قريباتي الله يعطيها العافيه حاولت تلفت نظري وبالفعل غيرت من نفسي وايد صرت منفتحه اكثر اجتماعيه وكونت لي مجموعه كبيره من الصديقات والمعارف بالنسبه للدلع والغنج والدلال .. فمو ناقصني والحمد لله تدرين عاد ..باحاول اشيل هالسالفه من راسي واركز على نفسي شوي واعدل الاشياء اللي احسها يبيلها شغل تسلمين على ردج :) مشمشة عمري جزاك الله كل الخير حبيبتي الله يرزقنا بالزوج الصالح وجميع بنات المسلمين .. اللهم امين ريانة_العود والله ما اخفي عليج .. ساعات اتييني هالهواجس اقول يمكن مسوين لي شي وانا ما ادري يبيلي احصن روحي اكثر الله يبعد عنا وجميع المسلمين هالشرور night2005 يزاج الله كل الخير على هالنصيحه وان شاء الله راح اسويها ولا تزعلين من اختنا اللي قالت عن العمر اهي ما تقصد ان اللي عمرهم 24 عوانس قصدت بارك الله فيها اني لو كان عمري 24 او اكثر ممكن اني اقلق على سالفة الزواج بس بعمري ذي تو الناس ضايعه فالدنيا اللهم امين والله توقعت اني بروحي افكر اني مو مرغوبه لكن تدرين ان شاء الله ايينا نصيبنا ججريب يارب ترزقنا الزوج الصالح وجميع بنات المسلمين نورتي حبيبتي |
صدقيني على قولة امي الحكمه مو بالعدد اللي يخطبونج مرات بنات ياما يخطبونهم وآخر شي ياخذون واحد يبهدلهم ومرات بنت ما يخطبها غير شخص واحد ويحطه في عيونه ويكون يسوى الرياييل كلهم!
لا اتفكرين انا في عمرج واقولج بعدنا صغااااااااااار ناس عمرهم فوق ال30 ما اتزوجوا! |
نقل الى القسم المناسب حتى يجد التفاعل المنشود |
تووووووك صغيره ياقلبي
لاتحاتين وتشيلين هم تهني بحياتك والجمال مو مقياس ابدا اسأليني انا الحمدلله الحمدلله |
عسى الله يرزقج بالزوج الصالح اللي يحبج ويسعدج ويخلص لج العمر كله وتكون فيه كل الصفات اللي تحبينها وتتمنينها....اللهم آميــــــــــــــــــــــــــــــــــــن
|
قلبي هدي نفسك
انا عمري 26 سنة ومن لما كنت بثاني متوسط وانا يتقدمون لي خطاب واعدادهم مو كثير الا هائلة وتأخرت بالزواج! يعني العبرة مو في أعداد الخطاب العبرة في توفيق الله سبحانه وتعالى موفقة ان شاءالله |
اختي انتي شكلج طيبه وربي يسر امورج
ترى عن سالفه مرغوبه باقولج عني انا انا مرغوبه بس حق اللعبه لاتنتظرين من احد يقول عنج حلوه لانهم محترين وهذلين اللي خطبونه مبسرعه ،شوفي من العياره واللعب انا بنات عايلتي اللي غازلز بسرعه عرسو لكن ربج كريم انتي اقري سورة البقره ولا تصيرين نفسي ضايعه اتمنى بعد تدعي لي ولنفسج وحق البنات اللي بالمنتدى |
قولي الحمدلله على كل حال
|
العانس ليس لها عمر باختصار ،،
كل وحده ولها نصيبها اختي لما كنت كبرك في العشرين من عمري قلت في نفسي ،، صرت عشرين خلاص كبرت والخطاطيب بكسرون البيبان ،، بس اختي محد تقدم لي ،، المهم كلها ثلاث او اربع سنين تقريبا تقدموا كلهم مره وحده ،، الله وكيلك ،، خمسه مادري او سته ،، استانست الصراحه ،، ماعرفت شنو اختار واخترت الاسوء ولله الحمد ،، والان انا مطلقه ،، احمدي ربك على كل شيء |
اقتباس:
الله يوفق الجميع يارب.. |
نفس مشكلتي وكتير بتحز بنفسي بحس انه في اشي غلط مع انه مش هالقد همي في الزواج
بس بالاخر حمدت ربي على كل شي وعرفت انه هادا نصيب من ربنا ورزق والله كاتب لكل واحد رزقه والزواج هو رزق من الله فليش الواحد يستعجل يخليها على ربنا وربنا اكيد ما رح يضيعنا |
كل وما كتب له الله فلا تستعجلي رزقك
|
اختي عليك بالدعاء والله بيرزقك ان شاء الله قريبا ان شاء الله ، الداعاء ، عليك بالدعاء ،
واقولك مثل ماقالت اختي اقتباس:
|
اختي عليك بالدعاء والله بيرزقك ان شاء الله قريبا ان شاء الله ، الداعاء ، عليك بالدعاء ،
واقولك مثل ماقالت اختي اقتباس:
|
والله انا اشوف مافيه مشكله لان اول شي الله سبحانه وتعالى هو اللي يمشينا ويسيرنا
يعني لازم نرضى بالقضاء والقدر واذا اراد الله للشيئ انه يصير بيصير كن فيكون الشي الثاني انتي تقولين ماني متلهفه للزواج .............طيب وتقولين مااحد تقدم لك احس ان هذا تناقض شوي ممكن توضحين |
الهم
ليش هالاسم ما حسيته لايق عليج شكلج ما شاء الله حبوبه على العموم اشكرج على ردج فديتج وماقصرتي على هالنصيحه :) remany معاج ان الجمال مو كل شي .. اشكرج حبيبتي على مرورج وردج عروس بالاسم ياقلبي عليج فرحتني دعوتج من قلللللللللب الله يسعدج ويهنيج ويحفظج ويرزقج بكل ما تتمنين تسلم لي هالطله شوبارد الله يرزقج واياني وجميع بنات المسلمين بالزوج الصالح عاجلا غير اجل ريحني كلامج وونسني مرورج يالغلا من متابعينج من بعيد لي بعيد :28: night2005 ليش تقولين عن نفسج جذي؟؟ كل وحده ماتاخذ الا نصيبها والواحد معرض للخطأ في كل وقت بس العبره بالنهايه اشكررج على مرورج خيتوو ونصايحج وان شاء الله اسوي كل اللي قلتوه ام مزنه الحمد لله كما ينبغي لجلال وجهه وعظيم سلطانه شكرا لمرورج غاليتي الحب المستحيل2 الله يكون بعونج ويرزقج باللي احسن منه : ( انه ما احس اني عانس << واسفه على هالكلمه لاني ماحبها بس احس انه ناقصني شي عن اللي من في مثل عمري عرفتي هذي هي السالفه بكبرها ماقصرتي على ردج حبيبتي ملاك86 الله يكون بعون الجميع والله تسلمين حبيبتي على ردج صبا نجد يزاج الله كل الخير فديتج وماقصرتي على ردج الوفاء 2007 والنعم بالله مالي الا اللي خلقني صدقتي وربي بدعي ربي في هالليل وان شاء الله ماراح يخيب ظني اشكرج على مرورج فارس من زمن اخر والنعم بالله ما اختلفنا ياخوي صحيح اننا مسيرين واللي الله كاتبه بيصير انا كنت اقول اللي بخاطري واني بالفعل مو متلهفه على الزواج الحين بمعنى انه مو شغلي الشاغل ولا همي الوحيد او الاكبر بس مو معناتها ان هالسالفه ما تحز بخاطري اني اشوف اللي بمثل عمري ينخطبون ويتقدم لهم وجذي اممممم .. ما ادري الله كريم شاكره لك مرورك |
يوم كنت قدك كنت صغيره
أقول يالغاليه أهتمي بدراستك حاليا و إذا جاك نصيب فتوكلي على الله و إذا ما جاء لا تخلين التفكير فيه يقتل حماسك للدراسه انا لو كنت أفكر بهالمواضيع ايام دراستي بالجامعه كانت رسبت بدون شك بس الحمد لله مافكرت فيها ألا بعد تخرجي وجلوسي في بيتنا الحلو تكلمت عدد الله كريم أختي لا تضيقين صدرك |
السلام عليكم ورحمة الله وبركاته
اختي العزيزة انا عمري 21 سنه الان وصديقاتي نفس الشي كان يجوهم طلبات كثيرة كثيرة انا ما اجالي كثير طلبات ، والان انا مخطوبه من احسن شاب في الكون والحمد لله! هو لم يراني من قبل ولا انا ولا امه راتني! فكيف تم النصيب؟ كانت الواسطة ابنته خالي وهو صديق زوجها كان يبحث عن وحدة ملتزمة ودلوه علي وانا متوسطة الجمال. لاقارب دور كبير في هذا الموضوع ولا تنسي اختي الدعاء في السجود . وصدقيني كل شيء نصيب وسناخذ الي كاتبه لنا الله، فلا تهتمي ولا تنهمي وكوني واثقة امام الاخرين من نفسك ولا تهتمي . |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©