|
كيف أبشـر زوجـي إنـــي...؟!؟!؟!
مرحبا خواتي.. مرحبا اخواني...
اكيد الكل ينتــظر بشووق اللحظة اللي يعرف فيها انه راح يصير اب.. او... أم :rolleyes: ... بس... حبيت آخـذ من تجاربكم.. و من آرائكم.. كيف أقدر أبشـر زوجي بأننا قريب ان شاء الله راح يكون في عندنا عضو جديد في العايلة :rolleyes: .؟ فكرت اني ارسل له إيميل ( من إيميلي طبعا :D ) بس على اساس ان البيـبي هو اللي كاتبنه... و يقول له انها مسألة وقت و شهور. و اكون معاكم :cool: ؟! او.. بعد ليلة حلوة.. بس تكون خفيفة شوي... مع ذلك... حبيت من الاخوات و الاخوان.. يعطوني فكـرة.. لأني بصراااحة... ما اقدر اقول له الخبر وجها لوجه :o ==== خبركم.. المستحى و ..... بصراحة.. خايفة على زوجي من الصدمة :D و خاصة انها... اول تجـربة لنا! تحياتي لكم جميعا.. أختكم... غنـاتي. |
الف مبروك لج اختي غناتي انا اقول لج فكره حلوه روحي السوبر ماركت واشتري لج زجاجه اطفال اللي ينحط فيها الحليب ماادري شنو تسمونها الرضاعه واخذيها وغلفيها احلى تغليف ومعها بوكيه ورد ناعم وكرت حلو كتبي فيه كلمات حلوه واهديها له وصدقيني راح يتفاجأ ان شاء الله والف مبروك |
هلا عزيزتي r.s..
مشكوووورة حبيــبتي على الفكرة.. و انا اللي جنيت عليها.. و ين بعد زوجي؟! :) مع اني فكرت في طريقة تشبه فكرتج.. لكن.. طريقتج أحــلى و أحلــى ;) مشكورة عزيزتي.... و الله يبارك في حياتج :) |
فعلا اولا اشتري هذه الرضاعة وغلفيها واشتري معاها دبدوب وحطي الرضاعة مابين يدي الدبدوب
وبعدين حطيه على السرير محل ماينام زوجك ..علشان على طوووول ينتبه لها والله يسعدكم يارب..والف مبروك اختي...وتقومي بالسلامة يارب تحياتي:قمـــــــــــر |
شكرا أختي قمـــــر على مرورج و على فكرتج...
والله يســعـــد الجميع... و الله يبارك في حياتج عزيزتي... شكرا لكل من شاركني الفرحة و دعا لي ... |
مبروووووووووووووووووووووووووووووك
|
الله يبارك في حياتج عزيزتي :)
و شكــرا على مرورج :)... |
الف مبروووووووووك
سوي زي الافلام دوخي قدامه ههههههههه |
مبروووووووك
|
ههههههه
هلا أخوي Miike ... الله يبارك في حياتك... انا قلــت... اريد ابشره.. ما اريد أخرعه!! ******* بيبي قول ،، الله يبارك في حياتج عزيزتي .. و شكرا على مروركم :) |
الف مبروك يا اختى ربنا يتم حملك على خير ان شاء الله
احب اقولك انك رقيقه جدا ...وكتومه كمان ..كيف يجيكى صبر انك تسألى عن طريقه تخبرى زوجك بيها ...بسرعه عرفيه حرام عليكى ...هذا اسعد خبر سيسمعه منك الطفل الاول بيكون له فرحه رهيبه... وفكره الاخت رائعه ..صحيح ما شاء الله علمتونا الكثير من افكاركم الرومانسيه اللى ما كانت تخطر على بال ..ربنا يسعدك ويبارك لك فى ذريتكم ويرزق من يريد الذريه الصالحه.. |
ألف مبروك وأعتقد إنه راح يطير من الفرح داه أسعد خبر
|
عزيزتي الشيماء،، الله يبارك فيج عزيزتي.. شكرا لمرورج و كلامك الطيب :)..
انا نفسي مب عارفة كيف قادرة امسك هالخبر اللي صار لنا فترة ونحنا ننتظره! بس.. في نفس الوقت ما ابي اضيع هالفرصة.. اريد اسوي منها قبة ;)... و حفلة.. و اخلي العالم كلها تفرح معانا! شكرا لج مرة ثانية.. و شكرا لدعوتج الحلوة... و ربنا يسعد الجميييع.. ويرزقهم الذرية الصالحة يا رب:).. |
هلا عزيزتي azhar،،
الله يبارك في حياتج عزيزتي... و ان شاء الله بخبره... بس... عطوني افكار ثانية... ما قصروا اخواتي.. لكــن... اكيد الباقين ما بيقصرون :) شكرا لمرورج عزيزتي :) |
سوي ترجيع قدامه
اوع اوع او اصدميه وهو جاي من الباب وارفعي صوتك باعلى شيء :D :D ههههههههههههههه اقولك ............. اسجدي انت اولا شكرا لله واحسن طريقة بنظري ان تخبريه باثناء تعدادك بأفضال الله عليكما :o يعني تقولين له الحمد لله انا تزوجنا ولا يحمد على مكروه سواه :( ومتفاهمين وسعداء بس ايش ينقصنا ؟ ينقص طفل زغنطوط ينغص علينا النوم بالليل :mad: خلاص ربنا رزقنا بكذا :p :p وبس |
الف الف ألف مبرووووووووووووووووووووووووووك
جعله الله من مواليد السعادة |
هلا اخوي هااامس،،
الف شكر و حمد لله على كل نعمه.. ضحكتني بكلامك أخوي :).... بس حلوة سالفة... "ينقص طفل زغنطوط ينغص علينا النوم بالليل ;)" ههههههه.. سكرا لمرورك و تعليقك أخي الكريم.. ********** هلا أخوي شاكوماكو ،،، الله يبارك في حياتك اخوي.. و ان شاء الله يكون من مواليد السعاد يااااااا رب.. شكرا لمرورك و دعوتك الحلوة أخي الكريم... أختكم.. غنـاتي.. |
ألف ألف ألف مبروووووووك عزيزتي غناتي.. والله حبيبتي إني فرحت لك كثيييييير..وجالسه أفكر وأمخمخ شو ممكن أعطيكِ طريقة...:confused: تذكرت إني مرة قريت من زمان عن طريقة "لكنها أبد ماتصلح للزوج الغيور كثير أو العصبي جدا"..ما أذكرها بالضبط لكني بعطيكِ الفكرة العامة وبحاول أألف لك..بيني وبينك هي خطرة..شوي..ولازم تختارين الوقت والكلام المناسب.. وإنتي وشطارتك.. تكونين جالسة مع زوجك في جلسة جميلة..وتسكتين مع تفكير عمييييق.. يسألك شو فيكِ؟؟ أو حتى ممكن تكتبين له رسالة.."وهاذي الطريقة أأمن" تقولين له أنا بقول لك عن سر خطييييييير..:eek: طبعا تطلبين منه إنه يظل هادي ويسمعك للأخير.. وتبدأين الحوار..إنت تعرف أنا لأي درجة أحبك وأحترمك وصرت لي كل حياتي...ومستحيل أسوي أي شي دون علمك..لكن وأتمنى تسمعني للأخير..فيه واحد من كم يوم دخل حياتي :rolleyes: دون إستئذان ولقيته شاغل تفكيري..لا تنفعل وإسمعني غصب عني..ماكنت راح أعرف هذا الشخص لولاك إنت..أنا أدري إن الموضوع مش مقبول أبد وإنك ألحين مستغرب لكنك إنت نفسك حتبه كثييييييير بس تعرفه لأن هدفه الوحيد في دخوله حياتي هو إنه يقربنا لبعض..صدقني أنا ما أبالغ ولا أدافع عنه هذا الشخص راح يغير حياتي معاك على طول إن شاء الله ونحو الأحسن.. هذا الشخص طلب إنه يزورنا..ولكن ولبعض الظروف الخارجة عن إرادتنا راح تتأخر زيارته كم شهر.. وفهمت إنه من شهر لشهر راح يكون التواصل بيننا أنا وإنت وهو عن طريق طرف آخر.. يشرح لنا ظروفه وأحواله وممكن يبعث لنا صور:o ..أنا ما أدري إذا كنت تحب تتعرف عليه أو لا..:confused: هو هدية من ربنا لنا..أتمنى إنك توافق على هاذي العلاقة لأنها راح تكون أحلى هدية... تبغي تعرف من يكون هذا الشخص؟؟من تتوقعه يكون؟؟يعني إنت السبب في تعارفنا والله شاهد على كلامي..ما عرفته؟؟ فكر عدل؟؟ ماعندي حل ثاني إلا إني أقول لك عنه... ثمرة حبنا..ولدنا المنتظر:D |
الف مبروك
قولي ليه مبروك بدون اي مقدمات كدة مفاجاة حلوة |
مبرووووووووووووك اخت غناتي
اتمنى لكي السعاده من كل قلبي وافكار الاعضاء حلوه لكن لا تخرعيه مسكين ! اعتمدي اسلو يبسيط من دون المبالغه في رده الفعل وان شاء الله تعيشوا في هناء وسعاده يا ربي سلااااااااااااااااااامي كليوبترا |
الف الف مبررررررررررررووووووووك غنانى
|
انا اقول حاولي تزعلينه وتخلينه يعصب وبعدين قولي له اذا قلت لك اني حامل بترضى علي والا لا :)
وبس .. الف مبروووووووك وجعله من مواليد السعادة يارب |
مبروك
|
جعله الله مولودا مباركا هاديا مهديا
|
الف الف مبرووووووووووووووووووووووووووووووووووووووووووووووك
سوي طريقة الاخوات حلوه كثير |
1000000000000 مبروك يا غناتي الله يقومك بالسلامه و عقبالي يا ربي بس مو الحين :o ;)
أنا مع اللي قالوا الرضاعه و الدبدوب فكره حلوه ممكن كمان تحطين معهم تقارير الحمل و كذا مثلاً إذا كنتي سويتي التراساوند ممكن تحطين الصور و ممكن معهم رساله كأنها من البيبي لأبوه (بدل من الايميل) و خذي راحتك فيها أي شي تبينه من زوجك خلي البيبي يقول له و هذا وجهي إذا ما لباه...... :D ..... إستغلال ;) ....... لول مو لهالدرجه بس مثلا "ماما راح تجيها فترات تتعب فيها بسببي فلازم تحط بالك عليها يا بابا"..... شي زي كذا يعني :rolleyes: ممكن كمان تستبدلي الدبدوب بلعبه من هذولي اللي كأنهم أطفال :D أختي عندها وحده كذا تبكي و تضحك و ترضع و كل شي كأنها بيبي حقيقي مررررررره كيوت.....أيش كمان؟؟؟......... هذا اللي جاء في بالي الحين فكرة ميما كمان حلوه بس إذا بتنفذيها اختاري وقت مناسب لا ينصفع الرجال مسكين و يصيبه شي (لا سمح الله) ;) |
فكره ثانيه
اهديه كتاب عن الحمل و الولاده و كذا (خليه يتثقف :D ) يعني اشتري كتاب و غلفيه و حطي معاه نوت اكتبي فيها "راح نحتاجه"
ولا أقول؟؟؟؟؟؟؟؟؟؟؟؟ حطي الكتاب مع الدبدوب و كذا يعني هاتي سله كبيره شوي أو صندوق خشب (أحب الصناديق أنا ;) ) المهم لبسي الدبدوب بامبرز و حطي الرضاعه في يده و حطيه بالسله أو الصندوق إما بحيث انه جالس أو نايم على كيفك و بعدين حطي التقارير و الصور في ظرف حلو كذا أو ممكن في ظرف كبير أبيض و إنتي ارسمي عليه كذا رسومات أطفال (أو إذا عندك أطفال في العائله اعطي واحد منهم الظرف و خل يرسم عليه) أو فكره ثانيه ألبوم صور حطي في أول صفحه التقرير و في ثاني صفحه صور الالتراساوند (زي أنا في ألبوم الصور حق عرسي أول صفحه حاطه فيها نسخه من عقد الزواج و ثاني صفحه كروت الدعوه :p ) و كمان هالألبوم راح يضل معكم بعدين تحطون فيه صور البيبي لما يوصل إن شاء الله بالسلامه :) أيش باقي؟؟؟ إيه الكتاب إذا تحبي تغلفيه غلفيه مع إن أنا أحس إن في هالحاله ما يحتاج المهم حطيه معهم و بعدين هاتي قماش من اللي يستخدمونه للهدايا بس يكون شفاف يعني ممكن شيفون أو أورقنزا و حطي فيه الصندوق أو السله و زميه من فوق مع شريطه مناسبه للون القماش أو بس اربطيه بربطه عاديه (كذا يكون طبيعي أكثر) :) حلوه؟؟؟ عارفه انها تكلف شوي بس شأسوي هذا اللي جاي في بالي ;) |
اولا مبروك وبالسلامه يا رب
ثانيا اشتري لعبه صغيره وباكيت بامبرز حجم صغير مع علبة حليب للاطفال الرضع وضعيهم على طاولة المطبخ حيسألك حتقوليله |
هلاااا عزيزتي mema ،،
الله يبارك في حياتج عزيزتي.. و الف شكر لج على مرورج اولا.. و على تهنئتج،، و على الفكرة الجهنميـة :D ... بس.. انا أخاف عليه من المقدمة هذي بصرااحة :rolleyes: !! مب من أولها أسوي فيه جذه! بس فعلا.. فكرة روووووعة عزيزتي... الف الف الف شكر لج عزيزتي :) *************** هلا أخوي hagy ،، الله يبارك في حياتك أخي الكريم... هذي اول فرحتنا :rolleyes: .. مممم... صحيح لو قلت له "الف مبروك".. اكيد راح ينصدم في البداية.. بس.. راح يعرف .. و بهالطريقة.. راح يوفر علي ال.... ;) .. شكرا لمرمرك أخي الكريم.. |
هلا عزيزتي كليوبترا ،،
الله يبارك في حياتج أختي... و اتمنى لج السعادة و جيع الاعضاء.. و وين ما يكونون :) ان شاء الله اختي.. راح أخليه يسمع احلى خبر في حياته... و بطريقة رووومانسيييييية جدااااا ;) .. شاكرة لج مرورج عزيزتي :) ************ هلا عزيزتي شهرزاد2004 ،،، الله يبارك في حياتج عزيزتي.. شكرا لمرورج و للــتهــنئــة :) ************ |
هلا اخوي ابوعبدالإله ،،،
الله يبارك في حياتك... و شكرا لمرورك أخي الكريم.. *************** هلا اخوي صبا نجد،،، اللهم آآآآآمين... شكرا لك أخي الكريم. و شكرا لدعوتك الحلوة أخي.. شاكرة مرورك.. ************** |
هلا أخوي hant ،،،
الله يبارك في حياتك اخوي.. هههه... فكرة حلوة أخي الكريم... بس.. ما فيني ازعله من اولها ! شاكرة لك مرورك أخي الكريم.. **************** هلا عزيزتي زهرة ربيع،،، الله يبارك في حياتج عزيزتي.. و ما شاء الله عليهم الاخوة و الاخوات.. ما قصروا معاي.. شكرا لج عزيزتي.. ************** |
هلا عزيزتي Mrs. Malgoofa ،،،
تسلمييييييييييين لي عزيزتي... و الله يبارك في حيااااتج يا رب... و عقبااااااالج يااااا رب :D فكرة عن جد حللللللللللوة... و بالمرة... انا و هو نقعد نتثــقف مع بعـــض ;) الف الف شكر عزيزتي على افكارج الحلوة أختي :).. ************** هلا أخوي بلوبيرد ،،، الله يبارك في حياتك أخي الكريم... فكرة حلوة أخوي .. و ان شاء الله اجمع هذي الافكار.. و اشوف خلاصتها :) شاكرة لك مرورك اخي الكريم... تحياتي لك من مر و هنــئــني.. و شاركني فرحتي و أفكاره :) |
ألف ألف مبروك
والاعضاء ماقصرو اتحفوج بالافكار الحلوة .. بس خبريني ... خبرتيه والا بعدج ... فيي فضول ... كيف كانت ردة فعله وشو سويتي ... ؟؟!؟؟! |
اقتباس:
;) |
هلا اختي المتواضعة..
الله يبارك في حياتج عزيزتي.. ان شاء الله بقول لكم على كل شي ;) و بالمرة.. نعطيكم فكرة للي بيمرون بهالتجربة مثل ما مريت فيها انا ;) و عقبال الجميع ان شاااء الله :) *********** هلا عزيزتي Mrs. Malgoofa ،،، من عيوووني... بقول لكم على كل شي :) بس خلوني اتدلع شوي.. و على قولتهم.. نستغله شويتين ;) |
| الساعة الآن 04:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©