|
أطباق للغداء
اخواتى الاعزاء ارجوكم ابغى مشاركتكم لافادتى وطبعا انا واثقه فيكم لانكم عمروكم ما خذلتمونى وطبعا بحكم شطارتكم انا ان شاء الله سوف اعزم اهل زوجى يوم الجمعه القادمه ومحتاره ايش اجهز لهم فى الغداء وهل ينفع انى اعمل المحشى معها مكرونه بالبشاميل وايه من افكروكواافيدونى وكمان عايزه كيف انظف المنزل ومن اين ابتدى يعنى ابتدء من غرفة المعيشه ولا النوم والمطبخ ماشى وياريت متخذلونى ويارب اللى يرد يسعد بايامه جزاكم الله خيرااااااااااااا:30:
|
وينكم يا شطورين اروجوكم يا اهل الكرم ردوا عليه:30:
|
سلام عزيزتي عساكي عالقوه اول شي بقولك اهم شي قبل ماتعزمي ترتبي البيت من الى طبعا ابدئي بغرف الجلوس ثم غرفة الطعام ثم غرفتك اكيد بيدخلون البيت كله المهم نظفيه واضيفي لمساتك الحلوه طبعا خلي المطبخ اخر شي ثم بعد مارتبتي البيت وجهزتي افكارك امسكي ورقه وقلم واكتبي اش راح تطبخي طبعا في اشياء تقدري تسويه قبل يوم الجمعه عشان يجي الجمعه بس تهتمي بنفسك وشكلك ..........وررررررررررررررررر عالمطبخ سوي حلى انا بنظري تسوين نوعين اوثلاثه على حسب كمية الافراد طبعا اللحين بيتك نظيف فكري بالاكل بس بعد ماتخلصي الحلى سوي سلطاتك المفضلة وجهزيها ثم انتي تبي تسوي محشي حلو انا انصحك تحفريه وتحشيه من قبل يعني يبقى طبخه الجمعه وتكوني تخلصتي منه والباشميل حلو سويه وبعد اضيفي دجاج اولحم اوسمك وبهريه من قبل ويوم الجمعه اقليه وسوي ادام باميه وملوخيه وتكون سفرتك روعه وعمتك تقول ماشاءالله وتحبك ................ ولا تحن على راس ولدها يتزوج له بنت عشان تطبخ له وتكوني انتي بالقمه ............... امزح لاتزعلي ثم حددي صحون التقديم وجهزي كل شي فواكه ومويه ومشروبات وطبعا القهوه والشاي ورتبي نفسك الله الله اللبسي وتكشخي وبخري البيت ولا تنسي تذكر الله وتقرأي سورة الكهف وربي يوفقك وييسر لك دعواتك لي وطمنيني عن عزومتك
|
يا الله على كلامك المشجع يا دلوعه البنات كلامك حلو جدااااااااااااا لدرجه انى تخيلت الاكل اللى انتى كتبتيه وجوعتنىشكرررررررررررررا يا قمر تسلميلى
|
الله يسعدك يا رب اختي اهم الشيء تعملي الاكل بشكل جميل واختاري الاكلات اللي يحبونها افضل
بالنسبة للبيت خدي راحتك بالترتيب وحلو تكون الروايح اللي تعطري فيها ( هادئة) والله يوفقك يارب وعزومة موفقة ان شاء الله |
ربنا يخليكى ويسعدك ومريسى على ارائك الحلوة يا فيفى
|
ينتقل لعالم التغذية والطبخ
بوركتم |
بسم الله الرحمن الرحيم عزيزتي في البداية لابد ان تدوني الاكلات المطلوب عملها و تدوني المكونات الناقصة عندك بالنسبة الاطباق المطلوبة اولا ....السلطات اختاري منهم علي الاقل 3 انواع سلطة زبادي ( زبادي جهينه مثلا + خيار مقشر و مزال بذوره ( لا تخلطي الخيار بالزبادي الا عند التقديم ) + ملح + فلفل اسود + ريحان مجفف بعض الوصفات يضيفوا ثوم مفري ( و انا لا افضله ) سلطة طحينة ( طحينه + خل + كمون+ ملح + فلفل اسود + 1 كوب زبادي و تخفف باللبن ) سلطة بابا غنوج ( باذنجان مشوي في الفرن + طحينه + كمون + ملح + فلفل اسود + خل + زبادي 1 كوب ) سلطة حمص ( حمص مسلوق + طحينة + زيت زيتون + ثوم + ملح + فلفل اسود ) كول سلو ( كرنب + جزر + مايونيز + خل + سكر .. و تعد من بداية اليوم و تترك بالثلاجة ) مخلل ( جاهز ) ثانيا... الاطباق الجانبية سمبوسك جلاش باللحم المفرومة محشي ورق عنب محشي مشكل باذنجان كوسة فلفل ( حسب الرغبة ) كوسة بالباشميل و اي طاجن تفضلين ( عندنا في مصر بيقولو لازم طبق يكون به صلصلة :27: :27: ) الحاج ارز ( و هو ارز بالمكسرات و الزبيب ) .. و هو طبق اساسي ثالثا ...الاطباق الرئيسية لابد من اعداد نوعين فراخ و لحم تحسبا ان يكون احد العزومين لا يحب نوع منهم الفراخ .. انا لا افضل الفراخ البانية بتاخد جهد و وقت في الاعداد افضل الفراخ الصحيحة المسلوقة ثم تحمر او ممكن تكون فراخ فليه مشوحه في قليل من الزبدة و المستكة بالنسبة للحم ممكن عمل فخدة في الفرن او عرق لحم باردة و هو ما يسمي باللحم الرستو بالنسبة للحلو انا افضل ان تقومي بعمل طبق تتقنيه جيدا او اذا لم يكن عندك وقت اشتري جاهز و لو احتجتي طريقة اعداد لاي وصفة مما سبق اطلب و انا تحت الامر |
اشكرك جداااااااااااا على كل اللى انتى كتبتيه يا مستكهكيف اعمل كوسه بالبشاميلوما معنى طبق به صلصه وشكرررررررررررا جزيلا
|
اسفه الحروف دخلت فى بعضها
|
كان عندى سوال كمان انا اسفه على ازاعجك معليش اصلى لخمه جداااا هل ينفع مع كل اللى انتى قلتيه اعمل صينيه مكرونه بالبشاميل وشكرررررررررررر على سعه صدرك لى
|
بسم الله الرحمن الرحيم طريقة عمل الكوسة بالباشميل المقادير 1 كيلو كوسة + القليل من الماء للسلق + ملح للسلق+ حبه فلفل بارد للسلق + 500:400 جرام لحم مفرومة معصجة + صلصة مسبكة + باشميل الطريقة -تسلق الكوسة -نحضر حلة بها القليل من الماء حوالي 1 كوب و أول ما تغلي نضع عليه ملح ثم نضع الكوسة ( مقسمة النصفين بالطول و كل قسم يقسم الي جزئين او ثلاثة حسب طول الكوسة ) و حبه الفلفل البارد ( بتعطي نكهه طيبة ) ثم تزال بعد السلق ( الكوسة اصلا بتنزل ماء فلا يفضل اغرقها بالماء ) -تترك لتغلي 10 ق تقريبا او حتي اقتراب نضج الكوسة ( و ليس تمام النضج ) -ترفع من ماء السلق و توضع في ماء مثلج فورا ( للاحتفاظ بخضارها ) تترك دقائق ثم توضع في مصفاه حتي تنزل مياهها كلها ( ضروري ) -اللحمة المفرومة -المقادير -لحم مفروم + 2 بصلة + سمن او زيت + مكعب مرقة دجاج + حبهان اما مطحون او 2 حبه صحيحة + ورق غار + ا جزرة ( للنكهه ) -الطريقة -نحضر حلة نضع بها القليل من السمن او الزيت نضع عدد 2 بصلة مفرية و تشوح حتي الاصفرار نضع عليها اللحم المفرومة و تحمر حتي يتغير لونها نضع عليها مكعب مرقة دجاج و 1 جزرة مقطعة كبير ( بتعطي نكهه للحم المفروم و بعد ذلك نتخلص منها ) -و نضع رشة حبهان مطحون او فص حبهان بس لابد من إزالته بعد نضج اللحم و نضع 2 ورقة لورا -و تترك حتي تجف مياهها ( لا تضفي لها ماء ) اعتمدي علي الماء اللي هينزل منها حتي تحتفظي بنكهه اللحم -الصلصة المسبكة -المقادير -عدد 4 حبه طماطم مقشرة و مضروبة بالخلاط + 1 بصلة متوسطة + سمن او زيت + مكعب مرق دجاج + 1 م /ص سكر + 1 ملعقة صلصلة طماطم الطريقة -نحضر حلة نضع فيها السمن او الزيت و تشوح البصلة ثم نضع عصير الطماطم و مكعب المرقة و السكر و تترك لتتسبك علي نار هادئه -بعد ما تتسبك نضع 1 م/ك صلصة و تترك لتغلي دقيقة و نطفي عليها و نضع عليها رشه فلفل اسود الباشميل المقادير دقيق + سمن ( الاثنين نفس المقدار ) + لبن درجة حرارة الغرفة او مغلي و يترك دافئ + بيضة درجة حرارة الغرفة +2 م/ك كريمة لباني( حسب الرغبة ) + رشة جوزة الطيب + ملح + فلفل ابيض الطريقة كل شخص فينا له طريقة في اعداد الباشميل انا هديكي افضل الطرق و أفضل طعم ان شاء الله -نحضر حلة نضع فيها تقريبا 3 م /ك ممتلئة سمن و أول ما تسيح نضع عليها نفس المقدار دقيق -بحيث تشعري ان الكمية متساوية تماما -و يحمر الدقيق علي نار متوسطة الاحرارة و يقلب حتي يبدأ في الاصفرار ( راعي الا يحترق ) -نضع عليه اللبن تقريبا 3 ك بس بالتدريج يعني ضعي 2 ك الأول و قلبي بالمضرب السلك حتي يذوب الدقيق و يختلط مع اللبن -ثم ضعي 2 م /ك من ماء سلق الكوسة و قلبي و لو احتجتي لبن ممكن تزودي المطلوب سماكه اخف من الكريمة -المهمة للحصول علي نكهة افضل ممكن اضافة القليل من الكريمة اللباني -لو لاحظتي انه الخليط تكتل منك ضعيه علي الجزاء في الخلاطو رديه الي النار ثانية ( بتحصل معي لما بكون عامله كمية كبيرة ) -اول ما يغلي المقدار -نطفي عليه و نضع الملح و الفلفل الأبيض و رشة جوزة الطيب -و يلقب المقدار دقائق حتي يبرد شوي ( لو تركتيه بدون تقليب سيكون قشره علي السطح ) -ضعي البيضة النيه و قلبي جيدا -التجهيز -نحضر صنيه بايركس ( شكلها ظريف في التقديم ) -يدهن القاع بقليل من الزيت و الجوانب -نضع في القاع 2 م/ك صلصة مسبكة و عليها 2 م/ك من صلصة الباشميل -نرص نصف كمية الكوسة -نضع عليها مقدار اللحم المفرومة ( بعد ازالة الحبهان و ورق الغار و الجزرة ) -نضع عليها باقي الصلصة و 2 م /ك باشميل -نرص عليها باقي الكوسة و نضع علي الوش صلصلة الباشميل -علي الوش اما ان تضعي بيضة مخفقوقة بالملح و الفلفل او جبن مبشورة او جبنة موتزريلا ( بس الموتزريلا توضع في اخر 10 ق قبل اخرجها من الفرن لانها بتنشف ..... و عند وضعها ترش عليها قطرات من الماء بايدك ) -تدخلي الصنية الفرن الساخن تقريبا نصف ساعة توضع في القاع 10 ق حتي تغلي ثم ترفع في الرف اللي في الوسط باقي المدة ثم نفتح عليها الجريل حتي يحمر الوجه و تقدم ساخنة ***** -بالنسبة للطبق اللي به صلصلة أي خضار ممكن بامية .. بس لو هتعملي كوسة بالباشميل اكتفي بها -بالنسبة للمكرونة بالباشميل ممكن اعداها بس يفضل اختيار احد الصنفين اما كوسة بالباشميل او مكرونة بالباشميل ( لو انت تتقني عمل المكرونة بالباشمل اعمليها افضل ) فكري في الطبق اللي سيقدم للمعزومين يوضع فيه مثلا نوعين من السلطة و قطعة من المكرونه او الكوسة و القليل من الارز بالمكسرات ( لو لاحظتي ان طبق الارز بالمكسرات بيكون اساسي في عزايم الافراح ) مع قطعة من اللحم او الدجاج اتمني ان اكون افدتك .. و طبعا القرار يرجع لكي و لو حبيتي طريقة الارز بالمكسرات اطلبيها و ان شاء الله اعطيكي طريقة ناجحة تبيض الوش بالنسبة للاعداد للعزومة يفضل البدء فيها من اليوم السابق لها أي تتبيلي اللحم و الفراخ و تجهزي السلطات بحيث يكون يوم العزومة المجهود به قليل لانه مطلوب منك ان تكوني مرتاحة كي تتمتعي بالزيارة و لا تكوني مجهده و أي معلومة انا تحت الامر تحياتي |
سنكس يارب يسعد ك وتعيشى ايامك كلها سعاده ياريت تقولى وصفه الحاج ومنك نستفيد
|
اقتباس:
بسم الله الرحمن الرحيم الارز بالخلطة المقادير 3 ك ارز مصري + سمن + 2 فص مستكة + 3 م /ك زبيب + مكسرات ( لوز + بندق محمص و غير مملح ) + حبهان صحيح + ورق لورا + قرنفل + عود قرفة صحيح + كبد و قوانص الفراخ او لحم مفرومة حسب الرغبة + بسلة مسلوقة + 1 بصلة كبيرة مفرية + لوز شرائح للتجميل + بقدونس للتجميل الطريقة -نحضر حلة عميقة نضع بها كمية من السمن حوالي 2 م/ك -اتبعي الخطوات التالية -نضع الزبيب ( بدون نقع ) علي السمن و يحمر حتي تنتفخ حبه الزبيب و يصبح لونه ذهبي ارفعيه في طبق جانبي -في نفس الحلة نضع المكسرات بندق و لوز مكسرين و يحمرا و يرفعوا فوق الزبيب في طبق جانبي -كده السمن اكتسب سكر من الزبيب و طعم المكسرات -نضع علي السمن 2 فص مستكه و يذوبوا -ثم نضع البهارات الصحيحة حبهان و ورق غار و قرنفل و عود قرفة و يقلبوا -نضع عليهم البصلة الكبيرة المفرية و تحمر حتي الاصفرار أي تذبل و لكن لا تحمريها حتي يصل لونها الي البني ( لانها بتمرر الاكل ) -نرفع التوابل من البصلة و نتخلص منها -نضع علي البصلة مقدار الارز و يلقب ( يشوح ) و نضع عليه مكعبات الارز الابيض ( و بالتالي لن تحتاجي للملح ) و اذا لم تتواجد عندك المكعبات اكتفي بالملح فقط فالسمن مكتسب فعلا طعم التوابل -نضع مقدار الماء علي الارز ليغطيه و يترك ليغلي و اول ما الماء يقصر نضع الزبيب و المكسرات و يقلب -نغطيه و يترك علي نار هادئه و تحته الشياطه حتي تمام النضج -ملحوظة ... بعد تمام نضج الارز افتحي عليه الغطاء نصف فتحه حتي يتهوي بيعطي نتيجه رائعة -في بعض الحالات تجدي ان الارز لم ينضح ... اعملي في الحلة حفره بالملعقة حتي تصلي الي قاع الحلة و ضعي القليل من الماء في الوسط و ردي الارز علي الفتحة دي و غطيه فورا و اتركيه 10 ق ثم قلبيه و تذوقيه -بالنسبه للكبد و القوانص -نحضر حلة بها سمن و فص مستكة و نضع عليها بصلة مفرية و تحمر حتي الاصفرار و نضع عليها القوانص و تحمر جيدا ثم نضع مقدار من الماء و نترك القونض و القلوب للنضج يفضل وضع فص حبهان و ورق غار ( للنكهه ) عند اقتراب نضع القوانص نضع الكبد و تترك حتي النضج و في النهاية بتكون ميتها نشفت و لها قوم سمك شوية بسبب البصل ( القوانص و الكبد تكون مقطعة صغير ) -في حالة اختيار اللحم المفروم فتعضج البسلة ..... نضع ماء مغلي علي النار و نصع علية البسلة و تترك لتسلق ثم تصفي و توضع في ماء مثلج ( لنوقف عمليه النضج و تحتفظ بلونها الاخضر و توضع في مصفاه حتي نتخلص من الماء الزائد و تتبل بالملح و الفلفل الاسود تجهيز الطبق احضري طبق غويط دائري مثلا و ضعي البسلة في القاع الطبقة الثانية ضعي القوانص و الكبد او اللحم المفروم ( لا يوجد بهم أي سوائل ) ثم ضعي الارز كله و اضغطي علي بالملعقة اقلبي طبق الارز في طبق دائري و يجمل من اعلي بطرنشات من اللوز المحمص و البقدونس و ان شاء الله ينال اعجابك في حالة الاعداد انا بجهز الخطوات قبل وضع الارز و اضع البصة المحمرة في علبه و القوانص و الكبد و البسلة في علبه اخري و في اليوم التالي اضع الارز و اكمل الخطوات ( لتسيهل عملية الاعداد ) و أي استفسار انا تحت الامر و لا تترددي ابد في أي سؤال حتي ترتبي العزومة تحياتي |
شكررا جزيلا لاحلى اخت وان شاء الله هطمنك على عزومتى
|
اقتباس:
بسم الله الرحمن الرحيم لا شكر علي واجب و ان شاء الله تكون عزومة ناجحة .. و تبيض وشك تحياتي |
| الساعة الآن 11:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©