|
اريد الفضفضه
بس حبيت افضفض لكم عن اللي ف خاطري يمكن ارتاااااااح..لاني نفسيتي هالايام زي الزفــت والحمدلله.. يا خواتي مادري شو صاير فيني هالايــام.. مخي وعقلي مب وياي.. وهذا كلــه مؤثر على دراستي.. مثلاً يعطوني فالكليه نكتب موضوع احس مخي مقفــل ولا راضيه الكلمــات تطلع عندي.. صايرة هاالايام كــله اصيـــح اصيــح.. واحس مب ملحقه على شي ف دراستــي.. وقتي ملخبط وعندنا مليون شغل ف نفس الوقت.. اتــرك شغله واسوي شغله ثانيـه ..!! شو اســوي مب قادره الحق على شي.. والله اشــوف ربيعاتي ما شــاء الله يخلصون ويبدون بشي ثاني وانا رااااقده.. مادري شو اسميه كسل ولا مخ مقفل.!!! لان جد انا مب راضيه عن حالتي ابداً لاني ما كنت جذي.. كنت اسوي شغلي من وقت وبعدها ارتااااح.. اشوف عمري واشوف ربيعاتي واقول ماا شاء الله هم احسن عني وأنا ولا شي عندهم..والله مرات احس عمري غبيه ..جد هالايام صايره غبيه ولا افهم شي.. والقهر موووت اليوم بالذات كان عندنا امتحان نكتب عن أسباب قلة المياه فالدوله طبعاً كله بالانجلش .. تدرون اختكم فلله عن شو كتبت ؟؟ عن مياة المجاري..!!! بالله عليكم وش اتسمونه هذا ؟؟ ماشي تركييييز ابداً.. انصدمت وانا اسال البنات هذا وش سويتو تراني ما سويت كويس ويقولون لي الامتحان كان عن هالشي وانا وجهي صار http://forum.hawaaworld.com/images/smilies1/smile25.gif.. ومب قادره انسى الموقف وكم بحصل عالموضوع الي كتبته.. والثقه في النفس ماااااافيه.. وهالشي المس (الاستاذه) لاحظت عليه.. قالت لي اشوفك تترددين وقت الاجابه تحتارين اذا الاجابه اللي كتبتيها صح ولا غلط..وبالاخير الوقت يخلص واحصل درجه واطيه.. اسمحولي اذا ثرثرت وايد بس والله ابغي حد يسمعني.. ادعولي ارجوكم بان الله ايسر اموري وينتهي هالسمستر على خير..مع انه قدامنا كمن شهر والله يستر.. |
السلام عليكم ورحمة الله وبركاته .. ضايعه فالدنيا .. حبيبتي .. ممكن يكون ميعاد ال ... قرب .. المزاج هذه الأيام يكون أستغفر الله العظيم .. وأضيفي إلى ذلك .. أنه أحياناً .. الواحد يمل من المذاكرة .. خصوصاً مع نهاية السنة الدراسية .. أنصحك أن تعيدي نشاطك .. حاولي أن تخرجي تذهبي إلى مطعم فخم مثلاً .. أو أي مكان تحبينه .. وتخصصي لهذه الخروجة وقت محدد .. وحتى إذا وصل ل 24 ساعة .. مش مهم .. لأن جلوسك في البيت بدون إنجاز .. زي قلته .. بعد ذلك سوف تشعرين بإنتعاش .. طبعاً مش هتبدأي ذي الفطار .. وتأكلي الكتب .. بس على الأقل .. سوف تصبحين على إستعداد للإستذكار .. |
والله اليوم كنت بكتب عن هالشي! لأني اعاني نفس مشكلتج بالضبط وانتي تدرين انا مشكلتي شو سببها! لأنج تابعتي مشاكلي وكنتي وياي خطوه بخطوه فديتج
تدرين الواحد متى يحس انه مول ما يروم يلحق! يوم ما يسوي الأشيا فوقتها! عشان جذي الواحد لازم دوم دوم يحاول يسوي كل شي في وقته عسب ما يتراكم عليه! بس ساعات نتكاسل او تستوي ظروف تجبرنا ونضطر انمر في مواقف مثل هاي وايام عصيبه اتحسسج انج بتتخبلين خلاص ما اتعرفين اتجابلين شو ولا شو وساعات من كثر الشغل اتحسين خلاص ماشي فايده اتسوين أي شي! لأنه الوقت ما بيسد ولا يكفي انا امر بنفس مشكلتج والله اطلع واسير عند ربيعاتي واقول يمكن يوم ارد نفسيتي ترتاح وخصوصا اني بعيد عن اهلي في هالغربه! وما شي ارد وانا حالتي نفس ما هي ما اتغيرت ابدن! سبحان الله هالشي نفسي ترا ما يخصه في نسبة الذكاء بس لازم اتعدلين من نفسيتج وتقنعين نفسج انج تقدرين وبتخلصين واهم شي اتسوين اللي عليج وما اتحملين نفسج فوق طاقتها وتتوكلين على رب العالمين... انا حالتي مثل حالتج والله 24 ساعه اصيح واحس الوقت يمر وانا ما سويت شي بس في نفس الوقت ما اعرف شو اللي لازم اسويه! الله المستعان الله المستعان الله يوفقج حبيبتي ويريح قلبج ويفرج همج يالغاليه |
اقتباس:
وعليــكم السلام والرحمة فديتج.. لا عيونهــا مب وقتها.. بس تدرين صار لي فترررره طويله ما طلعت شميت هوى صدق احس اتعفنت فالبيت والحمدلله الويك ايند اللي طاف رحت البحر مع اني كنت تعبانه بس حسيت براحه وتغيير لاني ظهرت.. بوت بوت شكريا :d >> قلبت هندي الاخت |
اقتباس:
فديت قلبج انا.. نفس المعاناة وربي.. المشكله مليون شي وشي مره وحده والله اتخبل.. اقول لا هذا مهم وبعدين اقول لا لا هذاك اهم لان موعد تسلميه جرريب وحالتي لله.. خليها ع ربج عيوني.. والله يعينج ف هالظروف وبعدج عن هلج.. بس ادري انج قدها وقدود :22: وان شاء الله نسمع عنج اخباار حلوه..:14: |
انا عارفه الاحساس ده
بصى انتى محتاجه تعملى حاجه تبسطك كتير انا سمعت مرة انو الشوبنج بيخللى البنت او السيده مزاجها احلى ويخرجها من اعتلال المزاج جربى اعملى يوم شوبنج وروحى المولات واتفرجى على احدث الموضات فى اللبس والاكسسورات وخدى معاكى حد بتحبيه اوى صحبتك الانتيم مثلا واتغدوا باره واتمشوا واعملى اليوم كامل للشوبنج والفسح وارجعى نامى ولما تصحى هتلاقى نفسك نشاطك اتجدد ان شاء الله |
اقتباس:
فديت روحج انا.... انزين انا بقولج شي... ليش ما اتسويلج جدول... والله ساعات يساعد لو ما تمشين على الجدول 100% بس عالأقل اتعرفين شو لج وشو عليج ولا تشتغلين على كذا شي في نفس الوقت! لأنه هذا بيشتتج زياده! ابتدي دايما بالأصعب... بس في نفس الوقت اتأكدي انج خليتي وقت كافي للبروجكت اللي تسلميه جريب.... والويكند استغليه عدل.... نشي من فير الله.... عقب صلاة الفجر ابتدي اتريقي وابتدي اشغالج والله بتحسين اليوم طويل.... واذا اتسوقين خذي بريك كل 4 ولا 5 ساعات اتمشي فالسياره وردي كملي وفكري انها فتره وبتعدي.... ادري الكلام سهل وانه الله يخلي جامعاتنا فالامارات ما انخلص إلا نص 6 ما ادري متى! بس عقب فالاجازه سوي اللي تبينه... وانتي مرتبكه لأنه عليج كمن شي اتسوينه.... من اتخلصين شي من هالأشيا كلها بتحسين انه هم وانزاح عسب جيه اقولج لا تشتغلين على كمن شي مره وحده لأنج بتحسين انج تشتغلين بس مب يالسه اتخلصين شي.... فركزي على شي واحد عسب ما تتشتتين ويوم بتخلصينه بتحسيين انه خلاص افتكيييييييتييييييي! أحلى احساس فالدنيا هذا ههههههههههه :17: وان شاء الله نسمع اخبار حلوه عنج بعد والله ييسر امور دراستج ان شاء الله.... والله ما في شي امغربلنا غير هالدراسه! الله يعينا يابوج! :23: فداعة الله غناتي |
انا زيك حبيبتي بس انا غربه وضيقه خلللللللللق
وعندي مسؤليه زوجي وبنتي وداااااايما ماادري كيف ارتب وقتي دااااااايما احس اني متوترة ومالي خلق اسوي شي بس صدقيني لما اطلع انبسط مررررررة خاصه طلعات المول صدق توسع الصدر |
اقتباس:
صار لي فتره طويييله ما رحت المول عشان اتشرى يبغيني اطلــع عشان اغير جو :23: تسلمين والله.. |
اقتباس:
تدرين ليش مرات احس ماشي وقت لاني الصبح فالكليه لين العصر الساعه 5 و مرات تستوي ظروف ما اقدر اسير اتعلم حتى فالاجازات.. خليها عالله... بس بيني بينج اخــاف من السواقه:d عشان جيه مب متحمسه لين هناك.. بس شكلي بتشجع وبسير فالصيف.. مشكووره قلبو على كلامج العسسسسسسل مثلج.. |
اقتباس:
صدق الغربه صعبه.. بس سوي اي شي اتحبينه عشان تستانسين.. مثل ما قلتي المول والطلعه صدق اتغير النفسيه..:23: او سوو رحلـة استكشاف للدوله اللي عايشين فيها وروحو كل مكان فيها.. والله مغامره وذكريات حلوه..:22: والله يوفقج.. |
اقتباس:
هيه والله صدقتي.... انا قبل ما ايي بريطانيا درست سنه فالإمارات عقب حولت هني (وليتني ما حولت!!!).... المشكله انهم يخلونج اداومين من فير الله لين الساعه 5 لو ما عندج كلاسات غير 3 ولا 4 ساعات فاليوم! وايدات يتشكون من هالشي,,,, وحظهم جامعات وكليات الشباب متى ما بغوا ظهروا! مب قهر!!!!! وما تنلامين يوم ما اتحصلين وقت تتعلمين السواقه! يوم دوامج من الصبح لين 5.... حشى! تعذيب مب دوام! حاولي اتخلصين شغلج فالبريكات لأني اعرف انه البريكات اتكون طويله ساعات! هذا اللي احيده.... لا اتضيعين وقتج فالسوالف ويا ربيعاتج وشلي لاب توبج وسيري المكتبه وذاكري هناك وخلصي اشغالج واول ما تبتدي الاجازه سيري اتعلمي سواقه! والله انها ما اتزيغ! انا عكسج والله يوم كنت ادرب عالسواقه مدربتي كانت اتزيغ واتزاعج من كثر ما اسرع ههههههه بالتوفيق يا قلبي |
اقتباس:
وييين يا قلبي.. هذاك اول البريكـات طويله.. بس الحين بريكين فاليوم طبعاً كل بريك ساعه.. بس يوم واحد يكون البريك طويل.. يوم عندي شغل استغل هالوقت.. اتعرفين اختي ما شاء الله عليها يوم اتسوق تسرع وايد.. وانا قاعده عدالها.. اقولها ( .....) شوي شوي .. اوووف لا تسرعين .. شو فيج..هههههه.. اقولج ما اخليها.. لين ما اتعصب وحاله.. هذاك اليوم قالت لي مره ثانيه ما تركبين وياااي..ههههههههههه.. بس الحين خفيت مب مثل قبل :26: .. شو اسوي اخااف.. |
اختي حافظي على الصلوات في وقتها ... و لا تنسين اذكار الصباح و المساء ... مع قراءة اية الكرسي بعد كل صلاه و المعوذتين و الاخلاص .... و بإذن الله تنحل امورك ...
اما ضعف التركيز فله حل و علاج ممتااااااز و مجرب ... العسل ملعقه في الصباح على الريق و ملعقه قبل النوم لمدة شهر و بإذن الله تشوفين الفرق .... على فكره مريت بنفس حالتك في احدى السنين ... و الحمدلله شفيت منها تماماً |
اقتباس:
مشكوووره عزيزتي.. ويعطيج العافيه.. |
|
هلا اختي
لا تنسين قراءة القران الكريم ..فقرائته تريح البال واايد ..وعدم تأجيل عمل اليوم الى الغد |
عندما تمر بي هذه الحالة أحاسب نفسي وأراجع حساباتي أجد أني مقصرة مع ربي فسبب ذلك ضيق في صدري وعدم تركيز أشعر أن الوقت يسابقني ولاأستطيع ملاحقته أعود إلى رشدري مرة أخرى وأحافظ على كل ماقد ضيعته من واجبات دينية وأجد أني بدأت أتحسن وطبعا لا أنكر أيضا يكون السبب كثرة المسؤوليات وقلة الخروج والطلعات يعني حاولي تغيري جو وتخرجي اعملي تسوق الصراحة يكون مزاجي طايح ومتنرفزة هو زوجي ياخذي السوق واشتري تلاقيني انقلبت 180 درجة شي مو بيدي أموت بالتسوق على عكس زوجي اللي يكره الشراء وإذا ماتسوق ممكن أنبسط على عزيمة مطعم وإذا زوجي مشغول ومافي أمل لا تسوق ولا مطعم أغير ديكور بيتي تلاقيني عفست البيت فوق تحت حتى أغير فيه وأرتبه بطريقة جديدة والحمد لله النفسية تتغير خاصة في الغربة لازم نحاول نتأقلم على وضعنا والله يفرجها على الجميع يارب أتمنى أكون ساعدتك دمتي بحفظ الرحمن تحياتي |
سبحان الله لسه كنت ابغا اكتب عن نفس الشي بس عشان افضفض
غربة وكربة و هم للركبة 3 اختبارات و بريزنتيشن و تقرير معمل 1500 كلمة ولا فكيت شي و فوقها طلع حظي في مشروع السنة النهائية مع رجال و زوجي مصنقر يقولي تقعد في البيت و ما تكملي دراسة و كلم الجامعة و ما يردون صدري ضايق و كل ما اقله نطلع ما يرضى لاحول ولا قوة الا بالله العلي العظيم خلونا ندعي لبعض ان ربنا يفرج همومنا و ييسر أمورنا |
الحمدلله اختي حالك احسن من بعض الناس ( أنا ) كنت احس نفسي فاهم يعني عكسك والمذاكره الي اذبح نفسي فيها. اذاكر الصبح والعصر لصلاة العشاء بعدها انام عشان اقوم الساعه 3 الصبح اذاكر لوقت الحصه وفي الاخير درجاتي اسواء من اصحابي الي شكلهم ما تعبوا حتى شوي على الاختبار بالله عليك ما شي محبط.. والله جاتني هالفكره اني غبي ومهما ذاكرت واجتهدت بيضل مستواي نازل وخوف من الاختبار وتوتر... بس اختي كل شي تبدل.. هالفصل درجاتي اعلى من كل اصدقائي وواصل للدرجه النهائيه وكم مره اجيب اعلى درجه في الصف..(ما شاء الله) :22: تدرين ليش.. هالفصل بالذات عباداتي زادت من كل النواحي الصلاه والاذكار وحافض ادعيه طويــــــــــله وحافظ تقريبا 50 من اسماء الله الحسنى والباقي فيالطريق إن شاء الله والحمدلله ونويت النيه اني احفض اجزاء من القرآن .... زيدي من عباداتك واجتهدي نظمي وقتك وانصحك لا تكثري الطلعات خارج البيت استغلي الاوقات في المذاكره.. ومهما ذاكرتي وسويتي في النهايه التوفيق من الله وانت تعرفي نفسك سويت الي عليك وعطيتي المذاكره حقها وبترتاحي نفسيه إن شاء الله :22: ( سبحانك إني كنت من الظالمين) والله يوفقك اختي ^^ عشقي للجنه |
| الساعة الآن 07:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©