|
لا ادري إذا كانت هذه مشكله ام لا .. افيدوني
السلام عليكم ورحمة الله وبركاته.. اولا اقدم الشكر لهذا المنتدى الراقي والقائمين عليه.. ثانيا يا اخواني عندي موضوع شغل تفكيري في هالايام وخاصة ان الملكات والعزومات زادت عندنا.. ما اعرف لو تسمى مشكله .. بس انا انطوائي ومنعزل إلى ابعد الحدود :24: اليوم صادفني موقف كان في ملكه لصديق في الكليه وساكن بعيد شوي مسافة نص ساعه عن العاصمه.. كانت ملكة اخوه العود وصادف اني وصلت قبل الملكه بساعتين.. طبعا جلست وسلمت على الشياب فنادا احد الشياب رجل يشتغل عشان يدلني على طريق المسجد كان وقت صلاة المغرب تقريبا.. ركبت السياره ورحنا انصلي والرجل شاب توه بس يشتغل والحمدلله على كل حال الشاب عنده هواياتي الي هي التصميم والكمبيوتر بشكل عام واستمتعت بالحديث حصلت احد يفهمني من هالناحيه وسوالف كثيره.. بعد صلاة العشاء وبعد ما سلمت على العريس طلبت وصف كيف اوصل للشارع العام عشان اوصل العاصمه جاء هالشاب وقالي اتبعني انا بدليك الطريق وانا ما سلمت عليه السلام المطلوب الحار فقررت اول ما يوصل للنقطة الفراق بيني وبينه بوقف وبسلم عليه واودعه وبروح العاصمه .. تبعته ووصلني للشارع وقف ووقفت خلفه طلعنا من السياره جاء وسلم وكل شي فجاه.. قال العباره الي تخوووووفني ( عطيني رقمك :24: :24: :24: :24: )... طبعا جاني خوف لاني اخاف يكون شاب وراه سوالف او مشاكل وبيورطني لاني انسان بيتوتي على قولت الناس وما اخرج من البيت وما اشوف الناس كثير ما لي سوالف سهرات وانا احب البيت مووووت فخفت لا يقولي او يتصل بي عشان نطلع لاني للحين ما اقدر اعرف من لقاء واحد وش ورى هالانسان وكيف يعيش حياته لو كانت هاديه ومحترمه ما وراها محرمات او مشاكل... طبعا ما اقدر ارده مو حلوه عطيته الرقم وشليت رقمه وسجلته طبعا في هاللحظه جاتني فكره ان زين شوي اشوف الدنيا وتكون لي علاقات وما كل انسان يحب يطلع وراه سوالف انا احسنت الضن بهالانسان بس شو تنصحوني يا جماعه ... اني اكون مثل ما كنت قبل جلوس بالبيت وبعيد عن المشاكل والصياعه بالبيت اعتبره ستر وملجاء لي ما اطيق بعاده :11: بس يوم اطلع والله رجلي وظهري ونفسيتي تتعكر لاني ما متعود على الطلعات من اساسها بس نفسي تكون لي علاقات مو مثل الي تتخيلونها صياعه لا علاقات محترمه سوالف محترمه !!!!!! شو هي نصيحتكم يا جماعه :15: |
والله يابن الحلال انا مثلك بيتوتي ، والحمد لله وقتي مشغول مرة ، ولما أخرج عند اقاربي اطفش لأني أشعر انو الوقت اللي جالسين نضيعه في السوالف الفاضية ممكن اعمل فيه شغلات كثير في البيت . أما بالنسبة لموضوعك : فلماذا لاتسأل عنه من يعرفه وخاصة صديقك العريس ( طبعاً بعد كم يوم ) . وبعدها اذا شفت ان سيرة الرجال ماعليها غبار توكل على الله وانت محصن نفسك بألادعية وانت حاطط في بالك أن ما يصيبك لم يكن ليخطئك . وسلامتك. |
خخخخ
عيل اكثر حد بيستانس عليك هي زوجةو المستقبل حلو انه الواحد يبتعد عن الاماكن المفتوحه بس مو حلو انه ما يكون له صديق يطلع معاه عيل لما راح يصير عندك اولاد شو المغامرات اللي راح تقولهم اياها! وبعدين يا اخوي ترى الواحد لما يطلع ويصادق يتعلم من الحياة باجر بتشتغل وراح تحتاج لخبره في التعامل مع زملائك وعملائك انا اشوف ان هذي فرصه وانت ناضج كفايه انك تقرر اذا تستمر في الصداقه الجديده ولا لا. |
هنئيا لزوجتك فنادر من هو مثلك!!
ولكن لايمنع ذلك أنك تقيم علاقات اجتماعية طبعا مو ملزم تطلع معهم أو تسهر ولكن لابد للإنسان من أصدقاء ولا ينطوي على نفسه.. |
اقتباس:
شكرا على ردك اخوي ههه والله انا مثلك يوم اطلع من البيت احس وقتي يضيع بدل ما اسوي لي شي مفيد مذاكره او شي ابرد بيها فأدي :d . والله فكره ما جات في بالي اسأل عنه قلت بكتشف بنفسي >> قليل الخبره :15: بسأل عنه صديقي الي دعاني اتوقع انهم يعرفوا بعض.. يعني احسن اسويلي علاقات واطلع من البيت شوي ؟؟:18: |
اقتباس:
اختي جزاك الله خير على ردك.. بالنسبه للاصدقاء ما انكر عندي اصدقاء ولا باس بعددهم وانا اختارهم بكل عنايه بس الموضوع اني ما احب اطلع جسمي يتعب ونفسيتي تنزل لتحت هي كلها مسالت تعود الوالد ما قصر يوم كنت صغير كبرت وهالعاده صارت في دمي :30: الحمدلله انا ماني حزين اني جالس بالبيت بالعكس مبسوط لاني احب الجلسه بالبيت بس نظرتي شوي ابعد يوم اشتغل وكيف بتكون حياتي ما اتوقع ان زوجتي بتحب واحد 24 ساعه بالبيت بتمل منه وتطفش:21: !! يعني رايك اني ابداء اسويلي علاقات واطلع شوي من البيت... شكرا^^ |
اقتباس:
اختي بارك الله فيك .. يعني رايك اني اطلع شوي واكيد ما سهر السهر عيب وانا ما ابي اورط ابوي واجيب له سمعه سيأه ان اولاده اصحاب سهرات وحاله :( يكفيني اني طلعت مره وحده في حياتي مع جينز وتيشيرت وكانه حاله اطراريه وابوي عرف لان في واحد شافنا واتصل على ابوي وخبره اننا طلعنا بهاللبس يا سبحان الله محد تاركنا على حالنا:( :( شكرا جزيلا على الرد^^ |
اهلين اخوي .
الحقيقة رجعت وقريت موضوعك ثلاث مرات وشكيت كأنها بنت هي من تكتب هالموضوع ..؟ بعدين انت جالس تكرر وتقول صياعه وعلاقات وووو؟؟ انت رجال والي قاعد تسويه غلط ومشكلة فيه رجل بهذه الشخصية .. اخوي حاول تراجع نفسك ولعلمك الرجال هو الي تمر عليه التجارب ويتعلم ما يجلس في بيته نايم ..!! بكره تتزوج وتشيخ عليك حرمتك ولا حتى بتكون بعينها شي .. |
عجيبه
اول مررة اسمع هالمواضيع رجاجيل كله بالبيت شنو نحن وين عايشييين
اللي اعرفه كل الشباب طلعه ووناسه واصدقااء يعني انت لو تبي تصييع لاقدر الله في نااس جلسون على الكمبيوتر بالبيت ولاعندهم غير الصيياعه افهمهااااااااا:11: الله يهديك اطلع وشوف الدنيا بس كله بحدووود:23: |
يا سلام في ناس كذا الله يكثر من امثالكم البيتوتيين بس اتمنى بالبيت في بلاوي كثير بالنت والتلفزيون وبالخارج في اشياء مفيدة مثل صالات الرياضة والمكتبات والمعاهد والسفر مع اصحاب صالحين وبعدين وين المشكلة انت رجال واذا اتصل عليك الرجال وانت ماتريد تطلع قوله الصراحة
|
كم عمرك ؟؟
|
اقتباس:
بكره تمل منه الحرمه وتقووله طفشت والله انك في مشكله كبيرره لكن هذا حلها بين يدك .. لان المل يقول اسأل مجرب ولا تسأل طبيب اسمع يا حبيبي ... انا زمان لما كنت صغير كنت زيك .. بس الحين تغيرت 380درجه .. ايش تسوي احضر وانا اخوك اعارس ... اطلع واكشت كشتات بسيطه مع الشباب ... حااول تزور نااس في بيتهم انت بتبرتبك اول مرره وثاني مرره وثالث مرره ماهي مشكلة ... اذا ابوك موجود وزاره احد ادخل في المجلس ولو تجلس ساكت ما تتكلم نهائياً ... بس اسمعهم ايش يقولوا ... واذا والدك او احد قرايبك زار احد في بيته روح معه وخليك ساكت حبه حبه ... وطلعه ورا طلعه .. وزياره ورا زيارة صدقني بتنفك هذي العقده ... وبتروح نهائياً .. وتشووف نفسك قدام الناااس تصارخ في اكبر مجلس ... وللمعلومية مرره انا زرت نااس في حائل ... واول مرره في حيااتي ادخل حائل .. كنت ابي ازور احد الاصدقاء في العمل عندنا ... لما رحت هناااك لقيت شيااااب وشباب وكلهم بدو ويمسكون على الكلمة الوحده لكن الحمد لله والشكر رغم الحضارة اللي عندنا في الغربية .. وطبع الناس المتحضر كثيرررر الا اني لقيت بسبب زيارتي الكثيرة والمتعدده بين النااس ومقاابلت كثيرر من النااس ... انى اتكلم بكل اريحيه ... بل ان لساني يتكلم بكلام بدوي عجيب ... واضحك وجلست اسوولف مع الشايب .... والله ان زميلي يقول لي انو والده معجب فيني بشكل خياالي طبعاً ايش اللي خلاني اقارن بهذ الشي انا زمااان كنت ساااااكت ولا اعرف اتكلم ولما ابغا شي من الرجال استحي واتلعثم في كلامي:24: .. وخصوصاً فترة الثانوية لان اكثر اصحابي كانوا حضر:30: :15: :15: بس الان اختلف الوضع اختلاف جذري عليك بالزيارة وكثرة الذهاب للعزايم ولك خااالص احترامي |
شوف يا أخي أنا زوجي بيظل كثير بالبيت لمن يرجع من دوامه
والله طفشت وحاسة بكتمة ع قلبي إطلع شوي وخير الامور أوسطها و إتمرن ما دام إنك غير متزوج هلا روح زبارات صل رحمك لا تتعود ع البيت بكرا زوجك تطفش ترى شوية بعد يولد الاشتياق أم وليد |
اقتباس:
شكرا جزيلا على ردك اخوي واحترم رايك أخوي انا عندي مشكله مع الوالد وهالمشكله مسببه لي عقده.. تعرف زمان شو كان يقولنا.. كان يقولنا كل صديق تصادقوه او تبوا تطلعوا معه خلوني اقابله :24: :24: تدري ليش.. لو ما عجبه بيقولنا اتركه واصله كذا ونسبه كذا ووالده يسوي كذا.. والله تعقدت اخوي وما في صديق بيقبل او وافق يقابل ابوي . ( هذي كانت مرحله ) أبوي كان يخاف علينا يخاف اننا انصادق اشخاص في نظره ما محترمه طبعا من الاخلاق.. وابوي المشكله يحكم اول شي على لبسهم وشعرهم وشكل اللحيه ابوي ما يحب شي شبابي لانه شيخ ويخاف على سمعته وسمعت اولاده ونحن انقوله هذا كل احد يسويه مثلا ( اللحيه ) فخلاص قلنا ما نبي صديق ولا شي وانا ضليت على هالشكل ليومي هذا اعتمد على نفسي |
اقتباس:
شكرا على ردك اختي ههه لا تستغربي كل احد يقول اني غير عن البقيه ما احب الكره مثلا ولا اشوفها بتاتا والكل يستغرب يقولوا تو انت ولد غير عن الاشياء الثانيه الي تجننهم :21: ؟؟ رايك اختي اني أطلع واشوف الشباب........ شكرا :17: :17: |
اقتباس:
اخوي شكرا على ردك.. هيه صحيح النت والتلفزيون بلاوي بس في اشياء مفيده نفس الشي وخوفي من الطلعات هي السمعه والفتن الي زادت هالايام صرت اخاف على نفسي لاني وللحين الحمدلله محافظ على نفسي لزوجة المستقبل:d رايك اني اطلع يعني!... شكرا :17: |
اقتباس:
شكرا على المرور........ عمري عشرين سنه إلا شهر :d |
اقتباس:
اخوي شكرا جزيلا على المرور..... هههه والله انك بطل يا ليتني زيك انا وين وانت وين والله صدقك بس لو شخص واحد شخصين اشوفهم جامي فأنا ما ارتجف وبالعكس اشوفهم ساكتين وانا الي العي واسأل والحمدلله.. بس عندي ارهاب من التجمعات ما اقدر اتكلم على راحتي يوم يكون في تجمعات .. هذا لو ما كنت اعرفهم.. والمشكله اخوي اني ما اعرف كيف ادبر طلعه للشباب :d اتمنى تفيندي اخوي شكلك صاحب خبره في طلعات الشباب وكيف تنظم وقتك متى تطلع وكم تدوم طلعاتك لاني اخاف جدا من الامتحانات وهذا واحد من الاسباب الي مجلستني بالبيت كله اقول ما عدني وقت ما عندي وقت لازم اذاكر ولا برسب:24: |
اقتباس:
اختي شكرا جزيلا على ردك..... رايك اني اطلع يعني شويي .... والكل متفقين على هالراي... وانا بحاول إن شاء الله من اليوم اتغير... والله يحن قلب والدي ويثق فيني مسكين يخاف اننا ندخن او ألخ بسبب هالطلعات متعقد والدي من اخوي الكبير الي تصيع بسبب طلعاته وللحين ابوي يعاني :( شكرا جزيلا لكم على سطره اناملكم والله ولِيُ التوفيق ^_^ |
ياأخي الحبيب ليس صوابا أن يكون الإنسان إنطوائيا منعزلا في بيته فهناك الكثير من الشباب الصالحين
والرجل يحتاج في حياته أن يكون له شخصيته وكيانه المستقل مع بقاء البر والطاعة للوالدين والأهل ولكن ألا تعتقد بأن الشخص الذي لايقيم علاقات إجتماعية دائما يفقد بعض المهارات الإجتماعية والمهارات التواصلية مع الناس والصحيح ياأخي أن تزيد من ثقتك بنفسك وتثقف نفسك في مجال العلاقات الإنسانية وتمارس حياتك مع الناس وبالشكل المعقول بلا إفراط ولا تفريط وإحرص على أن تصاحب أهل الخير والناس الطيبين الخجل الزائد والتردد وعدم القدرة على تحمل البقاء خارج البيت والإصابة بالتعب النفسي وقت الخروج جميع هذه مؤشرات على وجود مشكلة تحتاج للعلاج ألا تعتقد بأن الأفضل والصواب أن يكون الرجل بارا بوالديه وكذلك له صحبة صالحة وفي نفس الوقت يكون متمتعا بثقته في نفسة منطلقا في حياته في حدود مايرضي الله سبحانه وتعالى وكذلك فمن المعروف بأن الأفضل للرجل أن يخشوشن ويكون صلب الإرادة قوي التحمل حليما صبورا شامخا لاينافق ولايداهن لماذا ليس لديك أصحاب في المسجد أو حلقات التحفيظ أو المدرسة أو الجامعة لماذا لاتشترك في نشاط رياضي أو إجتماعي ياأخي الحبيب المفروض أن تتعلم وأن تعرف بأن الناس حولك ليسو كلهم طيبين وليسو كلهم أشرار الإنغلاق الزائد عن حده مضر والإنفتاح الزائد أيضا مضر وخير الأمور الوسط |
اقتباس:
روح للتجمعات هذي .. وخليك بطل .. اليوم بيضحكو عليك وبكره بيضحكو عليك وبعده بس بعدين خلاص حبه حبه تشوف نفسك تقدر تتكلم بأكبر مكاان ... وماعندك اي مشكلة .. انا لو اقوولك من المواقف اللي صارت لي بالتجمعات كم من احرجات وتريقه من الشباب بس حبه حبه تشووف الناس تحبك وتتمنى تقرب منك اما كيف تدبر طلعه وتنظم وقتك ..., فهذي ما فيه اسهل منها اكيد عندك عيال عمك او عيال خالك ... او احد اقاربك اللي بسنك ويمكن اكبر منك بسنه او سنتين ... زورهم في البيت .. واعتبر قرايبك هم زي الفصل الدراسي اللي تتعلم فيه ... خذ معك واحد من عيال خالك وروح لولد عم او ولد خالك وزور بعض في البيت زورهم وخليهم يقولوا طفشان .. او يجي ويسكت .. خليهم يقولوا اللي يقولوا حاول تاخذ وتعطي معهم وتسوولف معهم ... حبه حبه قولهم خلونا نكشت برا ... او سوي القهوى وقولهم بنطلع في المكان الفلاني .. واطلع كرر هذي الطلعه ولو مرتين في الشهر .. ولا تقطع الزيارات خصوصاً من اقاربك او اصحابك بس مو تخليها يومياً .. خلي اللي تزوره اليوم لا تزوره الا بعد اسبوعين او ثلاثه .. يعنى لو تدخل مع 6 اشخاص تلاقي نفسك خميس وجمعة مو فاضي مع الوقت تلاقي نفسك انت ابو الشباب ... وانت اللي تكشت وتتكلم وتسووولف وتاخذ وتعطي .. حتى وربي تلاقي نفس خفيف دم حيل .... وتلاقي النااس تاخذ عليك اما كيف تنظم وقتك فهذي كماان سهله تذكر انك انت مو ملزوم بالكشتات .. واي احد يدق عليك من عيال عمك او خالك ... قوله عندي اختبار مستحيل يصر عليك ويقول لك الا تطلع ... ولو اصر فهو انسان مع احترامي لا يفهم .. واخصرك منه وقوله في وجهه يا اخي ما ابي اطلع .... اخيراً شي مهم لا يروح عن بااااالك نهائياً ... وهذا الشي هو اللي دمر الناس في وقتنا الحاضر وهو لا تكوووون حساس نهائياً .. نهائياً .. نهائياً بعض الاحيان تدق على ولد خااالك وتقوله تعال تقهوى عندي ... او انا بجي اتقهوى عندك .. ويعتذر منك مثلاً يقول لك والله مشغول او عندي شغله ... لا تفسرها في نفسك على كيفك يعنى لا تقول هو ما يبي يستقبلني لانه ما يبغاني او تقول .. هو ما يبي يجي عندي لانه يكرهني .. او تقول انا احس من زماان انه يكرهني ولو شفت سيارته عند بيتهم وماخرج لا تقول هو يصرفني ....ترى تجي على الانسان بعض الاحيان اوقات ما يبي يستقبل فيها احد ولا يبي يكلم احد .. وانت ما تدري ايش اللي شاغله .. واي شي يحصل لك يجرحك قيسه بمقياس العقل مثلاً .. طلبت من انسان شي وما اعطاك هو .... لا يفسرها عقلك انه نذل او انه يكرهك او او لكن قول في نفسك هذا الشي من حقه والشي هذا راجع له سألت واحد وطنشك لا تقول يسوي ما يسمع ...... لكن ارجع وعيد السؤال ... وعلى هذي الحال مسألة الحساسيه كنت زمااان اعاني منها .. ولو على غمزه او لزمه ... لكن الان وبعد قناعتي الخااصه اصبح كل الناااس يقولوا الاخ جميل هذا على نياته ... واي سؤال انا جاااهز |
اقتباس:
بارك الله فيك على ردك اخي.... صحيح الرجل يحتاج إلى علاقات خارجيه وكيانه الخاص والحمدلله انا بار بوالدي ووالدتي الله يحفظهم. بالنسبه لي لا ادري إذا كنت افقد بعض المهارات ممكن لاني فعلا قليل الخروج من البيت ولكني استطيع التكلم والحديث والحمدلله كل زملاء صفي يحبون التحدث معي ويسألون عن راي دائما لان والحمدلله لان راي جميل وحكيم وكله من خبره في بعض المجالات ومظهري الخارجي يساعد جدا :d اما عن التعب فهذه حقيقه انا اتعب جدا وإذا زادت الطلعه عن الساعتيين ظهري واسفل القدم يبدأن بالالم لاني طويل بعض الشي وبعض الاحيان اذطر إلى الذهاب للعياده وعملت فحص العمود الفقري لان الالم بعض الاحيان يستمر بالايام بس قالوا ما في شي هذي بس العضلات المحيطه بالعمود الفقري!!! وانا لست مشترك بنشاط رياضي ولا اجتماعي ولكن إن شاء الله سأبداء البحث :17: شكرا جزيلا لك اخوي على النصائح والله يوفقك إن شاء الله ^_^ |
اقتباس:
كلامك رهيب اخوي استفدت منه كثير :17: الله يخليك ويحفظك يا رب.. كل الي قلته راح انفذه ببداء مع اولاد عمي مع ان للاسف ما في ابدا في كل العائله اشخاص باعمارنا إما كلهم اكبر مننا بسنوات او أصغر مننا بسنوات :( بحاول ادبر طلعات مع الاصحاب إن شاء الله مسكين صديقي هو دائما يتصل بي بس كل مره اعتذر :( المره الجايه بطلع إن شاء الله.... وأخوي شو عن الوالد انت ما صادفتك مشكله مع ابوك بسبب الطلعات!! على فكره ابوي مبسوط اني ما اطلع من البيت هو مرتاح :( والله صديقي قالي ان يوم يروح البلد ولو جلسوا بالبيت والدهم يصرخ عليهم يقولهم تو انتوا حريم تجلسوا بالبيت يالله اطلع!!!! يعني كيف اقنع الوالد ان هالطلعات مفيده وفيها مصلحتي كيف اشيل فكرة اني يمكن اكسب اشياء سياه منها هو يخاف علينا من هالطلعات مع اني كبير ومظهري نفس الشي ما يدل على اني صغير..؟؟ وابوي زمان منح اخوي الكبير حريه في الطلعات بس للاسف ما كسب منها غير الشين والحين ابوي ما يبينا نطلع بسبب اخوي الكبير واصحابه يخاف الي يحصل له يحصل لنا الله يهديهم اصحابه خربوه :( أسف اخوي والله تعبتك معي من كثر الاسئله :15: |
انت لا تخلي الموضوع صيااااااعه ....
يعنى بصراحه انا اشووف ان تصرف ابو صاااحبك اللي يقول لهم اطلعوا ... هذا خطاء في خطاء .... يعنى مو اطلعوا انك تنسى حياتك الخاصه والانترنت والتلفاز وتصبح اجتمااعي بحت لكن زياره او زياتين بالأسبوع حلوووووه كثيررررر وكشته او كشتين بالشهر .. شي رائع لكن انك ما تجلس في البيت ولا احد يشووووفك ... صراحه مو حلوووه وعلى فكره بالنسبه لوالدك معه حق انه يخااف عليك لان شباب اليومين ذولا ينخاااف منهم .. وخصوصاً اللي ما يجلسون في بيووتهم انت شاايف الوضع شلون صااير ومالزم اشرح اخيراً بالعكس ياغاااالي لا تعب ولا شي ... وانا تحت امرك واي سؤال انا حاضر ولك احتراامي |
اقتباس:
شكرا اخوي على ردك السريع. كفيت ووفيت والله واجد استفدت منك ومن بقية الاعضاء ما قصورا الله يرزقكم الجنه إن شاء الله ...^_^ راح انفذ الي قلته اخوي وشكر خاص لك لانك متابع موضوعي :) والله ولي التوفيق.. اللهم إني اسألك الستر فوق الارض وتحت الارض ويوم العرض.. " اللهم ارزقنا الجنة يا رب" اخوكم عشقي للجنة ^_^ |
الله يسعدك ياغاالي ووييسر لك امرك |
والله انا لما قرأت فى الاول افكرتك بنت وخايفة من الفتنه
بعدين قرأت التوقيع وردود الاخوه طلعت راجل!!!!!!! خايف تصاحب رجال ليه حيضحكو عليك علشان ايه ولا ازاى حيفسدوك (ولا خايف من الفتنه) يا عم صاحب واخرج الى الدنيا وتعرف على الناس علشان يكون عندك معارف عند الشده ويكون عندك خلفيات بانواع الناس ومعادنهم لكن الجلوس فى لا يفيد يا عم الراجل الراجل قوى |
اخ عشقي للجنة
مافي احلى من الوسطية في كل شيء يعني الحياة الاجتماعية والاختلاط بالآخرين مهم جدا ومانفدر نربط نفسنا بالبيت حتى نتجنب كل ماهو سيء بالعكس اطلع وعيش حياتك واكتسب خبرات وتجارب تستفيد منها وتفيد ابنائك في المستقبل .كل انسان محتاج اصدقاء حواليه . بالنسبة للشخص اللي طلب رقمك مافي اي مشكلة مع الايام رح تكتشف اذا كان رجل صالح او لا ! ممكن يطلع انسان رائع وياثر في حياتك بشل ايجابي ! :22: الله يوفقك |
ماشاء الله عليك احسك وناسة بقوة ههههه
طيب شرايك تعطيني رقمك واقابلك ؟ <<< يبيك تنحاش منه هههههههههه بالعكس اخوي لازم تحتك بالناس وتجرب المشاكل وتتعود على حلها . بكره يجيك عيال وتتزوج وتوقف مسيرة حياتك على أدنى مشكلة .. روح اي مكان وحافظ على نفسك ولا تخلي احد يقص عليك ويجبرك تتصرف تصرف غلط . وبس والباقي عيش حياتك طول بعـرض اتمنى لك التوفيق |
اقتباس:
ترى قلت ولكن.. |
ههه مشكورين على الردود وكلكم تايدون طلوعي...... بقولكم شي وما كنت ابي اذكره بس يالله ....... تدرون يا جماعه!!!!! الحمدلله على هالنعمه انا شكلي ما شاء الله ربي رزقني بشكل جميل مع رجوله.... ولهالسبب صرت اخاف اطلع لان النظرات والله تذبح صرت اخاف خاصتة ان النظرات تكون طويله واعرف ان هالشخص يشوف علي وما ادري شو يبي مني..... وبقولكم موقف حصل لي مرتين الاول حصل في هالسنه واحكموا عاد... كنت في مطعم من هالمطاعم الاجنبيه ما ابي اذكرها مكدونالز او بيتزا هات او كنتاكي اهم شي وحده منها. وكنت طالع من الكليه ولابس زي الورشه .. ((اوفارول))..... دخلت هالمطعم وكان في عيدميلاد وتعرفون الي يشتغلون في هالمطاعم صينين ولا فلبينين ولا شاينيز.. وانا يوم اتحجي ابتسم واضحك عادي رجل مثل اي واحد ثاني وش فيها... طلبت الاكل وجلست على طاوله شوي بعيده عن الحفله وجاني الشخص العامل الي يقدم الاكل والله ما اكذب عليكم عينه كل شوي يطالعني وانا قلت ما فيها شي عادي شو بيسوي يعني!! جاني وعطاني الاكل وطلب رقمي..انا في البدايه استغربت بس قلت عادي يعني عطيته الرقم وادري اني غلط بس انا ما جالي صادفت مثل هالموقف وشفت انه عادي نيتي طيبه مثل دائما.. المهم بعد ما عطيته جاء وتقرب مني وقالي اتصل بيك في الليل. عرفت انه قصده وسخ كان يبيني ازني بيه النذل انا عصبت وقلتله لا تتصل ولا انا اتصل هو تفاجاء من ردت فعلي وخاف شوي وجهه تغير لاني كشفته :( :( المهم قبل لا اطلع رحت له وقلتله الي تسويه غلط يا ولد الناس .. وقلت له لا تتصل احسنلك..:( المهم تقززت من هالمطعم اكيد كلهم امراض وما رحت لهالمطعم من يومها:( --- موقف ثاني حصل لي وانا في الاول ثانوي وكنت امشي بالحاره في الليل كنت راجع من السوق وشافني رجل كان قريب من بيتنا مثل جار وابوي كان يعرفه كان يشتغل في نفس الشركه الي ابوي يشتغل فيها بس الضاهر ان خلاص طلع وقدم استقالته كنا عادي انسلم عليه وكل حاجه بس هالمره كشفته.. مشينا على طريق بيتنا كنا رادين من السوق وهو صادف او ما اعرف كيف نفس الشي كان راجع من السوق المهم هو كان جنبي تدرون شنو طلب.. طلب مني اني ازني بيه وهو يقولي شو بيعمل من حركات وكلها طلع هالرجل .................. الله لا يورينا مثله مثل الفلبيني الي بالمطعم ... وكان يحايلني اني ادخل بيته والله توقفت عند باب البيت وهو دخل وجالس يناديني يالله تعال تعال بسوي كذا وكذا يحاول يغريني بس انا ما قدرت ادخل وقلت له مع السلامه ورحت البيت وقلبي كان يدق بقوه من الموقف...... تدرون ليش الحين صرت اخاف من الريايل.. تدرون ليش الحين صرت اكرره شي رجل خاصة لو كان اكبر مني يقولي عطيني رقمك.. لان هالاشياء كلها الي حصلت تجي في ذاكرتي والحمدلله والشكر ما تورط في شي الله حماني منهم.. صرت احس ان كل واحد يشوف علي صار يطمع واتلوع من كل رجل بعد حادثة المطعم مع كبري وفيني لحيه وشكلي ما هو صغير بس نفس الحاله... وازيدكم من الشعر بيت في شي حصل لي وانا صغيييير بعدني في الابتدائيه رحت البحر تقريبا الساعه 3 ونص الظهر وكنت اجمع الاصداف .. ( براءة الطفل :( ) جاء رجل ما اذكر ملامحه قالي تعال انا اعرف مكان في واجد اصداف.. المهم كنت صغير وتبعته وكان ناوي على نيه الحقير.. المهم توقفنا في مكان شوي بعيد وهالرجال مسكني ونزل صرواله يوريني عضوه ...:( :( انا كنت صغير وخفت وهربت منه ركضت باسرع سرعتي للبيت.. يا جماعه شو الي يحصل والله تعبت وانا تفكيري بالرجال خلاص ما عاد اثق باحد هذا السبب ثقتي بكل احد انهارت واحس الكل تفكيره خايس يوم يشوف علي:( :( اللهم اني اسالك الستر يا رب... والي عنده اطفال او اولاد نصيحه مني لا تثق باحد الثقه التامه ولا تخلي اولادك يطلعون بروحهم ترى والله اشياء ما تتوقعها يمكن تحصل:( على العموم انا بالامس طلعت ويا صديقي والحمدلله استانسنا :d |
جزاك الله خير
|
الصراحه استغربت من موضوعك ليش كل هذا الخوف والتردد والانطوائيه أجل كيف تبغى تكتسب خبرات اذا ماخالطت المجتمع الخارجي ,,, اخوي خير الامور الوسط لا تكون من النوع الانطوائي جدا ولا من النوع اللي 24 ساعه برا البيت خليك متوازن في أمور حياتك ,,, واذا على الشاب اللي اخذ رقمك عادي يا اخي اطلع معاه وروح وتعال من جلوسك معاه واحاديثكم راح تعرف عقليته ونوع تفكيره يا انك تكمل معاه او اعمل حذف لرقمه وانتهى الموضوع الخوف اللي في داخلك تخلص منه والرتابه والروتين اللي مخيمه على حياتك غيرها ,,,
اتمنى تكون المعلومه وصلت اتمنى لك التوفيق |
سيدي الفاضل واخي الكريـم][عشقي للجنـه][
لا ارى فيها مشكله ان تذهب مع الرجل وتتعرف عليه عن قرب فان كان نعم الصديق فاكمل وان كان سئ الطباع فابتعد عنه اما انك تعيش انطوائي على نفسك فاعتقد انها مشكله وانت في بداية شبابك ومقتبل عمرك تحياتي لكـ اخوكـ فارس |
من أول ماقريت الموضوع حسيت إن فيه مشكلة من هالنوع لكنك ماذكرتها !!!
:30: ماشاء الله عليك أنت رجل بمعنى الكلمة .. لأن اللي تصير له هالمواقف بيكون واحد من اثنين ياإنه ينصاع لهالشاذين ويصير مثلهم ياإنه يتعقد في حياته وتجيه علة نفسية !!! :23: أما أنت بسم الله عليك طبيعي جدا وهذا واضح من كلامك وردودك .. واللي عداك الشر لما كنت صغير بيحفظك وأنت كبير .. المهم سوو زي ماقالوا لك الشباب وأقترح عليك تجلس مع أبوك جلسة مصارحة وتقوله اللي بخاطرك وهو ماشاء الله عليه شكله واعي وفاهم وبيتفهم موقفك إن شاء الله .. |
اقتباس:
ههه مو مشكله معذور هذا طبع وادري انه ما زين :d خلاص انا قررت اخرج واليوم ان شاء الله بنطلع بالليل شوي:d تسلم اخوي على النصيحه بارك الله فيك الله يرزقك الجنه إن شاء الله ^_^ اخوك عشقي للجنة |
اقتباس:
اختي شكرا على المرور وفعلا ما في شي احسن من الوسط مع اني كنت اضن ان الوسط هي الجلسه بالبيت والسالفه طولت كثير من يوم ما تخرجت من الثانويه وانا بالبيت حتى الحوش مال البيت نسيت شكله:d اما بالنسبه للشخص هو للحين ما اتصل وهو قبل قالي ما يبي يتزوج وكل يوم بالليل يتجلس مع اصحابه ..... إذا اتصل وطلع اننا نطلع ما برفض فرصه اني اعرفه ^_^ الله يحفظك اختي ويرزقك الجنه إن شاء الله اخوكي عشقي للجنة |
اقتباس:
اسف ما لاحظت ردك ....... الله يسعدنا جميعا وييسر امورنا بإذن الله تعالى شكرا مره اخرى اخوي لك الفضل والله يحفظك ويرزقك الجنه إن شاء الله ^_^ اخوك عشقي للجنة |
اقتباس:
الله يحفظك يالغالي وشكرا على ردك^_^ |
اقتباس:
بارك الله فيك المعلومه وصلا بس طبع فيني ما احب ارد اي شخص.. إن شاء الله بطلع معه وبعرف شخصيته مع انه كان محترم وكلامه رزين وإن شاء الله يظل بهالصوره حتى يوم انكون بين الاصحاب ... الله يحفظك ويرزقك الجنه إن شاء الله ^_^ اخوك عشقي للجنة |
| الساعة الآن 11:45 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©