|
ماهو المهر المناسب لكي كفتاه ؟
السلام عليكم
لي صديق ناقشني في امر و بصراحه اعطيته الكيبورد يكتب بنفسة ... لانه استشارني و قلت خلينا نعرض الموضوع على المنتدى :22: الكتابة لصديقي العزيز ابو سامي... (يا بنات يا شباب في رئيكم ... كم ادفع مهر لخطيبتي ؟؟؟ حيران بين 25000 اراه مناسب و استطيع جمعه ان شاء الله او 30000 ايضا مناسب بس صعب شوي على . بصراحه انا على قد حالي ارجو افادتي موضوع جايبلي قلق انا من السعودية مارايكم ؟ ) |
اخي انا من السعوديه و المتعارف عليه في منطقتنا المهر بين 25الف ريال و30الف ريال..ومن وجه نظري مناسب جدا
بس فيه مناطق اكثر من كذا الله يوفقك ويسعدك اختك:الحائــــرة |
على حسب المتعارف عليه عندكم
وعلى حسب استطاعتك ولو اني احس ان 25 الف قليل لو تقدر تدفع اكثر كان بها وخير وبركه ماقدرت مافيها شئ ابدااا موفق ان شالله |
انا معاك اخوي 25 الف مناسب وهوا المتعارف عليه عندنا أقصد بالعائله
ربي يوفقك يااارب |
انا من نجد والمهر من 30 الف على حسب حال الزوج
انا كان مهر 50 الف اختى مهر 30 الف والثانية 40 الف بس الاسعار الان نااااااار الان الله يوفقك ويسعدك |
الله يجبر بخاطركم
|
مع ان اللي حولنا مهورهم شوي عالية
بس احنا في حدود 25 و 30 لان العريس وراه تاثيث بيت وقاعة والله يعينه |
والله على حسب العوائل ومهورهم
البعض يطلب خمسين وستين ويعتبروه معقول في نظرهم والبعض الآخر بين العشرين والثلاثين ووالله شفت ناس ترضى بالعشرة ... واحنا مهورنا ما تتجاوز العشرين في العادة وبالتوفيق اخوي |
انا رايي نفس راي اخواتي اللي سبقوني بس ياخوي المهر اهل البنت هم اللي يحددونه والله يوفقك .
|
السلام عليكم
اولا انا من مصر و ما عندنا مهور لاننا نستخدمها في تجهيز البيت بس نكتب مؤخر في العقد اردت ان اسال فيما يتم صرف المهر اذا كان العريس سوف يجهز البيت كمان؟ و لمن يدفع هذا المهر للبنت ام لاهلها؟ ولماذا لا نحاول التيسير علي الشباب في الزواج؟ لماذا نصر بعاداتنا ان يتزوج شبابنا بالدين من اجل شكليات و مغالاه المهور؟ شكرا لكم د نبيل |
والله كثير
احنا في البحرين مايدفع هالمهر الا الدكتور اني مهري 1500 دينار يعني 15000ريال وفي ناس اقل يعني شنو بيشترون هم سياره؟ |
خطيبتي كان مهرها 55, ولكن أشوفه كثير
أشوف المهر المناسب 35000 ريال سعودي :) |
|
25 الف مرررررررره قليل ، حاول تخليها 30 معقول..
والله يسعدك ويتمم لك على خير.. |
اقتباس:
شكرا لتعقيبك اخي الدكتور نبيل |
يختلف من ناس ومن عادات وقبايل
لكن المتعارف عليه انك تعطيهم الفلوس كلها من فلوس ذهب وفلوس ملابس وفلوس امها وابوها وفلوس كل شي يعني لو تحسبها ياطوويل العمر تطلع حوالي 80000 الف لانك لو تحسب ابوها راح ياخذ 20 الف وامها 20 الف هي 20 الف والذهب بعد حوالي 20 الف مهما زاد ونقص المهر مافيه بركه واتمنى افدتكم وشكرا على الموضوع الرائع |
بالنسبه لعائلتنا
المهر المتعارف عليه 40000 والذهب داخل فيه |
اول شي ربي يوفقك ويسعدك يارب
<< عقبالنا ان شاء الله المهم يالغالي انا اتوقع ومن وجهة نظري انو الي تقدر عليه 25 رايي انو كافي ربي يوفقك يارب |
انا مهري 40000ريال ومايسوي شي
لان العادات عندنا بنجد ان حفلة الزواج على البنت يعني العريس يدفع 40000ريال والعروس تدفع اكثر وش رايكم بهالحاله |
اقتباس:
و الله انا استغرب مما يقال هنا فلم اكن اعلم كل هذا بالرغم اني عملت بالسعودية 3 سنوات ما معني ان ابوها ياخذ 20 الف و امها 20 الف ما هذا و لماذا ياخذوا كل هذه المبالغ من شاب يبدأ حياتة و هل هم يبيعون بناتهم؟ يا اخواني المفروض ان يبدأ المثقفون في تغيير هذه العادات و نحاول الستر علي شبابنا و بناتنا فما انتشار وباء الزنا و الفحشاء و العنوسة الا جراء هذه العادات البالية التي نتمسك بها تصوروا انهم في المانيا متصوريين اننا نشتري نسائنا مقابل النوق الي الان كمان كان علي ايام فليم عنتر بن شداد ماذا لو رجعنا الي ايام رسولنا الكريم لنري انه كان يزوةج المسلمين بمهور رمزية خاتم من حديد او ايات من القران و انا اعرف غلاء الاسعار و اخذ في اعتباري ما تتكلمون عنه من حفلات و لكني اريد ان اسال لمصلحة من ننفق الالاف في العرس و يبدا الزوجين حياة سد الدين ماذا لو تزوج الشباب بدون حفل في صالة و وليمة تكفي الف شخص يرمي نصفها في الزبالة الموضوع يحتاج الي وقفة صادقة مع النفس و الدين يقول اذا اتاكم من ترضون دينة و خلقة فزوجوه و لم يقل من ترضون مهره الان ما فيه بيت الا به مثقفون و متعلمون و لابد من اصلاح هذه الروح بيننا من المغالاه و القبلية في اشياء هي من المفروض انها شكليات الزواج و نترك الاصل و هو الخلق و الدين انا اخواتي البنات تزوجوا بعقد قران بدون مهر حسب طريقتنا في مصر و سافروا عرايس لازواجهم و لم يتكلف لا العريس ولا اهل العروس شيىء و جهزوا بيوتهم معا و هم الان في منتهي السعادة و اولادهم ممتازين . و انا شخصيا تكفلت بكل شيىء في زواجي و لم يدفع اهل زوجتي اي مليم نهائي و لم ادفع اي مهر فقط جهزت الشقة و هذا ليس العرف كمان و لكن انا قلت اللي معه يدفع و هي يتيمة و حتي المؤخر لا نغالي فيه الزواج هو التقاء زوجين علي كلمتة الله لتكوين اسرة صالحة تكون نواة لمجتمع صالح و ليس تفاخر و مغالاه في المهور علي كل انسان ان يدفع قدر استطاعته دون شروط ولا اجحاف لان هذه المغالاه تتسبب في مشاكل ما بعد الزواج و تتسبب في فشلة نتيجة الضغط العصبي و الديون اسف للاطالة و لكنه رأي المتواضع الذي ادعو الله ان يقنع بعض الاسر للتيسير في الزواج شكرا لكم د نبيل |
يقولون الشياب كل ماهان تبارك
ربي يوفقك ويسهل امرك |
30 او 25 زين ويعتمد على مكان الاقامه والعادات والتقاليد
فالبعض يقوول لك حنى نشتري الرجال وانت تشتري الطيب وتدفع ما يجود بخاطرك المهر هو طيبة خاطر للزوجه ولائهلها وهي عباره عينيه.... وليس بالكم يحدد اخلاق المرأه او نقصانه وعلى حسب المتعارف في الدول وفي دول ما اذكر اساميها مهورهم عاليه ويبوون زوااج ويبوون شبكه افخم شبكه وافخم فستان وافخم سياره وبيت لحاله وشهر عسل في ديره فلانيه .. ولا في العرس يبون بطاقات فخمه محد سواها وكلها دقيقه وتنقط برع .. ويبون يجيبوون كافي ماركه من برع واغرم يا زوج واخر شي تتراكم الديون على الرجال والمره تتعب نفسيتها هي والرجال ويظلوون في دوامه مالها نهايه ديون ديون ديون والله المستعان... والناس صارة تخاف تروح تخطب والسبب غلاء المهوور وكثرة الطلبات... رساله اخيتي يا من تخافين الله فأن اتاكي رجل تررون فيه دينه وخلقه زوجووه.. ولكي تتزاوج الامم الحمد الله الذي بنعمته تتم الصالحات... اخي الكريم السائل ا لعاده اهل الزوجه هم من يحددون او اذا كانو ناس دينين حيل يقولون لك انت وكرمك وانت قول وانت شوف كم استطاعتك وكرمك والمتعارف عليه في منطقتكم... وفقك الله مقدما... سلااام |
اولا الله يوفقك ويتمم على خير باذن الله زي ما يقولو ( منك المال ومنها العيال ) هههههه .. الله يتمم بخير
والله عادة عندنا في الغربية بين 25 و30 هذا المعتاد حبيبي واللي أهل جدة على وجه الخصوص يعني ماخذين عليه بس في عوايل تطلب أكثر في خمسين ومية .. بس احنا لنا بالتوسط اللي كل الناس متفقة عليه هوا 30 زي ماقلت ... يالله بالتوفيق وادعيلنا يابو سامي بس يحقق اللي براسي وأخذ اللي ابغاها .. تحياتي لك .. فيصل |
انا من السعوديه من منطقه نجد والمتعارف عليه عندنا اقل شي 40 الف وطالع والحين صاير 50 و60 والله المهور غاليه شوي انا تزوجت قبل سنتين وكان مهري 50 والسنه هذي تزوجت صديقتي ومهره 60 اول مره اعرف انه فيه احد مهره 25 او 30 حنا 30 للمطلقه
|
طيب يا اخواتي اذا الزوج بستطاعته مو مشكله لكن لو شوي تحسونه منظقط انتووو يا بنات ويا حريم
هل الكم بالمهر عندكم ينقاس على السعاده؟؟ ياليت والله بس تتبعون ما امر به رسولنا الكريم خذوهم فقراء يغنهم الله بارك الله فيكم ترا علاء المهوور ومطالع الثانيه ما يجيب نتيجه والله يوفقكم |
إيش رايكم فيه مهورر 400 ألف أو حتى 500 ألف ريال أنا سمعت عن واحد من زملائي تزوج بمبلغ زي كذا وهذا المبالغ يكثر عند الأعراب لأنه أهلها فاهمين غلط فاهمين أن السالفة بيع وشراء
الحمد للها أنها مهيب عندنا ولا كان مصيبة حنا عندنا يا أهل نجد المهر بين 40 و 50 على حسب علمي |
لا تلوموا البنات لان اكثرهم لا يستطيعون فرض رايهم على الاهل لكن انتوا يا شباب لكم اخوات فليش ما تبدون
مع عرايس اخواتكم يعني تحاولوا في اباءكم ينزلوا المهر وتقولوا انه الدين امر بذلك وانه كما تاعمل الناس يعاملوك يعني مثل ما يسرت على عريس اختك ........ اخو اللي تخطبها ييسر عليك ويقنع الوالد يا اخوان لا تلوموا البنات والله كثيرات ما يبون المبالغ هذه لكن الاهل ومن ضمنهم الاخوان اللي هم انتوا يا شباب يعني اذا ما بدا الشباب المثقف في تعديل الوضع كيف بالله راح يتعدل؟؟؟؟؟؟ ما انكر ان بعض البنات سطحيات جدا لكن المفروض اللي تشوفها سطحية ومادية تتركها والبلد مليانة بنات |
السلام عليكم..
أرى من الأمور الأساسية لإننتشار ظاهرة التحرش في الأسواق والبحث وإغواء الفتيات هو "غلاء المهور".. ماذا سوف يحدث لو تيسرت أمور الزواج في المنطقة.. المجتمع يعيش فترة كثرة العوانس وإنحراف الشباب.. ما السبب في ذلك.. مثلاً.. عندنا في السعودية.. لو نظرنا لقياس مستوى شباب أهل المنطقة الشرقية وأهل منطقة الرياض.. مباشرة.. أهل الشرقية أفضل.. أفضل من ناحية الإلتزام والوعي والمظهر.. لماذا.. لأن الزواج في المنطقة الشرقية ميسر لدرجة الضعف مقارنة بزواج أهل الرياض.. الزواج عندنا في الشرقية "أنا من أهل الشرقية" مجموع مصاريف الزواج من 60 إلى 100 ألف كحد أقصى. بعكس منطقة الرياض.. حيث يصل مجموع مصاريف الزواج إلى 250 ألف كمتوسط سعر. في المنطقة الشرقية لا يتعدى المهر 30 ألف والغالبية الكبرى 25 ألف وهو المتعارف عليه عندنا في المنطقة الشرقية.. بعكس منطقة الرياض "أعمل في الرياض" مبلغ المهر في الزواج المتواضع 50 ألف.. * رحم الله من وفق وجمع رأسين بالحلال * |
المهور هنا عندنا في السعوديه حدود ال30 الي 50 الف
|
اقتباس:
|
ياناس العادات تختلف
1- لي صديق من شمال المملكه مهر زواجه 150 الف ريال !!!!!!!!!! 2- ليس هناك من ياخذ من مهر الفتاه له شخصيا سواء الاب او الام 3- دائما العوائل لدينا تضيف من مالها الى مهر الفتاه تقريبا النصف لكي تستطيع الايفاء بملتزماتها |
المهر المناسب 50 الف.
|
مرحبـــا اخواني واخواتي ..
أنا بالأول بتكلم عن عاداتنا وأنا على فكرة من أهل الشمال بصراحة مهورنا لاتتعدى 50 الى 45 ألف والاغلبة 40 ألف وأقل . . . . . بالنسبة لك أخوي 25 ألف حلو .. أهم شي الرضا والنية الصافيه الحلوه عشان الله يبارك بالزواج ويسهل الأمور بصراحة أرحم حال شبابنا هاليومين .. يعني من وين يجيبو مهور عالية وأصلا رواتبهم يادووووب... وبنفس الوقت تجي البنت نفسها تجهز لبيتها أغراض كثير بس مهرها يادووووب يكفي فخير الأمور الوسط أهم شي الرضا والقبول من الطرفين توكل على الله أخوي وموفق إن شاء الله |
لو نبي نحسب تكلفة العروس ومقاضي العرس والخرابيط من حفله وتجهيز وكل شي
اصلا في كل مدينة من مدن المملكه صدقوني انها تتعدى 100 الف ريال التكاليف كلها الا اذ الزواج في فندق مع جناح لايتعدى التكاليف 20 الف ولا غيره احسب واحسب بالااف والله يوفق الجميع ويهدى الاباء والامهات |
مهري ومهر 4 من خواتي 25 الف بس .. اشوفها مناسبه كثير
الله يسعدك يارب هموووم |
الله يجزاكم الف خير يا اطيب ناس
|
اقتباس:
اهلا فيك دكتور نبيل ..اشكرك على تعليقك ..وبصراحة اسعدني ان فيه ناس للحين تفكر بالشباب ..لاننا والله نعاني .. يعني الواحد يشوف الفتنه وما يقدر يتحمل ..وبنفس الوقت الغلاء الفاحش في المعيشة ..والزواج عندنا بالسعودية يكلف الكثير ..الكثير .. |
اقتباس:
مئتين وخمسين الف؟؟؟ او ثلاثمائه الف هذا ماتقصده؟؟؟ الصراحه نحن عندنا المهر زي ماجا لبناتنا نعطي لبنات الناس يعني اخواتي وانا 30 الف وهو المتوسط وهذا ماندفعه مهرا لزوجه اخي لكن الارقام الا انت حاطها اذا كنت تقصدها فهذا خيالي ارحمو من في الارض يرحمكم من في السماء |
كيمو
30000 = 30 ألف 25000 = 25 ألف لم تكن لا 300000 و لا 250000 رعاك الله. |
على حسب عادات اهل خطيبتك
يعني لو بتدفع مهر اعلى من كذا مو لازم تسوي زواج لاني اشوف ان الزواج وناسته للناس فقط تخلونه زواج عائلي في بيت اهلها والفلوس اللي بتدفعها لحفلة الزواج تزيد فيها المهر لان الاشياء الحين ارتفعت اسعارها والعروس تبي كل شي ومن كل شي احسن شي فهمت علي ؟ وصاحبك خليه يقول لاهلها انا مااقدر ادفع الا 25 الف يرضيكم والا لا وفيه عوائل تشتري رجال والله يارب يوفقه |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
