|
أخواتي يطلبون مني ان أقلل من مكالماتي مع خطيبي
السلام عليكم ورحمة الله وبركاتة
أنا عندي مشكلة تعبت نفسيتي :23: منها أنا مملكة لي 11شهر وزوجي كان يكلمني مرة أو مرتين في الأسبوع والحين يتصل كل يوم وباقي على زواجنا شهرين المشكلة أن أخواتي يقولون لي لاتكلمينه كثير لانكم بتملون من بعض بعد الزواج وتصير حياتكم ملل ومشاكل وأنا بصراحة ماأرتاح الا لم يكلمني لانه رومانسي وأنا ماتعلقة فيه جدا واذا ماكلمني يوم أموت من الزعل ومرة بعدت ولاكلمتة أسبوع حسيتة بينجن يقول نفسيتي كانت تعبانة ونسيت الدنيا كلها . بس أنا اذا كلمني مرات كثيرة أحس ماعندي كلام وأخاف أني بدأت أمل وأخاف أن هذا يكون شعورة . على فكرة زوجي متزوج وعنده أطفال ودائما يقولي أنا محتاج للمشاعر والحب مني محتاج زوجة تاكل وتنام زي زوجتي الأولى وأنا رومانسيةجدا . |
صباح الخير
اهلين اختي
انا اشوف انك تسوين اللي براسك ماعليك من احد انا متملك وخطيبتي جابت لي مرض ماترد وتسمع كلام خواتها ماعندها اي احساس فيني الحين انا خلاص طابت نفسي منها ان اخذتها باخذها عشان اهلها يعني زوجه تاكل وتنام وتجيب عيال فاياعزيزتي سوي اللي تشوفينه مناسب لك ولاتكثيري مكالمات مرره والله يوفقك تحياتي لك |
لا كلميه عادي
بس شي معقول يعني مره باليوم او مره كل يومين وبحكم زواجك ما بقى الا شهرين بس من الان يكون احسن اذا وقفتوا قبل الزواج بشهر عشان تشتاقون لبعض اكثر هاذي وجهة نظرررررررررررررررررررررررر مووووووووووووووفقه يارب |
أخوي (مافي احد مثلي ) شكرا على الرد على فكرة خطيبتك مثلي خجولة والمفروض تحاول أنك تكون رومانسي معها ودايما
قلها كلام غزل ولاتزعل أنها تسمع لأخواتها طبيعي لانهم دائما حولها وأنا أخواتي كانوا يأثرون في وصديقاتي لكن هو كان مايهتم لدرجة أني طلبت منوا الطلاق من كثر ماكانوا يأثرون في وكنت متمسكة بالأمر لكن هو أحرجني بردة وقالي أنا أحبك ومتمسك فيك لاخر لحظة ومايفرقنا الا الموت بعدها راجعت نفسي لاني حسيت أني بأخسر أنسان يموت فيه علشانهم . لكن باقالك طريقة حلوة يمكن تساعدك حاول اذا عندها جوال أرسالها كل صباح مسج مثل (صباح الخير .. صباح الحب ياغالية ..صباح احساسك الطيب .. صباحك ياحياتي غير ) وأرسلها في المساء .لمدة أسبوعين بعد كذا وقف أرسال وأتصال لمدة أسبوع وشف تاكد أنها بتشتاقلك واياك تتزوج أنسانة ماتحبها حقيقي أذا مانفعت معها المسجات وكلام الغزل كلمها بصراحة أنك محتاج أنسانة تفهمك ولا كل واحد يروح من طريق وأن شاء الله تتأثر وتتغير بس تأكد الأمر راجع لك حاول وأن حاسها أنك رومانسي يالله ورين الرومانسية والله يوفقكم ويجعلكم أجمل حبيبين وما يفرقكم أنشاء الله الا الموت بعد عمر طويل . |
السلام عليكم ورحمة الله وبركاته
* * انا باقي لي شهرين ان شاء الله على زواجي وملكت من قبل خمسة شهور واذا ما كلمت زوجتي يوم احس ان عندي شي حلو ناقص. * * خذي راحتك وكلميه وشوفي وش رغبته وفي مسألة ما تكلمون بعض قبل الزواج بشهر احس انها متعبه للي يحب زوجته. * * الله يبارك لكم ويبارك عليكم ويجمع بينكم بالخير. |
مرحبا
اهلين اختي هيوفه ارسلت لين تقطعت بي السبل
واخرتها تركها ماعاد كلمت ومن فتره عرفت انها مغيره جوالها وش ذا الحيا اللي عندها يمكن قلة ادب اسميه الله يوفقك تحياتي لك |
اختي انصحك تسوي الي في راسك ولا تسمعي كلام احد
شي انتي مقتنعه فيه سويه وخلي المكالمات كل يوم بس تكون مكالمات خفيفه ومكالمه طويل مره وحده في الاسبوع حتى تشتاقون لبعض اكثر والله يوفقكم اخوي مافي احد مثلي انا مريت في نفس حالتك بس الحمدلله اتغير الحال 180 درجه صار العكس هي الي تتصل مو انا حاول انك لم تكلمها تكون مغير صوتك شوي يعني كانك مضايق وكلمها بدون نفس ولو سألتك اشتقتلي قولها بصراحه لا واذا قالت ليه قولها كيف اشتقلك وانتي ماتسألي عني من هذا الكلام شغل مخك شوي وراح تشوف مردود ولا احلى بس اهم شي لاتسكت على الموضوع وتقول انا اخذها علشان اهلها والله يوفقك يارب |
لا حبيبتي كلميه
واعرف مشاعرك الي تمرين فيها نفس الي انا امر فيها كلميه واستمتعي بمكالماتك احلى ايام ايام الخطوبه |
والله انا خاطب ليه شهر وزواجي بعد شهر واكلم كل يوم وكل دقيقه والامر والله عادي بس انتي شوفي الي ترتاحيله با الحيل وصلحيه وسيبك من كلام الغير والناس
|
كلميه ولا تسمعي كلام أحد
أن أشوف إنه مافيها شئ يعني الحين صديقاتك في الجامعه مثلا تشوفيهم كل يوم وكل يوم طالعين بسالفه جديده مثل خطيبك كل يوم بتتجدد حياتكم وإن شاء الله ماراح يكون فيه ملل لا قبل الزواج ولا بعده |
عيشي حياتك يا بنتي هذه الفتره اجمل ايام حياتك
بس ممكن سؤال زوجته الاولى هل تعرف بزواجكم؟ كم عمرك؟ لماذا اخترتي رجل متزوج؟ سامحيني يا اختي بس انا مستغربه |
السلام عليكم
اختي الفاضله\ مبارك عليكم الزواج والله يألف بين قلوبكم اختي التسلسل اللي مشيتوا فيه جدا طبيعي وهو كانت مكالمات قليله ثم زادت وهذا هو المفروض وبالنسبه ان باقي لكم شهرين على الزواج،،، ممتاز جدا ليس بالمده الطويله فتره ممتازه لزيادة العلاقة وتقويتها يااختي انت عاقله وحكيمه واكيد بأدت تفهمي زوجك من ناحية الملل اللي تقولي عنه شي طبيعي بس حتى نتغلب على الملل هناك خطوات معينه 1_اجعلي المكالمات اليوميه مرتين في اليوم قصيره جدا (يعني بالصباح او على الظهر) ( كبف الحال ؟ كيف الصحه ؟ اشتقت لك كيف الدوام كيف الاهل؟ ها حبيبي توصي شي؟ حبيت اسلم عليك) وبس اذا جيتي تطلعي مكان ( حبيبي بعد إذنك ابغا اروح للمكان الفلاني اشتيري ......ومع السلامه) والسواليف المطوله والدردشه والضحك والغزل المطول خليه نهاية الاسبوع وحلو يكون يوم جمعه ليه؟؟؟ عشان بتكون عندك احداث اربعاء وخميس وجمعه:) وتقدري تحكي فيها وقولي له ووصارحيه حبيبي نبغا يوم الجمعه يوم المكالمه المطوله نجلس نحكي فيها على راحتنا وبالايام العاديه مكالمات خطافي على السريع يعني نطمئن على بعض . وانتبهي الله يرضا عليك انك تجعلي اخواتك او صحباتك يدخلوا بينكم ولاحتى انت تحكي لهم عن حياتك ولاتنسي صلاة الاستخاره والدعاء والله يفرج همكم يارب ويألف بين قلوبكم |
لاتسمعي كلام احد ابدا .. هاذي حياتك واذا خواتك ازواجهم يملو انتي لا
انا نفسك ياختي ... صديقتي قالت لي بتملي بعدين وانا للحين الحمدلله مكالماته لي يوميا واذا هو انشغل ولا دق وانا نسيت يزعل اني ماسئلت .. وزيارته لي شبه يوميه .. انا ماقوله دايم تعال ... يدق ويقول لي انا عالباب ... ترى يختلف من رجال لرجال الله يسعدك يارب هموووم |
أختي الفاضله /
لا تلتفتي لكلام أخواتك في مثل هذا الأمر وأعلمي أنه ما دمر البيوت إلا التدخل الخارج ... |
اختى هيوفة
انا اشوف ان خير الامور الوسط خلكى معتدلة فى عدد اتصالك بخطيبك يعنى كلمية مثلا مرة فى منتصف اليوم واعرفى كل اخبارة وماذا سيفعل باقى اليوم حتى يشعر باهتمامك بة ... ولكن عدى يويمن وغيرى هذا الشىء وكلمية اكثر من مرة بحجة انك مشتاقة الية واشتقتى الى الكلام معة حتى يصبح لهذا الفعل طعم اخر ويكون هناك تغير باستمرار وكسر للروتين المعتاد... ولا تعودى نفسك وتعودية على ان يعدى يوما دون ان تكلمو بعضكما حتى لا يكون هذا الوضع هو المتعارف علية. اخى مافى احد مثلى اذكرك انة لا يليق لنا كمسلمين ان نقول مثل هذة العبارات (غاليتى او اختى العزيزة) احينا يصدر عن الشخص اقاويل لا يقصدها بكل ماتحملة الكلمة من معنى ولكن يجب الحذر من قولها حتى نتحرى رضى الله فى كل وقت ونحرص على عدم اغضابة ..جعلنا الله جميعا من المتقين. |
كلميه ياعمري انتي
ولازم تتطمنين عليه كل يوم والا ماراح يرتاح بالك و لاقلبك وماعليك من صديقاتك لانهم مايعرفون ايش شعورك وايش درجة شوقك له بالنسبه للملل بعد الزواج ياما ناس ماكانوا يكلمون بعض وبعد كم شهر من الزواج طفشوا من بعض هل المكالمات نعتبرها مقياس للملل ؟ لان انتي بيدك تخلين حياتك حلوة والا ممله سوي اللي يريحه ضميرك وعيشي هالايام لانها احلى فتره واللي مااستغلوها تندموا الله يوفقك في حياتك معه |
(العابد لله) شكرا على ردك والله يتمملك بالخير بصراحة يابخت زوجتك ماشاء الله بهذا الحب والله يسعدكم ويرزقكم بالذرية الصالحة .
( مافي احد مثلي ) صارحها بمشاعرك ناحيتها وأياك تتزوجها وأنت داخلك هذي المشاعر ضدها لانك تتعب بعدين في حياتك الزوجية . اذا كان الزواج غير قائم على الحب وأتفاهم فعدم أتممه أفضل وسامحني لو أذيت مشاعرك بكلامي . ZeRo ) _ (lover_m ) _ ( المغااادر ) _ ( لحن السعاده ) : شكرا على ردودكم الأكثر من رائعه . ( زوجة أحمد ) : زوجته الأولى : تعرف بزواجه ولا رضيت فيه الا لم قالي أنها موافقة وطلبت منه انه يعدل بينا . عمري: أن في الثلاثينات . أخترته لانه نصيبي . لاحبيبتي لاتستغربين ان كنت دائما ألوم الي تتزوج رجل متزوج لكن ظروفي والنصيب ساهمت في أختياري لهذا الشخص . ( روح الغالي ): شكرا على النصائح الأكثر من رائعة وأنشاء الله باستفيد منها . ( هموووم ) : الله يسعدكم يارب أنت وزوجك ويتمم لكم بالخير ويستمر حبكم للأبد . ( السيف المسلول ) : شكرا على الرد . ( حبيبة الاسلام ) : أنا ماأتصل عليه هو الي يتصل عليه أنا نادرا ماأدق عليه بس هو يتصل دائما أنا أرسله دائما مسجات فقط لانه دائما مشغول ولاأحب أزعجة لكن اذا فضى يتصل علي وشكرا ياحياتي على ردك الي زي العسل مثلك . وكل الي ردو على موضوعي الله يسخرلهم أزواجهم وزوجاتهم . |
نصيحتي لا تسمعين كلام حد.. اخاف تسمعين كلامهم وتخترب العلاقة من بينكم لا سمح الله.. دامكم اتحبون اتكلمون بعض لو كل دقيقه خلوكم جذيه.. والله يوفقج.. |
اقتباس:
لا .. لاتسمعين لاحد ..سوي الي ببالك والي تشوفينه صح. الله يوفقك:22: |
( ضايعه فالدنيا ) : شكرا ياحياتي على ردك الجميل والله يسعدك قولي آمين .
(نونو انا ) : ياقلبي ماتتخيلين ردك كيف أسعدني حسيت بالفرحة لاني والله العظيم أن بداية ملكة عليه وأنا نفسيتي تعبانة وكثير كنت أبكي في الليل لوحدي لاني حسيت أني أذيت مشاعر أنسانة لكن كثير قالولي هذا نصيبك وأنكتب لك وهو أنسان ملتزم ويحبني والحمد لله وأدعيلي أن الله يسهلي آمري والله يسخر لك زوجك ياعسل . |
الله يسهلج كل امورج والله يسعدج ويوفقج في حياتج ..اميين اميين اميييين
وماعليج منهم لابتتمللين منه ولاهو بيتملل منج انا يوم كنت مخطوبه زوجي كان يكلمني 24 ساعه والحمدلله لاتمللت منه ولاهو تملل مني والحمدلله مستانسين ولين الحين احس ان السوالف ماخلصت عادي عيشي حياتج واستانسي ولاعليج من حد اصلا جي بيتعود ان يسأل عنج لانه خلاص بيتبرمج والله يسعدكم يارب |
شوفي زوجك كيف يرتاح وما عليك من كلام العذال
|
حبيبتي ارجو الا تكون اسالتي ضايقتك والله ما اقصد ربنا يسعدك ويرزقك منه بالذريه الصالحه ويديم المحبه بينكما
|
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©