|
ممكن مساعدة ممن تسكن مع اهل زوجها
مرحبا ياليت تساعدونييي
انا ساكنه في بيت اهل زوجي ولي غرفة نوم وصاله وحمام وبنفس الدور الي هم ساكنين في والصراحه انا كلش مو ماخذه راحتي غرفتي طوفتها لازقه بطوفة حماتي يعني الصووت وكل شي يوصل والصراحه مرات مالي خلق حتى اسولف وتدرين دام انتي بيت حموله لازم تقعدين معاهم وهم مالي خلق البس شيله على راسي طول اليوم يكفي بره طول الوقت لابستها وهم بالبيت مليييت ولازم لابسي مو ضيج ومادري ايش يعني احسهم يدققون فلازم احط مكياج ولبس دراعه وشيله كل يووووووووووم تعبتتتتت ومليت ومن يطلع زوجي ماكل شي استحي اطلب اكل او انزل المطبخ يعني موكل مره اتغدى معاهم لان دوامتنا مختلفه والله مرات اروح بيت اهلي عشان اتعشى احس نفسي مجنونه بس والله مو ماخذه راحتي ودي اسوي اشياء مثل بحط اغنيه بجهز عشا رومانسي ماااقدر اسوي شي وانا الحين حامل بالرابع كنا مخططين من قبل على انا نسكن بشقه بس كل شي تكنسل وصار مشرووووووووووع مؤجل وموراضي على قولته ماعندي حق الاجار وواحنا مرتاحين اهني الصراحه صارة مشكله بيني وبينه على الشقه بس والله اهو موحاس فيني اهو ماتغير عليه شي لان هذي قبل غرفته وبيته بس انا ماني قادره اخذ راحتي ولالالا ني قادره افهمه واقنعه قولولي شسوي والله نفسيتي تعبانه |
المشكله اذاجاء البيبي الجديد تزيد المشاكل!!!! الكل يبدأ يعطيك التوجيهات ويتدخل بحجة عدم خبرتك..واذا كبر شوي وبدأ يكسر الاغراض ويوصخ ويكبكب يلقى اللوم عليك..(ماتنتبه لعيالها))..بس تبين النصيحه الذهبيه تحملي لين تتيسر اموركم وبيعوضك ربك خييير ساعتها طلعي حركات الابداع والرومانسيه...
|
اخيتي الكريمه هدئي شوي ولا تتضايقين وتكبرين الموضوع شوي انتي سمكن خجوله خلاص من صرتي زوجة ولدهم يعني انتي وحده من البيت ولا تتضايقين طلبي عشى عادي او نزلي سوي الي تبين من البيت ترا عادي كلش...
لا تتضايقين اختي هاذي الايام المعيشه صعبه واصبري واحتسبي الاجر لين ما ربك يفرجها ولا تشغلي هالامور وعلى ما ارى ممكن الحمل شوي يخليك متضايقه انج في غرفه و و و الخ.. ولكن اخيتي احتسبي الاجر وان شاء الله تتعدل مصاريف زوجك وتنتقلوون في بيت مو شقه بعد ولازم يا اختي تعرفين ان الحياه صعبه هالايام وسووي الي تبين في غرفتك محد يكلمك... بقولج شغله انا اخوي الكبير متزوج وساكن في نفس الدور بنفس ما تقولين ومرتاحه وماشيه حياتهم ولا بقوولج بعد يعني زوجة اخوي مسكينه بين 2 رجال في البيت والله ما اقعد انا في الصاله وعندها بنوته زي العسل وهم الحين بعد حامل والله يوفقهم ولين تتعدل الامور بارك الله فيك اخيتي لا تضقطي على روحج وعلى زوجك تحمليه وان شاء الله كلشي بيتعدل عاجل ان شاء الله غير اجل سلاام بوركتم |
اقتباس:
:22: الله يعينك |
مابعد الضيق الاّ الفرج
ودااااائماً يقال ( من صبر ظفر ) وبعدين هدّي من نفسك الموضوع صحيح متعب بالنسبة لك ومحرج ولكن والله أهون وأبسط من غيرك فأحمدي ربك على كل حال ... من حقك أن تكون لك خصوصيتك .. ومن حقك أن تحلمي ببيتك ( أنتِ ) فقط .. ولكن الواقع مختلف ويجب عليك أن تتعايشي معه بصدر رحب وإلاّ أصبحت بالنسبة لك مشكلة دائمة ومتعبة أكثر من الآن !!! مادام زوجك لا يستطيع على الأجار فنصيحتي لك لا تتعبيه بالكلام وتتعبي نفسك !! وتطالبينه مبا لا يستطيع وتحملينه فوق طاقته !! ولكن الكلام اللذي يجب عليك قوله هو : أن تخبريه برغبتك بالخروج والإستقلالية وأنك على علم بعدم مقدرته ( حالياً ) ولكنك مستعدة أن تعيشي معه تحت سقف واحد فقط ولكن يجب أن تبدأوا بالتخطيط لذلك بالإقتساط ( المادي ) لكٍ وله ... والأمر الآخر ... أنتي ذكرتي بأن لديك صالة ... رأيي لك حاولي أن تجددي بمظهرها يعني مثلاً ضعي لك بالزاوية ( أوفيس ) صغير جداً عبارة عن طاولة وكرسيين وخلفهم مكان لوضع المايكرويف وحماية الشاي، ونزلي عليها من الأعلى إضائة حلوه ... يعني عيشي واقعك " بتفاؤل "... ومشّي حالك حالك يمشي... ودلّعي نفسك!! تحياتي لك :) |
بقوللك بس كلمة وحدة ... الله يعينك
أنا حاليا عايشة نفس وضعك بس كمان يومين رايحين بيتنا وماني عارفة كيف بيمضوا هاليومين ما إلك غير الصبر والدعاء |
اكثري من الاءستغفار &واخلصي النيه لله تعالى&ومن يتقي الله يجعل له مخرجا ويرزقه من حيث لا يحتسب
|
يوجد حل لمشكلة الجوع اشتري ثلاجة صغيرة ممكن تنحط بالصالة و حطي فيها جبن لبن عصير فاكهة خضره خبز ...... الخ
حاولي النظر للموقف بصوره ايجابية مثل ان الحمدلله اهل زوجك ممكن يساعدونك بالابناء و انكي لا تتعبين بالطبخ .... تستطيعين عمل عشاء رومانسي بغرفة النوم ( شمعتين , عصير , كيكة) حاولي تغيير وجهة نظرك و دائما ادعي ربج و تقربيله عشان يفرج عنكم |
عاشقة جيتار
ياهلا وغلا فيك معنا بالمنتدى ابشري بالمساعده ياقلبي خبرة 8 سنوات وكم شهر وموضوعك سهل مافيه مشكله بس ادعيلي ربي يقومني بالسلامه وبرجع بكره ارد عليك ان شالله اذا الله احياني ولا جاتني الولاده |
الله يعينك ماعيك الا الصبر تحملي وادعي الله بالثلث الأخير انه يفتح لزوجك ابواب الرزق ويقدر يطلعك بيت بروحك انا ساكنه مع اهل زوجي بنفس البيت بس لي شقه خاصه واتمنى اطلع بس الظروف ماتسمح وهذي نصيحتي من تجربه لأنك لو اعطيتي هذا الموضوع اكبر من حجمه بتتعقدين زياده وراح تعيشيتن بنكد بس هونيها وادعي والله راح يفرجها وعليك بالإستغفار والله انه مفتاح لكل امر ويارب ييسر امورك ويحقق امانيك وامانينا 00
|
مثل ماقال االاخ مسافر .. الاكل وله حل الثلاجه الصغيره ... بس هالدنيا صعبه ياختي ... تحملي والله
يعينك.. مابعد الضيق الا الفرج باذن الله ... الله يسعدك يارب هموووم |
اختي الحبيبه احسك تكلمتي عني زوجي كان كذا
انا زوجي يقولي نسيت كيف شعرك من كثر ما البس حجابي مااااااااااااااافي حل غير انك تسكنين بروحك انا بقيت كذا لحد ما سرت شوي شوي تيجيني مشاكل وجننته بالمشاكل قلت له يصير كذا وكذا وكذا بالاخر ستسلم وطلع علشان ابطل زن على راسه وانا كنت مثلك بالطبط كنت اذا ابي اكل اروح اهلي او اطلع اشتري برى واكل علشان اريح نفسي بصراحه وعن تجربه ابقي زني على راسه لحد ما يطلعك ببيت بروحك شكلك انتي جديده على السكنه انا بقيت معهم تقريبا 4 سنين علشان كذا ما قدرت استحمل اكثر من كذا ومافي حل غير انك تطلعين على بيت بروحك وهذا من حقك وانتي ما تطلبي شي فوق الطاقه وفقك الله في رعايه الله |
والصراحه انا كلش مو ماخذه راحتي غرفتي طوفتها لازقه بطوفة حماتي يعني الصووت وكل شي يوصل
بنسبه الصوت حاولي دايم يكون المسجل شغال محاضره اناشيد بكذا صوت بيضعف والصراحه مرات مالي خلق حتى اسولف وتدرين دام انتي بيت حموله لازم تقعدين معاهم لا حياتي من قال لزم تجلسين معهم دايم من البدايه لاتعودينهم تجلسين معهم دايم خليهم يتعودون انك تجلسين بغرفتك ساعتين ثلاث مانزلتي عندهم يوم عن يوم بيصير شيء عادي واذا نزلتي خلي عمرك عاديه سوالفي واضحكي لاتنحرجين انك جالس بغرفتك مهم جائك من كلامك مع الوقت بيتعودون على اسلوبك وهم مالي خلق البس شيله على راسي طول اليوم يكفي بره طول الوقت لابستها وهم بالبيت مليييت ولازم لابسي مو ضيج ليش طول الوقت على راسك انا مادري كيف شلتك لكن انا شيلتي نفس ثوب الصلاة ولا البس الا اذا بكون امشي بالبيت لكن مجرد ماجلس بالمكان اشيله وحطه في الارض عندي مو طول الوقت على راسي يعني احسهم يدققون فلازم احط مكياج ولبس دراعه وشيله كل يووووووووووم تعبتتتتت ومليت ياقلبي انتي كوني واثقه من نفسك وهم بكيفهم يدققون براحتهم بعدين صدقيني انتي تحسين كذا والا خلاص هم يعتبرونك واحده من اهل البيت مو لزم تكوني 24 ساعه كاشخ يكفي ياقلبي الكحل والروج حتى المكياج دايم بيمل زوجك منه والبسي الى يريحك تيور دراعه مالك شغل باحد اهم شيء يكون شيء ساتر ومن يطلع زوجي ماكل شي استحي اطلب اكل او انزل المطبخ يعني هذا امره سهل ياقلبي اشتري ثلاجه صغيره وحطي فيه بعض المعلبات والعصيرات وبسكويت وكروسان الى الخ واشتري شوايه التوست وغليه كهربائيه والمكرويف الصغير التسخين اذا انتي تحبين الشاهي والنسكافيه يعني سوي بوفيه صغير بالصاله موكل مره اتغدى معاهم لان دوامتنا مختلفه احلا شيء انك ما ترتبطين فيهم دايم والله مو ماخذه راحتي ودي اسوي اشياء مثل بحط اغنيه الله يهديك بس سماع الاغاني تثير الخلايه سلطانيه في الجسم وقبل هذا حرام بجهز عشا رومانسي ماااقدر اسوي ليش الموضوع سهل كل شيء اشتريه جاهز او سوي العشاء بيت حمولتك والله شيء عادي كل شيء بيدك انت الى تقدرين تعودين حمولتك على اسلوبك صارة مشكله بيني وبينه على الشقه بس والله اهو موحاس فيني اهو ماتغير عليه شي من قال مو حاس صدقيني يتظاهر لك بس شو بيسوي اذا ظروف ضده ترضين انت على بالديون وكل ماشاف وجهك ذكر ديونه ياقلبي لا تخربين حياتك وتنكدين على زوجك انبسطي وحولي تكسبين زوجك وتكيفين نفسك مع اهل زوجك اطلعي وادخلي وتصرفي بالبيت برحتك لاتربطين كل شيء باهل زوجك الواحد مايدري كم بيعيش بالدنيا لان هذي قبل غرفته وبيته بس انا ماني قادره اخذ راحتي ولالالا ني قادره افهمه واقنعه راحتك بيدك تقدرين تأخذينه يوم تتركين الحساسيه عنك وتكيفين نفسك على العيش بيت اهل زوجك بس انتى محطه براسك البيت المستقل قولولي شسوي والله بقولك نصيحه من اختك بالله ماتريد منك غير الدعاء انا داخل على 9 سنوات عندهم وايام الخطبه كانت نفسك ان سكنا موقت مع اهله وقبلك حاولت بجميع الطرق ونكدت حياتي على نفسي وزوجي بس والله ماحصلت أي فايده بس تعب وكنت اقول نفسك ان زوجي مو حاس اخر شيء نسيت سالفه السكن وحاولت اتعود عليهم وتصرف بطبيعتي وادعي ربي بالبدايه كان يضايقهم تصرفاتي لاني كنت كل شيء مو رابطه نفسي بهم بعدين صار شيء طبيعي وصارت بين فتره وفتره اقول كلمه بطريقه غير مباشره الزوجي عن السكن الخاص والله لان هو الى صار يتذمر من السكن مع اهله ويبي يستقر ولان الحمدالله جالسين ننتظر فيلا تخلص يعني ربي عوضني بدال الشقه فيلا ملك اهم سيء ياقلبي مايصدر تصرف منك يضايق ام زوجك دايم ابتسمي له ولزم يومين تجلسين معهم لو قليلا والباقين بكيفهم مو لزم يومين تجلسين معهم وواجباتك بيت حمولتك لاتقصرين فيه اذا كان لكم ايام بالطبخ ترا أي تصرف منك بيت حمولتك يرجع التربية امك وابوك الله يوفقك ياقلبي واسفه طولت عليك |
اقتباس:
|
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©