|
للنســــــــاء فقط,,,, هل يعقل فستان يلبس لمره واحده
السلام عليكم ورحمة الله وبركاته اسعد الله مســـــــائكم أخواني وأخواتي في هذا المنتدى الجميل كم يسعدني دائماً أن أكون متواجد بينكم في تصفحي ومواضيعي فأنتم احد الوجبات الأساسيه في اليوم والذي يرادوني احساس ان هناك امراً مهم لم اقم به عندما لا اتصفح هذا المنتدى فلكم مني جزيل الشكر,,,,, أحببت ان اطرح بين ايديكم موضوعاً مهماً وخاص بالنساء فأنا اسمع أنه في الزواجات تشتري المرأه فستان بمبلغ لايقل عن الف ريال وتلبسه في زواج واحد وبعدها يكون حبيس الأدراج فهل هذا صحيح؟؟؟؟؟؟؟؟ واذا كان صحيح فهل هذا يعقل يا أخواتي العزيزات؟؟؟؟؟؟؟؟؟ أليس في هذا اهدار للأموال وتحميل الأزواج مالا يحتمل أكثرهم ؟؟ أتمنى الإجابه على هذا التسؤال وتقبلوا خالص شكررررررري |
[COLOR="Navy"][QUOTE=نايف الخالدي][SIZE="5"][CENTER]
أنه في الزواجات تشتري المرأه فستان بمبلغ لايقل عن الف ريال وتلبسه في زواج واحد وبعدها يكون حبيس الأدراج فهل هذا صحيح؟؟؟؟؟؟؟؟ نعم صحيح وفيه من تدفع اكثر من عشرين الف على فستان ولكن يختلف مو كل مرأه تلبس الفستان مره واحد انا اخر فستان شريته 2500 بالصيف ولبسته اكثر من مره واخذ مني كم بنت تلبسه وبالبسه الحد ماحلل سعره واذا كان صحيح فهل هذا يعقل يا أخواتي العزيزات؟؟؟؟؟؟؟؟؟ لو فكر الواحد بالعقل شيء يرفضه العقل بس وش الحل مع ارتفاع الاسعار والمجتمع الى ساكنين فيه مافيه حل الا بنشتري الفستان ونحاول نحلل سعره نلبسه ونعطيه زميلاتنا اذا عندهم مناسبه أليس في هذا اهدار للأموال وتحميل الأزواج مالا يحتمل أكثرهم ؟؟ من ناحية هدار الله يتوب علينا ويغفر لنا كل زوجه ماراح تشتري الا الى يناسب ظروف زوجها ومو شرط كل مناسبه تشتري له يكفي واحد تلبس اكثر من مره وتأخذ من زميلاته علشان تغير مشكور اخوي على الموضوع بس صدقني مافيه حل السوق كذا نااااااااااااااااار |
نعم هناك من يفعلون ذلك ...
لكن اصابع يديك ليسوا متساويين .... الفستان الذي يمكن يلتبس مرة واحدة مهما كان سعرة هو فستان الزفاف .... غير كذا فهو تبذير والعياذ بالله .. فقال تعالى (.................... ) [blink]* تنبيه *[/blink] ان تكتب الآيات بشكل خاطئ إملائياً هذا مخالف ومحضور شرعاً فما بالك بمن يكتبها وفق صياغته هو ... وليست كما انزلها الباري تبارك وتعالى يرجى التنبه |
نعم هذا الكلام صحيح انا عن نفسي واخواتي اشتري الفستان
او اصممه بقيمه لا تقل عن 1500ريال بمعدل فستانين في السنه ولا كن ولله الحمد لا يكون حبيس الادراج مع العلم اني لا البسه الا مره واحده ولا كن اجمعها وارسلها للمحتاجين والا يتام ولا اي وحده من زميلاتي ودها تلبسه واحيانا ابيعه.....زز |
صح اخوي الاسعر جذي
و الله يهدينا |
لفته وتساؤل مهم
بارك الله فيك ظاهره منتشره الان حتى عند الاطفال بنتي تقول لا شافوا الفستان ماابغى البسه مره ثانيه الله المستعان نقل للمراءه والازياء |
والله انك طيب يانايف
اسعاره فستان الفرح قد تزيد على 15 الف ريال هذا فعلا من السفه واهدار المال في مبادرة حلوة في بعض جمعيات الزواج باعارة الفستان بالمجان او مقابل مبلغ بسيط |
صح إنه تبذير
صح إننا نشتري الفستان على 1000 وأكثر ولكن بعلمك على قانون عائلتي :) الرائع :) أما نأجر الفستان يعني نستفيد من وراه بمبلغ :) أو نبيعة :) أو إننا نتبادل الفساتين فا يوم يصير عندنا عقد أو حفلة وما تكون لنا فرصة أو الميزانية لا تسمح نتبادل فساتينا أنا وبنات خالاتي وبنات خالي وعمي :) ومحد يعرف بشي ؟؟؟؟؟؟؟؟؟؟ لا أحد بيقول هذا فستان فلانة وهذا فستان علانه :) وبكذا نريح نفسنا :) من الفستان وإكسسواراته :) |
انا عني ما اشتري فستان الا لزواج اقربائي المقربين جدا واذا اشتريت البسه اكثر من مرة الين احلل قيمته
والمناسبات اللي من الجماعة استلف فساتين من صاحباتي وكذا اوفر لي |
اقتباس:
قال تعالى : (( إن المبذرين كانوا إخوان الشياطين )) رد الأخت ريفان يحكي الواقع ! ودمتم |
و الله انا آخر فستان خذته بـ6500 ريال و لبسته مره لعرس اخوي
و ألحين و الله موجود و ما منه فايده حتى زوجي لما شريته قال معقوله فستان بـ6500 !!<< الاخ ما يدري ان باقي فساتيني بـ8000 و 10000 و احنا للأسف ما نتبع طريقة بعض الاخوات اللي يتبادلون مع خواتهم او بنات خالتهم لازم كل مناسبه نشتري فستان و بهالاسعار المرتفعه اما اذا المناسبه كانت عرس احدى الصديقات او احد نعرفه من بعيد نشتري فساتين ارخص بـ1000 او 1500 و ممكن نكرر ارتداءه << لان هالفستان يكون ناعم و خفيف و مناسب لهالمناسبات ادعو لنا الله يهدينا:15: :d |
أختي غريبة هالكلام
هذه أسعار فستان العروس نفسها يعني لو المعازيم يلبسو بها السعر أجل إيش بقى للعروس ؟؟ بعدين أنا أشوف أغلب المعازيم صارو يلبسو فساتين ناااااااااعمة مرة أنا أخر فستان أخذته من أفخم محلات في الرياض ومسوي عليه تخفيض كان قبل التخفيض ب1950 وأبعد التخفيض والعرض الخاص ب450 والله حلو ومناسب وأنا كنت من أهل العروسة يعني مو من المعازيم والعروسة نفسها يكون فستانها بحدود ال10000 ريال وأتوقع لو أخذت فستان بالأسعار إللي أنتي تاخذيها معناته الفستان راح يكون ثقيل وكبير وفيه جبون وترتر وخرز ومتعب في المشي والتنقل وغيره أما تكرار الفستان والله أكرر الفستان إلى أن أمل منه ...ليش ما أكرر وليش أحمل نفسي فوق طاقتها مو عيب أعيد الفستان العيب أظهر بمظهر مو لي الله يهدي الجميع ومشكورة على الطرح وحلو الموضوع بارك الله فيكي |
أنا أخر فستان أخذته من أفخم محلات في الرياض ومسوي عليه تخفيض كان قبل التخفيض ب1950
وأبعد التخفيض والعرض الخاص ب450 :29: :29: :29: :29: :29: :29: لاحظتوا الفرق .... يعني كثير من اصحاب المحلات يرفعون اسعار الفساتين بشكل خيالي وهي اصلا أقل من هذا السعر وغالبيتنا يسعى لشراء الغالي رغم أنه قد لايناسب من تشتريه عند اللبس لكن تصر عليه لأجل سعره وفي الحقيقة المهم ما يناسب لا أن يكون مرتفع السعر .. وبالنسبة لي اكرر لبس فستاني أكثر من مرة وإذا استغنيت عنه أو تغير مقاسه على :25: وهو لا زال جديد في شكله فأعطيه اخواتي أو صديقاتي .. مع أني شخصيا لا آخذمنهن ولا البس ما اعطيتهن مرة أخرى ولنتذكر يا أخوات أن هناك مسلمات يردن فقط ما يسترهن فلا ننساهن .. وفق الله الجميع .. |
تحذيييييييييييير
أخواتي لا تستلتفن الفساتين من زميلاتكم أو تعطي فستانك لأحد من الزميلات ولا حتى تستأجري فستان ....أنتبهو من أنتقال الأمراض إيش تفيدك الحفلة بعد المرض .... الفستان الملبوس يحمل عرق الجسد وينتقل من فتاة لغيرها أعاذنا الله وإياكم من الأمراض ِ |
الف شكرررررررر لمن طرزوا ردودهم على موضوعي
وأراء في الأغلبيه عدم الإقتناع من هذه الطريقه في شراء الفساتين واستخدامها لمره واحده والمشكله بأسعار عاليه أخواتي ما المشكله إذا شاهدوا عليك الفستان مره او مرتين اوثلاث هل في هذا مشـــــــكله فصدقوني إن الرجال وأنا أولهم قد تنقص في نظره المرأه التي يكون هذا تفكيرها ,,,,,, وتقبلوووو خااالص شكررررررررررري |
ما أقول إلا الله يخلف علينا بس
بجد اشوف الشباب اقاربي المتزوجين يشتكون من هذا الشيء وفي واحد زوجته ما تلبس ثوب بأقل من 1000ريال يعني حاطته على الحديده الله يكون في عونه الله يرزقني بوحده عاقله بس وتعرف تقدر النعمه ألي عايشه فيها والله لا يغير علينا النعمه إلي حنا عايشين فيها |
والله اعتقد انه حتى لو اجرته الوحده واستفاد غيرها بما انها دفعت مبلغ وقدره اتعبره من التبذير والبذخ
اذا لبستي فستان مثلا بمبلغ الفين ثلاث الاف وشافوه الناس عليك احد بيدري انه بالمبلغ الفلاني بعدين الوحده ماتلبس هالفستان بهالمبلغ الا عشان تكون مميزه والله سبحانه وتعالى نهى عن لبس الشهره وانه سيحرق صاحبه بالنار ساعات فستان قماشه بمبلغ بسيط وموديل ناعم مايكلف شي احلى بكثيييير من فساتين نشوفها بالالاف الريالات الله يهدي نسائنا |
نعم حاصله وانا عن نفسي مااشتري فستان في حدود 800 الا للمقربين جدا والبسه مره وحده عند اقاربنا لكن مره ثانيه البسه بس بشرط يكون زواج عند زميلاتي يعني مو نفس المكان وبعدين اسال بنات اذا يبونه يتنقل من وحده لوحده عاااادي
وبصراحه استغرب في بنات يشترون فستان 2500 واكثر بصراحه صعبه عساني مارحت زواج وش حادني والله يهديني ويهدي بنات المسلمين اجمع وجزاك الله خيرآ اخوي تحيتي |
الحمدلله هالعاده موفيني
اشتري فستان سعره معقول واحلله ومايهمني كلام الناس لانهم ينقدون سوا الفستان غالي او رخيص والمهم مو الفستان بنظري المهم اللي لابسته |
صح فيه كثير مثل ماتقول
اما من ناحيتي انا ... اذا اشتريت ثوب جديد وعجب احد ثاني أأجره عليهم ماعندي اي مشكله اما انه يضل مكانه لا هموووم |
انا عن نفسي اشتري فساتين غاليه وامتع نفسي بلبسها لكن مو كلها يعني على حسب اللي يعجبني احيانا يحالفني الحظ واحصل فستان رخيص وحلو واحيانا القا فستان غالي وحلو وما اقاومه واشتريه يعني مب لازم يكون الفستان غالي عشان اشتريه لا المهم حلو ومناسبني وعاجبني..
لكن مسألة الفستان ينلبس مرة وحده احس فيها مبالغه بصراحه معقول الف الاسواق وادفع الاف عشان لبسة وحده؟؟ اشك ان هالشي يصير انا الحمدلله البس فستاني الى ست مرات واذا خلصت منه او قدم موديله تصدقت فيه مابيعه ولا أأجره ومرتاحه نفسيا لاني ماحب البس الا شي داخل مزاجي واذا ما كان عندي فستان حلو وعاجبني ما اروح المناسبه.. وعلى فكرة تتكلمون عن ارقام غريبه انا اقول فستان رخيص يعني الف وخمسميه ماعمري شفت فساتين تحت الالف ريال حتى التفصيل وحتى لو الفستان ناعم وبسيط والمحل عادي عمري ماشفت شي اقل من الف ريال! |
السلام عليكم
للاسف هذة حقيقه و احيانا المرء يخجل من نفسه و في تفكيره عندما يفكر ان الطقم الذي نرتديه مرة سيكون محرج لو رانا احد به للمرة الثانية ! خاصة اذا كانت تفرض عليه ظروفه ان يراه نفس الاشخاص عدة مرات في فترات قصيرة .. لكن مجتمعنا يفرض علينا بعض الامور الخارجة عن ارادتنا تحياتي .. |
مجتمعنا يفرض علينا>>>> هل معقول يابنت النيل ان تنساقي خلف
المجتمع ولو لم تكوني مقتنعه في مايعملون الف شكررر للجميع واعجبني اغلب الردود التي ترفض مبدأ الفساتين الغاليه والتي لاتلبس الا مره واحده |
| الساعة الآن 12:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©