|
احيانا اخاف من المستقبل مع زوجي
زوجي ذكي ما شاء الله وطيب معي ومتعاون لحد ما.........النقد طبع فيه اذا ماصرح الحين يصرح بعدين على اطلاع بما يجري حوله ليس غافل.........
انا اعمل وراتبي اعطيه زوجي يبني فيه الفيلا دائما شاغل تفكيري ان راتبي مافرحت فيه بأحلى عمري ويرد يقولي الفيلا لنا ولعيالنا حتى لو هي باسمي انا اعترف بتعاونك معي اخاف يجي اليوم الي انصدم فيه معه يتزوج غيري خاصه اذا تخانقنا اخاف من الصدمه معه لانه واثق من نفسه وتهمه وناسته. |
أختي لماذا لا تصارحينه بأن تسجلا الفيلا بإسمكما
ليس عدم ثقة فيه لكن لا تدري ماذا يخبأ لك الزمن على الأقل تضمنين شيء بإسمكي صراحة عني تكلمت مع زوجي بهذا الموضوع وقلت له أساهم في بناء البيت لكن يسجل بإسمنا وإذا أنا من دفعت المبلغ كامل يسجل على إسمي يعني صريحة من البداية ربنا يسهلها عليك وعلى زوجك وتسكنين فيلتك هنيأ لك وله ويرزقكما الله الذرية الصالحة المعافاة يارب |
تكلمت كثير لكن يأجل او يقولي تشكين فيني ويزعل.......ووقع شيك على بياض يقول هذا انسب حل...وانا محتاره
|
ياحبيبتي اتوكلي على الله
وإن شاء الله ماتشوفين اللي يزعلك في حياتك لا تفكيري ولا تشيلي هم مادام إنه طيب معاك ومتعاون وبقولك شي مهم يعني لو زوجك اتزوج عليك وش بيصير بالدنيا مانقدر نقول شي لأن هذا شرع الله والله لا أنا بأرضاها على نفسي ولا أرضاها على غيري بس الوحدة فينا مالها غير بيتها وعيالها سمي بالرحمن ولا تخلي هذا التفكير يطغى عليك وعيشي حياتك عااااااااااااااادي وإن جاك التفكير إنك خايفة يتزوج عليك........... قولي مافيها شي يتزوج علي عشان يطير هالوسواس من راسك سوي مثلي والله بيروح ولا عاد يجيك اسأل الله أن يكتب لك الخير والسعادة في حياتك وتشوفون بيت الملك وتعيشين فيه انتي وزوجك وعيالك وبس قولي آميييييييييييين تحيـــــــــــــــــــاتي |
والله يا اختي انت دفعتي هالفلوس عشان عيالك ومو علشانك انت او علشان زوجك
وبالتالي لا تخافين , محد راح يسكن في هالبيت غير عيالك انا اقول مدام انت قررتي من البداية انك تعطينه فا مافي مجال للتفكير في مثل هالمواضيع ( فات الأوان ) وعيشي حياتك زي ما تبين تعيشينها. تمنياتي لك بالتوفيق |
اشكر كل من رد علي والله يطمني وياكم يارب
|
أختي كم سنه صار لك متزوجه ؟؟
لو كنتي متزوجة حديثه ،، فأنتي غلطانه ،، خصوصا الرجال في هذا الزمن لا يمكن الوثوق بهم ،، وهذا البيت الذي تبنونه يجب أن يكون موثق باسمك واسمه ،، الدنيا ما فيها أمان اختي ،، بكره يبني البيت والله العالم ماذا يحصل بعدها ،، ساعديه ،، فهذا من واجب الزوجة لزوجها ،، ولكن لا تجعليه يستغلك ،، صارحيه بأن هذا البيت باسمك واسمه ،، ويجب أن يوثق ذلك في السجلات الحكوميه ،، كما يقال بالمصري (بكره تطلعي من المولد بلا حمص) لا تلوميني ،، فقد سرقني طليقي كل شيء ،، دفعت وشاركت معه في تأثيث الشقه وغيرها وللاسف اخذ كل شيء ،، فلا دليل ولا اثبات عندي بأني كنت اصرف معه !!! حذاري |
اختي الحبيبه
الاسلام كفل لك حق امتلاك راتبك وبصراحه صارت م وحده من قرايبنا وبكت دم لانها ما كتبت جزء من البيت باسمها اقلها حبيبتي خلي حوالات البنك لحسابه عندج ها حق والحق ما ينزعل منه |
سجلي ورقة شراكة بينك وبينه في المحكمة تضمنين حقك
|
اختي نصيحة
خلية يكتب لك جزء من البيت ... هو راح يزعل فترة ...وانت وشطارتك ..نسية الزعل لكن لا تنسين نفسك تحياتي |
الحق ماينزعل منه..
الدنيا حياة وموت.. يعني لاسمح الله وصار له شي وش يثبت لك حقك في البيت!! أسألي مجرب اختي .. |
اقتباس:
انا معاك اختي كل الغلا .........:22: |
اكتبيه باسمك واسمه.....
تعلمى من النساء الغربيات كل شىء يتفقوا عليه قبل الزواج وما لها و ما عليها..... اسعى جاهدة الى ذلك ولكن تحسسى الطريقة بدون ان تبدى انكى غير واثقة فيه |
تكلمي معاه بهدوء و منطق.. البيت تشاركتوا ثمنه و من حقك ان تتشاركوا ملكه.. و يكتب باسمك و اسمه.. قولي له المسأله مو مسأله عدم ثقه.. المسأله مسأله اثبات حق.. و اطلبي منه ان يتخيل كونه مكانك (يعني يدفع بالبيت و يكون باسمك انتي فقط) اكيد بيرفض مع ان وضعه مضمون حتى لو انكتب باسمك (يعني ماراح تتزوجي عليه وتسكني رجال بالبيت) اعرف دكتوه بالجامعه كل راتبها تعطيه لزوجها يبني فيه بيت و تزوج و سكن زوجته الجديده في البيت و هي للحين في بيت ايجار.. والله صارت زي المجنونه كلامها و حركاتها مو طبيعيه.. محد يضمن الدنيا و المستقبل في علم الغيب.. لازم الواحد فينا يحاول يضمن المستقبل باللي يقدر عليه.. هذا زوجك و ابو عيالك و في عيونك لكن اطلبي منه هالطلب و قولي له إذا لي ذرة غلا في قلبك اكتبه باسمي و اسمك و عطيه من الكلام الزين و ان شاء الله يصير خير.. |
| الساعة الآن 06:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©