|
ساعدوني أنا عروس تعيسه .. وزوجي بااارد وجاف معاي
السلام عليكم ورحمه الله وبركاته ....
خلااااااااااص ماقدر اتحمل .... تعبت .... ومن كثر معاناتي قلت لازم اتكلم ولا راح اجن ... والله حاسه اني بصير مجنونه ...... مجنونه بسبب تصرفات زوجي معاي ... يمكن ألاقي حل عندكم يا اخواتي ويا اخواني .... ساعدوني ربي يجزيكم خير الجزاء ... ابغي نصايحكم .... ودعـــــــــــــــــواتكم .... أنا متزوجه من 4 شهور تقريبا ... في بداية الزواج كان زوجي مختلف انسان رقيق معاي .. وخصوصا في السفر ... وبعد مارجعنا البلاد تغييييير نهايئا ... صار بارد .. من بعد 3 اسابيع من الزواج .. حسيت نفسي محرومه ... من أشياء كثيره .. محرومه من الكلام الحلو اللي يكون بين كل اثنين متزوجين محرومه من الحركات اللي تعبر عن الحب والشوق والرغبه .... يعني مافي بوس ولا احضان ... محرومه حتى من حقي الشرعي .... حياتي ممله ... روتين قاتل ..... زوجي يروح الدوام ويرجع العصر ينام شوي وأول مايصحى يلبس ثيابه ويطلع عند اصدقائه ويرجع بالليل .. وهكذا .... كل يوم نفس الموال ..... ما يحس فيني ... ليته على الأقل أول مايرجع يحضني يقول لي انه اشتاق لي ... حتى ابسط شي ما يسويه .... قلت اذا هو ما بدأ بالكلام والحركات الحلوة خلني أنا أبدأ يمكن يتعلم مني ...مع اني استحييييي لكني تشجعت .. صرت يوم اشوفه قاعد اجي واقعد جنبه ... واحط راسي على كتفه واحظنه .. واهمس له بكلمات حلوة اقول له اني احبه .... واني مشتاقه له .. ابعث له مسجات حب وشوق وهو في دوامه .. قبل ما يطلع من البيت اركض ابوسه ويوم يرجع البيت يشوفني لابسه أحلى لبس .. وحاطه أحلى ميك آب .. وكل مره اغير من اللوك ....(والحمدلله أنا جميله وفيني مواصفات اللي كل رجل يتمناها في زوجته) صرت ادخل مواقع للمتزوجين وآخذ افكار علشان اسعد زوجي فيها ... اسويله مفاجآت أرتبه له قعده حلوة أو أكون طابخه له طبخه يحبها .... ومع ذلك ما أحس اني حركت فيه ذره احساس .. مشاعره جامده .... حتى الطبخه اللي اطبخها ما يجاملني وياكلها .. قلت يمكن طباخي مب عاجبه لكن استغرب يوم اسمع كلام المدح من قرايبه .. ليش يتصرف بهالطريقه معاي ..!!! حتى وقت النوم .... مايقرب مني ..... ما احس انه يرغب فيني ... من شهرين ماقرب مني ... كل ما أحاول أقرب منه احس فيه يبتعد عني دائما يتحجج بكلمه (( تعباان )) .. شهرين تعبان ؟؟؟ معقوله في رجل ما يرغب في زوجته طول هالمده ؟؟ شكيت في نفسي .. قلت يمكن فيني شي مب عاجبه ... اهتميت اكثر بنظافتي الشخصيه .. وبشكلي .. خلى ثقتي في نفسي وجمالي معدومه ... صرت أسأل صديقتي .. ((أنا فيني شي؟)) ودايما تقول لي ((ماشالله عليج كامله والكمال لله .... ربي يهدي زوجك وعساه يقدّر النعمه اللي ربه عطاه اياها )) قلت بصبر ... ماعندي غير الصبر ... وصرت كل ليله اتجمل أكثر وألبس قمصان نوم مغريه أكثر وبجميييع الأشكال مع اني استحي كثير لكني احاول اتغلب على شعوري بالخجل .. وأحاول اسوي له حركات مغريه ... حتى اني مره تجرأت ولمست عضوه .. وكل اللي ألاقيه منه هو البعد عني .. ومرات احس به جااامد مايتحرك ولا يبادر بأي تصرف .. يجرحني كثير ببروده وخصوصا برفضه ... ((وعلى فكره هو كل ليله ينام بعيد عني ويعطيني ظهره .. وهذا الشي اللي يذبحني كل يوم )) والله كل ليله اصيييييح ... ماعرف شو اسوي ... احترت مااعرف شو اسوي ... أحس اني زوجه بالأسم فقط .... حياتي مافيها مشاعر ... وماعتقد في حد يتحمل يعيش حياة خاليه من أحلى مشاعر ... مشاعر الحب والدفء والحنان ... واللي هي اهم شي في الحياة الزوجيه ..... من كثر ما اكون محتاجه للأحساس بحنانه وحبه .. أحاول آخذ منه الحنان يوم يكون نايم ...اقرب منه ابغي احس بدفاه ... أحضنه .. واتصدقون ... حتى وهو نايم يبتعد عني ....شو هالقسوه ؟؟!!!!! حاولت اصارحه لكن ما قدرت ... احس اني ما اقدر اكلمه وجها لوجه .. فقلت بكتب له رساله ...... وكتبت له رساله أوضح فيها مشاعري ورغباتي .... عصب علي ... استغربت ليش يعصب ويزعل مني ... مع اني ماكتبت شي يزعل ... احترت كيف اتصرف معاه ... صارلي معاه موقفين صعب انساهم طول حياتي ..... الموقف الأول صار بيني وينه زعل .... بسبب عدم اهتمامه فيني .. اقصد طلعاته كل يوم عند اصدقائه وأنا ما يفكر يطلع معاي اي مكان أو حتى يسألني اذا كنت محتاجه شي ((حضرتي اثاث في البيت ... ماله اي احتياجات واحاسيس ومشاعر)) ... طبعا يوم شفته يتلبس علشان يطلع صارحته وكنت اتكلم بأسلوب هادئ .. : خلك معاي .. واذا خاطرك تطلع طلعني معاك .. أنا تضايقت من القعده بروحي بالبيت ... اهتم فيني ولو شوي ... عطني من وقتك اليوم ..بس اليوم خله لي أنا ... طبعا ما اهتم وطلع .... زعلـــــــــــــــــــــت .... ويوم رجع بالليل وشافني زعلانه قام هو زعل ... ولا حاول يراضيني لو بكلمه طيبه ..... اتخيلوا .... يسمعني اصيح جنبه وهو لا تأثر .. معقوله مافيه احساس لهالدرجه ؟؟؟؟؟؟ ونام ولا كأنه صاير شي ....... وأنا ؟؟؟ حالتي يعلم بها رب العالمين ..... احس اني مخنوووووقه .... ومرات احس اني ميته ... لدرجه اني ما احس بدقات قلبي ..... الموقف الثاني : كنا بالغرفه ... خليته قاعد مكانه يشوف تلفزيون ... قمت ودخلت غرفه الملابس .. ناديته من بعيد ..... وطليت براسي من غرفه الملابس وأنا كلي خجل وابتسامه على وجهي .... قلتله : لابسه شي بس استحي منك ... اتوقعت انه يجيني ويسحبني من مكاني ... لكن كل اللي سواه .... خلاني مكاني وطلع برا الغرفه ... قلت يمكن يرجع انتظرته ساعه ولا رجع .. بدلت ثيابني وانسدحت على السرير وأنا اصيح وقلبي محرووووق منه ..... ما اعرف شو اكتبلكم بعد هذي اشياء بسيطه من ظمن اشياء ثانيه كل يوم يسويها ويجرحني فيها ..... ماقدر اكمل ..... ما اشوف شاشه الكمبيوتر من الدموع اللي تارسه عيوني ... كل اللي ابغيه منكم دعوة صادقه من قلبكم .... وعذرا |
لا حول ولا قوة الا بالله العلي العظيم
لا اعرف كيف يمكن له ان يكون معك بارد لهذه الدرجة طيب انتي تقولين انكم لما كنتم خارج البلد كان تمام معك ولما ررجعتم انقلب عليكي والله كلامك احزني كثير اختي ليه ما تكلمينه وتسالينه عن السبب الي خلاه يصير هيك معاك مافي دخان من غير نار اكيد في سبب وممكن احد عامل له شي كل شي بصير حاولي تقراي سورة البقرة كل ثلاث ايام في بيتك واقراي الرقية الشرعية كل يوم وحاولي تبتعدي عته شوي مثل مو هو عامل معك وشوفي شو بتكون ردة فعله واكثري من الاستغفار كل يوم وادعي في كل وقت صلاة بان يصلح الله لك حال زوجك وان يؤلف بين قلوبكما اللهم اامين حاولي في البدايةان تحلي المشكلة بنفسك واذا استمر على هذه الحالة اخبري احد من اهلك بمشكلتك ليتكلم معاه الانسان بيتزوج ليعف نفسه عن الحرام حسبي الله ونعم الوكيل |
مالك إلا المصارحه .. والمصارحه شي طبيعي جدا بين الزوجين
وإياك أن تتركي الدعاء في جوف الليل الله يفتح عليكم وينور بينكم,,,,,,,,,,,,,,,, |
اقتباس:
ردك اسعدني كثير .. راح خذ بنصايحك ... وشكرا على مشاعرك الرقيقه .. |
اقتباس:
واشعر اني لو تكلمت بحرف واحد سأنفجر من البكاء ولن استطيع ان اكمل ... شكرا على مرورك اختي بنت الشام ... ودعائك .... الله يسمع منك ... |
في هدي الحاله دخلي اهلك في الموضوع لانه راح تتعبي [I]ويجي يوم وتنفجري وهذا موزين عليك ابحثي عن الحكيم من اهلك حتى يحاول اصلاح الامور والله يهديه ويسخره لك وعليك بالدعاء والصلاة في اخر الليل واستشيري اهل الاختصاص
|
لا حول و لا قوة إلا بالله
أختي قليلا من الصبر .... و صارحي زوجك بكل اللي فقلبك قول له كل الكلام اللي كتبتيه و قولي له ترى إلي يسويه لا يرضي الله و لا رسوله ... و حاولي دايم تقرأي قرآن و تدعين ربك و أشتري شبه و شببي البيت قبل المغرب كل يوم ... و الله يقدم اللي فيه الخير و يصلح بينكم دعواتي لك أختي |
اقتباس:
ولا اعتقد ان هناك احد من اهلي استطيع الاعتماد عليه من هذي الناحية ... شكرا اخي الحارثي1 على مشاركتك الطيبه ... ودعائك الصادق .... |
اقتباس:
لا أعلم شي في كلامك اراحني ... جميل ان يكون هناك شخصا يحس بآلامك ويهتم بك ويدعو لك ... شكرا لك وعلى اهتمامك ... شكرا |
hاخيتي
الكريمه لا تضايقين روحك ان هاذه المسائل تتكرر في ايام الزواج الاولى صارحيه اخيتي ولا تكتمي على زوجك فهو زوجك وكلميه وقولي له ان هاذه الاشياء مضايقتني كذا وكذا بارك الله فيكم واتم زواجكم بالرحه والطمئنينه بوووركتم |
اقتباس:
وصارلي كم يوم وأنا أجهز الكلام .... لأني خايفه ما اعبر عن مشاعري صح .... وخايفه اجرحه ... وربي يعطيني القوة على اني اصارحه .. وشكرا على المشاركه الطيبه .. فعلا ريحتوني ... ربي يريحكم دنيا وآخره |
ياحياتي عليكي حبيبتي (قاسي علي ّ)
طيب أنا بعض الأيحان أحس بنفس الشئ وأحس إنه بعيد عني وما عاد يقول كلام حلو ولما يكلمني يكون قااافل فالوحده تحس نفسها راح تنفجر هذا وانا مملكة بس كيف لو كنت متزوجة .... طيب بس بعد ما قرات كتاب (الرجال من المريخ والنساء من الزهرة ) عرفت إن للرجال تجيهم حاااله يطفوا يعني يحبوا الوحدة ومايحبوا إن احد يكلمهم .....انصحك ياعمري إنك تشتري هذا الكتاب وتقرأيه تلاقيه في مكتبه جرير .........صدقيني راااح يفيدك ...........هذا حل وممكن تشتري كتاب (فنون غرف النوم ) وتهديه لزوجك يمكن يفهم إحتياجاتك ..................وأخيرا أنصحك ياعمري داااايم تدعي بأن الله يفتحلك في قلب زوجك أدعي بأسم الله ((الفتاح )) وقولي ياااااااااااافتاح أفتحلي في قلب زوجي ............ الله يسعدك يااااااااااااااارب ويفتحلك في قلب زوووجك يااارب آآآآآآآآآآمين تحياتي |
ياودود ياودود .. ياذا العرش المجيد .. يافعال لما يريد .. اسألك بعزك الذي لا يرام وملكك الذي لا يضام وبنور وجهك الذي ملأ أركان عرشك .. أن تصلح زوج اختيقاسي علي وتهديه لها
واكثري من الاستغفار جربي تستغفري 3000 مررررره انا مجربة |
اقتباس:
بارك الله فيك وادام الراحه بينكم اللهم امين بوووووووركتم |
اختي الكريمه بصراحه قريت كامل موضوعك وبصراحه شي عجيب خصوصا لما كنتم خارج البلاد غير ولما وصلتو البلاد انقلب وصار غيرررررررر ممكن انك سويتي شي قدامه وهو ماارضاه وانصدم منك ممكن فيه موضوع يدور براسه وماهو فاضي لك ( بس هذا مايبرر يخليه كل هالمده يهجرك لو انه آآآيش ) هجرانه لك مو عبث قابليه وكلميه بالوااااقع اللي انتم عايشين فيه صارحيه باللي جالس يسويه معك لاتترددين صدقيني اذا ترددتي ضاع حقك ويمكن تموتين قهر وانتي ماعرفتي وش سبب ابتعاده عنك قابليه كلميه صارحيه ناقشيه خلاص دامك سويتي له كل شي وماطلعتي بحل سوي عكسه حاولي انك توصلين لقلبه اكيد فيه موضوع بقلبه اتجاهك ومنصدم منك هجرانه لك مو عبث صدقيني انه موووووو عبث اكيد بقلبه حاجه ولا مايهجرك ويتغير عليك من بعد ماجيتو للبلاااااااد خيتوووووووووووو الصراااااحه رااااحه والحقيقه ماتوصلين لها الا عن طريق الواااااقع اللي عايشين فيه ومثل ماقلت لك سوي عكس ماكنتي تسوين وشوفي الحل بنفسك ولاتدخلين احد بينكم حاولي انك انتي بنفسك توصلين للحل من دون ماااحد يتدخل بحياتكم الله يوفقك ويسعدك بحيااااااتك لك ارق التحاياااااااا واعذبهااااااا اخـــــــــــــــــــ طوفان الاشجان ـــــــــــــوكـــ |
اقتباس:
اشكرك من قلبييييي على كلامك الرقيق ونصايحك الحلوة ... بجربها وان شاء الله تنفع ... ربي لايحرمني منكم ... |
اقتباس:
سبحان الله وأنا أقرأه بدأ المؤذن بأذان الفجر .. الله يستجيب دعائم اختي ... ويسعدك دنيا وآخره ... آآآمين اختفظت بالرابط ... اعجبني كثيرا ... شكرااااا لك .... مرورك اسعدني |
اقتباس:
شكرا |
اختي الغاليه ..في هذا الوضع لابد من المصارحة..
الله يهدي زوجك ..ويعينك.. اختك:الحائــــرة... |
[QUOTE=طوفان الاشجان][COLOR="Blue"]
اختي الكريمه بصراحه قريت كامل موضوعك وبصراحه شي عجيب خصوصا لما كنتم خارج البلاد غير ولما وصلتو البلاد انقلب وصار غيرررررررر (( أنا فكرت يمكن يكون مل .. وخصوصا انه مايحب يطلع للمطاعم أو للسينما أو حتى نمشي في اي مكان كتغير ... كل ما اقترح عليه نروح مكان يتحجج بأي شي بس المهم ما يطلع معاي )) ممكن انك سويتي شي قدامه وهو ماارضاه وانصدم منك ((أبد ما سويت شي ... متذكره كل لحظة قضيناها .. بالعكس كان فرحان حتى بعد مارجعنا البلاد بيومين وبعدها بدء الشغل ... من بعدها تغيييييير .. أنا قلت يمكن بسبب الشغل علشان جذيه تحملت ... لكن معقوله يكون طول هالمده ؟؟؟ )) ممكن فيه موضوع يدور براسه وماهو فاضي لك ( بس هذا مايبرر يخليه كل هالمده يهجرك لو انه آآآيش ) هجرانه لك مو عبث قابليه وكلميه بالوااااقع اللي انتم عايشين فيه صارحيه باللي جالس يسويه معك لاتترددين صدقيني اذا ترددتي ضاع حقك ويمكن تموتين قهر وانتي ماعرفتي وش سبب ابتعاده عنك قابليه كلميه صارحيه ناقشيه خلاص دامك سويتي له كل شي وماطلعتي بحل سوي عكسه حاولي انك توصلين لقلبه اكيد فيه موضوع بقلبه اتجاهك ومنصدم منك هجرانه لك مو عبث صدقيني انه موووووو عبث اكيد بقلبه حاجه ولا مايهجرك ويتغير عليك من بعد ماجيتو للبلاااااااد خيتوووووووووووو الصراااااحه رااااحه والحقيقه ماتوصلين لها الا عن طريق الواااااقع اللي عايشين فيه ومثل ماقلت لك سوي عكس ماكنتي تسوين وشوفي الحل بنفسك ولاتدخلين احد بينكم حاولي انك انتي بنفسك توصلين للحل من دون ماااحد يتدخل بحياتكم (( ان شالله راح أحاول أصارحه واني اوصل لحل بدون تدخل حد .... شكرااااا على اهتمامك بموضوعي .. وشكرا على دعواتك الصادقة ... ربي يسمعها منك ..... ولك مني كل الاحترام والتقدير ...)) الله يوفقك ويسعدك بحيااااااتك لك ارق التحاياااااااا واعذبهااااااا اخـــــــــــــــــــ طوفان الاشجان ـــــــــــــوكـــ |
اقتباس:
حااااولت اصارحه بس ماعرف ليش احس لساني مربوط .. ما اقدر اتكلم ... بس ان شاااااء الله اقدر اصارحه خلال الأيام الجاية .. ان شاء الله .... وشكرا على دعواتك اختي .. شكراااا |
اقتباس:
بس زوجك ماراح ينفع معاه الاالصراحه لانك حاولتي معاه ومالقيتي فايده.. معليش حاولي واستجمعي شجاعتك وصارحيه.. اختك:الحائــــرة |
أنا متزوجه من 4 شهور تقريبا ... في بداية الزواج كان زوجي مختلف انسان رقيق معاي .. وخصوصا في السفر ... وبعد مارجعنا البلاد تغييييير نهايئا ... صار بارد .. من بعد 3 اسابيع من الزواج ..
اشرحي لنا وضعه اكثر في السفر.. هل كان يشرب ؟؟؟؟؟ هل كان يغيب عنك فترات ؟؟؟ انا صاحبتي بداية زواجها كان زوجها بعد الرجوع من السفر :19: لا يطيق رؤيتها لو الحديث معها .. ودائما خارج البيت ... وعصبي .. ويزعل على اتفه سبب .. ولايطيق الحديث .. وقالت لي انها لاحظت انه يأكل كميه كبيره من الشوكولاته بجنووون .. قلت لها احذري من يحاول التخلص من الآدمان يرغب بأكل الكثير من الشوكولاته .. لانها تحوي ماده تريح الجهاز العصبي .. بحثت واستقصت .. وواكتشفت انه كان مدمن على الشراب والحشيش .. وفي فتره السفر كان متوفر لديه وحاول بعد الزواج ان يتركه لذلك اصبح متوتر .. لايطيق العلاقه الحميمه .. |
اقتباس:
اشكرك اختي الغالية على طيبة مشاعرك ... وفعلا ما ينفع الا الصراحه ... راح أحاول أخليه يطلعني أي مكان وأجلس معاه جلسه هادئه كلها صراحه .. ربي لايحرمني منك يالغالية .. |
اقتباس:
الرسبشن يسأل عن الرحلات ..... بس ما توقع كان يشرب .. لأنه يرجع لي عادي مثل ما هو ... لكن يوم رجعنا البلاد .. زادت طلعاته .... ومرات ألاحظ اسلوبه بالكلام مختلف مش زوجي اللي اعرفه .. لدرجة اني شكيت انه ممكن يكون شارب .... مب عارفه كيف أتأكد لأني ماعرف كيف ريحة الخمر .. اشم ريحه غريبه مرات فيه لاكنها مخلوطه بريحة العطر اللي يرشه بكثره وهذا اللي خلاني اشك أكثر لأنه بفعلته هذي واضح انه يحاول يخبي شي .... وفعلا هو ياكل شوكولاته كثيييير ... حتى انه يصحى الليل يدور بالأكياس على الشوكولاته ... ولما اصحى الصبح اشوف اكياس وعلب فاضيه من الشوكولاته جنب السرير ... .... شو اسوي اذا كان يشرب ... .... كيف اقدر ابعده عن الشرب ..؟؟؟ |
اختي
لا تخلين الشيطان يدخل بينكم ويوسوس لك بأن زوجك انسان غير مهتم فيك وانك زوجة تعيسة. اخاف ان تطيحين بايادي احد الشباب الهاجين بالدردشات وتجيبين العيد. انصحك تشوفين نفسك وش مخطئه فيه وتتحملين زوجك شوي. وياليت النساء يبطلون شكاوي بطعم ومن دون طعم ..\ |
عفوا
نقل للمتزوجين |
اقتباس:
ما سمعنا عن احد يطيح في المواقع الأباحيه .. والبلاوي الزرقاء غير انتو يالرجال .. شايف انه هجره لها مشكله من دون طعم ؟؟؟... ليه هي مو من حقها ان تشعر انها متزوجه وتستمتع بحقها الشرعي .. والا هذا لكم انتو يالرجال بس .. واذا لقيتو تقصير .. على طول خربتو بيتكم ورحتو تزوجتو الثانيه .. المفروض من بعد ماسمعت وقراءت .. ما تكون لك الجراءه انه تتهم المراءه بأسائة استعمال الأنترنت .. لأن هذا تخصصكم .. الي شاطريين فيه .. ومطالبتكم على الطالعه والنازله بحقوقكم االشرعيه .. ما تخليك تعترض على طلبها وزعلها لان زوجها ما يعطيها حقها الشرعي .. |
أختي أولا كما ذكروا الاخوة لا تنسي الدعاء والاستغفار والصلاة والرقية الشرعيه ،،
ثانيا لا تدخلي أحدا من أهلك ،، فهذا خطأ ترتكبه الزوجات ،، حلي موضوعك بنفسك ،، ثالثا صارحيه ،، ربما هناك شيء يجعله يتهرب منك ويكون بارد معاك ،، اسأليه ،، ما به ؟ ولماذا تغير ؟ واخيرا ،، ابتعدي عنه قليلا ،، اعطيه فرصه أكبر لأن يقضي وقته لنفسه ،، ربما هو من النوع الذي يحب أن يعيش حياته بنفسه ولم يتعود على مسئولية وجود زوجة في حياته مجبور أن يهتم بها ،، والله الموفق |
اقتباس:
وعمري ما أفكر أخون زوجي لأنه هو كل همي واهتمامي ... وانا ما اشتكيت فالشكوى لغير الله مذله ... أنا سجلت في المنتدى هذا بس عشان افضفض شوي وقلت يمكن ألاقي حل من الأخوات والاخوة .. وحتى لو مالقيت يكفيني منهم الدعاء الصادق ... ولو سمحت ما في داعي للأسلوب هذا ... |
اقتباس:
وشكرا للنقل ... بس داخ راسي وأنا أدور الموضوع :) |
اقتباس:
شكرا على وقوفج معايه واحساسج بمشاعري يالغالية ... ربي لا يحرمني منك |
اقتباس:
لاكن لا حياة لمن تنادي .... أصلا هو دائما بعيد عني ... فترة شغله طويله .... ما اشوفه كثير ... دائما ابرر له افعاله ... لكن الى متى ؟؟ والصبر له حدود .... وان شالله ربي يفرجها ... كل اللي اطلبه منكم هو الدعاااء لي ... لاتنسوني من دعواتكم ... وشكرا |
أختي .......................................... يارب لا تحرمني
شفيتي غليلي بردك والله قلتي الا بقلبي يعني معقولة بعد كل ما قرأ يزيد يتهم الاخت بأنة هي المقصرة الله يهدية بس الأخت صاحبة الموضوع حبيبتي الظاهر في مشكلة هو واقع فيها عشان كدا صاك عنك اصبري ماتقصري في شيء معة بل عاملية بالي يقدرك الله علية وصدقيني بيرجع لك أحسن وحاولي تصارحية بالأمر وتراقبي عن بعد تصرفاتة الله يهدية لك ويرجعة احسن من اول قلبي معك في امان اللـــه |
اختى ربنا معاكى وان شاء الله ربنا يهدى زوجك انا رأى من رايهم كلهم اللى سابقونى
بس عندى رأى تانى طنشية زى ماهو مطنشك يمكن يكون هو بيعمل كدة علشان شايفك ملهوفى علية ولما يلاقيكى طنشتية ومش هامك يرجعلك هو ويطلب منك انة............................... ان شاء الله مشكلتك هاتتحل ويرجع يحبك زى الاول واكتر |
1-هل زواجكم كان تقليدى
الفترة الى قبل الزواج هل فهمتيةوفمك من كلامك وواقع تجربة انكم تفتقدون للتفاهم فيمابينكم والتواصل لاتفهمينى غلط ولاكن من كلامك استشف عدم راحتة فى البيت من الوادم نوم العصر بيخرج واليل يرجع لينام هل عرفتى طبيعت شخصيتة وعدم الراحة فى البيت ليس بتقصيرمنكى ولاكن تأكدى اشدالتأكيدبأنةيفتقدشئ ما في حياتة ولاكن انتى من يجب ان تغير مسارحياتة مبين عليك رومنسية وحساسةجداً لاتيأسى ولايشعربأن غيرة قريب منك حتى ولوميبن عدم اهتمامةولاكن تأكدى بأنةيلاحضك ويرا ماتقدمينةلة اتمنى لكى حياة سعيدة كلهاحب,,, |
اختي وحبيبتي وضعك مهو سهل وماهو طبيعي
مشاعرك صادقه وطبيعي ان تحسين بالألم وجميع ما ذكرتي لاكن في خضم هذه المشاعر حاولي ان توجهينها الى اتجاه اخر وهو فهم هذا الزوج والذي واضح من كل ماذكرتيه انه لا يرغب بك طيب ايش الي يجبره على الاستمرار معك ؟ فيه شيئ غير مفهوم وغامض حاولي ان تفهميه في هذا الانسان لا تنصدمي من ردة فعله لاتحبطي من مواقفه لانك اذا وصلتي لهذه المرحله لن تصلي الى نتيجه اصلح الله احوالك وتذكري انه ياما كان فيه قصص يكون فيها الزوج او الزوجه ما تقبل الثاني ومع مرور السنين تتحول الحال |
يمكنه ضعييف جنسيا
|
الله يعينك و يفرج كربك
|
لفت نظري هذا الرد منك ولابد أن نكتشفه أكثر لا ما كان يشرب ... مدة سفرنا تقريبا اسبوع .. وتركني مرتين وحدي بالفندق .. على اساس انه رايح الرسبشن يسأل عن الرحلات ..... بس ما توقع كان يشرب .. لأنه يرجع لي عادي مثل ما هو ... لكن يوم رجعنا البلاد .. زادت طلعاته .... ومرات ألاحظ اسلوبه بالكلام مختلف مش زوجي اللي اعرفه .. لدرجة اني شكيت انه ممكن يكون شارب .... مب عارفه كيف أتأكد لأني ماعرف كيف ريحة الخمر .. اشم ريحه غريبه مرات فيه لاكنها مخلوطه بريحة العطر اللي يرشه بكثره وهذا اللي خلاني اشك أكثر لأنه بفعلته هذي واضح انه يحاول يخبي شي .... وفعلا هو ياكل شوكولاته كثيييير ... حتى انه يصحى الليل يدور بالأكياس على الشوكولاته ... ولما اصحى الصبح اشوف اكياس وعلب فاضيه من الشوكولاته جنب السرير ... .... شو اسوي اذا كان يشرب ... .... كيف اقدر ابعده عن الشرب ..؟؟؟ لي عودة مرة أخرى لنرى سوية حل لهذه المشكلة عندي عزيمة أخلص منها وأتفرغلك أسأل الله أن يهدي لك زوجك دمتي بحفظ الرحمن تحياتي |
| الساعة الآن 03:04 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©