|
غدا الشوفه الشرعيه وقلقانه.
السلام عليكم ورحمة الله وبركاته أنا عضوة بالمنتدى معاكم من زماااان . . يمكن شاركت مرة أو اثنتين اليوم أحتاج نصائحكم لي لما وجدته من حسن مخاطبتكم ونصحكم لأعضاء المنتدى تقدم لي خاطب (حسب كلام الوالد) فيه مواصفات الكل يتمناها والوالد مرتاح لهم كثير كثير يمكن يظهر لكم أن رأيي فيه مش واضح وذلك لأني كنت مشغوله جدا بدراستي لأن هذا آخر تيرم لي وأتخرج من الجامعة عشان كذا معتمده على الوالد في كل شيء خصوصاً إنه عارف شروطي مسبقاً كل اللي سويته إني طلعت على أهله لما جو يشوفوني بأبهى حله ولله الحمد ولكن المهم هو غداً لأنه سوف يأتي بنفسه لكي يراني (رؤية شرعيه) فماهي توجيهاتكم لي؟؟ معلومات مهمة: بتكون زيارته بعد المغرب بوجود والدي فقط أبغى أعرف كيف ألبس؟؟ أقدم له شيء أو أدخل دقيقة وأطلع؟؟ علماً بأن هذي أول شوفة شرعية لي أنا أصغر وحده من أخواتي الكبيره فيهم ما طلعت على زوجها لأنه قريب لنا والثانية طلعت عليه بعد الملكة والثالثة طلعت عليه قبل الملكة لكن كان قريب لنا (ولد خالتي) يعني كلهم كان الوالد واثق أنهم راح يتزوجون لكن بالنسبة لي أنا حتى الوالد متردد وخايف وهذا واضح عليه لأنه علل بالولد لين قال بس <<< مسكين خخخخخخخ وبس لحظة لحظة بأقولكم شيء أنا للحين ما نمت من الهم والخوف مدري كيف أتصرف!!!! الاشراف: تم تعديل العنوان ليناسب النص |
الف مبررررررررروك مقدمااا
ويااختي لاتشيلي اي هم خليكي طبيعيه على الاخر وعادي دخلي عصير وسلمي طبعا مو باليد واجلسي خمس دقايق وامشي واذا سألك عن شي عادي جاوبي على قد سؤاله والله يوفقك يارب ولاتنسى اختي تصلي الاستخاره |
الله يكتب لك الخير ويوفقك انشاء الله .. ولا تشيلي هم خلي الامور عادي .. |
ان شاء الله ربي يبي ييسر أمرك
الله يوفقك ويكتب لك الخير :) وخليك طبيعيه جدددددددددددددداُ |
نور الأوطان zero روز السعودية شكراً لكم طبيعية << ما ظنيت أبد مع أني أحس نفسي متوترة جدا جدا مدري كيف بيكون الأمر أحس صعبه علي أطلع على رجل غريب :25: |
الله يتمم على خير وهذا ترى شي طبيعي قاعده تحسين فيه كل البنات يمرو فيه مع انه زوجي ماشافني الا بعد الملكه لكن برضه كنت متوتره حبتين نصيحتي لك ياعزيزتي خليكي طبيعيه قد ماتقدري ولاتتكلفي في اللبس اوالميكب حتى يراكي على طبيعتك والله يوفقك يارب
|
الرهبة اول ما تدخلين بس لكن اذا جلستي وتكلم معك او مع ابوك بترتاحين وبتسولفين بعد :)
اهم شي انتي لا تحطين في بالك خوف وقلق بالعكس اقنعي نفسك انها سهله ولا تخوف ولا شي كلها خمس دقايق وبتطلعين وماعيك الا العافيه ان شالله.. غريب قلق ابوك من الرؤية الشرعية تراها حق للخاطب والمخطوبة يعني حتى انتي لازم تطالعين.. واستغرب ان فيه احد يتزوج وحده مايعرف شكلها بهالعصر؟ لا تلومون الشباب اذا تزوجو اجنبيات اجل! فيه شخص يكتب عقد على وحده ماقد شافها بحياته؟ وين قاعدين حنا ولا بايام الرسول هالشي ما كان يصير !! |
الحارثي1
الله يسلمك ويخلي لك زوجك البحلة بالنفس أبوي قلقان لأنه خايف إذا صار رفض مني ينحرج مع الرجال أو رفض منه فيخاف على نفسيتي تتأثر وبس |
الف مبروك مقدما وعاااادي لاتتوتري ولا شي ونامي عشان يصفى لونك وترتاح بشرتك حطي قناع على وجهك نشا ومويه ورد ولا زبادي ولا اي من الاقنعه المعروفه وبعدين تجهزي وان كان بتحطي كحل وروج خفيف جدا او مرطب يعطيك منضر بس يعني مش ميك اب والبسي لبس مايكون فضفاض عشان يشوف جسمك ومو ضيق مرره يبين كل شي يقول بعدين هذي شكلها ماتستحي 0000
ودخلي له عصير وامشي رافعه راسك وراخيه عيونك واجلسي شويه واطلعي وبس سلامتك الله يتمم لك بخير انتبهي لاينكب العصير عليه وتصير فضيحتك بجلاجل واااااااااااااااااااااو فشيله بالله انتبهي تحياااااتي |
الله يوفقك
مرحله وتعدي قدمي عصير يهدوء واجلسي شوي وروحي واذا سألك ردي بأختصار واذا ما سألك عادي للمعلوميه ترى الرجل يتوتر مثل البنت واحيانا اكثر فلا تضني انك انت القلقه بس اسأل الله لك التوفيق حاولي تنامين زين |
السلام عليكم
عروستنا ان شاء الله قريب:14: اختي الفاضله استهدي بالله وتوكلي على الله واكثري من الدعاء والاستغفار لاتنسي صلاة الاستخاره من هذا الوقت الين قبل دخولك عليه كل ماحسيتي بقلق قومي توضي وصلي واستخيري واطلبي ربي واكثري من الدعااااااااااااااااء ( ربي اشرح لي صدري ويسر لي امري) ( فوضت امري اليك يالله فأنت حسبي ووكيلي) ( حسبي الله لا اله الا هو عليه توكلت وهو رب العرش العظيم) وان شاء الله ربي مارح يخيب ضنك ابدا بالنسبه لدخولك عليه خليك هاديه وصلي واستخيري اول ماتدري ان دخل البيت قومي صلي واستعدي بالدخول عليه طبعا لاتنسي تحصني نفسك قبل الدخول ادخلي من غير اي شي بيدك >>>> انا كذا طريقتي :) سلمي واجلسي بحيث انك تكون جنب الوالد عارفه ليه بحيث انه اذا جلس يتكلم هو والوالد يكون وجهه عليك وعلى الوالد فما يضطر يحرك راسه كل شوي او انه يجلس يتكلم مع الوالد وانت تكوني من الجهه الثانيه وماتشوفيه ماادري فهمتي عليه او لا المهم خليك جالسه جنب الوالد وهو قدامكم واجلسي عادي ان شاء الله تجلسي ساعه اهم شي تتأكدي وتطلعي من المكان وانت متأكده من انك شفتيه لاتعملي مثلي دخلت وطلعت سألتني اختي الكبيره ها شوفتيه؟؟؟ قلت لها لأ ماشفته:( طبعا عصبت عليه قالت لي ترجعي مره ثانيه وراحت نادت اخويه وقالت له غير الجلسه بحيث ان ام سعود تقدر تشوفه والله من غير مبالغه قوم الرجال واختار له المكان ولما جيت اجلس ناداني اخوي وخلاني اجلس قباله وبدأ اخوي شوي يسأله وشوي يسألني :23: طبعا اسئله عامه عن دراستي وكليتي>> كنت ايامها ادرس وانا اجاوب عادي المهم عشان ابن الناس يسمع صوتي ويصير يقدر يطالع فيني وبعدين لما اخوي بدأ يسأل العريس قدرت انا ذيك اللحظه اتفحص الرجال عادي وبرواقه وطلعت من نفسي يعني تقولي اخذت 45 دقيقه:) ولاتشيلي هم ابدا بالعكس الموقف جدا بسيط اصلا ماتحسي بنفسك كأنك طايره بالجو مثل الحلم:) واخيرا دعواتنا لك بالتوفيق والسداد وراحة البال والفرج القريب وان يختار لك الخيره الطيبه ويشرح صدرك ويفرج همك حصنتك بلا اله الا الله |
لازم تنامين علشان تبينين حلوة وقمر
ولا تخافين صلي استخارة قبل لا تدخلين وادعي ربك ييسر لك الخير وادخلي عليه بكل ثقة وكوني على طبيعتك من غير تكلف ولا بأس ان بدأ عليك الحياء فالشيء طبيعي الله يكتب لك الخير يالغلا وخبرينا وش صار معك . |
اقتباس:
الف مبروووووووك ياقلبي ... والله يعينك وييسر امووورك ياااااارب ... بالتوفيق حبيبتي ...:22: :22: |
مثل هالموقف لاينسى طول العمر..حتى لوتذكرتيه مستقبلا يجيك رهبه وخجل...
|
اقتباس:
أول شيء أسأل الله سبحانه وتعالى أن ييسر أمرك اذا كان خيرا لك ثاني شيء وانا اخوك ليه ينحرج لا أحراج ولا شيء الخاطب وابوك ما عملوا شيء (يقطع الوجه) بالعكس شيء عادي الله يوفقك |
الله يوفقك يارب ويكتب لك الخير
وإن شاء الله تبشرينا بزواجك قريب وبالنسبه للشوفه خليك طبيعيه جدا وأختي روح الغالي ماقصرت الله يوفقها. أهم شي تنامي وترتاحي وتطمنينا عليك بعد الشوفه:d |
عادي جدا
خليك على طبيعك ولا تمثلين. وقولي لنفسك انا كذا قبلني اهلا وسهلا ما قبلني كمان اهلا وسهلا اهم شيء انا راضية عن نفسي. لا تنسين حطيها حلق في وذانك وان شاء موفقه يا عروسة |
[QUOTE]
اقتباس:
وعليكم السلام ورحمة الله اقتباس:
اقتباس:
اقتباس:
اقتباس:
اقتباس:
اقتباس:
وبعدين إيش الحكمه من فرض النظرة الشرعيه !!! لاتخافين مافيه شئ إذا رفضك بالعكس الحمدلله أزين من إنه يأخذك بدون إقتناع ربي يسهل لك ويوفقك يارب وبس اقتباس:
اقتباس:
ياحبيبيتي لا تخافين إن شاء الله كل الامور بتسير على مايرام طمنينا عليك |
النصيحة الوحيدة إلي أقدر أقولها:
لا تستعجلين في الخروج اجلسي أقل شي 10 دقايق وإن حصل بعد العشر دقيق يسأله أبوك هل اكتفيت لا يقول بكرة ماشفتك زين . وأنتي شوفيه ترى لك حق مثله في إنه يعجبك أولا ولك حق بعد الرؤية تقبلين به أولا ، بس لا طيرين عيونك فيه اسرقيي النظرات سرق . وبعد هذا كله سوف تنسين اشباهه بعد ساعة من الخروج من عنده ، وهذا مجرب . أسأل الله لكي التوفيق . |
شوفي ياعزيزتي
البسي تنورة طويلة وبلوزة ساترة ومخصرة مبينة جسمك شوي00 وحاولي تلبسين الوان تحليك وفكي شعرك وسشوريه ولاتنسين يديك ورجولك تدهنيهم بالكريمات خليهم ناعمااااات ولاتتعطرين لأنه يعتبر رجل أجنبي000 حطي كريم اساس مسحة بسيطة جدا للتصفية بس او بودرة وكحل جوا عيونك ومسكرة وروج او لمعة عشان يعطي انوووووثة وجزمة ماهي عالية عشان يبين طولك الصحيح وصلي ركعتين وادعي ربك فيهم دعاء الاستخارة وقبل ماتدخلين عليه اقري المعوذات وادعي ولاتدخلين بيدك شي يمكن من الربكة تطيحينه:d ادخلي وقولي السلام عليكم بصوت واطي واجلسي قباله خليه يشوفك عشان اذا اخذك يكون ماخذك عن اقتناع تام اجلسي دقيقة الى دقيقتين واطلعي حاولي عيونك بالأرض وجلستك معتدلة ورزي نفسك شوي00 واذا سالك أي سؤال ارفعي راسك وردي وشوفيه ترى عادي من حقك والله الشوفة تخوف شوي بس مايخالف لحظات وتعدي إن شاءالله يارب ان كان فيه خير يكتبه لك زوج وان كان فيه شر يصرفه عنك موفقة |
سلام عليكم ورحمة الله وبركاتة
حببتى عليكى بصلاة ا الاستخارة وادعى الله ان يوفقك للخير .واذا كان فية خير ليكى يسهل الامور واذا كان فية شر يبعدة عنك ويكتب ليكى ولهذا الشخص الخير . حببيتى لا تقلقى نفسك وتتغطى على نفسك زيادة بالتوتر حتى لا يظهر عليكى وترتبكى ...... حببتى خليكى هااااااااااااادية ...... كل الامور بأذن الله ومشيئتة ستعدى على ما يرام لانك مصلية صلاة استخارة ومتوكلة علية وان شاء الله يكتب لك اللى فية الخير .... اما بالنسبة لامور الشوفة الشرعية اعزورينى فانا لا استطيع انصحك فيها لعدم خبرتى لكن ان شاء الله الاخوة الاعضاء الله مايقصروا وينصحوكى ويفدوكى....... توكلى على الله حببتى وادعية ان ييسر امورك ويكتب ليكى اللى فية الخير. وان شاء الله الموضوع القادم ليكى تكتبية فى عالم المقبلين على الزواج ياحبيبتى اذا كان الله عز وجل كاتب ليكى الخير في هذا الزواج. وطمنينا عليكى. |
ربنا ييسرلك طريق الخير
|
ربنا ييسرلك طريق الخير
|
لفتة انتباه
اهلا اختي
ربي ييسر لك امورك وتوكلي دايما على الله بس حبيت الفت نظرك لشغله وابيك تحطيها حلقه بودانك ان هالنظرة هذي بتترتب عليهااشياء ممكن ايجابيه وممكن سلبيه وهذا الشي من الطرفين يعني كوني حاطه في بالك ممكن موافقه وممكن رفض سواء منك او منه لان هذاالشئ صار لي وانحطيت في نفس الموقف وبعدها تعبت نفسيتي كثير هذي مجرد لفته الك وربي يكتب لك اللي فيه الخير تحياتي |
شكرا لكم جميعا حبايبي
راح أحكي لكم وش صار معي وصل الرجال ع الموعد تماماً وأنا كنت متجهزة وخالصة وأسولف مع الوالده وأختي علشان ما أشغل تفكيري بشي ثاني وكانو يعلقون علي وضحك وسوالف المهم . . رجع الوالد من المجلس وقال: تراني خليته يصب لنفسه القهوة والشاهي !! مسكين الرجال خخخخخخ الوالد الله يحفظه كبير بالسن وكان معتمد على اثنين من أخواني الشباب لكن واحد راح المعهد والثاني انحاش من البيت ورجع له المجلس مره ثانيه . . بعد عشر دقايق قال: يا بنتي هاتي العصير والجاتوه أنا طبعاً كنت رافضة أدخل بشي بس ماما أصرت بقوة وزعلت علي << عز علي زعلها وقلت والله ما يسوى خل أرضيها هذي الوالده ع العين والراس المهم . . حملت لي أختي صينية العصير وقالت: يالله شيليها وادخليها أخذتها واتجهت للمجلس << يا ثقلها هذيك الصينية كأني شايله اسطوانة غاز خخخخ كان المكان اللي جالس فيه استراتيجي << كيف؟؟ جالس بجنب الوالد في رأس المجلس قدام الباب على طول يعني بيشوفني على طوووول وصلت عند الباب وسلمت ولما جيت أحط الصينية ع الطاوله قال الوالد: قدمي لنا عاد !! أنا انصدمت بقوة أخذتها واتجهت له وقدمتها له وهو صار يقدمها لأبوي << مره يصب له شاهي وقهوه ومره ومره يقدم العصير مسكين من أولها مكروووف والصدمه الثانيه جت من الوالد لما جيت أجلس<< كان يقول: هذي هي قدامك بشحمها ولحمها طالع فيها لما تشبع !! عاد هو ما صدق خبر على طوول التفت علي وبسرعة حتى إني ارتبكت صراحة عقبها جلست دقيقتين وطلعت لما رجعت عند أختي قالت: والله إنك ما أخذتي إلا خمس دقايق !! ليش رجعتي بسرعة؟؟ بس كانت هالخمس دقايق عندي كأنها خمس سنوات من طولها طبعا أنا شفته أول ما سلمت وبس عقبها ما قدرت أرفع عيني عليه أبداً أول ما أسمع رده علي بالقبول أو عدمه راح أبلغكم دعوااااااااااااااااااتكم لي بالتوفيق والحين بأروح أكمل مذاكره عندي اختبار بعد ساعتين وأجدد شكري لكم وأقدر لكم توجيهاتكم |
الله يوفقك ويسعدك
|
اقتباس:
الله يوفقك حبيبتي للخير واهم شي الاستخاره في رعايه الله |
الله يوفقك يارب
|
الله يوفقك ويسعدك
ان شاء الله تتم الامووور اخيتي على خير وانتي لك الحق تشوفينه ولو بالامكن تسئلينه لو تبين وتشوفينه الله المستعان بوووركتم |
اختي انصحك قبل لا تدخلي ان تقولي
بسم الله الرحمن الرحيم وجعلنا من بين أيديهمسدا ومنخلفهم سدا فأغشيناهم فهم لايبصرون واقري آيةالكرسي حالوي تطلعي الصدقه اليوم ارسليهامع اخيك او والدك صلي ركعتين تدعين الله بتيسير امورك لا تستهين بهذه الأمور نصائح اخرى لا اعرف ماذا اقول لكي لان ضربت رقم قياسي ولا احد تقدم لي ولا شافني ولا شي بس ابتسمي هذا ضروري وخلط حبوبه بالتوفيق ولا تنسيني من صالح دعواتك بالزواج خاصه اليوم الأثنين ترفع الأعمال |
بالتوفيق يا اختي بالتوفيق
مدري ليش فرحتلك بزيادة ههههههههههه تحياتي |
الله يكتب فيه الخير نصيحه العصير يكون في كاسات واسعه حتى ماينكب ويكون اسهل لك في الشرب
|
مشاء الله يحلييييلك سمسم قلقانه بعد تذكرت زوجتي وهي جالسه قبالي رايحه وطي من الحيا يبي يجلك زيها بس تحملي لاكن ادعي ربك وبعدين تذكري عقب زواجكم تبي تطيح الميانه يعني ما اقول فلي ابوها لاكن عادي ادخلي وسلمي عليه سلام عادي من غير مصافح ولاتتكلمين اذا سالك جاوبي وبس واذا خذتي فتره بيقول لك ابوك قومي او يمكن يسال خطيبك بيقول له خلاص شفتها زين اذا قال ايه استأذني وقومي وربي يوفقك
اخوك / امير الشوق909 |
اولا الله يـــــــــــــــــــــوفقك ويسعدك ويسخر لك يارب
أنا مدري ليش ياقلبي حاسة من البداية من أول ماقرأت موضوعك حسيت إنه راح يكون من نصيبك وبعد مارديتي وطنتينا عنك حسيت بزياده بقبولك نتظر ردك ياقمر الله يكتب لك الخير |
"مره يصب له شاهي وقهوه ومره يقدم العصير مسكين من أولها مكروووف"
هههههههههههههههههه وهو وين يلحق يشوفك ولا يضايف ضحكتيني الله يبسط ايامك . والله اني حاسه فيكي مريت بهالموقف يوم الخميس بس مختلف شوي الله يعين ويكتب الي فيه الخير.. عاد ما اوصيكي على مايرد هو كملي استخاره ومشاورات مع الأهل والسؤال عنه بأدق التفاصيل من طبع وأخلاق وكل الي يهمك اسئلي عادي لأن هالشي رح يساعدك بقرارك خلي اخوانك ينبشوله بحارته وبالمسجد وبمكان عمله انا خليت اخوي يشوفه بمسجدهم من بعيد لابعيد قبل تحديد يوم النظره ولا رد هو خذي راحتك بالرد لا تستعجلين الى ان ترتاحي تماما ...وبقولك شي بيني وبينك لاحد يسمع "اذا وافق ماطلي انتي بالرد..يعني دبلي المده الي بيردلك فيها اثقلي وخليه شوي يحس بقلق " كلا احنا يالبنات توتر وقلق والقلب يردح من يوم مايجينا خبر بيوم النظره الى ان يتحدد العرس. عسى الله يقدملك الي فيه الصلاح ويتمملك على خير وكل بنات المسلمين..آمين يارب |
الله يوفقك يارب وينجحك وييسر لك أمورك
أهم شي الإستخارة يا غالية وبإذن الله خير يارب طمنينا عليك أسأل الله أن يكتب لك الخير ويسعدك يارب تحياتي |
ربنا يوفقك حببتى ويكتبلك اللى فية الخير ليكى.
يلة ان شاء الله لو فية خير ربنا يسهلك امورك ويوفقك ياااااااااارب. يلة ياقمر عشان نبارك ليكى ان شاء الله. |
الله يوفقك ولاتنسي الاستخارة
ذكرتيني بايام الشوفه والله ايام الوحده ماتفدر تنساها |
مبروك اختي والله يوفقكـ ..
.. بس حاولي ما تعطينا جميع التفاصيل ماعتقد زوجك راح يرضاها حتى لو كان على سبيل الاستشارة .. |
اقتباس:
شدعوووووووووووة ؟؟؟!!! :30: داخلة على جني هي ؟؟ :24: صراحة أغرب رد شفته !! "فأغشيناهم فهم لايبصرون" !!! يااختي هذي آية قرآنية لاتطلق على أي شي جزاف !! وبعدين كيف يعني تبين الرجال ينعمي ولايشوفها :rolleyes: عجب :25: |
| الساعة الآن 03:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©