|
زوجي مايحترمني
السلام عليكم
انا عضوه جديده بالمنتدى وعندي مشكله انا متزوجه من فتره قريبه حوالي 5 شهور وزوجي ماخذتنه عن ع حب وعلاقه طوالها سنتين تقريبا احس انه زوجي مايحترمني ابدا مع انه يحبي بشكل جنوني واذا يانديني يناديني يالهبله او الغبيه او بنت الاهبل واذا عصبت عليه او كلمته في على هالموضوع يقول يمزح قلت ماابي مزاحك هذا ويترك عن فتره هالسالفه ويرد يرجع لدرجه قمت احس اني فلا هبله وغبيه وياما ياما يجرحني بكلامه ومشكله ثانيا اخر فتره حسيت انه مايحب يبوسني بالمره لين ماقالها لي انه مايحبيبوسني سألته اكثر من مره ليش وكل مره يتهرب من الجواب واخر شي يقول انه ماعنده نفس واني البوسه تعني لي واجد حاولت افهم انها بالنسبه لي شي اهم حتى من الجماع بس بعد ماي فايده قلت يمكن في عيب قمت احط معطر فم على طول او اكل علكه مافي فايده ومن قبل كان على طول يبوسني وعلى طول يغازل شفايفي وللحين يغازلهم بس ماادري لي ما يحب يبوسني مااادري اذا اكثر الرجال عندهم هالخصله قلتلطلب رايكم |
بالنسبه للكلام الي يناديك فيه تكلمي معاه باسلوب حلو ان هذي ماهي طريقه انسان متعلم ومثقف وفهميه انت لمن تنادين بهذا الكلام مارح ارد عليك عندي اسم معروف
بالنسبه للبوسه مادري اهتمي في نفسك اكثر وفي نظافه اسنانك احسن مع الوقت رح يتغير اكثر |
سوى نفسك زعلانه منه واتصرفى معاه عادى بس من ورا قلبك لحد مايجيلك ويسألك مالك ساعتها اسمحى لمشاعرك بالانطلاق وابكى فى حضنه وقوليله اللى مزعلك
|
هبله!
ليش ان شاء الله لا يا اختي لا ترضينها تراها ابدا مو حلوه بحقج اما البوسه فيا حبيبتي قوليله بالفم المليان بلاش اصلا انا عافتها نفسي شكله زوجج حابب يقهرج ويستغل نقطة ضعفج |
راحو رجال الهيبه وجو رجال الخيبه
الله يهديه لازم تحطيله حد لان صدقيني بكرا يجو اولادك على الدينااا ويسمعو ابوهم يناديك كدا هما كمان ما يصيروو يحترموك اذا ناداك كدا لا تردي عليه واعمل نفسك مو شايفته ولا هو اصلا في الوجود الين ما يتعدل بجد شي يقهر وعسى عمره ما باسك انت استعملي معاه سياسة التطنيش صدقييني تجيب نتيجه 5 شهور كدا بيسوي فيك اجل لو صارو 5 سنين |
غريبه كيف تسمحي له يناديك بالالفاظ هاذي ،،
ازعلي منه وعامليه بطريقه جافه لما يناديك كذا ،، اما بالنسبه للبوس ،، حاولي تتقربي منه وادلعي ،، يقولو ذكاء الانثى ،، صراحه لا اعرفه كيف تتصرف الانثى بذكاء ،، لكن ربما تقدري ،، الله يوفقك |
اقتباس:
بالاضافة الى ما قالوه اخواتي يمكن هو متعود على هذه الحركاته مع ربعة ايام العزوبية لكن هذا لا يعطية الحق انه يستخدمها معك انت لا تسكتي على هذا الطبع وان شاء الله مع الوقت راح يتعود على عدم استخدامها معك ربي يهديكم :) |
اقتباس:
لاتعليق!!! واضح شايله على الرجال.. |
شكله بحب يستظرف معك طيب ماتجربي انتي تحكيلو نفس الكلمات وشوفي ردت فعلوه عشان يحس بمعنا كلاموه
|
يرجع لتعاملك معه , قد تكون أنتي سلبيه , فيتعامل معك بسلبيتك , فعادة الرجل
يتعامل مع زوجته بأسلوبها , فهل أنت تفعلي الذي تطلبينه منه ؟ |
عزيزتي يمكن هو متعود عند اهله هذا اسلوبهم مع بعض يعني مع اخواته لكن مع هذا لابد ان تصارحيه في الامر ولاتقبلي بان يناديك الا باسمك او يدلعك قولي له بانك تزعلي جدا وحتى لو مابينتي انك تشيليها في خاطرك واخبريه عن الاولاد مستقبلا كيف يتعلمو ان يحترموا بعضهم البعض او يحترموني انا اذا لم نبدا بتغير انفسنا الان فمتى نبدا وبعد كذا اذا ناداك بالسب لاتردي الين يعرف اذا قال ماسمعتي قولي الااسمعك بس مادري تكلم مين انا اسمي فلانه
وايضا اتفق مع الاخ رادع في الاسلوب انتبيهي لنفسك اخشى ان تكوني سلبيه او بد ائيه في كلامك 00 ومن ناحيه التقبيل اساليه لماذا يتهرب وانتبهي احيانا تكون الرائحه من الاسنان واحيانا من الانف واحيانا من البطن واحيانا من السان حاولي ان تفرشي اسنانك ولسانك باستمرار واكشفي على نفسك ربما فعلا تكون هناك رائحه وانت لاتدري مما جعلته يتغير وينفر تدللي له وتلطفي معه في الحوار والاسلوب وتذكري ان الين والرفق ماكان في شئ الازانه ومانزع من شئ الاشانه اعانك الله والله يهدي لك زوجك امين تحياااتي |
..........................................
عفوا اخي الفاضل .. يرجى الالتزام بمسار الموضوع الاساسي .. وبإمكانك توجيه اي تساؤل لك في قسم الرسائل الخاصة .. |
يناديني يالهبله او الغبيه او بنت الاهبل
يغلط عليك وعلى ابوك وساكته له ؟؟؟؟ اذا راح تسكتييين تأكدي انه ماراح يوقف عند هذا الحد وراح يزيد ويتمادى .. ووقتها راح تنوحيين و تقولييين انا صبرت وسكتت وتحملت وبرضو ما قدر وما تغير ... وانت كان في ايدك تحطيين حد للموضوع من اول يوم سمعتيه يقول الكلمه هذي .. |
بسم الله اشرايك اذا انتى اللي تبدين بالزينة ؟؟ اقصد .. اختاري انتى اسماء حلوة وابدي اطلقيها عليها وناديه وابعثلي له مسجات بها الغالي - تاج راسي - انت رجل بمعنى الكلمة وخلي اخر شيء بالمسج (( معذبتك / الاميرة ---- او الحلوة ----- )) احس انه رح ينحرج شلون انتى تناديه باحس الاسماء وهو لا اما سبب انك تسمين نفسك بالمسجات عشان هو يعرف ولاشعوري رح يناديك بهالاسماء ------- موضوع رفضه انه يبوسك فسامحيني انا سمعت فوزية الدريع تقول ان اللي ما يبوس يعني ما يحب ادري كلامي ثقيل بس انتبهي ليش يناديك هكذا وليش يرفض يبوسك ؟ خليك هاديه وماسكه اعصابك وبحكمتك اسحبيه مرة ثانية لك ولحضنك ورجعيه حبيب لك ابتعدي عن العتب نهائي ودايما تخيلي ان له حبيبه ثانية تدلعه وتسمعه احلي الكلام وما تعصب عليه ولا تعاتبه ----- اشرايك لو تنافسين هالحبيبة الخيالية ودايما تكون في بالك عشان لما تعرفين ان في احد ينافسك ع زوجك رح تخلينه ملك - ولما يصير ملك رح يتغير بإذن الله |
هل طبقتي بعض الافكار المطروحة ؟
|
هاي الالفاظ استخدمها زوجج بس مو معناتها ان يعنيج فيها من كثر حبه لج ويبي يمزح معاج تنطلق اي كلمه من حلجه بس حاولي تتناسينها ولا تكبرين الموضوع وخلي في بالج الكلام الحلو الي يقوله لج ولا تنسيييييييه
اما عن البووسه فأحرميه منها شوفيه شلووون يجي متلهف لج يبي يبوسج على كلامنا احنا ( كل ممنوع مرغوووب ) والله يهديه ان شاء الله ويهنيكم ويسعدكم |
الرجل عادة يتصرف بناء على سلوك الزوجة
والافضل ان الزوجة تنادي حبيها وزوجة بكلمات راقية وثانيا انتى ذكرتي انك تزوجتية بدون حب هل تريدين الحقيقة هذا الصح عادة الذين يتزوجون ولهم علاقات حب وغير ة قد والله اعلم يكون بينهم اختلاف في وجهات النظر الله يوفقك لكل خير اخوكي اخصائي نفسي |
حبيبتي عزي نفسك واسفهيه انا مثلك اذا زعل تلفظ علي وصارحته وصار في كل مشكله يتقصد يجرحني لكن ان سكتي بيحس بفشيله داخله وهذا دليل على احترام نفسه
|
مشكورين على مساعدتكم وبالاخص الاخت غافله حسيت نصائحها وايد مفيد
بس للأسف من عقب يوم من كتبت الموضوع في المنتدى صاره بشكلخ وقام يطنز علي ويدعي علي وتركه ورحيت بيت اهلي والحين راح ننفصل بصراحه مومستوعبه الي قاعد يصير قاعده امر بازمه راح اصير مطلقه وانا توني داشه العشرين الشهر الي طاف اتمنى منك انه تعدعون لي محتاج لدعاء أختكم ألم |
,والله بدري مره على هدي التصرفات وانت ماوضحتي كيف تتعاملي معاه اذا كنت راميه نفسك يعني بالبلدي مندلقه عليه بعض الرجال ماينفعلهم هذي الطريقه طنشي ولا تعطيه بال تراهذي الطريقه تموته قهر ولاعليكي فيه اذا جاكي يطلب رضاكي خليه يولي عاد بلا دلع رجال وجع احس ان ارتفع ضغطي
|
يااختي ليه كلميه او اهلك يكلموه يشوفوا اش فيه وليه كذا الي قاعد يسير واش في نفسه اكيد اكيد في داخله شي لاتزعلي مني خلاه ينفر ويبعد طالما انه كان يحبك من اول ياريت تقولي له يصارحك لكي بما في نفسه لكي تحاولي تغيير الامور اسال الله لنا ولك السلامه اعانك الله على مبتلاك ولكن حاولي ان تفهمي الاسباب حتى اقل مافيها لاسمح الله لو حصل مالايحمد عقباه ان تتفاديها لو تزوجت مره اخري
تحياتي |
اقتباس:
الله يعطيكي العافية والله مبسووووووووووووووووووط من ردك وهذا الرد يكفى شكرا اختي الغافلة سابقا الان الفاهمة |
اقتباس:
من الغلط انها تكبر الموضوع وتدخل طرف ثالث في الموضوع كدا بتتعقد اكثر وما راح تنحل |
اقتباس:
احترام الرجل لانسبائه امتداد لاحترامه لزوجته لكن مع الالفاظ هذي تدل على انه لاحترام لديه بالنسبه لموضوع القبلات فاعتقد تتركيه وراحته "مش حلوه بوسات بالعافيه" |
اقتباس:
يرحم والديك. عز الله نصحتيها نصيحة مخلصة. |
ياقلبي..
شكلك تحبينة مررررررررررررررة ومتعلقة فية طووول الوقت حطي ببالك ان الرجال يملووون ويحبون الثقل... "الثقل صنعه" الحين لاتعطينة بااال طنشية ولاترضين له ابد يناديك بالألفاظ الغير مستحبة اما سالفه البوووس دليل انة مايحبك...ومل نصيحححححة طنشييية وتغلي علية...وتكشخي وتدلعي ولاتقربين منة وربي بيجري وراااااكي جري ولاتقولي له بوسني ولاتبوسني اذا ماجات منه...ابد لاتلمحين له انك مييييييتة علية وعلى بوساتة اتمنى لك السعادة بحياتك والله يسخر لك زوجك ويهنيكم يارب |
| الساعة الآن 03:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©