|
انا وزوجي
السلام عليكم ورحمة الله وبركاته
ابي رايكم بسالفه واتمنى هالمرة ان مااحد يحذف موضوعي لاني كتبته وفجأه اختفى لانه بصراحه متعبني:( انا لي متزوجه(ملكه) شهر تقريبا وزوجي يجيني تقريبا كل اسبوع وانا من يوم الملكه اقصد اول يوم كنت عادي معاه مومستحية كاني اعرفه من زمان احسه مثل اخوي______>لاتضحكون :11: المهم اول مره جا من بعد الملكة كان عادي معي سواليف بس وماحاول يسوي اي شي----->بتقولون اول مره لازم يصير كذا بس انا مخفه قلت مؤدب وتطمنت لاني قلت للوالده لوحاول يسوي شي او يحسسني خلاص ماابي اشوفه المهم جا الاسبوع الثاني نفس الحاله بس مسكة يد وضمةنص ضمة وانا واقفه والايام اللي بعدها زاد الحال والمشكلة اني لما يسوي اي شي يجيني تبلد احس نفسي انشل مااقدر اصده او ابعد عني وانا معاه كنت اقوله ابعد تعبت مع انه ماسوا شي كبير وانا بحسن نية اقولها والمصيبة وهو طالع قالي اذا تعبتي مرة ثانية قوليلي(انصدمت من هالكلمة لايكون انا اللي ابي هالشي)عصبت وماصرت ارد عليه وجا اتأسف مني وقالي اخر مرة وصدقته وجا مرة الصباح يودعني لانه مسافر طبعا انا قلت لاهلي انه بيمر الصبح وهالمره زاد حاله مرة لدرجه اني صرخت عليه وجلست اسب فيه وهو يتأسف وقلتله اطلع من البيت ماابي اشوفك ومسكته من ايده وطلعته (وقلتله احترم اهل هالبيت) وطلع بصعوبه ويدق وانا ماارد مااكذب عليكم كرهته احسه متوحش وبالاخير رديت عليه وقلتله ماابيك ماابيك انا كرهتك خلاص شوف غير انت مااحترمت اللي بينا وماكنت قد الوعد وهويتأسف(وحظه تأجل السفر) وبعديومين طبعا ماكنت ارد عليه ارسلي الصباح انا عند الباب افتحي قلتله ارجع مراح افتح اهلي نايمين وكان مصر وصحيت الوالده وقلتلها وفتحتله المهم تأسف وسامحته.. ادري طولت عليكم بس ابي رايكم ماادري وش اسوي معه لان كل ماتأسف رجع وسواها واخر مره البارح انا تعبت ضميري يأنبني من الل جالس يصير صحيح زوجي بس اهلي مايبون ذا الشي وانا ماابي اسوي شي من ورا اهلي واستحي اقول لاحد اللي يصير انتظركم |
اختي الحبيبه اذا هو ما يعمل الشي الكبير اعتقد انه مافي خوف
وهذي فتره الاخطوبه اجمل شي بس ترى انتي تزوديها لانك مسكتيه وطلعتيه برى البيت تراها مو حلوه بحقه يعني خليه مره ايه ومره لاء ولكن بدلع قولي لاء مو بعصبيه ترى انتبهي من الحين ينفر منك اهم شي انك ما توصلين لشي الكبير وعجلو بالزواج (ما تنسي انه يشوف كثير اشياء مغريه بهالدنيا وانتي الحلال يجي يفرغ عندك الي يشعره فلا تنفريه منك) الله يوفقك لكل خير في رعايه الله |
اختي فوفو انا لمن طردته كان بسبب انه حاول يوصل للشي الكبير اللي انتي تقولينه
وانا كانت هذي ردة فعلي طيب واهلي مااقدر اسوي شي من وراهم |
حبيبتي لاء اذا يبي الشي الكبير ما تعطيه
لكن كوني اكثر هدوء حبيبتي شكلك عصبيه انا ادري انه شي ما ينسكت عنه لكن حبيبتي كوني حذره بالتعامل معاه يعني بالتي هي احسن كل شي يسير لكن طريقتك معاه مره فظه يعني حاولي تكوني ارحم معاه شوي وقولي له بكل هدوء بس يتصل فيكي قولي له حبيبي ترى الشي الكبير ما اقدر اعطيك اياه الا بس نتزوج واذا تبيه سرع زواجنا وانا ما عندي مانع يعني كوني حكيمه اكثر وبس يبي يجي عندك اعطيه اعذار علشان ما يشوفك كل يوم مثل قولي له انا لست بالبيت بالوقت الحالي ومن هالكلام يعني اعطيه اعذار ولا تزعلينه وفقك الله حبيبتي لكل خير في رعايه الله ومبارك مقدما ياعرسه:14: |
يعني ايش يسوي بالظبط
بس احظان او بوسات وحاجات ثانيه لانك شكلك جدا عصبتي عليه وانت تقولين بس ظمات خفيفه!! الله يوفقك..... وكلها حركات دارجه الحين للي مالكين بس حذااااري يتطور الامر صحيح زوجك بس احيانا الاهل والعادات لها دور !!ما ودي اخوفك!!! بالذات اذا حملت البنت وهي زواجها بعيييد!! بس شكل الى يسويه عادي ... وبعد في بيتكم يعني اكيد حاسب حساب! |
مشكوره حبيبتي الله لايخليني منك
|
اقتباس:
لاحبيتي يسوي اشيا كبيره وانا مااتحملها وعالبيت عادي عارف ان اهلي اذا يبون شي مني يدقون علي مايدخلون فجأه |
اسف ولكني شعرت بقشعريرا وانا اقراء
اول شيء انا معاك ماله داعي يتعدى حدوده في بيت اهلك المفروض يحترم نفسه !! لكن في نفس الوقت هذا زوجك لازم تحترميه لأنه بالفعل موقوف جدا مهين انك تسحبينه لبره وهو يطق الباب. يعني صحيح انك محترمة نفسك واهلك لكن هذا زوجك بعد لازم تحترميه وتتعاملي معاه بلباقة. يعني مثلا: لو سمحت يا فلان انا ما ارضى تسوي كذا وانت اكيد ماترضى انك تقلل من قيمة زوجتك وقيمة اهلها. ( وبصوت هادي ) تمنياتي لك بالتوفيق |
الأخت شيخة الزين
مما قرأت ومن طريقة ردك على الأخ رادع أعتقد أن زوجك غير محظوظ للأسباب التالية 1- واضح أنك تجهلين كثيراً عن أبجديات الزواج والتي تعرفها البنات حتى قبل الزواج 2- يبدو أن لديك مشكلة واضحة في ترجمة التصرفات 3- المرأة العصبية بلا شك تحتاج لشخص ناقص الرجولة 4- واضح جداً أنك لا تعرفين كيف تقدرين عطاء الآخرين لك وبالتالي تتصرفين بطريقة معاكسة للطريقة الصحيحة 5- إذا كان هذا الموضوع مزعج بالنسبة لك, أي مداعبات الزوج, فلا أدري كيف ستدخلين عش الزوجية 6- التسرع بالرد على الأخ رادع وبطريقة غريبة وبلفظ خارج تماماً عن الخلق الصحيح يدل على أنك ستعيشين بمشاكل لا نهاية لها بالنسبة لزوجك أقول له وأنا أعلم أنه لن يقرأ 1- لماذا تهين نفسك, فهل ترى في زوجتك ما يستحق أن تصل إلى هذا المستوى من الذل 2- عدد النساء يفوق عدد الرجل بكثير, فهل كان حظك سيئا لهذه الدرجة وأوصلك لزوجة لا تقدر طيبتك 3- البداية التي تكون بهذا المستوى لا تحمد عقباها, فقد بدأنا قبلك بأفضل من ذلك بكثير ومع ذلك نواجه مشاكل ومنغصات كثيرة, فكيف بحالك وأنت بدأت بداية سيئة للغاية 4- لماذا تتأسف على شيء لم تخطيء به, ولماذا لا تطلب من زوجتك أن تتأسف هي لرفضها أن تمارس حقوقك 5- أنصحك بأن تجد حل وتضع أسس لحياتك الزوجية وأن تكون صارم مع هذا النوع من النساء وإلا فأنا أؤكد لك بأن ستندم في المستقبل الأخت شيخة الزين أرجوا عدم أخذ الموضوع بشكل شخصي لأن كلامي كان ضدك, أرجوا أن تهدئي أعصابك ولا تخطئين كما فعلتي مع الأخ رادع. هذا ليس طلب, هذا أمر :29: |
اقتباس:
والله قلتله كذا بس مع هذا زاد اللي يسويه وبالغصب عشان كذا عصبت وطردته لان اهلي نايمين حتى لو بصرخ مراح احد يسمعني |
اخواني اخواتي الاعزاء
نحن هنا اخوه نسعى الى المساعده ولا ينفع هذا الكلام او رد يجرح الاخر ::::::::::::::::::::::::::::::::::::::::::: بارك الله فيكم |
ياناس وش فيكم علي عشانكم شباب وهذا الشي مريحكم
بسأل كل واحد فيكم لو دخل على اخته وشافها بوضع مثل اللي صار معي حتى لو كان زوجي وش بيسوي انا موجاهله ولا افبرك ولاقليله ادب انا اعرف وش يصير حولي يعني لوطاوعته وخليته يتمادى وسوا اللي المفروض يصير بعد العرس على بالكم بيستمر معي اكيد بيخليني انا الحين بعد اللي سويته مااهنته بالعكس كبرت بعينه والحمدلله زوجي كامل رجال ولانقصه شي الاانه يراعي اني بنت ومااقدر اتحمل تكفون لاتقسون علي انا طلبت راي اخواني وخواتي لاني صدق محتاجه لكم وعلى اخوي رادع انا تاسفت له قدامكم وانشالله يسامحني عصبت لانه مافهمني انا ماسالتكم هو رجال اولا انت تركتوا اللي ابيكم تفيدوني فيه مو اللي سويته وخلصت اقصد اناي طردته |
اقتباس:
علـــــــــــى راسي والله |
اقتباس:
افففففففففف هذا فيني انا مشكور |
اخت شيخة...خالص تحياتي...
تتعدد الاسباب والرفض واحد... فلتكن وسيلتك للرفض ديبلوماسية...تحفظ الود ولا ترسب في النفس شيئا فالذي بينكما ميثاقا غليظا...سيربطكما..ما دمتما عائشين اختي متي يكتمل الزواج؟...حتي تزول الاسباب |
اختي شيخه باين عليكي عصبيه قصدي طيوبه << خاف :24:
اختي انا انصحك انك تكلمي خطيبك بكل هدوء وتشرحي له الوضع وتعتذري عن الي بدر منك واذا كنتي ماتبغى تصير اي مشاكل او انه مايسوى اي شي حاولي انه كل مايزورك تجلسي احد اخوانك الصغار معاكم وبهذي الطريقه ماراح يقدر يسوي شي وبعدين ترى هو زوجك دام انه مالك عليك يعني كل شي بينكم حلال وهذي الفتره احلى فتره يعني حاولي انكم تنبسطون فيها بس بصراحه غريب ينطرد ويرجع يتأسف !:25: والله يوفقكم يارب ويسعدكم |
اختي الكريمة بعد السلام عليكم ورحمة الله وبركاتة
اختي ...... اولاً اسمحي ان اقول لك ... عيب عليك تعاملين زوجك هكذا .. حتى لو مثل ما تقولين حاول يوصل الي شي ماودك يصير الان .......... لانه اولاً واخراً زوجك ويستطيع ان يخذك الي بيت الزوجية في اي وقت لانك شرعاً زوجته ولكن الين وحسن المعاملة والاسلوب الجيد تستطيعين تردينه وبالدلع ايضاً |
هو يظل زوجك شرعا ويجب ان لا تعامليه بهذه العصبيه
|
اقتباس:
شوفي حبيبتي سأحاول أن أتفهم موقفك وعصبيتك بهذا الأمر لأني سأرجعها إلى خوفك من أن تضعفي أو أن يستطيع أن يأخذ مايريد منك أو أن يراك أحد من أهلك يعني هناك عدة أمور تجعلك متخوفة من هذا الشيء بالإضافة إلى أني أظن أنك عصبية في طبعك سأتكلم بالعموم مع إني أشعر بالخجل مما سأكتبه لكنك فعلا بحاجة إلى ماسأقوله أن من الطبيعي جدا أن تحصل قبل وضمات بين المخطوبين ( عاقدين القرآن ) ولكن في حدود المعقول طبعا وهذا يعنمد على أهل البيت وكيف يتركوا المجال لبنتهم وزوجها هناك ناس لما ينكتب الكتاب مايسمحوا للعريس يجي أبدا أو حتى إذا جاء لاتنتهي الدوريات من أخوة وأخوات ووالدين يعني الأهل يكونوا مشددين على الآخر وهناك أهل تلاقيهم يتركوهم وتقريبا كل ساعة يدخل الأب أو الأم من باب أنهم يسلموا على العريس يعني ممكن زيارة خمس ولا ست ساعات تتخللها أربع خمس جلسات عائلية متفرقة وهناك أهل من وقت مايجي العريس ماعاد أحد يقرب على البنت وخطيبها حتى لو جلس ست ساعات الفئة الأولى من الناس هؤلاء بكونوا حريصين على أن لايمس الرجل الفتاة حتى لو مسكت يد الفئة التانية لامانع لديهم من أن تحصل بعد الأمور وذلك من باب أن يتعودا على بعض ويكسر قليلا حاجز الخجل حتى تستطيع الفتاة تقبل ماسيحصل ليلة الزفاف الفئة التالتة هم أحد الأمرين إما أنهم يجهلون تماما ماقد يحصل بين المخطوبين أو أنهم موافقين على كل ماسيحصل شوفي شيخة الزين من خلال كلامي السابق الأهل هم الذين يجعلو الشاب يعرف نفسه شو يعمل لآنه هو أيضا مستحيل يرضى أن يدخل عليه أهل زوجته وهو في وضع مخجل يعني أختي شوفي أهلك من أي نوع وأتوقع أنهم من الفئة التالتة لأنك على حسب ماقلتي تستقبلي خطيبك وهم نائمين وغيري معهم يعني اطلبي من والدتك تدخل عليكم من فترة لأخرى أو حتى أحد من إخوتك وإن لم تستطيعي مصارحة والدتك اتركي الباب مفتوح وإذا اعترض قولي له أهلي طلبوا مني هالشيء حاولي إنك تعالجي الأمور بروية وهدوء مافي داعي للعصبية ممكن أن تقولي له اعتربني أختك هل سترضى أن يقوم خطيبها بما تقوم به معي وقولي له أيضا إذا مستعجل خلينا نقدم الزواج حاولي تتكلمي معه بلطافة ولباقة اعتذري له عما بدر منك من طرد له اشتري له هدية بسيطة واعتذري لكن إياك أن يفهم أن اعتذارك هو قبول لأن يحصل الشيء الكبير لا بل قولي له بصارحة فاجأتني وماعرفت أتصرف معك صح وممكن أيضا لما تحسي وقت القب........ أنه بدأ يدخل مرحلة الخطر قومي واخرجي من المجلس اعملي عصير أو جهزي شيء تقدميه له يعني أخرجي من قدامه مدة ربع ساعة بعدين ارجعي وان شاء الله يكون هدي أختي صدقيني هو مايريد يأذيك لكن الرجل عندما يرى زوجته ويكون يحبها مشاعره غصب عنه تقوده لهذه الأشياء لازم تستوعبي زوجك وتحاولي تمنعيه بلطف اعطيه مايحب لكن بحدود معقولة جدا حاولي إنك ماتلبسي قدامه أشياء تلفت نظره وبنفس الوقت ماتكتميه زيادة وتصيري تلبسي جلابيات لا خليكي معتدلة باللبس أيضا يمكن إنتي دلوعة زيادة عليه والدلع كما هو معروف من الأمور اللي تلفت الرجل كثير حاولي إنك تدلعي باعتدال أيضا يعني بالمختصر أختي اعتدلي معه في كل شيء زوجك والله العالم عاطفي بزيادة حاولي تستوعبيه وتعطيه وتوقفيه عند حده لكن كل شيء بالهداوة واللطافة يصير أعتذر عن الإطالة صح نسيت أقول لك لاتعتقدي أن أهلك لايعرفوا ان زوجك يقب..... ويحضنك بالعكس كل الأهل يعرفوا بس إحنا نعتقد أنهم لايعرفوا عندما كنت مملكة كنت مترددة كثير من هذه الأمور لكن بالنهاية رحت وكلمت والدتي ( أنا من النوع الصريح وعندي أمي تعرف وتوجهني أحسن من أي صديقة ) ضحكت والدتي علي كنت مرتبكة ومستحية وفهمتني الصح من الغلط وكيف تكون حدود العلاقة بينا وشو المفروض إنه مايصير ابدا وماهي الممنوعات وشو المسموح حتى إنها الله يحفظها كانت تراقب لبسي وتقولي بلاش هذا والبسي هذا ولما أسألها ليش تفهمني بهدوء ومن غير ماتعصب علي صدقيني مافي أحسن من الأم هي اللي تفهم وتستوعب بنتها وإذا تستحي من أمك إلجأي لأختك الأكبر منك إن كانت متزوجة أما إن لم تكن متزوجة فالأفضل ماتكلميها عشان ماتجرحيها ونحن هنا لمساعدتك بأي استفسار آخر جمعك الله مع زوجك بالقريب العاجل دمتي وزوجك بحفظ الرحمن تحياتي |
اقتباس:
|
اختي شيخة الزين ... لاتهتمين بالردود اللي ماتنفعك والتفتي للمفيد مثل رد الاخت امة البديع جزاها الله خير..
اختي زوجك غلطان 100% وهوعارف انه غلطان ولاماكان اعتذر ..وانتي بعد غلطتي لكن معك عذرك تفجأتي وخفتي .. لكن لتفادي هذه المواقف قللي المقابلات وانتبهي لمظهرك انه مايكون مغري و وقت الزياره ومدتها و يكون البيت مليان وداخل وطالع .. والله يصلح شأنك ويسهل امرك تحيتي . |
ليس العجيب فيما فعلتيه مع زوجك , العجيب أنك لا تعترفين بحجم ذلك , لكن اسألك بالله
هل قرأتي يوما من الأيام حقوق الزوج في الإسلام .. أو تكوني مثل تلك الصحابية .. قال صلى الله عليه وسلم : أطيعي أباك . فقالت : والذي بعثك بالحق لا أتزوج حتى تخبرني ما حق الزوج على زوجته ؟ قال : حق الزوج على زوجته ؛ لو كانت به قرحة فلحستها، أو انتثر منخراه صديد أو دما ثم ابتلعته ما أدت حقه . قالت : والذي بعثك بالحق لا أتزوج أبدا . فقال النبي : لا تنكحوهن إلا بإذنهن . (حسن صحيح) |
اقتباس:
انا ماسويت كذا الاني كلمته اكثر من مره وهو وعدني ورجع عن كلامه وعصبت وسويت اللي سويته |
اقتباس:
نفسي احد يكون معاي كلكم معاه ليش انا يمكن غلطت بس اللي سواه غلط اكبر |
اقتباس:
تو مابرد قلبي تسلمين حبيبتي زين احد استوعب الموضوع كله ووجهني الكل اخذه من منطق ثاني مشكووووووووووووووره |
اقتباس:
مشكور واتمنى انك قبلت اسفي بس صدقني اللي سواه معي خلاني اعصب واسوي اللي اسويه تخيل صار شي وشلون اقابل اهلي اللي وثقوا فيني طيب لو خلاني وش يقولون الناس عني وانت عارف ان وقت الملكة للتعارف بس مو للشي ثاني وانا ليتني كتبت بموضوعي لااحد يرد الا اللي من المنطقه الوسطى عشان هم اللي بيستوعبون كلامي لانهم عارفين المجتمع |
تنبيه : الاخوة والاخوات الافاضل ارجو منكم الابتعاد عن التجريح والالتزام بمسار الموضوع
|
ما زلت أتعجب من أمرك , هل يعقل أنك الى الان لم تستوعبي ما فعلتيه بزوجك ..
لقد عالجتي الصغيرة بكبيرة , لقد قلنا لك أختي , انك زوجك غلطاااااااااااااااااااااااااااان وما يحق أنه يتجرأ , لطن قد كان , فهل تطردين زوجك من بيتك , لكن صدقيني ليست المشكلة فيك , لأن قد تكوني تفاجئت بمثل هذا الموقف , فالمشكلة في زوجك , ليس لديه أي تقدير لشخصيته ورجولته بجراءته عليك . حاولي أن تثيري رجولته بكلامك , لكن بدون تجريح , لكن بالتعريض |
..............................
الاشراف: ارجو عدم التجريح في الاعضاء أنت أختى شيخة كما نصحك الإخوة عليك بالتروى و عدم التعصب فالرجل قبل الزواج ممكن يمشيها لك أما بعدين أكره شئ العصبية عنده وعليكما بتعجيل الزواج |
عزيزتي انا متفهمة موقفك كونك مازلت بنت والحركات هذي جديدة عليكي وممكن تخليكي تعصبين ..
لكن انتبهي تهينين زوجك او تزودينها معه يعني مو معقولة يوصل الموضوع انك تطردينه من بيتكم !!! حاولي تصدينه لكن بطريقه الطف ترى الشي اذا زاد عن حده انقلب ضده .. واليوم زوجك صابر عليك بس بكرا ممكن يمل من طريقتك معه ويقلبها زعل حاولي تهدأي شوي مهما كان هذا رجل ويمكن المسكين لما يشوفك مايقدر يمسك نفسه... وحاولوا تستعجلون بموعد الزواج وتقللون المقابلات.. الله يوفقك يارب |
لا ياختي غلط انك تطرديه .. كان حليتي الموضوع بسهوله .. ولو خايفه انه يزودها .. خلي احد من العايله
او احد الاطفال يجلس معكم علسان ما يتجرأ .. ويمكن انتي من خوفك .. افتكرتي انه بيزودها اعطيه فرصه اختي هاذا زوجك ... الله يسعدك ويريح بالك يارب هموووم |
هي ممكن غلطانه او ماعرفت تصده بشكل الطف من كذا بس بعدها توها على الزواج واشياء كثيره يبغالها تتعلمها عموما جاءت ردود جميله قد تكون درسا لك ياأخيه ... |
مشكوووووووووورين على ردودكم
وماقصرتوا |
أختي الفاضله شيخة قد يتطور هذا الامر من الزوج وممكن يوصل لشي كبير مثل ما قلتي في رسالتك ولكن حاولي تبلغي والدتك بالشي هذا حتي لا يتطور وانصحية وقولي خلية يقر كتب وقصص في الحياة الزوجية قد يكون تعليمة أو مستواه منخفض أو أشتري له كتب يقراها ويفهم منها وحاولي بطريقة رومنسية أنه يقلل الاتصالات والمجي الى البيت وقولي له عجل بالزواج أذا يستطيع هو والله يوفقكم الى طريق الصواب .
|
اقتباس:
الله يوفقك ويسعدك ومشكور على هالكلام والاسلوب الطيب |
ياشين المرمطه ...... اعملوا زواج بسيط وخلي زوجك يتهنى بدل مايتعذب
هل ممكن تجيبي حلاوة حق طفل وبعد ما تورينه الحلاوة ... تقولين ... لا ... بعدين كيف حالك وانت ترين قلب الطفل يتقطع ودموعه تتناثر على خديه ويكاد يجهش بالبكاء ... يريد الحلاوة. اتقوا الله في ازواجكم. |
اخر ماتوصلت له بسبب اني قلت مشكلتي اني ماعندي احساس
انا وافقت عالملكه عشان اتعرف عليه موعشان شي ثاني عشان احاول احبه اتعود عليه افهمه وانا والله انه لما يجي اكون لابسه ملابس ساتره وكلامي عادي معاه حتى لما يحاول يسوي شي ارده عشان مانتعذب انا وياه وان قلتله لاتجي كلها شهرين مايرضى وان قلت لاهلي اخاف انه يطيح من عينهم لانه مااحترمهم انا ابي رايكم وش اسوي معه ماابيكم تنقدون اللي سويته انا معترفه اني غلطت خلاص وش هالقسوه كاني كفرت والعياذ بالله |
شيخة الزين اللي عملتيه هو الصح
اذا تزوجتوا ان شالله ورحتي لبيتك وقتها يسوي الي يسويه لكن في بيت اهلك انا انصحك انه حتى ما يبوسك لاني مارضى على اهلي ازواجهم في ملكتهم يعملون هالحركات استمري اختي شيخة انتي الصح والناس على غلط ولا تغيريييين نظرتك ابد بسبب بعض الردود لان اكثر اللي ردوا شباب وطبعا انتي عارفة وش ردة فعلهم استمري اختي وانتي عاقلة ومن بيت له حشمته واحترامه فلا تفقدي ثقة اهلك فيك ممكن لاسمح الله يحصل شي يبعدكم عن بعض وش يكون موقفك لما تتزوجي شخص اخر وانتي مخربتها مع زوجك الاول |
اقتباس:
انتي ماغلطتي وعملتي الصح وقولي له اذا هو مستعجل خليه يعجل بالزواج او يصبر او يقلل من روحاته لكم انصحيه انتي وقولي له هالكلام تكلمي معه بهدوووء وعقلانية لان الرجال يحبون المرأة لما تتكلم بهدوء في مواضيع مثل هذه وفهميه اللي يسووويه ماراح يرضاها لاهله ولا لزوجته اللي هو انتي طبعا ووضحيه له كل شي |
جزاك الله خير
|
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©