|
تعبت من خطيبتي خلاص
السلام عليكم
محتاج لكم اخواني تعبت نفسياااا من همي اتمنى تقبلوني اخ لكم انا شاب عمري 26 سنة جامعي موظف الحمدالله راتب جيدجدا خاطب قريبه لي , سنه ونص ابد قصتي مع خطيبتي .... تعبت من خطيبتي و اسلوبها معي او بالاصح من طبيعها المنفر وعدم اهتممها الا بنفسها , بنت ما تعرف في الدينا غير كيف تطلع من البيت كيف تعيش حياتها كيف تتسوق بشكل مو طبيعي حياتها كلهاااا تسليه في تسليه , ما كنت توقعها بهذا السوء من التفكير وطريقه حياتها انسانه عنيده بشكل فضيع تقول رجال ماهي بنت , سويت لها كل اللي اقدر عليه عطيتها كل اللي تبيه حاول اكون مثلها او اخليها تكون قريبه مني تقول احبك بس ما تشوف من حبها غير الكلام , اهم شي عندناااا لا ترفع صوتك عليها ولا تكلمها بصوت على , انا خطيبها تصدقون لو ازعل عليها او تصير بينا مشكله و ما اكلمها او شهر كامل ما تفرق عندها ابد ولا يمكن انه هي اللي تكلمني , اسبوع كامل ما تكلمني ولا حتى ترسل لي رساله توصل فاتورة تلفونها الحد الائتماني ويمكن فياه مكالمه وحده لي والباقي حق باقي الناس اسهل شي عندها تطنيش اذا حدث بينا اي مشكله تقول لا تكلمني خليني ارضه بكيفي ابعد عني, دايم تقول لي ان ابوها ما يبيها تطلع من البيت و دايم تقولي لا تجبر نفسك على شي ما تبيه(تقصد اني ما اجبر نفسي عليها) تخيلو معي ممكن اسبوعين ما تسأل عني وبعدها تجي تتصل فيني علشان شي تبيه مني!!! ولا في مرة من المرات ارسلت لي رساله تقول فيها (ابي اطلع زهقانه) حتى ما سلمت فيها على اذا قلت علها عن اطفالنا تقول (ويع ويع)!!! تعلمي الطبخ(ويع ويع )!! في مره كانت تبي حاجه وانا رفض انها تسويها هذا كان في اول ايام الخطوبه وصارت مشكله بينا قالت لي تبي تسوي نفسك شخصيه من البدايه يعني ههههههههههه شوفوا كيف الاسلوب انسانه ما تراعي الضروف الماليه اقول لها في البدايه بتكون حياتنا صعبه اشوي علشان تكاليف الزواج تقول ما على منك دبر نفسك!! سنه ونص لنا مخطوبين مرة وحده عزمتني على العشاء في بيت اهلها بعدين عرفت ان امها هي اللي قالت لها هههههههههه تبي شهر عسل في ايطاليا ما تبي في لبنان البرنسيسه تقول ما حصلت من هالزواج الا الذل وربي كل شي سويته لها كل اسبوع اطلعه مكان كل شهر مصروف اكثر من اللي يعطيها ابوها غير اني اشتري لها كل حجيتها الخاصه هدايه و كل شي لها اسويه في النهايه تجي تقول ذل انا زواجي ابي اسويه مع اخوي الكبير في ليله وحده علشان الوالد الله يحفظه ويخليه يسوي لنا احسن زوج وفي ارقه مكان جات هي وقالت لي بعد ما كانت موافقه على هالشي بس علشان صارت مشكله بينا قالت ابي زواج لحالي والا كل واحد يروح في سبيله !! قلت لها تبيعني علشان ليله وتعدي قالت هذا اخر كلام عندي قلت لها اوكي قولي حق ولدتك بعدين تعالي كلميني !! خافة من امها ولا قالت لها في كل مرة انا اللي ارجع لها لانها لو اجلس سنه ما كلمها مستحيل هي تكلمني زي ما تقول اان هي ما تذل نفسها لحد حتى حق امها وابوها !! على فكره اطلبت الطلاق علشان سبب اقل ما يقال عنه تاااافه جدا رجعت لها انا من طبعي اني ما احب احد يزعل مني ولا احب ازعل احد مني امي كلمهتا بعد ما قرارت اني اطلاقها علشان تعقلها تخيلوا تقول لها امي تحبين الولد انتي او لا قالت لها وانتي يوم تزوجتي زوجك كنتي تحبينها !!! قلت لها خلاص ما ابيك و قرارت اني اطلاقك قالت لي خليك شجع وقل حق الناس ان انت اللي ما تبيني هذا اللي همها و شهرين ما فكرت حتى تسوي شي علشان ما طلاقها خلاص تعبت ابي اطلاقها بس ضميري اه منه احس اني اسوي شي غلط انا ضحيت بالجمال علشان الاخلاق في النهايه لا جمال ولا خلاق متوضعت الجمال و الاخلاق اسف على الاطاله ولا عدم ترتيب الكلام |
اخي الكريم هدء من نفسيتك ان شاء الله امور خير بينكم تتم
اخي الكريم انا لي عوده بأذن الله ولكن مبدئياا شيل فكره الطلاق من راسك وهاذي امور تحصل في بعظ الاحيان هدء روعك وصلكك ركعتين وان شاء الله امورك خير ولي عوده بارك الله فيك اهم شي هدء نفسك الحين |
ياهلا و الله بأخوي صعب أنساك و الله مشكلتك دايم تتكرر عند بعض الشباب في فترة الخطوبة لكن تختلف من شخص لآخر لكن شوف أخوي مادام الوضع زي ماذكرت فأنصحك بالابتعاد من البداية و قبل حصول أي شي ولو أن في الطلاق عيب ماكان رب العالمين شرعه و هذا رأيي وهو قابل للنقد و أنصحك تقرأ آراء اخواني و أخواتي في هذا المنتدى المفيد. أخوك Fotof |
الله يعينك
اذا هذي اولها ينعاف تاليها |
×.. السلام عليكم ..× أخي العزيز ،،، بــ صراحه مبين من تصرفات البنت إنها كتير مستهتره و لا مباليه مو معقول لهالدرجه يعني ... بس ممكن تخبرنا عن عمرها ؟ يمكن لساتها مراهقه و طايشه :23: ... و أفضل حل إنك تخبر إمها لأنو هي اقرب وحده إلها و فيها تتفاهم معها بدون إحراج:rolleyes: ، و طبعاً ما تنسى تستخير مره و مرتين و تلاته، لأنو بصراحه مبين عليك إنك " ما شاء الله عليك " مش مقصر معها بــ شي، و الناس بيتمنو ربع اللي هي عندها بس هي للأسف مش مقدره هالشي و خصوصاً إنو حتى ما حاولت تردك عن طلب الطلاق دليل إنو وجودك و العدم واحد عندها ؟!!! بنصحك تصارحها و لو ما سمعت فيك تصارح إمها، لأنو بعدك ما اتجوزتها و لا صار بينكم عشره او اولاد و تتخلص من المشاكل بكير بيكون أحسن:16: . وفقك الرحمن:22: Salam حورية لبنان |
الله يعنيك .. انا ارتفع ضغطي وانا أقرأ ..
كم عمرها ؟ لانها لو فوق العشرين فهي واعيه لكل تصرفاتها وتعرف عواقب افعالها لكنها مصره عليها .. انت صارحتها ومع ذلك هي مصره على افعالها حتى مع وصوله للطلاق .. من رأيي انك تصارح والدتها بكل اللي صار بينكم من أجل ان تكون في الصوره بأفعال ابنتها وحتى لا يظلموك بعدها ويعرف الجميع انها السبب .. و تتفاهم هي معها بطريقتها.. واذا لم تفلح معها امها .. فلن تفلح انت معها ابدا .. الله يوفقك اخي الكريم .. |
الله يكون في عونك
\وطلاما هي بايعتك خلاص لا تفكر فيها |
عزيزي (مايهزك)
مشكور اخي على مرورك اخوي والله علشانه كرامتي وضعتها جانبا في امور كثيرا في المقابل اجدها اكثر تعنت و غرور -------------------------------------- Fotof الله يجزاك الجنه وهذا اللي اناااا اشووووفه لا تتعبني ولا تعبها والله يوفقها لواحد احسن مني ______________________ شيخة الزيـــــن لو اقدر تكلم في كل شي كان ابكي من القهر لكن ما كل شي اقدر تحدث فيها والله يوفقك ______________________ حورية لبنان اختي العزيزه الغرور يفقد الانسان بصيرته و احساسه لسانها كسف البتار لا تسمع كلام صغير او كبير امها تعرف كل شي اول مرة اطلبت مني الطلاق كلمت امها !! ولا شفت امها سوت ادنى الامور لكن لما انا قلت ما ابي بنتها وابي اطلقها قامت الدنيا ولم تقعدها هذي هي امها عمرها 23 سنه الله يجزاك الخير والجنه _________________________ شيختكم اختي الكريمه والله تعبت منها الى حد الانفجار قلت للجميع اهلي البنت احسن وحده افضل البنت لكن هالبنت ما اقدر اعيش معه ما ابي اخرب مستقبلها خليها تقول لكل الناس انا اسوء انسان لكن ما ابي اكون عقبله في مستقبلها الله يحظفك ويوفقك اخي الكريمه ---------------------------------- loliy شهرين ياختي ما اسأل فيني كنت افتكر اسبوع او اسبوعين و الله بيهديها لكن الغرور طبعها لو سويت اي شي حتى رساله على الجوال اي شي فيها كان ممكن قلبي يحن عليها ويسامحها بس بعد كل هالفتره عرفت قيمتي عندها يا حسافه على كل لحظه ضيعتها معاها تسلمين اختي |
احسن شئ قول لاهلها على تصرفاتها يمكن يعقلونها شوي
استخير في موضوع الطلاق ولا تتسرع واستشير من ترى فيهم العقل والحكمة والانصاف من ذوي الرأي في جماعتكم |
ياهلا فيك أخوي بينا...
اولا احيي فيك طولة البال وصبرك عليها... ثانيا ان هي جريئه باستهتارها وسلبياتها بحياتها علني معك رغم انك خطيبها كيف بعدين يعني هالفتره كل واحد يبين للثاني احسن ماعنده له ...فتره مقيده شوي الواحد ماياخذ راحته لها الدرجه.. فيها شيء من الحيا والخجل دلع وتغلي وشوق ووله ...حشى ماهي بأنثى عربجيه اعذرني اخوي بس بجد مااستوعب في بنت كذا سواء كانت صغيره وغشيمه تحت العشرين او فوق. اعتقد السبب بإنك طيب واجد معها..مازريت عليها شوي كل ما تبي منها شي مرفوض ماتبيه مايمشي معها ليه..انت يمكن تكلمها بلهجه ركيكه شوي جرب لاتشاورها بشي اي شي بينكم وقولها قرارك بحزم وجديه الأكيد انها بتشن عليك الحرب طنشها وعطها ألا مبالاه مثل ماهي تسوي صدقني لو شافت انك جاد وتغيرت عليها بتحس لاكن حذاري ان لمحة بنظرتك اي تردد رح تعرف انك مو صادق ..الظاهر ماشافت منك إلى التهديد ماقد نفذت فأمنت منك العقوبه وزاد استهتارها بسببك معطيها وجه الآن بما انك وصلتلها خبر الطلاق لا تحاول ولا بأي طريقه تقربلها خلها تحس بجد انك ما تبيها طنشت شهر طنش شهرين هي شوي شوي بتخاف ان الموضوع يدخل بالجد و يوصل اهلها وان وصل ولا قيت عتاب صارح اهلها يشوفلك حل من الإثنين اما تعتدل او الطلاق لاكن لا تكون انت المبادر...تريظ شوي وركد الله يكتبلك الي فيه الخير ويهدي بالك ويهديها لك |
الغريب تتكلم وكأن ما في الدنيا الا هي , يخوي ابحث عن ذات الدين والأخلاق
واتركك من هذا الصنف اللي من حقوق الزوجية ولا يعرفن ماهية الحياة الزوجية انجو بجلدك |
|
ليه تضغط على نفسك!!
إذا هي باعتك وكل مره تهدد بالطلاق فالأنسب تركها والبحث عمن تقدر معنى الزواج.. |
والله وانا اخوك .. انا الي انقهرت وارتفع ضغطي .. وما اقول إلا مشاء الله عليك .. إلى الحين وانت صابر عليها ..
لكن تبي نصيحة .. اخوي شفت الكلام الي فوق الي انت كاتبة .. رح لم ابوها وقله هالكلام .. وشف وش راية .. وقلة يا خالي ( عاد مدري انتم تسمونة خال ولا عم ) .. القصة كذا وكذا .. وانا واحد وراي زواج وابي ارتاح بزواجي .. وش رايك انت .. علشان بكرا محد يلومك .. هذا رائي انا .. ممكن صح وممكن خطاء إن اصبت فمن الله .. وإن أخطيت فمن نفسي والشطيان .. |
دلع بنات وعدم احساس بالمسؤولية
واتوقع انها بين ( 17 - 20 ) سنة الله يعنيك مالك غير الصبر ومصيرها تتغير صدقني بس ترى يبيلها تعب شوي ( الأخوان الاعضاء ما يقصرون ) بالتوفيق |
والله اللي يدق الباب يسمع الجواب
برضو تسال وخايف من الطلاق البنات مليانين عاقلات وجميلات بس الله يوفقك ويستر عليها ويهديها امين |
إستخير وا فعل ما يريحك والله يصبرك على إلي إنت فيه
|
اقتباس:
عين الصواب. اخي الانسان في العاده عند الزواج لا يتزوج الا من تشابهه في الطباع والاخلاق. الاختلاف البسيط في فذلك ليس بمشكله. لكن اذا بتحس انك مو مرتاح ابدا باسلوب حياتها فمن الاول ما تجبر نفسك على شي يخالف طباعك وشخصيتك واذا بتقول عندي امل اغير من طباعها لطباعي فريح بالك مافي انسان يتغير عن طبعه ولا تنسى الزواج يعني مشوار طويل مو ساعه او شهر وفقك الله |
السلام عليكم اخوي صعب انساك
الصراحه المشكله الي انته فيها احسها كبيره شوي اسمحلي بس شنو هالبنت الي ماتراعي ظروف ريلها والله البنات هالأيام بس يبون الستر والريال الزين واهيه على كل الي تسوي لها وبعد مايبين في عينها وحاول اخوي انك انت الي توقفها عند حدها وانته الي تسيطر على الوضع حتى لو زعلت منك يوم يومين حتى لو شهر .. لانه اذا خليتها على كيفها ترى مابتتغير حتى لو امها او ابوها كلموها لأنه مبين عليها انها واييد عنيده .. ماقول الا الله يعينك وتصبر ولا تفكر في سافه الطلاق الا اذا خلصت كل الحلوووول وياربي الله يهديها وتكون لك الزوجه الصالحه وتكون هالفتره قصيره وتعدي على خير :) مسامحه على الأطاله:) |
في البداية الله في عونك
حاول تحكي مع أهلها و حكم الناس الكبار في العائلة |
على طول قرشعها بورقة الطلاق اذا هي بنفس المواصفات الي ذكرت.
عاد اذا انت شخصيتك ضعيفة . كل الحريم بيسوون مثلها . يعني السبب الرئيسي انت ولازم تصلح بنفسك شوي . |
السلام عليكم...
أخوي أنا ماحب أبد الفرقة...ابدا. لكن مادام هذي أطباعها..خذها من قاصر ..وابعد. هذه محتاجة انك تربيها من جديد ( فورمات كاملة)...لو عندك الصبر ..واصل..لكن بتأخذ عمرك كله في ( الفرمتة). خذها نصيحة وانت على البر. |
حتى ابري ذمتي واستغفر الله مما حكمت
اقول اعطها فرصة اخيرة واستخير حتى لا تظلمها او تظلم نفسك الله يوفقك ويعطيك من ترضيك اااامين |
همـ القلوب ـس
مشكور على رد تدري يا اخي بنت عمرها 23 ما هي صغيره في العمر ممكن كلامي اول اسلوبي وصل لك فكره عني ان ما عندي شخصيه الحقيقه اني انفعالي و وجاد جدا معها في كل شي يكون الحزم في ضوروي هي بنت بشكل لكن في التعامل ولد قلب حجر قاسي الى ابعد حدود قد ما اكون معه صارم تشوفها في قمة العناد والعنجهيا خليهم يحطون كل شي على انا تعبان وانا انسان فيني عذاريب المشرق والمغرب بس خليها بعدي تتوفق تقول للناس انا اللي كنت مو زي والف شكر ============== رادع جزاك الله الجنه ============= جميل والقلب يعش مشكور اخوي ============== كل الغلا دايم كنت اقول الله بهديها في نفسي اقول خليني اجرب هالطريقه معه يمكن تفهمني و يمكن تزين من طبعها ولا حياه لمن تنادي نفسيه في كل شي مزززززززاج يتحكم في تعاملها مع غيرها لا هنت اخوي ============= الزعيم666 لا تنقهر ولا يرتفع ضغطك الدنيا ما تسوي تعلمنا نقول صبرا جميلا والله المستعان تعبت يا خوي من القال والقيل في شي في انسان تقدر تغيره وفي صفات لو تجلس الدهر كله ما قدرت تحرك فيه شي ما يفيد ابوها وامها كنت اتمنى اشوف البنت شاريتني من البدايه وانا ما ضريتها ولا بخلت عليها في كل شي تصدق بالله يا اخوي في يوم تقول انت ما سويتي لي شي تقصد في الخطوبه وانا مسويه لها حفله كل من شافها قال هذا زواج مو حفلة خطوبه اكثر من عشرين الف ريال تلفة حفلة خطوبه وهي تقولي ما سويت لي شي خليها في القلب احسن ==================== فهد هاشم مشكور اخوي بس عمرها 23 سنة =================== كلي حيرة اختي لا تخافين قراري انا تحمل مسؤليته والله لا يحرمك الاجر ================== المتعبه اختي الكريمه الله يوفقك ================= Hukkinun خير ما قلت الاطباع هي كل مشكلتي انا ما احب التطنيش وهي التطنيش في دمها مثلا خليني اقولك احد الموقف اللي صارت معه كانت تبي من اسوي لها شي تتوقع اخوي كيف اطلبت مني ها طلب ؟؟؟؟؟ ارسلت ايميل لي وش تقول عن هذا الموقف موضوع ثاني كنت رايح معه مكان حق الاطفال العب ومن هالاكلام انا اول مرة ادخل هالمكان كنت انا وهي واحد من قرايبنا و اخونه الصغار كنت تكلم مع قربي كيف هالمكان تذاكر او كروت شحن علشان نشتري للطفال ما شوف الا خطيبتي تركتنا و طارت تشتري تذاكر ولا كنه في رجال معه طبعا انا ما خليت كلمه ما قلت لها في النهايه هي اللي زعلت ؟؟؟ و بعدين تكلمت معه على تلفون تقولي اذا مسوي نفسك رجال بدل الصراخ جيت دفعت سكرت التلفون وقلت بروح لها و بلعن الطيب ما فيه بس تعوذت من ابليس مشكور اخي جزاك الله خير ================= حبات ندى اختي هذي عنادها عناد رجال مو بنت ما ينفع في الكلام تعبت منها مشكوره اختي ================ bonzo تسلم عزيزي ================ فهد - الجبيل لا يا اخي مو شخصيتي ضعيفه ابد بس ما اتمنى تكون في مكاني علشان تقدر تحكم على شخصيتي سلوبها ولد مو بنت مشكور اخوي ============= اقترب الرحيل مو فورمات تحتاج تغير المذربورد كله والهردسك ييحتاج تغير والكيس الخارجي ما ينفع في شي خليها على ربك وفقك الله ========= |
صراحة الله يكون في عونك
أنا أخاف أقول شئ أتحمل إثمه بعدين لكن قبل أن تفكر بالطلاق أستخير لاكثر من مرة الله يهديها يارب إذا سالفة الطلاق ماهمتها هذي صعبه مررة الله يعينك ويكتب لك الي فيه خير يارب |
الصراحة ترفع الضغط... انت ماشاء الله عليك حسب كلامك مو مقصر معاها... واهي وايد وايد مستهترة .. والصراحة احس فيها مو قد مسؤولية الزواج ... هذي شلون تمسك بيت ... ؟! مادري انا اشوف اتصلي استخارة اول بسالفة الطلاق.. وبعدين توكل على الله .. مادري احس مايفيد معاها الكلام وامها ما ادبتها ... عمرها 23 يعني مو صغيرة واتعرف الصح من الغلط ...
وشوف ابوها ولا اخوانها... ولا حد من اهلها هي تحترمه ولا تخاف منه واشرح له الوضع كامل.. الله يعييييييييييييييييييييييييييييييييييييينك .... |
انصحك بالطلاق لانها شكلها عديمة الاحساس وامرأه متسلطه
دام بدايتها جذيه عيل الله يستر من الياي وانت حاول تكلم اهلها ولاتسكت عن حقك |
انا من رايي روح لها وتكلم بكل صراحة واتركها فتره اذا شفتها عديمة اهتمام اتركها والله بيعوضك احسن منها ولاتنسى تقول لها " البنت ذات الطباع الناس تكرها وطلقها "
المثل يقول اللي هذا اوله ينعاف تالية هذا رايي ولا بد تشو ف بقية الاعضاء ممكن لهم راي افضل من رااي اانا اخوك / امير الشوق909 |
اخي الكريم
فتاة مثل ما ذكرت لن تكون زوجة صالحة ولا ام صالحة علي الاطلاق الافضل ان تجلس معها و مع اهلها و تذكر كل تصرفاتها و كل ما لا يعجبك فيها و تحاول ان تعرف راي اهلها و هل عندها استعداد للتغيير ام لا و اذا لم تتغير اري انة من الافضل عدم اتمام الزواج لانك ستتعب معها كثيرا و اري انة من الافضل ان تبحث عن من تناسبك و تهتم بك افضل د نبيل |
أخي الفاضل..
بداية من يده بالنار (أنت) ليس كمن يده في ( الماء) نحن الأعضاء مهما حاولنا ان نصل لشعورك ونتفهم مشكلتك.. أرى أنك الان في وضع لاتحسد عليه ..من كثرة الضغوط التي هي وضعتك فيها.. الحل الوحيد الذي اقترحه عليك ان تعطي نفسك وقت لتهدأ وتبحث عن الصفات الجيدة فيها وتتذكر اننا كلنا لانخلو من العيوب.. حادث والدها ودعه يحادثها فالفتاة تتأثر بأهلها كثيرا.. وابتعد لمدة اسبوعين..ومن ثم استخير وقرر.. على ضوء مايحدث.. الله يسعدك أختك حائزة |
احس اهي مو جذي من الداخل بس تبي تروي روحها قويه و كلمتها ما تثنا
و قبل الطلاق غير اسلوبك معها اذا قالت شي و انت مب حابه ارفض و كوون حازم اذا ما فاد ما جدامك حل غير ابوها و اذا ما فاد فأبغظ الحلال |
يعطيك العافيه اخوي انا اختك مو باخوك...
ابي اقولك شي ..احس انك مقرر وشتبي ومنتهي وعارف انه مافيها امل بالتغيير رغم هذا ضميرك مأنبك بأنها بنت والبنت سمعه خصوصه اذا ملكت وتطلقت بدون سبب هالشي ممكن يضرها ..انا اشوف هالشي هو تفكيرك وتبي حل لها الموضوع حتى لو كان على حسابك والله ماشاء الله عليك الله يكملك بعقلك وصدقني هي الي خسرت انسان مثلك حساس هههههههه غريبه لكم سنه وماخذت منك ولا عديتها من هالرقه...اخوي الله يعوضك خير منها ويرزقك بالي تستاهلك بجداره وهي الله يستر عليها دنيا وآخره ...برأيي انك تنسحب من حياتها بكل هدوء وبدون اي مبررات لأهلها ..صدقني لو اهلها بيعدلوها كان بدئو من اول لاكن لو تكلمت رح يرقعون السالفه لصالحا لأنهم اعرف منك ببنتهم خلهم انت الآن الى ان يلاحظ اهلها تغيبك الطويل رح يحاول ابوها يكلمك بأي طريقه سواء بوساطة ناس او غيره ذيك الساعه بلغه قرارك مع ذكر اللأسباب واعيد وأقولك لا تكووووون انت المبادر نصيحه رح تفكر انك باقي متمسك فيها ونها حركه منك عشان تأدبها "حريم ونفهم بعض ...إحم" وأنهي الموضوع عن بكرة ابيه بكل احترام واخرج بعزتك لا تضحي بنفسك مانتا كمان بكره رح تدور وتخطب غيرها ايش لو قالت هي واهلها عنك كلام ونتشر وصدقوه اهل البنت الثانيه والله ماتسوى عليك بتظل نقطه سوده بحياتك... عسى الله يسخرلك الي ترضيك وتسعدك وتهنيك وتقدر مقامك يارب |
لحن السعاده
وش اقولك ما حركت فيها شعر يمكن الطلاق يمكن عندها عادي الله يجزاك خير =================== مرتني الدنيا جيتي على الجرح اختي انا كنت ادور فيها تكون تتحمل الحياه الزوجي و تكون قد المسؤلية بيت ايش الناس تغير فيها الجوهر مفقود الله يحفظك ويحفظ لك زوجك وبنتك ولا يحرمكم من بعض ==================== ميرا الله يكتب اللي في الخير والصلاح الله يجزيك الجنه ================== امير الشوق صدق بالله يا اخي الكلام مضيع للوقت معه مشكور على ردك =================== د.نبيل اخي الكريم ممكن تكون صالحه لغيري لكن لي ما اقدر تحمل اعيش حياتي عزوبي ولا اعيش معه ابد ابد الله يجزك الخير =================== اختي الكريمه حائزة سنه ونصف وانا تكلم وانا افعل وانا تحمل النتيجه 0% تغير كل الطرق جربتها لكن لا حياه لمن تنادي شكرا اختي ==================== ام الحسين وعمر بارك الله فيكي غيرت اسلوب يمعه واحين لي شهرين هاجرها بدون اي فائده ================= اختي الفاضله همس القلوب المعذره اختي منك و اشكرك على كلامك فهمتيني بكل صدق انا خلاص تعبت منها ولا فيني طاقه على وجع الراس و في نفس الوقت انا عندي اخواتي البنات واخاف عليهم ما ابي يصير لهم زي ما صار لها ابي طلاقها لكن احس بتأنيب الضمير كاني استغفر الله بسوي شي حرام , انا رجال خليهم يقولون عني بشع الاوصاف بشيل عيبي لكن هي ما ابي احس في يوم من الايام اني انا ظلمتها صدقيني اني اتمنى لها التوفيق من كل قلبي , اللي مصبرني من شهرين ما طلقتها هم اهلي ما ابي احسبب لهم زعاج و مشاكل والا انا خلاص ما فيني تحمل بس خلاص الاسبوعين الجايه بتكون حاسمه مشكوره اختي وربي يوفقك دنيا واخره |
الله يكون بعونك.....
ويصبر اهلك واهلها.......... ويلهمك لطريق الصواب....... |
اقتباس:
لكن اتمنى انك توصل الفكرة لخالك .. قبل كل شي .. وخل يكون بالصورة ..؟ اهم شي لكن فية نوعية من الحريم ومعليش وبصريحة العبارة .. ما تمشي معك إلا بالعين الحمراء وطيبتك هذي هي تعتبرها ضعف ؟؟ فا أنت وعلى كلامك .. انك ما قصرت معاها في شي .. وهذا أسلوبها معك .. ما ادري وش اقول .. لكن ارجع لكلامي فوق وتعرف وش الحل .. وصدقني مافية حل ثاني .. يتعطي خالك فكرة عن الي صاير .. وبعدها توريها العين الحمراء وجرب .. لأن الطيبة ما مشت معها ؟؟ والكلام بالنسبة لي انا ما اقدر اتحمل زي كذا ... وكل واحد وقدرتة على التحمل .. لكن ان زوجتي تسوي فيني كذا .. لية ؟؟ ميت عليها انا ولا ما فية بنت إلا هي .. الله يستر عليها .. ويا كثر البنات الي مالين البلد .. ويسوون الف بنت زيها .. لا أخلاق ولا خوف من ربها .. ولا تحمل للمسؤولية .. وكل شي .. بس انت قبل ما يتم الزواج وصل هالفكرة لخالك .. وغير أسلوبك معها .. وشف وعلى فكرة .. مو شرط كلامي يكون صحيح .. ممكن اني مخطي بحكم اني متنرفز .. ومنقهر .. لكن انت ادرى بوضعك ولا فية أحد يقدر يقييم وضعك مثلك انت بس .. وفي الأخير الله يوفقك .. وإن اصبت فمن الله .. وإن أخطيت فمن نفسي والشيطان .. |
عطر الليل
بارك الله فيك وجزاك الف خير =============== عزيزي الزعيم وفقك الله و نور دربك و رزقك الخير اكون معك صريح اول ما تقدمة للبنت ابوها يقول احد من اهلي جبرني اني اخذها ومن هذا الكلام تفهم ان ابوها يعرفه عز المعرفه فاشوف كلامي ماله اي فائده الا وجع الراس اروح في حال سبيلي والله يوفقهااااا تنزلة علشانه بجمال و كل ما يخطر بالك وكنت شاريها على امل يكون هذا بمقابل الاخلاص و الاحترام و التقدير الحياه الزوجيه . تصدق اذا قلت لك اوقات يكون الرجال اجمل من زوجته وفوق هذا تشوف الزوجه مثل نوعية اللي عندي ما قول غير الحمد الله على كل حال. جزاك الله الجنه و فقك الى ما يحب ويرضه |
والله اقولك اياها كاااااش طلقها وافتك من وجع الراس وانا اختك ... والله ان ولد عمي مثل حالتك وهو الحين متزوج وعنده منها بنت وتندم انه ما طلقها من البدايه وتوهق فيها والله والله اذا تبي نصيحتي طلقها طلقها ودورلك على بنت الحلال اللي تحترمك وتقدرك وتحطك فوق راسها
هذي الحين انت زوجها وما احترمتك عيل امك كيف بتعاملها ...؟ سلاااااااااااااااااااااااام |
صباح الخير
الله يعينك اخوي قصتك قريبه لقصتي
لكن تراك ماتسوي غلط الطلاق افضل حل دام انها ماهمها انا خطيبتي كل يوم اهلها يتصلون ويقولون حنا نبيكم والبنت برضوه تبيه وانا خلاص طابت نفسي لكن الله يكتب اللي فيه الخير دام انك فتحت موضوع الطلاق وعادي عندها استخر وتوكل على الله والله بيعوضك خير ان شاء الله تحياتي لك |
*ليالي*
بارك الله فيج اختي و الله يوفقك ويفتحه بوجهك وينما تروحين بعض البشر يا اختي طبيعتهم غريبه تتقرب منهم بكل الوسايل تلاقيهم مثل الحجر ============ مافي احد مثلي كنت افتكر بس انا الي حاصل في هالوضع بس تبين لي من المنتدي كثيرا من الشباب يعنون نفس المشاكل تدري اخوي الله يجزاك الجنه احين لي ثلاث شهور من قلت اني بطلاقها هي ما حاول تسوي شي ولا حتى ترسل لي رساله و اهلها ما فيه الا ولدتها تصلت او مرة وبعدها لا حس ولا خبر انت يكفك ان اهل البنت تصلون عليك لو ما تهمهم كان ما سالوا فيك الله يوفقك وينور دربك ويكتب لك الخير في كل خطوه تخطيها |
قبل أن تقدم على أي خطوة عليك بالاستخارة وهي ترشدك سواء الاستمرار معها او لا.. ولاتسوي سواتي وبعدها تندم
هالخطوة الي بتسويها لازم تكون مقتنع فيها عشان ماتعيش بعذاب الضمير مثل الي عشته، واستخير ربك قبل ان تتخذ قرارك النهائي. دمت بود. |
| الساعة الآن 10:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©