اختي على علاقة مع شاب ماذا افعل
 

بسم الله الرحمن الرحيم



مشكلتي ماتحتاج مقدمات غير اني متدينة وعمري 22 سنة وحاولت كثير اقرب اختي اللي تبلغ من العمر 17 سنة واوعيها

بس بالاخير اكتشفت بالصدفة انها تعرف ولد

ياالله تعرف ولد وبينهم كلام

اكتشفت صدفة

من كثر ماانتبه لها ولاني لاحظت اهتمامها بشكلها حسيت في شي

بعد صلاة الفجر راقبت جوالها وسبحان الله اول مره تنسى رسايل ماتمسحها

لقيت رسايل من واحد ياربي يقولها حبيبتي

وانو مابيحبها وكل شوي بيذكرها بحبو لها

وفي رسالة يتأسف لها وانو هي اشرف بنت ومش مثل غيرها وانو مايستاهلها



تدرون احس اختي كسرت ظهري

دوم اساعد الناس الحين مش قادرة اساعد نفسي

اختي خايفه تضيع وانا مابيدي شي

كل اللي قدرت اجيبه هو ايميله

واذا واجهت اختي بتقول طيب وبتاخذ حذرها مني وبتكمل وياه

واذا قلت لماما عادي بتعطيها كلمتين وهي بتقول حاضر وماما بتعصب وبالنهاية بتسوي اللي هي تبيه

وبابا شنو بيضربها وبعدين بتكمل


انا لحالي انا وربي ادعيه

تعبت ابي اخبر اختي اكبر مني بس اختي تجهز لزواجها وماابي احملها هم فوق همها واذا عرفت مدري شنو بتسوي اصلا اختي باردة



ابي حل شنو اسوي تعبت احس ظهري كسرته هالبنت

والله تعبت ابي مساعدة



آسفة

لاحول ولاقوة الابالله
الله يكون بعونك حبيبتي
لازم تواجهينها بانك عرفتي كل شي
واذا انتي متوقعه رد امك وابوك مثل ماقلتي
لاتحاولين تهددينها لان مراح ينفع معاها
حاولي تذكرينها بالله عز وجل وان اللي تسويه معصيه ربي مايرضاها
والاراح تتوفق طول ماهي تغضب الله
وقوليلها تخيلي ربي ياخذ عمرك وانتي تكلمينه
وتموتين على معصيه
وشلون بتقابلين رب العالمين

والله يستر علينا وعلى جميع المسلمين

تتوقعي غاليتي اني مااقول كذا

والله العظيم غاليتي اني مسوية دور الموجه وبلين

يوم القاها تشوف مسلسل احاول اعطيها بعض الكلمات مثل انو يضحك عليها ولو يبيها كان جا بيتهم

وشنو لازم تتعلمو من اللي يصير بغيركم

وكيف تعصي هالبنت الله وربي يشوفهم

واحكي قصص عن البنات اللي راح شرفهم

ووالله ان حتى البرامج احاول اخليها قريبة منها

بس شنو اقول البنت تغيرت تماما

اصلا صارت تحس انها كبرت اقول لها كلمة صارت ترد بالف ماعادت تخجل

لا والنت صار كل شي عندها

والله والله تعبت ماني عارفه شنو اسوي

تدرون البكية قاتلتني جواتي وماابي احد يشوفها

لاحول ولاقوة الا بالله

انا ارى انه لازم تحطين للامر حد له
وهو انك تخبرين اهلك او اي احد ذو شخصيه قويه من اهلك عليها يعني ابوك او اخوك ويضع حد للامر هذا قبل ماتضيع البنت وتتندمون
وشكرررررررررا

ياالله والله احس خلاص

ماعندي اخ انا وخالي بمدينة غير اما عمي ببلد غربية

ومثل ماقلت اختي مهتمة بزواجها ماابي اشيلها هم اصلا حتى لو عرفت باردة

والوالد مسوي فيها ديمقراطية يني بيمكن يضربها وخلاص ويمكن يعطيها درس في الاخلاق

اما الوالدة عادي بتضربها وانتهينا


الحل لازم البنت تتغير

شنو اسوي

طيب اكلم الولد من جوالها اشتمه واخليها تعرف اني عرفت

شنو اسوي

اللهم اني ضاق بي الحال

اللهم اني اضعف مما احمله على عاتقي

اللهم فرج همي واحمي اختي وبنات المسلمين


حسبي الله ونعم الوكيل

والله مدري شقول .. واجهيها .. وانصحيها لا تسكتي اذا اهلك باردين

الله يريح بالك ويهدي اختك يارب

هموووم

عليكِ بالدعاء00
 

والله00ان قلبي يتقطع الما 00فأختك اختي 00بل واختناجميعا00بس لاتتعجلي في محادثته ابدا ولاتفتحي على نفسك باب فتنه اوصده الله00استشيري اقرب الاخوات واكثرهن التزاما ودعوه00لاكل الاخوات وحاولي التقرب منها اكثر احيي الاخره في نفسها ولاتيأسي ويوم تخلصين النيه لله سترين ثمرتها مباركه ان شاءالله000اما اهلك فأنهم ليس اهلا للمشوره كما فهمت من وصفك لهم000والدور الاكبر عليك00وفقك الله00فان لم يكن لك اخوان من والديك 00فنحن ان شاء الله اكثر من اخوانك00وسنخلص لك الدعاء00وفقك الله0000

اياك والتعجل وكشف الامر لمن ليس باهل لذلك000

اسمعي هي الآن مغتره فيه .
قوليها خل يجي يتزوجك ....خل يطق الباب ...
إذا قالت صغير مايقدر عنده ظروف مالخ من هالخرابيط ...
قوليها اجل بقول لأمك ...
إذا خافت من امك كويس ..إذا تحدتك قولي الأمك تتفاهم معها
وقولي الأبوك ..
ادري بتكون صدمه لها في حياتها
لكن استمرار العلاقات مع الاولد بيأدي إلى كوارث اكثر
تخليل لو اغتصبها وقص عليها ....أو فضحها بين الشباب او خلاها شرموطه من واحد الواحد
وفضحكم بين الناس

بما انها مجرد علاقات تلفون ...ونت تقدرين تحسمين الموضوع بدري
قوليها إذا هو يبيك خل يجي يخطبك بطلع هالحركة حقيقة الولد إذا عرف ان الام والاب يدرون ....وانهم يقولون له تعال اخطب بنتنا ....طبعاً هو بيخاف ويهج

لا تكلمين الولد ولا تسبينه لان بيصر يحس انك انت خايفه على اختك ولا انتي قايله لامك وابوك
لكن إذا عرف ان الام والاب يعرفون بيهج وهي بتعرف معدنه

خليك حازمة وقوية واحسمي الموضوع

الزواج عفة يا اختي
خذي منها رقم تليفون الذي تكلمه واعرضوا عليه الزواج
بما يملك من مال

اذا رفض ستعرفه علي حقيقته

ولكن لن تتركه

ابحثوا لها عن زوج يا اختي
الرجال كثيرن المشكلة في الفلوس

بدون ذلك لن تحل المشكلة
فلا تتعبوا انفسكم

علمي أهلك وقوليلهم إيش راح يصير لو تطورت العلاقه

وما راح يترتب عليها من ضياع للشرف وسمعة العائله

00سامحيني بس إنتي إذا صار أهلك مو حريصين مره على مثل كذا مواضيع لازم تخوفينهم

عشان يحسوا إن الأمر مو بسيط ويتعاملون بشكل ثاني مع الموضوع000

الله يوفقك ويهدي أختك

السلام عليكم ورحمه الله



اختي افضل حل الحوار



في مكان بعيد عن الاخرين وبكل هدوء


حاولي توعينها ..


أن البنت مالها الا سمعتها..مثل الزجاج اذا انكسر ما يتصلح...


وان اذا عاندت ذكريها بالله..وهل ترضى بأن ابنائها بالمستقبل يفعلون شي دون علمها..ذكريها بردة فعل والدتك..

زذكريها بالله..وهل تققبل ان تخون اهلها وربها بمعصية..


قولي لها ان كلنا بشر ونعصي ..وخليها تتوب...


اخذيها بالهداوة ومن جانب اجتماعي ديني..وادعي لها..


والله يبعدها عن طريق الحرام

حسبي الله ونعم الوكيل

والله هالشي صار بالنسبه للبنت والولد طبيعي لاحول ولاقوة الابالله..
اختي لازم تصارحينها انك عرفتي وخبريها اذا يبقاها بجد يخطبها
واذا رفضت هدديها انك راح تقولي للوالد والوالده لان الموضوع فيه شرف وسمعه البنت والعائله
بأسرع مايمكن لانك ماتعرفي شنو التطورات الي راح توصل غير التليفون والنت..
الله يهديها..
اختك:الحائــــرة

الاخت الغالية
انا صار لي هذا الموقف مع وحده من قريباتي
فطبعا اول شئ قربت منها وصادقتها وصرت اقولها اسراري وطمنتها حتى قالت لي عن اسرارها ومن بينها تعلق بولد عن طريق الهاتف طبعا حاورتها بهدوء كي تقتنع جيدا لان الشيطان وصويحباتها يسولون لها هذه الاعما ل
فاولا ابدائي مع اختك صداقه قوية وشاركيها هواياتها المباحه لان بعد الاهل والاخوات عنها جعلها اسيرة لغيرهم
وانتزعي الاعتراف منها لانها صغيرة مازالت شفافه تسطيعين الان ان تكسبيها بعلاقتك الوديه معها لا بالتهديد لأن التهديد اخر سلاح واتمنى ان الله عزووجل ياخذ بيدها و بيدك الى الخير

الله يستر عليها ..



حاولي توعين اختك .. هي الآن مفتونه فيه .. وصعب تقطع علاقتها فيه فجأه ..


حاولي تفهمينها نهاية هالطريق .. وانه كل الرجال يشوفون البنت وحده من ثنتين


اما محترمه وتستاهل تكون زوجه ... واما بنت غير محترمه وراح يشبع منها ويرميها ..


اهم شي تفهمينها ان جسدها غااااالي ولا يحق لاي مخلوق يلمسه الا زوجها فقط ..


وخوفيها من الله وترى ربي يستر ويستر ولما يتمادى العبد بالمعصيه ممكن يفضح ..


الله يستر على بنات المسلمين ..

الحمد الله انه في الدنيا خير وناس يحبون الخير ويدلون طريقة

انت يا اختي شمعة امل لكثير من ضعاف القلوب والذين لا يعرفون معنى الخوف من الله

اختي قال رسول الهدى ( من رأي منكم منكر فليغيره بيده وإن لم يستطع ببلسانه وإن لم يستطع فبقلبه وذلك اضعف الإيمان )

نصيحتي ان تقفي وقفة ((( حازمة ))) وان تقولي للشر لا, ولكن بحكمة وروية وبدون تجريح

اول شيء اذهبي لاقرب تسجيلات اسلامية واشتري اشرطة تتكلم عن قصص ( الغزل ) واحرصي على اشرطة الشيخ ( ابراهيم الدويش ) ومن ثم انتظري التاثير وإذا لم ينفع فأخبري اهلك وبشكل علني ودعيها تغضب منك اليوم ( صدقيني ) انها ستذكرك بالخير قريبا وقريبا جدا.

تمنياتي للجميع بالتوفيق