|
فَأَمَّا الْيَتِيمَ فَلَا تَقْهَرْ (أنا ظالمه)
بسم الله الرحمان الرحيم
السلام عليكم و رحمة الله و بركاته مشكلتي كبيره جدا خالي طلق زوجته الثانيه و عنده ولدين و بنت الولد الكبير عايش عندنا و الاثنين وياه المهم الولد فى الصف الثالث شيطان و شقي مثل باقى الاطفال اذا تشيطن شوي و خرب شى ما القى نفسي الا و انا اتهجم عليه مره كف مره بوكس و مرات افرصه امي امدلعة على الاخر انا بعد ما اصطره احس بالذنب بس والله مو بأيدي اذا ما اقول له شى يتماده و يخرب كل شي ابي اكون زينه معاه بس اذا جاف الطيب مني زاد دلعه و هو عباره عن يتيم و الله اخاف اموت و الله يحاسبني شلون اتعامل معاه بدون ضرب؟؟ |
18 دشو ما في و لا رد؟؟؟؟؟؟؟؟؟؟؟؟؟؟؟؟؟؟!!
|
ببساطه عامليه مثل ماتعاملين عيالك
|
اقتباس:
انا مو متزوجه و ما عندي اخوان صغار |
الله يهديك .. حرام هم إيش ذنبهم .. أجبرتهم الظروف يعيشون بين أب ناسيهم وام بعيده عنهم ..
أختي اتذكري إن الدنيا سلف ودين .. وكما تدين تدان .. اللي تسوينه اليوم في العيال .. تلقينه بكره في أولادك .. راح تتزوجين بإذن الله وتخلفين أطفال وتشوفين أقدار الله كيف تمضي ! |
اقتباس:
اختي ولد واحد عندنا و ما شاء الله شيطان ما يجي الا بالعين الحمره اذا تساهلت معاه يخرب البيت فوق راسي ما اتحمل شيطانته ابي المساعده منكم جزاج الله خير |
الصبرررررررررررررررر وطولة البال شيئان يأتيان بالتدريب أنا كنت إنسانة عصبية لأبعد حد لكن مع شوية تدريبات أشعر أحيانا أني قطعة ثلج من طولة بالي وإن كان لايمنع هذا بعض الفلتات مني <<<<<<<< :29: :29: :29: لكن أختي لما تعصبي عليه وتضربيه ممكن تراضيه وتكلميه بالهداوة قولي له دائما أنا لما أقسى عليك من أجل مصلحتك وبعدين ياأختي خليه يقلب الغرفة فوق حدر شو المشكلة والله أنا أرتب البيت كله من أربع لخمس مرات باليوم بس نهايتها لما ينام ابني أسهر بالليل وأنا ضميري مرتاح إني خليته يفرغ طفولته ولعبه وماحرمته من شيء شوية صبر وطولت بال كل الأمور تنحل وبالنسبة للمعاملة اعتبريه أخوك أو ابنك واللي ترضيه عليهم ارضيه عليه أو حتى ممكن تحطي نفسك بداله وشوفي كيف ترضي الناس تعاملك وعامليه على هالأساس وإن شاء الله مارح تكوني ظالمة طول ماراعيتي الله في هالولد صدقيني رح تنفتح لك أبواب الرضى من الله عزوجل وصدقيني أختي يانيالك بهالهدية اللي ربي رزقك فيها الحسنات أتت إليك وماعليك سوى إنك تستغليها لتكتب في ميزانك دمتي بحفظ الرحمن تحياتي |
حرام عليكي ..
.. طولي بالك .. ... كما ذكرت اختي امة البديع .. فهذا طريق الى الجنة ... اكسبيه .. ... دعيه يفرغ طفولته .. .ز في رأيي احيانا اتعامل مع مثل هذا الطفل بمبدأ المقايضة : ايش يعني : يعني لو لعبت وخربت مافي مصروف .. اذا لعبت ورتبت الغرفة لك كذا (( طبعا حسب ما يحب هو .. هذا اسلوب : الاسلوب الثاني : اوقات كمان استخدمه : المدح :: ماشاء الله شوفوا فلان رتب الغرفة اليوم .. بعدين : حسسيه انك قريبة منه وتحبيه .. حرام يكبر وهو يكرهك .... والله حرام .. خلي يكبر وهو يذكرك بالخير ... ويقول كل شي فيني زين علمتني هو :"" فلانة "" ويدعي لك بظهر الغيب .. .... ... |
حرام عليج
تصفيع عاد عيل شرح تسوين في عيالج ؟ يالغاليه حاولي تفرغين طاقته بشي مفيد سجلوا بنادي او اشتروله العاب فيديو |
انتى غلطانه اكيد
اللى ماترضيه على اولادك فى المستقبل ماترضيه عليك وبعدين لا تتسببى فى عقدة للطفل حرام |
شوفي أختي ..
اعتقد أن ردة الطفل تلك هي محاولة للفت الأنظار ... كونه يعيش بعيد عن أمه..ويمكن أيضا أبوه بعيد عنه يعني هو قاعد يرسل لكم رسالة ( يا أهل الله أنا موجود هنا ) ولكن بطريقته .. حاولي معه بهدوء ..حسسسه بألمان والحب وأنه شخص مرغوب به ...وامسحي على رأسه أسأليه عن أحواله دائما ما يحب وما يكره ... ونصيحة مني لك ..لا تعتادي على الضرب ..لأنك سوف تستخدمينه ضد اطفالك غدا ..وتأكدي أن الطفل إذا اعتاد على الضرب ..سيتأثر فترة ثم يبدأ بالتعود عليه ولا يكون رادعا له أبدا ... (( وإذا بغيتي تردعي نفسك ..جربي أنه كل ما ضربتيه تحطي مبلغ ..يعني لو ظربتيه وما احمر جلده حطي مبلغ ( معين ... ) وإذا احمر جلده ...يكون المبلغ أكبر ..وهكذا ..(والمبلغ بعد ذلك إما أن تتصدقي به أو ترفعينه لأجله وتشتري له بها أشياء خاصة .. دمت بود ..وأعاك الله على ما ابتلاك |
السلام عليكم ورحمة الله وبركاته
اول شي اختي بارك الله فيك .. وانت لم تقومي بكتابة هذا الموضوع الا لخوفك من الله ولشعورك بالذنب تجاه هذا الولد المسكين .. فبارك الله فيك على بذرتك الطيبة .. دعيني اقول لك حبيبتي .. ضعي نفسك بدل هذا الطفل المسكين .. يعلم بوجود امه وابيه في هذه الدنيا .. ويعلم ايضا انهم تخلو عنه لا لموتهم لا قدر الله .. وانما بدون سبب .. وان وجد السبب .. فلا تظني انه سيغفر لامه بعدها عنه .. فهي امه يرى الجميع من اقرانه من لديه ام ويحبها وتتهم به .. وهو لا بالرغم من وجودها في الدنيا .. نعم يحاول لفت الانتباه .. فكوني معه بذلك ... اعرفي نقاط ابداعه وركزي عليها وان كانت المشاغبه فاغلب المشاغبين مبدعين وهذه المعلومه قرأتها اكثر من مرة استغلي طاقة هذا الطفل في شي ينفعه .. كوني له الام .. فلك اجر عظيم عند رب العباد .. ومنها فرصة لتتدربي حتى تتعلمي لاطفالك في المستقبل .. واياك اياك غاليتي والضرب .. اولا سيكرهك ابن اخيك .. ستنمين فيه هذه العاده وقد ياخذها منك ويضرب ابناءه في المستقل .. وايضا اذا ضربتيه في كل مرة فسيصبح الضرب امرا عاديا ولا يؤثر فيه .. ادعوا الله ان يرزقك الصير .. وتذكري دائما انه طفل لا حول له ولا قوة .. |
جزاكم الله خير جميييييعا
والله اتعوذ من الشيطان قبل لا احاسبه و اضربه بس احس صاير قليل ادب و اذا سكت عنه يزيد الجرعه بس ان شاء الله اصير احسن و اكسب فيه الاجر |
اكسبي فيهم أجر
عامليه أحسن معامله وأدبيه إذا غلط بغير الضرب بالعقاب والحرمان من الشي اللي يحبه وقوليله إنك تحبيه وتخافي عليه واللي تسويه لمصلحته عشان يكون أحسن الناس بس لاتضربيه والله رحمته مسكين لاأب ولا أم وضرب ... ترى إنه الشخص يعيش بدون أب وأم وهما موجودين وبعيدين عنه مو سهل.. الله يوفقك يارب |
ما اضربه بدون سبب بس والله حركاته تستفزني اليوم ضاغطه على اعصابي و اتحاشه بس
عشان ما اضربه وديته معي اليوم نزلت من السياره و خليته قاعد داخل السياره عشان اخذ شى من المحل قام غير اذاعة القرآن و حط اغاني سئلته ليش يقول ابي اسمع قرآن غييييييييييير!! والله ما اعرف شلون اتصرف معاه على فكره امي و ابوي امدلعينه على اخر ساعات يقعد اميّّ من النوم الساعه 8 يقول عمتي قومي الوقت متأخر و امي مسكينه ما تقول له شي ادري اهو طفل و ماله ذني و انا ما اتحمل و اعصب بسرعه |
شوفي انتي متفرغه طبعا ليش ماتصادقيه يعني تقولين له وش رايك نصير اصحاب وتحكين له قصص وتشترين له اشياء يحبها بعدين رح يها ويصير يلبي كل شي تطلبينه منه حاولي معاه بالحسنى يعني ادخلي الرحمه والشفقه في قلبك بدل الظلم
|
خليك وسط معاه لاتدليع ولاضرب
إذا تبين الطفل تغلب عليه الهداوه عامليه كشخص كبير إذا جاء ينام بالليل تكلمي معه بهدوء قولي فلان ترى والله أنا أحبك وأعزك حبيبي لازم تصير كبير وتسمع الكلام ما يصلح وأنت بهالعمر تخرب وتكسر .. وعطيه من الكلام الأمومي الطفولي وقبل ينام قوليله قصة بنهايتها تقدرين تربينه صدقيني شقاوته وخرابه فقده للحضن الحاني حضن الأم وكوني أنتي بمكانة أمه والله يعينك |
جزاكم الله خير قلت له ليش ما تسمع الكلام ما رد
اليوم رجع من المدرسه و شاق بانطلونه قلت له ليش جي يقول بروحه انشاق المهم تعوذت من الشيطان و غديته |
مافي احسن من الهدوء حبيبتي ترى زي ماقالوا اخواني الطفل يحب يلفت الانتباه وخصوصا لو امه وابوه مو جنبه خليه مثل ولدك لاتضربيه بالمره استعملي اي شي غير الضرب خليه يجلس بغرفه مافيها اي شي مسلي لمده معينه طبعا دقايق تكون او احرميه من المصروف وزي كذا
واما على البنطلون الي شقه قلك هذي الاجابه لانه خايف منك لو كنتي معاه طيبيه وماتضربيه كان قلك كل شي |
حرام :(
ترى نفسية الصغير مثل الكبير بالضبط هل ترضين احد يضربك لو غلطتي ؟؟؟ استخدمي معاه اساليب ثانيه غير الضرب .. يعني اذا غلط .. حطيه في مكان بالغرفه وقولي تقعد هنا مثلا خمس دقايق الى ما يتأدب حاولي معاه بالذوق .. يعني امدحيه اذا سوى شي حلووو شجعيه حرام مسكين هو مو ناقص .. اللي فيه مكفيه محروم من امه ومتمرمط بعيشته .. تجي من وين او وين الرفق والرحمه شي عظيم حاولي تتعلمينها والحلم بالتحلم .. خليكي هاديه .. ترى سهل مره .. بس حاولي .. الله يعينه بجد حزنت عليه :( |
اذا تشيطن شوي و خرب شى ما القى نفسي الا و انا اتهجم عليه مره كف مره بوكس و مرات افرصه
يالله! حرام عليج هذا طفل يمكن عمره ما يتعدى ال8 او ال9 سنين! تتهجمين عليه وتكفخينه وتعطينه بوكس! يا ربي احفظ عيال المسلمين من كل مكروه يا رب العالمين يا اختي يا حبيبتي.... خافي الله فكما تدين تدان هذا الطفل شو ذنبه انه امه وابو تفرقوا.... بدال هاذي المعامله لازم تتعاملون معاه بحذر شديد كفايه انه عايش بعيد عن امه وابوه وهو في هاذي السن... والله راح يكبر واتصير عنده مشاكل نفسيه بهالطريقه.... خافي الله يا قلبي ترا باجر اتصيرين ام وعندج عيال المحل قام غير اذاعة القرآن و حط اغاني سئلته ليش يقول ابي اسمع قرآن غييييييييييير!! يا اختي صدقيني اطفال في عمره يسوون أكثر من جذي.... ولد في عمره ما عنده هاذي الادراك اللي عندك خذيه على قد عقله ربي يجزاكي خير من النوم الساعه 8 يقول عمتي قومي الوقت متأخر و امي مسكينه ما تقول له شي حكيمه امك ما شاء الله عليها ربي يحفظها.... شوفيها كيف اتعامل الولد وحاولي تتعلمين منها... اليوم رجع من المدرسه و شاق بانطلونه قلت له ليش جي يقول بروحه انشاق يمكن لاعب كوره مع الاولاد وطاح وانشق البنطلون.... انا ولد اخوي في سنه كل يوم يرجع ببنطلون مشقوق... طولي بالج عليه وحاولي اتفهمينه بالزين ترا اليهال في هذا العمر يبيلهم مسايس بس الله يخليج الله يخليج اعتبريني اترجاك! عاملي هالولد زين! بلا بوكسات وتهجم خافي الله في ولد الناس! حرام عليج والله ترا انتي محاسبه جدام رب العالمين.... حاولي اتعوضين هالولد لو شوي اتمنى ما تزعلين من كلامي واعتبريها نصيح من اخت تحياتي لج اختي الكريمه |
شوفي ياحبيبتي الطفل بدون حركه يععععععععععععععععععععععععععععع والله من ثقل الدم خليه يفرغ الطاقه الي فيه وهو صغير مهوب إذا كبر يشغلكم اكثر .............................وشلون لو تشوفينن انا وعيالي ولاعندي شغاله وكل يوم طالعين علي بسالفه ....بس الواحد يتحمل ويصبر لله وانتي المروض تصبرين اكثر ...وكل ماحركتي ايدك تضربينه تذكري قول الرسول صلى الله عليه وسلم (انا وكافل اليتيم كهاتين بالجنه ) وإذا كان عندكم شغاله ايش عليك انتي من الترتيب احتسبي الاجر واشتري له قصص عن السيره النبويه للأطفال وكل ليله قصي عليه جزء وخليه يتحمس مع القصه ......وإذا غلط قولي تراي مأقولك االيله عن القصه الحلوه ..بس لاتكثرين التهديد ..علشان مايمل وقول بلاك انتي وقصصك
وشتري كتب عن التربيه ...وعليك بكتاب( التربيه بدون صراخ) مفيد جداً معليش حببتي شديت عليك بس والله مأبغى لك إلا الاجر من الله والله يكون في عونكم التربيهماهي بسيطه |
جزاكم الله خير
والله تغيرت كثير معاه الحمدلله الحمدلله اليوم مشطت شعره و احس انه يبتسم بدون ما اشوفه |
السلام عليكم
حاولي بقدر المستطاع انج تبتعدين عن اسلوب الضرب الجئي معاه باسلوب ثاني حاولي انج تشغلينه بأي شيء لانه مهما ضربتي الولد لما يكبر بذكر انج وايد قسيتي عليه فحاولي تعاملينه بالحسنى |
حرام عليكى
اتقى الله فيه اختى عامليه زى ما هتعملى ولادك دا طفل محتاج الحنان الاطفال احباب الله |
جزاكم الله خير
|
الا تخافين الله انه هو يتيم وصغير
اختي كلماتي قاسيه لكن هذه الحقيقه تخيلي انه ابتك هل ترضين هذه المعامله له في عده طرق لترويض الطفل على فكره الضرب يولد شاب منحرف ولا قدر الله ربي يحفظه ويوفقه راح يكون ذنبه برقبتك |
على فكره تدرين اللي يمسح راس اليتيم يرافق رسول الله صلي الله عليه وسلم بالجنه
االناس تدور يتيم عشان تكفله انتي الله يحبج والله صدقيني احتسبي الأجر من معاملته والصرف عليه عندج باب اجر مفتوح احسن صدقه كفاله اليتيم والصدقه مو بس مال حتى العشره الطيبه |
night2005
جزاج الله خير مو قاسيه انتي حنونه بس انا فيني عصبيه زياده قبل 3 ايام تعرضت لحادث و كنت بالمستشفى و انا من الصدمه تشهدت و تذكرت الولد و الحمدلله صرت احسن معاه |
الحمد لله على سلامتج اختي والله يثبتج ويسعدك
|
هل هو عبد حتى تضربينه بكل هذه القساوة ؟
لا يجوز لكِ أختي ضربه وإبتعدي عن الغضب كما قالت لكِ الاخت امة البديع ولو بالتدريب على تمالك أعصابكِ |
جزاكم الله خير
|
حرام عليكي لا تضربينه يتيم تعاملي معاه باسلوب غير الضرب شوفي وش الحاجات اللي يحبها وحاولي تقولين له اذا صرت مؤدب بسوي لك كذا او بروح معك مشوار او بشتري لك لعبه واذا شفتيه زودها لاتضربينه تجاهليه وعاقبيه من دون الضرب احرميه من لعبته وقولي له ماما تشوفك وزعلانه عليك لانك مو مؤدب شيلي عنه البليستيشن وخليه يبكي لاتردين عليه ولاتطاوعيه بعدين هو من نفسه راح يسكت ويتادب وقدماتقدرين خليكي قريبه منه ترى لك اجر كبير عند رب العالمين لانك احسنتي له يكفي امه مو موجوده ولا ابوه جنبه بعد انا على فكره مع الصغار اقول الكلمه 3مرات عاند وقام يتدلع ماارد عليه واتجاهله واعاقبه من دون ضرب وصدقيني تنفع جربتها كثير وفي شي ثاني حاولي تجلسين معاه لوحدك وتسولفين معاه وتشوفين اهتماماته وحبيها خليه يحس انو في ترابط بينك وبينه حسسيه انه كبير وانه البطل حقك وانك تعتمدين عليه فهمتيني وراح تشوفين تغير انشالله
|
نيناريتشي
كسر فى ايديني ان شاء الله قولو اميين اذا امد يدي عليه الحين عندي اسلوب ثاني معاه ابي الاجر فيه و رفقة الرسول صلى الله و عليه و سلم فى الجنه و هو صج صاير شيطان شيطان بس لا لازم اتحمل و اربي احسن تربيه و ان شاء الله الله يوفقني |
حاولي انتي تلعبين معاه لكن بهدوء ... راقبيه بس بدون جزم شديد معاه ... عقاب خفيف يكفي ...
تخيلي انه ولدك ... يطاوعك قلبك انك تضربيه ... انا مثلك عصبيه لكن حدي الكبار اما الصغار لا... والله يعورني قلبي عليهم وهم بين ابوهم وامهم كيف وهاذا ولد خالك وبدون امه وابوه ؟؟ فكري فيه! الله يسعدك ويريح بالك يارب ... هموووم |
اتمنى المشرفين يغلقون الموضوع لاني عرفت الطريقه عشان اتعامل معه
و جزاكم الله خير |
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©