|
هل تقبلين السكن مع اهل الزوج؟؟
هل تقبلين السكن مع اهل الزوج خاصه اذا كان له شقه خاصه مكونه من
غرفه نوم كبيره صاله دورة مياه مطبخ غرفه غسيل ملابس خط هاتف مستقل طبعا تشطيبها من افخم الديكورات ام تفضلين في بيت مستقل تماما احب اسمع وجهات النظر الاشراف: تم تعديل العنوان ليناسب النص |
صراحة ياخوي إبعد عن الشر وغني له
مهما كانوا أهل الزوج من طيبه لابد من بيت مستقل حتى لو إنها شقه صغيرة وشكرا لك |
أنا من وجهة نظري كل بنت تحب ان تسكن في بيت مستقل لوحدها
و لاكن اذا كانت هناك ظروف تمنعني من السكن لوحدي ككبر اب و ام زوجي و ليس لديهم احد يعتني بهم الا زوجي طبعا ساسكن معاهم لمساعدتهم اواذا كانت ظروف الزوج لاتسمح بان يأتي بشقة مستقلة برضو ساوافق السكن مع اهل زوجي اما ان كان لا يوجد سبب فطبعا احب ان اسكن فى بيت مستقل حتى لو كان بيت اهل زوجي كبير |
انا ساكنه مع اهل زوجي ولي شقه مستقله بس بنفس العماره والله اتمنى اليوم قبل بكره استقل لوجدي هم ولله الحمد طيبين وتصير بيننا احتكاكات بسيطه ومضايقات حتى مع الأهل والأخوات يصير هالشئ بس انا افضل بيت مستقل على قولة المثل ابعد حبه تزيد المحبه وخصوصا اني مااخذ راحتي مع ضيوفي لأن المدخل واحد بس الله يصبرنا ويعيين الجميع
|
لااااااااا
أبدا ما أوافق أعيش مع أهل الزوج و سبق و فسخت الخطبة لهذا السبب لأن كل امراه تحب أن تحس بالإستقلالية و الحرية و لو كانت في غرفة واحدة فوق الشطوح بس بعيدة عن الأهل |
طبعآ من الافضل منزل مستقل لان اى واحده بتحب تحس ان ليها منزل مستقل وهى المسئوله عنه
|
تبي الصراحة ... البنت اتحب تسكن بروحها... خذها مني...
انا سكنت فترة في بيت اهل زوجي... وصارت مشاكل كثيرة ... وكبييييييرة مالها داعي.. لو اني في بيت بروحي كان ماصار هذا كله .. كان ممكن اتحاشى هالمشاكل |
أسأل أكبر معانية في المنتدى في هذا الموضوع ..
أنا .. لالالالالالالالالا .. لا أؤيد .. وندمت أشد الندم لأني لما أعرف مصلحتي ولم أشترط وأهلي سكنا خاصا .. |
السلام عليكم
اخي الفاضل \ نايف حفظك المولى ورعاك واقر عينك بنيل مرادك بصراحه اخوي لنكون اكثر واقعيه السكن اللي وصفته ( غرفة نوم وصاله ومطبخ ودور مياة) هل تعتقد انها مناسبه لأستقبال الاهل الزوجه واستقبال صديقاتها ؟؟ اعتقد ومتأكد لأ فبكذا اذا رغبت الزوجه ان تستقبل اخواتها وين تحطهم؟ ياانها ترفض استقبالهم يا انها تستقبلهم في مجالس اهل الزوج وهنا تبدأ المشاكل مثلا: 1_ تحتاج البنت تجهيزات لأستقبال ضيوفها يعني ( قهوى وشاهي وحلويات وعشى) تضطر استخدام ( خادمة الاهل) يبدأ الاهل بالمضايقه ان كان اخوات الزوج او ام الزوج لاتشغلين خادمتنا احنا بحاجتها.. 2_ ممكن ان الاهل ام الزوج او اخوات الزوج يدخلوا للمجلس معاها ومع اخواتها وصحباتها وهنا مشكله ثانيه لآن اي وحده تحب تاخذ راحتها بالكلام بالفضفضه اذا انا نفسي اوقات لما اكون جالسه مع صحبتي مااحب اختي ولا امي يجلسوا معايا طول الجلسه يعني ممكن يسلموا ويجلسوا شوي ويطلعوا اما يجلسوا طول الوقت طبعا مااحب ولاأرضى ابغا اتكلم مع صحبتي بشي مضايقني هي نفسها تبغا تحكي لي شيء خاص نبغا نفضفض وبعدين لاننسى دعاء الرسول صلى الله عليه وسلم ( اللهم وسع لنا في دورنا) وبعدين البيت الواسع يعطي راحة نفسيه والبيت المستقل بالزوجه افضل بكثير واخير دعواتي لك بالتوفيق والسداد وراحة البال والفرج القريب وان يألف الله العزيز القدير بين قلبك وقلب زوجتك ويرزقكم بحق هذه الساعه الفضيله برحمة التي وسعت كل شيء الذريه الصالحه وان ينفخ الروح في رحم زوجتك ويرزقكم من فضله ونعيمه وحصنتكم بلا اله الا الله |
عادي اسكن معهم ليش لا
بس اكون بشقة لوحدي مايشوفوني وانا طالعة وانا داخله بس اذا الظروف تجبرني على غير كذا امري لله |
روح الغالي ..
ردك عور قلبي .. ضربتيني ع الوتر الحساس .. لا فض فوك .. |
بصراحه أنا ساكنه في شقه أجار وشقتنا صراحه حلوه حيل وكبيره حيل بس اللي مضايقني
اني بروحي يعني صحيح اني وزوجي نسوي عزايم من فتره لفتره عشان نحس بحركه في شقتنا والحين الحمد لله أهل زوجي يبنون بيت كبير ولنا شقه متكامله وفيها مدخل خاص أصلا قاعده اتمنى يخلصون البنيان بسرعه عشان نسكن وياهم لان أهل زوجي طيبين حيل الله يذكرهم بالخير ويعني أتخيل روحي مستانسه معاهم انزل لهم في اي وقت أشوفهم ويشوفوني الله وناسه بصير مو معزوله بروحي بيصير معي أهل في البيت في أروع من كذا ويعلم الله في حالتي بداية زواجي كنت أزهق حيل لان زوجي دوامه طويل ويرجعلي متأخر ولا وياي أحد الشقه خاليه مافيها حس ولا نفس بس كان يضيع وقتي الصبح في الكليه والحين الله رزقني ببنت ملت علي الدنيا كلها الحمد لله بس والله والله الأهل حلوييين |
اعيد وارد انا يشوفوني متى طلعت ومتى دخلت واحس لازم اتكلف لانزلت او حتى لو خارجه مع زوجي واذا جبنا اغراض يكونوا جالسين بالإستقبال والله ملل وضيق احيانا اكره الطلعه بسببهم لأنهم جالسين ويشوفوني والله هي ماهي مشكلتهم هم بالنسبه لهم بيتهم عادي يعني ابسط شئ بيقولوا حنا جالسين ماراقبناكم بس انا احس بمراقبتهم في الصغيره والكبيره
نصيحتي لاتسكنوا عند اهل زوجكم الحب بيزيد لما تبتعدوا والله انا مجربه |
لما لاتنظر الفتاة بنظرة ايجابية الى السكن مع اهل الزوج
فمثلا زوجك في العمل وانتي تمرين بحالة من الطفش اليس جلوسك مع اهل زوجك في الاسفل افضل من خروجك من بيتك؟ الن تقوي العلاقة بمشاركتك ام زوجك يوم في طهو الطعام؟ عندما تلدين طفلك الأول الذي لن يتركك من البكاء كيف ستستحمين او تطهين الطعام لزوجك بدون مساعدة الن يكونوا اهل زوجك عونا لك؟ عندما تمرضين من يستطيع الوصول اليك والجلوس معك كثيرا غير اهل زوجك ؟ اهل الزوج ليسوا( بعبعا او وحشا) هم اشخاص ولكل شخص مفتاح ليألف الأخر.. وإذا لم تريدي الاحتكاك بأهل زوجك لاتنزلي لهم ولاتحادثيهم وسيبتعدوا عنك..ان فضلتي الابتعاد.. أنا مع سكن الفتاة مع اهل زوجها ان كانت لها شقة مستقلة بمدخل مستقل.. الله يسعدك حائزة |
صراحة أفضل ويقوة السكن مع اهل الزوج خاصة في اول الايام .. يمكن لانه الحمدلله الله رزقني اهل زوج عسل ربي بيحفظهم ويخليهم لي يارب ..
لعدة أسباب أهمها انه تزيد علاقتي فيهم .. يعني دايما مع بعض .. واي وقت ابي اشوفهم هم معاي .. وأحلى سبب انه ام زوجج بتصير امج صح .. يعني تخيلي انح ماتشوفين امج كل يوم .. بس اذا ساكنه في بيت اهل زوجج ام زوجج بتصير امج .. فيعني حلو الشعور .. هاذي الاسباب اللي عندي حالياً .. لكن طبعاً ما اعارض الخوات الي يفضلون السكن بروحهم ويا ما سمعت عن اهل زوج فربهم نار والعياذ بالله .. فهالزوجة من يقدر يلومها اذا فضلت انها تسكن ببيت بروحها خاصة واصلا انه البيت المستقل حق لها .. في نقطه الضيوف انا اعارض لسبب واحد فقط .. هو ايضا لانه الحمدلله اهل زوجي طيبين ... يعني اذكر مرة كنت ابي اسوي عشا حق صديقاتي في بيت ابوي عشان ماكلف على بيت عمي .. والله عمتي اصرت انه يكون في بيتها عشان تشوف اشلون الترتيب وعشان تساعدني .. اللهم لك الحمد والشكر ... :) |
ما شاء الله اشوف الغالبيه رافضين الفكره
طيب سؤال ثاني اذا كانت ام الزوج كبيره في السن وزوجها متوفي والبيت كبير مره ولا فيه الا الام فقط حتى الجمعات تصير خارجيه بين الاهل ونا بصراحه مااحب السكن مع اهل الزوج وجهة نظري الخاصه لكن حبيت اخذ رائي الفتيات والشباب ما فيه مانع |
لا بعيد عن الاهل(الزوج و الزوجه) يكون احسن
|
يفضا ان يكون مستقل بالطبع
ولكن ادا كان وفقا لظروف فالما لا |
على حسب ظروف الزوج
مثلا لو كان الولد الوحيد وامه وابوه كبار في السن وما عندهم احد غيره طبعا ما راح امانع أسكن معاهم على شرط يكون لي نوع من الخصوصيه... أصلا ما راح ارضى يترك اهله في هالظروف! بس اذا في اخوان غيره وظروف زوجي الماديه تسمح أكيد ابي بيت بروحي.... حتى لو اهل زوجي طيبين وزينين إلا وتصير مشكله.... أدري وايدين يقولون المشاكل اتصير حتى بين الخوات بس في النهايه أهل زوجك عمرهم ما راح يصيرون مثل أهلج |
لا والف لا بيت صغير مستقل خير من قصر مع اهل الزوج
ابعد عن الشر وغني له وبعد الي صار لو اشحد شحاده ما اسكن مع احد وفقك الله لكل خير في رعايه الله |
اقتباس:
وما في احد غير الام اذا جى حد والام ما تحب تستقبله والزوجه تحب تستقبله وش يسير ؟؟ ثاني شي اذا ما جلست البنت مع امه ها وش فيها ما تبي تجلس معي ؟؟ ما تحبني ؟؟ ما تبي تشوفني ؟؟ والادهى والامر ان يتدخل احد في تربيه الابناء الام تقول للبن مافي شكولاته يروح عند جدته ويخذ شكولاته يعني كلام الام يسير عاااااااااااادي عن الابن مهي جدتي تعطيني ليش اقول لامي اروح اخذ منها واريح راسي هذه بعض الامثله ولو اعد اكثر من كذا امثله مارح اخلص وفقك الله اخي لكل خير في رعايه الله |
اذ كان الزوج مايقدر يوفر لي سكن خاص بعيد عن اهله ماعندي مانع او ان امه وابوه كبار في السن
غير كذا الافضل السكن في سكن مستقل تماما |
أفضل السكن المستقل تماما..
لـكن بحالة هي كبيرة بالسن و هيك و ما في غيرهــا..بسكنها ببيتي و بحطها على راسي..و بخدمها من عيوني.. |
ايه خصوصا اذا كان هو مره لصقه بأهله واذا كانو اهله ناس محترمين ولا يتدخلون بخصوصيات الناس ليش لا
عادي |
على اساس سؤالك الثاني اقولك بصراحه على حسب شخصية الام ولو اني انا شخصيا افضل اسكن بشقه لحالي واستقبل واحط واسوي اللي ابي بخصوصيه وبدون محد يدري لكن في حالتك قلتلك على حسب شخصية الام اذا حليلة وطيبة مافيه مانع بس اذا شخصيتها قوية بصراحه يخوف الوضع..
لكن ارجع اقول انت ماتعرف ايش يعني السكن المستقل بالنسبه للبنت حريه وانطلاق ولاحد يسألها ليش ما نزلتي اليوم ولا وين كنتي سهرانه امس يعني اذا بتسأل اي بنت بتقولك اسكن لحالي مهما كانت المغريات لانه على كلامك هذا وعلى اساس الام لحالها بالبيت بتضطر البنت تعيش مع ام زوجها طول العمر مب مسألة مؤقته بكرا تجيب عيال وتتدخل في تربيتهم ومشاكلهم وو.. مافيه شي احسن من الاستقلاليه مهما كان الثمن.. |
اقتباس:
:22: :22: :22: |
اكييد فبيت بروحي انا ساكنه فشقه مستقله ومدخل خاص بس فوقهم وربي مو مرتاحين بسبب التدخل حتى انهم طفشو ولدهم هو بنفسه يبغا ينقل وبعدين ياخوي مهما صار الاهل طيبين والزوجه طيبه صدقني بيصير فيها مشاكل لو تافهه عشان كذا خلك بعيد وعزيز من اولها
|
بيت خاص ومستقل انا ساكنه فوق اهل زوجي يعني في((( شقه مسروقه ))ومستقله والحمدلله مرتاحه بس اهم شي لحالي ولا احديدخل فيني انا وزوجي
الاشراف: ارجو تغير الصوره الرمزيه بسرعه فهي مخالفه لقوانين المنتدى |
اقتباس:
اخي الفاضل هنا بهذا الموقف والله اشيلها بعيوني واخدمها بيديني وبرمش عيني واوافق على طول |
انا ما اوافق ابدا اسكن مع اهله مهما كانت الظروف تجنبا للمشاكل اما بالنسبة للسؤال الثانى طبعا اوافق واساعدها وتكون مثل أمى كمان فى هذه الحالة فقط ممكن اوافق
|
اقتباس:
وشكرا |
الموضوع يا اخوان ماهو لي انا مستقل في بيت من سنين
هذا زميلي بالدوام يشرح لي وضعه ويقول كل ما جيت اخطب وعرفو اني بسكن مع امي يرفضون بدون نقاش مع ان الرجال من اروع الناس اخلاق وادب ومركزه الوظيفي والمادي ممتاز يعني بصراحه لقطه وصغير بالسن 27 سنه مع اني شفت بيتهم وكيف طريقه الشقه الي يقول عنها مستقله تماما وهو يقدر يطلع من البيت ويشتري فيلا خاصه فيه لكن العائق امه ماوده يطلع ويتركها لدرجه يا اخوان ان العايله اذا اجتمعو كل اسبوع عندهم استراحه يطلعون فيها انا مثل ما قلت لكم رائي |
طبعا حسب حاله الزوج ان يستطيع اسكن في بيت مستقل واهله ليسو بحاجه له اسكن يعني فيه ابوه فيه اخوان ماتكون امه حرمه كبيره لوحدها واخليها والا امه وابوه كبار في السن وماعندهم احد غيره واقول اخرج حرام لانه هذا ابنهم كمان ماتعبوا عليه عشان يتركهم ويجحدهم وهم بحاجته اكره تصرف النذاله وان يتبع زوجته ويخلي من هم بحاجته فعلا مع العلم اني زوجه وسكنت مع اهل زوجي فتره وخرجت انتقلنا من نفس المدينه
اما ان لديا الاستطاعه ان اسكن في بيت مستقل فاطبعا افضل بكثير لان احيانا يكون فيها غيره راحوا جوا اشتروا سوو كذا في بيتهم ليه نامت عند اهلها ليه راحت كم مره عندهم خلال هذا الاسبوع ليه ليه ماطبخت ليه الاسراف الزائد وكما تعلم زماننا غير زمانهم غير احيانا هناك امور ليس بالضروري الاطلاع عليها وبعض اهل الزوج هداهم الله ملاقيف جدا ينبغي البعد عنهم لااكتفي المشاكل وبعدين خليك بعيد حبك يزيد تحياتي لختك سويت |
اقتباس:
أفضل إن أم زوجي هي اللي تترك بيتها و تجي بيتي وتسكن عندي .. لكن إذا أنا سكنت ببيتها ماراح آخذ راحتي وهي بتكون المتحكمة بالبيت وأنا كأني ضيفة مو راعية البيت .. |
اقتباس:
اذا مه ماعنده غيرها يعني بتسكن لوحدها اذا خرج حرااااااام عليه يخليها والبنت الى من اولها كذا انا اشوف اني اتركها من باب اولى لان الى ماتقدر ولاعندها استعداد تتعاون مع ضروف زوجها وتحط امه فوق راسها وش يكلف عليها مدام البيت كبير وشبه مستقل سوي انها تانس وحده هذه العجوز المسكينه الي بتمسك لها اولادها بعدين وتخليها تروح وتتمشي ومدام اجتماع العائله في استراحه خلاص مافي اي عذر لاوالله خلي يدور بيلقى ان شاء الله وحده طيبه تعينه على بر امه ارجوا ان تنصحه ان اجبت اول على وجه العموم قبل ان اقرا كلامك هذا والحمدلله لايختلف كثير الامر تحياتي اختك سويت |
ايه عادي مافيها اي مشكله ...
منها نتونس مع اهله .. ومنها اذا اهله محتاجيين له يكون جنبهم .. وبكره لما يجيني عيال وابغى اروح العمل او اي مكان انزلهم عند اهله .. بعدبن اذا امه الحالها ماله غيره اكيد لازم يسكن معها ولا يخليها .. والبنت الي تطلب منه يترك امه بصراحه ماعندها ذوق |
اقتباس:
امه وحدانيه عايشة بروحها... ايه صح مايصير يخليها بروحها ... مسكينه .. بهالحالة ممكن الوحدة تسكن في بيتها بس الافضل لو هي تنتقل لبيت الزوجة ... وبعد على حسب شخصيتها الصراحة لان في وايد حريم يسوون مشاكل حق زوجات عيالهم ... بس هو ماينلام مايصير يخليها بروحها... الله يعينه وان شاء الله يلقاله بنت الحلال الي ترضى تعيش مع امه .. بس اهم شي يوفق يبن امه وزوجته ولا يظلم حد فيهم ولا يقصر مع الثنتين .. الله يوفقه |
السلام عليكم اكيد كل وحده تتمنى انه يكون لها سكن مستقل بس احيانا ظروف الزوج تكون العكس انا حاليا مخطوبة وفي المستقبل بسكن مع اهل زوجي والسبب انه هو اخر العنقود وما يقدر يترك امه وابوه بتكون لنا شقه في الطابق الثاني بكامل تجهيزاتها بما فيها مجلس استقبال الضيوف حتى مدخل الشقة بيكون مستقل عن البيت وانشاءالله تمشي الامور تمام بيني وبين اهل زوجي وما تكون بينا مشاكل |
والله السكن مع اهل الزوج مو مريح ابداً انا عن نفسي عانيت الامرين بالرغم انهم يقربو لي والقرابه مو من بعيد بس بصراحة كرهت حياتي يعني على الطالعه والنازله يحسبو عليك صبرت لحد الصبر مل مني لكن الله عوضني الحمدلله مو طلعت من عندهم بس طلعت من الدولة نفسها وما التقي بهم الا كل ثلاث سنوات وزيادة عليها ومثل ما يقول المثل ( خليك بعيد حبك يزيد ) اذا كانت ام الزوج بروحها عادي اسكن معاها لكن اذا كانو اسرة كبيرة فهذي مشكلة !! |
اذا بهذه المواصفات اكيد مقبولة ونص
والابتعاد افضل |
| الساعة الآن 06:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©