|
ألحقوني بكره موعد السفر
السلام عليكم ورحمه الله وبركاته أخواتي الغاليات كيف بيكون شعورك عندما يسافر عنك زوجك الغالي ولو كانت الفترة قصيرة ؟؟؟ بكره زوجي راح يسافر لبلد خليجي بعيد عن بلدنا وماتعودت على بعد زوجي حتى ولو كان لمدة يوم صارلي يومين وأنا افكر اذا جاء وقت النوم ؟؟؟:15: :15: اذا جاء وقت الاكل وقت القهوة كيف راح تكون نفسيتي بدونه والله افكر كثير هو ظلي وروحي وكل شي بنسبة لى على فكرة هذي اولا مرة زوجي يسافر بدوني وراح يغيب عني (5)أيام والله طويلة هو مسافر علشان شغل ضروري وراح يجي بسلامه 000 أدعولي ان الله يصبرني على بعده والله راح اشتاق له كثير ما ابغي منكم غير انكم تدعون لها أن يجي بسلامه والله يوفقه تحيااااااااااتي لكم ((المنتظرة زوجها)) |
تعرفيت أحسن حل شنو؟؟ روحي عند اهلج لين يرد عشان ماتشوفين مكانة ولا قلبج يعورج شرايج؟؟ |
الله يرجعلك بالسلامة ....والله يصبرك ..معك حق والله صعب غياب الزوج حتى ولو لفترة قصيرة ...حاولى تشغلى نفسك ...وايضا هى فرصة حلوة لتغيير الروتين وتجديد الاشواق ..ويرجعلك مشتاق ولهان عليك وانتى ايضا ..ان شا الله يرجع سالم غانم
|
مشكورين أخواتي الغاليات
أختي أم هياوي أنا عندي اولاد بيروح للمدرسه والمدرسه قريبة من بيتنا وبعدين الوحده منا لما بيكون عندها اولاد أحسن شي يكون في بيتها علشان ترتاح فية أكثر وأم الاولاد مالها ألا بيتها وزوجها لو عندي ولد وحدا أو اثنين يمكن الوضع يختلف أشوي عفاكم الرحمن |
الله يصبرك!!
انا زوجي يسافر كثير... مره سافر شهر ونصف .........كان شال امه للعلاج في احدى الدول طبعا معاي اطفال صغر في المدرسه فما قدرت اروح معاه بس كانت فرصه لتجديد المشاعر ,,,,,, وكثير اشتقنا بعض غيرت كثير في غرفتي ..... وغيرت لون شعري بصراحه تفاجاء كثير وحسيت انه مره مشتاق والحين هو مسافر للعمل اسبوعين .... وبيننا مسجات يوميه ..... ومكالمات يا اختى هونيها وتهون وترى البعد يجدد الاشواق وراح تحسين كنك عروسه اما بخصوص اهلي بصراحه اروح ازورهم في الاجازات هم لهم حق .... واستانس كثير واغير جو وارجع لزوجي غييييرر!!! الله يهون عليك واحمدي ربك انها بس 5 ايام راح تمضي بلمح البصر ويمكن لانها اول مره علشان كذا انت تهوجسين وتفكرين .... استغليها فرصه ورتبي غرفتك وشكلك خليه لمن يرجع يلاقيك ملكه جمال |
أها آسفة صج لي قالوا كلن يرى الناس بعين طبعة لأن انا عندي بنت وحدة اقكر كل الناس مثلي
بس تدرين فرصة تغيرين فيها ديكور البيت منها تشغلين نفسج ومنها نوع من التجديد هالفكرة معقولة أكثر صح؟؟:18: :18: |
السلام عليكم ...
كأنك يا اختي أم شاهين تتكلمين عني ،، أنا الأخرى سيسافر زوجي الحبيب لمدة 5 أيام _ أسبوع بالكثير ولكن المدينة في نفس الدولة ،، وقاعدة أحاول أنسى أو أتناسى ،، مع ان تريدين الصراحة عندي أشيااااااااء أتسلى فيها وامضي وقتي وفوق هذا راح أكون عند أهلي إللي مرررة فرحانين وخصوصا أمي الحبيبة الله يحفظها أني بنام عندهم كم يوم ،، يمكن الفكرة مجردة ممكن أتقبلها لكن لما يبدأ الجد يكون الكلام ثاني .. سبق مرة سافر زوجي يوم واحد لمدينة بالطائرة ودعته ودموعي على خدي صبابة .. وهو يوم ،، إدعيلي وأدعيلك ... (: أم حمزة |
الله يخليكم حق أزوجكم
كل شي عندي متوفر ((النت موجود 000وأهلي انا ازورهم 00وأولادي الحمد لله كبار ممكن أطلع معهم {{بس وجود الزوج له طعم خاص }} أنا مخطط لتغير الغرفة وكل شي بس وقت النوم مين أحضن الوسادة ههههههههه ؟؟ ومين يشخر علي وقت النوم والله راح أفقده بس الله يرجعه لي بسلامه الله يستر عليكم |
اقتباس:
|
اقتباس:
اختي الفاضلة ام شاهين .. اعلم انه لامكان لي في هذا الموضوع فهو خاص على مايبدو بكن .. وليس لضمير المذكر مكان .. ولكن شدتني هذه الجلمة ..(التي اقتبستها اعلاه .. اسأل الله العلي العظيم ان يجمع بينكم (دائما ) في حب وطهر وخير وبركة وهناء ومحبة ... في هذه الدنيا وفي مقعد صدق عند مليك مقتدر .. وجميع ازواج وزجات المسلمين .. اللهم امين .. .... |
يرجع لك بالسلامه يااااااااااااااااارب ..ويخليه لك وتدوم بينكم الموده..
أنا مثلك اذا غاب عني زوجي احس بهم وضيقت صدر....ولا اتحمل ان يكون بعيدعني.. |
الله يبارك لكم وعليكم وباقي {{5}}ساعات على موعد السفر جهزه له الشنطه وكل ما يحتاجه
والله دمعتي قريب تنزل وما ودي يشوفني ابكي الله يصبرني |
فرصة لتجديد المشاعر
الله يرجعه بالسلامة |
اه ياام شاهين انا زوجي يسافر من اجل العمل كثير بس يومين ثلاث يعني كل شهرين تقريبا الاشهر في السنه يروح 25 يوم مع اني لي سنين الا اني لم اتعود ابعده كل ما جا يسافر احزن ابكي واحاول اتناسي الامر وتعرفي عندي حركه اسويها 0000000000000000دائما اخلي اخر ثوب له لبسه عشان احضنه واشمه كل ماوحشني 0000000000000000
حزنتيني والله الله يكفينا شر السفرات لاتروح تجينا سفره الحين وعلى قولتك ام الاولاد مالها الابيتها ان رحت عند اهلى اروح زياره لان صعب اجمع اولادي مو واحد ولا اتنين عشان تكون بسيطه وخفيفه الحكايه الحمدلله على كل حال الله يرده لك بالسلامه ويطمنك عليه ويخليكم لبعض سجلي لك شخيره عشان اذا سافر تشغليه وتنامي على نغمته 000هههههههههه تحياتي |
ما ادري شكول بس الي راح للابد مو ايام شكول عنه وعني
|
لما قريت موضوعك فكرت ان عندك سفرة ومحتاجة تسالي عن البلد اللي بتروحي لها والله انك صادقه اختي ام شاهين انا بداية زواجي كان زوجي على طول مسافر وسفراته تطول شهرين ثلاثة واوقات اكثر بس ما تتخيلي الحالة النفسية اللي كنت امر فيها صعبة جداً اما الان لنا اكثر من 7 سنوات ما فارقته الا مره واحده سافرت فيها للأهل وقعدت شهر وتمنيت اني ما تركته لوحد وما صدقت والشهر يخلص وارجع بيتي الان لو طلع من البيت ما اصدق وهو يرجع يكون البيت مظلم من دونه وبحكم اني في بلد غربه احس اني متعلقة فيه بزياده مالي غيره في هالبلد معليش طولت عليكي ما نصدق ونسولف ولانسكت |
| الساعة الآن 07:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©