|
لو كنت مكاني ماذا ستفعلين ؟؟؟ (خاص للمتزوجات) فقط لاغير
يا زوجات
تكفون علموني وش الطريقه اللي تنفع مع زوجي وش الحل اذا كان بااااااااااااااااارد من ناحيتك الى درجه تحسين انه ضعيف جنسياً بس هو مافيه الا العافيه وانتي لسى صغيره وحلوة ومو ناقصك شي يعني مو مدحاً في نفسك بس الكل يمدحك امك ابوك اهلك صديقاتك حتى الأطفال الصغار اهل زوجك الكل يشوفك حلوة الا زوجك يتجاهلك!! وفوق كل هذا كل سواليف زوجك ما لها داعي (.....) يعني اللي يشوفه على كلامه يقول هذا ما شاء الله تبارك الله يمارس العلاقه الحميمه مع زوجته يومياً وكل سواليفه اللي هي مزح بنظره بعرس بتزوج بعرس بتزوج بعرس بتزوج....قرفني أمس كنت انا وياه رايحين لموعد عندي بالمستشفى وانا بالطريق مرت سياره حلوة بي ام دبليو قال الله يازين هالسياره؟ قلت له: لو احد خيرك يعطيك هالسياره هديه والا نعطيك زوجه ثانيه؟ بكل وقاحه وبجاحه قال : (( السياره ماراح تطير راح تطلع منها موديلات ثانيه اما الزوجه الثانيه هلا وسهلا فيها))!! أحس دمي يفور داخل جسمي من قوة القهر ما توقعته كذا بالوقاحه هذي المشكله انه باااااارد بارد تكفيه مرة بالشهر........ وانا احس ان حالتي حاله طاح وجهي من كثر ما انا أبادر بهالشي صرت احس اني انا الزوج وهو الزوجه التلميح ماينفع معه .. لو لبستي لبس مغري ويجنن يناظرك من فوق الى تحت ثم يجاهلك وينام!! لو جلستي جنبه وقمتي تلميحن بقوة يقوم ويتركك لحالك!! أشوف كل الناس أزواجهم يتلهفون عليهم الا انا ليش ؟؟ لا تقولين مقصره بحقوقه والا فيك شي ناقصك بناء على كلام كل اللي يشوفني وانا اعرف نفسي زين بأذن الله بأذن الله مو ناقصني شي ... فوق كل هذا عمركم شفتوا زوج يحقر زوجته ويجلس يتغزل بنفسه ويمدح نفسه (للعلم شكله عادي جداً ) يمدح ويتغزل بشعره (وشعره خشن) يمدح جسمه(للعلم جسمه متين ) يتغزل بوجهه!! وش تسوين لو كنتي مكاني؟؟؟ |
هلا حبيبتي هدي اعصابك اول شي
تاني شي انتي تمدحين زوجك ؟؟؟؟ علشان يمدحك يعني بس يجلس يقول انا جسمي حلو وشعري حلو قولي له ايه انت لو انك مو حلو كان انا ما اخذتك وكملي غزل ...... شعرك يجنن جسمك روعه ترى الرجاجيل مخهم صغير اكيد اذا بتقولي له كذا بكبر راسه ويسير يحبك مثل العالم والناس:d واعملي له ليله رومنسيه وبالاخر اعيه ظهرك ونامي وشوفي وش ردت فعله بس ترى لازم تعملي حركات اغراء كثييييييييييير علشان يتحرك بصراحه احسه بليد بمشاعره :25: يعني حبيبتي خليكي مثيره وخليه قمه بالشهوه وبعدين قولي له معلش ابي انام بس يرضو بطريقه مغريه ودلع وشوفي وش رح يعمل :22: الله يوفقك ويسعدك يارب في رعايه الله |
قد ايش صارلك متزوجه .. يعني هو كان كذا من اول يوم زواج .. ولا مؤخرا بس ..
سامحيني على كلامي .. بس يمكن انه يحس انك انتي اجمل منه بكثير واحلى منه .. يعني به شىء نفسي داخلي .. يحسسه بانه كيف انك رضيتي به .. فتكون عنده ردة فعل .. انه دايم يحسسك بانك مش مهمه بحياته .. وانه ممكن يستغني عنك ويعوضك بحرمه اخرى .. لذلك هو يقولك انه يرغب بزوجه ثانية .. يعني يبغي يوصلك انه عال العال وانه يحب الجنس .. بس انتي مش حلوه كفايه عشان يتلهف عليكي ويبغاك .. كل هذا وانا اقول يمكن .. بس هذا اللي حسيته بكلامك .. في هذه الحاله .. حسسيه انه مهم بحياتك .. وانك ما تحبين غيره .. وانه حلو ووسيم وجذاب .. وانه يعجبك كثير كثير .. ولو رد الزمن وعاد ما راح تختارين غيره .. زوجك محتاج لاعادة الثقة بنفسه .. اتمنى لك كل التوفيق .. |
والله يا اختي فوفو
ما بقت شي ما سويته لي سنتين متزوجه و5 شهور وانا على هالحال كل يوم أكشخ له والبس له احلى الملابس وانواع العطورات الجنان واذا على مدحه اذا شفته يسوي كذا جلست امدحه اقوله انت تجنن حلو كل شي فيك حلو وش يقول يقول: أصلاً انا عارف اني حلو من دون ماتقولين!!! يقهررررررررررررررررررررررررررررررررررررررررررررررر احس اني طفشت من اسلوبه واذا على ليله رومانسيه اخليه في قمه الشهوه وانام واتركه سويتها مرات ومرات بس بلا فايده ينام ويطنشني والا يروح من بكره يلجاء للعاده السريه!! انا نفسي احس اني أنثى زوجي يحبني ويشتاق لي بس هذا لا ماعمري شفت مثله تاركني عايشه بعذاب نفسي مقزز ولا هامه اذا صارحته يقول ارتقي بتفكيرك عيب هذي تفاهاات مراهقين!! انا مادري ليش هالانسان تزوج؟؟ اذا وانا عمري 20 سنه وهو 28 سنه وهالعلاقه اللي بين كل زوج وزوجه كذا اجل اذا صرنا بالثلاثين او الاربعين وش بتصير بالسنه مره؟؟ كلام مخي رافض يتقبله مادري وش الحل معه .. |
عابره سبيل
هو تقريبا مثل اللي قلتي بس مو ذنبي اذا كنت انا احلى منه يعني المفروض يحمد ربه ويشكره على هالنعمه مو يتفلسف علي بخرابيط ثانيه؟ ودايم احسسه انه مهم بحياتي وانه هو كل شي بس بلا فايده تذكر لنا متزوجين سنتين وخمس شهور |
السلام عليكم ورحمة الله...
اختي الكريمة..سؤالك للنساء لكن اسمحيلي اتدخل: **الرجال ما يكفيهم اللبس و .... لا...الاستعداد يكون بعد المعاملة الطيبة..الكلمة الحلوة الاهتمام بجوانب حياته كلها...بعدها هو يبادر...مو انت. **ما في داعي الانسان يختبر شريك حياته باسئلة مالها داعي...زي سؤالك عن السيارة والزوجة الثانية..دامت حياتهم ماشية ايش فائدة السؤال. ** فيه اغذية معروفة مقوية..واغلب الزوجات يهتمون فيها ودائما على المائدة. ** كل حالة منفصلة...ولا تقارني بينك وبين بقية النساء. ** لا تقولي حياتك الزوجية في خطر...ترى العلاقة الحميمة عنصر واحد من الزواج..وينها بقية العناصر...اهتمي فيها ...ويطلبك يومي. اسف اذا دخلت موضوع ما لي ...لكن حبيت انصح. يفرج كربتك ربي...ويسعدك. |
وش قصدك مثل اهتمي فيه؟
أكله ويحصله جاهز معامله طيبه كنت اول سنه من زواجي طيبه معه بس ما حصلت شي من هالطيبه كان يفرد عضلاته علي ويسوي نفسه القوي الشديد وينكد علي يومي بلا مشكله ولا اي شي ويزعل اسبوع اسبوعين ماعنده مشكله مايكلمني خير شر وبعدها لما يرضى من نفسه يقول انا ذاك اليوم كنت متضايق!! طيب انا وش سويت لك حتى تتضايق أدلعه واهتم فيه وطلباته اوامر وانا ماقلت حياتي الزوجيه في خطر بس انا مليت من هذا الوضع المقرف كأني كرسي بالبيت؟ الى متى واسكت واتحمل الى متى وش معنى اشوف كل صديقاتي وبنات خالاتي وحتى أمي وابوي ما شاء الله تبارك الله تقريباً يوم ورا يوم او يومياً ... لما كنت لسى والده وعندهم بالنفاس أشوفهم أبوي يدلع امي ويتغزل فيها ويمدحها ويطلبها مع انهم بنهايه الاربعين !! وانا ليـــــــــــــــش؟ كذا ؟ ليش ؟ وااذا على سؤالي اللي بالسياره لانه دايم يستفزني بأسئله بايخه جداً من هالنوعيه ؟ واللي قهرني زياده انه يقول الجنس تفاهه وخرابيط مراهقين واكتشف انه مدمن افلام خليعه وفوق كل هذا مدمن عاده سريه!! لا تقولون لي مقصره لا تقوووووووووووووووووووووووووولن لأني أعرف نفسي لو اني مقصره بشي ما راح احس بالقهر هذا كله كان يكون الوضع عادي لاني عارفه ان هذا نتيجه تقصيري واهمالي.... انا بعرف لو وحده مثل حالتي كيف راح تتفهم زوجها وكيف راح تغير تفكيره |
بقولك شي يمكن يكون حل
يمكن صار متعود عليك ماصرتي تغريه لانك دايما حلوه وكاشخه اتغيري عليه فجأه وقابليه مو مبهدله مره بس من غير مكياج ولا لبس لانجري البسي طويل البسي ارواب وقمصان طويله ومافيها اي نوع من الاغراءيعني لبس اكثر من عادي وخلي شعرك عادي من غير سشوار ولاتسريحات يعني اتغيري عليه تغيير كامل ان شاء الله يتبدل |
اقتباس:
فكرة حلوة بس الاكيد انه اتعود على العاده السريه وادمن عليها |
أختي ريم
طبعا المشكلة من زوجك .. وكل مشكلة وراها سبب والسبب ادمانه على مشاهدة الأفلام الخليعة وممارسة العادة السرية وهذي الأمور أكيد تأثر على علاقته معك من كل النواحي الحل ترك مشاهدة الأفلام .. حاولي تنصحيه وتذكيريه بربه وبحرمة هذا التصرف أما عن ممارسته للعادة السرية أمر متعلق بمشاهدة الأفلام بشكل كبير ... والله يهدي زوجك ان شاءالله .... |
اختى الكريمة و ضعك صعب و لكن ابحتى عن مواطن السعادة فى حياتك مثلا الغالية ابنتك الله يحفظهالك عشت و ضع قريب من وضعك او اسوا و اليك الحل اجعلى تقتك بنفسك قوية جدا و لا تهتزى مثلا لا تهملين نفسك ابدا ابدا مهما حدت و حسسيه كانه لم يحصل شى اى بمعنى انك لا تفهمين تصرفاته الاستفزازية لانك لو حسستيه انك زعلانه فانه يصل لغرضه تعاملى معه بحنيه لا مثيل لها الراجل بيستغرب بيقول مالها متفهمش اسلوبى الاستفزازى فى نظرى يحاول اينقص من قيمتك كونك حلوة وفيك مواصفات الزوجة الصالحة حتى متتغليش عليه هدا من ناحية و من ناحية اخرى لا تتحدتى عن الزوجة التانية و ادا قال لكى بتزوج قولى على بركة الله اى فهميه ان الموضوع عادى و انك مش مهتمة تقى وتاكدى لو وضع فكرة الزواج فىراسه بيسويها قل لن يصيبنا الا ما كتب الله لنا و كلى امرك لله الموضوع يحتاج صبر منك و رحابة صدر لا تحسسينه انك ترغبين فيه لان بصراحة الرجل بارد عامليه بنفس البرود و ربنا يستر لا تجعلى زوجك هو محور حياتك و لا تظلميه حسسيه انك عايشه فى سعادة مالك الا الصبر مفتاح الفرج
|
يا اختي الحبيبه انتي تعرفين العله وهي الأفلام الخلاعيه والعاده السريه لاااااا تقولين انه بارد جنسيا بالعكس اهو يطفي ناره بالعاده السريه ولا حول ولا قوة الا بالله حتى لو تلبسين راح يقارن بينك وبين البنات الموجودين بالفلم وهو مكتفي منهم هذه المشكله وليست زوجك يعني حاولي تعالجينهم الافلام والعاده
ودمتي سالمه ووافينا بأخبارك اللي ان شاءالله تكون طيبة |
يمكن زوجك يغاار منك . قريبتي ما شاء الله عليهاا جميلة جدا جدا اذا تمكيجت وتعدلت . قال الحين عااد
ما ادري ويش قصده انهاا تدلع عليه ...................والله بلسانهاا قالت لي ان الكل يمدحهاا وانا بعد امدحهاا ام هو دايما يحقرهاا . والله تقول لو الكل مدحني ماا افرح الا اذا انت(تقصد زوجهاا) مدحتني تنسين كل اللي مدحوني قبل بس لاحياة لمن تنادي |
بنيي وبينك هذا ولا بريال
|
واذا على ليله رومانسيه اخليه في قمه الشهوه وانام واتركه سويتها مرات ومرات بس بلا فايده ينام
ويطنشني والا يروح من بكره يلجاء للعاده السريه!! __________________________________________________ _______________ هلا اختي .. يعني تخلينه في قمة الشهوة وبعدين تتركينه وتنامين :29: وما تبينه يلجأ للعاده السرية ؟؟؟؟؟ |
شوفي حبيبتي
انا متأكده انك جميله ونظيفه وحنونه وطيبه وتحترمينه يعني المشكله الرئيسيه من زوجك مو منك لانه تبع الشيطان بهذي الافلام والعادات المنحرفه اولا : لا تلومي نفسك ابدا لاني احسبك والله حسيبك مو مقصره ثانيا : الحل من ناحيتك بالدعاء والوعظ والاشرطه الدينيه له عشان يتوب ومن ناحيته يستشعر بعظمة خطأه ومعصيته عشان يرجع لطريق الهدايه لا اله الا الله والله استغرب من الرجال يتزوجون ويقهرون زوجاتهم وهم اصلا ما يحتاجوهن معهم بديل مدمر خاطئ مجرد يعيشون بنات الناس في دوامات من القلق النفسي ! الله يفرج همك اختي الكريمه |
والله بعض الازواج كذا الله يهديهم
انت مثلي لي قربنا نكمل 3 سنوات زواج واحس كأنه صاير لنا 100 سنة صارت الحياة روتين ممل وانا دايم ابادر اليييييين طفشت |
اقتباس:
رد مهوي :22: والله شكله يعاند ويكابر انك شئ ثانوي بحياته والسبب راجع لعدة أمور ممكن تكون شخصيته جزء من هذا السبب والله أعلم |
[[]]هلا ريم انا مريت بنفس التجربه اتعرفين طنشيه اهتم بنفسك اكثر بس يبغي صبر صدقيني بيرجع لكن لازم يبتعد عن العاده السريه ريحيه جنسيا كوني اكثر وانتي فاهمه
|
اختي ريم اي شخص تعود عالعادة السريه صار يحس بلذه فيها000000علشان كذا ما فرقت معاه جاك ولا بس انصحك اختي تجيب له كتب عن اضرار العادة واعلمي انها تسبب ضعف جنسي حطي الكتب في المكان اللي يجلس فيه وانت لاتهملي نفسك بس انشغلي عنه اطلعي زوري اقاربك كلمي بالتليفون لما يكون موجود حسسيه انك عايشه حياتك ولاهمك وجوده 000000وراح تشوفين ايش يسوي:17: :19:
|
السلام عليكم
شوفى حبيبتى أنا أعرفك من خلال المنتدى و أحسك صادقة بكل اللى تقولينه و ما تبالغين أنا أشوف الحل أنك تحاولين تصلحيه قد ما تقدرين يعنى تحاولى تبعديه عن العادة السرية بالنصيحة و أنها حرام الحلال قدامك و تروح للحرام و ذكريه بالله ثانى شئ اهتمى بأكله و لازم تسويله الأكلات المعروفة أنها تقوى بس بدون ما يحس يعنى تكثرى مثلا من الجرجير فى الصلطة و تكثرين الأكل البحرى و غيره و أنتى حاولى تشغلين نفسك بأى شئ يعنى ما تفكرين بهالشئ كثير أعرف وحدة صغيرة و حلوة بس لازم تكيفين نفسك مع قدرات زوجك أخيرا لا تقارنين نفسك بأحد عشان لا تتعبين و أعانك الله |
أقول أحسن حل وبصراحة خذي كافور أنا قررت أسوي كده عشان أفقع مرارته وارتاح كمان شو رأيك؟
|
ثقلي عليه أختي ،،،
تصنعي الثقل وثقالة الدم وانك ما تبغينه اليوم وانك تبغين تجلسين لحالك ،،، طبعا جهزي غداه وابتعدي عنه ،،، وإذا تقدرين ابتعدي كم يوم في بيت اهلك ،،، يمكن اختي انتي صغيره نوعا ما وعادة في هذا العمر تكون الرغبة زايده أما زوجك تجاوز هذه المرحله ،،، حسسيه بفراقك وقلة حبك كم يوم ،،، راح يستغرب ،،، ويرجع (يتلصق) عشان يراضيك ،،، والله الموفق |
اولا اللّه يساعدك عليه ويهديه لك
ثانيا اتوقع دامه ذابح نفسة على زوجة ثانية يمكن انة يبي يغير يمكن تعود عليك وعلى شكلك فهو يبي يغير فانتي غيري من صبغة شعرك او لباسك مثلا اذا انتي من النوع اللى يلبس دائما جلابيات غيري والبسي بدلات واذا انتي من النوع للى كله تلبسي جينز بدلي والبسي تنانير واذا كلش ما فاد معاه خلك عاااااااااااااادية جدا بلبس عادي وشعرك عادي واذا تقدري تطلعي نفسك بشكل جديد حاولي كتغير ليش لا!!! وملاحظة صغيرة مني ((الدلع)) له مفعول قوي وسحري كثر ماتقدرين تدلعي عليه ........ وبالتوفيق يااااااارب |
إذا عرف السبب بطل العجب .. قرأت جميع الحلول التي شارك بها الأخوة والاخوات ومن خلال ردك المباشر على تلك الحلول انكشف الغطاء وظهرت الحقيقة ..
حبيبتي : السبب واضح يكمن في ادمانه الافلام الخليعة وممارسة العادة السرية فهذا له دور كبير وكبير جداً في أن يمتنع عن ممارسة حياته الزوجية بشكل طبيعي ولنا في قصة قوم لوط عظة وعبرة .. حاولي بقدر الامكان أن تساعديه في أن يتخطى هذه المرحلة نمي ثقافتك في ذلك ابحثي هنا وهناك عن السبل الجيدة والممتازة من إنقاذه مما هو فيه ،، وانا على علم ويقين أنك على قدر كبير من العلم والمعرفة والثقافة الواسعة .. استعيني بأهل الخبرة والمشورة في ذلك وبالمصلح الاجتماعي والمستشار النفسي والاجتماعي ولا تنسي الجانب الديني في ذلك .. استعيني بالله أولاً وأخيراً في تغيير زوجك إلى الأفضل واعقدي العزم والنية الخالصة على مواصلة الطريق وإن واجهتك صعوبات وحتماً ستواجهك اكثر من ذي قبل .. اكثري من الدعاء في آخر الليل (( أمن يجيب المضطر إذا دعاه ويكشف السوء )) .. واكثري من الاستغفار .. وفقك المولى عز وجل لما يحبه ويرضاه وجعل ما تقومين به وما تواجهينه في موازيين حسناتك وثبتك على الحق واليقين ،،ورد إلى زوجك رداً جميلاً ... اللهم آآآآآمين |
اختي الله يكون بعونك
انا من خلال ما فهمت ..بروده قد يكون راجع لسببين اولا ...قد يكونسبب بروده في العلاقة الزوجية بسبب ادمانه على الافلام والعادة السرية ثانيا ..قد يكون ...وهذا حسب ما فهمت ...قد تكون شخصيتك اقوى من شخصيته ... وهو اصلا ما عنده ثقة بنفسة ...لذالك هو يرى الحل انه يستفزك لكي يثبت لنفسة انه قوي ... وتقولين هو فرد عضلاته عليك ..وهذا قد يخفف من حده النقص اللي يشعر بها وقد يكون يغير منك بسبب مدح الناس لك ..بدليل انه يمدح نفسة كثيرا مع انه شكله عادي ولذا ...اتوقع انه يستخدم بدون ما يشعر ... سلاح المعاشرة ضدك ...حتى يكسرك ويهز ثقتك بنفسك ..وهو يعوضها لنفسة بالعادة السرية هذا والله اعلم تحياتي |
اقتباس:
يا اختي انا ماقصرت بهذي الاشياء دايم شعري في تغير مرة اصبغ مرة اقص مرة أطوله وعلى اللبس اكرهه الجلابيات وهالخرابيط دايم لبسي مرتب وأنيق مرة جنيز ومرات بدلات حلوة او تنورات موديلاتها غريبه واذا على الدلع انا اعترف اني دلوووعه بالذات عنده وقدامه بس ما فيه فااااايده صحيح انا ما انكر انه رجال قلبه طيب ورحوم يعني وقت مرضي يشيلني بعيونه ويهتم فيني بس نفسي احس معه بأنوثتي نفسي احس اني جذابه بالنسبه له نفسي اسمع منه كلام حلو نفسي اشوفه متلهف علي بس للأسف عجزت اتفاهم انا وياه حول هالنقطه؟ |
قريت اغلب الردود
الكل يقول ابعديه عن القنوات الخليعه والقذره مسحت كذا مرة هالقنوات بس يعيد برمجتها ويطلعها من جديد جواله كذا مرة اشوفه مليان بلوتوثات قذره جدا جدا وامسحها واتطاق معه المشكله واللي يقهرني ان هاللي في البلوتوثات والافلام أشكالهم تقرف مافيهم ذره جمال او انوثه يخوفون مقرفين الى ابعد درجه مع ذلك مفتوووون فيهم كأنهم ملكات جمال العالم واللي يقول بهذلي نفسك يومين خليه يحس سويته نجحت يومين وفشلت ورجعنا زي ما كنا واللي يقول روحي لبيت اهلك !! ان رحت وتركته بيزيد الطين بله وبيتعلق بهالافلام زياده لأنه مثل الطفل اذا تركتيه لحاله ماعاد يعرف يتصرف صح!! |
لو كنت مكانك ...
جربت الإغراء بالملابس والاهتمام والدلال والتغنج ... وبدون اي فائدة .. فسأقلب الوجه الآخر من العملة .. وسأجرب الظهور بأبهى حلة بحيث أكون ملفتة تماما (كأني سأحضر حفلة زفاف) وأتجاهل وجوده بحيث لو جلس في غرفة يتابع التلفاز أجلس انا في الغرفة المجاورة واتابع فيها نفس البرنامج وسألهي نفسي بكل شيء حولي ماعدا هو سأتعامل معه برسمية ولا مبالاة حتى يشعر بالحيرة والعجب من تصرفاتي ويبدأ بالبحث عن السبب بنفسه واذا قال لي مازحا " اريد زوجة ثانية " ساقول له مازحة أيضا " لما تقدر على الاولى فكر بالثانية " وبصراحة هذا الوباء ( الافلام الجنسية) بدأ بالانتشار بصورة مرعبة اللهم اكفنا شره ولا بد لنا من علاج الازواج الذين ابتلوا بهذه المصيبة أنا متأكدة أن بعض الرجال لا يحب أن تلاحقه زوجته وتتودد له بل ان هذا الاسلوب يشعره بالملل منها ولذلك عليها ان تبتعد عنه وتتركه يلاحقها بنفسه أفضل ليشعر بالاثارة التي يريدها جربي ولن تندمي ولا تنسي التوكل على الله والدعاء في جوف الليل بأن يصلح الله لك زوجك ويجعله قرة عين لك |
الله يعينك اختي ريم بس انا اللي اعرفة ان الرجال لما يمارس العادة السرية يكون ماينبسط مع زوجتة في الفراش
يمكن يبغاك تكونين جريئة معة او تطلعين اصوات وكمان حسسية انك مستمتعة معة مرة لدرجة الوصول للرعشة واعذريني اختي على كلامي بهذة الطريقة بس حبيت اساعدك |
السلام عليكم ورحمه الله وبركاته
عزيزتر ....................... ريم انا احب اشاركك في موضوعك اذا كان هذا الشي ما يضايقك انت تكلمت عن علاقتك بزوجك وانك ما قصرتي معه في اي شي وعلى كلامك انه لكم تقريبا سنتين متزوجين الموضع اللي ما تطرقتيله هو انكم تزوجت عن حب يمكن انت تزوجتيه عن حب ومقتنعه فيه طيب انت ما سالتي نفسك لو لمرة واحدة انه يحبك لانه من الا معقول يكون فيه رجال عنده زوجه تهتم فيه وهو ما يبادرها نفس المشاعر وشكرا الله يجمع ما بينكم |
كل الاخوه والاخوات ماشاء الله ماقصرو في الرد
بس حبيت اقول لك ماعليك منه طنشيه ولا كانه موجود ولاتعبريه وخليك مثل ماانتي في اهتمامك بنفسك ولا تقصري بشي واذا حسيتي نفسك انك ودك في شي منه في الفراش ولا عليك روحي انتي وخذيه لان هذا شي من حقك وبعد كذا خليكي عاديه وارجعي للي انتي فيه اللي اقصده لاتكبتين انتي شي في نفسك والله يبعده عن الحرام ويرجع لك زي ماانتي تتمني يارب اتمنى اني ماازعجتك بالرد تحيـــــــــاتي |
اقتباس:
انا متأكده مخليته مبسوط بهالشيء وانا جريئه جداً و شايله من بالي فكره الخجل في هالموضوع وهو نفسه ينبسط ويروق انا اعرفه اذا كان في قمه الوناسه .. مرة اعترف من زمان انه ينبسط ويرتاح معي في هالشي واني أدلعه دلع بس مادري ليش هو كذا؟ وانا اعرف زوجي اذا كان رايق ومبسوط والا لا ودايماً اشوفه بعد ال(....) رااااااايق ومبسوووووط .. وبعدين وش اكثر من اني انا اللي أبادر بالعلاقه يعني انا جريئه معه ..واعتقد ان الزوج يحب زوجته تكون جريئه... |
اقتباس:
انا وياه ما تزوجنا عن حب زواج عادي وتقليدي خطبه أهل ثم انا أحبه واموت فيه أنا احبه اكثر من اي انسان بالدنيا وانا اتوقع انه نفس الشي هو بعد لأنه لو مايحبني ما يهتم فيني وقت ما اكون تعبانه وينتبه لبنتنا اذا كنت تعبانه هو طيب وحنون ورحوم بس هالنقطه الوحيده اللي تقهرني فيه والا غير كذا تصرفاته كلها زينه معي... |
الله يكون في عونك أختي الغاليه
زوجك شكله مطنش الي حوله ؟؟؟أهمليه مدة أسبوع أوأسبوعين وشوفي يمكن زوجك يتغلا عليك وانتي موعارفة أم موضوع انه ميعاشرك يمكن مايحب الجنس في بعض الرجال كذا حاولي تغيري من الروتين اليومي يعنى خالك في حالك وخلي كل شي عادي يمكن تطلعي بنتائج مرضية |
مرحبا اختي ريم انشالله اتكونين بخير...
انا قريت موضوعج وانا صارلي سنه متزوجه وكمان زيك اصغير عمري 19 سنه... نصيحتي الج اختي بعض الرياجيل يحبون الاهمال هوة اتعود على انو انت دائما امرتبه متى ما ايريدج يلكاج متى ميريد الحنان والكلمات الطيبه هم يلكاج انت اهملي و حسسي مو اي وكت ايريدج يلكاج ومو هوة الكل بالكل في حياتج اتصور هذا رح ايجيب نتيجه لان الرجال يعجبه ايحس انو هوة كل شي في حيات المراة هذا صحيح بس الكثر منه يسوي غرور فا انت حسسي انت مو كلشي ابحياتي والاهمال ضروري انا لو لعرف كيف ادخل علخاص احجي اكثر تفاصيل بس انشالله كبدايه هذا ايفيد ربي يسعدح... ونصيحه انو متكوليله لو خيروك وهاي الاشياء وتحسسيه انو انت اضوجين او تعصبتي لا حسسي مو شي مهم بالنسبه الج صح هوة شي صعب عليج بس حاولي انو انت ماتهتمين اذا هوة كال على مرة او اي شي ثاني... انا حسيت انو انت عندج طفل اذا عندج الله يخليلجياهوحاولي اتكرسين وقتج الها اهتمي بالطفل واهملي بلكت ايغار يصير نوع من الغيرة انو ليش مهتمه بيها وهوة لا واذا ماعندج ربنا يرزقج انشالله بس الكيلج لهو حتى عسى ولعل ايغار وانشالله ينفع ومن اتكونين زعلانه نصيحه لضلين حبيبي او حياتي والكلمات الي هيه ميحس بيها انو انت زعلانه زعلانه ولا لا كله واحد لا اتكون طريقه كلامج شي ثاني ايضل الاحترام بس اتحسسيه انو انت زعلانه... |
واللي يقول روحي لبيت اهلك !! ان رحت وتركته بيزيد الطين بله وبيتعلق بهالافلام زياده اتركيه واشتكيه لأهلك واهله.. علميهم بسوالفه كلها .. خليهم يعقدوون مجلس تأديبي .. خليه يحترم بنت الناس ويحترم اهلها .. هذا النوع ما ينفع معه الا كذا .. |
الله يعينك ويصبرك
ولكن أكثري من الإستغفار والدعاء وصلاة الليل وقول لا حول ولا قوة إلا بالله بإذن الله راح تحسين بفائده عظيمه |
اختي ريم انااقولك انو موبس زوجك كذا والله العضيم اني لما جالسه اقراموضوعك حسبت انو انا الي كاتبه ها الموضوع زوجك طبق الاصل من زوجي بس انالي متتزوجه سنه و7 شهوريعني انتي اهون مني انا بعد ماولت ببنتي ماجاني الاابع مرات في سته شهور وكان مكتفي با العاده السريه وجلست بعدها 3شهور ولاقرب مني بعدها اقمت الحرب عليه اتزين لنفسي ومااهتم فيه وصرت اجلس اكلم با التلفون با السا عات ولااجلس معه ولااهتم فيه الين ماصار يشك فيني طبعا انا الحمدلله مااسوي شي صارهويدور وراي جربي بس الثقل عليه ولي عوده
|
الثقل صنعه على قولت احلام اختي اهتمي فيه اكثر وحاولي تحسسيه بغلطه واهماله لك ازعلي شوي عليه بس لاتكثرين الزعل تراهم يملون حاولي كل يوم تطلبين حقك منه كزوجه علشان مايحاول يلجاء للعاده السيييئه وليس السريه وحاولي تستشيرين دكتور كيف ممكن تحاولي معه يترك هاالطبع والله يسعدك ويوفقك ويخليلك بنتك وينولك كل الي ببالك اللهم امين
|
| الساعة الآن 04:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©