|
أنا وزوجي متزاعلين ...... ساعدونـــي
السلام عليكم ورحمة الله وبركاته
أما بعد . . . أنا ساكنه ببيت حاليا ...واحس أشتقت للشقه ((طبعا ساكنه بشقا قبل لايطلع لي البيت وبعد فتره تركنا الشقه واستلمنا بيت )) وبعد مرور فتره طلبت من زوجي انه يرجعني لشقه ..ودائما يرفض وانا أشوف راحتي بالشقه المهم أشتد الحوار مع زوجي وهو عصب وانا كذالك عصبت وهالحين متزاعلين مع بعض ومخاصمته انا لانه رافض طلبي ومابي انا أروح أراضيه لآنه من دون قصد جاء حب يكلمني وانا رفضت أني أكلمه وحبيت أمشي من قدامه رفع يده عشان يمسكني ولا أتحرك من المكان وجات بالغلط على رقبتي أنا عصبت وقلت له لاتمد يدك علي قال لي ماكنت أقصد أني أضربك او شي من هالقبيل جات يدي كذا بالغلط وشد الحوار وجلست أبـــــــكي بحالي ولا ادري شنو أسوي مع زوجـــي تكفون أبــــي حلول أو أي شي |
ترفضين البيت والسعه وتفضلين الضيق...
|
هلا حبيبتي الحل بسييييط جدا روحي كلمي زوجك وقولي انا مدري وش فيني وليه عصبت اختي حررام عليك بعد ماتعب وجاب لك بيت تقولي ابي شقة اكيييد بأزعل لو كنت مكانة ومسأله الراحة يبي لهاوووقت على بال ماتتأٌلمين واحمدي ربك ياما ناس يتمنون بيت
|
كل الغـــلا
الشقه أرتب واحلىى هذا هو القصد أحاسيس مرهفه ودي أروح واسوي هالشي بس ماني قادره وانا احمد ربي أكثر من مره بس مدري وش فيني حن خاطري للشقه |
السلام عليكم ...
روحي كلمي زوجج واعتذري منه .. هو مايدري شفيج قلبتي عليه .. قوليله مادري شنو فيني عصبت وزعلت وسويت فلم .. ويمكن لانج بعدج ماتعودتي على البيت يمكن هي مساله وقت ... او يمكن لان الشقه ملمومة اكثر.. يالله ان شاء الله تتعودين على البيت .. وترتاحين فيه واتحبينه اكثر من الشقه صبري شوي.. واعتذري من زوجج .. |
عادي حبيبتي يوم يومين وتحنين لزوجك وتروحين ركض تراضينه وبعدين روحي كلميه عادي خليك احسن منه عشان نكبرين بعينه وفي قاعدة انا مستخدمتها في حياتي ان هالشخص اللي انا احبه لوفجأة لاقدر الله وراح من حياتي مو بندم على كل لحظة زعلته فيها .
|
اقتباس:
اختى ليست المعاملة مع الزوج بهذا الاسلوب عادة المراة افضل من الرجل بالصبر والحكمة والكلام الطيب لذا ارى تغير المعاملة مع الزوج واذا انتى تنظرين من زاوية فهو من اربع زوايا ينظر لاي قرار يتخذه |
شئ طبيعي الاسان اذا تغير المكان عليه ما يتاقلم الا بعد فتره
تحياتي ابو فهد |
أختي مافي احلى إنك تطالعي بوجه زوجك وتبتسمي وخلاص راح يروح كل شي بينكم وتصفى النفوس
أو روحي قولي له كلمة أسفه مافيها شي ولا تخلي الزعل يطول اكثر ويمكن يكون هذا السي الي تكرهيه هوا خير لك ولا تحبي شي ويمكن يكون شر لك تحيااتي لك |
هل انت متزوجه قريب؟؟
هل الشقه كانت اول سكن لك من اول الزواج؟؟؟ لي عوده |
قال رسول الله صلى الله عليه
لو كنت آمرا أحدا أن يسجد لغير الله لأمرت المرأة أن تسجد لزوجها والذى نفس محمد بيده لا تؤدى المرأة حق ربها حتى تؤدى حق زوجها ولو سألها نفسها وهى على قتب لم تمنعه. |
مرتني الدنيا -نونه الدلوعه -أبو فهد -
شاكره لكم المرور وراح اجاوب على استفسارتكم والله يسمع منكم أن شاء الله أتعود على البيت بس ماراح أكلمه الآ بعد يومين أحس نفسيتي زفت حاليا ... أما بالنسبة لوجودي بالبيت صار له سنتين ونصف وماني قادره أتعود عليه ــــــــــــــــــــــــــــــــــــــــــــــــــ ـــــــــــــــــــــ هنوفه - أخصائي صحه نفسيه مشكورات على مروركم وأنا عن نفسي أحاول أقنع نفسي بالكلمه الي قلتيها بس ماني قادره بالمرررررررررره اخصائي شكرا على هذا الرد بس حاليا لا أستطيع راح أترك الشي يهدئ كم يوم بس ليه دايم المراه لازم هي الي تبدي بالآعتذار؟؟ وليه هي الي دايم تضحي ؟؟ ولا الرجل يصغر بعين زوجته لو جاء واعتذر ؟؟ ــــــــــــــــــــــــــــــــــــــــــــــــــ ـــــــ فوفو هل انت متزوجه قريب؟؟ هل الشقه كانت اول سكن لك من اول الزواج؟؟؟ لي عوده صار لي 6 سنوات والشقه أول سكن وعشت فيها 3 سنوات وشوي لينور شاكره لك المرور |
الله يهديك لزوجك
لازم انت تكلميه وتبدأي بالتأسف والاعتذار هذا زوجك وما فيها كرامة خصوصا وانه حاول ان يعتذر لك من قبل |
حبيبتي البيت وبعدك ما تعودتي عليه .بس استني شوي وان شاء الله بتتعودين . وهي ماهي لعبة اطفال الحين تبين بيت والحين ما تبين ؟؟؟؟؟؟؟
ثانيا انين من كلامك قلتي انو ما كان يقصد ..ليش تحاسبيه على شي ما كان يقصده وانتي قلتبيانوو جاي يعتذر ارجوك تقومين الحين وتروحي اضمي زوجك وتبوسيه وتقولي ليه اناكنت معصبة وماا ادري ويش فيني ما عارفة اتاقلم مع البيت الله يعينك ويعيني ونقدر نسعد ازواجنا قولي امين |
البرنسسيه
هو لم يعتذر بس هو كان قاصد أنه يمسكني بقوه غدير الابرار هو مااعتذر اكرر كلامي لم يعتذر بس بعدها قال رفعت يدي عشان أمسكك ماتتحركين وبعدها صار حوار بينا وأشتد يعني لو كان بالفعل ماقصده كان ماأشتد حوارنا وتزاعلنا من بعض عموما مشكورات على مروركم والله يصبرني لوجودي بها البيت مع اني لازلت كارهه العيش فيه ومحد يقدر يعيش بمكان هو ماهو مرتاح فيه احيانا غرفه وحده ومرتاحه فيها احسن لك من قصر صح كلامي ولا انا غلطــــــــــــانه ؟؟؟؟ |
[QUOTE=مملكة انسانه]
ــــــــــــــــــــــــــــــــــــــــــــــــــ ـــــــــــــــــــــ اخصائي شكرا على هذا الرد بس حاليا لا أستطيع راح أترك الشي يهدئ كم يوم بس ليه دايم المراه لازم هي الي تبدي بالآعتذار؟؟ وليه هي الي دايم تضحي ؟؟ ولا الرجل يصغر بعين زوجته لو جاء واعتذر ؟؟ ــــــــــــــــــــــــــــــــــــــــــــــــــ ـــــــ اختى لابد من الرجل او المراة ان يبدأ بالاعتذار وليس عيبا بل هذا من شيم الرجال والافضل من ييبدأ بالاعتذار وفقك الله |
[QUOTE=اخصائي صحةنفسية]
اقتباس:
ويعطيك العافيه |
عفوا تم نقل الموضوع لعالم المتزوجين مكانة المناسب
دمتم بكل الخير رقة |
انزين يا أختي ليش مو حابة البيت شنو اللي مضايقك فيه ممكن انك تناقشي مع زوجك هذي الأمور وتتوصلوا الى حل ثاني غير انك تتركي البيت لأن يا أختي تراني أشوفها صعبة ، لأن الكل يطمح انه ينتقل من الشقة الى البيت و هذا الشىء الطبيعي اللي احنا نشوفه يصير ، يعني الواحد يتعب وشقى على ما يصير عنده بيت وانتي رافضه هذا البيت فأكيد هذا الشىء يخلي زوجك يعصب عليكي فكري شوي بالمنطق والله يهدي الجميع.
|
زوجه تحب زوجها
مشكوره ويعطيك العافيه ماني مرتاحه بالبيت بسبب عدم وجود جيران جنبي مع انه فيه اكثر من وحده اعرفهم بس لاحياة لمن تنادي كل وحده متحيزه صوب جارتها ومايحبون حد يدخل بينهم وعن نفسي محب أرمي نفسي على احد |
يبدو اعصابك تعبانه حالالالالالالالالالالالالالالالالالالالالالالالالا لالالالالالالالالالالا تروحي تعتذري منو وتعملو ليله رومانسيه تصالحيه بيها ويبقا طمنينا اوكي ؟؟؟
|
آسف أختي تحتاجين لأن يتعامل معك زوجك بطريقة خاصة من الهجر طويل الأمد
حتى تعرفين ما تفعلينه من معصية زوجك , مشكلتك انه ليس هناك مشكلة , هل مر عليك أن ظاعة الزوجك في غير معصية الله , ام تزوجتي دون أن تفقهين ذلك ؟ اتق الله في تعاملك مع زوجك , فوالله انه جنت ونارك ... وقيل للنبي صلى الله عليه وسلم : أي النساء خير ؟؟ قال (( التي تسره إذا نظر ، وتطيعه إذا أمر ، ولا تخالفه في نفسها وماله بما يكره )) رواه احمد والنسائي |
تبين الصدق انتي غلطانه
وزوجك ياحليله طيب وابن حلال معاملك معاملة طيبة وانتي تؤذينه ولا تشكرين الله على النعمة التي انتي بهاوتشكريه اتقي الله في نفسك اولا ثم في زوجك لهالدرجة انتي نكدية ؟ اسمحي لي النعمة تحولينها لنقمة ما يصير اختي الأنسان بطبعه يحن للماضي لذلك الأنسان يصبر ........ويصبر على امور كثيرة اصعب فكيف بأمر كهذا من الطبيعي في الحياة التغيير ودي أسألك ............ انتي كذا عند كل أمر مايعجبك لا تصبرين ؟ وتسوين مشاكل مع زوجك ؟ هل تعرفين نشر الفرح والسرور في ارجاء البيت هل تعرفين الصبر ؟ هل تعرفين كتم الغيض والتأمل والتفكير العميق ؟ هل تدربتي على تحويل المحنة منحة ؟ اخيتي السعادة هي سهل ممتنع السعادة تعني ان تعطي وتصبري وتحبي وترحمي وتشعرين بمشاعر الأخرين الحين زوجك سكنك بفيلا كبيرة تعب علشانك هل يجوز ان يلقا منك ما لقي المفروض انك تحسين فيه بفرحه بتعبه ببذله بالمشقة التي تكبدها ويلقى منك الشكر والدعاء والحب والرحمة والحنان والعطاء عسى الله يهديك اختي انصحك روحي لزوجك بعد ما تتعدلين وتتزينين وتتعطرين وتفاجئينه بشكلك الجميل وبهذي الطريقة ان شاء الله سيذهب كل ماكان من زعل بينكم لا تقولين ما أقدر وتخلين الشيطان يستانس هذا اللي يبيه اخزي الشيطان واذهبي لزوجك هذا زوجك حبيبك وانتي حبيبته يستاهل منك كل شيء حلو ويستاهل تعوضينه عن الأيام الماضية ايام الزعل والتعب وفقك الله . |
شوفي أختي ترى مو عدل زعلتك ..روحي راضية أنت غلطانه وترى اللي سواه معك هوأعتذار وأقرئي سورة البقرة في بيتك أول مرة أشوف حرمة تعاف بيت وتبي شقة بسجلها ..بالتايخ..
حبيبتي ترى الأعتراف بالحق مو عيب ...والليلة جمعة مباركة ..أعتذري منهو ..وأقرأئي موضوع .. حتى تكوني رومانسة دايم كلام روعة ويهبل وينفع كل الحريم ... |
عزيزتي استعيذي بالله وارجعي الى زوجك ... وما اعتقد في انسانة اتحب الضيق ...
|
أولا لنتفق على أنه لا كرامة بين الزوجين ..
وأن السفينة لا تحتمل قبطانين .. لن أعلق على الشقة والبيت .. لأنه مو شغلي .. ولكن بالنسبة للزعل فاسمعيني .. نحن الرجال نحب ونرغب ونود ونريد .. كلها مترادفات تغطيها كلمة نحب .. نحب أن تشعرنا زوجاتنا برحولتنا .. وذلك بالدلع علينا .. اسمعي نصيحتي يا أختي .. اختاري وقتا يكون فيه جالسا .. يشاهد التلفزيون مثلا .. وأعدي كوبين من الشاي .. أو فنجانين من القهوة .. ثم اجلسي قربه .. بدون أي كلمة .. وامسكي يده وحسسسسسسسي عليها .. ضعي يده بين يديك .. أشعريه بدفئهما .. سينظر إليك .. لا تحدقي في عينيه .. اقتربي منه واطبعي على شفتيه قبلة رقيقة ناعمة دافئة .. وادعيلـــــــــــــــــــــــــــــــــــــــي |
بصراحة انتي متخلفة وناقصة عقل ودين
بالله هاذي حركة تسوينها مع شريك حياتك |
اقتباس:
أختي صاحبة المشكلة روحي اعتذري وبعدين حاوري زوجك وإقنعيه بوجهة نظرك وإن ما اقتنع ما لك الا الصبر وكمان اختي بيت احسن من شقة وكمان زعلتك هلا ليست في محلها كنت تطلبي الشقة قبل ليشتري البيت مو بعدها الله يصلح حالكم |
والله انا شايف انها ما هي مشكله انا شايف انها دلع زايد منك مع احترامي الشديد لك
|
الله يهديك ويصلح بالك
تتركين البيت الحلال وترجعين لشقة والله أمرك عجيب الله يكبر لك عقلك بس |
يااااااااااا عاااااالم ياهوووووووووه وش فيكم على البنت .........
منهم يقول<< متخلفة ومنهم يقول ناقصة عقل ومنهم يقوووول دلع.>>...............ماأدري متى بتتركوون سوالفكم هذه ...(((لااااا تردين عليهم )))) اختي كل شئ مع الزوج وشريك حياتك يجي بالتفاهم بالسياسه ..سايسيه حاولي معاه بالهدوء اختي انا كمان نقلت وتعبت كثييييييير لااااا وكنت ابكي بعد لكن الآن احس اني مبسوطه اكثر من اول..... روحي صالحيه وعلىرأي احدى الأخوات مو لازم تتأسفي اعملي له ليله رومانسيه واتركي له رساله تهبل من الكلام الحلو وفي آخرها اكتبي له معليش انا متغيره بسبب نفسيتي لأنه مو قادره اتأقلم في البيت لكن انت ساعدني واتحملني شوي..... وربي إن شاء الله يسعدكي انتي وهو......... |
الحب كله لها
شاكره لك المرور ويعطيك العافيه بس راح أخبركم شنو صار ويااي لما أ رد على كم واحد ــــــــــــــــــــــــــــــــــــــــــــــــــ ـــــــــــــ رادع أنا لم أعصي الله والوحده بحاجه لوقت لما تكون معصبه حتى الزوج كذالك بحاجه لوقت يكون بحاله لما يكون معصب وبعد فتره تهدي الآمور اقتباس:
لاتحكم على شخص من خلال كلمه أو كلمتين وضعها هنا بالمنتدى وماأنت عايش معاه عشان تحكم عليه بمثل هالحكم !!! ياليت تقرأ ردي بالصفحه الثانيه بالنهايه وتعرف شنو سبب طلبي هذا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ نور شاكره لك المرور بس ياليت تفهمين شنو طلبي عودي للصفحه الثانيه شوفي ردي بالآخير بغيتكم لي عون صرتوا لي ................. ــــــــــــــــــــــــــــــــــــــــــــــــــ ــــــــــــــــــــــــ سمسم 098 يحليلك أعصابك شوي شوي خليت لك العقل والكمال لك ناظر ردك وبعدين أحكــــــــم ـــــــــــــــــــــــــــــــــــــــــــ____ سلامات ياقلبي حياك الله البيت أجار تبع شركه والشقه السابقه نفس الشي يعني البيت والشقه بكلا الحالتين هم أجـــــــــار ــــــــــــــــــــــــــــــــــــــــــــــــــ ـــــــــــــــــــــــــــ الفتى الذهبي شاكره لك المرور بس طلبي للشقه بسبب عدم وجود جيران جنبي ذكرت هذا الشي بالصفحه الثانيه وانا بحاجه لو جود جيران جنبي أروح وأجي بحكم أني عايشه بديره بعيده عن أهلي فهمتوا علـــــــــــــــــــــــــي !!!!! ــــــــــــــــــــــــــــــــــــــــــــــــــ ـــــــــــــــــــــــــــــ أم شاهين شاكره لك المرور أكرر البيت مو حلال لآزال أجــــــــــــــــار |
اقتباس:
والله أنتي الي حاسه فيني غبت يوم واحد وجيت شفت هوايل :29: مشكوره يا قلبي على هذه النصيحه والوقفه الاخويه وجعلها الله في ميزان حسناتك والله يسعد كل شخص رد علي بالموضوع ووقف بجانبي والله يسامح كل شخص لم يتفهم الموضوع أخــــــــــر التطورات أعتذرت لزوجي وجلست معه وتفاهمت معه وهو كذالك أعتذر لتصرف غير مقصود ورجعت المياه لمجاريها :14: ووعدني بأنه نلاقي حل لهذه المشكله وان شاء الله خيــــر :22: |
اختي الكريمة
ارجوا اللا تغضبي من كلامنا ونصائحنا فما كان هدفنا الا تبصيرك يالغالية ورحم الله امرءا أهدى الينا عيوبنا اختي ان ظننتي اننا متحاملين عليك .......فما هذا قصدنا فنحن يالغلا لا نعرفك الا من خلال ما كتبتي وعلى أساسه ننصحك وليس لنا مصلحة يالغلا في اي أمر الا الخير لك اخيتي اسمحي لي ان رأيت في كلامي ما لا ينفعك فان أخطأت فمن نفسي ومن الشيطان وان اصبت فمن الله اتمنى لك حياة هانئة مستقرة يملأؤها الحب والوئام لك تحياتي . |
حرام عليك يراضيك ونتي متعطينة وجة قولي الحمدلله غيرك يتكلم عليها ويلعن
اوالدينها |
اقتباس:
طرحت المشكله لكي أجد حل وأنتوا لم تشاهدوا جميع ردودي أكـــــــــــــــــرر طلبي هذا الشي بسبب عدم وجو د جيران جنبي حاولوا تفهمونـــــــــــــي !!! والنصيحه المقدمه لها شروط حتى تدخل القلب ويستمع لها مو زيادة الطين بله ومافيه حد خالي من العيوب في هذه الدنيا حتى لو اهديتي لي عيوبي تكون بطريقه لبقه حتى مانجرح الآخرين بكلمه غير مقصوده الكلام طويل بس أتمنى تلاحظين جميع الردود هل تعتبرين كل من رد على موضوعي ينصحني ؟؟؟؟؟؟؟؟؟؟؟؟؟؟؟؟؟؟؟؟ طبعا مو الكل أقصد بعض الردود الي المفروض تكون أرقى من كذا تحيتي لك |
اقتباس:
|
السلام عليكم
اختي الغالية عليكي بحديث الوسادة الذي استفة منة جداً عندما تبدين باصراح فهيا دائماً تكون حلاً للمشاكل الاسرية ولا تنسي الوردة الحمراء فهيا علاج ناجح مجرب ارجو ان |
| الساعة الآن 03:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©