|
خطيبي يبغى يزورني غصب عني ..
السلام عليكم جميعا .. انا مخطوبه (عقد قران) من ثلاث سنوات وباقي على زواجي عشره شهور .. بسبب ظروف دراستي في الخارج .. وظروف عمل خطيبي في بلد عربي .. وتعارض اجازاتنا احنا الاثنين .. خطيبي وأنا ماشفنا بعض وجها لوجه للحين .. وكل اللي بيننا مكالمات هاتفيه فقط .. الحين هو يحاول من كم يوم يقنعني اوافق يجيني في زياره لمدة اسبوع في البلد اللي ادرس فيه .. ومايبغى كمان يعلم اهلي بجيته لعندي لأنه يدري انهم ماراح يوافقوا .. وانا رافضه زيارته تماما لعدة اسباب لكني ماقدرت اقنعه بوجهة نظري .. قبل شوي اتصل وقلت له مايجيني .. قال لي إنه خلاص قدم اوراق طلب الفيزا .. وانه راح يجي وافقت انا او رفضت .. وتاريخ وصوله راح يخليه مفاجأه .. بالله ويش المفاجأه اللي تحزّن هذه .. وبالغصب كمان .. قولوي ايش اسووووي معاه ??? |
3 سنين عقد قران لا شفتيه ولا شافك.. !!!!!!!؟؟؟ يعني يوم عقدتو القران ما شافك ولا مره لين الحين..؟؟؟
ما فيها حبيبتي ايي يشوفك واحس من حقه.. ليش رافضه يا عمري.. انتي ما تبين اتشوفينه بعد..؟؟؟ والمشكله بعد زواجكم بعد عشر شهورررر..!!!! كثيره وربي.. احس مفاجأه حلوه اتشوفينه ويشوفك.. الله يوفقك.. |
اختى يبدولي ان لابد ان ترفضيه تماما اذا اراد عن طريق الاهل فقط
وثانيا خطبة وليس ملكة وثالثا كوني جازمه معه ولاتترددين ابدا اخبرية انكي استخرتي ولن تراني ابدا الا بوجوووووووووووووود المحرم وولي امري وبعد اذن ولي امري |
غاليتي ... ولمــــــــاذا ترفضين زيارة زوجك ؟! هـــــــــــو بالتأكيد مشتاق لأن يراكِ ... وإلا فما الذي يجعله يتحمل مشقة السفر لبلد آخر ؟! بالعكس حبيبتي ... هذه فرصة أنكم تتلاقون وجهاً لوجه وتتكلمـون في حياتكم ومستقبلكم بإذن الله أمـــــا بالنسبة لأهلك ... ولكي لا تشعري بالضيق لأنك تخفين عنهم هذا الأمــر أخبريهم أنه سيأتي لزيارتك ... طبعــاً هم ربمـــــا يرون أنه من غير اللائق أن يزورك بعيداً عنهم ... لكن هم أكيد يثقون فيكِ تمنياتي حبيبتي بكل السعادة والتوفيق |
اقول باختصار هذا اختبار وجس نبض وبعدين اسمها خطبههههههههههه وليست ملكه وحتى لو كانت ملكه لابد من استئذان ولي الامر
|
اخواني .. انا شاكره لكم سرعة ردودكم .. جزاكم الله خير .. انا كتبت موضوعي وانا مرتبكه بسبب اتصال خطيبي .. ولما راجعته الحين لقيت اني اهملت ذكر تفاصيل راح تساعدكم في فهم المشكله .. فعشان تتضح الصوره قدامكم .. اولا انا قصدت بالملكه عقد القران بمعنى اني زوجته شرعا .. فماني فاهمه سبب اعتراضكم على كلمة ملكه .. ثانيا عقد القران تم بعد سنه من الخطوبه .. سنه خطوبه وسنتين عقد قران .. ثالثا هو ماشافني وقت عقد القران بسبب إني وقتها كانت عندي امتحانات وماقدرت ارجع بلدنا .. بينما خطيبي رجع في اجازه واصر انه يتم عقد القران عشان يطمئن .. وعشان انه ماراح يخرج في اجاازه ثانيه غير بعد سنه .. فصار العقد من غير وجودي .. رابعا .. انا وزوجي ماشفنا بعض وجها لوجه وماجمعنا مكان واحد ولا حتى بلد واحد من اول خطوبتنا بسبب تعارض اجازاتنا .. الحين هو في اجازه ومايبغى يرجع يشوف اهله مثل السنتين الماضيين .. يبغي يجي يزورني انا في بلد دراستي .. اتمنى تكون مشكلتي واضحه الحين .. وراح ارجع ارد عليكم واحد واحد .. |
اى تفابل بينكما يجب ان يكون بمعرفة الأهل
غير ذلك انتى معرضة لأى شئ غير سليم من الناحية الدينية والأجتماعية |
اقتباس:
اذا خطيبك انا ارى لاتتحدثين معه كثير ولا يراك واذا اراد بعد الملكة وبحضور الاهل نعم وبعد الحفلة والاشهار شكرا لك |
اقتباس:
اخوي اخصائي صحة نفسية .. انا شاكره لك ردك ومتابعتك .. لكن ليش العجله في قرأتك للموضوع ??? نعم انا زوجته شرعا .. وصار عقد وصار اشهار .. وعقد زواجنا معمد من المحكمه .. لكني استخدم كلمة خطيبي لأنه مو من عادات قبيلتنا ان البنت قبل الدخول بها تقول زوجي .. وانا في بداية موضوعي واول سطر منه كتبت كلمة عقد قران بين قوسين بعد كلمة مخطوبه .. اتمني منك تركز على كلمة (عقد قران) في بداية موضوعي مثلما ركزت على كلمة (خطيبي) بين السطور !!! |
غاليتي ... مازلتُ عند كلماتي السابقة ... وأكرر ... هي فرصة للحــــــــوار وجهاً لوجه تمنياتي حبيبتي بكل التوفيق والسعادة |
اقتباس:
طيب هو زوجك لذا اكيد انه مشتاق لك الله يوفقك ويرزقكم الذرية الصالحة |
السلام عليكم ورحمه الله وبركاته
اولا .........الله يهنيك بزوجك بين عليه يحبك كثير ماشاء الله ثانيا.......... انا اشوف انه مافيها مشكله لانك الان خلاص زوجته ومنحقه انه يشوفك وبعدين فرصه رائعه جدا لتحاور وجها لوجه وراح تكون من اجمل الذكريات في المستقبل.....الله يهنيك ويسعدك بس خلى بالك من نفسك وحطي حدودو حمراء لا يتعدها ابدا ابدا لانه كل شي بوقته حلوووووووووووووووووووووووووو يا حلووووووووووووووو |
انا ابي افهم شلون تزوجتي من غير ما تشوفيه بالله عليك يمكن ما يعجبك اول ما يجيك؟؟
شلون ترضين يزوجونك غيابي!!! |
السلام عليكم
اختي هو موضوع انه يشوفك مابوة مشكلة لكن الغريب كيف تملكتي وانت مو موجودة <<<< هذا اغرب مافي الموضوع انا صراحة ماعاندي علم بس ماادري النكاح بيكون صحيح او لا لكن من ناحية ان زوجك يشوفك هذي مافيها شيء من حقة لكن تبين رايي لازم الاهل يدرون ورايهم اريح لك نفسيا لانك مرتبكة ويمكن ماتقدرين تتخذين الراي الصحيح بهاللحضة طيب الله يسهل عليك يارب |
السلام عليكم ...
اتقول ماشفته من يوم الخطوبه .. يعني شافته بس من هذاك الوقت ماشافته ... غناتي مافيها شي لو يا وشافج .. انتي مو متحمسه ؟؟ اذا انتي اتحاتين اهلج ... قوليله خليه هو يكلم اهلج .. يقنعهم .. وخليج انتي برا السالفه عشان ماتصير مشلكه بينج وبين زوجج .. مشكله مالها داعي.. اذا قالج مابي اهلج يعرفون قوليله وانا مابي اسوي شي من غير ماهلي يدرون لين ما نجتمع انا وانت في بيت بروحنا .. انت كلمهم وانت اقنعهم وخلني انا برا الموضوع ... ان شاء الله اهلج يوافقون .. وان شاء الله اتشوفينه من غير ماتحاتين شي... لا تحاتين تراه زوجج .. |
اخواني واخواتي الغاليين .. ضايعه فالدنيا .. lovepeaceangel .. اخصائي صحة نفسية .. شقى2322 .. محمددد .. samar84 .. نياز14.. الهامرو .. شكرا جزيلا على ردودكم وجزاكم الله عني كل خير .. اولا لكل من استغرب منكم كيف رضيت بأن يتم عقد قراني من دون حضوري .. اقول لكم .. هناك تفاصيل فيها تفسير وشرح للي صار .. لكني لا استطيع ذكرها هنا لأساب امنيه .. يعني الموضوع بسيط للغايه ومافيه شئ يستاهل استغرابكم هذا .. ولو عرف السبب بطل العجب .. و مثلما قلتوا .. اكيد انه خطيبي طيب ويحبني ولا ماكان راح يكلف نفسه يسافر من قاره لقاره عشان يشوفني كم يوم ويروح .. لكن ياجماعه خجلي منه هو اللي يمنعني من شوفته .. هذه اول مره راح يشوفني فيها باستثناء شوفته لي بالصور .. ومافي حد من اهلي معاي .. انا ماعندي الجرأه الكافيه ولا الشجاعه اقعد معاه واكلمه .. الموقف مررررره صعب علي .. والموضوع ماهو موضوع ساعتين او ثلاث يشوفني فيهم ويروح .. هذا بيجي ويجلس اقل شئ اسبوع على قولته .. غير إنه مايعرف يتكلم لغة البلد اللي انا فيه .. يعني ماراح يقدر يخلص اموره لوحده .. المطار والقطار والفندق وكل هذا .. وراح اضطر الازمه طول النهار ماعدا وقت النوم .. هذا اذا ماخذتني الشهامه وتركت له شقتي ورحت عند وحده من صديقاتي ابات عندها طوال ايام وجوده هنا .... انا الفكره لوحدها شلت تفكيري فمابالكم بتنفيذها .. وبعدين لو جاني من دون اذن اهلي .. راح يذبحوني لو عرفوا اني سمحت له يجيني من وراهم .. ولو كلمهم واذنوا له هو ماراح يكذب خبر .. وراح اموت انا من الخوووف .. يوم يتركوني مني له كذا .. غير انه في طلاب كثير من بلدنا يدرسوا في نفس مدينتي .. لو شافني حد وانا معاه شو راح يقول عني .. يعني اجلس اوقف كل واحد يشوفني منهم واقول له هذا زوجي هذا زوجي .. وبعدين انا اخاف يصير شئ من هذا اللي يصير بين المملكين .. لو يقرب مني راح تجيني سكته قلبيه .. ياجماعه قلت له وكررت عليه .. الزواج قرب ومابقى شئ كثير .. غير انك لو جيت ماراح اقدر اكلمك ولا اجلس معاك .. يقول لي ايه عشان كذا بجيكي .. عشان يروح كل الخوف هذا اللي فيكي .. مشكلتي باختصار ماابغى اجلس معاه لوحدنا ولا لحظه .. ابغى حد معاي .. والله خايفه ومرعوووبه موت .. الله يسامحه بس .. مادريت ادعي له ولا ادعي عليه .. |
أختي " مشاعر " ... طلع كل هذا بسبب الخجــــــــــــــــــل ! وإذا عُرَف السبب بَطُلَ العَجب :28: >>> بس حبيت أخفف عنك شوي شوفي ياعمري ... أنا فعلاً شعرتُ بأن الموقف صعب ... لأنه لو كان اللقاء ساعتين ثلاثة ... كان ممكن تتحملي لكـــــــــن ... هو سيأتي إلى بلد لا يعرف فيه أحد غيرك .... يعني كما ذكرتِ ربمـــــــــــــا لن تتفرقا إلا ساعة النوم ... فعــــــــــــــــــــــــلاً صعب ! لكن غاليتي ... ربمـــــــــــــــــا كانت فرصة الآن أن تتعودا على بعضكما البعض ... حبيبتي ... الزواج قادم لا محالة بإذن الله ... فماذا ستفعلين ساعتها ؟! حاولي الإنتفاع بهذه الفرصة ... وكما قلتُ لكِ من قبل ... انتِ بالطبع ستحرصين على أن يعرف أهلك بقدوم زوجك لزيارتك ... وذلك حتى يكون بالك مستريحاً هــــــــــــــــــــــــذه نقطــــــــــــــــة. أما مسألة أن يراكِ زملاءك وزميلاتك معه ... فأكيد الخبر سينتشر أنه زوجك ... دون مجهود منكِ . وبعدين حبيبتي أخاف يزعل زوجك إذا وجد إصرارك على عدم مجيئه ... سيشعر أنكِ لا تريدين رؤيته ... أو سيذهب تفكيره لأشياء أخرى ... ربمـــــــا لأنه لا يستوعب أن كل هذا الخجل بداخلك بهذا الشكل . الله يكتبلك الخير حبيبتي ويوفقك |
ياحليلك يامشاعر
الله يعينك الصراحة موقف فعلا يرجف له القلب لكن خليها على رب العلمين وخليك على طبيعتك وما يصير الا خير بس انصحك لا تختلون ببعض عن الناس انتبهي لنفسك بالنسبة للناس ما عليك من احد الكل راح يعرف ان هذا زوجك ومانتي ملزمة تشرحين لكل واحد ربما يكون لقاءكم أجمل واحلى واسهل مما توقعتي استعيني بالله وطمنينا يالغلا وش صار معك . |
الله يكتب لك الخير حبيبتي
ويسعدك ولا تخربين على نفسك بالخجل حلووو انك تكوني خجوووله بس مو مررره والله يطفش منك والله يسسسسسسسسسسسسسسسعدك والله دعوه من القلب بتوفيق |
الغاليات .. مرتني الدنيا .. lovepeaceangel .. ***نووور*** .. قلب قلبي .. مشكوررررين على ردودكم .. الله يسعدكم ويرزقكم باللي تحبون .. واعذروني لأني امس ماقدرت أشرح مشكلتي بوضوح من البدايه .. انا كنت في حاله لا يعلم بها إلا الله .. وتميت ابكي من القهر .. انتوا بنات جنسي فهمتوني زين .. واظنكم حسيتوا بانفسكم بصعوبة وضعي .. انا يالغاليات في موقف محرج مرررره .. مقدر اشجعه على الجيه لأني اخاف اخرب الامور بتصرفاتي وخجلي .. و ساعتها يندم على جيته .. وعلى تعبه اللي نزل على الفاضي .. ولا اقدر اصر على رفضي يقوم يفكرني مخبيه شئ عليه او اني خنت ثقته فيني وانا في بلاد الغربه .. وعذر موافقة اهلي ماراح ينفع لأني اخاف يوافقوا وادبس انا .. ولو سواها وجاني من وراهم راح انطم واسكت عشان مايسوا له مشكله .. وكلامكم صحيح .. ربما هي فرصه اتعود عليه قبل العرس .. وخطيبي قال لي نفس الشئ .. لكني مررررره خايفه منه وكنت دايم اطمن نفسي ان العرس لسه بعيييد .. والله اني تمنيت دايما اشوفه .. بس من بعيد لبعيد مو يجلس خلقتي بخلقته طووووول النهار .. وخطيبي من جد مايقدّر ولايتفهّم .. ويبغى يحطني قدام الامر الواقع .. وصدق انه ماهمه شئ لأنه جلس يكلمني عن الطلعات والتمشيات .. والمطاعم والكافيهات اللي بنروحها .. مطاعم وكافيهات والله إنه خياله واااااسع مرررررره .. بالله قولولي كيف اقنعه يريحني ومايجي ??? امس من كثر خوفي فكرت لو جاني اهرب منه واسافر لمدينه ثانيه عند اي حد من صديقاتي .. ادري إني مجنووونه لكني فعلا ما ابغى اشوفه هنا ولوحدي .. |
السلام عليكم ورحمة الله وبركاته
اختي فعلا الله يعيينك .. والله انا اقرا الموضوع وقلبي يرقع معك .. بس والله اختي انها فرصة رووووووعه .. وحلو هالخجل اللي باين عليك ... بس اختي اهم شي اهم شي قولي لاهلج .. سبحان الله يوصلهم من حد غيرج ويزعلون ماتدرين ترى والله الدنيا صغيرة .. بس لاتضيعين هالفرصة عليج .. مصيرج بتكونين ان شاء الله معاه ف بيت واحد .. خليه يجيك .. وروحوا طلعوا مطاعم وكفيهات وونسوا نفسكم بتستحين يوم يومين وعقب بتعودين .. هذا زوجج .. بس اهم شي اختي حااسبوا على نفسكم وانتظروا العرس :) الله يسعدك ويوفقك يارب :) |
أختي لازم تشوفيه ويشوفك ،،، ما يصير تاخذين واحد عمرك ما بتشوفيه إلا يوم الزواج !!! المكالمات كويسه بينكم لكن لازم تدرسي حركاته وطريقة كلامه فهذه تبين لك شخصيته أكثر ،،، ليس عيبا ولا حراما لو جلستي معه في مكان عام في حال عدم وجود أهلك معك في البلد التي تدرسين فيها ،،،
وأكيد لازم تقولي لأهلك أن زوجك راح يزورك بالاجازه ويجلس اسبوع بالبلد ،،، لا تخليه يزورك بالبيت أبدا ابدا ابدااااااااااا ولا تتمادي معه في أي شيء ،، ولا تعطيه فرصه ،،، يمسك يدك مقبوله لكن مو أكثر من هذا ،،، أختي انتي زوجته شرعا ومن حقه يراك ومن حقك أيضا أن تريه ،،، استغلي الفرصه قبل أن تطيح الفاس في الراس وتتزوجيه ويحصل ما لا تحمد عقباه ،،، |
اقتباس:
اختي حاملة الهم .. الله يسعدك ويبعد عنك الهموم .. وتسلمين على مشاركتك لي خوفي .. بالنسبه لأهلي .. انا للحين ساكته وماعلمت اهلي بانتظار ان الخطوه هذه تجي من خطيبي .. وصدق كلامك الخبر ممكن يوصل لأهلي بسهوله خصوصا إن لي زملاء مغتربين هنا وهم طبعا مايعرفوا خطيبي وممكن يظنوا فيني سوء .. شفنا فلانه مع ولد .. الدنيا صحيح ماتسلم .. لكني مع ذلك افضل عدم جيته .. وابغى مبرر مقنع يخليه يرجع عن فكرة سفره هذه .. |
اقتباس:
مشكوره عزيزتي على النصيحه .. بالنسبه لشخصية خطيبي احنا صار لنا ثلاث سنين مخطوبين .. وأنا عرفته من مكالماته الهاتفيه والمسنجر والايميلات والمسجات .. واهلي يعرفونه زين ويعرفوا كل اهله .. وخواته يعرفوا خواتي .. وانا سبق وشفته في صور .. وهو شافني ايضا في صور .. وشفته على كاميرا المسنجر عشرات المرات .. يعني وجوهنا مألوفه لبعض وشخصياتنا كمان .. لكن ماجمعنا مكان واحد مع بعض من قبل .. اما اذا كنت تقصدين اني اتعرف على شخصيته من طريقة اكله او نومه او مشيته فهذا شئ ثاني .. |
قولي له .. ما تفقده من كرامتك وشخصيتك الان ستندم عليه غدا ..
|
السلام عليكم
صراحة ضحكت وايد وانا اقرا ردود صاحبة المشكلة على الاعضاء صح في خوف صح في خجل بس مو لدرجة تهربي من الموقف أحلى الأيااااام أياام الملكة شلون عيل اذا فيها طلعات وروحات كلها اسبوع ويرجع وراح يكون أحلى اسبوع بحياتج باذن الله لا تخلين الخوف يسيطر عليج انتي خايفة من نفسج فااااهمتني وهذا شي بسيط تقدرين تسيطرين عليه ان أغلب وقتكم يكون برررة وتهدين حيله بالمشي والله يهدي سرج ويريح باااالج يالجبااانه[/B] |
اقتباس:
خطيبي مافقد شي من كرامته ولا شخصيته يوم طلب يجيني .. بالعكس .. وخوفي ورجفتي منه إكبر دليل على تقديري لهيبته وشخصيته .. وبعدين ليش كل هذا التحامل على بنات المنتدى ??? كل موضوع تدخله تكرر فيه نفس اسطوانتك المشروخه .. اقووووول .. شخص معقد وصاحب تفكير ضيق ومنطق عقيم مثلك الاولى فيه انه يحتفظ بارائه وعقده لنفسه من باب انه واذا بٌليتم فاستتروا .. والله يسامحني ويسامحك على الغلط .. |
اقتباس:
ضحكتي على ردودي ;) ??? الله يسلي عليكي اكثر واكثر .. ان شاء الله ماكون لخبطت بالكلام بس .. صدق إن الموقف يضحك للباقين .. لكنه بالنسبه لي يبكّي ويقهر :mad: .. امس ثنتين من صديقاتي كانوا عندي وقت اتصاله وعلمتهم بالموضوع والحين كل شوي واتصلوا يتسلوا فيني .. اختي انا ماعاد دريت اذا كنت خايفه منه ولا من نفسي .. والله لولا انه يحتاجني ليش انه مايتكلم اللغه كان هربت وخليته .. الزيارات مو بالغصب ياناااااااااس .. غير اني مسامحته دنيا اخره في واجب زيارته هذه .. |
مساء الخير أختي الغاليه مشاعر مرهفه
وش اخبارك اعذريني بس والله تو اشوف موضوعك لني من فتره مادخلت لظروف خاصه اشتقت لك وقلبي معاك........... بالنسبه لموضوعك ياأختي اشوف انه شي عادي بس طبعا لازم اهلك يدرون لاتخبين عليهم نهائي لكن لو انتي مقتنعه أنك ماتبين هالشي لاتجرحينه واحكي له اسباب مقنعه وان شاءالله ربي يجمعكم وتتهنون.........ولو صار وزارك لاتبينين زعلك ابدا وتأكدي هو لومايحبك مافكربزيارتك رغم رفضك........والله ييسر لك امورك ويوفقك بدراستك ويجمعكم على خير....... تحياتي لك ياقلبي طمنيني عليك |
اش رايك مشاعر تقترحين عليه تجتمعون في بلدكم
انزلي اجازة هناك ............ الصراحة اهون يشوفك وتشوفينه قدام اهلكم مو بعيد وطمنينا وش صار معك . |
اقووول بلا دلع بنات الرجال بصراحه ماينلام وده يشوفك على الطبيعه يطلع معاك ويتمشى معاك صدقيني بيكون احلى اسبوع ومارح تنسينه طول حياتك وبتندمييين طول عمرك لو خربتي هالاسبوع عليكم لان ذكرياته رح تضل تداعبكم طول عمركم..
استقبليه احلى استقبال وسوي جدول لبرنامجكم اليومي اول يوم بتستحين وبعدين بتمونين وبتنبسطين ضحك وطلعات ووناسه لا تفوتين هالمتعه عليك وعليه وجهزي ملابس حلوة ورتبي شكلك وخلي العذال يموتون قهر صدقيني كلن بيسأل مين هذا ورح ينتشر الخبر انه زوجك واصلا انتي خليك واثقه من نفسك وماعليك من احد لانك مو قاعده تسوين شي غلط.. |
غاليتي اذا اصر خليه يجي لكن احذري ان تجلسي معاه في شقه لوحكم علشان لا يسير الشي الكبير بينكم يعني دائما خليه مكان عام
مطعم .........الخ وبصراحه صععععععبه انه 3 سنين ما يشوفك اكيد مشتاق فلا تحرميه واذا ما شافك انتي مين يشوف لكن كما قلت لك احذررررررررري من الشي الكبير في رعايه الله |
السلام عليكم ورحمة الله
أخت مشاااااعر واااي بس خوووف توكلي على الله وهيء نفسج حق زيارته بدال ماتضيعين جهدج في التوتر والقلق استعيني بالله وراح تذكرين عقب ما يمشي منك بالسلامة تذكرين نفسك وانتي خااايفة وتموتين من الضحك قولي حق نفسك خلاص زوجي جاي ولازم أركن الخوف على جنب ومثل ماهو مشتاق أنا مشتاااقة وانشاءالله بنستانس ونعيش لحظات سعيدة تهيئنا للحياة الزوجية مارسي التفكير الايجابي وتخلصي من القلق والخوف وان شفت مسج ثاني انك خااايفة بطلعلك من شاشة الكمبيوتر وأخربط شعرك مع تمنياتنا باسبوع سعيد |
مشاااااااااااااااعر
وينك طمنيني وش صار معاك؟ |
بالعكس خليه يجي ... وماله داعي الخوف <<<< لو اني مكانك بمووت من الخووف
طبيعي انك تخجلين منه لأنه اول مره بتقابلينه ... خليكِ هاديه ورتبي ونسقي الاماكن الي بتزورونها.. صدقيني بيصير احلى اسبوع في حياتك .... وبتندمين إذا خربتيه .. وخليكِ واثقة من نفسك وأكيد الناس بيعرفوون انه احد من محارمك لأنهم عارفينك وعارفين اخلاقك ... دمتي بصحة وسلامة ... |
قسم بالله إني تحمست للموضوع طمنينا وش صار معاكي مشاعر قابلتيه؟ والله راح تكون أحلى لحظة بحياتك وماراح تنسيها أبدا.....الله يوفقكم لبعض يارب |
|
اقتباس:
|
يا أختي لقد قلتيها عقد قرانك عليكي يعني زوجته شرعا وقانونا
لا أرى مانع أن تقابليه فهذا من حقه كزوجك ، بالنسبة للأهل حاولي توضحي لهم سبب زيارته لكي وكما عليهم أن يتفهمو وضعكم ، توكلي على الحي الذي لا ينام وهذا زوجك حلالك فلا تحتاري عيشي حياتك وعقبال زواج زواج يارب |
بصراحه مافيها شي اذا جا وطلعتي معاه وتونستو سوي وحتي لو تنامي معاه في غرفه واحده ويش فيها ....؟؟؟
تري ايام الملكه لاتنسي ......ولا تعقديه منك ....انا صار لي موقف مع زوجتي الاولي ايام الملكه كانت مثلك خجوله ...والله ان الموقف مسبب لي عقده للحين ... رغم انه صار لنا 7سنوات متزوجين .... فلا تضيعي علي عمرك احلي ايام ....وبالنسبه لاهلك ...لاتعلميهم الا يوم مايجي ...وقولي لهم انه فاجأني بمجيئه .......ويش تبوني اسوي اطرده ...وحسسي زوجك انك بصفه مو بصف اهلك ......واحمدي ربك انك ببلاد بعيده عن الاهل ....يعني لاحسيب ولا رقيب ........واكيد انه مشتاق لك ...وسوي لنفسك خطوط حمرا ......لاتخليه يتجاوزها ...يعني لو شفتيه متهور ...وقفيه عند حده بطريقه لبقه ...قولي له مثلا هاا تساهلنا بكل شي الا مثلث برمودا مستحيل اتهاون فيه .........وانا اتوقع انه انسان واعي ورمانسي وغير متهور .... ولا لو كان متهور ما بيصبر 3 سنوات .........الزبده في الموضوع لاتعقديه من الحين وتري ايام الملكه ...........ايامها الحلوه لاتنسي ......وعقدها بعد لاتنسي ..... فخليك مع الاولي ... واتركي عنك الثانيه ......حتي تستمر السعاده بينكما ولا يفكر زوجك بوحده ثانيه تسعده وتفك عنه عقد الاولي ......وكتبت لكي هذه الاسطر من واقع تجربه ....واخير ا يااختي هذا زوجك والدنيا فانيه فلا تعطي لزوجك مجال بأن يفكر بالثانيه ..............................دمتي بحفظ الله ورعايته . ... |
| الساعة الآن 08:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
