|
احتاج مشورتكم انا على وشك الطلاق بعد كم يوم
يسم الله
في البدايه اريد ان اطلب رأيكم بموضوعيه ارجوكم وبعيدا عن العواطف اريد منكم الانصاف وهل انا غلطانه او اني بالفعل اظلم نفسي بالاستمرار بهذا الزواج الفاشل الذي اعاني منه الامرين بصراحه وعلى مرور اعوام من زواجي تحملت فيها الكثير من انانية زوجي وظلمه لي تحملت كل شي عشان عندي عيال منه لكن الآن وصلت بالفعل لطريق مسدود زوجي بخيل مع انه غني تعبت عشان اغير طبعه ما فيه فايده ومشكلتي اني ببيت اهلي كنت جدا مرفهه والآن محرومه بمعنى الكلمه بشهادة اهله اني بنت قمه بالاخلاق معاهم ومع الكل وكامله بمواصفات اي بنت .. كريمه جدا واللي بيدي احطه لي ولعيالي واشتري له هدايا وما اقصر بواجبه وكل شي تمام احرص عليه وقايمه بواجبه ومدلعته ومهتمه بكل شي فيه وببيته وبعياله بالمقابل ما الاقي اي تقدير منه سئ الخلق معي و يعاملني بجفاف ونادر يلبي طلباتي دايم يهددني بالطلاق ويقولي خوذي ليموزين وروحي لاهلك يقهرني وبدون سبب يعني سليط لسان علي عند اهلي اكذب واقول انه كريم وحنون وهو العكس .. حتى عيالي يعبي راسهم علي ويشوه صورتي بعيونهم وانا دايما امدحه وادافع عنه والمع صورته ما ودي اسبب لهم عقد نفسيه الحين بروح لبيت اهلي ولميت كل ملابسي وقاعده اطالبه بالطلاق وراح اتنازل عن الولدين وش رايكم كرهته من قلب بصراحه والسبب الرئيسي بخله لاني اتحمل كل شي الا عيشة الفقر وهو غني جدا مع انه توه صغير بالعمر وكل ما مرت سنه زاد بخله الله يخليكم محتاجه لرأيكم لاني لي فتره ما اكلمه وحطيت شروط اذا كان يبينا نستمر او الطلاق هل انا غلطانه ؟؟ لان لي سنتين عايشه بحالة اكتئاب ويجيني احيانا انهيار عصبي بسبب قهره لي وانا اكتم ولا اكبر الموضوع ما ودي تطلع مشاكلنا وهو ما يفكر الا بالماده وبس حتى علاج ومستشفى ما اشوفه .. هل الطلاق مناسب لحالتي .. لاني ما ابي اتوهق بزيادة اطفال من هالزوج الاناني |
أهم شئ الأستخارة
و أنا فى رأيي البخل عيب لا يمكن التغاضى عليه وفقك الله |
...سلام حبايب قلبي...
:) والله حبيبتي الطلاق صعب عشان عندك عيال منه اول شي حاول تكلميه وتتفاهمي معه واذا مانفع معه ولا غير طبعه ولا حسن اخلاقه دخلي اهلك او اهله بالموضوع وحاولي تحلي المشكله معه وخلي الطلاق اخر حل لاتستعجلي بقرارك والله يوفقك انشاءالله ...:22:
|
خلي الطلاق اخر الحلول
حتى لو انك تدخلي اهلك في الموضوع وبعدين حراااام عيالك والله ماراح تقدري تعيشي بدونهم اتمنى انك تعيدي التفكير بالموضوع تحيــــاتي |
اقتباس:
ان شاء الله اصلي الاستخاره لاني اول مره بحياتي آخذ كل ملابسي وانوي الطلاق بقوه وجزاك الله خير |
اقتباس:
آه يا عيالي والله اني اموت بكا عشانهم بس تعبت تدمرت نفسيتي بسببه وهو مستانس اني ضعيفه ولا اقدر فيه على باله انه بتسلطه علي انا عشان كذه طيبه ومسالمه وانا عيالي السبب وقبلهم رضا الله بس والله ما رضي مهما اسوي ما يشوف والامر منه بخله دايم اقوله جمع مالا وعدده يحسب ان ماله اخلده حتى نفسه يبخل عليها يستمع بالحرمان اهم شي حسابه بالبنك يزيد محروم اعوذ بالله والله اني استعر منه ومن مظهره سياره قديمه ثوب مستهلك وهو منصب كبير وغني ويقولي ما يهمه الناس ..!! يالله لطفك ومن جد خايفه من اني ادخل اهلي بالموضوع اخاف يصرون علي بالرجوع وانا ابي اطلق وافاجأهم عشان يرضخون او يتعدل هالآدمي ومشكوره |
اقتباس:
والله اني ادعي الله انه يقسي قلبي ولا افكر بعيالي بس تعبت من عيشة الذل والقهر واللي خلاني اتخذ القرار يوم سألت ولدي وش رايك فيني وهذا بعد مشكله مع ابوه قالي بس تنامين ولا تسوين شي نفس كلام ابوه وربي وانا اهتم ولا اطلع من البيت ابد عشانهم واطبخ واسوي لهم فطور الى اللبس البس الولد واكله بيدي ويقولي ما تسوين شي ونايمه .. لهذي الدرجه مسوي لهم غسيل مخ ومهمش دوري غصب العيال يتأثرون بأبوهم ونظرته لي .. وانا ويشهد علي ربي احاول بكل جهدي اني اضحي واكون ام مثاليه همها الاول عيالها وكذا تكون النظره لي .. بترك له العيال وخل يتحملهم بدوني واشوف وش يسوي |
صرااحة فعلاً البخل هذا يدمر النفووس ..
الله يعينك ويصبرك .. وإن شاء الله تتعدل أحواله ... والله ماني عارفة أرد بأيش أو أيش ؟!! الموضوع يحير خصوصاً إن فيه أطفال .. |
طيب كم لك متزوجه
وكم عمرك وعمره ....؟؟؟ |
اسئله لابد من اجابتها قبل البحث عن حل
والله يكون بعونك .... |
حبيبتي انتي تنتقمين من اولادك
علشان طفل يقول لك ايه مثل ما قال بابا انتي تنامي على طول تروحي تتركيهم له ؟؟ اكيد سوف يزداد كرههم لك حبيبتي خذيهم معك اذا لا بد من الطلاق علشان يدفع غصب عنه على ولاده ويتحمل مسؤليتهم وبعدين تسيبيهم للبخيل يربيهم على البخل ما انصحك خذيهم معك هذول اولاااااااااااااااااااااااادك سوف تبكين دما وليس دموع عندما تتركيهم له واسئلي مجرب انا عانيت بطلاق امي وابي معاناه لا يعلم بها الا الله وفقك الله حبيبتي لكل خير طمنينا عليكي في رعايه الله |
حبيبتي اذا بغيتي تطلقي خذي عيالج معاج شنو تنازلتي عنهم؟؟
اكبر غلطة تسويها هي انك تخلين عيالج عند زوجك |
الله يعينك بس ما ادري عن مدى هالبخل يعني هل يبخل في الضروريات ام في الكماليات هل يعطيك مصروف ام لا هل لديك شهاده وتستطيعين العمل مثلا للاستغناء عنه مع انه مطالب شرعا بالنفقه عليك اسأل الله ان يلهمك الصواب
|
صباح الخير
الله يعينك اختي استخيري
والله يكتب اللي فيه الخير صراحه كل شي الا البخل والمعامله السيئه الله يوفقك تحياتي لك |
|
اقتباس:
ايه والله انه شي يحير بس وش اسوي ابيه يتعدل او افتك منه للابد |
اقتباس:
عمري 27 وعمره 35 ولنا ثمان سنوات متزوجين وحاله كل ماله يزيد سوء |
اقتباس:
يا عزيزتي المشكله انه ما يصرف حتى دايم يهددني بالطلاق وانه راح ياخذ العيال يعرف انهم نقطة ضعفي وانا ارضخ طوال هالسنين وعيالي اهلي ماراح يتحملونهم .. لانهم مسؤوليه كبيره ويحتاجون ابوهم ولو اخذتهم يقولي ما راح يصرف عليهم .. وان صرف اعرفه بيعطيني شي ما يسوى لكن اذا اخذ عياله بيعرف قيمتي ويتعذب معاهم لان ما عنده احد يساعده فيهم يعني انا اسوي محاولات ضغط عليه لعل الله يهديه ويعدل حاله او يروح بطريق وانا بطريق والعيال لهم الله |
اقتباس:
هذي اكبر مشكله عندي واللي مأرقتني لكن افكر اعطيه اللي يدرس واللي ما يدرس آخذه معاي والله يعين |
لا اله الا الله
هدئي من روعك اخيتي والطلاق اجعليه اخر الطريق بارك الله فيك لا تنظري في الجانب السلبي لكيي يتسنى لك بعض التفكير اخيتي استعيني برجل حكيم من عائلتك او عائلته يكلمه وان شاء الله اموركم بخير ولكن قبل كل شيء انسي الان الطلاق بارك الله فيك وفكري بالامر عن طريق شخص حكيم يكلمه |
اقتباس:
الضروريات تجيه فترات ما يقضي ع البيت شي يعني حتى المقاضي يجيب بعضها واحيانا يجيب بس يتأخر يعني لازم اطلبه كثير قبل ما يجيب .. الكماليات ما فيه ابددد واللبس يقولي كسوتك مره بالسنه ..!! بالله هذا كلام عاقل وبوقتنا عموما هو يصرف لكن صرف واحد راتبه ما يتجاوز خمس آلاف مع انه راتبه اكثر من 16 الف وعنده عقارات ورصيد كبير انا اهلي اغنياء ويعطوني .. بس لمتى استمر على هالحال وهو غني ويقصر علي احسه يتحسف لما يعطيني شي ويقول ما تستاهلين .. طيب ليه ..؟؟ والله مريحته جدا و بكل شي واحرص اني اتأكد انه مستانس لكن هذا شحيح نفس .. وانا غلطت اللي ما اتخذت القرار من بداية الزواج خصوصا انه كان يكذب علي ويقول انه فقير ومديون وانا اعطيه من عندي وابيع ذهبي عشانه واكتشفت بعد سنه انه حسابه مليان وراتبه دبل اللي يقولي ..!! كذاب جدااا وبخيل .. بس هالعيال هم المعضله |
اقتباس:
الله يعين وجزاكم الله خير جميعا بس انا ما زلت بحيره لكن لازم اغامر واجرب |
اقتباس:
ايه والله انها تقصر العمر وانا الحمد لله مو ناقصني شي .. يعني ممكن اتزوج لو تطلقت واحد ابرك من هالجلده :14: لكن عيالي مساكين يبون يعانون منه الله يعينهم .. |
أختى الكريمة
كيف حاله مع الله؟؟ هل هو من المصلين أم لا؟؟ حاولى حبيبتى تدخلين حكم من أهلك وحكم من أهله قبل التفكير فى الطلاق وممكن تطلبى منه أن يعطيك مبلغ معين كل شهر بحضور أهلك و أهله وتخلصى من وجع الراس......والطلب كل يومين وبعديش ايش يضمن لك أنه لن يجعل عيالك يكرهوكِ أكثر و أكثر بعد الطلاق . . |
أختي العزيزة اسال الله ان يفك كربتك وان ييسر امورك
لكن مسألة الطلاق صعبه ولا تجعلي للشيطان مدخلا بينكم وكما قال الاخوان استهدي بالله وصلي صلاة الاستخارة وتوكلي على الله ولا تنسي قوله تعالى [ومن يتقي الله يجعله مخرجا ويرزقه من حيث لا يحتس] كان الله في عونك |
ومشكلتي اني ببيت اهلي كنت جدا مرفهه والآن محرومه بمعنى الكلمه
_____________________________________________ انتبهي غالييتي تقولين كنت عند اهلي والان هل ان عدت لااهلك ستعيشين مرفهه وكانك بنت لم تتزوجي غالييتي مادمت انجبت اولاد ليس لك الا الصبر وتحملي الهوان من اجلهم وقبل راجعي عالم المطلقات واقراي احوالهن الزمي بيتك وماداموا اهلك مقتدرين اطلبي من والدك يمشي لك مصروف شهري كحل وسط للطرفين واتنازلت عن الاولاد هل الاولاد فيلا او شقه تتنازلي عنهم انت الان في فورة غضب وكلها يومين وتاتي ركض تبحثي عن اولادك الله يصلح شاائنكما |
بس مشااااااكل
والله اختي الطلاق صعب عشان عندك عيال منه اول شي حاول تكلميه وتتفاهمي معه واذا مانفع معه ولا غير طبعه ولا حسن اخلاقه دخلي اهلك او اهله بالموضوع وحاولي تحلي المشكله معه وخلي الطلاق اخر حل لاتستعجلي بقرارك والله يوفقك إن شاء الله ... الأخ الفاضل .. يرجى منك سرعة تغيير الصورة الرمزية كونها مخالفة .. |
السلام عليكم ..
صلي استخارة قبل كل شي بس تبين رايي بصراحة .. ؟! زوجج يهددج بعيالج .. لانه يعرف انهم نقطة ضعفج يعني يمسكج من ايدج الي تعورج .. ولو تطلقتي وخذاهم منج .. ماردة بيردهم لج لانه ماراح يتحمل مسؤوليتهم بروحه .. ومو دايما الطلاق شي يحزن .. الطلاق حلال لسبب.. وموجود عشان تنحل بعض المشاكل.. والصراحة احس ان الطلاق احسن لان البخل يتعب النفسيه .. ماتاخذين شي الا بطلعة الروح .. الله يكون بعونج غاليتي.. |
الى الله المشتكى ..ماحد مرتاح .. طيب .. ايش مؤهلك ...إذا تقدري تتوظفي ..ويصير فيه حل مادي على الأقل ... مافيه أحد كامل .. مافيه حياه زوجيه كامله ... مافيه بيت بلا مشاكل ولامنغصات .. لكن البحث عن حلول وخيارات أفضل من الوصول إلى طريق مسدود .. الطلاق آخر الحلول .. |
تنازلي عن عيالك ؟؟؟ يطاوعك قلبك ؟؟ على من تتركيهم ... على واحد بخيل ... حاولي انك تدخل احد من
اهلك بالموضوع .. وتحلو هالمشكله ... وماتضيق الا وتفرج ياختي .. فكري ياختي قبل الطلاق .. حرام عليك اولادك ... هاذا وانتي تدري عن ابوهم كيف بخله .. ومع ذالك بتخليهم معاه ؟؟؟ ياختي فكري الله يهديك ويريح بالك يارب هموووم |
حبيبتي قصتك مشابه لقصه أختي طلبت الطلاق ولم تناله تكره زوجها لبخله وصفات اخرى فيه
مع انه مقتدر لكن العيال من سيتحملهم وحتى لو تركتى اولادك عنده تأكدى ان الشوق اليهم سيجبرك على العوده وهنا ستكونين منكسره ذليله خاصه وان زوجك صاحب قلب قاسى فلن يهتم بالاولاد لذلك صبرت اختى وتوجهت الى الله واخذت الوالده ترسل لها مبلغا شهريا دون علمه كذلك أنا وأخوتي فبدأت تشعر بالراحع بعض الشى ء خاصه انها اختنا ولا نريدها أن تعيش عيشه الفقر ونحن مفتدرين لذلك لابد من أدخال أحد من العاقلين من أهله في الموضوع لكي يخصص لك ولعيالك مبلغ من المال واشرحي الوضع لاهلك كي يقفوا معك واياك والطلاق ولكن ممكن تذهبي لبيت أهلك كم يوم بحجه انك زعلانه لانه لايصرف عليك كفايه واخذي الاطفال معك لانهم ليس لهم ذنب مع ان اختي وصلت الامر للمحكمه وتعهد بدفع مبلغ من المال لكن لم يوفي وعده لان البخيل فيه صفه دنيئه وهو كالمنافق اذا حدث كذب واذا وعد أخلف واذا أتمن خان لكن حاولي بشتى الطرف واستعيني بالله واستخيرى واكثري من الاستغفار وهذا ما تفعله اختي والله انها تقول انها تقوم الليل وترى تحسن في زوجها فأحيانا يصرف ويعطيها ما تريد واحيانا يبخل لكن من لجأ الى الله لن يخذله الله ابدا وفقك الله لما فيه الخير لك ولاطفالك |
شوفي الحين انتي بيت اهلك اذا اجاكي وبغى يشوفك اطلعي شوفية وتكلمي معاة وانتي بقمة الراحة النفسية عشان تعرفين تركزين وحاولي قد ماتقدرين تخلين خواتة اخوانك يناقشون الموضوع معاة واذا شفتية عندة نية ولو بسيطة انة يغير طبعة ماعلية ارجعي بس حاولي قد ماتقدرين تكونين هادية لان الطلاق وانتي عندك عيال صعب وايد حاولي تفكري وتصلي وتاخذين اراء الكل واطفالك ليش تنازلتي عنهم اذا انتي مرتاحة ماديا واهلج معاج وهو لازم يدفعلج نفقة عشان تربي عيالة لا تتنازلين عن عيالج لانهم نعمة مايعرفها غير المحروم منهااا صدقيني
والله يوفقج ويحميج ويهدي زوجح وعسى ربي يرزقك الحياة السعيدة انتي وعيالج امين |
شوفي اختي
موضوع الطلاق يخصك بس ما دام في الموضوع اولاد اخذي النصيحه انتي ربيهم |
اختي الطلاق اخر شي فكري فيه
بس دائمان ادعي الدعاااااااااااء له بالهدايه |
اختي شرايج تدعين ب
كما سخرت النار لأبراهيم سخر لي زوجي تصدقي اقري سورة البقره وعيالك يحتاجون له ولو كان بخيل |
الطلا ق خليه اخرحلولك...الله يهدي زوجك ويوفقك
|
حبيبتي اجعلي الطلاق اخر الحلول التي ترجعين اليها
عليك بان تبحثي عن احد يكون ثقة طبعاا من اهلك او اهله وصارحيه بمشكلة زوجك لعله يجد الحل المناسب الذي يرضي الطرفين فاذا عاند زوجك وساءت اخلاقه اكثر مماقبل استخيري في امر الطلاق ولكن عليك بالدعااااااااااااااااء وقيام الليل والله يكتب لك اللي فيه الخير اللهم ااااااااااااامين |
اقتباس:
يعني حبيبتي ما هو بخاطره يدفع او ما يدفع للعيال في قانون يروح يجيبه من باب البيت يقوله ابي نفقه ولادك انتي حاولي تخليه بروحو كم يوم من غير ما تطلبي الطلاق واذا حس بالمسؤليه برجعك لكن اذا ما حس وكان عنده الوضع طبيعي خذي ولادك وما تخليهم لواحد يربيهم على كيفه الله ينور بصيرتك ويبعد عنك الشر ويهدي لك زوجك في رعايه الله |
اختي إذا احتسبتي اجرك عند الله
وصبرتي علية لأجل ولديك لا لأجلك ربما الزمن يغير فية شيء وصراحة استغربت لما قلتي اتنازل عن الولدين كيف تقدر ام ان تتنازل على فلدة كبدها؟؟؟؟؟؟؟؟ اسمحي لي ؟؟؟؟؟؟ هم ليسو مادة لكي يكون هناك تنازل هولاء اطفالك !!!!!!!! |
جزاكم الله الجنه جميعا ووفقكم لكل خير ..
بصراحه لاحظت آرؤكم بين مؤيد ومخالف للطلاق .. لكن .. بالنسبه للصلاة فهو محافظ عليها ولو ان الفجر نادر يصليها بوقتها هو رجل مستقيم بس للاسف فيه من صفات المنافقين اذا حدث كذب هذا دائما اذا اؤتمن خان احيانا وسبق وصار معي موقف وعطيته مبلغ حق ايمان لي عشان يصدقه واخذه له الله يسامحه مع انه مو بحاجه اذا وعد اخلف دائما الله يهديه .. والله حاولت معاه بالحسنى كثير وللاسف ما فيه فايده عنيد جدا بالنسبه لمؤهلي .. كنت مشترطه عليه اكمل دراستي ووافق وبعد الزواج نقض العهد وقالي انتي طالق لو كملتي مع انه بقى لي بالجامعه بس سنه ابوي حاول يدخل ايامها بس انا منعته وقلت خلاص انا احبه وضحيت عشانه وطلع ما يستاهل هالتضحيه وبالنسبه لاهلي فهم كرماء معي وابوي كل فتره يعطيني مبلغ لكن اللي موتني قهر انه مبسوط انهم يصرفون علي ولا همه .. اجل وش فايدته محسوب علي زوج وانا متعبه نفسي عشان ارضيه .. والله يابشر ما يستاهلني وبالنسبه لعيالي انا بالقصد ابي اتركهم له لانهم راح يعذبونه ويحس بقيمتي لكن لو اخذتهم بيروح ويتزوج واصير ما استفدت شي .. انا ابيه يتعدل وابغى اضغط عليه بالاولاد اشكركم جميعا .. والله يكتب اللي فيه الخير انا عند اهلي وعيالي معي بخليهم فتره وبعدين ارسلهم له ..وقلت له لا تكلمني ابد اذا تبي تتفاهم عندك امي تفاهم معاها لانه ما ودي ابوي يدخل الحين اخاف زوجي يقل ادبه عليه ويزعل ابوي .. |
| الساعة الآن 06:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
