|
أختي الكبرى منهاره من خطوبة أختي الصغرى .. المشكلة حلت
السلام عليكم ورحمه الله وبركاته
اخواني اخواتي اعضاء هذا المنتدى ترددت كثيرا هل اكتب مشكلتي اما لا وبعد تفكير طويل قررت اتوكل على الله واكتبها لكم وعسى وعلى ان اجد فيكم اخوان لي تساعدوني واهم شي تدعوووون لي ولاخواتي المشكله انا عندي اختين اكبر مني وحدة عمرها 27 سنه والثانيه عمرها 26 سنه المشكله بدات من شهرين وشوي راح اكتب المشكله وعسى وعلى تفهمونها وراح ارمز لكل وحدة من خواتي برمز يعني الكبيرة بحرف (ا) والصغيرة بحرف (ب) اختي (ب )صار لها سنه يطلبها شاب خلوق طيب من جماعتنا وكل مرة اهلي ياخرونه وياجلون خطبته من اختي عشان اختي ( ا ا)لين تتزوج لان حنا بعيلتنا مايسمح نهائي بزواج الصفيرة قبل الكبيرة ابوي كبير بالعمر خواتي الكبار المتزوجات كان مايزوج وحدة قبل الكبير لو وش ماصار لكن بحالتي اختي( ب) ومن كثر ابوي مايبغى الولد وافق يزوجه اختي (ب) قبل (ا )يقول انا خلاص كبرت واذا عشت لكم اليوم ماضمن اعيش بكرة ونفسي استر كل خواتك قبل مايصير فيني لاسمح الله شي المشكله انا اختي( ا )رافضه ان اختي( ب) تتزوج قبلها مع انها اول مرة سالنها وافقت لكن بعدين صارت تكرة اختي ب وماترد عليها وماتتكلم معاها ومن قبل ثلاث اسابيع اشوفها صارت تجيب طاري الانتحار كنت انا وخواتي مكذباتها لانه اختي هذي من اكثر خواتي دين ملتزمه تخاف الله صايمه تقوم الليل بارة باهلي يعني كل ماقلتلكم ملتزمه ملتزمه مادري وش غيرها وخلها كذا المهم انها بالحيل بالشهرين الى فاتو ماتتواطن صارت مرة عصبيه حقودة بس تسب وتسخط لنا اخت متزوجه كلمتها قالت تعالوا عندي انتي وياها يمكن تغير جووووووو وفعلا سافرت انا وياها ولكن مافاد معاها بالعكس زادت عصبيتها اكثر من اول المشكله وشي انا اختي ب الحين بس الاقيها تبكي وتقول خلاص ما ابغى اتزوج عشان اختي ا بالرغم من انها تحب خطيبها المشكله الى زادت النار نار ان اختي (ا)قبل ثلاث ايام تهاوشت هي وامي هوشه كبيرة وخذت السكينه تذبح نفسها وبالموت والحياة شلت انا واختي الثانيه السكينه منها مع انها اخر ماتوقعت تعمل الشي هذا لاني عارفه انها انسانه تخاف الله حاجه بيته ملتزمه يااخووواني وش اكتب وش اخلي لو اكتب من هنا لعشرين صفحه موفيلكم حجم المعاناة الى نعيش فيها انا واهلي حتى امي المسكينه تورطت ماتدري وش تسوي تقول هل اكلم ابو الشاب خطيب اختى واقولها خلاص ماعندنا بنات لزواج والا اشوف اخرتها عسى ربي يحلها والا يرزقها ابن الحلال انه قادر ولا يقدر عليه مادري انا اسالكم هنا هل نكمل الزواج وان شاء الله تعقل او نكلم ابو الشاب ونقول مافيه نصيب اتمنى كل من يقراء مشكلتي يدعي لاختي (ا) بالزوج الصالح قبل ماتغيب شمس بكرة انه واليه والقادر عليه يا اخواني انا خايفه نستمر بالزواج وترتيباته ونلاقيه ذابحه روحهااااااااااا امي وابوي وانا كل البيت شايل همها والمشكله الاكبر انا لو اختب (ب ) صغيرة بالعمر تقول ممكن تلاقي الزوج الى يعوضها خيرا منه توها صغيرة لكن حتى هي كبيرة 26 سنه حرام تقطع نصيبها صح والا لا لاتقولون اقنعيها لاني متت وانا اقنعهااااا ومتت وانا اتكلم عليه مافي فايدة يمكن كلامي مو مرتب بس اعذروني مادري وشلون ارتب المشكله فيه كلام كثير صار بس مو لازم اسردة بالله بالله ادعولها ان الله يرزقها ابن الحلال حطيتها امانه برقبه كل من قراء مشكلتي واتمنى الاقي باذن واحد احد حل للمشكله هذي انا عارفه انا اختي 27 عمرة موعانس لاسمح الله لان عادي عندنا بالعيله الى عمرها كذا يعني بنات عمومتي يتزوجون على عمر 30 سنه بالعيله عااااااااااادي بس المشكله ليش تتزوج اختي ب قبلها هذي الى جننها وخلها تعمل كل هالمشاكل اختكم بالله |
لاحول ولاقوة إلا بالله العلي العظيم ..
والله ياأختي مدري وش أقول لكنها بالفعل مشكلة كبيرة !!! بأقولك كم حل وأنتِ اختاري المناسب ... 1/ إذا أختك (ا) عندها صديقة تحبها مرة وتثق فيها ممكن تكلمين صديقتها وتعلمينها اللي صاير، وتخلينها تكلم أختك أو تزورها وتحاول تهديها وتقنعها .. 2/ ممكن تكتبين لها رسالة تبينين فيها بعض الأمور، مثل: ـ خوفيها إن ربي يعاقبها ويحرمها من الزواج بسبب أفعالها وحقدها .. ـ فهميها إن الزواج صاير صاير لأن (ب) مو صغيرة ومالها ذنب عشان نحرمها من خطيبها، وبما إن الزواج بيصير فما راح تكسبين من هالتصرفات إلا كره الناس وبغضهم ولو درو عنك وعن تفكيرك بالانتحار مستحيل يخطبونك لأنهم بيعتقدون إنك مريضة نفسيا .. ـ ذكريها بالله وإن الزواج قسمة ونصيب وذكريها بعقوبة الانتحار وإن صاحبه خالد مخلد في نار جهنم .. 3/ خلي (ب) تكتب لها رسالة "أو تكلمها" وتقولها "طبعا مو صدق، لكن الكذب جائز للمصلحة" خليها تقولها إني خلاص عزمت إني ألغي هالخطبة وأنتظرك لما تتزوجين ولكن لو ماتزوجت بأجلس طول عمري أدعي عليك "تخوفها يعني" طبعا هي إما إنها بيأنبها ضميرها وبتراجع عن موقفها وتسمح بهالزواج، أو بتفرح وتصدق إن الزواج بيتكنسل وبهالحالة يتدخل أبوك أو أخوك ويرفض، وتصير (ب) رايتها بيضا وسوت اللي عليها قدام (ا) .. وأنا أشوف إن هالزواج لازم يتم والأيام كفيلة بإزالة اللي بخاطر (ا) وأنتم خلو عينكم عليها وانتبهوا لها ولاتخلونها تحتك مع (ب) أبدا، وخلو تعاملكم حلو معها ولاتثيرونها لأن محاولتها للإنتحار كانت عقب هوشة مثل ماقلتِ .. تجاهلوا تصرفاتها ولاتتكلمون في الزواج وترتيباته قدامها أبدااااااااا، وأتوقع إذا شافتكم جاديين بتعقل من نفسها إن شاء الله .. لكن لأنكم الآن مترددين، خوفتكم بالانتحار عشان تكنسلون السالفة نهائيا ... وماأتوقع إنها جادة بسالفة الأنتحار إلا إذا كانت مريضة ... الله يرزقها الزوج الصالح ويهديها ويردها لرشدها يااااااارب ... |
دعيت لها والله يتقبل .
|
يارب ياسميع ياعليم يا غفور إرزقها بالزوج الصالح
|
حرام عليكم فوق انها مسكينة حاملة هم كلام الناس اذا تزوجت الصغيرة
تقولون عليها حقودة ؟؟؟؟؟؟؟؟؟؟؟ حطي نفسك مكانها لو على نفسها ما عليها بتخليكم كلكم تتزوجون وتقعد هي لكن مجتمعنا ما يرحم والله ما يرحم واذا عرفوا الخطاب ان الصغيرة تزوجت قبلها تركوها يعني وش فيها اذا صبرت الصغيرة شوي حتى يجي نصيبب الكبيرة وربي ييسر لها يا قلبي عليها والله اني رحمتها وانتم خواتها ما ترحمون ؟؟؟ ترى ما قالت الانتحار وما جابت سيرته الا ان قلبها فيه من الهم والقهر والشعور بالظلم هذا بدال ما تدعون لها صرتم تقولون حقودة وربي يمكن ربي يبتليكم تصيرون مثلها لا حول ولا قوة الا بالله كل واحد همه نفسه يا اختي خلي الصغيرة تنتظر شوي ما طارت الدنيا اسال الله العظيم رب العرش الكريم ان يرزقها ( الكبيرة ) بالزوج الطيب الحنون اللي تتمناه كل البنات ااااااااااااامين ارحموها يا حبيبتي ارحموها |
والله اني اعرف ناس كثيييير يتزوجو قبل اخواتهم الكبار النصيب لو جا خلاص بعدين ليه تردو الولد واختك تحبه بكذا تزيدو حجم المعاناة في بيتكم يعني راح تكسرو بخاطر اختكم اللي تحب خطيبها وبعدين اذا فيه نصيب راح تتزوج اختك ان شاء الله انا تزوجت قبل اختي الكبيره واهلي كانو شايلين همها بس الوالد ما رضي يرفض قال اللي يجيها نصيبها الله يوفقها والله 5 شهور بس وتزوجت اختي والحمدلله ما يجوز انكم ما تزوجو اختكم وتحرموها من فرحتها الله يهدي اختك ويرزقها الزوج الصالح |
الله يرزقها الزوج الصالح ويهديها. أنا رأيي ما تخلي أختك ب تتخلى عن خطيبها و خلي أبوك و صديقات أختك ا الصالحات يقنعوها و قولي لها إإنه يمكن الله ييسر أمرها و يبعث لها نصيبها بحسنة عفوها عن أختها و مساعدتها لها. جربي حلول الأخت معذبة و إن شاء الله الله راح يفرجها عليكم.
|
والله انا دعيت لها بس معليش مو من حقها تقطع نصيب الصغيرة خلاص الزمن تغير انا اختي اصغر مني بخمس سنين وانخطبت قبلي ولا قطعت نصيبها وقلت الله يوفقها وفرحت لها من قلبي وربي عوضني وانخطبت بعدها بفترة ومرة مبسوطة الحمدلله..
هي عصبية وماقدرت تتحمل الموقف.. انا اشوف من الضروري جدا تعرضونها على طبيب نفسي ترا مافيها شي مب لازم تكون مريضة بس هو يتكلم معها ويعطيها مهدئات ويساعدها تخطي الازمة.. مايصير تخلونها كذا تذبح نفسها يعني اذا هي ملتزمة ومسكت السكين عل نفسها معناتها فقدت السيطرة على نفسها معناتها تحتا مهدئ ولو لفترة ولا ترا لو صار فيها شي ولا لقيتوها ميتة بذمتكم واذا كانت فعلا تحت انهيار عصبي ترا فعلا ممكن تموت نفسها.. وانا اعرف بنت كذا جاها انهيار عصبي نتيجة لمشكله واكلت حبوب ولقوها اهلها على وشك الموت على فراشها.. يعني هذي مسؤولية والبنت تعبانه ولا كيف تفسرين بنت بهالعمر ناضجة وملتزمة تسوي تصرفات زي كذا؟؟ اكيد مو قادرة تسيطر على اعصابها ارحموها وعالجوها وهدوها ولا ترا بتستفحل الحاله وبتسوي شي قوي.. نصيحتي الله يخليك خوذيها على محمل الجد لاني عشت تجربه قريبه من هالتجربه لازم طبيب نفسي وعلاج مهدئ.. لو رفضت بجيمع الطرق روحي انتي طبيب واشرحي له حالتها وشوفي وش ينصحك لان محاولة الانتحار مسؤولية كبيرة لا يجوز اهمالها.. |
الله يرزقها الزوج الصالح عاجلا غير اجلا
|
الله يرزق أختك ( أ ) بالزوج الصالح عاجلاً غير أجلاً
ويوفق أختك ( ب ) مع خطيبها ويرزقك انتي الزوج الصالح بالمستقبل القريب دمتِ بمودة. |
صباح الخير
الله يعينك اختي
والله يرزق اختك بالزوج الصالح بالنسبه لك تمي زواجك واختك ماتدري الخير وين هو فيه الله انشاء الله يرزقها بالزوج الصالح والله يوفقكم تحياتي لك |
إذ ا مررت بضيق نتيجة مشكلة او كرب فعليك قراءة السبع ايات المنجيات وانت
على يقين بان الفرج لا يأتى ا لا من عند الله سبحانه وتعالى السـبع ايــات المنـجيــات بسم الله الرحمن الرحيم " قل لن يصيبنا الا ما كتب الله لنا هو مولنا وعلى الله فليتوكل المؤمنون " بسم الله الرحمن الرحيم " وان يمسسك الله بضرفلا كاشف له الا هو وان يردك بخير فلا راد لفضله يصيب به من يشاء من عباده وهو الغفور الرحيم " ـ بسم لله الرحمن الرحيم " وما من دابة فى الارض الا على الله رزقها ويعلم مستقرها ومستودعها كل فى كتب مبين " ـ بسم الله الرحمن الرحيم "انى توكلت على الله ربى وربكم ما من دابة الا هو اخذ بناصيتها ان ربى على صراط مستقيم " ـ بسم الله الرحمن الرحيم " وكأين من دابة لا تحمل رزقها الله يرزقها واياكم وهو السميع العليم " بسم الله الرحمن الرحيم " ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم " ـ بسم الله الرحمن الرحيم " ولئن سألتهم من خلق السموات والارض ليقولن الله قل افرأيتم ما تدعون من دون الله ان ارادانى الله بضرهل هن كشفت ضره او ارادنى برحمة هل هن ممسكت رحمته قل حسبى الله عليه يتوكل المتوكلون " http://www.66n.com/forums/showthread.php?t=128742 |
ياجماعة شو بتحكو اختها تتخلى عن خطيبها ومادري مين؟؟؟
هلأ انا بفهم انها حتتدايق كتير وحتحز بنفسها بس مش لدرجة الانتحار والحقد هاي انانية لو بتحب اختها مابتعمل هيك بتتدايق جواها وبتتمنا هية كمان تنستر وتتزوج بس بتترك المراكب سايرة و بتتمنى الخير لاختها وبتدعي ربها بنية صافية يرزقها وتنبسط لاختها مش تنتحر حرام عليها مين احسن تتزوج وحدة وتطمنو عليها والتانية تستنا نصيبها ولا يصير عندكو اتنين مستنين النصيب ومش مستورين ؟؟؟ هاي انانية مطلقة من اختك أ حرام عنجد ولاقلكو قصة صارت معي انا قبل ماخطب زوجي الحالي قبل سنتين يمكن كنا انا واختي الكبيرة بعمر 22 و23 وتقدم الي ابن خالتي واتفقنا واختا ماكانت خاطبة والموضوع كان حيتم واختي تتوقعو شو ردة فعلها؟؟؟ كانت مبسوطة كتير فرحانالي ومخططة شو البس وهية شو تلبس وكيف تفرح وتخططلي شو نعمل واي كوافيرة تاخدني وكانت مبسوطالي كتير طبعا اكيد جواها الا ماادايقت شعور طبيعي بس اكيد ديق خفيف شعور فطري بس مابييت والله اعلم يمكن ماادايقت اصلا بس كانت فرحانة الي كتير واكتر مني يمكن والله وبتقلي ياعم ياخطيرة ياحلوة انتو حلوين عبعض بس بالاخر صارت ظروف وفركشت وانا زعلت شوي لانو كنت حاسة انو ماراح يتم اما اختي الغالية زعلت كتير كتير وصارت تبكي مع اني انا مابكيت وبعدها باشهر قليلة اجاها احلى نصيب بالدنيا وتزوجت وانسعدت وانا انخطبت وتزوجت بعدها عشان صفاء النية بجيب الخير كلو شفتو كيف؟ فما تحكو انو معها حق لانو مش هيك الناس بتزعل حاولي تعقليها وماتخلي اختك ماتخطب حرام عليك تضيعو مستقبلها وياستي لو خيروكو مين احسن وحدة ماتتزوج والتانية تطمنو عليها ولا الاتنين مايتزوجو طبعا اختك أ هيك نفسها عشان انانيتها صراحة عيب تفكر هيك وان زعلت تكتم بقلبها اما هيك عيب عليها فضحت حالها !!!! بعدين دخيلك شو يعني الصغيرة قبل الكبيرة؟؟؟ هاد اسمو تخلف مع احترامي ورجعية بالتفكير خلصنا من العادات هاي الي سبب تخلف المجتمعات الدنيا نصيب ياجماعة بلا صغيرة بلاكبيرة |
طبيب نفسي ..
ايش تستنووون ؟؟؟؟؟؟ انتو ماراح تقدروون تساعدونها .. الطب النفسي الي راح يساعدها ... |
الله يرزقها مع أنه صار عادي الان الصغيرة تتزوج قبل الكبيرة,,
|
مسكينة والله يكون في عونهاا .بس مو من حقهاا انها تقطع نصيب اختهاا .يمكن تعمل حركاات تخوفكم علشان تتراجعون .....
والله ويش ذنب المسكينة اختك ب انها تقطع نصيبهاا من شاب ذو خلق ودين وتحبه ........... الله يعمل اللي فيه الخير.......... |
السلام عليكم ورحمة الله وبركاته
انا اتزوجت الحمدلله .. بس الصراحة لو ماكنت متزوجة واختي الصغيرة ياها نصيبها ماراح اوقف في طريقها ... بس المشكله ان من زمان عندكم البنت ماتتزوج قبل اختها الكبيرة .. ومسكينه اتغير القانون على حظها هي... مايصير اتاجلون زواج الصغيرة شوي؟؟ يعني اتم مخطوبة بس العرس يتاجل شوي عشان الكبيرة لان نفسيتها وايد تعبانة ... مادري والله بس بدعيلها من كل قلبي الله يعينها ... |
امي المسكينه تورطت ماتدري وش تسوي تقول هل اكلم ابو الشاب خطيب اختى واقولها خلاص ماعندنا بنات لزواج والا اشوف اخرتها عسى ربي يحلها والا يرزقها ابن الحلال انه قادر ولا يقدر عليه
مادري انا اسالكم هنا هل نكمل الزواج وان شاء الله تعقل او نكلم ابو الشاب ونقول مافيه نصيب السلام عليكم اختي هذا حل مرررررررررررررررررفوض تمام لان ( ب ) مي صغيرة اذا انفصلت بتلاقي زوج ثاني ...........بعدين خطيبها شذنبة و هي شذنبها انتو كذا تزيدون الوضع سوء لان ( ب ) لو لنفصلت و تهدمت حياتها ما راح تسامح ( أ ) باللذات اذا توفقت ( ا ) و راحت عنها بتضل عمرها كلة تندب حظها ................ اختي الزواج قسمة ونصيب و ترا ( أ ) ما تنلام على اللي تسوية لان مجتمعنا ما يرحم بتسمع كلام اشكال و الوان و هذا اللي مشيلها هم .............. و يمكن ما تحضر الزواج و لا تستقبل ( ب ) زين اذا بعد الزواج جت تزوركم ............. بعدين دامها تخاف الله ما راح تنتحر يمكن سوت كذا قدامكم عشان تكسر خاطركم و تحسسكم بمعاناتها بس لما تكون لحالها مستحيل تسويها اختي اكثروا من وضع القران بالمنزل لانه سماعه يريح الاعصاب ............. و حل اختي المعذبة رقم ( 1 ) انا أأيدة و بقوة لان الصديقة لها تأثير قوي على صديقتها ................. كحل اخير : خذوها عمرة و خلوها تدعي بالحرم ترا العمرة تشرح الصدر ................. اللهم ارزقها الزوج الصالح و اهدها و اسعدها و تمم عل اختك ( ب ) و يسعدها يا قادر يا كريم .......... |
لا حول ولا قوة الا بالله
ما انا الكبيرة واختى ال اصغر منى مخطوبة وما فى مشكلة عادى كل شىء قسمة ونصيب وما احد يدرى الخير فين و اذا جاء نصيبها مو احد يقدر يعمل شىء عموما ربنا يهديها ويرزقها بابن الحلال الزوج الصالح و يارب ترجع تانى وتفكر مع نفسها وتلاقى ان كل ال بتعمله دة غلط لا يصح وربنا الهادى ربنا يهدى ليها نفسها |
ملتزمه!!!!!!!!!!!!!!!!!
ياالله هذا وهي اختها (لايؤمن احدكم حتى يحب لاخيه ما يحبه لنفسه) الله يشفيها ويعافيها هذي بتتعب في حياتها اذا استمرت يهذه الطبيعه ملك شادي انا معك في كل ما كتبتيه |
الله يهديها ويرزقها بالزوج الصالح عاجلا غير اجل ويفرج همكم ويكمل فرحتكم .... آآآآآآمين يااااااارب
|
ياربي ارزقها زوج صالح في اقرب وقت وتتزوج ان شالله قبل اختها الصغيره يااااااااااااااارب
|
لا حول و لا قوة الا بالله
الله يصلحها بس احس اختج أ وايد امكبره السالفه ليش ما تنتضر نصيبها؟؟ الله يهديها |
اقتباس:
اللهم امين انه يهديها ويصلحها وعن ترتيبات الزواج وربي للان ماشترينا شي والا عملنا شي كله خوف منهاااااااااااااااااااا |
الله يوفقها بالزوج الصالح عاجلا
بس فهميها قوليلها يمكن نصيبها ما راح يجيها إلى لما تتزوج أختها إلي أصغر منها الله يكون في عونكم |
اقتباس:
اللهم امين |
اقتباس:
اللهم امين |
اقتباس:
الله يرحمنا ويرحمها ويفرج علينا وعليهااااااااااااا |
اقتباس:
ااااااااااااااااااامين ويوفقك بحياتك |
اقتباس:
اللهم امين اما عن اختي ب هي الحين صارت تعبانه نفسيتها اكثر من اختي ا المشكله هي صديقتها معها تقول انتم غلطانين واختي كلمتها وهاوشتها ان شاء الله بس ادعولها |
اقتباس:
بس المشكله من وين لي دكتور نفسي حنا بمنطقه مرة محافظه بالسعوديه |
ربنا يوفقهم ويارزقهم بالزوج الصالح اجلا
|
اقتباس:
اللهم ااااااااااااااااامين |
اقتباس:
اللهم امين ويرزقك من حيث لاتحتسبين |
اقتباس:
ويعينكم اجمعين اااااااااااااااااااااااااااااامين |
اقتباس:
الف شكر والله يجزاك الجنننننننننننننننننننننه بعد العمر الطويل بس حبوبه هي تقراهااااااااااا والا انا اقراهم وادعيلها مافهمت عليك |
اقتباس:
ماشاء الله ليت كل البنات مثل اختك والله يوفقك ويوفق اختك ويعينناااااااااااااااا |
اقتباس:
ياخووواني تتكلمووون من فراغ وشلون طب نفسي هي تنهبل اذا جبنا لها طاري مثلا نجيب لها خالتي تنصحها فمبال دكتور نفسي وبعدين حنا بمنطقه مرة محافظه وماعندنا دكاترة نفسيين اعرفهم يعني صعبه بالمرة السالفه وانا بنت وماقدر اتصرف |
ما دام اختي اختك ب جاها نصيبها فدعو لها بالسعادة والهناء وممكن تاخرو زواج مهلة شوية على اساس ربنا يبعت زوج صالح لاختك ا وتفرح هي كدالك خلي على اختك عيونك عليها وعزميها في خرجاتك وتنزهاتك ومجالس دروس القرانية ودينية حتى تستقر نفسيتها وخد اختك ب وكلمها على اساس تكون طيبة معاها وتستحمل عصبيتها
مهما كان الخلاف اكيد بيحبوا بعض الله يخلهم لك وان شاء الله يسعدا هما الاتنين |
الله كريم
الله ييسر لها زوج ينسها كل الالام وييسر اموركم جميع ابو فهد |
| الساعة الآن 05:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©