|
شنو الحل مع هاذي الام؟
اخواني و اخواتي راح ابدا لمشكله لا تخصني لكن تخص صديقتي اللي راح ارمز ليها بحرف (أ) لان حالته تحزن و اني فعلا اريد اساعدها و ما اعرف شلون القصة هي انه(أ) كانت ليها علاقات سابقة مع ولد هاي لم جانت صغيرة اي بعمر ( 14 و 15 سنة) يعني جانت بمراهقة المهم هي كبرت و الحمدالله عقلت و هي كلش متدينه بحيث كل يوم الصبح نروح للجامعة اشوف بايدها قران و تقرا بيه يعني هي عقلت و تابت لله المشكلة وين المشلكة وية امها اللي حارمتها من كلشي بسبب ماضيها الام ما تنطي فلوس لبنتها ولا تشتري لها ملابس مع انه الام تشتري ملابس لاخوها و اختها الصغيرة و اخوها و اختها ما يقدرون يحجون مع (أ) لان اذا حجوا وياها الام تضربهم و دائما تحرضهم عليها وتقول لهم لا تتكلمون معاها و البنت يعني كلش محاصرينها بحيث ما يخلونها تتكلم مع صديقاتها او تسوي اي شي حتى الاكل ما تقدر تاكل اول شي لازم تسال امها مع العلم ان البنت عمرها (19) سنة و المشكلة تفاقمت اليوم لان امها ضاربتها ضرب فادح لانه (أ) سشورت شعرها!!! الام اخذت السشوار و ضربته على بنتها و البنت كلش متاذية بحيث (أ) ما تقدر تتحرك و حتى جسمها صار كله ازرق من الضرب و اليوم ما اجتي للجامعة اني اريد اساعدها و اشوف الحل مع امها و انا دائما انصحها انها تتكلم مع امها و تحجي وياها بس ماكو فايدة يعني جربنا كل الوسائل مع امها بس الام كلش قاسية اني اليوم استشيركم بدون علمها لان حالتها حزني فعلا اخاف البنية تموت بايد امها او تسوي شي بروحها لان (أ) قالت لولا القران جان اني انتحرت من زمان شنو الحل مع هاذي الام؟ |
عليها أن تكون هينة لينة مع أمها فوالدتها مهما قست عليها فقلب الوالدة كبيييييير جداااا والبنت أرتكبت خطأ فادحا في صداقتها مع شاب وهذا حرااام شرعا ومعارض للقيم والأخلاق 00 لكن الحل من وجهة نظري أن تحسن صورتها لدى والدتها وتلجأ الى ربها أن يرقق قلب أمها لها ، وعليها أن تصدق التوبة مع الله وتكثر من الاستغفاروعليها بالصبر حتى يأتيها فارس الأحلام الحقيقي الذي يدخل مع الباب وليس شاب طائش وفقها الله وزوجها بالزوج الصالح
|
امها تبي مصلحتها
فالواجب على البنت ان تتودد لاامها وتطلب عفوها وسماحها وتطلب رضاها في كل شئ حتى لو كانت ترى انها ظالمتها والحمد لله مادامت تسمح لها بالجامعه قولي لها ان امك خايفه عليك لكن احيانا الاسلوب يكون فيه شده شوي |
لا مو من حق امها ان تعاملها هذه المعاملة القاسية بسبب علاقة عابرة مع شاب ايام المراهقة
امها غلطانة مليون بالمية والغلط الذي ترتكبه امها في حق هذه البنت هو اكبر بكثير من الخطأ الذي ارتكبته البنت بتلك العلاقة, مهما كانت درجة العلاقة مع ذلك الشاب. يعني بدل ما تحتضن بنتها وتحيطها بالحنان وتمنحها ثقتها وتنصحها باللين بأن هذا الشئ غير مقبول في مجتمعاتنا هذا اللي بتسويه معاها بس بسبب علاقة والله كلمة ماما حرام عليها الام هذه واكيد بنتها ما ارتبطت بتلك العلاقة الا لافتقادها الحنان من والديها وبالدرجة الاولى من امها شنو يعني تخلي بنتها تروح للجامعة بلا مصروف طيب لنفرض ان حادث ما (اي حادث او موقف يستدعي بعض المال) صار لها في الجامعة ايش راح تعمل البنت تتسول ولا تبيع نفسها حتى تحصل على المال الذي يمكن يطلعها من الموقف. شنو يعني تحرض اخوتها على الابتعاد عنها وعدم الاحتكاك بأختهم اللي هي مهما كانت درجة خطأها هي من لحمهم ودمهم. ليش تخلق الكراهية والعداء بين الاخوة. الا تدرك بأن خلق الكراهية بين افراد العائلة الواحدة هو معول هدم تلك العائلة شنو يعني حارمتها من الاكل واللبس وشنو يعني تضربها ضرب مبرح لانها سشورت شعرها. الا تفكر بأن هذه البنت هي اولا واخيرا كائن حي يحتاج لان يأكل. الا تفكر بأن هذه البنت هي شابة ونفسها تلبس وتتشيك مثلها مثل صديقاتها والبنات اللي تشوفهم بالجامعة. شنو امها ما مرت بسن 19 ابدا؟ والله حرام حرااااام .. الرحمة... ارحموا من في الارض يرحمكم من في السماء. الله غفور رحيم. دين الاسلام دين رحمة دين يسر وليس بدين عسر ولا يكلف الله نفسا الا وسعها. شنو هذه الام اليست مسلمة الام هذه تفكيرها قاصر وسطحي. ما تفكر. ليست ذكية. لا تملك نظرة بعيدة وليست عاقلة وما تفعله بحق بنتها هو الخطأ بعينه الله الساتر بحيث ان بنتها متمسكة بالاسلام والقرأن وحدة غيرها كان طفشت من البيت وحقها تطفش والله الضغط والسكر والعلل كلها جتني وانا اقرأ ما ترتكبه هذه الام من حماقات تجاه بنتها وكل الهوسه هذي عشان علاقة مع شاب وكان يعني سوت علاقة وش صار يعني العالم انتهى مثلا من حسن حظ البنت انها واصلة في تعليمها الى المستوى الجامعي خليها تتمسك بدينها وتصبر كمان شوبة على عمايل امها وان تذاكر وبقوة وتتمسك بدراستها بيديها واسنانها وان تنجح وبتفوق كل سنة لان الشهادة التي ستحصل عليها ستكون سلاحها الذي يحميها من الكل سواء اهلها او الاغراب والشهادة هذه ستكون سندها في الحياة هي ليس امامها الان اي طريق غير طريق المذاكرة. اهم شئ الان دراستها لان شهادتها اللي ستحصل عليها ان شاء الله ستوفر لها الامن والحماية والاستقلالية المادية والمعنوية ايضا ان كنت حقا تريدين تساعديها فساعديها وشجعيها ان تذاكر وان تنجح وبتفوق وتحصل عالشهادة هذا هو طريق الخلاص الوحيد عندها والله يكون بعونها وان شاء الله تحصل على اعلى الشهادات وتوفق مع انسان يعوضها كل العذاب اللي هي شايفته الان |
الله يعينها ..!!!!!
|
اقتباس:
حبيبتي مشكورة لج بس هاذي العلاقة جانت بمراهقة يعني قبل 3 سنوات يعني الام المفروض تنسى و تاخذ بنتها بحضنها و بنسبة لتحسين الصورة فوالله البنت الان متربية و متدينة و كلشي تسوي للام يعني كلش مطيعة تقرا قران و تعيد فيه الام شتريد اكثر من كذا؟ |
اقتباس:
عيني 3 سنوات و البنت تطلب سماح و الام رافضة هالشي و قاسية معاها جدا خلي في بالج ان البنت حياتها اليومية عبارة عن دراسة و فقط و اذا البنت تريد تلعب بالكمبيوتر لازم تسال امها اذا البنت رادت تسبح لازم تسال امها اذا البنت رادت تاكل لازم تسال امها اذا البنت رادت تستعمل التليفون لازم تسال امها و ممنوع نهائيا تتكلم مع صديقاتها بالتليفون و حتى لما راحت للكلية امها شترطت عليها اي كلية و اي تخصص تروح و اذا ما راحت فما راح تدفع فلوس دراستها و هالمعاملة القاسية بس لها لان الام تعامل اخوانها احسن معاملة و تعطي لهم فلوس و تقول لهم لا تنطون لـ (أ) فلوس بس اخوانها يحبوها و يعطون لها فلوس من ورا ظهر امهم لان اذا عرفت ان اخوانها بيتكلموا معاها بتضربهم بصراحة فيه كثير اشياء تسويها الام بس انا اختصرت |
اقتباس:
لا عاب بكلامج اختي الحقيقة انتي الوحيدة اللي افتهمتي المشكلة و شرحتيها بالضبط و بالنسبة للدراسة فالبنية ملتزمة فيها لان الجامعة هو المنفذ الوحيد اللي تقدر تتنفس منه لان مثل ما قلت البنت ما تقدر تسوي اي شي الا الدراسة لا طلعة ولا شي نهائيا حتى الزواج راح يزوجوها بالعافية يعني هي ما عندها حق تختار منو تتزوج |
اقتباس:
الله يعينها مشكورة حبيبتي على دعوتج و ارجو ان الاعضاء لا يقصرون بردودهم لان البنية كلش محتاجة لكم |
الله يصلح شائنهم
ويهدي والدتها ويحنن قلبها عليها وانا قلت ماقلت لعظم حق الام ولكي اهون مصيبة صديقتك |
|
اقتباس:
و ان شاء الله يصلح حالهم |
اقتباس:
الاب موجود لكن هو يساند الام بكل تصرفاتها و في بعض الاحيان يضربها بس الام هي اكثر قساوة معها و عمر اخوها 13 سنة و اختها 11 سنة و هي لجئت لخالتها و خالتها حاولت تتكلم مع الام بس ماكو فايدة |
وين ابوها ؟؟
|
اقتباس:
|
اقتباس:
و الله هالبنت مسكينة زعلتيني عليها يعني الفتاة تابت إلى الله سبحانه و تعالى و ربنا غفرلها باذن الله لم لا يرضى الأهل بالغفران و هل لهم ان لا يغفروا لها امراً الله تعالى غفره و بدله مكان السيئة الحسنة حسبنا الله و نعم الوكيل من هؤلاء الجهلة أنصح الفتاة هذه بالصبر و ان تعاشرهم بالمعروف لأنها لا تملك إلا هذا حالياً و الله يخلصها من هذاالوضع قريباً يا رب |
ماتنلام امها
انصدمت ببنتها وحست انها مقصره بتربيتها فهي الان تحاول تبني من جديد وتعيد تربيتها فلازم البنت تتحمل نتيجه خطاها ولابد ويجي يوم ان شاء الله وتتزوج البنت وتفارق امها وتنسى امها السالفه |
اقتباس:
جزاكي الله الف خير احتي |
اقتباس:
انصدمت لبنتها 3اكثر سنوات و هي تحاول تعيد تربيت بنتها لمدة 3 سنوات؟ و هي التربية تكون بهالطريقة؟ بالعكس هي بطريقتها هاذي تبعد بنتها و تخرب علاقة الاخوان ولا تعتقدين البنت هاذي من حديد هاذي انسان و ليها مشاعر و اذا الام استمرت بحالتها هاذي اني متاكدة راح يصير واحد من هالاثنين لو البنت تطفش و تسيب البيت لو راح تتقبل الامر الواقع و راح تعيش ذليلة في بيت اهلها و الحقد يولد بين العائلة اتمنى لو تعيدي النظر في ردك و جزاكي الله الف خير اختج |
والله يااختي لو بنتي تسوي مثل صديقتك
ممكن اسوي اكثر منها باين عليك لسا ماصرتي ام وماتعرفين معنى ان بنتك ماتفيد فيها التربيه والله جداااا صعب والام بتحاول تضاعف جهدها تعوض الاهمال اللي فات والبنت ليش تنفلت وتضيع بالعكس تحمد ربها ان عندها ام مثل هالام الي تحخافظ وتخاف على بنتها لانه يا كثر الامهات المهملات هالايام ولا كان ما شفنا الصياعه من البنات والاولاد في كل مكان شوفيهن بالاسواق وبالنت وبكل مكان الله يهدي شابات وشباب المسلمين ويردهم لدينهم ردا جميلا وصدقيني 3 سنوات مو كثير بالنسبيه ل19 سنه اللي فاتو من ىدون ماتستفيد البنت من تربيه امها لها |
هذا مو خوف على بنتها هاذي قسوه وحرام عليها اللي تسويه في بنتها واذا اقرب الناس لها ما غفرت لها ذنب ندمت عليه وكان في فترة مراهقة اجل وش خلت للناس وكلام الناس المفروض بالعكس ما تقسى عليها وتعاملها معامله قاسية لان احيانا تكون ردة الفعل لمثل هالاشياء عكسية الله يكون بعونها ويساعدها طيب ابوها وين؟ هل هو موجود؟ هل هو راضي بتصرفات الام؟ |
اقتباس:
اختي اني قريبا راح اكون ام و فكرت بهالموضوع اعرف ان صعب على الام تشوف بنتها تتكلم مع شاب بس هو منو خله البنت تتكلم الشاب؟ غير الام لان جانت قاسية مع بنتها قبل الام ما تربي بنتها خلي تروح توعي نفسها و تشوف اللي تسويه و الله استغرب كلامج يعني اللي تسويه هسه صح؟ بنتها كلمت شاب بالتليفون لا قابلته ولاشي و بعدين كلشي انتهي من 3 سنوات و اكثر البنت عقلت و خلصت السالفة و هسه هي بعمر 19 يعني هي ما قامت تتكلم مع الشاب ارجو ان تقراي القصة من جديد و تفهميها لان على بالج البنت تتكلم مع الشاب الى هذا الوقت و هل انتي موافقة على تصرف الام بزرع الكره بالعائلة؟ الام اللي تسويه هذا مو تربية لكنه جهل و انانية تعرفين كم مرة البنت رادت تطفش من البيت بسبب تصرفات امها؟ لكن الشي الوحيد اللي يوقفها هو القران و ما اعتقد راح تتحمل البنت هالتصرفات لانه بني ادمية و ليها طاقاتها و حدودها هي مو جماد و الان احاول بقدر الامكان اساعدها لكن الاعضاء ما انطوني حل شنو المشكلة هالقد صعبة؟ |
| الساعة الآن 12:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
