|
ظلمته ولا ظلمني ؟؟
السلام عليكم
ابى اعرف انا مظلومه ولا ظاالمه ؟ انخطبت و بعد اربع شهور عقد قراني و طولت الملجه لين 10 شهور ما حدد العرس الا بعد عشر شهور ما عجبه الا اااخر تاريخ ليش ما اعرف و طبعا كانت الاشهر الاولى حلوه و لكن تغير علي بعد خمس او ست شهوور و ما عرفت ليش حاولت معاه كلمته مره و مره خليته ع راحته و مره حسوا اهلي و مره حسوا اهله و مرت االايام و قلت ما عليه اهم شي بنعرس يمكن عنده ظروف و طبعا الفتره اللي تغير فيها لبسني و لا يهتم فيني حتى يوم يزوورني ما يطالعني ولا جني موجووده و بطول هالفتره يهددني بالطلاق على اي شي و طفرت من هالاسلوب بعدها قلت مافيه غير اني يوم يهددني بالطلاق اقول له طلقني عشاان يتعلم و ما يعيدها مره ثانيه و فعلا حس بعوار القلب و تفاجا بس الظاهر انه كان يتمرد و متغير يباني اطلب الطلاق و انا قبل العرس بشهرين طلبت الطلاق و كنت عصبيه واايد معاه لاني شفته متغير و لا يسوي لي ساااالفه و لا يطاالعني بس ما عطاااني الطلاق جاني في رمضان و ما كان بينا اي مشاكل و اتصل و الناس تفطر و تدعي و هو يقول انتي طالق؟؟ ما صدقت الا يوم اتصلت امه و كنت في حاااله يرثى لها المهم بعدها بفتره رجعونا اهلنا و قلت ماعليه غلطه و الانسان يغلط والله اني رحت لمستشاره نفسيه و رحت لمطوع و رحت الصالون و لبست و اهديت و سويت واايد اشياء بس هو كان يقفطني و يحرجني و يدور الضرابه ع اي شي و مرات يقول انا المره الاولي طلقتج ع كيفي و بدون اي مشكله بس الطلقه الثااانيه انتي بتطلبينها ؟ و انا ساكته و استحمل و كملنا سنه و شهرين ملجه و هو كل ما يقرب العرس يأجله يبى ينرفزني انا و اهلي عشاان نطلب الطلااق و انا ما طلبته و لا فكرت فيه كنت عااايشه برعب و خوف من الطلاق و حاولت ارده و اصلح اللي بينا بس ماشي فايده و اخرتها طلقني للمره الثانيه ؟؟؟ الحين يوم طلقني يقول انا ما ظلمتج انا ملجت و ما اقتنعت فيج و طلقتج و عطيتج حقج و خلاص ؟ معقووووووووووووله ما ظلمني ؟ نسى ايام عذااابي و محاولاتي و حبي و طيبتي و كل شي نسى و هاان عليه كل شي و نسى تكتيكاته و خططه و المشاكل اللي يختلقها عشاان اطلب الطلاق نسى اني جهزت اغرااااضي و شنطي و كل شي و قبل العرس بشهر طلقني كسر بخااطري و احرجني و عذبني و قهرني و دخل حياتي و طلع منها و يتحرى انه عاااادي شو رايكم |
ول خيييييييييييييييبه.. كل هذا بعد هو المظلوم!!!! احس اهو من البدايه ما يبااااااااااج ولا في واحد يطلق بكل سهوله مرتيييين!!!! شو هيه لعبه..!!! الصراحه اذا هو من اوله جيه ينعاااف .. كيف بتكون حياتكم عقب العرس..؟؟!! حبيبتي اذا الواحد جيه لا اتصيحين ولا يعورج قلبج.. ادري بتقولون ظلمني بس الاحسن الحين يظلمج ولا عقب العرس وطوووول عمرج.. وان شاء الله ربي بيعوضج بانسان احسن منه.. الله يحفظج الغاليه.. |
اصلا انت وحده مثلك مفروض تستانس لان الصراحه ما يستاهلك لانك واااجد استحملتيه و هدا الشي الا صار خير لك و ليه لان ادا هذي سوالفه ايام الخطوبة اجل شلون ايام الزواج احسن فتكيتي منه لا تهمي ولا تعبي ولا تعوري قلبك و نفسك
|
وش اللي يخليك تتمسكين فيه!!
من البداية لما شفتيه يختلق المشاكل وأيام الملكة!! كان المفروض من نفسك تتركينه واللي هذا أوله ينعاف تاليه!! |
لا حول ولا قوة الا بالله الحمد لله اخيتي انه طلقج قبل الزواج لانه انسان مايقدر معنى الطلاق على باله بنات الناس لعبه لاتشيلي هم وافرحي لانه انسان مايستاهلج ربي يعوضك باحسن منه واهم شيء يقدرك ويخاف ربه |
ياخيتي البعد عنه غنيمه وراحه باذن الله ان الله ريحك منه
لان الى مثل كذا مالهم قرار والا لهم شخصيه واحمدي ربك مليون مرة الى فكك الله من قبل ماتورطين بزواج وعيال اسالك بالله كيف ترضين واحد مثل كذا يكون اب لعيالك ان شاء الله بالمستقبل هذا لين يحكم تصرفاته عشان يعرف يحكم تصرفات غيرة اخيتي بالله احمدي الله انكي تخلصتي من هذا الشخص وشرورة وعسى ان تكرهوا شيئا وهو خيرا لكم اتجهي الى الله بالدعاء عسى ان يعوضك الله خيرا منه |
لاحول ولاقوة الا بالله العلي العظيـــــــــــــــــــــــم
عسى الله يعوضج باللي احسن منه...هذا مايستاهلج ....وخليه بتشوووفين فيه يووووم ذكرتيني بقصة واقعيه لاحد معارفي.... تخيلي طلق زوجته بدون اي سبب يذكر في رمضان ومثل ماقلتي الناس توها تفطر وتدعي طلقها ظلم وبدووووووووون سبب ومرت الايام...وهي تزوجت الاحسن منه بالف مررررررررره ربج كريم وعوضها وهو تزوج الثانيه وصار له عيال منها.......وتخيلي في زواج بنته البكر.....وطبعا فرحااااااااان جدا بزواج بنته بعد شهرررررررررررر او اقل من شهر تطلقت بنته...وياحزنه وحسررررررته على بنته وبعدها تزوج ابنه الثاني وبعد هذا الابن بعد زواجه طلق زوجته شفتي كيف؟؟؟ تذكري كما تدين تدان وانتي ان شاءالله ربي يعووووووووووضج باحسن منه مليووووووووون مره وصدقيني بتدور الايام وبيعض اصبع الندم زعلتني قصتج وايييييييييييد ......بس لاتزعلين ربج كريييييييييييييييييم...واحمدي ربج الف مره طلقج الحين مب بعد الزواج عسى الله يسعدج ويهنيج بدنياااااااااااااااااااااااااااااااااااااااااج ويعوضج بالاحسن عاجلا غير اجلا اللهم امين |
أنا ما عندي زيادة عن ردود الأخوات
ما قصروا كفوا ووفوا بس عندي دعوة صادقة إن الله يوفقك ويبعث لك بالزوج الصالح اللي يسعدك ويعوضك عن اللي شفتيه من خطيبك الأول عاجلا غير آجل اللهم آمين |
الحمد لله رب العالمين
اللي خلصك منه قبل الزواج وعسى أن تكرهوا شيئاُ وهو خير لكم الله يوفقك باللي أحسن منه يارب |
يا بعد عمري.. عوورتي قلبي.. شو هالدنيا .. ؟!
الله يعينج.. الصراحة هالريال فظيع .. حمدي ربج انكم افترقتوا.. هو الظالم انتي ماظلمتيه .. ربي يعوضج الي احسن منه .. ولا تفكرين فيه وشليه عن بالج .. الله يعينج ويوفقج بحياتج ويعوضج الي احسن منه .. ريحي بالج انتي ماسويتي شي غلط .. هو الغلط راكبنه من فوق لين تحت ... الحين اكيد انتي اتمرين بوقت صعب.. حاولي اتلهين عمرج بأي شي... خليج ويا ربيعاتج وتمي دايما ويا اهلج .. يعني لا تيلسين روحج وايد عشان ماتتذكرينه وتتذكرين الي سواه فيج .. اهم شي ..اهم شي.. ماعليج من كلام الناس.. وتطمني انتي ماسويتي شي غلط انتي ماعطيتيه فرصه وحدة انتي عطيتيه فرص.. وصبرتي عليه وايد .. شو كنتي تقدرين اتسوين اكثر...؟!؟! يعني مابتقولين ليتني صبرت وليتني عطيته فرصه .. يعني ان شاء الله ماراح تندمين ولا اتقولين في يوم من الايام يمكن غلطت ويمكن سويت .. وخلاص فكري بحياتج الي يايه .. الله يوفقج .. |
اختي مو لحاله ظلمك انتي ظالمتي نفسك لما رجعتي له مره ثاني
|
قولي الحمد لله أختي ولا تهتمي أبدا ،،،
قولي الحمد لله لأنك عرفتيه قبل الزواج وقبل الاطفال ،،، الحمد لله بأنك خرجتي من هذه المحنه وحياتك في يدك وليس ملكا لغيرك ،،، الحمد لله الحمد لله ألف الحمد لله ،،، لا تهتمي أبدا بل انسيه وارميه وراء ظهرك ،،، فمن خلقه خلق ألفا أحسن منه ،،، هو من خسرك وخسر حنانك وطيبك وصبرك ،،، ما يستاهل أصلا إن نفسيتك تتكدر عشانه ،،، بل افرحي واستمتعي بحياتك ،،، وصدقيني هذه الحاله النفسيه التي تمرين بها ما هي إلا أسابيع وستتخطينها إن شاء الله بقدرة الله عز وجل ،،، فقد رزقنا بنعمة النسيان والحمد لله ،،، تحياتي |
شكرا لكم
هلا اخواني و اخواتي
شكرا لردوووودكم و الله رفعتوا لي معنوياتي و حابه ارد ع اللي سأل ليش تمسكت فيه هالكثر لان المجتمع يرفض المطلقه و الاقوى من هذا اني كنت احبه و بالنسبه لي اول رجال و خايفه من الطلاق و مااابعده و خايفه من الفرااااق ترا الفراق صعب و بالنسبه للي قالو اني ظلمت نفسي يوم رديت له تدرين يا اختي امي او اهلي و انا عطيناه فرصه و قلنا سبحان الله غلط و كان متاثر بطلبي للطلاق و حب يعاقبني مع ان الريال يقدر يعاقب الزوجه باشيا وااايد لان الطلااااق كبييييييييير مش شي صغير يتهاون فيه و مثل ما وحده من الاخوات قالت ما كنت اجي في يوم و اقول و الوم عمري ليش ما سويت و ما سويت الحين الحمدلله مقتنعه اني سويت اللي علي و زياده ولا بلوم عمري ولا اهلي بيلوموني و لا هو ولا غيره بس الفراق و الصبر صعب ادري ان ربي اكرم منه اكيييييييييييييد اكرم منه و ارحم منه و راازق و خلق غيره بس ابى كل البنات ينتبهون و اباكم تدعون لي لاني بحاله نفسية ما ادري شو اقول عنها صح اني ما اباه الحين لو يوزني ذهب بس الفراق صعب ارجع اتذكر و اشوووف مواقفنا و ككلامنا و غير الاحلام اللي احلمها و غير خططي اللي تهدمت غير تجهيزات العرس اللي اتكنسلت و غير ثقتي بنفسي و حالة الضياع اللي انا فيها و غير حرة القلب ليش باعني و عافني و انا ما استاهل و ما شاف غير الخير مني بس هو كان يماطل و يعذبني اكثر و اكثر عشاان امل و اعطيه فلوسه و اخلعه حسااافه فكر بالفلووووووووووس و انا والله ما تهمني كنت ابى ريااال بمعنى الكلمه و المواقف و هو همته فلوووسه اللي خسرها بس ما همته الانسانه اللي جرحها و جرحها و بعدها جرحها ينزف منه ما فكرت بخسااتي النفسيه و فكر بالماده الله لا يبلي مسلمه بهالموقف ادعوا لي |
اعجز عن شكركم
cc3300
اعجز عن شكركم الصراحه اخواني و خواتي و الله لا يريكم هالموقف و يبعد عنكم الهم ان شاء الله اجمعيييييييين شـــــكــــــــرا |
|
قولي اللهم أجرني في مصيبتي وأخلف لي خير منها ...
|
لا حول ولا قوة الا بالله انتي مو خسرانة شي هو اللي خسران وصدقيني الله يمهل ولا يهمل بنات الناس مو لعبه احمدي ربك انك ارتحتي من واحد مثله ما عنده ضمير انا اختي كانت مثلك كانت تمر بمشاكل كثير مع خطيبها بس ما كانت تقول لابوي وامي على اساس انها مشاكل عادية وغلطت بهالشي لانها بعد ثلاث سنوات زواج رجعت البيت بلقب مطلقة وبطفلة ما تعدت 9شهور فاحمدي ربك حبيبتي انك ارتحتي من واحد مثله ما عنده ضمير وانسي اللي صار لك والله ان شاء الله بيعوضك بواحد احسن منه بألف مرة وتذكري الله ما يضيع حق احد |
السلام عليكم ورحمة الله وبركاته
غاليتي أعلم بأن الأمر صعب عليكِ وكيف لا بعد ان هدمت تلك الأحلام والأماني ولكن غاليتي هل تعلمين أن ربي يحبكِ بتلاكِ بهذا البلاء ليختبر صبركِ وقوة تحملكِ وهل ترضين بقضائه أم تسخطين هل تلجئين له أم تفرين منه والحمدلله ألتمس فيكِ الإيمان والرضى فاعلمي غاليتي أن ربي أراد أن يزيدكِ من الحسنات ويكفر عنكِ من سيئاتكِ فوالله لم تعلمين من الأجر والثواب الذي منحه ربي لكِ لتمني أكثر من البلاء من شدة فرحكِ فالحمدلله على كل الحال والحمدلله الذي لايحمد على مكروه سواه فأكثري غاليتي من قول حسبي الله لاإله إلا هو عليه توكلت وهو رب العرش العظيم اللهم أجرني في مصيبتي وأخلني خيرا منها ولا تنسي الإستغفاااار وكثرة الدعاااء بأن يعوضكِ ربي خيرا أسأل ربي أن يعوضكِ بكل خير في الدنيا والآخرة وفقكِ ربي لمرضاته |
اشغلي وقتج...لاتكونين ضحيه للذكريات
ويبيعج اليوم احسن بالف مره من انه يبيعج بعدين................الله كريم وان شاءالله بيعوضج باللي يستاهلج احمدي ربج ولاتزعلين وعسى الله يوووفقج بدنياج |
وعسى ان تكرهو شيئا فهو خيرا لكم ...
الايام جدامج.. وان شاء الله الي ياي احلى من الي راح .. لا تفكرين بشي.. وغيري روتينج .. والله يوفقج .. |
قولي الحمدلله
|
المرأة التي تريد تعاقب زوجها ليس بطلب الطلاق , لنه بهذا تجاوزت الحد ففعلت
حرام ( أيما امراة طلبت الطلاق من غير ما بأس فحرام عليها رائحة الجنة ) كان الأجدر بك , ان تكوني اكثر صراحة , حتى اذا طلقك يكون الأمر نقصا فيه وليس فيك لكن جراءتك على طلبك للطلاق ليس لها داعي , فهناك حلول كثيرة جدااااااا يمكنك اسنخدامها , فنت قفزتي لطلب الطلاق , وهذا غلطة فادحة منك , لأنك عالجتي خطأ زوجك بخطأ اكبر منه .. واعلمي أنه لا يوجد رجل كامل , لكن عموما لعله خير لكِ .. |
اخواتي شكرا على مرروركم و الله ارحتوني بالمرور و الرددود
اختي العذبه ما شاالله عليج كلماااتج والله ريحتني الحمدلله اني مقتنعه بنصيبي و هذا اهم شي ووصلت لمرحله انه ربي اختار لي الطلاق لاني رضيت بهالانسان بس ربي يريد لي انسان احسن عنه و الله ما سخطت و لا تحرطمت بالعكس الحمدلله بس اللي فيني شوية حرقه قلب و الله يطفيها انشااالله باللي يثلج قلبي اخوي الراادع مهما شرحت لك ما تتصور كم الحزن و الياس و الزعل اللي كان يحطني فيه يوم يهددني بالطلاق و انا انسااانه و اي انسان يتضااايق يوم يشووف عمره رخيص و ماله قيمه عند اغلى الناس و اقربهم هو زلزل ثقتي فيني كرهني كل شي و وصلني لمرحله خوف لدرجه اني يوم ارد ع مكالماته اموووت من الخوف و جسمي يرتجف خووووووف وصلت لمرحله اكلمه و ما اعرف كيف اعامله اتم افكر كيف اتكلم و شو اقول يعني ما اتكلم بطبيعتي و افكر و اوسوس واايد هذي الاحاسيس مب شوي . و انا تراني شرحت بمختصر بس هو كان محترف بالتدريج يوصلني للانهيار و انا والله مثل ما قلت دعيت له و نصحته و سكت عنه و اتغليت و حبيت و رحت لمطوع و رحت لاستشاره نفسيه و سويت كل شي بس هو باااااااااله كان مش ويااي قدر الله و ما شاء فعل شكر ا اخوي الرادع ع المرور |
مثله لايستحق حزنك أو رثائك .. أتعلمين أجمل ماحصل هو إنفصالكما قبل أن يجمعكما سقف واحد . .. . ثم أن كل ماكان منك يدل على عطائك ومودتك ولم تكوني مجبرة أو مربوطة بهذا له بل أعلم أن من هي مثلك تسعى لتكون حياتها أفضل .. . . ماكان إحتسبي فيه الأجر والمثوبه من الله وهو يوماً سيتذكر . .. . وسيبقى لك من هذا تجربة ومرت وفقك الله وأجزل لك الخير . . . |
حسبي الله ونعم الوكيل
الله يعوضج بزوج صالح يسعدج ومايقصر معاج ويكون اخير من زوجج السابق اللهم امين والله يفرج همج وييسرلج كل امورج ويوفقج يااااااااارب احمدي ربج انج انفصلتي قبل الزواج واستغفري الله.. والله كريم |
حسبي الله ونعم الوكيل على كل ظالم
اختي العزيزه احمدي رب العالمين لانك ماكملتي مع هذا الرجل لانه اللي هذا اوله ينعاف تاليه وانتي ما ظلمتيه بالعكس اهو اللي ظلمك والله بياخذلك بحقك منه والله يعوضك باحسن منه ويعوضني لاني انظلمت مثلك ويعوض كل وحده مظلومه . |
الله يعوضك باللي يستاهلك
|
لاحول ولاقوة الا بالله العلي العظيـــــــــــــــــــــــم
عسى الله يعوضج باللي احسن منه |
معليش عاد اختي الله يعطيك الصبر ويرزقك باللي احسن منه شخص يقدرك ويعوضك ويسعدك
المفروض انك تفرحين لان شخص من البداية يسوي معاكي كدا عاد ايش حال لاتزوجتوا؟ الحمد لله انتي لسا على البر وكل شي حصل لعل في ذلك خير وياستي دايم البنات اللي ينخطبون وما يتوفقون بالاول بتشوفين الثاني بفترة قريبة بيطق بابكم واعتبري انك مجهزة حالك قبل الهنا بسنة حبيبتي طالعي مشكلتك من الجانب المشرق لها واحمدي ربك على كل حال تقبلي مواساتي |
شكرا شككرا
هلا خواااااااااااااتي العزيزات
اجمل شي اني احس كنت بعيده عن العالم لمده سنه و اكثر و احين رجعت للدنيا و اكتشفت بعد ما طحت ع راسي وجووووووود ناس تواسيني و تنصحني و تحبني و تدعيلي و تجبر بخاطري يعني ناس يتحطون ع الجرح يبرى الله يوفقكم اجمعين و انا دوووم اقول يا رب لا تكتب نصيب اي بنت مثل نصيبي و لا تخلينهم يعيشن اللي انا عشته انشاااء الله يسعدكم و يحفظكم و عني احب اطمن الجميع نفسيتي الحين عاااااااااااال العال بفضل ربي ثم ربيعاتي و اهلي و بفضلكم بعد و كلامكم اللي يثلج الصدر تقبلوا تحياااتي و احترامي لكم جميعا |
ارجوا لك التوفيق
|
اقتباس:
اسال الله ان يعوضك ويخلف عليكى خيرا منه |
والله احنا البنات مساكين
رومانسيين و حسساسين و ماحدا مقدرنا |
يمكن فبها خيره وربي يعوضك
واغلب المشاكل تجي بسبب الملكه الطويله |
| الساعة الآن 11:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©