|
تجربتي مع الولادة
صباح الخير ودي تسمعون قصتي انا سيدة متزوجة من حوالي عشر سنوات ولدت الولادتين الاولي و الثانية طبيعي ,طلعت عيوني من الولادة الاولي أما الولادة الثانية فما حسيت فيها لاني ولدت بالشهر الثامن ووزن الطفلة كان حوالي 2كيلو غرام , و نجي للولادة الثالثة ولدت بقيصرية لان الطفل كان بالوضع المقلوب الرأس الي أعلي المهم طلعت من هالولادة ببروز قليل للبطن و لكن مع التمارين و تعرفون الدكاترة منعوني من ارتداء اي حزام لشد البطن الا بعد مرور شهرين المهم انا ما سمعت الكلام و لبست الحزام بعد 25 يوم و الحمدالله اختفت البطن و بعد مرور اربع سنوات و نص جتني الولادة الرابعة و قلت هالمرة أبي اولد طبيعي كل هذا عشاني خايفة من بروز البطن مره ثانية المهم جاني الطلق و لمن رحت للمستشفي طلع الرحم مفتوح 4سم و ما مرت ساعتين الا وهو مفتوح 7سم و نزلوني بغرفة الولادة و الدكتوره كانت رافضه تعطيني أي مسكن بحجة تأخير الولادة المهم ولدت وبعد ما خلصت الدكتورة من خياطه الجرح الداخلي الا أنا أنزف و هي ما تدري من و ين النزيف و اتصلو علي الجراح و تخيلو كان هذا ليلة السبت الفجر و الناس نايمة و لمن وصل أكتشف ان النزيف طلع من العملية القيصرية الاولي و دخلوني غرفة العمليات و انا كان مغمي علي من الزيف و افتحوا العملية و خيطوها مره ثانية و نقلوا لي حوالي 4أكياس دم و انا كنت بين الحياه و الموت بس الحمدالله مرت الفترة علي خير تخيلوا ما كنت اقدر اتحرك بسبب الجرحين و الحين كل ما أتذكر هالتجربة عيوني تمتلي بالدموع ,كنت حابه أشاركم بتجربتي أدري طولت عليكم و الحين . توني هاليومين طالعة الاربعين الحمد الله علي الصحه و العافيه .
|
الحمدلله على سلامتج اختي
ماحد يحاسب الاطب ليييييييييييييييييش؟؟؟؟ |
الف الحمد لله على سلامتك اختي حزنتيني والله وخوفتيني من الولادة مع اني جربتها مرة وحدة عطيتينا درس وعبرة انه الواحد لازم يسمع كلام الدكتور وما يغامر زيك والله يحفظك لعيالك :15:
|
وااااااااااااااااااااااااااااو الله يعينك والله انا جربت القيصريه تموت المهم الحمدلله على السلامه ويتربه في عزك:22: :17: :22: :17: |
دامك ولدت الثالثه قيصريه ليش ماكملت قيصري مايسوى عليك حمد لله على سلامتك والمره الجايه قيصريه لأن خلاص فرصتك بالطبيعي راحت بماانهم فتحو الجرح مره ثانيه لذللك انتبهي لنفسك ومبروك ماجبت...
|
نعومي ليش القيصريه عامله فيكم فيلم رعب والله مافي اروع منها انا عاملتها مرتين والحمدلله مافيني الا العافيه ماشاء الله الطب تطور مو مثل ايام زمان الله يرحم الحال..
|
الحمد لله على سلامتك
قصتك تخوووف الله يهون على الجميع |
الحمدالله على سلامتك والف مبروك على النونو يتربى في عزكم ان شاء الله
ماشاء الله تبارك الله شوقتيني للصغار بس ان شاء الله بعد خمس سنين بفكر نجيب واحد صعنون اللهم لاحسد ترى عندي اربعه حلو انك تتذكري ماحدث ولكن اجعليها ذكري ايجابيه استغليها واحمدي الله كثيرا على ان انقذك وكتب لك عمر جديد بارك الله فيك وحفظ لك ابناءك |
حمدلله على سلامتك خلى بالك على نفسك
|
يعني النزيف كان بسبب انك لبستي الحزام بعد 25 يوم؟
|
الحمدلله على سلامتك
ومبروك البيبي يتربى بعزكم بصراحه انا ولدت طبيعي قبل 3 شهور واول ولاده لي وكانت بطلق صناعي الآن قلت بأذن الله لو فكرت احمل مرة ثانيه ما راح اولد غير بقيصيريه أريح من الطلق وعذاب الطلق بكيفه بروز البطن ولا ألم الطلق.... |
ريم حمدلله على سلامتك أنا صراحه أوؤيد القيصريه الأولى كانت لأسباب أما الثانيه فبختياري وبالنسبه لبروز البطن يعتمد على النظام الغذائي وممارسه التمارين اذا اتبعت بانتظام ماراح يكون فيه بروز... الولاده الطبيعيه يبغى لها نساء شجاعات وأنا بصراحه افتقد للشجاعه في الولاده...
|
الحمدلله على سلامتج .. ويتربى البيبي في عزج ..
ههههههههههههههههه ريم ضحكتيني.. انا بعد ولدوني بطلق صناعي... وهلكت .. تعبت .. بس بعدين من شفت بنتي نسيت الم الطلق والله الحين ماتذكره .. بس اذكر اني سويت فلم من الالم .. |
تسلمون حبيباتي و ما قصرتوا بردودكم , الحين خاصة بهالفترة اتذكر كل شي و كأنه حلم ,سبحان الله علي نعمة النسيان و لولها كان ما في حريم تولد الحين , الحمد الله شفت العافية و حاليا بدأت بلبس الحزام الطبي و امارس رياضة المشي علي فكره انا عندي أربع بنات, ان شاء الله بيرزقني أخو لهن بس طبعا مو الحين لاني ما أفكر بأي شي يمكن بعد 5 سنوات لان أعمار بناتي 9,6,4.5و النونو , و مشكورين مره ثانية .
|
الحمدلله على السلامة .. بس وش الحزام اللي تتكلمون عنه ؟؟؟
|
الحمدلله عل سلامتك
والله يرزقك بااخو لبناتك |
الف حمدلله على سلامتك الحمدلله الى عدت على خير
|
خلاااص بننتبه على كلام الاطباء ولو انه مو دايم كلامهم يطبق ، بعضهم بس عشان الفلووووس يجلسوون بالأدويه والخرابيط والنصايح الكذابه
بكل الأحوال الف الف الحمد لله على السلامه والله يجعل مولودك من عيال السلامه يارب والله يسهل لي طبيعي يااارب ... |
:24: :24:
يمه خوفتوني وانا لين الحين ما عرست.. الله يعينا بس.. |
الحمد لله على سلامتك ومبروك ماجبتي
جعله الله من مواليد السعادة ورزقكم بره ونتبهي مرة ثانية لنفسك |
| الساعة الآن 10:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©