|
هل هذا عنف ؟.!! ..
السلام عليكم ورحمة الله وبركاته .. مرحباً الجميع يعرف إن الحياء من الأهل ربما يكون سبب رئيسي لبعض المشاكل عند الزوجين فمثلاً لا تستطيع الزوجة السؤال عن مايخطر ببالها أو تواجهه مع زوجها أو ربما إنها تتوهم أشياء فوق طاقتها .. فمثلاً أنا أمر بحالة .. أحس إن خطيبي ( فيه عقد شرعي ) عنيف معاي .. أحسه يحب يضغط علي في أماكن ويضمني له بقوة حتى أحس إن ضلوعي راح تتكسر لا تقولوا أبالغ بس والله فعلاً أحس إن الأضلاع تعورني كل مايضمني .. :( حتى كرهت إني اجلس معاه لوحدنا لإني عارفة إنه راح يسوي هالحركات وهو كل ماشاف أي فرصة وأي جلسة لوحدنا يقفل الباب ويبدأ بالحركات أي نعم إحنا متزوجين بس لسه ماجا وقت الزواج فقط تمليك .. يعني عادي عنده يسوي هالحركات ثلاث أربع مرات في الأسبوع الواحد حتى أنا أحس نفسي كل تعبانة ومنهلكة من حركاته .. هل هو امر طبيعي لو شاذ .. وخصوصاً إن احنا لسه ما صار يوم الزواج .. أقرأ في المنتدى إنه حرام لو هو رغب في ضمة أو قبلة وأنا أمانع .. بس أحس إنه مش لهذي الدرجة .. المفروض يحس فيني وفي مشاعري .. وإني لسه أعتبره غريب عني وصعب علي .. أحس إن الرجال يتعود على المراة أكثر وفي فترة بسيطة وقصيرة ... أعترف لكم إني أكره نفسي بعد الضم والقبل وووو اللي يسويها وتصير حالتي النفسية سيئة لأبعد الحدود حتى هو يلاحظ هذا وما أقدر أطالع في عيونه وأكون دايماً منزلة راسي ,,, أحس نفسي ’’’’’’’ والله مو قادرة أوصف لكم ’’’’’’ على فكرة لسه ماصار شي بيني وبينه من الأمور الكبيرة .. فيه مرة من المرات قلت له تعبانة وأبغى أنام بس هو أصر يقول لي لو ما أقعد معاك مابانام الليلة باصير مؤدب ... بس في غضون لحظااااات ما شفته إلا بدأ وأنا زهقت في نفسي ومن عيشتي .. وبديت أمتنع عنه ... قال لي وش فيكِ .. قلت له مالي مزاج ,,, وهذا أول مرة أقولها له ... أنا حتى لو ألمني وضغط عليي ما أقول آه أو شي بس حسيت طفح الكيل ... أحس نفسي عصفورة بين يديه ... ما أدري مو عارفة كيف أتصرف أو أيش أقول له عشان يخف علي شوي .. أقول إذا هذا قبل الزواج يسوي كذا أجل بعد الزواج كيف بيصير الوضع .. حاطة ألف حساب وحساب لهذا الشي ... ما أدري هل هو طبيعي أو فيه نوع من العنف ؟!! دلوني كيف أعرف .؟!! وأيش أسوي وأيش أقول .. ترانا في هذا المنتدى (الرائع) نتعلم من خبراتكم وتجاربكم في كيفية حلول المشاكل اللي من هذا النوع .... لا تبخلون علي وجهوني وأبدو نصايحكم ... :( |
اختي .. الوضع طبيعي لا تخافين .. لكن طريقة شخص عن شخص آخر مختلفة في هالموضوع..
انا انصحك بالمصارحة .. كلمية .. افتحيله قلبج ..قوليليه شنو الشي إللي تحبينه وإللي ماتحبينه .. وخاصة انكم في البداية ((وإللي أوله شرط آخره نور ان شاءالله)) http://www.66n.com/forums/showthread.php?t=128742 |
اقتباس:
حبيبتي انتو بينكم عقد شرعي.. يعني هو زوجك وحلالك .. من وين قريتي انه حرااام.؟؟!!!! فما يعتبر غريب ولاااشي.. شوفي انتو بعدكم في اول الطريق وكل واحد مكانه يحب يضم خطيبته ويقبلها ومن هالاشياء الخفيفه.. يعني هذي اشيا عاديه اتصير بينكم.. بس يمكن زوجك من زود حبه لك يوم يضمك ماهو حاس بعمره.. وانتي حليلك تتألمي.. فعشان كذا اقولك يوم هو مثلا يضمك قولي له بدلع(( حبيبتي خف شوي عليه تراك اتعورني)) يمكن ينتبه.. لا تمتنعين عنه بالمره ترى يتضايق.. والله يوفقك.. |
حبيبتي مفروض تفرحي
من كتر حبو وعشقو الك بيعمل هيك احمدي الله اني ملهوف عليكي هيك مفروض تطيري لما يضمك وتفرحي وتحسي بالحب مش تتدايقي |
ما اسعدك به نساء يشكين من برودة بعض الرجال
|
السلام عليكم ورحمة الله وبركاته...
طلب الاخت واضح ..الرجل عنيف في تصرفاته ..وشديد ...وتبي الرأي وانا صراحه انقرف من هالموضوع ..اللي توه الرجل عاقد وكاتب كتابه على زوجته ..وتصير جميع التصرفات ..عادي ..وصحيح ..وهذا زوجك ..وهذا حلاالك .. يااخوان ..كوني واضحين ..عدل ..ترى الزواج يبتدي ..بعد الحفله او العرس ..ولما يتسكر علييهم بااب بيتهم او شقتهم ...وقبله مافي شي مسموح ..فترة الملكه ..تكون للتعرف على الاطباع والافكار ..وايجاد التفاهم اللي من خلاله تتحقق السعاده .. الرجل مايحس انه متزوج الا عقب الحفله او العرس ..والا بالفتره هذي ..والله العظييم ..مايحس انه متزوج .. الافضل ياا اختي الكريمه ...ان تتفاهمين مع زوجك ..باللتي اهيه احسن وبالاسلوب اللطيف ..ان الحركات هذي تتأجل لي بعد الحفله عشان يكون لها طعم خاص واحلى ..وممكن انتي تقولين له بالطريقه اللي تشوفينها لطيفه حسب تفكير زوجك ان طريقته فيها عنف ... انا اشبهه بالشاب اللي توه أخذ اجازة قياده ..وقام يقود السياره ..وعلى طول يتصوور ..نفسه شوماخر ..ويدوس حد السرعه ..اليما الله يرزقه بحادث خفيف ..يخلييه يركد شوي ..واعتقد زوجك مو مصدق انه تزوج ..والحبيب دااش حامي .. الله يسخر لج زوجج ويهدييه .. الحين اكيد ..كثير من الاخوان ..ماابيعجبهم الرأي ..وبيقولون هذا زوجك وحلاالك ..وماعرف ايش من الافكار الغريبه ..ولو مايحبك ماسوى هالشي .. يااختي خللي كل الكلام وراك ..واتفقي معاه يأجل كل الامور ..لي بعد الحفله ..والله ماتسوى ..بكره تطلع مشكله لاسمح الله ..وتتفركش السالفه ..ويكون الربحان الوحيد ..هو الشاب اللطيف ... ودمتم |
هذه أمور تحصل بس تفاهمو وتحاوروا بطريقة جميلة وكوني لبقة ومبدعة في حديثك حول هذا الموضوع بحيث يتفهم وضعك ، وإلا فإن زوجك نشيط وأنتي كسلانة النتيجة تنافر مؤكد والأسوأ شيطان سيجلس بينكما ينغص عليكم عيشتكم .. الله يحفظكم ..
|
مع الوقت بتتعودين على ذا الحركات
وبعدين ما فيها شئ اذا قلت بشويش عادي مااظن فيها احراج قولي انا اتعور واظن ان جسم زوجك كبير بالنسبه لك واحمدي ربك واشكريه ان زوجك بهذا الحماس اسأل الله العلي القدير أن يوفقك في حياتك المستقبليه وتعيشين بسعاده مع زوجك |
اخواني أخواتي ..
الحزينه83 ضايعه فالدنيا ملَك شادي السقطري ايأس مع الحياة لينور دعاء باشا أشكركم جميعاً على تفاعلكم معاي .. بس لي بعض التوضيح شوي لأختي ضايعة فالدنيا اقتباس:
يعني هو طالبني وأنا أمانع .. هذا اللي كنت أقصده .. أخوي أيأس من الحياة ... وجهة نظرك هي نفسها وجهة نظري .. لإني كثير قرأت وسمعت عن أزواج ماشاء الله عليهم متفقين ومتفاهمين مابقى إلا حفل الزواج .. و يصير شي بينه وبينها وربما تكون حامل أو شي يتفركش كل الزواج ومايصير أي حل للرجوع لبعض أو ربما لظروف أو او او ينفصلوا .. فـ الواحد ياخذ الحيطة والحذر .. لو أنا عطيته كل اللي يبغى ماعدا الأمور الكبيرة .. في النهاية هو الربحان .. إذا لا قدر الله وصار إنفصال .. أختي لينور اقتباس:
تفاقم المشكلة عندي .. وفعلاً انا أحس نفسي كسولة وهو نشيط .. وهذا الشي اللي خايفة منه الحين وبعد الزواج .. ولو تدرين مرات ومرااات ومراات كثيرة أقول لو قاعدة بدون زواج أرحم لي من هالعيشة .. أدري ناس بيقولوا احمدي ربك جاكِ نصيبك وغيرك مو لاقي نصيبه ومن هالكلام ,,, وأشكركم مرة ثانية على مساعدتكم لي .. وإن شاء الله أبدأ على الأقل في البداية ألمح له وإذا مافهمها أقولها صريحة بطريقة ما .. وبلباقة ... واتمنى التوفيق والسعادة للجميع ياااارب .. واللي زوجها باارد معاها يصير مثل ماتبي وترتاااح ... وأسأل العافية للجميع .. |
السلام عليكم ورحمة الله وبركاته........ حبيبتي مكن هو متحمس واكيد انك عاجبتيه الله يسعدكم حاولي توضحيله بدون ماتحرجيه يعني بشوية دلع بعدين يمكن هو محتاج حنان عشان كده تكون ضماته قويه الله يوفقك اختي والف مبروووك:14:
|
اهلاً اختي وردة بلا شوك .. والله يجعل أيامك كلها ورود في ورود وبدون شووك ..
أحسه هذا للي حاصل ... أنا دايماً كنت اطلب من ربي إن الله يعطيني وااحد يحبني موووت اكثر من ما أنا أحبه .. والله عطاااني منيتي والحمد لله والشكر اللهم لا حسد ياااارب ... بس عطااني شي ثااني احس نفسي كسووولة .. وهو نشيط .. لو كنت أدري كمان إن فيه ناس يكونوا نشيطين وناس كسوليين كان دعيت ربي يعطيني واحد مثليي بس ياالله الحمد لله على كل حال .. إن شاء الله تتحسن الاوضااااع .. أدعو لي .. والله يوفق الجميع .. |
الاشراف /عفوا : ان شاء الله تكتب على هذا النحو |
×.. السلام عليكم ..× في إخوه علقوا إنو اللي انتي فيه نعمه و غيرك محرومين و بيشكوا من برودة ازواجهم !!! و أكيد الأخت عارفه انو هي في نعمه بس بتسأل عن الطريقة لو عنيفه او لا ... بس حبيت إحكي إنو ( في بينك و بينو عقد شرعي ) يعني مش حرام ! و معك حق لو إنتي لساتك مش متعوده عليه << هاي مع الأيام إن شاء الله و بتتعودي ... بس الطريقة انا ما بشوف فيها أي عنف بس يمكن هو طريقتو هيك و إسلوبه هيك ... بتقدري تصارحيه او الخيار التاني تتحمليه :11: !!! يعني المصارحه بتكون أكيد أحسن ... وفقكٍ الرحمن ... Salam حورية لبنان |
اختي انتي لازم تفرحين غيرج يتمنى هالشي..هذا دليل انه يحبج ..وانا اضم صوتي ل"ضايعة بالدنيا" يعني حاولي تصارحينه بس باسلوب او بدلع ..لانه الرجال مايحبون المراة الي تمنعهم من هالاشيا ..
والله يوفقج... |
[COLOR="Blue"]أختي الغالية أولا: أتمنى لك حياة زوجية سعيده مع زوجك باذن الله وأن يستمر على حبك ولهفته لك على طول
ثانيا :عزيزتي بالنسبه لأحساسك بألم عند ضم زوجك لك أقولك هذا شي عادي أنه يضمك بقوة وعنف لأنه متلهف عليك ويبي يروي شوقه لك عشان كذا يضمك بقوه ومع الوقت يخف هالشي ثالثا:بالنسبه لهذا الوضع وهو أنه يعمل معاك أي حركات قبل الدخلة انصحك نصيحة لوجه الله أختي الغاليه أنك لأتوافقين وأرفضي هذا الشي حتى لو غضب صدقيني راح يرجع ويرضخ لطلبك ويوافق أنكم تأجلون كل هالأمور الى وقتها والله مو بصالحك أنتي يالغاليه يعمل كذا لأنه هو لما يجي وقت الدخله يكون مل منك ومافيه الأ القليل اللي باقي له يكتشفه فيك وليش أصلا الأستعجال كل شي في وقته حلو بالأضافه الى مانرأ ونسمع من القصص التي يشيب لها الرأس من وقوع المحظور وخراب الزواج فتكون البنت هي الخاسره الوحيده وفيه قصة بنت أعرفها شخصيا مثلك مالك عليها زوجها وقبل الزواج بفتره بسيطه وقع المحظور وكان هو دائما يصر عليها أنها توافق أنه يقضي حقه الشرعي منها وأنها زوجته وأن الوضع عادي فوافقت المسكينه على طلبه لأنها واثقه فيه وزوجها ولكن النذل غاب كم يوم بعد أن قضى وطره منها وبعد كم يوم وصلتها ورقة طلاقها مع رسالة منه أنها مدام خانت ثقة أهلها فيها وهي في بيتهم وسوت معاه هالشي بدون علمهم أيش يضمن له ماتكرر التصرف مع واحد غيره وهي في بيته عمرك شفتي نذالة أكثر من كذا هي زوجته واللي صار شي عادي وحلال ولكن شوفوا كيف العقليات المريضه كيف فسرت الأمور وكل هذا البنت هي الوحيدة اللي ملامه عليه لأنها أستعجلت الأمور قبل وقتها فارفضي ياأختي الغاليه وأجعلي كل شي لما بعد الزفاف وصدقيني حتى لو تضايق بيفرح فيك وانتي لأتخجلي منه وقولي له أنا أتضايق من أني أسوي هالأشياء قبل الزفاف واتمنى لك التوفيق أن شاء الله |
اخواني الاعزاء انا اخالفكم الراْي وارى ان لايجوز عمل هذه الاشياء قبل الزواج او قبل اظهار الزواج او ما يسمى ليلة الدخله واْرى ايضا انه شكل من اشكال العنف الجنسي لان البنات لا يتم التعامل معهم بوحشيه تقول الاخت انه يكاد يكسر اضلاعها ولو انه فقط من الشوق ضمها لتعلم من مره واحده انها مستائه من تصرفه حيث تقةل انه يلاحظ استيلئها ولكنه مصر على فعلته كما تقول الاخت انه همجي حتى اثناء تقبيلها ارى انه انسان لا يراعي انوثه ورقة خطيبته فهو عنيف جنسيا.اختي الكريمه انصحك بمصارحته بانه يؤلمك بتصرفه وانك انسانه حساسه تحبين ما يفعله لكن برقه وحنان وانظري ما يفعل والا اعلمي انه عنييييف وفقكم الله
|
8
8 8 الله المستعان الله يهديك اش هالكلام ,,, هذا زوجك ياحبيبتي ماعليك من احد خذي راحتك معاه بس بحدود ,, لازم تتفاعلي معه واياك تصدينه او تقولين له مالي مزاج لأنه جاي وهو مشتاق مرة لك وش رح يسوي فيك حرام تحطمينه ,, بس عندي لك حل خليه يجيك كل اسبوع مرة مو ثلاث مرات بالاسبوع حسب مافهمت من كلامك كمان اذا حسيتي انه ضغط عليك عادي قولي له حبيبي بشويش احس صدري يتعبني وهكذا لازم تفهميه اذا تبغين تعيشين بسعادة لازم المصارحة بين الزوجين,, واصحك تقولي انك كسولة اش هالكلام ما انت كسولة ولا شيء بس لأنه اشياء جديدة بتحسي بخمول ولأنك ماصارحتي زوجك هالشيء اتعبك زيادة ,, بس بعد المصارحة بإذن الله كل شيء رح يهوون ,, والله يوفقكم ,, اتمنى من الاخوة والاخوات يذكروا الله ماشاء الله تبارك الرحمن بارك الله لكم وبارك عليكما وجمع بينكما في خير ,, |
صباح الورد
حبيبتي كلام الاخت أ يأس مع الحياة صحيح:22: اتنمى لك كل خير وان ربي يتمم لك على خير بس ممكن تقولين له يخفف من الحركات دي شوي صح ماتقدرين تمعينه منها مرة لاننا بزمن الله المستعان الواحد مايصدق يعف نفسة بالحلال بس خفوا شوي وترى طريقتة في الاحتواء على رأي الاخ ملك شادي مبسوط وانتي ان شاء الله بتنبسطين وبيصير طبيعي:23: المسألة مسألة وقت وتعواد:d والله يوفقك:14: دمتي الاشراف /عفوا : ان شاء الله تكتب على هذا النحو |
| الساعة الآن 05:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©