اشتكيت على معلمة بإيميل للمسؤولين هل أنا على حق
 

السلام عليكم ورحمة الله وبركاته.....

ايه اشتكيت استاذه(مدرسه )عند اختي بالأأبتدائي..

السالفه ومافيها ..

في يوم من الايام بنت ولد عم ابوي صغيره مع اختي بصف سادس ..

مشاغبه التفتت عليها المدرسه وقالت لها انتي كسلانه ومشاغبه....

انتي ماتسوين جزمه من جزماتي ..

اختي جات قالت لي ..صحيح اختي مو المعنيه بالموضوع...

بس انا عصبت وما عجبني تصرف المدرسه ..

وخاصة انها مدرسة مواد دينيه .. يعني كيف تدرس القرآن وما تتمثله بأخلاقها ومعاملتها..

برسالة ايميل ارسلت لنائب وزير التعليم وهو جزاه الله خير ماقصر .. رد علي وأرسل الملف لتربية منطقتنا .....



كلمتني بالامس موجهه مدري مديره عندنا في المنطقه قالت انتي فلانه الفلاني اللي ارسلتي بخصوص المدرسه .. قلت ايه.

قالت خلاص احنا الحين رايحين ننظر في السالفه .. اعطيني اسم المعلمه واسم البنت اللي انقال

لها الكلام..

وشهود عيان.........

هنا بدأت المشكله..

في البدايه اختي خااااااافت وقعدت تبكي تقول ليش توديني في داهيه خايفه من المدرسه تسوي لها شيء..

بس انا شجعتها قلت انتي لا تخافين منها ماتقدر تسوي لك شيء..

اذا كلمه واشتكيناها .. اذا سوت شيء احنا اللي بنوديها في داهيه..

بنت عمي كلمتها قالت لن أقول شيء خاافت .. حتى اهلها خافوا ..

الييييوم في المدرسه جاهم الإشراف التربوي .. البنت نفت الموضوع وقالت الأستاذه ماقلت شيء بعد ماشافت الأستاذه تبكي ..

الفصل شهد زور مع المعلمه ..وقالوا انه اصلا خواتي هم اللي كسلانات والأستاذه ماتحبهم.....

:beated:

انا مايهمني بصراحه شهادتهم لاني راح اكلمهم بكره .. واقولها خلها تحلف..

انا ابيها تتأدب .. مايهمني شهدوا او ماشهدوا..

واختي الحمدلله اقتنعت وقالت بقول الحقيقه...............

:look_down:

السؤال اللي يطرح نفسه انا واجهت انتقادات من اهلي يقولون مالك دخل .. وعملتي مشاكل ؟؟

شرايكم انا على حق والا لا ......؟؟؟؟؟؟؟؟؟؟؟؟؟؟؟
اكره شيء اسمه استسلام للأمر الواقع..

السكوت هو اللي خلا المدرسات يسووون الهوايل ........





الإشراف

أختي ياريت تبتعدي عن اللهجات المحلية وتكتبي بالعربية الفصحى حتى يفهم جميع الأعضاء موضوعك

والله انا اشوف انه الاشكال هذي تستاهل اللي يجيها

وما اشوف انك غلطتي هي اللي جابته لنفسها

ليه ايش شايفه البنات قدامها؟؟!!


خليها تتربى قبل ماتربي غيرها

جزاك الله خير اختي ليتني اسلى ..


عطر المدينه .. جزاك الله خير .. شجعتيني شوي ..

والله ضايق صدري.......

بارك الله فيج زين سويتي

اخوي ابو لمى .. صح انا غلطت بالتسرع..

لان المديره مو بعيبده من المعلمه .. يعني حتى هي سلوكها غلط ..

يعني صدر منها تصرفات تعاقب عليها ..

ومنها الضرب المبرح.. ضرب الرأس بالحائط......

وماعندنا موقع لادارة منطقتنا ..

ومافيه احد بيهتم من اهلي او اهالي البنات ..


اممم ان شاء الله استفيد من هالخطأ..

حبيبيتي يمكن تسرعت اشوي بس لاتلومين نفسك والا شي لانك بالاول والاخير ماغلطتي فعلا كيف معلمه اجيال تقول الكلام هذا


وانا لو منك استمر لين اظهر الحقيقه دامها خلاص كلهم عرفوا راح يتسلطوا على اختك وبكل المدارس راح تنتشر السالفه لانك تعرفين على طول شي يخص التعليم يصير مثل النار على العلم



اذا وقفتي عند هالنقطه والمدرسه ماخذت جزاها راح اعتقد انا والله اعلم يصيروا كل المعلمات ينتقمون من اختك وبنت عمك


ان شاء الله مايجي المعلمه شي قوي يمكن بس يجيها تاديب ونقل لمدرسه ثانيه اذا بينت التهمه عليهاااااااااااا




والله يوفقك ويسر امرك وامر جميع المسلمين

انا رحت حفل امهات بنتي

وتفاجات ببنتي

تاشر على معلمه تقول


هذي ياماما تقولنا




ياتيسه ياكلبه ياحماره!!!!!!!!






تفاجات من كلام بنتي




والصراحه مااشتكيت ولا شئ


لاننا نخاف من الشكوى


يصير لنا مثل ماصار لك يااختي




خليهم الله كفيل بهم يلاقونها في حياتهم وفي عيالهم


حسبنا الله

السلام عليكم ورحمه الله وبركاته

انا يا اختى ارى انك فعلا تسرعتي المفروض كنتي تتكلم مع المدرسه في الاول ومن رده فعلها تقدرين تتصرفين وبما انك خلاص بداتي في الموضوع لزم تكملينه لنهايه وعموما المعلمه تستاهل لانه المفروض تكون قدوه لطلبه هي الي بتربي اجيال مو هي الي تعلمهم االفاظ وامثلهاللاسف موجودين في كل المدارس من معلمين ومعلمات الله يهدي الجميع ويعيننا عليهم ..............

طيب سؤال ... هل المعلمة التي اشتكيتيها من نفس جنسية بلدكم ام انها وافدة من بلد عربي؟

بالعكس صدقيني أختي إنتي غلي سويتيه

هو الصح وليت كل الناس إذا شافت شي غلط تشتكي على طول

إحنا ماذبحنا إلى السكوت على الغلط

ولا إيش خلا المدرسين والمدرسات يتمادون بالغلط

بدل مايعلمون الأداب صاروا يعلمون قلت الأدب

الله يوفقك أختي

حمدلله والشكر انتي الحين وش دخلك وان كان اختك تكذب لأن مره طالبه راحت تشتكي معلمه اساءت لها الادب وشهدو جميع الفصل وصارو متفقين عليها بس لاكن ربي كشفهم واسمحي لي انتي تسرعتي ويمكن الكلمه طلعت منها غصب مسكينه ؟؟؟؟؟؟؟؟؟؟


ارسلي ايميل مره ثانيه ووضحي فيه الحقيقه قولي ان اختك اللي قالت لك وانا مدري وش الحقيقه وعالعموم اذا البنت ماودها تعترف فما يحتاج تحلفونها ومن ستر عن مسلما ستر الله عليه

ياختي صاحبة الشأن راضيه انتي ليش تسوين كذا ماعليكم من الناس اعوذ بالله شكلك ماجربتي شطانة الابتدائي الله يصلحهم والواحد يكبر عقله ويثقل ولايتسرع

تقبلي صراحتي

لست على حق كيف تصدقين كلام أطفال بدون ما تتصلي على المعلمة هداك الله

انا اتصلت بالنت وسألتها قالت ايه قالت لي..

واختي بسادس مو صغيره عشان تكذب..

امممم شكرا وجزاكم الله خير على ارائكم..


ان شاء الله اكمل المشوار........

وبكلم الأستاذه..........


طيب شرايكم اسوي يعني الخطوات الجايه؟؟